თბილისი. 31 ოქტომბერს ჩატარდა მერაბ მამარდაშვილისადმი მიძღვნილი სემინარი თემაზე: „Homo Sovieticus მემკვიდრეობა და მერაბ მამარდაშვილი". სემინარს უძღვებოდა ილიას სახელმწიფო უნივერსიტეტის ასოცირებული პროფესორი ლევან გიგინეიშვილი. შეხვედრაზე განიხილეს ისეთი თემები, როგორიცაა თუ როგორ უყურებდა მამარდაშვილი ადამიანს, პიროვნებას, აზროვნების პროცესს, არის თუ არა ქართული საზოგადოება ინერტული საზოგადოება, რა ისწავლა და რა შეცდომები დაუშვა მან განვითარების ბოლო 20 წლის განმავლობაში და ხდება თუ არა განვილი პერიოდის/შეცდომების გადაფასება, გაანალიზება, იმისთვის რომ იგივე შეცდომები არ დავუშვათ. სემინარი გაიმართა პროექტის – „ეძღვნება მერაბ მამარდაშვილს 2" – ფარგლებში, რომელსაც სტრატეგიულ გამოკვლევათა ცენტრი ფონდ „ღია საზოგადოება - საქართველოს" მხარდაჭერით 2012 წლის აპრილიდან ახორციელებს.

აჭარა. 31 ოქტომბერს, არასამთვარობო ორგანიზაცია „ბორჯღალის" ოფისში, შავი ზღვის დღისადმი მიძღვნილი შეხვედრა გაიმართა. სადაც მოეწყო „ბორჯღალის" მიერ გადაღებული ფილმის – „SOS” (Save Our Sea) ჩვენება. ფილმში ნაჩვენებია შავი ზღვის დღევანდელი მდგომარეობა, მისი დაბინძურების შედეგად  მოსალოდნელი საფრთხეები. ასევე, ფილმში საუბარია პრობლემის მოგვარების რაციონალურ გზებზე.  შეხვედრას ესწრებოდნენ ბათუმის შოთა რუსთაველის სახელმწიფო უნივესიტეტის პროფესორები, ექსპერტები შავი ზღვის საკითხში, საზოგდსოებრივი ორგანიზაციის წარმომადგენლები და სტუდენტები.

კახეთი. 31 ოქტომბერს თელავის დემოკრატიული ჩართულობის ცენტრში მუნიციპალური მომსახურების განვითარების ასოციაციამ შეხვედრა გამართა ადგილობრივი თვითმმართველობის წარმომადგენლებთან.  შეხვედრაზე განიხილეს ანალიზის დოკუმენტი, მოხდა პრიორიტეტების რანჟირება 2013-2014 წლებისთვის ნარჩენების მენეჯმენტის კუთხით თელავის მუნიციპალიტეტში.

იმერეთი. საქართველოს პარლამენტის თავდაცვისა და უშიშროების კომიტეტის წევრები, 31 ოქტომბერს საზოგადოებრივი ორგანიზაციების წარმომადგენლებს შეხვდნენ, სადაც საუბარი შეეხო საზოგადოებრივი საბჭოს შექმნას. კომიტეტთან მუშაობის ფორმატის განსაზღვრის შემდგომ, საბჭო აქტიურად ჩაერთვება კანონშემოქმედებით პროცესში.

თბილისი. საზოგადოებრივი ორგანიზაცია „იარე ფეხით" საზოგადოებას  ვიდეოების ციკლს სთავაზობს, სადაც ასახულია საქართველოს ქალაქებში არსებული პრობლემები, რომლებიც დაბრკოლებას უქმნის ფეხით სიარულის მოყვარულებს.  ერთ–ერთი ყველაზე ბოლოს გავრცელებული ვიდეო ეხება თბილისში მიმდინარე მშენებლობებს, შენობების სარესტავრაციო კონსტრუქციებს, ტროტუარის ხარისხსა და ანტისანიტარიას მიწისქვეშა გადასასვლელებში.  „იარე ფეხით" არის ორგანიზაცია, რომელიც მხარს უჭერს ფეხით სიარულს ქალაქებში, ცდილობს დაიცვას ფეხით მოსიარულეთა უფლებები და იმედოვნებს, რომ  შესძლებს ხელისუფლების დარწმუნებას, როგორც ეროვნულ, ისე მუნიციპალურ დონეზე, დაეხმაროს ფეხითმოსიარულეებს და, ამ კუთხით, უკეთესი პოლიტიკა გაატაროს. წყარო: ორგანიზაციის„იარე ფეხით" ოფიციალური გვერდი სოციალურ ქსელში

