გურია. 7 ივლისს, ოზურგეთის დემოკრატიული ჩართულობის ცენტრში ადგილობრივმა თვითმმართველობამ სამოქალაქო საზოგადოების მიერ დასმულ 10 შეკითხვას უპასუხა. შეხვედრა ოზურგეთის დემოკრატიული ჩართულობის ცენტრის მიერ იყო ორგანიზებული. აქტუალური შეკითხვების თავმოყრის მიზნით, ცენტრის თანამშრომლები წინასწარ დაუკავშირდნენ სამოქალაქო საზოგადოების წარმომადგენლებს, რომელთაც ცენტრში მათთვის საინტერესო კითხვები გააგზავნეს. ადგილობრივმა თვითმმართველობამ კი შესაბამისი პასუხები მოამზადა. შეხვედრაზე განხილული იქნა შემდეგი საკითხები: დეცენტრალიზაცია, მუნიციპალიტეტის საბიუჯეტო პრიორიტეტები, საკრებულოს საქმიანობის გამჭვირვალობა, სამშენებლო ნებართვები, თვითმმართველობის მოხელეთა შერჩევა, უცხოელი ინვესტორების მოზიდვა, საზოგადოებრივი ტრანსპორტი, ქალთა ჩართულობა ადგილობრივი თვითმმართველობის საქმიანობაში. სამოქალაქო საზოგადოების შეკითხვებს მუნიციპალიტეტის საკრებულოს თავმჯდომარემ  ალეკო მამეშვილმა გასცა პასუხები. დემოკრატიული ჩართულობის ცენტრი ამერიკის მთავრობის მიერ არის დაფინანსებული. ის საზოგადოებას სთავაზობს მრავალი საჭირბოროტო საკითხის ღიად განსახილველ ხელსაყრელ ადგილს. დიალოგის ხელშეწყობის პროცესი მიზნად ისახავს მოქალაქეთა დემოკრატიული ჩართულობის წახალისებას.

თბილისი. ,,ადგილობრივი თვითმმართველობის მონიტორინგის  სახელმღვანელო" შემუშავდა კავკასიის ეკონომიკური და სოციალური კვლევითი ინსტიტუტის მიერ, პროექტის „ადგილობრივი თვითმმართველობის მონიტორინგის სახელმძღვანელო რეგიონული არასამთავრობო ორგანიზაციებისა და მედიისათვის" ფარგლებში. აღნიშნული პროექტი განხორციელდა ევრაზიის თანამშრომლობის ფონდის" მხარდაჭერით და შვედეთის საერთაშორისო განვითარების სააგენტოს (Sida) დაფინანსებით. სახელნძღვანელოს რელევანტურობის შესაფასებლად და სარეკომენდაციო წინადადებების დასაფიქსირებლად, ინსტიტუტი გთხოვთ, შეავსოთ ქვემოთ მოცემული  კითხვარი. თქვენი შეფასებები და მოსაზრებები  მნიშვნელოვანია გამოცემის ავტორებისთვის. ადგილობრივი თვითმმართველობის მონიტორინგის  სახელმღვანელო კითხვარი გთხოვთ შევსებული კითხავრი  მიმდინარე წლის 6  ივლისამდე გამოაგზავნეთ შემდეგ  ელექტრონულ მისამართზე:  info@ciesr.org

თბილისი.ადგილობრივი თვითმმართველობის ორგანოების საქმიანობის მონიტორინგით დაინტერესებული პირებისთვის ახალი სახემძღვანელო შეიქმნა. იგი განკუთვნილია საზოგადოებრივი ორგანიზაციებისთვის, მედიისა და სხვა დაინტერესებული ჯგუფებისთვის, რათა მათ კვალიფიციურად განახორციელონ ადგილობრივი თვითმმართველობის საქმიანობის მონიტორინგი. წიგნი მომზადებულია კავკასიის ეკონომიკური და სოციალური კვლევითი ინსტიტუტის მიერ ევრაზიის თანამშრომლობის ფონდის მხარდაჭერითა და შვედეთის საერთაშორისო განვითარების სააგენტოს დაფინანსებით. იგი 16 აქტუალურ თემას მოიცავს, რომელზეც შესაძლოა განხორციელდეს მონიტორნგი. ესენია: შესყიდვების მონიტორინგი, ადმინისტრაციული პროცედურების მონიტორინგი, კანონშემოქმედებითი საქმიანობის მონიტორინგი, საჯარო ინფორმაციის გაცემის მონიტორინგი და ა.შ. თითოეულ თემას, გარდა თეორიული მიმოხილვისა,  თან ახლავს პრაქტიკული მაგალითები წარმატებული თუ წარუმატებელი მონიტორინგების შესახებ. სახელმძღვანელოში ასევე ცალკე თავი აქვს დათმობილი უცხოური გამოცდილების მაგალითებს.  დაინტერესებულ პირებს სახლემძღვანელო შეუძლია მიიღონ ორგანიზაციის ოფისში ან გადმოწერონ ვებ–ვერდიდან – www.ciesr.org

