ევროპის ფონდი აქვეყნებს მასალას, რომელიც ოზურგეთის მუნიციპალიტეტში ბიუჯეტთან დაკავშირებული საკითხების თანამონაწილეობითი პრინციპით გადაწყვეტას ეხება. „გლობალური ინიციატივა ფისკალურ პოლიტიკაში (GIFT) აღიარებს 10 პრინციპს, რომელიც სახელმწიფომ ბიუჯეტირების პროცესში უნდა დაიცვას იმისთვის, რომ მოქალაქეებზე ორიენტირებული ბიუჯეტირება განახორციელოს. ამ პრინციპებიდან ერთ-ერთი მთავარია მდგრადობა“, - ვკითხულობთ მასალაში, - „ოზურგეთის მუნიციპალიტეტში რამდენიმე პოზიტიური მაგალითია, როდესაც ბიუჯეტთან დაკავშირებული საკითხების თანამონაწილეობითი პრინციპით გადაწყვეტა მოხერხდა, რაც ფისკალურ პოლიტიკაში საზოგადოების მონაწილეობის ინსტიტუციონალიზაციას ეხმარება. "პროგრესის სახლის" დამფუძნებელი, მინდია სალუქვაძე საუბრობს საკუთარი ორგანიზაციის გამოცდილებაზე ადგილობრივ თვითმმართველობასთან მუშაობისას და პოზიტიურ შედეგებზე, რაც მოქალაქეებზე აისახა“.  სრულად...  წყარო: გვერდი სოციალურ ქსელში

თბილისი. აღმოსავლეთ პარტნიორობის საჯარო მმართველობის რეფორმის რეგიონული ფონდის ფარგლებში შეიქმნა მონაწილეობითი ბიუჯეტირების გზამკვლევი. იგი მოიცავს ისეთ საკითხებს როგორიცაა მონაწილეობითი ბიუჯეტირების საფუძვლები, არსი, მიზანი და ამოცანები, მეთოდოლოგიის დანერგვის ისტორია, მოდელები , სამართლებრივი რეგულაციები და ა.შ. პუბლიკაცია შეიქმნა პროექტის – მოქალაქეთა თანამონაწილეობა ადგილობრივ ბიუჯეტირებაში – ფარგლებში, გერმანიის საერთაშორისო თანამშრომლობის საზოგადოების (GIZ) და გერმანიის ეკონომიკური განვითარებისა და თანამშრომლობის ფედერალური სამინისტროს (BMZ) მხარდაჭერით. მონაწილეობითი ბიუჯეტირების გზამკვლევი

რაჭა-ლეჩხუმ-ქვემო სვანეთი. ადგილობრივი დემოკრატიის სააგენტო საქართველო აგრძელებს გრანტის, „რაჭა-ლეჩხუმი ქვემო სვანეთის მხარის განვითარების ინიციატივა“, ფარგლებში, შეხვედრას ცაგერისა და ლენტეხის მუნიციპალიტეტის მერიის სამოქალაქო მრჩეველთა საბჭოს წევრებსა და საჯარო მოხელეებთან. შეხვედრაზე განიხილეს ის ძირითადი ინტერმუნიციპალური ინიციატივები, რომელიც. შესაძლებელია, მეზობელ მუნიციპალიტეტებთან ერთად განხორციელდეს.  პროექტი, „რაჭა-ლეჩხუმი ქვემო სვანეთის მხარის განვითარების ინიციატივა“, ხორციელდება გაეროს განვითარების პროგრამის (UNDP) „რეგიონული და ადგილობრივი განვითარების ხელშეწყობა, ფაზა 2“ პროექტის ფარგლებში, შვეიცარიის განვითარების და თანამშრომლობის სააგენტოს (SDC), ავსტრიის განვითარების თანამშრომლობისა (ADC) და საქართველოს მთავრობის მხარდაჭერით.  სრულად...  წყარო: გვერდი სოციალურ ქსელში

