<div style="text-align: justify;"><span style="font-weight: bold;">თბილისი. </span>8 თებერვალს, საქართველოს პარლამენტთან გაიმართა აქცია სოფიო კილაძის – საქართველოს პარლამენტის ადამიანის უფლებათა დაცვის კომიტეტის თავმჯდომარის თანამდებობიდან გადადგომის მოთხოვნით.</div> <div style="text-align: justify;">„აქცია გამოეხმაურა 4 თებერვალს გამართულ შეხვედრაზე სოფიო კილაძის მიერ, ცრუ, საქმიანი რეპუტაციის, პიროვნული ღირსების შემლახავი მიმართვებისა და სიძულვილის ენის გამოყენების ფაქტს არასამთავრობო ორგანიზაციის „პარტნიორობა ადამიანის უფლებებისთვის" (PHR) წევრების ანა აბაშიძის და ანა არგანაშვილის მიმართ. სამოქალაქო საზოგადოება უკვე დიდი ხანია ითხოვს სოფიო კილაძის გადადგომას", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/02/11/%E1%83%A1%E1%83%9D%E1%83%A4%E1%83%98%E1%83%9D-%E1%83%99%E1%83%98%E1%83%9A%E1%83%90%E1%83%AB%E1%83%98%E1%83%A1-%E1%83%92%E1%83%90%E1%83%93%E1%83%90%E1%83%93%E1%83%92%E1%83%9D%E1%83%9B%E1%83%98%E1%83%A1/?fbclid=IwAR0MHHuQ3Wf9BVA7pJuj2kjpq54AmzrrKwxof2tiY7TUAVvs6bSJKOlzD_M" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">თბილისი. </span>ადამიანის უფლებებზე მომუშავე ორგანიზაციები დეკანოზ გიორგი მამალაძის სისხლის სამართლის საქმეს ეხმიანებიან. ისინი სამართლიანი სასამართლოს უფლების ფუნდამენტური სტანდარტების დარღვევაზე მიუთითებენ და საქართველოს პრეზიდენტის მისი შეწყალებისკენ მოუწოდებენ.</div> <div style="text-align: justify;">„სასამართლო სისტემის დამოუკიდებლობა და ობიექტურობა განსაკუთრებით სწორედ პოლიტიკური ინტერესის საქმეებზე მიღებული გადაწყვეტილებებით იზომება, სამწუხაროა, რომ ეროვნულმა სასამართლოებმა დეკანოზის საქმეზე მიუკერძოებლობის და ადამიანის უფლებების სტანდარტებთან შესაბამისობის ეს ტესტი ვერ ჩააბარეს. ამ პირობებში ხელმომწერი ორგანიზაციები მივიჩნევთ, რომ მნიშვნელოვანია დეკანოზ გიორგი მამალაძის მიმართ პრეზიდენტმა შეწყალების კონსტიტუციური უფლებამოსილება გამოიყენოს და უსამართლო მართლმსაჯულების მძიმე შედეგებისა და უფლების დარღვევების აღმოფხვრა ამ გზით უზრუნველყოს", ნათქვამია ერთობლივ განცხადებაში.</div> <div style="text-align: justify;"><a href="http://www.facebook.com/notes/%E1%83%90%E1%83%93%E1%83%90%E1%83%9B%E1%83%98%E1%83%90%E1%83%9C%E1%83%98%E1%83%A1-%E1%83%A3%E1%83%A4%E1%83%9A%E1%83%94%E1%83%91%E1%83%90%E1%83%97%E1%83%90-%E1%83%AA%E1%83%94%E1%83%9C%E1%83%A2%E1%83%A0%E1%83%98-human-rights-center/%E1%83%90%E1%83%93%E1%83%90%E1%83%9B%E1%83%98%E1%83%90%E1%83%9C%E1%83%98%E1%83%A1-%E1%83%A3%E1%83%A4%E1%83%9A%E1%83%94%E1%83%91%E1%83%94%E1%83%91%E1%83%96%E1%83%94-%E1%83%9B%E1%83%9D%E1%83%9B%E1%83%A3%E1%83%A8%E1%83%90%E1%83%95%E1%83%94-%E1%83%9D%E1%83%A0%E1%83%92%E1%83%90%E1%83%9C%E1%83%98%E1%83%96%E1%83%90%E1%83%AA%E1%83%98%E1%83%94%E1%83%91%E1%83%98-%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D%E1%83%A1-%E1%83%9E%E1%83%A0%E1%83%94%E1%83%96%E1%83%98%E1%83%93%E1%83%94%E1%83%9C%E1%83%A2%E1%83%A1-%E1%83%93%E1%83%94%E1%83%99%E1%83%90%E1%83%9C%E1%83%9D%E1%83%96-%E1%83%92%E1%83%98%E1%83%9D%E1%83%A0%E1%83%92%E1%83%98/2486837051327105/?qid=6656657482838953599&mf_story_key=-1122901828104881718&__tn__=HH-R" target="_blank" style="font-weight: bold;">სრულად...