გურია. 22 ივნისს ოზურგეთის საკრებულოს სხდომათა დარბაზში, „საზოგადოებრივი დარბაზის" რიგგარეშე სხდომა გაიმართა, რომელზეც სხვა განსახილველ საკითხებთან ერთად წარმოდგენილ იქნა ოზურგეთში მომუშავე დემოკრატიული მმართველობის პროგრამის გრანტიორი ორგანიზაციების საქმიანობები. დაგეგმილი შეხვედრის ორგანიზატორები: ოზურგეთის მუნიციპალიტეტის საკრებულო, ოზურგეთის მუნიციპალიტეტის გამგეობა, აშშ საერთაშორისო განვითარების სააგენტოს (USAID) პროგრამა - დემოკრატიული მმართველობა საქართველოში (G3). ოზურგეთის მუნიციპალიტეტსა და აშშ-ს საერთაშორისო განვითარების სააგენტოს (USAID) პროგრამას „დემოკრატიული მმართველობა საქართველოში” შორის 2011 წლის დეკემბერში გაფორმებული შეთანხმების წერილი (LOA) ითვალისწინებს მრავალ ღონისძიებას, რომელიც ოზურგეთის თვითმმართველობის მუშაობის გაუმჯობესებისა და საზოგადოებასთან ეფექტური კავშირისაკენ არის მიმართული. ამ მიზნით ოზურგეთის მუნიციპალიტეტთან სამუშაოდ დემოკრატიული მმართველობის პროგრამის ფარგლებში ღია კონკურსის საფუძველზე შეირჩა არასამთავრობო ორგანიზაციები: ადგილობრივ თვითმმართველობათა ეროვნული ასოციაცია, მუნიციპალური სერვისების მიმწოდებელთა ასოციაცია, საქართველოს დემოკრატიული განვითარების კავშირი და ადგილობრივი მედია საშუალება – დამოუკიდებელი სამაუწყებლო კომპანია „გურია”.

გურია. პროექტის „ინფორმირებული მოსახლეობა - ეფექტური ხელისუფლება" ფარგლებში სამაუწყებლო კომპანია „გურიამ" პირველი თოქ-შოუ ჩაატარა. მას საპრეზენტაციო ხასიათი ჰქონდა და მასში იმ აქტივობებზე იყო საუბარი, რომელსაც პროექტში „დემოკრატიული მმართველობა საქართველოში" ოზურგეთის მუნიციპალიტეტიდან მონაწილე სუბიექტები განახორციელებენ. გადაცემაში მოწვეულნი იყვნენ: MSI Georgia-ს კოორდინატორი გურია-იმერეთში, ოზურგეთის მაჟორიტარი დეპუტატი, ოზურგეთის მუნიციპალიტეტის საკრებულოს, პარტნიორი არასამთავრობო ორგანიზაციების - საქართველოს დემოკრატიული განვითარების კავშირის და საქართველოს თვითმმართველობათა ეროვნული ასოციაციის წარმომადგენლები. სტუდიაში მოწვეულმა სტუმრებმა ისაუბრეს პროექტის მიზნებსა და ამოცანებზე და იმ მოლოდინებზე, რაც მათ აქვთ ამ პროექტის მიმართ. პროექტის ფარგლებში სამაუწყებლო კომპანია „გურიას" დაგეგმილი აქვს კიდევ 11 თოქ-შოუს მოწყობა, ასევე შემეცნებითი გადაცემებისა და რეპორტაჟების მომზადება.