გურია. 22 სექტემბერს, ლანჩხუთის ადმინისტრაციულ შენობაში გაიმართა მრგვალი მაგიდის ფორმატის შეხვედრა ადგილობრივი თვითმმართველობისა და გაეროს ქალთა ორგანიზაციის მხარდაჭერით მიმდინარე პროექტის, „ერთობლივი ძალისხმევა ქალთა ეკონომიკური გაძლიერებისთვის საქართველოში“, წარმომადგენელთა მონაწილეობით. შეხვედრაზე სოფლების ჩოჩხათისა და ჩიბათის თვითდახმარების ჯგუფების ქალებმა წარმოადგინეს თავიანთ თემებში მათ მიერ ჩატარებული მოკვლევის შედეგები, რაც თემის პრობლემებისა და საჭიროებების იდენტიფიცირებას ისახავდა მიზნად. პრეზენტაციების შემდეგ გაიმართა ღია დისკუსია ლანჩხუთის მუნიციპალიტეტის მერისა და ადგილობრივი თვითმმართველობის სხვა წარმომადგენლების, თვითდახმარების ჯგუფების ქალების, გაეროს ქალთა ორგანიზაციისა და „ფონდი ტასო“-ს წარმომადგენელთა ჩართულობით. სრულად...  წყარო: taso.publishpath.com

თბილისი. საერთაშორისო გამჭვირვალობა - საქართველოს მიერ მოკვლეული ინფორმაციის თანახმად, თვითმმართველობის არჩევნების შემდეგ იმერეთის მუნიციპალური იურიდიული პირების ხარჯები გაიზარდა. „საქართველოს ხელისუფლება გამოვიდა მცირე ზომის მთავრობის ინიციატივით, რაც, პირველ რიგში, სახელმწიფო ბიუროკრატიის შემცირებას გულისხმობს; ამ ფონზე, კი მუნიციპალური იურიდიული პირების ხარჯები და დასაქმებულთა რაოდენობა იზრდება. იმ პირობებში, როდესაც ადგილობრივი თვითმმართველობები ინფრასტრუქტურული და სოციალური პრობლემების მოსაგვარებლად შესაბამისი ფინანსური სახსრების ნაკლებობას განიცდიან, მიზანშეუწონელია ხარჯების მსგავსი მასშტაბური მატება“, ნათქვამია ორგანიზაციის ვებგვერდზე. სრულად... წყარო: transparency.ge

დღეს, IDFI-ის გუნდმა, USAID/Georgia-ს, GGI Georgia-ს, თელავის მუნიციპალიტეტის მერიისა და ადგილობრივი არასამთავრობო ორგანიზაციების წარმომადგენლებთან ერთად, ონლაინ შეხვედრა გამართა... შეხვედრის მიზანს წარმოადგენდა თელავის მუნიციპალიტეტის მერიის გამჭვირვალობისა და კეთილსინდისიერების სტრატეგიისა და სამოქმედო გეგმის სამუშაო ვერსიების განხილვა სამოქალაქო საზოგადოების წარმომადგენლებთან. სრულად...  წყარო: გვერდი სოციალურ ქსელში

თბილისი. COVID-19-ის წინააღმდეგ ბრძოლის საუკეთესო პრაქტიკების გამოცდილების გაზიარების მიზნით, საქართველოსა და აზერბაიჯანის მუნიციპალიტეტებს შორის ონლაინფორუმი გაიმართა. ვიდეოშეხვედრა საქართველოს ადგილობრივ თვითმმართველობათა ეროვნულმა ასოციაციამ, გაეროს განვითარების პროგრამის (UNDP), ასევე ავსტრიის განვითარების და თანამშრომლობის ორგანიზაციისა და შვეიცარიის განვითარებისა და თანამშრომლობის სააგენტოს ხელშეწყობით მოაწყო.  ფორუმეზე, საქართველოსა და აზერბაიჯანის ადგილობრივი თვითმმართველობების წარმომადგენლებმა, საკუთარ მუნიციპალიტეტებში არსებული ვითარების შესახებ ისაუბრეს და, პანდემიასთან ბრძოლის გამოცდილების გაზიარების გარდა, COVID-19-ით შექმნილი ეკონომიკური გამოწვევების ფონზე გატარებული და დაგეგმილი ღონისძიებების თაობაზე იმსჯელეს. სრულად  წყარო: გვერდი სოციალურ ქსელში