აჭარა. 31 ოქტომბერს, ბათუმის დემოკრატიული ჩართულობის ცენტრში, მწვანეთა მოძრაობის წამომადგენლებმა მოაწყვეს შეხვედრა, თემაზე – „ნარჩენების მართვის საკითხები საქართველოში". შეხვედრისას ისაუბრეს იმ პრობლემებზე, რაც გარემოს დაბინძურების საფუძველზე საზოგადოებას ექმნება. „საქართველოს მწვენეთა მოძრაობა/დედამიწის მეგობარი–საქართველოს„ წარმომადგენლები ყურადღებას ამახვილებენ ნარჩენების მართვის პროგრამის შემუშავებაზე, ასევე ამ პრობლემის მოსაგვარებლად მნიშვნელოვანად მიიჩნევენ საზოგადოებრივი ცნობიერების ამაღლებას, ნარჩენების რაოდენობის შემცირების აუცილებლობის საკითხზე ინფორმაციის გაზიარებას. საქართველოს მწვანეთა მოძრაობის წარმომადგენლები აღნიშნული პრობლემის მოსაგვარებლად სახელმწიფოს მხარდაჭერას და სპეციალისტების მიერ შერჩეულ ადგილას ნაგავსაყრელებისა და ნარჩენთა გადამამუშავებელი ქარხნების ამუშავებას მიიჩნევენ.

თბილისი. საზოგადოებრივი ორგანიზაცია „მწვანე ალტერნატივა" აქვეყნებს რეკომენდაციების ჩამონათვალს გარემოს დაცვისა და ენერგეტიკის სფეროში გასატარებელი ღონისძიებების შესახებ.  განცხადებაში გამოყოფილია გარკვეული საკითხი, რომლებიც გარემოსდაცვითი მმართველობის გაუმჯობესებას, ასევე ენერგეტიკის სფეროში მეტი მდგრადობის მიღწევას ეხება. მათი უმეტესობა ორგანიზაციის მოსაზრებით გადაუდებელ ღონისძიებათა რიცხვს მიეკუთვნება. რეკომენდაციები წყარო: greenalt.org

შიდა ქართლი.  მიმდინარე წლის 25 ოქტომბერს რატევანის ქალთა საბჭომ სოფელ კაზრეთის ადგილობრივი მოსახლეობისათვის ჩაატარა ტრენინგი თემაზე: გენდერული თანასწორობა და ქალთა უფლებები. ტრენინგის მიზანს წარმოადგენდა სოფელში მცხოვრები აქტიური ქალებისათვის დეტალური ინფორმაციის მიწოდება გენდერული თანასწორობისა და ზოგადად ქალთა უფლებების შესახებ. შემდეგ ეტაპზე, რატევანის ქალთა საბჭო დაინტერესებული პირებისთვის გეგმავს სამუშაო შეხვედრის ჩატარებას შემდეგ საკითხებზე: თემის მობილიზება და ჩართულობა. პროექტი „სამხრეთ კავკასიის ქვეყნებში სოფლად მცხოვრებ ქალთა უნარ-შესაძლებლობების გაძლიერება და მათი ჩართვა ბუნებრივი რესურსების მდგრად მართვაში" ხორციელდება გერმანული ფონდის EED-ის ფინანსური მხარდაჭერით.  წყარო: cenn