</a></div> <div style="text-align: justify;">წყარო: ადამიანის უფლებათა ცენტრის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">სამეგრელო.</span> 8 თებერვალს, ასოციაცია „ათინათში" მოეწყო დოკუმენტური ფილმის ჩვენება: „ჯიოვანი და წყლის ბალეტი".</div> <div style="text-align: justify;">„ფილმის მთავარი თემა იყო ადამიანის უფლებები და შესაძლებლობები, გენდერული თანასწორობა. მონაწილეებმა ამავე საკითხებზე შეასრულეს ჯგუფური სამუშაო და განიხილეს იდეალური ქალისა და მამაკაცის დამახასიათებელი თვისებები.</div> <div style="text-align: justify;">ფილმის ჩვენება ჩატარდა პროექტის „ადამიანის უფლებები დოკუმენტური ფილმებით" ფარგლებში, რომელიც ჩეხური არასამთავრობო ორგამიზაცია People In Need-ის მხარდაჭერით ხორციელდება", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/PitaAtinati/photos/?ref=page_internal" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>ადამიანის უფლებების სწავლებისა და მონიტორინგის ცენტრმა (EMC) და პანკისის ხეობის ახალგაზრდა აქტივისტებმა თემირლან მაჩალიკაშვილის სიცოცხლის ხელყოფის საქმეზე დროებითი საგამოძიებო კომისიის შექმნის მოთხოვნით პარლამენტში განცხადება და პეტიცია წარადგინეს.</div> <div style="text-align: justify;"><a href="http://www.facebook.com/EMCRIGHTS/photos/pcb.2300846306614662/2300845039948122/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ადამიანის უფლებების სწავლებისა და მონიტორინგის ცენტრის (EMC) ორგანიზებით, ჩატარდა ტრენინგი შესაძლებლობების გაძლიერებისთვის ლგბტქი სათემო ორგანიზაციებისა და სოგი-ს საკითხებზე მომუშავე იურისტებისთვის.</div> <div style="text-align: justify;"><a href="http://www.facebook.com/pg/EMCRIGHTS/photos/?tab=album&album_id=2299794913386468" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებ-გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> „კოალიცია თანასწორობისათვის" მოუწოდებს საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარეს, იმოქმედოს პარლამენტის წევრისათვის დადგენილი ეთიკის კოდექსის მოთხოვნების შესაბამისად.</div> <div style="text-align: justify;">„აღსანიშნავია, რომ სოფიო კილაძე არაერთი სამუშაო ჯგუფის შეხვედრისას თუ კომიტეტის სხდომებზე იყენებს ადამიანის უფლებებთან შეუსაბამო გამონათქვამებს და მისი მოქმედებით აჩვენებს აშკარა მიუღებლობას განსხვავებული მოსაზრებებისა თუ კრიტიკის მიმართ.