სამცხე–ჯავახეთი.  14 ივნისს, 14 საათზე, ახალციხის დემოკრატიული ჩართულობის ცენტრში ადგილობრივმა თვითმმართველობამ სამოქალაქო საზოგადოების მიერ დასმულ 10 შეკითხვას უპასუხა. შეხვედრა ცენტრის მიერ იყო ორგანიზებული - ცენტრის თანამშრომლები წინასწარ დაუკავშირდნენ სამოქალაქო საზოგადოების წარმომადგენლებს, საზოგადოებრივი ორგანიზაციებს, მედიას, პოლიტიკურ პარტიებსა და მოქალაქეებს, რომლებმაც ცენტრში  საინტერესო კითხვები გადმოგზავნეს. ადგილობრივმა თვითმმართველობამ კი მოამზადა შესაბამისი ინფორმაცია აღნიშნული თემების გარშემო.  შეხვედრაზე განიხილეს საკითხები: ქალაქის წყალმომარაგების სისტემის რეაბილიტაცია, უბნების გაზიფიკაცია, უნარშეზღუდული პირებისთვის გათვალისწინებული პროგრამები, ქალაქის შიდა გზების აღდგენა, ახალციხის მუნიციპალიტეტში განხორციელებულ პროექტებში არასამთავრობო სექტორის ჩართულობა.  დიალოგის ფორმატი მხარეებისთვის საინტერესო აღმოჩნდა და გადაწყდა, რომ მსგავსი შეხვედრები სამომავლოდაც გაიმართოს.

კახეთი. 13 ივნისს, საზოგადოებრივმა ორგანიზაციამ ,,საქართველოს სტრატეგიული კვლევებისა და განვითარების ცენტრმა" თელავის დემოკრატიული ჩართულობის ცენტრში შეხვედრა  გამართა, რომელიც ,,თელავის მუნიციპალიტეტის საქმიანობების გამჭვირვალობასა და ანგარიშგებას’’ ეხებოდა. შეხვედრას  სხვადასხვა საზოგადოებრივი ორგანიზაციები,  ადგილობრივი  თვითმმართველობის წარმომადგენლები და ჟურნალისტები ესწრებოდნენ. მუნიციპალიტეტში მიმდინარე საქმიანობების გარდა, შეხვედრაზე განიხილეს სხვა პრობლემებიც. საქართველოს სტრატეგიული კვლევებისა და განვითარების ცენტრის წარმომადგენლების, კახა ჯამბურიას  თქმით, დისკუსიის დროს განხილულ და წამოჭრილ პრობლემებს ორგანიზაცია შეისწავლის რის შემდეგაც თელავის მუნიციპალიტეტს რეკომენდაციებს მიაწვდიან.

გურია. 8 ივნისს ოზურგეთში, სოფელ  თხინვალში „ოზურგეთის ახალგაზრდა მეცნიერთა კლუბისა" და ამ სოფლის სათემო ლიდერების ორგანიზებით მოეწყო სოფელ თხინვალის სტრატეგიული გეგმის საჯარო განხილვა. სტრატეგიული გეგმა შემუშავდა პროექტის _ „ადვოკატირება ცვლილებებისათვის" ფარგლებში, რომელსაც „ახალგაზრდა მეცნიერთა კლუბი" „ლანჩხუთის საინფორმაციო ცენტრთან" პარტნიორობით ახორციელებს. გეგმის საჯარო განხილვას სოფლის 50-მდე მცხოვრები დაესწრო. გეგმაზე მომუშავე ჯგუფის წევრებმა მათთან ერთად დეტალურად განიხილეს ყველა პროექტი, რომელიც აისახა სტრატეგიულ გეგმაში და მოსახლეობიდან წამოსული შენიშვნების შესაბამისად მოხდა  მათი კორექტირება, რომლებიც ძირითადად ეხებოდა პროექტის განხორციელების ვადებსა და ღირებულებას. „ოზურგეთის ახალგაზრდა მეცნიერთა კლუბის" კონსულტირებით, მსგავსი სტრატეგიული გეგმა ოზურგეთის კიდევ 2 სოფლისათვის (დვაბზუ, ნაღობილევი) შემუშავდა და მათი საჯარო განხილვა ამ სოფლების მოსახლეობასთან მომავალი კვირისთვისაა დაგეგმილი