სამეგრელო-ზემო სვანეთი. 28 ივლისს, სამშაბათს, 17 საათზე, „დემოკრატიული ჩართულობის ცენტრების ქსელის“ ზუგდიდის ოფისის ორგანიზებით, გაიმართება ონლაინ-პრეზენტაცია - „ახალგაზრდული ბიუჯეტი, ახალგაზრდული იდეები და ინიციატივები“. როგორ ახორციელებს ახალგაზრდულ პოლიტიკას ზუგდიდის მუნიციპალიტეტის ადგილობრივი თვითმმართველობა, როგორია ახალგაზრდების ჩართულობის დონე და ხარისხი აქტიურ საზოგადოებრივ ცხოვრებაში, რამდენად არის მხარდაჭერილი ახალგაზრდული იდეები და ინიციატივები და როგორ ხდება წარმატებული პროექტების შესახებ საზოგადოების ინფორმირებულობა - ამ და სხვა საკითხებზე ახალგაზრდებთან ერთად დისკუსიას გამართავენ ზუგდიდის მუნიციპალიტეტის ადგილობრივი თვითმმართველობის წარმომადგენლები. შეხვედრას შეგიძლიათ შემოუერთდეთ ზუმის საშუალებით  სრულად  წყარო: გვერდი სოციალურ ქსელში

ევროკავშირის დაფინანსებით, საპილოტე რეგიონების ინტეგრირებული განვითარების პროგრამის ფარგლებში, პირველ მუნიციპალიტეტებს 5 მილიონი ლარი გადაეცა... საქართველოს მთავრობამ, ევროკავშირის დაფინანსებით, საპილოტე რეგიონებს - კახეთი, იმერეთი, გურია, რაჭა-ლეჩხუმ-ქვემო სვანეთი - ინტეგრირებული განვითარების მხარდამჭერი პროგრამის ფარგლებში, ადგილობრივი ინფრასტრუქტურისა და ბიზნესის განვითარებისთვის, 11 მუნიციპალიტეტს 5 მილიონი ლარის გრანტი გადასცა. ეს გრანტები მთავრობის 220 მილიონი ლარის საპილოტე რეგიონების ინტეგრირებული განვითარების საგრანტო პროგრამის ნაწილია, სადაც 186 მილიონი ლარი ევროკავშირის დაფინანსება იქნება. პროგრამის მიზანია ხელი შეუწყოს დაბალანსებულ ტერიტორიულ განვითარებას და რეგიონებში მოსახლეობის ცხოვრების პირობების და სტანდარტების გაუმჯობესებას, ინკლუზიური და მდგრადი სოციალურ-ეკონომიკური ინიციატივების განხორციელების გზით.  სრულად   წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოების (ISFED) ინფორმაციით, ადგილობრივი თვითმმართველობის ორგანოების ნაწილი ოფიციალური „ფეისბუქ“ გვერდების გამოყენებით 2020 წლის აპრილიდან მმართველი პარტიის სასარგებლო კამპანიაში ჩაერთო. მმართველი პარტიის გარდა, ცალკეული მუნიციპალიტეტები საქართველოს პარლამენტის მაჟორიტარი დეპუტატების სასარგებლო კამპანიაშიც არის ჩართული. სრულად... წყარო: isfed.ge