</div> <div style="text-align: justify;">„კოალიცია თანასწორობისათვის" სოფიო კილაძეს შეახსენებს, რომ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის სტატუსი მას ავალდებულებს, საჯარო პოზიციონირებისას აჩვენოს ადამიანის უფლებების მიმართ პატივისცემა და ხელი შეუწყობს სამოქალაქო საზოგადოების წარმომადგენელთა საკანონმდებლო პროცესებში ჩართვას", ნათქვამია ორგანიზაციის ვებგვერდზე.</div> <div style="text-align: justify;"><a href="http://gyla.ge/ge/post/koalicia-tanastsorobisatvis-sofio-kiladzis-politikuri-pasukhismgeblobis-sakitkhs-ayenebs#sthash.QMeLfVRD.dpbs" target="_blank" style="font-weight: bold;">სრულად...</a></div> <div style="text-align: justify;">წყარო: gyla.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> პარტნიორობა ადამიანის უფლებებისთვის (PHR) საქართველოს პარლამენტის ადამიანის უფლებებისა და სამოქალაქო ინტეგრაციის კომიტეტის თავმჯდომარეს სასამართლოში უჩივის.</div> <div style="text-align: justify;">„4 თებერვალს, საქართველოს პარლამენტის ადამიანის უფლებებისა და სამოქალაქო ინტეგრაციის კომიტეტის ინიციატივით გაიმართა საჯარო შეხვედრა ,,ბავშვის უფლებათა კოდექსის" კანონპროექტის განხილვის მიზნით.</div> <div style="text-align: justify;">აღნიშნულ შეხვედრაზე მიწვეულები იყვნენ საქართველოს პარლამენტის წევრები, აღმასრულებელი ხელისუფლების წარმომადგენლები, დიპლომატიური კორპუსი და ბავშვთა დაცვის ადგილობრივი და საერთაშორისო ორგანიზაციის წარმომადგენლები.</div> <div style="text-align: justify;">შეხვედრის მეორე ნახევარში, საქართველოს პარლამენტის წევრმა, ადამიანის უფლებებისა და სამოქალაქო ინტეგრაციის კომიტეტის თავმჯდომარემ სოფიო კილაძემ, ცრუ, საქმიანი რეპუტაციის, პიროვნული ღირსების შემლახავი მიმართვები და სიძულვილის ენა გამოიყენა არასამთავრობო ორგანიზაციის „პარტნიორობა ადამიანის უფლებებისთვის" (PHR) წევრების ანა აბაშიძის და ანა არგანაშვილის მიმართ", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/02/05/phr-%E1%83%98%E1%83%A1-%E1%83%A1%E1%83%90%E1%83%A9%E1%83%98%E1%83%95%E1%83%90%E1%83%A0%E1%83%98-%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D%E1%83%A1/?fbclid=IwAR2o9-955dk-UjrXWYkrTDjT5PqlPlxYsFzqghlFwYPQBplWPAQyWpdQq44" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div>

<div style="text-align: justify;"><span style="font-weight: bold;">თბილისი.</span> თბილისის საქალაქო სასამართლომ თემირლამ მაჩალიკაშვილის მშობლების სარჩელი არ დააკმაყოფილა და მიიჩნია, რომ სუსის მხრიდან, თემრილან მაჩალიკაშვილის უდანაშაულობის პრეზუმფცია არ დარღვეულა.</div> <div style="text-align: justify;">„გადაწყვეტილება თბილისის საქალაქო სასამართლოში დღეს, 5 თებერვალს გამოცხადდა. მოსარჩელეების ინტერესებს „ადამიანის უფლებების სწავლებისა და მონიტორინგის ცენტრი" (EMC) წარმოადგენს.</div> <div style="text-align: justify;">2017 წლის 26 დეკემბერს პანკისის ხეობაში ჩატარებულ სპეცოპერაციასთან დაკავშირებით, სხვადასხვა დროს გაკეთებულ საჯარო განცხადებებში, სახელმწიფო უსაფრთხოების სამსახური, მტკიცებით ფორმაში უთითებდა თემირლან მაჩალიკაშვილის დანაშაულებრივ კავშირებზე. საქართველოს კანონმდებლობით კი პირი უდანაშაულოდ მიიჩნევა მანამ, სანამ მის მიმართ გამამტყუნებელი სასამართლო განაჩენი არ დადგება.