სამცხე-ჯავახეთი. „საერთაშორისო გამჭვირვალობა-საქართველოს“ ადვოკატირების შედეგად, ახალციხის მუნიციპალიტეტის მერიამ ვალეში 4 წლის წინ დაზიანებული სარწყავი არხის აღსადგენად პროექტის მომზადება დაიწყო, უშუალოდ სარეაბილიტაციო სამუშაოები კი - 2020 წლის გაზაფხულზე დაიწყება.  სრულად...  წყარო: ორგანიზაციის გვერდი სოციალურ ქსელში

თბილისი. დღეს, ფონდ „ღია საზოგადოება - საქართველოს“ საზოგადოებრივმა ორგანიზაცია „მწვანე ალტერნატივამ" კლევის - „ზემო სვანეთში, იდლიანის, ხაიშის, ჭუბერისა და ნაკრას თემების ტერიტორიაზე დაცული ტერიტორიის შექმნის შესაძლებლობის შეფასება" - პრეზენტაცია გამართა.  კვლევაში მიმოხილულია ზემო სვანეთში იდლიანის, ხაიშის, ჭუბერისა და ნაკრას ტერიტორიაზე დაცული ტერიტორიების შექმნის შესაძლებლობები; შეფასებულია ის, თუ რამდენად არის შესაძლებელი არსებული გარემოსდაცვითი, სოციალური და ეკონომიკური პრობლემების გადაწყვეტა დაცული ტერიტორიის მეშვეობით; ასევე - რომელი კატეგორიის დაცული ტერიტორიის შექმნა იქნება უფრო მისაღები გარემოსდაცვითი, სოციალური და ეკონომიკური თვალსაზრისით.  კვლევა მომზადებულია აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში, რომელსაც ადამიანის უფლებების სწავლებისა და მონიტორინგის ცენტრი (EMC) ახორციელებს.  სრულად...  წყარო: https://emc.org.ge

მცხეთა-მთიანეთი. 14 სექტემბერს, ყაზბეგის მუნიციპალიტეტის სოფელ გაიბოტენში ყაზბეგის ადგილობრივი განვითარების ჯგუფის, საზოგადოებრივი ორგანიზაცია “ლომეკის” და სტეფანწმინდის ისტორიული მუზეუმის ორგანიზებით გაიმართა ფესტივალი -„გაიბოტნობა“, რომელიც ისტორიული სოფლის - გაიბოტენის აღდგენა−რეაბილიტაციის იდეას მიეძღვნა. ფესტივალზე მოსულმა სტუმრებმა დაათავლიერეს ფოტო-გამოფენა, სადაც წარმოდგენილი იყო გაიბოტენის სიძველეების შესახებ სტეფანწმინდის ისტორიულ მუზეუმში დაცული ვიზუალური მასალა და მოხეური ყოფის ამსახველი საარქივო ფოტოები; მოუსმინეს ქალთა ფოლკლოლურ ანსამბლ „დიდებაის“, გოგონათა ანსამბლ „მზე შინასა“ და ბავშვთა ფოლკლორულ ანსამბლ „კარიბჭეს“; გაიმართა შეჯიბრი მკლავჭიდსა და ბაგირის გადაწევაში, ხატვაში - ბავშვებს შორის. ფესტივალზერ წარმოდგენილი იყო ძველი კუთხური თამაშობები, კუთხური სამზარეულო და ხინკლის მასტერკლასი, მოეწყო ხელნაკეთი ნივთების გამოფენა-გაყიდვა. სრულად  წყარო: გვერდი სოციალურ ქსელში

მცხათა-მთიანეთი. ბულაჩაურის მწვანე ცენტრში, ქალთა საერთაშორისო ასოციაციის წევრები ევროკავშირის მიერ მხარდაჭერილი ახალგაზრდა ლიდერებისა და ინოვატორების მწვანე ბანაკის მონაწილეებს შეხვდნენ.  შეხვედრის ფარგლებში, სტუმრებმა ბანაკის მონაწილეებს თავიანთი გამოცდილება გაუზიარეს და ისაუბრეს გარემოს დაცვის, ტექნოლოგიების განათლებისა და კარიერული წინსვლის შესახებ. მწვანე ბანაკის მონაწილეებმა სტუმრებს თავიანთ თემში არსებული პრობლემები და მათი აღმოფხვრისთვის შემუშავებული სამომავლო ხედვები გააცნეს. შეხვედრისას ასოციაციის წევრმა, საქართველოში ევროკავშირის ელჩის კარლ ჰარცელის მეუღლემ, მეტე ჰარცელმა ბანაკის მონაწილეებს სიტყვით მიმართა და ელჩის მიერ გამოგზავნილი წერილი წაუკითხა.  სრულად…  წყარო: http://enpard.ge

