კახეთი. 65-ზე მეტმა ადგილობრივმა მაცხოვრებელმა მიიღო მონაწილეობა კახეთის რეგიონის ახმეტის მუნიციპალიტეტში გამართულ ორდღიან ტრენინგში თემაზე „LEADER-თემზე დაფუძნებული ადგილობრივი განვითარების მიდგომები (CLLD)“.  ტრენინგი ორგანიზებული იყო პროექტის „ინკლუზიური და თამონაწილეობითი ადგილობრივი განვითარების ხელშეწყობა ახმეტის მუნიციპალიტეტში“ ფარგლებში და მიზნად ისახავდა დამსწრე საზოგადოებისთვის LEADER-CLLD ძირითადი პრინციპების გაცნობას, მათ შორის აღნიშნული მეთოდოლოგიის ინდივიდუალური კონტექსტის გათვალისწინებით გამოყენებას და დანერგვას.  სრულად...  წყარო: http://enpard.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: გენდერული დისბალანსი აჭარის მუნიციპალიტეტების თვითმმართველობებში. „აჭარის მუნიციპალიტეტების საკრებულოებში ქალთა წარმომადგენლობა გაზრდილია, თუმცა ამის მიუხედავად, თვითმმართველობებში მნიშვნელოვანი გენდერული დისბალანსია, განსაკუთრებით მუნიციპალიტეტების აღმასრულებელ რგოლებში“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. კონსულტაციისა და ტრენინგის ცენტრი (CTC) აქვეყნებს გზამკვლევს მუნიციპალიტეტებისათვის, რომელიც წარმოადგენს ინსტრუქციების ერთობლიობას ჯანმრთელობისა და ზრუნვის მუნიციპალური პროგრამების დაგეგმვის შესახებ.  გზამკვლევი... მოცემული მასალა განთავსებულია CTC - რესურსების ბაზაში ბმულზე... სრულად... წყარო: ორგანიზაციის გვერდი სოციალურ ქსელში

ქართლი. კონკურენციის შესახებ საქართველოს კანონის საფუძველზე შექმნილი ტრენინგთა კურსის მეორე ეტაპის, ბოლო სწავლება რუსთავში ჩატარდა. სწავლება მიზნად ისახავდა ადგილობრივი თვითმმართველობების წარმომადგენელთა საქმიანობის კონკურენციის კანონმდებლობის მოთხოვნებთან შესაბამისობის უზრუნველყოფას.  სსიპ საქართველოს კონკურენციის სააგენტოს ინიციატივით, GIZ-ის სამართლის პროგრამის მხარდაჭერითა და სსიპ საქართველოს ფინანსთა სამინისტროს აკადემიის ტექნიკური დახმარებით, 2019 წლის აპრილ-ივნისში საქართველოს ექვს შერჩეულ რეგიონში კანონის ზოგიერთი მუხლების პრაქტიკული გამოყენების შესახებ 14 სწავლება ჩატარდა, რომელმაც ჯამში 420 ადგილობრივი მოხელე მოიცვა.  სრულად...  წყარო: https://www.facebook.com/giz.law.ge

იმერეთი. ადგილობრივი დემოკრატიის სააგენტო საქართველომ, ზესტაფონის მუნიციპალიტეტში გამართა მოსახლეობის ფორუმი, რომელშიც მონაწილეობა მიიღეს მუნიციპალიტეტის მოსახლეობამ, მუნიციპალიტეტის მერის მოადგილემ, მერიის სამსახურების უფროსებმა და მერის წარმომადგენლებმა ადმინისტრაციულ ერთეულებში. ფორუმის ჩატარების მიზანი გახლდათ მოქალაქეთა პრობლემების იდენტიფიცირება, მომდევნო წლის ბიუჯეტის პრიორიტეტების სწორად განსაზღვრის მიზნით; მუნიციპალურ დონეზე ბიუჯეტის დაგეგმვის პროცესში მოქალაქეთა ჩართულობის გაზრდა, ადგილობრივი ხელისუფლების წარმომადგენელთა და მოსახლეობას შორის კომუნიკაციის გაუმჯობესება. სრულად… წყარო: https://www.facebook.com/LDAGeorgia