აჭარა. ხანდაზმულთა კლუბის ბენეფიციარები ქობულეთის    მხარეთმცოდნეობის მუზეუმს ეწვივნენ. ბენეფიციარებმა   მუზეუმში   განთავსებული 3500 მდე  უნიკალური  ექსპონატი  დაათვალიერეს. ექსკურსია ასოციაციამ ,,ღირსეული   სიბერემ" პროექტის – ,,ხანდაზმულთა სოციალური ცენტრი" – ფარგლებში მოაწყო (დონორი ევროკავშირი). ორგანიზაცია ხშირად აწყობს     ბენეფიციართათვის  კულტურულ ღონისძიებებს, საინფორმაციო შეხვედრებს და სხვა ღონისძიებებს, რომელიც საზოგადოების  ცხოვრებაში ხანდაზმულთა აქტიურ   ჩართულობას  უწყობს  ხელს. სრულად წყარო: awa.org.ge

კახეთი. განათლების განვითარებისა და გადამზადების ცენტრმა სკოლის კლუბების თანამშრომლობის ფარგლებში თელავის IV საჯარო სკოლაში სამოქალაქო კლუბი დაარსა.  კლუბი გეგმავს მოაწყოს სკოლაში სამოქალაქო თემატიკის აქტივობები, რომლის ბენეფიციარები სკოლის მოსწავლეები იქნებიან.

იმერეთი. მიმდინარე წლის 26-28 ოქტომბერს პროექტის – „ლიდერთა აკადემია"– ფარგლებში, რომელსაც პოლონური ორგანიზაცია „ფონდი მდგრადი განვითარებისათვის" ახორციელებს ტყიბულის განვითარების ფონდთან, ასოციაცია CENN-თან, „ელკანასთან" და შავი ზღვის ეკო-აკადემიასთან თანამშრომლობით, ჩატარდა  ტრენინგი პროექტის ციკლის მართვაზე ქედას მუნიციპალიტეტში.  ტრენინგს ესწრებოდნენ  ზემოთ აღნიშნული პროექტის ბენეფიციარები ქედის, ამბროლაურის, ჭიათურის, ტყიბულის, თერჯოლის მუნიციპალიტეტებიდან.   ტრენინგის მიზანს წარმოადგენდა მონაწილეებისათვის პროექტის წერის, მისი ციკლის მართვისა და ფონდების მოძიებისათვის აუცილებელი ინფორმაციის მიწოდება და შესაბამისი  უნარ-ჩვევების განვითარება. ტრენინგის მსვლელობის დროს მონაწილეებმა შეიმუშავეს მცირე ინიციატივები. შერჩეული პროექტები დაფინანსდება „ფონდი მდგრადი განვითარებისაგან". ტრენინგი ასოციაცია ელკანადან და შავი ზღვის ეკო აკადემიიდან (BSEA) მოწვეული ტრენერების მიერ ჩატარდა.   მცირე პროექტების დასრულების შემდეგ ნოემბერში, ადგილობრივი ლიდერები გაივლიან მონიტორინგსა და შეფასებას და განიხილავენ შესწავლილ გაკვეთილებს. პროექტი „ლიდერთა აკადემია" ხორციელდება პოლონეთის საგარეო საქმეთა სამინისტროს პოლონეთის განვითარების 2012 პროგრამის დაფინანსებით, პროგრამა „დემოკრატიის მხარდაჭერა". წყარო: cenn

2 ნოემბერს, 17:00 საათზე, ფონდი „ღია საზოგადოება-საქართველოს" ოფისში გაიმართება დოკუმენტური ფილმის „ახალი სახლი" ჩვენება. 2011 წელს ფონდის მხარდაჭერით ორგანიზაციამ „ხელი ხელს" გურჯაანში საოჯახო ტიპის დაწესებულება შექმნა, სადაც შეზღუდული შესაძლებლობების მქონე ათი ადამიანი ცხოვრობს. ორგანიზაციის ხელმძღვანელმა, მაია შიშნიაშვილმა საკუთარი საცხოვრებელი სახლი დაუთმო იმ ადამიანებს, რომლებიც სწორედ ამ ფილმში სახლის ყოველდღიურობაზე საუბრობენ და საკუთარ ისტორიებს მოგვითხრობენ. მისამართი: თბილისი, ჭოველიძის 10, ფონდი „ღია საზოგადოება – საქართველო"