შიდა ქართლი.8 ივნისს, გორის საინფორმაციო ცენტრის ოფისში გაიმართა პროექტის - ინტეგრაცია ასიმილაციის ნაცვლად (პროექტს IFES/USAID-ის დაფინანსებით ახორციელებენ გორის საინფორმაციო ცენტრი და შიდა ქართლის დემოკრატიული განვითარების ინსტიტუტი) შემაჯამებელი შეხვედრა. შეხვედრას ესწრებოდნენ: გორისა და კასპის მუნიციპალიტეტების ეთნიკურად ოსი მოსახლეობით დასახლებული 9 სოფლის წარმომადგენლები (ლიდერები), საზოგადოებრივი ორგანიზაციების და ადგილობრივი ხელისუფლების წარმომადგენლები. შეხვედრაზე შეჯამდა გასული 6 თვის მანძილზე ჩატარებული სამუშაოები, აღინიშნა ის წარმატებული მაგალითები, რომელსაც ჰქონდა ადგილი პროექტის განხორციელებისას და აგრეთვე ის ნაკლოვანებები, რომელთა გათვალისწინებაც აუცილებელი იქნება ორგანიზაციების და სოფლის ლიდერების შემდგომი მუშაობისას. ადგილობრივი ხელისუფლების წარმომადგენლებმა აღნიშნეს, რომ მათთვის მეტად სასარგებლო იყო პროექტის მიმდინარეობისას ჩატარებული პრობლემების კვლევა, ვინაიდან მისი შედეგები ასახავდნენ მოსახლეობის უმრავლესობის ხედვას და არა მხოლოდ ერთი ადამიანის, თუნდაც რწმუნებულის მიერ მიწოდებულ ინფორმაციას, რომელიც ხშირად სუბიექტურია. მათთვის ასევე საინტერესო იყო პრობლემების მოგვარებისათვის ადგილობრივი მოსახლეობის ხედვები.

შიდა ქართლი. 4 ივნისს გორის საინფორმაციო ცენტრის საკონფერენციო დარბაზში პროექტის - ინტეგრაცია ასიმილიცაიის ნაცვლად" – ფარგლებში გაიმართა შეხვედრა. პროექტს IFES/USAID-ის დაფინანსებით ახორციელებენ გორის საინფორმაციო ცენტრი და შიდა ქართლის დემოკრატიული განვითარების ინსტიტუტი. იგი  ითვალისწინებს შიდა ქართლის რეგიონის ეთნიკურად ოსი მოქალაქეებით დასახლებული სოფლების მოსახლეობის ჩართვას ადგილობრივ პროცესებში. ამჟამად პროექტი მოიცავს კასპის მუნიციპალიტეტის 8 და გორის მუნიციპალიტეტის 1 სოფელს. თითოეული სოფლიდან შეხვედრას ესწრებოდა ორ-ორი წარმომადგენელი. ხელისუფლების მხრიდან კი,  გორის მუნიციპალიტეტის საკრებულოს თავმჯდომარე - ზვიად ხმალაძე, კასპის მუნიციპალიტეტის საკრებულოს თავმჯდომარე - დავით მესროპაშვილი და შიდა ქართლის სამხარეო ადმინისტრაციის წარმომადგენელი - ვახტანგ მახნიაშვილი. შეხვედრისას განხილეს ის პრობლემები, რომლებიც პროექტის მიმდინარეობისას სამიზნე სოფლებში გამოიკვეთა. ამ პრობლემებისგან ნაწილი შედიოდა ადგილობრივი თვითმმართველობის, ხოლო ნაწილი - ცენტრალური ხელისუფლების კომპეტენციაში. შეხვედრისას  გამოიკვეთა, რომ  რიგი პრობლემების მოგვარება უკვე დაწყებულია,  ან დაგეგმილი იყო მიმდინარე, ან მომავალ წელს. გადაუჭრელი პრობლემებიდან მოქალაქეთა წარმომადგენლებს ყველაზე მეტად აწუხებს სასკოლო ტრანსპორტის არარსებობა, ვინაიდან სკოლები მოშორებით მდებარეობს, რის გამო დაწყებითი კლასების მოსწავლეებს მეტად უჭირთ სკოლაში სიარული. ამ პრობლემას ზამთარში ამწვავებს  მტაცებლების მიმართ შიში. შეხვედრის დასრულებისას აღინიშნა ამ სახის თანამშრომლობის აუცილებლობა და გამოითქვა  ორივე მხრიდან მზადყოფნა, რათა გაგრძელდეს საქმიანი ურთიერთობები მომავალშიც.