იმერეთი. LDA Georgia - ადგილობრივი დემოკრატიის სააგენტო საქართველომ, ბაღდათის მუნიციპალიტეტში გამართა მოსახლეობის ფორუმი. ფორუმის ჩატარების მიზანი იყო მოქალაქეთა პრობლემების იდენტიფიცირება, მომდევნო წლის ბიუჯეტის პრიორიტეტების სწორად განსაზღვრის მიზნით; მუნიციპალურ დონეზე ბიუჯეტის დაგეგმვის პროცესში მოქალაქეთა ჩართულობის გაზრდა, ადგილობრივი ხელისუფლების წარმომადგენელთა და მოსახლეობას შორის კომუნიკაციის გაუმჯობესება. ფორუმზე წარადგინეს ბაღდათის მუნიციპალიტეტის მერიის 2019 წლის ანგარიში გაწეული მუშაობის შესახებ და 2020 წლის ბიუჯეტის პროექტი.  სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა (EMC) და სოფელი ხულდარას, აღმამედლოს, ქვემო ქარალის და კასუმლოს სოფლების სათემო ცენტრებმა მარნეულის მუნიციპალიტეტის მერიას და საკრებულოს 2020 წლის ბიუჯეტისთვის ორი საპროექტო წინადადება წარუდგინეს, რომელიც მარნეულის მუნიციპალიტეტში სათემო სოციალური მუშაკების სერვისისა და მუნიციპალიტეტის დონეზე თარგმანების რესურსის შექმნას უკავშირდება. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტმა (IDFI) ქალაქ თბილისის მუნიციპალიტეტის მერიისა და საკრებულოს ხარჯები შეისწავლა.  „ქალაქ თბილისის მუნიციპალიტეტი, მისი სტატუსის და დაფინანსების მოცულობით გამორჩეულია საქართველოს ადგილობრივ თვითმმართველობებს შორის. ქალაქის ბიუჯეტი მილიარდ ლარს აჭარბებს, შესაბამისად, როგორც აღმასრულებელი ისე წარმომადგენლობითი ორგანოების მიერ, საბიუჯეტო სახსრების რაციონალური განკარგვა მნიშვნელოვან რისკებთანაა დაკავშირებული“, - აღნიშნულია IDFI-ის მიერ გავრცელებულ ინფორმაციაში, - „წინამდებარე კვლევის ფარგლებში, IDFI-მ შეისწავლა 2017 და 2018 წლების მონაცემები, რომელიც ზემოთ ჩამოთვლილი საკითხების გარდა ასევე, ფარავს ქალაქ თბილისის მერიის და საკრებულოს თანამშრომელთა მივლინებების, საწვავის მოხმარების და სარეკლამო ხარჯებს. კვლევა ეფუძნება ქალაქ თბილისის მერიიდან და საკრებულოდან გამოთხოვილ ინფორმაციას. აღსანიშნავია, რომ ზოგ შემთხვევაში არასრული ინფორმაციის მიღების გამო, გარკვეული მონაცემების დამუშავება და შედარება ვერ მოხერხდა“.  სრულად...  წყარო: https://idfi.ge

სამოქალაქო განვითარების სააგენტოს (სიდა) ორგანიზებით, მიმდინარეობს სამუშაო შეხვედრა „ადგილობრივი თვითმმართველობებისა და საზოგადოებრივი ორგანიზაციების ჩართულობა არასრულწლოვანთა დანაშაულის პრევენციის პროცესში“.  „შეხვედრის მიზანია ადგილობრივ დონეზე, საჭიროებებზე მორგებული სერვისების შემუშავებასა და დანერგვაზე მსჯელობა კანონთან კონფლიქტში მყოფი და დანაშაულის ჩადენის რისკის ქვეშ მყოფი მოზარდებისთვის“, ნათქვამი ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: მუნიციპალური სამსახურები ნაქირავებ შენობებში მუშაობენ. „როგორც მიღებული ინფორმაციით დგინდება, 63 მუნიციპალიტეტს შორის 22-ს საკუთრებაში არ აქვს საკმარისი რაოდენობის შენობა საკუთარი უფლებამოსილებების განსახორციელებლად. წალკის მუნიციპალიტეტი ერთადერთია, რომელსაც საკუთრებაში მერია/საკრებულოს შენობაც კი არ აქვს და სახელმწიფო საკუთრებაში არსებული შენობით უსასყიდლოდ სარგებლობს. ნაწილ შემთხვევებში კი მუნიციპალიტეტებს შენობების ქირაობა უწევთ საბავშვო ბაღების, ცალკეული სამსახურებისა და მუნიციპალური იურიდიული პირების ფუნქციონირებისათვის“, ნათქვამია ორგანიზაციის ვებგვერდზე. სრულად... წყარო: www.transparency.ge

