თბილისი. ეუთოს დემოკრატიული ინსტიტუტებისა და ადამიანის უფლებებისოფისის, არჩევნების გრძელვადიანნი სადამკვირვებლო მისიის ანგარიში 21 დეკემბერს გამოქვეყნდა. სადამკვირვებლო მისია საქართველოს საგარეო საქმეთა სამინისტროს მოწვევით აკვირდელბოდა საქართველოში საპარლამენტო წინასაარჩევნო მიმდინარეობას. დაკვირვების არეალი მოიცავს 22 აგვისტოდან 1 ოქტომბრის პერიოდს. დემოკრატიული ინსტიტუტებისა და ადამიანის უფლებების ოფისის (OSCE/ODIHR), საპარლამენტო არჩევნების (2012 წელი) გრძელვადიანი სადამკვირვებლო მისიის საბოლოო ანგარიში წყარო:media.ge

სამეგრელო. ზუგდიდში მოქმედი სხვადასხვა არასამთავრობო ორგანიზაციების წარმომადგენლებმა, 24 დეკემბერს, თვითმმართველობის მონიტორინგის საინიციატივო ჯგუფი ჩამოაყალიბეს. ჯგუფი წევრების განცხადებით, მათი მიზანია ზუგდიდის მუნიციპალიტეტში თანამდებობის პირთა არჩევის, დანიშვნის საჯაროობის და გამჭვირვალობის უზრუნველყოფა. ამ მიზნით, ისინი ადგილობრივ ხელისუფლებაზე მონიტორინგს დღეიდან იწყებენ. ჯგუფი დასახული მიზნების განხორციელებას დემოკრატიული ჩართულობის ცენტრის დახმარებით გეგმავს. 

აჭარა. 24 დეკემბერს, ბათუმის დემოკრატიული ჩართულობის ცენტრში, საერთაშორისო გამჭვირვალობა-საქართველომ ანგარიში – საარჩევნო კამპანიის ფინანსების ანალიზი – თბილისის შემდეგ აჭარის მოსახლეობას წარუდგინა. კვლევაში აქცენტი გაკეთდა: საარჩევნო სუბიექტების შემოსავლის წყაროზე, მათ მიერ გაწეულ ხაჯებზე, სახელმწიფო აუდიტის საქმიანობაზე, საკანონმდებლო და ფინანსურ დეკლარაციებთან დაკავშირებულ პრობლემებზე. პრეზენტაციის შემდეგ გაიმართა დისკუსია, სადაც სტუდენტებმა, ადგილობრივი საზოგადოებრივი ორგანიზაციების და მედიის წარმომადგნლებმა ანალიზის შესახებ იმსჯელეს.

სამცხე–ჯავახეთი. 21 დეკემბერს, ადიგენის მუნიციპალიტეტის ვარხანის  საჯარო სკოლის სამოქალაქო კლუბი „ზრუნვა", მცირე გრანტის განხორციელების პროცესში,  ამავე სოფლის  თემის რწმუნებულს შეხვდა. შეხვედრა სამოქალაქო განათლებისა და პედაგოგთა გადამზადების პროგრამის ფარგლებში დაიგეგმა.  შეხვედრის მიზანი იყო პროექტის ფარგლებში მოსახლეობის გამოკითხვის შედეგად გამოვლენილი  პრობლემების რწმუნებულისთვის გაცნობა და მათი გადაჭრის გზების ძიება. კლუბის წევრების მიერ გამოიკითხა 100 ოჯახი. სოფლის მთავარ პრობლემად  დასახელდა სასმელი წყლის მიწოდების  და შიდა გზების, ასევე სოფლის სასაფლაოს ღობის გამაგრების საკითხები.  გადაწყდა, რომ სასმელი წყლისა და შიდა გზების პრობლემის შესახებ კლუბის წევრები მოამზადებენ წერილს, რომელიც განსახილველად გადაეცემა ადიგენის თვითმმართველობას სამოქმედო გეგმაში გასათვალისწინებლად. სოფლის რწმუნებულმა აღნიშნა, რომ წამოჭრილ საკითხზე ითანამშრომლებს ახალგაზრდებთან და ერთობლივი ძალებით მოახერხებენ მის მოგვარებას.