თბილისი. საერთაშორისო გამჭვირვალობა - საქართველოს დაკვეთით ჩატარებული საზოგადოებრივი კვლევის თანახმად, მოსახლეობის უმრავლესობა (75%) მიიჩნევს, რომ მუნიციპალიტეტების საჭირბოროტო საკითხების მოსაგვარებლად უფრო მეტი უფლებამოსილება უნდა გააჩნდეს ადგილობრივ თვითმმართველობას. „მოქალაქეების დიდ უმრავლესობას მოსწონს მათ დასახლებულ პუნქტებში ელექტროენერგიით, გაზითა და წყლით მომარაგების საკითხები, თუმცა ეს საკთხები აღარ არის მუნიციპალური სამსახურების მოსაგვარებელი. ადგილობრივი თვითმმართველობის კომპეტენციიდან მოქალაქეები ყველაზე მეტად ნაგვის შეგროვებითა და დასუფთავების სერვისითა არიან კმაყოფილი, ყველაზე მეტად უკმაყოფილო კი - პარკებისა და სკვერების მოწყობით, გამწვანებითა და მიუსაფარი ცხოველების პრობლემების მოგვარებით“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. საერთაშორისო გამჭვირვალობა - საქართველოს ინფორმაციით, საქართველოს პარლამენტი განიხილავს ცვლილებებს ადგილობრივ თვითმმართველობის კოდექსში, რომლითაც მუნიციპალიტეტებს საჯარო სამართლის იურიდიული პირების (სსიპ) შექმნის უფლება ეძლევათ. ორგანიზაცია თვლის, რომ კანონმდებლობის რეფორმის გარეშე მუნიციპალიტეტებისთვის სსიპ-ების შექმნის უფლების მინიჭება მიზანშეუწონელია. სრულად...  წყარო: transparency.ge

შიდა ქართლი. გორის მუნიციპალიტეტის საკრებულომ მუნიციპალიტეტის პროექტების თანადაფინანსების პროგრამების განხორციელების წესები დაამტკიცა და პროაქტიულად გამოსაქვეყნებელი ინფორმაციის ნუსხა გაიზარდა. ცვლილებები გატარდა პროექტის - „ადვოკატირება ეფექტური მონაწილეობისთვის“ ფარგლებში, რომელსაც, NDI საქართველოსა და USAID-ის ფინანსური მხარდაჭერით, გორის საინფორმაციო ცენტრი და სამოქალაქო საზოგადოების ინსტიტუტის გორის ოფისი ახორციელებენ.  გორის მუნიციპალიტეტის პროექტებისა და ინიციატივების თანადაფინასების მოქმედ პროგრამებში არსებული ხარვეზები პროექტის დაწყებისას ჩატარებული თვისებრივი კვლევის შედეგად გამოვლინდა. აღმოჩნდა, რომ არ არსებობდა ერთიანი წესები, რომელიც უზრუნველყოფდა პროეტების განხორციელებაში მოსახლეობის მონაწილეობის გაზრდას და თანადაფინანსების პროცესების გამჭვირვალობას უზრუნველყოფდა.  აღსანიშნავია, რომ ეს არის გორის მუნიციპალიტეტის პირველი ლობისტი ქალის წარმატება - სამოქალაქო საზოგადოების ინსტიტუტის გორის ფილიალის ხელმძღვანელი, დარეჯან მურადაშვილი და გორის საინფორმაციო ცენტრის ხელმძღვანელი, მიხეილ ჩიტაძე, გორის მუნიციპალიტეტის საკრებულოში, ლობისტებად, ინიცირებული სამართლებრივი აქტების პროექტების ლობირებისთვის დარეგისტრირდნენ. სრულად წყარო: გვერდი სოციალურ ქსელში