სამცხე-ჯავახეთი. საჯარო, კერძო და სამოქალაქო საზოგადოების ორგანიზაციების 100-ზე მეტი წარმომადგენელი ესწრებოდა კონფერენციას, რომელზეც ევროკავშირის მიერ მხარდაჭერილი ENPARD-ის ორწლიანი პროექტის „სოფლის განვითარების მოდელების სრულყოფა საქართველოში“ შედეგები შეაჯამეს.  პროექტი, რომელსაც ორგანიზაციები „მერსი ქორფსი“, „ფიფლ ინ ნიდ“ და „ქეა ავსტრია“, სოფლის განვითარების ევროპულ ასოციაციასთან პარტნიორობით ახორციელებდნენ, 2017 წლიდან მიმდინარეობდა და ბორჯომის, ლაგოდეხისა და ყაზბეგის მუნიციპალიტეტებში თემზე ორიენტირებული სოფლის განვითარების მიდგომის ხელშეწყობას ისახავდა მიზნად. სოფლის განვითარებაზე ორიენტირებული საუკეთესო ევროპული პრაქტიკის გაზიარებით, პროექტმა ხელი შეუწყო ევროპული LEADER მიდგომის დანერგვას სამ მუნიციპალიტეტში, რის შედეგადაც ჩამოყალიბდა ადგილობრივი განვითარების ჯგუფები, შემუშავდა ადგილობრივი განვითარების სტრატეგია და მოხდა ევროკავშირის გრანტების გაცემა 200-ზე მეტი ინიციატივისთვის. შედეგად, 600-ზე მეტი მუდმივი დასაქმების ადგილი სამივე მუნიციპალიტეტში.  2015 წლიდან დღემდე, ევროკავშირის ENPARD-ის პროგრამის ფარგლებში, სოფლის განვითარების ევროპული მოდელი საქართველოს რვა მუნიციპალიტეტში დაინერგა. ადგილობრივი განვითარების ჯგუფები შეიქმნა ბორჯომში, ლაგოდეხში, ყაზბეგში, დედოფლისწყაროში, თეთრიწყაროში, ახალქალაქში, ქედასა და ხულოში. აღნიშული ჯგუფები, ევროკავშირის პარტნიორ ორგანიზაციებთან ერთად, წარმატებით ახორციელებენ სოფლის განვითარების პროექტებს. მათი უშუალო ჩართულობით, საქართველოს მასშტაბით, ევროკავშირის მიერ უკვე 400-მდე ინიციატივაა დაფინანსებული. ეს ინიციატივები ხელს უწყობს წარმოებისა და მომსახურების ხარისხის ზრდას სოფლის მეურნეობის, ტურიზმის, სოციალური და სოფლის ინფრასტრუქტურის, ასევე გარემოს დაცვით სფეროებში. მათი საშუალებით, სოფლად უკვე დასაქმდა 1000-ზე მეტი ოჯახი, ხოლო 10,000-ზე მეტმა ადამიანმა სოფლად საცხოვრებელი პირობები გაიუმჯობესა. ამჟამად, დამატებით კიდევ ოთხ ახალ მუნიციპალიტეტში – ახმეტა, წალკა, წყალტუბო და მესტია – მიმდინარეობს სოფლის განვითარების ევროპული მოდელის, LEADER მიდგომის დანერგვის და ადგილობრივი განვითარების ჯგუფების შექმნის პროცესი.  სრულად...  წყარო: http://enpard.ge