25 დეკემბერს, 17:30 საათზე, საერთაშორისო ფონდი „კურაციო" სტიპენდიანტის პროგრამის 2012-2013 წლების გამარჯვებულს დააჯილდოვებს. მისამართი: თბილისი,  სახელმწიფო სამედიცინო უნივერსიტეტი, საზოგადოებრივი ჯანდაცვის მართვის სკოლა (ადმინისტრაციული შენობა, სართული 4, აუდიტორია: 417)

25 დეკემბერს, 11:00 საათზე ბათუმის დემოკრატიული ჩართულობის ცენტრის, სამოქალაქო საზოგადოების ინსტიტუტის ბათუმის ფილიალის ინიციატივით გაიმართება აჭარის ა.რ. 2013 წლის ბიუჯეტის პროექტის განხილვა. მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი

თბილისი. „საერთაშორისო გამჭვირვალობა – საქართველომ” საპარლამენტო ამბების ყოველკვირეული პოდკასტი გამოაქყვენა. 24 დეკემბრის პოდკასტის მიმომხილველები არიან  ეკა გიგაური, ლევან ნატროშვილი და კახა ურიადმყოფელი.  განხილულია შემდეგი თემები: პარლამენტის მუშაობის შეჯამება, უმცირესობის ბოიკოტი, ინციდენტი ქუთაისში პრეზიდენტის ვიზიტისას, ნიკა გვარამიას დაკავება, სატელეფონო მოსმენები, მინუს ერთი მაჟორიტარი უმცირესობას, 2013 წლის ბიუჯეტი, ამნისტია და სხვა დეტალები საპარლამენტო ცხოვრებიდან. ორგანიზაცია  უშვებს აუდიო პოდკასტებს, რომლებშიც ქვეყნის მთავარ საკანონმდებლო ორგანოში მიმდინარე ყველაზე საინტერესო მოვლენებს მიმოიხილავს. პოდკასტის გამოყენება და გავრცელება ნებისმიერ მედიასაშუალებას, ბლოგერს და დაინტერესებულ პირს ნებართვის გარეშე შეუძლია. სრულად წყარო: transparency.ge

სამცხე–ჯავახეთი. 21 დეკემბერს, ახალციხის მუნიციპალიტეტის საკრებულოსა და არასამთავრობო სექტორის წარმომადგენლებმა 2013 წლის ადგილობრივი ბიუჯეტის პროექტი კიდევ ერთხელ განიხილეს. შეხვედრაზე იმსჯელეს იმაზე, თუ რა ცვლილებები შევიდა პროექტში და რა შენიშვნებს გაითვალისწინებს საკრებულო სამომავლოდ. ახალციხის მუნიციპალიტეტის საკრებულოს თვამჯდომარემ ოლეგ სანდროშვილმა განმარტა, რომ შენიშვნებისა და რეკომენდაციების ნაწილი უკვე აისახა ბიუჯეტის პროექტში და გარკვეული ცვლილებები მასში მომდევნო წლის დასაწყისშიც შევა. ადგილობრივ და საერთაშორისო არასამთავრობო ორგანიზაციებს 2013 წლის ბიუჯეტის პროექტთან დაკავშირებით გარკვეული შენიშვნები ჰქონდათ. ბიუჯეტის პროექტის საჯარო განხილვებისას მათ სპეციალური მიმართვა შიმუშავეს და მუნიციპალიტეტის საკრებულოს წარუდგინეს.  არასამთავრობო ორგანიზაციები ბიუჯეტის განხილვაში  პროექტ – „გამჭვირვალე თვითმმართველობის” – ფარგლებში ჩაერთვნენ. რომელსაც არასამთავრობო ორგანიზაცია „დემოკრატ მესხთა კავშირი” ახორციელებს. 