აჭარა.  30 მაისს, თვითმმართველი ქალაქი ბათუმის საკრებულოსთან არსებული სამოქალაქო მრჩეველთა კომიტეტმა და ქალაქ ბათუმის მერიამ გამართა საჯარო შეხევდრა თემაზე: თვითმმართველი ქალაქი ბათუმი _ ახალგაზრდული და კულტურული პროგრამები. შეხვედრის მიზანი იყო ქალაქ ბათუმის 2012 წლის ბიუჯეტის გამჭირვალობა და მის განხორციელებაში მოქალაქეთა ჩართულობის უზრუნველყოფა. შეხევდრაზე ბათუმის მერის მოადგილემ და მერიის წარმომადგენლებმა წარმოადგინეს ბათუმის 2012 წლის ბიუჯეტის ახალგაზრდული და კულტურული პროგრამები. აღნიშნულ საკითხზე გაიმართება დისკუსია    საზოგადოებრივი ორგანიზაციების,  კულტურის სფეროს, სტუდენტების და სხვა დაინტერესებული მხარეების  წარმომადგენლების მონაწილეობით.   პრეზენტაციის შემდეგ გაიმართა დისკუსია სხვადასხვა პრობლემატურ საკითხებზე, კერძოდ: სტუდენტებმა ყურადღება გაამახვილეს ახალგაზრდული პროგრამების გამჭირვალობაზე, მათი აზრით, დაგეგმარების და განხორციელების პროცესში აქტიურად უნდა ხდებოდეს სტუდენტების ჩართვა. კულტურის სფეროს წარმოამდგენლება დააყენეს ბათუმის კულტურული განვითარების კონცეფციის აქტუალობის საკითხი. მათი აზრით, სპეციალისტების მონაწილეობით უნდა შემუშავდეს ქალაქ ბათუმის კულტურული განვითარების გეგმა, რაზეც უნდა აიგოს შემდგომ ყოველი წლის ბიუჯეტი. ხოლო საზოგადოებრივი ორგანიზაციის წარმომადგენლები დაინტერესდნენ აღნიშნული პროგრამების ფინანსური გამჭირვალობის საკითხით და იგეგმება თუ არა რაიმე სახის ცვლილება წინასაარჩევნო პერიოდში. შეხვედრის ბოლოდ მონაწილეებს შორის მოხდა  სამომავლო ურთიერთობის ფორმების განსაზღვრა.

კახეთი. გურჯაანის მუნიციპალიტეტის საკრებულოსთან „საზოგადოებრივი დარბაზი"  უახლოეს მომავალში დაიწყებს ფუნქციონირებას. ამ ეტაპზე დარბაზის წევრების შერჩევა მიმდინარეობს. აღნიშნულ საკითხზე ურთიერთშეთანხმების მემორანდუმი ჯერ კიდევ თებერვალში. გურჯაანის მუნიციპალიტეტის საკრებულომ და საქართველოს სამოქალაქო განვითარების ასოციაციამ გააფორმეს. მემორანდუმი ევროკავშირის მიერ დაფინანსებული პროექტის – „თვითმმართველობის განვითარების ხელშეწყობა საქართველოში" – გაფორმა. პროექტს ახორციელებდა სამოქალაქო საზოგადოების ინსტიტუტი რეგიონულ პარტნიორებთან ერთად. „საზოგადოებრივი დარბაზი" გააერთიანებს საზოგადოების აქტიურ წარმომადგენლებს, სხვადასხვა დარგის სპეციალისტებსა და ექსპერტებს, მუნიციპალიტეტის ტერიტორიაზე მოქმედ არასამეწარმეო და სამეწარმეო იურიდიულ პირებს.

სამცხე–ჯავახეთი. ასპინძის რაიონის სოფელ რუსთავის საჯარო სკოლის მოსწავლეების ინიციატივას, რომ დაესუფთავებინათ და გაემწვანებინათ სკოლის მიმდებარე ტერიტორია, მხარი ადგილობრივმა თვითმმართველობამ და ახალციხის ახალგაზრდულმა ცენტრმა აუბეს. აქცია 18 მაისს გაიმართა. ახალგაზრდებმა დაასუფთავეს სკოლის მიმდებარე ტერიტორია, ასევე შეიმუშავეს სოფლიდან ნარჩენების გატანის გრაფიკი. დაიდგა ნაგვის ბუნკერები და ნარჩენების გასატანად გამოიყო მანქანა. მსგავსი პროექტი ადიგენის რაიონის სოფელ ლელოვანშიც ხორციელდება. სადაც სკოლის მოსწავლეების, ახალციხის ახალგაზრდული ცენტრისა და ადგილობრივი თვითმართველობის თანანამშრომლობით, შემოიღობა სკოლის ეზო.

გურია. ლანჩხუთის საინფორმაციო ცენტრმა შუხუთის თემის მონიტორინგის ჯგუფის მიერ ჩატარებული კვლევა გაანალიზა. აღნიშნული კვლევა ლანჩხუთის საინფორმაციო ცენტრმა 2012 წლის აპრილში ჩაატარა. კვლევის მიზანი იყო სოფლების შუხუთისა და ზემო შუხუთის მოსახლეობის კმაყოფილების ხარისხის განსაზღვრა ლანჩხუთის მუნიციპლიტეტის მიერ 2011 წელს ამ სოფლებში გაწეული ინფრასტრუქტურული, სოციალურ-კულტურული, ახალგაზრდული და სოფლის მხარდაჭერის პროგრამებით გაწეული საქმიანობისა და სერვისების გარშემო, ე.წ. მოსახლეობის ანგარიშგების ბარათი. კვლევის პროცესში მოპოვებულ იქნა ინფორმაცია ორივე სოფლის მოსახლეობის მხრიდან რაოდენობრივი კვლევის მეთოდით. კვლევა განხორციელდა პროექტ "საზოგადოებრივიმონიტორინგიცვლილებებისთვის" ფარგლებში, რომელიც დაფინანსევულია ევრაზიის თანამშრომლობის ფონდის მიერ.