ქვემო ქართლი. ადამიანის უფლებების სწავლებისა და მონიტორინგის ცენტრმა (EMC), ხულდარას, ქვემო სარალის, აღმამედლოსა და კასუმლოს სოფლების სათემო ცენტრებთან ერთად მარნეულის მერს და საკრებულოს პრიორიტეტების დოკუმენტისა და ბიუჯეტის შემუშავების პროცესისთვის რეკომენდაციების და ხედვების დოკუმენტი გაუზიარა. დოკუმენტი მარნეულის მუნიციპალიტეტის სოფლებში გასვლითი ვიზიტების, ადგილობრივ აქტივისტებთან კონსულტაციის საფუძველზე მომზადდა და ის ცდილობს ადგილობრივი თვითმმართველობის დონეზე მაქსიმალურად გააძლიეროს ეთნიკური უმცირესობების უფლებების დაცვის, მათთვის უფრო სამართლიანი პოლიტიკური და სოციალური გარემოს შექმნის და ინკლუზიის პოლიტიკა. სრულად...  წყარო: https://emc.org.ge

სამეგრელო-ზემო სვანეთი. კონკურენციის შესახებ საქართველოს კანონის საფუძველზე შექმნილი ტრენინგთა კურსის მეორე ეტაპი, ამჯერად სვანეთში - მესტიაში მიმდინარეობს. „სწავლება მიზნად ისახავს ადგილობრივი თვითმმართველობების წარმომადგენელთა საქმიანობის კონკურენციის კანონმდებლობის მოთხოვნებთან შესაბამისობის უზრუნველყოფას”. სრულად... წყარო: ორგანიზაციის გვერდი სოციალურ ქსელში

კახეთი. 16-17 ოქტომბერს, წამების მსხვერპლთა ფსიქო-სოციალური და სამედიცინო რეაბილიტაციის საქართველოს ცენტრმა (GCRT), დანაშაულის პრევენციის ცენტრთან თანამშრომლობით, რიგით მე-9 რეგიონში, კახეთში გამართა შეხვედრა არასამთავრობო ორგანიზაციებთან და ადგილობრივ მუნიციპალიტეტებთან თემაზე „ადგილობრივი თვითმმართველობებისა და საზოგადოებრივი ორგანიზაციების ჩართულობა არასრულწლოვანთა დანაშაულის პრევენციის პროცესში“. „მონაწილეებმა იმსჯელეს კანონთან კონფლიქტში მყოფი და დანაშაულის ჩადენის რისკის მქონე მოზარდებისთვის ადგილობრივ დონეზე სერვისების შემუშავებასა და დანერგვაზე და არსებულ მუნიციპალურ სერვისებზე ხელმისაწვდომობის გაზრდაზე“.  სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. წამების მსხვერპლთა ფსიქო-სოციალური რეაბილიტაციის ცენტრმა (GCRT) დანაშაულის პრევენციის ცენტრთან თანამშრომლობით, შეხვედრა გამართა არასამთავრობო ორგანიზაციებთან და ადგილობრივ მუნიციპალიტეტებთან თემაზე „ადგილობრივი თვითმმართველობებისა და საზოგადოებრივი ორგანიზაციების ჩართულობა არასრულწლოვანთა დანაშაულის პრევენციის პროცესში“. სრულად... წყარო: ორგანიზაციის გვერდი სოციალურ ქსელში