კახეთი. კახეთის რეგიონალური განვითარების ფონდისა და მათი სათემო მუშაკებისთვის, გენდერული ბიუჯეტირების საკითხებთან დაკავშირებით, ფონდმა „ტასომ“, ახმეტაში, საკონსულტაციო შეხვედრა გამართა. შეხვედრის შედეგად, ადგილიბრივ თვითმმართველობისთან თანამშრომლობით, ადგილობრივ პროგრამებსა და ბიუჯეტებში ქალთა საჭიროებების ინტეგრირება იგეგმება.  პროექტი „ქალთა ეკონომიკური გაძლიერება სოციალური მობილიზაციისა და შესაძლებლობათა განვითარების გზით”, გაეროს ქალთა ორგანიზაციის მხარდაჭერით ხორციელდება.  სრულად  წყარო: გვერდი სოციალურ ქსელში

სამეგრელო. „საერთაშორისო გამჭვირვალობა - საქართველოს“ ორგანიზებით, 12-13 ივლისს, ფოთში არასამთავრობო ორგანიზაციების წარმომადგენლებსა და სამოქალაქო აქტივისტებს ტრეინინგი ჩაუტარდათ. „ტრეინინგი შეეხებოდა თვითმმართველობის უფლებამოსილებებსა და შესაძლებლობებს, მოქალაქეთა ჩართულობის მექანიზმებს, ასევე სახელმწიფო უწყებების და ჩვენი ორგანიზაციის მიერ შექმნილი საინფორმაციო ბაზების ღია მონაცემების გამოყენებას და დამუშავებას“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში თვითმმართველობა

თბილისი. დღეს, სასტუმრო „რუმსში“ გაიმართა სამუშაო შეხვედრა თემაზე – „საქართველოს რეგიონებში განსახორციელებელი პროექტების ფონდისა და საქართველოს რეგიონული განვითარების სამთავრობო კომისიის სამუშაო მექანიზმები“. ღონისძიება გაიმართა ევროკავშირის მიერ დაფინანსებული პროექტის - „რეგიონების მხარდაჭერა მდგრადი განვითარებისთვის“ (ARSD) ფარგლებში და მიეძღვნა რეგიონებში განსახორციელებელი პროექტების ფონდისა და რეგიონული განვითარების სამთავრობო კომისიის სამუშაო მექანიზმების გამოწვევებისა და მათი გაუმჯობესების გზების განხილვას, კონსულტაციისა და ტრენინგის ცენტრის (CTC) მიერ მომზადებული კვლევის შედეგებზე დაყრდნობით.  სრულად  წყარო: გვერდი სოციალურ ქსელში

იმერეთი. 4 ივლისს, ადგილობრივი დემოკრატიის სააგენტო საქართველომ ზესტაფონის მუნიციპალიტეტში, წარადგინა პროექტის „ინკლუზიური დიალოგი-ეფექტური სოციალური პოლიტიკისთვის“ პრეზენტაცია. მისი მიზანია უზრუნველყოს იმერეთის მხარის ზესტაფონისა და ბაღდათის მუნიციპალიტეტებში სოციალური მომსახურების მიწოდების სისტემის გაუმჯობესება და ინკლუზიური თანამშრომლობითა და ადგილობრივ თვითმმართველობასთან დიალოგის გზით უკეთესი და საჭიროებაზე ორიენტირებული სოციალური პოლიტიკის შემუშავება. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო განვითარების სააგენტო (CIDA) „პარტნიორობა ადგილობრივი განვითარებისათვის“ ფარგლებში, შეხვედრებს მართავს საქართველოს რეგიონებში. „შეხვედრები საინფორმაციო ხასიათისაა და ადგილობრივი თვითმმართველობის, ბიზნესისა და სამოქალაქო ორგანიზაციების წარმომადგენლების აქტიური ჩართულობით ტარდება.  შეხვედრის მონაწილეები განიხილავენ ადგილობრივ გამოწვევებს და მისი გადაჭრის შესაძლებლობებს, მსჯელობენ სამომავლო პარტნიორობაზე და ადგილობრივი გარემოს გაუმჯობესებისთვის საჭირო აქტივობებზე. რუსთავისა და თელავის გარდა, შეხვედრები დაგეგმილია ზუგდიდში, მესტიასა და ბათუმში“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