დაკო მურადაშვილი პროექტის „ადვოკატირება ეფექტური მონაწილეობისთვის“ ფარგლებში გორის მუნიციპალიტეტის საკრებულოში პირველი რეგისტრირებული ქალი ლობისტია.  „პროექტი გორის საინფორმაციო ცენტრთან ერთად ხორციელდება და მიზნად ისახავს მუნიციპალურ დონეზე თანადაფინანსების მექანიზმების გამარტივებას. შედეგად ადგილობრივ მოსახლეობას ექნება მეტი შესაძლებლობა, ჩაერთოს და მოაგვაროს მათ თემში არსებული პრობლემები“. სრულად... წყარო: NDI Georgia-ს გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პოლიტიკის დოკუმენტს: ეთნიკური უმცირესობების პოლიტიკური მონაწილეობის გაძლიერება მარნეულის მუნიციპალიტეტში. „წარმოდგენილი პოლიტიკის დოკუმენტი მიზნად ისახავს, აღწეროს მარნეულში ეთნიკური უმცირესობების პოლიტიკური მონაწილეობის გამოწვევები და მუნიციპალიტეტს შესთავაზოს რეკომენდაციები, რომლებიც გაზრდიდა უმცირესობების ჩართულობას გადაწყვეტილების მიღების პროცესში და მათ წარმომადგენლობას თვითმმართველობის დონეზე. დოკუმენტის ადრესატია მარნეულის ადგილობრივი ხელისუფლება, ის ეთნიკური უმცირესობების პოლიტიკური მონაწილეობის გაზრდის მიზნით უფრო სისტემურ კონსტიტუციურ და პოლიტიკურ საკითხებს არ ეხება“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) მარნეულის მუნიციპალიტეტში სოფლის მხარდაჭერის პროგრამის ფარგლებში ჩატარებული დასახლების საერთო კრებების პრაქტიკას აფასებს. ორგანიზაციას მიაჩნია, რომ ადგილობრივი დემოკრატიის ყველაზე მონაწილეობით და უშუალო მექანიზმს მუნიციპალიტეტი მოჩვენებითად იყენებს და ის ნაკლებად უწყობს ხელს ადგილობრივი თემის რეალურ დემოკრატიულ ორგანიზებასა და თემის მიერ გადაწყვეტილებების მიღებას. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაციამ (საია) და მშვიდობის, დემოკრატიის და განვითარების კავკასიურმა ინსტიტუტმა (CIPDD) ადგილობრივი თვითმმართველობების საჭიროებების განსაზღვრის მიზნით კონფერენცია ჩაატარა.  „კონფერენციაზე განიხილეს ადგილობრივი თვითმმართველობებისა და არასამთავრობო სექტორის თანამშრომლობის გამოცდილება და პერსპექტივები. ინტერაქტიული მსჯელობის შედეგად გამოიკვეთა და განისაზღვრა ის პრობლემატური საკითხები და საჭიროებები, რომელიც ადგილობრივი თვითმმართველობის დონეზე არსებობს“, ნათქვამია ორგანიზაციის ვებგვერდზე. სრულად... წყარო: gyla.ge

აჭარა. ევროკავშირის მიერ მხარდაჭერილი პროექტის „სოფლის განვითარებისა და დივერსიფიკაციის ხელშეწყობა ხულოს მუნიციპალიტეტში“ ფარგლებში, რომელსაც ახორციელებს ჩეხეთის რესპუბლიკის კარიტასი საქართველოში (CCRG), გამოცხადებული სოფლის განვითარების მეორე საგრანტო კონკურსის შედეგები გამოცხადდა.  საგრანტო ბიუჯეტის შეზღუდვებისა და საგრანტო კომიტეტის გადაწყვეტილების საფუძველზე გასაუბრება წარმატებით გაიარა 45-მა პროექტმა. გამარჯვებული პროექტები პრიორიტეტული მიმართულებების მიხედვით გადანაწილდა შემდეგნაირად: ტურიზმი სოფლად – 9; სოფლის მეურნეობა – 11; ;;; სოციალური და კომუნალური ინფრასტრუქტურა – 1;  კულტურა,ჯანმრთელობა, განათლება, სპორტი და ახალგაზრდობა – 4; არასასოფლო სამეურნეო საქმიანობები – 20. სრულად...  წყარო: http://enpard.ge