კახეთი. თელავის მუნიციპალიტეტის სოფელ ართანაში ენთუზიასტებმა შექმნეს საინიციატივო ჯგუფი „თორნე", რომლის მიზანია დასახლებაში სათემო ცენტრის შექმნა და სოფლის პრობლემების მოგვარება. ჯგუფის ლიდერის, ნინო გამხარაშვილის თქმით, ცხრა თანამოაზრესთან ერთად დასახეს, რომ სოფლის ცხოვრებაში სიახლე შეიტანონ. ართანა 450–მდე კომლს ითვლის და საინიციატივო ჯგუფიც ისე დაკომპლექტდა, რომ დასახლების ყველა უბნის წარმომადგენელი ჩართულიყო ჯგუფის მუშაობაში. ჯგუფმა, ფინანსური რესურსების უქონლობის მიუხედავად, უკვე დაიწყო იდეების განხორციელება. მათ სოფლის მოსახლეობასთან საინფორმაციო შეხვედრა უკვე გამართეს და პირველ მიზნად კულტურის სახლის აღდგენა და შემოქმედებითი ცხოვრების გამოცოცხლება დაისახეს. საერთო ძალებით ძველი ადმინისტრაციული შენობის მიმდებარე ტერიტორიია დაასუფთავეს, სადაც სოფლის დღესასწაულების, სოფლის მცხოვრებთა ნახატების, ხეზე კვეთისა და სხვა ნამუშევრების გამოღენა–გაყიდვის მოწყობას გეგმავენ.

კახეთი. 22 მაისს, ,,დემოკრატიის სკოლამ" თელავის სახელმწიფო უნივერსიტეტში კონფერენცია გამართა. შეხვედრას ესწრებოდნენ სტუდენტები, საზოგადოებრივი ორგანიზაციებისა და მედიის წარმომადგენლები. სტუდენტებმა შეხვედრაზე 3 თემა განიხილეს: შიდა პარტიული განვითარება გენდერულ პესპექტივაში, ახალგაზრდები და პოლიტიკა და მოქალაქეთა ჩართულობის გაზრდა ადგილობრივი თვითმმართველობის ბიუჯეტირების პროცესში. დამსწრე საზოგადოება აქტიურად ჩაერთო დისკუსიაში და განიხილავდნენ პრობლემების გადაჭრის გზებს. თელავში ,,დემოკრატიის სკოლა" ,,ნიდერლანდების ინსტიტუტმა მრავალპარტიული დემოკრატიისათვის" ერთი წლის გახსნა.

აჭარა. ხელვაჩაურის მუნიციპალიტეტის საკრებულოს სხდომათა დარბაზში, სამოქალაქო საზოგადოების ინსტიტუტის ორგანიზებით პროექტის – „საზოგადოებრივი ორგანიზაციების საარსებო გარემოს გაუმჯობესება და მათი ეფექტურობის გაზრდის ხელშეწყობა" (დონორი ფონდი EED) – ფარგლებში შერჩეული  ლიდერები შეხვდნენ ხელვაჩაურის მუნიციპალიტეტის გამგეობის წარმომადგენლებს. შეხვედრის მიზანი იყო ხელვაჩაურის მუნიციპალიტეტის 2012 წლის ბიუჯეტის საჯაროობა, ასევე სოფლებში არსებული პრობლემების იდენტიფიცირება და მათი გადაჭრის გზების განხილვა.