31 ოქტომბერს, 18:00 საათზე ჰაინრიხ ბიოლის ფონდის ბათუმში აწყობს საჯარო დისკუსიას. დისკუსიის თემა: საზოგადოება და პოლიტიკა ოქტომბრის არჩევნების შემდეგ: „დიდი ცვლილებების" და „დიდი იმედების" გამოწვევები. მისამართი: ბათუმი, მელაშვილისა და საბაჟოს ქუჩების კვეთა 2–1, პრეს–კაფე

თბილისი. 2 ნოემბერს ევრაზიის თანამშრომლობის ფონდის ინიციატივით გაიმართება დისკუსია თემაზე:  „სამოქალაქო საზოგადოების როლი პოლიტიკური ტრანსფორმაციის პროცესში". ღონისძიება ეძღვნება ევრაზიის თანამშრომლობის ფონდის, როგორც ადგილობრივი ორგანიზაციის, საქმიანობის 5 წლისთავს.  მონაწილეები განიხილავენ სამოქალაქო საზოგადოების როლს პოლიტიკური ტრანსფორმაციის პროცესში. დისკუსია გაიმართება შემდეგი კითხვების ირგვლივ: იზრდება თუ არა სამოქალაქო საზოგადოების  მნიშვნელობა  პოლიტიკურ ცხოვრებაში?  მისაღებია თუ არა საქართველოს პოლიტიკური რეალობა აღვწეროთ   დასავლური პოლიტიკური თეორიის ჭრილში? რა გავლენას ახდენს სამოქალაქო საზოგადოება პოლიტიკურ სუბიექტებზე  და როგორ აძლიერებს ეს საზოგადოების უნარს განსაზღვროს თავისი მომავალი? დისკუსია 16:30 საათზე, სასტუმრო „შერატონ მეტეხი პალასში" გაიმართება სრულად წყარო: epfound.ge

თბილისი. საზოგადოებრვი ორგანიზაცია „ქალთა ფონდი საქართველოში" გრანტის მიმღებთა მასშტაბურ შეხვედრას აწყობს. დღეს გაიმართება შეხვედრის მესამე (ბოლო) დღე, რომელსაც დაესწრებიან ქალთა ორგანიზაციები, საინიციატივო ჯგუფები და ინდივიდები, რომლებსაც მიიღეს ქალთა ფონდის გრანტი. კვირის ბოლოს ორგანიზაცია შეხვედრების შესახებ დეტალურ ინფორმაციას გაავრცელებს. სრულად წყარო: ორგანიზაციის „ქალთა ფონდი საქართველოში" ოფიციალური გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუმა (IDFI) შექმნა სასამართლო სტატისტიკის ელექტრონული მოდული, რომელიც საქართველოს სასამართლო სისტემაში არსებული მნიშვნელოვანი სტატისტიკური ინფორმაციის რესურსია. სტატისტიკური და დინამიური მონაცემები კატეგორიების მიხედვით ვიზუალურადაა წარმოდგენილი, რაც მომხმარებელს ინფორმაციის მოძიების და მონაცემების ურთიერთშედარების შესაძლებლობას აძლევს. სასამართლო სტატისტიკის ელექტრონული მოდული უკვე  ხელმისაწვდომია  საქართველოს უზენაესი სასამართლოს ოფიციალურ ვებ-გვერდზე: www.supremecourt.ge. სასამართლო სტატისტიკის მოდული შეიქმნა ინფორმაციის თავისუფლების განვითარების ინსტიტუტის (IDFI) პროექტის - „საქართველოს სასამართლო სისტემის საზოგადოებრივი ანგარიშვალდებულებისა და გამჭვირვალობის ხარისხის გაუმჯობესება" - ფარგლებში. პროექტი ხორციელდება ევრაზიის თანამშრომლობის ფონდის (EPF) „სამოქალაქო ინიციატივა დამოუკიდებელი სასამართლოსთვის" პროგრამის ფარგლებში, რომელიც დაფინანსებულია ამერიკის შეერთებული შტატების საერთაშორისო განვითარების სააგენტოს (USAID) მიერ აღმოსავლეთ-დასავლეთის მართვის ინსტიტუტის (EWMI) მეშვეობით. მოდულის შექმნა შესაძლებელი გახდა საქართველოს უზენაეს სასამართლოსთან თანამშრომლობით. სრულად წყარო: idfi.ge