</div> <div style="text-align: justify;">აღსანიშნავია, რომ თემირლან მალაჩიკაშვილსთვის ბრალი ოფიციალურად წარდგენილი არ ყოფილა და მას არც ბრალდებულის სტატუსი ჰქონია", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/EMCRIGHTS/photos/a.549427215089922/2297748900257736/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;">„ადამიანის უფლებები დოკუმენტური ფილმებით" პროექტის ფარგლებში, მეგობრობის ხიდი ქართლოსის ორგანიზებით, რიგით მეხუთე დოკუმენტური ფილმის ჩვენება გაიმართა.</div> <div style="text-align: justify;">„ფხვენისის საჯარო სკოლაში, ახალგაზრდებმა ასტრიდ ბუსინსკის ფილმი „ჯიოვანი და წყლის ბალეტი" ნახეს რომლის ძირითადი თემები გენდერული სტერეოტიპებს, დისკრიმინაციას და ადამიანის უფლებებს ეხება.</div> <div style="text-align: justify;">ფილმების ჩვენებების მიზანი მუნიციპალიტეტებში ახალგაზრდებთან მომუშავე არასამთავრობო ორგანიზაციების შესაძლებლობის გაძლიერებაა, რათა მათ პრაქტიკაში გამოიყენონ დოკუმენტური ფილმებით ადამიანის უფლებების სწავლების მეთოდოლოგია", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/132075396835077/photos/pcb.2504412936267966/2504409319601661/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div>

თბილისი. ადამიანის უფლებათა ცენტრმა, თბილისის ადამიანის უფლებათა სახლის საკონფერენციო დარბაზში, წლიური ანგარიშის პრეზენტაცია გამართა. „ადამიანის უფლებათა ცენტრის ანგარიში სამართლებრივ ჭრილში მიმოიხილავს საქართველოში 2018 წელს განვითარებულ მოვლენებს. ანგარიშის მიზანია, შეაფასოს სახელმწიფოს სხვადასხვა უწყების რეაგირების ხარისხი ადამიანის უფლებების დარღვევებზე, მართლმსაჯულების ეფექტიანობა და განხორციელებული საკანონმდებლო თუ სისტემური ცვლილებები, რომლებიც მიმართული უნდა იყოს ეროვნულ დონეზე ადამიანის უფლებების დაცვის საერთაშორისო სტანდარტების დანერგვისკენ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC) მოუწოდებს შინაგან საქმეთა სამინისტროს, შეწყვიტოს პანკისის ხეობაში ადგილობრივი აქტივისტებისა და თემის წევრების შევიწროებისა და კონტროლის პრაქტიკა. როგორც ორგანიზაციის მიერ გავცელებულ განცხადებაშია აღნიშნული, EMC მოუწოდებს საქართველოს შინაგან საქმეთა სამინისტროს, - „განმარტოს, რა სამართლებრივი საფუძვლით და წესით იბარებს ადგილობრივ მოსახლეობის პოლიციაში და რა საფუძვლით ცდილობს, ჰესების მშენებლობისთვის მათი მხარდაჭერის მოპოვებას; დაუყოვნებლივ შეწყვიტოს პანკისის ხეობის მოსახლეობის დაშინებისა და მათი გამოხატვის თავისუფლების შეზღუდვის პრაქტიკა და საკუთარი საქმიანობა, პანკისის ხეობაში, არსებითად მოაქციოს კანონის მოთხოვნებში; დაიწყოს დისციპლინური დევნა ყველა იმ გადაწყვეტილების მიღებაზე პასუხისმგებელი თანამშრომლების მიმართ, რომელიც ადგილობრივი თემის თვითნებური შევიწროების და კონტროლის პროცესში არის ჩართული".  სრულად წყარო: ორგანიზაციის ვებგვერდი