თბილისი. სასტუმრო „თბილისი მარიოტში" საერთაშორისო ორგანიზაციამ „ნიდერლანდების ინსტიტუტმა მრავალპარტიული დემოკრატიისთვის" (ნიმდ) პუბლიკაციის პრეზენტაცია გამართა. ნარკვევი სამ თემატურ მიმართულებად იყოფა: შიდა პარტიული დემოკრატია გენდერულ ჭრილში, ახალგაზრდების პოლიტიკური საქმიანობა და ადგილობრვ თვითმართველობის საქმიანობაში მოსახლეობის ჩართულობა. მომზადებული ნარკვევის მიხედვით,  ქალთა როლი და ჩართულობა გადაწყვეტილების მიღების პროცესში სულ უფრო და უფრო მცირდება. ასევე მცირდება, ახალგაზრდების როლი პოლიტიკურ ცხოვრებაში. პუბლიკაცია ასევე გვთავაზობს სხვადასვა რეკომენდაციებს, მათ შორის,  როგორ გაიზარდოს ადგილობრივი მოსახლეობის ჩართულობის ხარისხი თვითმართველობის საქმიანობაში. ნაშრომში ასევე ნაკლვევია მოსახლეობის ჩართულობა ადგილობრივი თვითმმართველი ერთეულის საბიუჯეტო პროცესში. „ჩატარებული კვლევა ცხადყოფს, რომ ადგილობრივი თვითმმართველობა ცდილობს უკეთესი კავშირი დაამყაროს მოსახლეობასთან და ბიუჯეტი მოარგოს მათ საჭიროებებს. თუმცა, აღსანიშნავია, რომ მოსახლეობის ჩართულობა ძირითადად პასიურ ხასიათს ატარებს და მხოლოდ ინფორმაციის მიწოდებით შემოფიარგლება. მოსახლეეობა არ არის გადაწყვეტილების მიმღები მისაღები სერვისების თაობაზე, იგი მხოლოდ აქტიური მომხმარებელია. დაბალი სამოქალაქო განათლებისა და კულტურის ქონასთან ერთად გადაწყვეტლების მიღებაში ნაკლები ჩართულობა უბიძგებს მათ, იყვნენ პასიურები" .  - ნათქვამია ნაშრომში.

გურია. ახალგაზრდულმა ცენტრმა „პროგრესმა", ჩოხატაურის მუნიციპალიტეტის ორ სოფელში – ხიდისთავსა და ერკეთში, მოსახლეობის ინფორმირების მიზნით ტრიფლეტები გაავრცელა. რომელშიც ასახულია ჩოხატაურის მუნიციპალიტეტის 2012 წლის ბიუჯეტში არსებული სოციალური პროგრამები და ამ პროგრამებისთვის გათვალისწინებული თანხების შესახებ ინფორმაცია. სოფლებში ტრიფლეტები გავრცელება ადგილობრივი სკოლის მოსწავლეების მეშვეობით.

შიდა ქართლი. გორის საინფორმაციო ცენტრის ოფისში გაიმართა სამუშაო შეხვედრა გორისა და კასპის მუნიციპალიტეტების ეთნიკური ოსებით დასახლებული სოფლების წარმომადგენლებთან. შეხვედრაში მონაწილეობდა კასპის მუნიციპალიტეტიდან 8 სოფლის, ხოლო გორის მუნიციპალიტეტიდან ერთი სოფლის წარმომადგენლები. აღნიშნული შეხვედრები იმართება პროექტის – „ინტეგრაცია ასიმილაციის ნაცვლად" (დონორი  – IFES Georgia) – ფარგლებში, რომელსაც ახორციელებენ გორის საინფორმაციო ცენტრი და შიდა ქართლის დემოკრატიული განვითარების ინსტიტუტი. ერთობლივი მუშაობის შედეგად ანალიზი გაუკეთდა პრობლემებსა და დალაგდა კომპეტენციების მიხედვით: პრობლემები, რომელთა მოგვარებაც შედის ადგილობრივი თვითმმართველობის უფლებამოსილებაში, პრობლემები, რომელთა მოგვარებაც ცენტრალური ხელისუფლების პრეროგატივაა. შეხვედრაზე იდენტიფიცირებულ პრობლემებზე სასაუბროდ დაიგეგმა შეხვედრები მუნიციპალიტეტების საკრებულოებთან და სამხარეო ადმინისტრაციის წარმომადგენლებთან.

გურია. ლანჩხუთის მუნიციპალიტეტის საკრებულომ მუნიციპალური არასამეწარმეო იურიდიული პირების (აიპ) აგრობიზნეს–ცენტრ ლანჩხუთის, ტურიზმის განვითარების ცენტრისა და საზოგადოებრივი ჯანდაცვის ცენტრის 2012-2015 წლების სტრატეგიული განვითარების გეგმები დაამტკიცა. გეგმები აღნიშნულმა ორგანიზაციებმა შეიმუშავეს პროექტის – "ჩვენთან ერთად დაგეგმეთ რაში დახარჯავთ ჩვენს ფულს" – ფარგლებში. პროექტი დაფინანსდა აღმოსავლეთ-დასავლეთის მართვის ინსტიტუტის მიერ პროგრამა G–PAC ფარგლებში. პროექტი განახორციელა „ოზურგეთის ახალგაზრდა მეცნიერთა კლუბმა" „ლანჩხუთის საინფორმაციო ცენტრთან" პარტნიორობით.