იმერეთი. 3 ივლისს ა(ა)იპ ადგილობრივი დემოკრატიის სააგენტო საქართველომ ბაღდათის მუნიციპალიტეტში, წარადგინა პროექტ „ინკლუზიური დიალოგი-ეფექტური სოციალური პოლიტიკისთვის“ პრეზენტაცია.  „მისი მიზანია უზრუნველყოს იმერეთის მხარის ზესტაფონისა და ბაღდათის მუნიციპალიტეტებში სოციალური მომსახურების მიწოდების სისტემის გაუმჯობესება და ინკლუზიური თანამშრომლობითა და ადგილობრივ თვითმმართველობასთან დიალოგის გზით უკეთესი და საჭიროებაზე ორიენტირებული სოციალური პოლიტიკის შემუშავება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 2019 წლის 2 ივლისს, ინფორმაციის თავისუფლების განვითარების ინსტიტუტის (IDFI), კონსულტაციისა და ტრენინგის ცენტრის (CTC) და მმართველობითი სისტემების განვითარების ცენტრის (MSDC) წარმომადგენლებმა ადგილობრივი თვითმმართველობის ინდექსის მიხედვით მომზადებული მუნიციპალიტეტების 2019 წლის შეფასების შედეგები წარმოადგინეს, ორგანიზაციებმა, ასევე, გამჭვირვალობის რეიტინგის პირველ ხუთეულში შემავალი მუნიციპალიტეტები დააჯილდოეს. ამ ინიციატივის ფინანსური მხარდამჭერია ღია საზოგადოების ფონდი (OSGF). „საქართველოს მუნიციპალიტეტების გამჭვირვალობისა და ანგარიშვალდებულების საშუალო შედეგი, 2019 წელსაც დაბალია - 28%. მერიების საშუალო შედეგია - 25%, ხოლო საკრებულოების კი 31%“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საერთაშორისო გამჭვირვალობა - საქართველოს ინფორმაციით, აჭარის მუნიციპალიტეტების - ბათუმის, ქედის, ქობულეთის, ხელვაჩაურის, ხულოსა და შუახევის საკრებულოებში 2017-2018 წლებში, 2014-2016 წლებთან შედარებით, ფრაქციათა და ფრაქციების ინიციატივათა რაოდენობა შემცირდა.  „ამასთან, წარდგენილი ინიციატივების უმრავლესობა ეხება არა მუნიციპალური სერვისების გაუმჯობესებასა და თვითმმართველობის აღმასრულებელი ორგანოების მუშაობის კონტროლის გაძლიერებას, არამედ უმეტესწილად ადმინისტრაციული მნიშვნელობის საკითხებს. ჩატარებულმა კვლევამ ცხადჰყო, რომ 2017 წლის ბოლოს განხორციელებულ საკანონმდებლო ცვლილებას, რომლის შედეგად ფრაქციის თავმჯდომარის მოადგილეობა ანაზღაურებადი თანამდებობა გახდა და რასაც, როგორც პარლამენტის უმრავლესობაში ვარაუდობდნენ, ფრაქციების გააქტიურება უნდა მოჰყოლოდა, დადებითი შედეგები არ მოუტანია - პირიქით, ფრაქციების ინიციატივების რიცხვმა იკლო, რაც ცალსახად უარყოფითი ტენდენციაა”, ნათქვამია ორგანიზაციის ვებგვერდზე. სრულად... წყარო: www.transparency.ge

სამეგრელო. 28 ივნისს, ზუგდიდის აგროსახლში ჩატარდა ტრენინგი „ქალთა როლი ადგილობრივი თვითმართველობის საქმიანობაში“, რომელშიც მონაწილეობა მიიღეს სენაკის, მარტვილის, აბაშის, ხობის, ჩხოროწყუს, ზუგდიდის ქალთა სათემო ჯგუფებისა და ორგანიზაციების წარმომადგენლებმა.  „შეხვედრაში მონაწილეობა მიიღო ზუგდიდის მუნიციპალიტეტის მერიის სოციალური და ჯანდაცვის სამსახურის უფროსმა ნინო სხულუხიამ, რომელმაც გაუზიარა ტრენინგის მონაწილეებს ინფორმაცია ზუგდიდის მუნიციპალიტეტის გენდერული საბჭოს საქმიანობისა და მუნიციპალური პროგრამების შესახებ. შეხვედრას უძღვებოდნენ ქალთა საინფორმაციო ცენტრის დირექტორი, ელენე რუსეცკაია და გენდერის ექსპერტი, მამუკა გაჩეჩილაძე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