იმერეთი. 30 ოქტომბერს,  სამოქალაქო განათლებისა და პედაგოგთა გადამზადების პროგრამის ფარგლებში  ქუთაისის საჯარო სკოლების 9-10-11-12 კლასის მოსწავლეები ესტუმრნენ საქართველოს მთავრობის სახლს. ვიზიტი მიზნად ისახადა, სამოქალაქო კლუბის წევრებს გაეცნოთ მთავრობის სახლის დანიშნულება.  მოსწავლეებს მთავრობის სახლის ადმინისტრაციის წარმომადგენელი დეტალურად ესაუბრა მუშაობის სპეციფიკაზე.  სამოქალაქო განათლებისა და პედაგოგთა გადამზადების პროგრამა ხორციელდება PH-International-ის მიერ USAID-ის  ფინანსური მხარდაჭერით. სრულად წყარო: kedec.ge

აჭარა. 30 ოქტომბერს, ბათუმის შოთა რუსთაველის სახელმწიფო უნივერსიტეტის საკონფერენციო დარბაზში, სამოქლაქო საზოგადოების ინსტიტუტის ბათუმის ფილიალის ორგანიზებით, გაიმართა საჯარო განხილვა. შემდეგ თემაზე – „მოქალაქეთა ჩართულობა ბათუმის ტერიტორიების განაშენიანების დაგემვის პროცესში". შეხვედრა მიზნად ისახვადა თვითმმართველი ქალაქის – ბათუმის ადგილობრივი მოსახლეობის ინფორმირებას ურბანულ საკითხებთან დაკავშირებით, ასევე მოსახლეობის მხრიდან მოსაზრებებისა და რეკომენდაციების მიღება/შემუშავებას. საჯარო განხილვაში მონაწილეობდნენ: ადგილობრივი მოსახლეობა, საზოგადოებრივი ორგანიზაციების, მთავრობისა და მედიის წარმომადგენლები, ასევე ურბანისტები და არქიტეტქტორები. აღნიშნულ შეხვედრაზე სამოქალაქო საზოგადოების ინსიტუტმა წარმოადგინა 13 საჯარო შეხვედრის ფარგლებში ჩატარებული კვლევის შედეგების პრეზენტაცია, რომელიც გულისხმობდა მოსახლეობის მხრიდან პრიორიტეტების მინიჭებას იმ პროგრამებისთვის, რაც თვითმმართველმა ქალაქმა 2013 წლის ბიუჯეტის გაწერისას უნდა გაითვალისწინოს. ღონისძიება ჩატარდა USAID-ის პროგრამა: „დემოკრატიული მმართველობა საქართველოში (G3), ადგილობრივი მთავრობის კომპონენტი (C2), ფინანსური მხარდაჭერით.  