აჭარა. სოფლის განვითარების ფართომასშტაბიანი ხელშეწყობის ფარგლებში, ევროკავშირი (EU), გაეროს განვითარების პროგრამასთან (UNDP) თანამშრომლობით, საქართველოს 8 მუნიციპალიტეტში, საზოგადოებრივი ორგანიზაციებისთვის საგანმანათლებლო  სემინარები დაიწყო. სემინარებში, რომლის მთავარი თემა სოფლის განვითარებაში სამოქალაქო საზოგადოების მონაწილეობა და ადვოკატირებაა, უკვე 60-მდე მონაწილე ჩაერთო ლაგოდეხიდან, თეთრიწყაროსა და დედოფლისწყაროდან. 2019 წლის ბოლომდე მსგავსი შეხვედრები კიდევ ხუთ მუნიციპალიტეტში გაიმართება – ახალქალაქში, ბორჯომში, ყაზბეგში, ქედასა და ხულოში.  ტრენინგი არასამთავრობო ორგანიზაციებისთვის ევროკავშირის გრძელვადიანი დახმარების ნაწილია, რომელიც ხელს უწყობს საქართველოში სოფლის განვითარების ეფექტიანი პოლიტიკის შექმნას და სოფლად მცხოვრები მოსახლეობის ეკონომიკური შესაძლებლობების გაზრდას. სოფლის განვითარების პროგრამა, ENPARD, 2013 წლიდან ხორციელდება და 2022 წლამდე გაგრძელდება, ხოლო მისი სრული ბიუჯეტი 179.5 მილიონ ევროს შეადგენს.  სრულად...  წყარო: http://enpard.ge

თბილისი. ინფორმაციის თავისუფლების განვითარების ინსტიტუტმა (IDFI) 2018 წლის განმავლობაში ადგილობრივ თვითმმართველ ერთეულთა სარეზერვო ფონდების ხარჯვის პრაქტიკა შეისწავლა.  „კვლევამ აჩვენა რომ სხვადასხვა მუნიციპალიტეტში სარეზერვო ფონდების ოდენობის განსაზღვრის და მისი ათვისების პრაქტიკა განსხვავებულია. მთელი რიგი მუნიციპალიტეტების მერიები გაწევენ ისეთ ხარჯებს, რომელთა სარეზერვო ფონდიდან დაფინასების აუცილებლობა კითხვის ნიშნებს აჩენს. მაგალითად კაპიტალური ხარჯები, კულტურული ღონისძიებები და ა.შ. ამავდროულად, ცალკეული მუნიციპალიტეტები საერთოდ ვერ ახდენენ სარეზერვო ფონდში გათვალისწინებული სახსრების ათვისებას. ამ კუთხით განსაკუთრებით საყურადღებოა ოკუპირებული ტერიტორიების და დევნილი მოსახლეობის სიმრავლით გამორჩეულ გორის მუნიციპალიტეტში წლის განმავლობაში სარეზერვო ფონდის ათვისების საჭიროების არ არსებობა“, - ვკითხულობთ კვლევის დასკვნით ნაწილში.  სრულად...  წყარო: ორგანიზაციის ვებგვერდი

აჭარა. ევროკავშირის მხარდაჭერით, ქედის, შუახევის და ხულოს მუნიციპალიტეტებსთვის ეკონომიკური განვითარების ერთობლივი გეგმა შემუშავდა.  საჯარო, კერძო და სამოქალაქო სექტორის 50-ზე მეტი წარმომადგენელმა მონაწილეობა მიიღო ქედის, შუახევის და ხულოს მუნიციპალიტეტების ეკონომიკური განვითარების გეგმის განხილვაში. დოკუმენტი ევროკავშირის მხარდაჭერით პროექტის, „მერები ეკონომიკური ზრდისთვის“, ფარგლებში შემუშავდა, ქედასა და ხულოში მიმდინარე ENPARD-ის სოფლის განვითარების პროექტებისა და ადგილობრვი განვითარების ჯგუფების აქტიური ჩართულობით.  ეკონომიკური განვითარების გეგმის მიზანია საერთო ინტერესების რეალიზაცია, მონაწილე მუნიციპალიტეტებს შორის ეკონომიკური განვითარების საკითხებში კოორდინაციის გაძლერება და ერთობლივი მოქმედება ადგილობრივი ეკონომიკის განვითარებისთვის.  სრულად...  წყარო: http://enpard.ge