თბილისი. საქართველოს სახალხო დამცველი აქვეყნებს განცხადებას პირადი ცხოვრების ამსახველი კადრების გავრცელებაზე. „პოლიტიკოს ქალზე კიდევ ერთი თავდასხმა, დისკრედიტაციის მცდელობა და სისტემური იარაღი ქალების წინააღმდეგ. ეს არის რეალობა, რომელშიც ჩვენ სახელმწიფოში ქალ საჯარო პირებს მოღვაწეობა უწევთ. შანტაჟი პირადი ცხოვრების ამსახველი კადრებით იქცა სისტემურ პრობლემად, ამის საპასუხოდ კი მხოლოდ მიმდინარე გამოძიებები გვაქვს, რომლის შესახებაც საზოგადოება სათანადო ინფორმაციასაც ვერ იღებს. სამწუხაროდ, ჩვენს პოლიტიკურ სივრცეში ეს დანაშაული გენდერულად მოტივირებულია და მიმართულია ძირითადად ქალი პოლიტიკოსებისკენ. შესაბამისად, მნიშვნელოვანია, გამოძიებამ ხაზი გაუსვას დანაშაულის დისკრიმინაციულ მოტივს, რათა სათანადო პასუხი გაეცეს ამგვარი დანაშაულის ჩამდენ პირებს, და მომავალში, პირადი ცხოვრების ამსახველი კადრების გასაჯაროება პოლიტიკურ სისტემაში ქალთა დისკრიმინაციისა და ჩაგვრის იარაღი არ გახდეს", ნათქვამია განცხადებაში. სრულად... წყარო: ომბუდსმენის ვებგვერდი სოციალურ ქსელში

თბილისი. „ეს შენ გეხება, ისევ გვისმენენ" ავრცელებს განცხადებას და ხელისუფლებას მოუწოდებს აღკვეთოს ფარული ჩანაწერებით შანტაჟის პრაქტიკა. „აღმაშფოთებელია, რომ პირადი ცხოვრების ამსახველი კადრების გავრცელება, საეჭვოდ ემთხვევა ეკა ბესელიას მიერ ბოლო დროს გამოთქმულ კრიტიკულ მოსაზრებებს, სასამართლო სისტემაში მიმდინარე პროცესებთან დაკავშირებით. აღმაშფოთებელია, თუ ფარული ჩანაწერების გავრცელების და შანტაჟის გზით კონკრეტული ადამიანები სასამართლოს რეფორმის შეჩერებას და სასამართლოში გაბატონებული მოსამართლეთა კლანის პროტექციას ცდილობენ. მოვუწოდებთ საქართველოს ხელისუფლებას დროულად და ეფექტურად გამოიძიოს აღნიშნული ფაქტი, გამოიჩინოს პოლიტიკური ნება ფარული ჩანაწერებით შანტაჟის საბოლოოდ აღსაკვეთად და დროულად განახორციელოს ცვლილებები ფარული-მიყურადების მომწესრიგებელი კანონმდებლობის შესაცვლელად", ნათქვამია განცხადებაში. სრულად... წყარო: www.transparency.ge

თბილისი. ქალთა მოძრაობა პირადი ცხოვრების ამსახველი ჩანაწერების გავრცელებასთან დაკავშირებით განცხადებას ავრცელებს. „ბოლო წლებში აქტიურად მიმდინარეობს პოლიტიკოსებისა თუ სხვა საჯარო პირების პირადი ცხოვრების ამსახველი კადრების სხვადასხვა საშუალებით გავრცელება. ამ მხრივ, განსაკუთრებული სამიზნე ქალები არიან. პატრიარქალური სისტემა და ქალთმოძულე კულტურა ამგვარად სჯის პოლიტიკურად თუ საზოგადოებრივად აქტიურ ქალებს, ხოლო მათ, ვისაც პოლიტიკაში მოსვლა სურს - აშინებს. პირადი, მათ შორის, სექსუალური ცხოვრებით მანიპულირება, ან მისი გასაჯაროება ქალების პოლიტიკიდან განდევნის, მათი მორალური დისკრედიტაციის და სრული მარგინზალიზაციის ყველაზე სასტიკი მეთოდია", ნათქვამია ორგანიზაციის ვებგვერდზე. სრულად... წყარო: www.ginsc.net