იმერეთი. თერჯოლაში გაიმართა შეხვედრა თემაზე - დეცენტრალიზაციის რეფორმა საქართველოში, სტრატეგია და გამოწვევები. „შეხვედრის მიზანი გახლდათ, დაინტერესებულ ჯგუფებს ემსჯელათ რეგიონის განვითარების გამოწვევებსა და პერსპექტივებზე, განეხილათ სხვადასხვა დაინტერსებულ მხარეს შორის (ხელისუფლება, სამოქალაქო საზოგადოების ორგანიზაციები, ბიზნესი, აკადემიური წრეები) თანამონაწილეობისა და თანამშრომლობის მექანიზმები“, ნათქვამია ადგილობრივი დემოკრატიის სააგენტო - საქართველოს გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

კახეთი. 15 ივნისს, ადამიანის უფლებების სწავლებისა და მონიტორინგის ცენტრმა (EMC) პანკისში სამუშაო შეხვედრა გამართა, რომელიც სათემო ცხოვრების იდეას უკავშირდებოდა. „შეხვედრაში მონაწილეობდნენ პანკისისა და მარნეულის კრიტიკული პოლიტიკის სკოლების სტუდენტები, ასევე, თეთრიწყაროს, ნუკრიანის, წნორის და ხულდარას სათემო ცენტრების დამფუძნებლები, რომლებმაც ახალგაზრდა აქტივისტებს საკუთარი გამოცდილება გაუზიარეს”, ნათქვამია ორგანიზაციის ვებგვერდზე. სრულად... წყარო: emc.org.ge

იმერეთი. „საერთშორისო გამჭვირვალობა - საქართველოს" (TI) ცნობით, იმერეთის მუნიციპალიტეტების უმრავლესობა დელეგირებული უფლებამოსილებების შესასრულებლად თანხას საკუთარი შემოსავლებიდან ხარჯავს.  „ფინანსები, რომელიც ცენტრალური ხელისუფლების მიერ დელეგირებული უფლებემოსილებებისთვის მიზნობრივი ტრანსფერების სახით მუნიციპალიტეტებს გადაეცემათ, ხშირ შემთხვევაში, არასაკმარისია და თვითმმართველობებს დამატებით საკუთარი შემოსავლების მობილიზება უწევთ", - აღნიშნულია TI-ის მიერ გავრცელებულ ინფორმაციაში.  სრულად... წყარო: ორგანიზაციის ვებგვერდი

კახეთი. ევროკავშირის მხარდაჭერით დედოფლისწყაროს განვითარების ჯგუფის საბჭოს წევრებს და პროექტების შერჩევის კომისიის წარმომადგენლებს პროექტის ციკლის მართვის ტრენინგი ჩაურატდათ. ტრენინგის განმავლობაში მონაწილეებს აუმაღლდათ ცოდნა და უნარები შემდეგი მიმართულებებით: სიტუაციური ანალიზის განხორციელება; ინტერვენციის მიზნების განსაზღვრა და სტრატეგიული მიმართულების იდენტიფიკაცია; პროექტის დიზაინი, პროექტის დაგეგმარება; სხვადასხვა დონის ინდიკატორების შემუშავება; რესურსების განაწილება, ბიუჯეტირება და პროექტის მონიტორინგი; ანგარიშგება და პროექტის დახურვა.  სრულად... წყარო: enpard.ge

იმერეთი. LDA Georgia - ადგილობრივი დემოკრატიის სააგენტო საქართველომ გამართა სამოქალაქო საზოგადოების რეგიონული ფორუმი, რომლის მთავარი მიზანი გახლდათ დონორთა და პოტენციური დამფინანსებლების მოზიდვა და იმერეთის მხარის სამოქალაქო საზოგადოების გაძლიერება. ფორუმში მონაწილეობა მიიღეს იმერეთის მხარის 12-ვე მუნიციპალიტეტის ადგილობრივი თვითმმართველობის, სამოქალაქო საზოგადოების, მედიისა და დონორი ორგანიზაციების წარმომადგენლებმა. სამოქალაქო საზოგადოების რეგიონული ფორუმი ორგანიზებული იყო ადგილობრივი დემოკრატიის სააგენტო საქართველოს მიერ, პროექტ "სამოქალაქო საზოგადოების განვითარების ინიციატივის" ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), ტრენინგის და კონსულტაციის ცენტრთან (CTC), საქართველოს სტრატეგიული კვლევის და განვითარების ცენტრთან (CSRDG) და განათლების, განვითარების და დასაქმების ცენტრთან (EDEC) პარტნიორობით. წყარო: გვერდი სოციალურ ქსელში