სამეგრელო. 21 დეკემბერს ცენტრი „აფხაზეთის" ზუგდიდის ოფისში „დევნილთა პროფესიული სწავლებისა და მომსახურების ცენტრის" კურსდამთავრებულთა ხელსაწყოების გადაცემის ღონისძიება გაიმართა. თითოეულ ბენეფიციარს ცენტრი „აფხაზეთისგან" საშუალოდ 500 ევროს ღირებულების პროფესიული სამუშაო იარაღების კომპლექტი გადაეცა.  დევნილთა პროფესიული სწავლებისა და მომსახურების ცენტრი უკვე 3 წელია ფუნქციონირებს ზუგდიდში. ამ დროისთვის ცენტრში 700-მდე დევნილმა და სოციალურად დაუცველმა პირმა გაიარა სწავლების კურსი და დაეუფლა სასურველ პროფესიას: ჭრა-კერვა, თმის სტილისტი, კოსმეტოლოგია, ავტომანქანის შეკეთება, კომპიუტერული კურსები, ბუღალტერია. მათგან დაახლოებით 170 ყველაზე მოტივირებულ და წარმატებულ ბენეფიციარს გადაეცა პროფესიული სამუშაო იარაღები საჩუქრად მათი შემდგომი დასაქმების ხელშეწყობის მიზნით და 100-ზე მეტი ბენეფიციარი დასაქმდა და გაუჩნდა სტაბილური შემოსავალი.  პროექტი ერთობლივად ხორციელდება ცენტრი „აფხაზეთისა" და გაეროს ლტოლვილთა საქმეების უმაღლესი კომისარის მიერ. სრულად წყარო: ორგანიზაციის გვერდი სოციალურ ქსელში

სამცხე–ჯავახეთი. 21 დეკემბერს, ახალციხის დემოკრატიული ჩართულობის ცენტრში ბავშვთა მიმართ ძალადობის პრევენციის შესახებ იმსჯელეს.  ისკუსია ახალციხის დემოკრატიული ჩართულობის ცენტრისა და არასამთავრობო ორგანიზაცია ,,სამცხე-ჯავახეთის დემოკრატ ქალთა საზოგადოების” ინიციატივით გაიმართა.  არასამთავრობო ორგანიზაციების, სამოქალაქო საზოგადოების წარმომადგენელმა და ადგილობრივმა ექსპერტებმა ისაუბრეს ძალადობის მიზეზების, შედეგების, მისი არსისა და გართულებების შესახებ. ასევე ნაჩვენები იქნა საზოგადოებრივი ორგანიზაცია ,,სახლის" მიერ მიწოდებული ფილმი ოჯახური ძალადობის შესახებ და ძალადობის მსხვერპლთათვის განკუთვნილი ცხელი ხაზის სარეკლამო რგოლები. ფილმის ჩვენების შემდეგ  გაიმართა დისკუსია საქართველოში ძალადობის სტატისტიკის შესახებ. 

24 დეკემბერს, 14:00 საათზე, ორგანიზაცია „სთეფ ფორვარდი" გამართავს დისკუსიას სმენადაქვეითებულ ბავშვებთა თანაბრი უფლებების ადგვოკატირების თემაზე. მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი

თბილისი. 22 დეკემბერს ჟურნალისტური ეთიკის ქარტიის მეოთხე საერთო კრება გაიმართა, სადაც ორგანიზაციის ახალი თავმჯდომარე და წევრები აირჩიეს. ქარტიის საბჭოს თავმჯდომარედ სტუდია „მონიტორის" ჟურნალისტი გიორგი მგელაძე უხელმძღვანელებს. მან ამ პოსტზე ზვიად ქორიძე შეცვალა, რომელიც ქარტიას ორი წლის განმავლობაში ხელმძღვანელობდა. აირჩა საბჭოს სამი წევრი, ამჟამად საბჭოს წევრები არიან არიან დავით მჭედლიძე, ნათია როყვა, გიორგი მგელაძე, ზვიად ქორიძე, ლაშა ზარგინავა, ირაკლი აბსანძე, გელა მთივლიშვილი, ნათია კუპრაშვილი და ია მამალაძე. ქარტიის წევრებმა სრევიზიო კომისიის ახალი შემადგენლობაც დაამტკიცეს. კომისიას ნანა ბიგანიშვილი უხელმძღვანელებს, წევრები კი ლიკა ბასილაია - შავგულიძე და შორენა ღლონტი იქნებიან. საბჭოს ახალი წევრების არჩევამდე ქარტიის ხელმომწერ ჟურნალისტებს წლიური ანგარიში გააცნეს უკვე ყოფილმა თავმჯდომარე ზვიად ქორიძემ და სარევიზიო კომისიის თავმჯდომარე ია ბობოხიძემ. წყარო: media.ge