თბილისი. „ადამიანის უფლებების სწავლებისა და მონიტორინგის ცენტრის" (EMC) ინფორმაციით, მალხაზ მაჩალიკაშვილის მიმართ საქართველოს შინაგან საქმეთა სამინისტროში ადმინისტრაციული სამართალდარღვევის ფაქტზე დაწყებული წარმოება შეწყდა. საუბარია საქართველოს შინაგან საქმეთა სამინისტრო მის მიერ, 2018 წლის 11 სექტემბერს, პარლამენტის წინ კარვების გაშლისას, ადმინისტრაციული გადაცდომის მოტივით დაწყებული გამოძიების შესახებ. მალხაზ მაჩალიკაშვილის უფლებებს EMC იცავდა.  სრულად წყარო: ორგანიზაციის ვებგვერდი

გურია. 24 იანვარს, დაბა ჩოხატაურში, ნოდარ დუმბაძის სკვერში „ახალგაზრდა პედაგოგთა კავშირის" ლიდერთა სკოლის მოსწავლეების ინიციატივით გაიმართა კედლის ხატვის აქცია. „აქციის მიზანი იყო საზოგადოებაში ბავშვზე ძალადობის მიუღებლობის პოპულარიზაცია და თემის წევრების მხარდაჭერის მოპოვება აღნიშნული პრობლემის იდენტიფიცირების პროცესში. საზოგადოების ერთ-ერთი ყველაზე დიდი პრობლემა ემპათიის არ ქონაა. შესაბამისად, ასეთ სოციუმში აღზრდილი ადამიანები ხდებიან პოტენციური მოძალადეები და არ არიან შემწყნარებლები. უფროსები ხშირად იყენებენ ძალადობრივ მეთოდებს ბავშვის აღზრდის პროცესში და ამას დისციპლინას უწოდებენ. ფიზიკური დასჯა, ფსიქოლოგიური ზეწოლა, ბავშვის საჭიროებებისა და ინტერესების დათრგუნვა, მისი უგულებელყოფა - ძალადობაა", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. ადამიანის უფლებათა ცენტრი მიმართავს საქართველოს მთავარ პროკურატურას, დროულად გადასცეს თბილისის სააპელაციო სასამართლოს სისხლის სამართლის საქმე, რომლითაც გამოკვეთილია ახალი გარემოებები უვადო მსჯავრდებულის თეიმურაზ (ბაჩო) შარაშენიძის მსჯავრთან დაკავშირებით. „თეიმურაზ შარაშენიძეს 2009 წელს ბრალი დასდეს ზურაბ ზუბადალაშვილის მკვლელობაში და მიუსაჯეს უვადო პატიმრობა. იგი სასჯელს იხდის N8 პენიტენციურ დაწესებულებაში. ადამიანის უფლებათა ცენტრის მიმართვის საფუძველზე, 2013 წლიდან მთავარმა პროკურატურამ დაიწყო საქმეზე ახალი გამოძიება, რომლის ფარგლებში გამოვლინდა მნიშვნელოვანი გარემოებები, რომლებიც კითხვის ქვეშ აყენებს საქმეზე მიღებული გამამტყუნებელი განაჩენის სამართლიანობას", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. „ახალგაზრდა ადვოკატები" საქართველოს უზენაესი სასამართლოს მოსამართლეების შერჩევის პროცესს უაღრესად კრიტიკულად აფასებს. ორგანიზაცია აღნიშნავს, რომ დაპირისპირების პოლიტიკურმა და სამართლებრივმა მხარემ განსაკუთრებული ზიანი მოუტანა საქართველოს სასამართლოს რეპუტაციას, მოსამართლის მიმართ ნდობას, შელახა მართლმსაჯულების სისტემაში, ბოლო წლებში ხელშესახები რეფორმის შედეგები და საზოგადოება სასამართლოს მიმართ განაწყო ანტაგონისტურად. „დღეს მნიშვნელოვანია, ამ პროცესში პროფესიული საზოგადოების აქტიური მონაწილეობა მოხდეს და საქართველოს სასამართლო სისტემაში ყველა გამოწვევა გადაწყდეს საზოგადოებრივი ინტერესების უპირატესი დაცვით. საგნობრივი დისკუსიის წარმართვა, სავალდებულოა, მოხდეს მართლმსაჯულების განმახორციელებელი თანასწორუფლებიანი მხარეების - მოსამართლეთა კორპუსის, საადვოკატო საზოგადოებისა და პროკურატურის წარმომადგენელთა მაღალი ჩართულობით და მონაწილეობით", ნათქვამია ორგანიზაციის ვებგვერდზე. სრულად... წყარო: www.barristers.ge