თბილისი. „საერთაშორისო გამჭვირვალობა - საქართველო“ (TI) საქართველოს „საჯარო სამსახურის შესახებ“ კანონში დაგეგმილ ცვლილებებს მიმოიხილავს.  „კანონპროექტით შემოთავაზებულია საჯარო სამსახურთან დაკავშირებული რამდენიმე ცვლილება, რომელთაგან ყველაზე მნიშვნელოვანია მუნიციპალიტეტის ადმინისტრაციულ ერთეულში მერის წარმომადგენლისთვის (სოფლის რწმუნებული) ადმინისტრაციული ხელშეკრულებით დასაქმების ვალდებულების და პროფესიული საჯარო მოხელის კარიერული განვითარების ახალი პროცედურის – შიდა კონკურსის შემოღება“, - ვკითხულობთ TI-ის მიერ გავრცელებულ ინფორმაციაში, - „მერის წარმომადგენელი, ხშირ შემთხვევაში, სოფელში ერთადერთ საჯარო მოხელეს წარმოადგენს, ამ ცვლილებით, კი იქმნება საფრთხე, რომ მოხდეს მათი სრულად პოლიტიზება და წინასაარჩევნოდ ვიწრო პარტიული მიზნებისთვის გამოყენება“.  სრულად...  წყარო: ორგანიზაციის ვებგვერდი

იმერეთი. ადგილობრივი დემოკრატიის სააგენტო საქართველომ, პროექტის - „ინკლუზიური დიალოგი-ეფექტური სოციალური პოლიტიკისთვის“ ფარგლებში, ჩაატარა სამუშაო ტიპის შეხვედრა ზესტაფონის მუნიციპალიტეტის მერიის სოციალური და საფინანსო-საბიუჯეტო სამსახურის წარმომადგენლებთან. მათი ჩართულობითა და პროექტის ფარგლებში ჩატარებული საჭიროებების კვლევის დოკუმენტზე დაყრდნობით შემუშავდა ორი პროგრამა, რომლებშიც დეტალურად გაიწერა პროგრამების მიზნები, მოკლევადიანი და გრძელვადიანი შედეგები.  „პროექტის მიზანია უზრუნველყოს იმერეთის მხარის ზესტაფონისა და ბაღდათის მუნიციპალიტეტებში სოციალური მომსახურების მიწოდების სისტემის გაუმჯობესება და ინკლუზიური თანამშრომლობითა და ადგილობრივ თვითმმართველობასთან დიალოგის გზით უკეთესი და საჭიროებაზე ორიენტირებული სოციალური პოლიტიკის შემუშავება”, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. რუსთავის, ქუთაისის, ოზურგეთისა და ლაგოდეხის მუნიციპალიტეტების მერებმა „ადგილობრივ ცხოვრებაში ქალთა და მამაკაცთა თანასწორობის შესახებ’’ ევროპულ ქარტიას მოაწერეს ხელი. ხელმოწერის ცერემონია საქართველოს ადგილობრივ თვითმმართველობათა ეროვნული ასოციაციის ინიციატივით გაიმართა.  დოკუმენტი, რომელიც ევროპის მუნიციპალიტეტთა და რეგიონთა საბჭოს (CEMR) მიერ, 2006 წლის მაისში შეიქმნა, მუნიციპალიტეტებში გენდერული ბალანსის დამკვიდრებასა და ქალთა და მამაკაცთა თანასწორობის გასაუმჯობესებლად, საკუთარი იურისდიქციის ფარგლებში, ღონისძიებების გატარებას ისახავს მიზნად.  სრულად...  წყარო: http://nala.ge

თბილისი. 16-25 წლის დაინტერესებულ ახალგაზრდებს შეუძლიათ, მიმართონ ახლომდებარე რვა ამერიკული კუთხიდან ერთ-ერთს, შეავსონ განაცხადი 10 ოქტომბრამდე და გააკეთონ თემისთვის სასრგებლო საქმე.  „პროექტის მიზანია აქტიური ახალგაზრდა მოქალაქეების აღმოჩენა, რომლებიც შექმნიან საინიციატივო ჯგუფებს, შეისწავლიან თემის/ქალაქის წინაშე არსებულ საზოგადოებრივ თუ სოციალურ საჭიროებებს და შეიმუშავებენ მცირე პროგრამებს/სერვისებს ადგილობრივი თემის განსავითარებლად“.  სრულად... წყარო: საელჩოს გვერდი სოციალურ ქსელში