თბილისი. ევროკავშირის მიერ დაფინანსებული პროექტის „თვითმმართველობის განვითარების ხელშეწყობა საქართველოში" ფინალური ღონისძიება გაიმართა ევროპის სახლში, 15 მარტს. პროექტს სამი წლის განმავლობაში რეგიონულ პარტნიორებთან ერთად სამოქალაქო საზოგადოების ინსტიტუტი ახორციელებდა. შეხვედრას ესწრებოდნენ ევროკავშირის წარმომადგენლობის ხელმძღვანელი, ელჩი ფილიპ დიმიტროვი; ატაშე ოლივერ რაისნერი; რეგიონული განვითარებისა და ინსფრასტრუქტურის მინისტრის მოადგილე, მამუკა ვაწაძე; რეგიონული პარტნიორები, თვითმმართველობების წარმომადგენლები და ა.შ. შეხვედრაზე სტუმრებმა თვითმართველობის არსზე და მმართველობის სხვა ფორმებთან შედარებით მის უპირატესობაზე ისაუბრეს. რეგიონული განვითარებისა და ინსფრასტრუქტურის მინისტრის მოადგილემ თავის მხრივ ხაზი გაუსვა რეგიონული განვითარების მნიშვნელობას ზოგადად ქვეყნის განვითარების საქმეში, ელჩმა კი აღნიშნა, რომ  ადგილობრივი თვითმართველობა უნდა ეფუძნებოდეს ადგილობრივი მოსახლეობის ინტერესებს. თვითმმართველობის განვითარების ხელშეწყობის პროექტის მთავარი კომპონენტები იყო: თვითმმართველობის, საზოგადოებისა და არასამთავრობო სექტორის თანამშრომლობისთვის ინსტიტუციური მექანიზების შექმნა, თვითმმართველობების დიალოგი მოსახლეობასთან და  საზოგადეობის გააქტიურება. პროექტი საქართველოს 4 რეგიონში, კახეთში, შიდა ქართლში, გურიასა და აჭარაში ხორციელდებოდა. პროექტის ფარგლებშიც შეირჩა სოფლის 151 დილერი, რომლებიც სოფლის/თემის ინტერესების დამცველნი და წარმომამდგენლები არიან ადგილობრივი თვითომმართველობის ორგანოებში. მათ ჩაუტარდათ ტრენინგები ლიდერის უნარ–ჩვევების გასავითრებლად. ასევე თვითმმართველობების ათასამდე თანამშრომელს ჩაუტარდა ტრენინგი სხვადასხვა საკითხებზე; მოსახლეობასა და თვითმმართველობას შორის გაიმართა 100–ზე მეტი საჯარო შეხვედრა; მომზადდა გადაცემების ციკლი თვითმმართველობის საკითხებზე რეგიონალურ ტელევიზიებსა და რადიოში, გამოიცა წიგნები თვითმმართველობის თანამშრომლებისთვის და შეიქმნა ადგილობრივი საზოგადოებრივი დარბაზები, რომელთა შემადგენლობაშიც შედიან მოქალაქეები, სამოქალაქო სექტორის  ან/და ბიზნესის წარმომადგენლები. სამწლიანი პროექტის მთავარი მიზანი იყო თვითმმართველობის განვითარების ხელშეწყობა მის სამქიანობაში მოქალაქეთა ჩართულობის გზით. პროექტზე მომუშავე ადამიანები თვლიან, რომ სამი წლის შემდეგ პროექტის მთავარი შედეგი არის ის, რომ „ჩვენ გვყავს უფრო აქტიური, უფრო ინფორმირებული მოქალაქე, რომელიც თუნდაც პროექტის დაწყებამდე გვყავდა (...)რაც ყველაზე მთავარია, მოქალაქეებმა გაიზარეს, რომ თვითმმართველობა – ეს თვითონ არიან, რომ თვითმართველობა – ეს ჩვენ ვართ" – ამბობს პროექტის მენეჯერი, გურანდა რომანაძე პროექტის ვიდეო ანგარიშში. შეხვედრაზე ასევე აჩვენეს პროექტის სამწლიანი საქმიანობისა და შედეგების ამსახველი ფილმი (ვიდეო ანგარიში) „თვითმმართველობა – ეს შენ ხარ".