აჭარა. 21 დეკემბერს, ბათუმის საჯარო ბიბლიოთეკაში, აშშ-ს საელჩომ, დემოკრატიის კომისიის, მცირე გრანტების პროგრამის ფარგლებში არსებული საგრანტო კონკურსის პრეზენტაცია აჭარის ადგილობრივი საზოგადოებრივი ორგანიზაციებისთვის გამართა. აღნიშნულ კონკურსში მონაწილეობის მიღება შეუძლია საქართველოს არასამთავრობო, საგანმანათლებლო და მედია ორგანიზაციებს, .პროექტების მიღება 2013 წლის 21 იანვრამდე გაგრძელდება. დემოკრატიის კომისიის მცირე გრანტების პროგრამის ადმინისტრირებას ახორციელებს აშშ-ს საელჩოს საზოგადოებასთან ურთიერთობის განყოფილება, ელჩის მოადგილისა და განყოფილების  ხელმძღვანელის თავმჯდომარეობით. გრანტის მაქსიმალურია ოდენობა არ უნდა აღემატებოდეს 24,000 აშშ დოლარს.

თბილისი.  „სამართლიანი არჩევნებისა და დემოკრატიის საერთაშორისო საზოგადოებამ" (ISFED) 2012 წლის 1 ოქტომბრის საპარლამენტო არჩევნების შემდგომ ადგილობრივი თვითმმართველობის ორგანოებში განვითარებული მოვლენების მონიტორინგის პირველი ანგარიში წარმოადგინა. ორგანიზაციამ მონიტორინგი 69–ე მუნიციპალიტეტში განახორციელა და ანგარიშში ასახა, რომლის მიხედვითაც „2012 წლის პირველი ოქტომბრის არჩევნებიდან დღემდე საქართველოს მასშტაბით თანამდებობა დატოვა 31 გამგებელმა, მათგან 29–მ პოსტი პირადი განცხადების საფუძველზე, ხოლო ორმა – საკრებულოს გადაწყვეტილებით. ამავე პერიოდში თანამდებობკა დატოვა 16 საკრებლოს თავმჯდომარემ, მათ შორის 14–მა საკუთარი გადაწყვეტილებით, ხოლო ორმა – საკრებულოს გადაწყვეტილებით". ანგარიში წყარო: isfed.ge

აჭარა.  22 დეკემბერს, ბათუმის დემოკრატიული ჩართულობის ცენტრში, ახალგაზრდულმა ორგანიცაია Art Way-მ მორიგი აქტივობის - „ქუჩის სახალისო შეჯობრის" პრეზენტაცია გამართა. ორგანიზატორებმა  მოხალისე ხელოვანთა კლუბის წევრებს აღნიშნული აქტივობის პრინციპები და დანიშნულება აუხსნა. „ქუჩის სახალისო შეჯიბრი" უსინათლოებისადმი სოლიდარობის გამოხატვის ერთგვარი საშუალებაა, რომელიც ხაზს უსვამს შშმ პირების, კერძოდ - უსინათლოების, საზოგადოებაში სხვადასხვა გზით ინტეგრაციის  შესაძლებლობას და აუცილებლობას. შეჯიბრში მონაწილეობის მიღების საშუალება ყველა მსურველს მიეცემა. შეხვედრას Art Way Club-ის წევრებთან ერთად სტუდენტები, მოსწავლეები და ადგილობრივი საზოგადოებრივი ორგანიზაციების წარმომადგენლები ესწრებოდნენ.