იმერეთი. საქველმოქმედო ჰუმანიტარულმა ცენტრმა „აფხაზეთმა" ბელგიელი EVS მოხალისის დახმარებით 500 ევროს შემოწირულობა მიიღო ორგანიზაციებისგან - „Gemeente Middelkerke" და „Cel Ontwikkelingssamenwerking". ცენტრ „აფხაზეთის" ოფიციალური ვებგვერდის მიხედვით, ეს თანხა მოხმარდება ლაგოდეხის რაიონის სოფელ ბაისუბნის საჯარო სკოლის სპორტული დარბაზის რეაბილიტაციას. სკოლაში 250-მდე მოზარდი სწავლობს, მათ შორის ბაისუბნის მცირე საოჯახო ტიპის სახლის აღსაზრდელები.  „სპორტული დარბაზის რეაბილიტაციის შემდეგ შესაძლებელი გახდება ზამთრის თვეებში ფეხბურთის, კალათბურთისა და სხვა წრეების ორგანიზება, რაც ხელს შეუწყობს ამ სოფელში მცხოვრები ბავშვების განვითარებას და სპორტულ აქტივობებში ჩართვას" – ნათქვამია ორგანიზაციის ვებგვერდზე გავრცელებულ განცხადებაში.  სრულად წყარო: chca.org.ge

31 ოქტომბერს,17:00 საათზე, „საქართველოს მწვენეთა მოძრაობა/დედამიწის მეგობრები – საქართველო", გამართავს შეხვედრას თემაზე – „ნარჩენების მართვის საკითხები საქართველოში".  მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი.

კახეთი. 30 ოქტომბერს. თელავის დემოკრატიული ჩართულობის ცენტრში ბრიტანულმა ორგანიზაციამ „ევრიჩაილდმა” ტრენინგ კურსი გამართა. ტრენინგის მიზანია იყო ბავშვთა სახლებიდან გამოყვანილი მოზარდების აღმზრდელებმა შეისწავლონ ბავშვებთან მიდგომა, რათა აღზრდის პროცესში მოსალოდნელი სირთულეები სათანადოდ იქნას დაძლეული.  ორგანიზაციის წარმომადგენელის მარინა შაღაშვილის თქმით, „ევრიჩაილდი” ამ პროგრამას 2000 წლიდან ახორციელებს საქართველოს მთავრობასთან ერთად: ,,ორგანიზაცია ამ საკითხებზე დიდი ხანია მუშაობს. შეხვედრაზე სემინარის მიზანია, აღმზრდელებმა უკეთ შესწავლონ ბავშვების ფსიქოლოგია".

იმერეთი. CENN–ის ინიციატივის „სამხრეთ კავკასიის ქვეყნებში სოფლად მცხოვრებ ქალთა უნარ-შესაძლებლობების გაძლიერება და მათი ჩართვა ბუნებრივი რესურსების მდგრად მართვაში" ფარგლებში ტყიბულის მუნიციპალიტეტის სოფელ გელათში დაარსებულმა ქალთა საბჭომ  გელათის საჯარო სკოლის ბაზაზე შექმნა  ეკო კლუბი „ჩვენ გვინდა სუფთა გარემო".  გელათის ქალთა საბჭომ და ეკოკლუბმა, ევრაზიის თანამშრომლობის ფონდის ფინანსური მხარდაჭერით, განახორციელეს ერთობლივი პროექტი „თანამედროვე ცხოვრება ნარკომანიის გარეშე". პროექტის მიზანს წარმოადგენდა ახალგაზრდა თაობის ცნობიერების ამაღლება ცხოვრების ჯანსაღი წესის შესახებ. ინიციატივის ფარგლებში ა.წ. 22 ოქტომბერს ჩატარდა  საგანმანათლებლო სემინარი, რომელსაც ესწრებოდნენ გელათის საჯარო სკოლის მოსწავლეები.   აღნიშნული ინიციატივის ფარგლებში 25 ოქტომბერს მოეწყო ნარკომანიის თემაზე დოკუმენტური ფილმის „ქუჩის ცხოვრება" ჩვენება და ფასილიტირებული დისკუსია. 29 ოქტომბერს კი სკოლის მოსწავლეები შეხვდნენ ექიმ ნარკოლოგს, რომელთანაც გამართეს დისკუსია.  ქალთა საბჭო მომავალშიც გეგმავს ეკო კლუბთან ერთად ერთობლივი  პროექტების განხორციელებას. წყარო: CENN