თბილისი. საერთაშორისო გამჭვირვალობა - საქართველო აგრძელებს ორგანიზაციის მიერ „კავკასიის კვლევით რესურსების ცენტრისთვის" დაკვეთილი კვლევის შედეგების გამოქვეყნებას ბლოგპოსტების სახით. „გამოკითხული მოქალაქეების დაახლოებით მეოთხედი ფიქრობს, რომ 2017 წელს არჩეული მერები და საკრებულოები მოქალაქეების ინტერესებს არ გამოხატავენ. 2 087 რესპოდენტის გამოკითხვა „საერთაშორისო გამჭვირვალობა - საქართველოს” დაკვეთით, „კავკასიის კვლევითი რესურსების ცენტრმა” 2019 წლის 20 თებერვლიდან 5 მარტის ჩათვლით ჩაატარა და მისი ცდომილება 2.3%-ს შეადგენს. რესპონდენტების მხოლოდ 33% მიიჩნევს, რომ მერი საქმიანობის დროს მოქალაქეთა ინტერესებს ეყრდნობა, საპირისპირო მოსაზრება აქვს გამოკითხულთა 25%-ს”, ნათქვამია ბლოგპოსტში. სრულად... წყარო: www.transparency.ge

LDA Georgia - ადგილობრივი დემოკრატიის სააგენტო საქართველომ, პროექტის „მოქალაქეთა ინიციატივა ანგარიშვალდებული თვითმმართველობისათვის" დასკვნითი კონფერენცია გამართა. შეხვედრის მიზანი იყო პროექტის ფარგლებში გამოკვეთილი საჭიროებების შეჯამება, მიღწეული შედეგებისა და იმ გამოწვევების შეფასება, რომელიც ბაღდათისა და ზესტაფონის მუნიციპალიტეტებში გამოიკვეთა. სრულად... წყარო: ორგანიზაციის გვერდი სოციალურ ქსელში

<div style="text-align: justify;"><span style="font-weight: bold;">თბილისი. </span>საერთაშორისო გამჭვირვალობა - საქართველოს ინფორმაციით, მთავრობას ადგილობრივი თვითმმართველობებისთვის უძრავი ქონება ჯერ კიდევ არ გადაუცია.</div> <div style="text-align: justify;">„ადგილობრივი თვითმმართველობის კოდექსის” 162-ე მუხლის თანახმად, საქართველოს იუსტიციის, რეგიონული განვითარებისა და ინფრასტრუქტურის, ეკონომიკისა და მდგრადი განვითარების და ფინანსთა სამინისტროებს 2017 წლის 1 იანვრამდე უნდა შეემუშავებინათ მუნიციპალიტეტებისთვის სასოფლო-სამეურნეო დანიშნულების მიწების გადაცემის ვადების ამსახველი შესაბამისი გრაფიკი და წესი, დასამტკიცებლად კი საქართველოს მთავრობასთვის წარედგინათ, თუმცა აღნიშნული ვალდებულება სამინისტროებს დღემდე არ შეუსრულებიათ.</div> <div style="text-align: justify;">შესაბამისად, მუნიციპალიტეტების ტერიტორიაზე სახელმწიფო უფრო მეტ უძრავ ქონებას ფლობს, ვიდრე თვითმმართველობა. საილუსტრაციოდ წარმოგიდგენთ ზუგდიდის მაგალითს", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/mtavrobas-adgilobrivi-tvitmmartvelobebistvis-uzravi-koneba-jer-kidev-ar-gadaucia" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div><br /> </div>

<div style="text-align: justify;"><span style="font-weight: bold;">ქვემო ქართლი. </span>ევროკავშირმა, პარტნიორ ორგანიზაცია CENN-თან ერთად, წალკის მუნიციპალიტეტში სოფლის განვითარების ახალი პროექტი - „ეს წალკაა" - ოფიციალურად წარადგინა.</div> <div style="text-align: justify;">პროექტის მიზანია საოჯახო მეურნეობების გაძლიერება, მეწარმეების საქმიანობის ხელშეწყობა, ქალებისა და ახალგაზრდების დასაქმება და მუნიციპალიტეტის სხვა ადგილობრივი ჯგუფების მხარდაჭერა ცოდნაზე, ინოვაციებსა და ახალ ტექნოლოგიებზე ხელმისაწვდომობის უზრუნველყოფით, ბიზნესკავშირების დამყარებითა და სამუშაო ადგილების შექმნის გზით.</div> <div style="text-align: justify;"><a href="http://enpard.ge/ge/es-tsalkaa-evrokavshiri-tsalkis-munitsipalitetshi-sophlis-ganvitharebis-akhal-proeqts-itsqhebs/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>