თბილისი. საქართველოს ახალგაზრდა იურისტთა ასოციაციამ კვლევა – „სავარაუდოდ პოლიტიკური მოტივაციის მქონე სისხლის სამართლისა და ადმინისტრაციულ სამარლთარდარღვევათა საქმეების ანალიზი" – გამოაქვეყნა. წინამდებარე კვლევაში გაანალიზებულია 2011 წლის 26 მაისის საპროტესტო აქციებთან დაკავშირებულ პირთა საქმეები. კვლევაში ასევე მოცემულია ე.წ. ფოტორეპორტიორთა და კიდევ რამდენიმე საქმე. კვლევა წყარო: gyla.ge

კახეთი. არასამთავრობო ორგანიზაცია ,,ლაიფ ლაინ-ის" მთავარი მიმართულება შეზღუდული შესაძლებლობის მქონე პირების საზოგადოებაში ინტეგრაციაა. ორგანიზაციას 30 ბენეფიციარი ჰყავს. ორგანიზაცია ჯანდაცვის სამინისტროს მიერ დაფინანსებული პროექტს ანხორციელებს. მის ფარგლებში ბენეფიციარებს უნარ-ჩვევების ჩამოყალიბებაში ეხმარებიან. ორგანიზაცია დირექტორის გულიკო როსტოშვილის თქმით, პროექტის მიზანი შეზღუდული შესაძლებლობის მქონე პირების საზოგადოებაში ინტეგრაცია და ადაპტაციაა: ,,ვასწავლით სხვადასხვა საგნებს, გვაქვს სახელოსნო, სადაც სწავლობენ ხელ-საქმეს, ასევე ვასწავლით მათემატიკას, ზოგად უნარებს, თავდაცვას, ცეკვას, სიმღერას, ზოგიერთი მათგანი ხელოვნებით არის დაინტერესებული. ხელი მიგვიწვდება ბისერებზე, თექაზე, ბუნებრივ მასალებზე, მაკრამაზე. გარდა ამისა, ხდება ძაფების აპლიკაციებით მუშაობა, რომელიც ძალიან მოსწონთ. მუშაობენ ასევე ძერწზე და ეს არის ერთგვარი თერაპია, რომელიც განვითარებაში და სხვადასხვა უნარების გამომუშავებაში ეხმარებათ. ბისერებისგან აკეთებენ სამკაულებს, მინიატურულ ხეებს, თექისგან კი ჩანთებსა და ნატურმორტებს ".

თბილისი. „რადარამი" იწყებს კონკურსს „ვიკითხოთ და ვიკამათოთ".კონკურსის ფარგლებში „რადარამის" მიერ გამოცემეული წიგნების ერთგულ მკითხველს მოეთხოვებათ,  დაწერონ საკუთარი შთაბეჭდილება, მოსაზრება, ანალიზი, მიმოხილვა ორგანიზაციის მიერ უკვე გამოცემული 5 წიგნიდან ერთ-ერთზე (ან ხუთივეზე სურვილისამებრ). შემდეგ ნაწერი გააგზავნონ მისამართზე info@radarami.org ან მიწერონ სოციალურ ქსელში ორგანიზაციას 31 იანვრის ჩათვლით.  ყველაზე საინტერსო 5 მიმოხილვა გამოვლინდება „რადარამის" თანამშრომლების მიერ და სოციალური ქსელის მეშვეობით. პირველ ხუთეულს საჩუქრად გადაეცემა „რადარამის" წიგნები. ასევე სურვილისამებრ,  ეს ადამიანები ჩაერთვებიან ახალი წიგნების პრეზენტაციის კამპანიაში საქართველოს სხვადასხვა რეგიონში. „ჩვენ გვაინტერესებს, რამდენად საინტერესო და გასათვალისწინებელია ქართველი მკითხველისათვის წიგნების ავტორთა მოსაზრებები და რამდენად ახლოსაა მათ მიერ წამოჭრილი პრობლემები ქართულ რეალობასთან", – ნათქვამია ორგანიზაციის ოფიაციალურ გვერდზე სოციალურ ქსელში  სრულად წყარო:  ორგანიზაციის გვერდი სოციალურ ქსელში

აჭარა. 20 დეკემბერს, ბათუმის პრესკაფეში, ასოციაციამ „თავისუფალ ჟურნალისტთა სახლმა" გამართა დისკუსია თემაზე - „თვითმმართველოსის საქმიანობაში ახალგაზრდობის ჩართვის მექანიზმის ზრდის შესაძლებლობები". დისკუსია გაიმართა, დემოკრატიის და განვიტარების კავკასიური ინსტიტუტის(თბილისი) და სოციალურ კვლევათა ინსტიტუტის (ჰააგა) მიერ, ნიდერლანდების საგარეო საქმეთა სამინისტროს სოციალური გარაქმნის პროგრამის(მატრა) ფარგლებში.