ქვემო ქართლი. მარნეულის რაიონში ახალგაზრდულ იდეას ერთ-ერთი ყველაზე აქტიური კომიტეტი ჰყავს. კომიტეტის წევრებთან ერთად, აქტიურობენ პროექტის ავტორებიც, ანუ ახალგაზრდები, რომლებიც იდეებს პროექტებად აქცევენ და კომიტეტთან ერთად მუშაობენ, რომ ადგილობრივ თემს რეალური სარგებელი მოუტანონ. ამ პროცესს ევროპის ფონდი ახალგაზრდების ინტეგრაციის პროგრამის ფარგლებში ეხმარება. წელს მარნეულის რეგიონის ახალგაზრდებმა სოფელ მარადისის სკოლის ტერიტორიაზე ახალი პრეცედენტი შექმნეს - ააშენეს სათბური, რომელიც რეალურ შემოსავალს იძლევა. სრულად...  წყარო: http://www.epfound.ge

გურია. 19 დეკემბერს ახალგაზრდა პედაგოგთა კავშირის ლიდერა სკოლის მოსწავლეებმა გამართეს კონფერენცია - „ჯანსაღი ცხოვრების წესი სკოლებში“. კონფერენციის მიზანი იყო მოზარდის ფიზიკური, ფსიქოლოგიური და სოციალური უსაფრთხოების საკითხების სხვადასხვა კონტექსტში გაანალიზება, პრობლემების განხილვა ადგილობრივი თვითმმართველობისა და სხვა პასუხისმგებელი უწყებების წარმომადგენლების წინაშე, რათა არსებული საჭიროებები შესაბამისი კომპეტენცის ფარგლებში იქნას გათვალისწინებული. სრულად...  წყარო: გვერდი სოციალურ ქსელში

ქვემო ქართლი. მარნეულის მერიის მიერ გაკეთებული საქმიანობის ანგარიშის თაობაზე, ადამიანის უფლებების სწავლებისა და მონიტორინგის ცენტრი (EMC) განცხადებას ავრცელებს.  „2019 წლის 18 დეკემბერს მარნეულის მერიამ საზოგადოებას 2019 წლის საქმიანობის ანგარიში წარუდგინა. იმის გამო, რომ მერმა ვერ შეძლო ანგარიშის პირადად წარდგენა, საზოგადოებას დოკუმენტი მისმა მოადგილემ, ლაშა ლობჟანიძემ გააცნო. შეხვედრის ფარგლებში მერის მოადგილის მიერ გაკეთებულმა საჯარო განცხადებებმა გამოავლინა, რომ ადგილობრივი ხელისუფლების ადმინისტრაციას სათანადოდ არ აქვს გააზრებული ეთნიკური უმცირესობების წინაშე მდგარი სოციალური, პოლიტიკური და კულტურული გამოწვევები და არც მათი უფლებების დაცვის საერთაშორისო სტანდარტები ესმის სათანადოდ“, - ნათქვამია განცხადებაში.  სრულად...  წყარო: https://emc.org.ge

სამცხე-ჯავახეთი. საერთაშორისო გამჭვირვალობა - საქართველოს სამოქალაქო საბჭოების წევრებმა ახალციხესა და მიმდებარე 13 სოფელში 30-მდე ინფრასტრუქტული პრობლემა/საჭიროება გამოავლინეს.  სოფლების დიდ ნაწილში პრობლემურია შიდა საუბნო გზების, სანიაღვრე არხების არსებული მდგომარეობა, გარეგანათებისა და სასმელი და სარწყავი წყლის სისტემების გაუმართაობა, ახალციხესთან დამაკავშირებელ გზაზე კლდოვანი მასიდან ქვათა ცვენა და ა.შ. ქალაქის ნაწილში კი ქვეითთა გადასასვლელები და ტროტუარებია გასაახლებელი, ზოგან კი მოსაწყობი; დასანიშნია მუნიციპალური ტრანსპორტი ქალაქის რამდენიმე უბანში, ბევრგან საზოგადოებრივი ტრანსპორტის მოსაცდელია დასამონტაჟებელი.  სრულად...  წყარო: https://www.transparency.ge