თბილისი. 51–ე  საჯარო სკოლაში „ახალი თაობა – ახალი ინიციატივაის" ორგანიზებით სასწავლო პროგრამის „არჩევნები მოსწავლეთათვის" პრაქტიკული ღონისძიება გაიმართა. პროგრამაში მონაწილეობა 29 მოსწავლემ მიიღო. მათ გაკვეთილზე  ყველა ის დავალება შეასრულეს, რაც პროგრამის თეორიულ ნაწილში  იყო გათვალისწინებული, იმუშავეს ჯგუფებში და წარმოდგენეს როლური თამაში „არჩევნების დღე". გაკვეთილების დასრულების შემდეგ მასწავლებლებმა და მოსწავლეებმა პროგრამასთან მიმართებაში შეიმუშავეს რეკომენდაციები, რომელსაც გაითვალისწინებენ სასწავლო კურიკულუმში. სასწავლო პროგრამა იქმნება ევროპის კავშირის მიერ დაფინანსებული პროექტის – „ამომრჩეველთა ცნობიერების ამაღლება აღმოსავლეთ პარტნიორების ქვეყნებში" ფარგლებში  და ხორციელდება ევროპის საბჭოს  მიერ. პროექტის მიზანია, არჩენვების თემა სრულყოფილად იქნეს გათვალისწინებული სამოქალაქო განათლების სწავლების კურიკულუმში, რომელიც გახდება სამოქალაქო განათლების სწავლების ერთ–ერთი სავალდებულო კომპონენტი.  სასწავლო პროგრამის შექმნაზე ერთობლივად მუშაობენ საქართველოს, მოლდოვეთის, უკრაინის, სომხეთის, აზერბაიჯანის ცენტრალური საარჩევნო კომისიის, განათლების სამინისტროს, სადამკვირვებლო ორგანიზაციებისა და სამოქალაქო განათლების სწავლების ექსპერტები.  წყარო: ორგანიზაციის გვერდი სოციალურ ქსელში

კახეთი. არასამთავრობო ორგანიზაცია „მოლმა" რამდენიმე დღის წინ ლაგოდეხში ადგილობრივ ფერმერებსა და მუნიციპალიტეტის გამგეობის წარმომადგენლებთან შეხვედრა  გამართა. შეხვედრა ეხებოდა კახეთის რეგიონში მიმდინარე პროექტს - „საბაზრო შესაძლებლობები საარსებო პირობების გასაუმჯობესებლად". პროექტის, „საბაზრო შესაძლებლობები საარსებო პირობების გასაუმჯობესებლად", ხელმძღვანელის მოადგილემ ალექსანდრე ღოღობერიძემ დამსწრე საზოგადოებას წარუდგინა პრიორიტეტები და მოისმინა ადგილობრივ ფერმერების მოსაზრებები:,,შეხვედრაზე ბევრი ვისაუბრეთ და აქტუალური საძოვრების, ვეტერინარიის და მექანიზაციის  თემები აღმოჩნდა. ფერმერებმა ასევე ისაუბრეს  მიწის საკუთრების დაცვის მექანიზმებსა  და საჯარიმო სანქციებთან დაკავშირებით  საქართველოს  კანონმდებლობაში  არსებულ  ხარვეზებზე". „მოლი"  კახეთის რეგიონში შეხვედრებს განაგრძობს.

24 დეკემბერს, 10:00 საათზე, გაიმართება აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის საერთო კრება: "ევროინტეგრაციის პროცესში არსებული გამოწვევები და სამოქალაქო საზოგადოების როლი". მისამართი: თბილისი, სასტუმრო ,,ჰოლიდეი ინ"