თბილისი. „კოალიცია თანასწორობისათვის" გმობს პარლამენტის ადამიანის უფლებათა დაცვის კომიტეტის სამუშაო ჯგუფის სხდომაზე სიძულვილის ენის გამოყენებას. „სამუშაო ჯგუფის სხდომაზე განსაკუთრებული მსჯელობის საგანი გახდა დეპუტატ ემზარ კვიციანის მიერ მომზადებული კანონპროექტი, რაც ითვალისწინებს პასუხისმგებლობის დაწესებას საჯარო სივრცეში მუსლიმი ქალის ტრადიციული თავსაბურავის - ნიქაბის და ბურქას ტარებისათვის". კანონპროექტთან დაკავშირებით, საქართველოს მუსლიმთა უმაღლესი სამმართველოს უფროსმა მირტაგი ასადოვმა საკუთარი სათქმელი აზერბაიჯანულ ენაზე გამოხატა. მან დეპუტატობის მოვალეობის დარღვევად მიიჩნია კანონპროექტის ინიცირება. კვიციანმა კი ქართული ენის არცოდნა მისი მარგინალიზაციის საშუალებად გამოიყენა. სხდომის თავმჯდომარემ, სოფიო კილაძემ არ აღკვეთა სიძულვილის ენის გამოყენების ფაქტი და თავადაც აჰყვა კვიციანს აგრესიული განცხადებებით. „მოვუწოდებთ საქართველოს პარლამენტის წევრებს, დაიცვან პარლამენტის წევრის ეთიკის კოდექსის მოთხოვნები და არ გამოიყენონ სიძულვილის ენა. იმავდროულად, შესაბამისი კომიტეტის თუ პლენარული სხდომის თავმჯდომარემ დროული რეაგირება მოახდინოს დეპუტატის მიერ ეთიკის კოდექსის დარღვევის აღსაკვეთად ან მომავალში მის თავიდან ასაცილებლად. ამასთანავე, მოვუწოდებთ საქართველოს პარლამენტს, დროულად დააკომპლექტოს ეთიკის საბჭო, რათა ერთი მხრივ, სამართლებრივი შეფასება მიეცეს ამ ფაქტს, ხოლო მეორე მხრივ, მომავალში თავიდან იქნეს აცილებული მსგავსი შემთხვევები", ნათქვამია კოალიციის განცხადებაში. სრულად... წყარო: gyla.ge

აჭარა. 22 იანვარს, პროექტის „მულტიკულტურული ინტეგრაცია აჭარაში" დირექტორმა, ქეთი ადეიშვილმა და კოორდინატორმა, ელზა ლემსაძემ ბათუმის ილია ჭავჭავაძის №1 საჯარო სკოლაში ჩაატარა ტრენინგი თემაზე: ტოლერანტობა და მრავალფეროვნება. „შეხვედრაზე განიხილეს საქართველოში მცხოვრები სხვადასხვა ეთნიკურ/ეროვნული, რელიგიური უმცირესობები და მათთან დაკავშირებული კონკრეტული დისკრიმინაციული ფაქტები. ტრენინგი დატვირთული იყო ჯგუფური და ინდივიდუალური სავარჯიშოებით, რომელიც მონაწილეებს საშუალებას აძლევდა მიღებული თეორიული მასალა პრაქტიკულად განეხორციელებინათ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. USAID/PROLoG-ის მხარდაჭერით თავისუფალი უნივერსიტეტის ადამიანის უფლებების ეროვნულმა ინსტიტუტმა გამოსცა კვლევა: „პირადი თავისუფლება და ავტონომია”. ნაშრომი აღნიშნულ თემას მიმოიხილავს როგორც საქართველოს საკონსტიტუციო სასამართლოს ასევე აშშ, გერმანიისა და ადამიანის უფლებათა ევროპული სასამართლოს მართლმსაჯულებაში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ლევან კოჭლამაზაშვილის განცხადება სააგენტო dianews.ge-ს წინააღმდეგ. „სადავო გახდა 16 იანვარს თბილისში, დიდ დიღომში საცხოვრებელი სახლის აფეთქების ამსახველი ფოტოს გამოქვეყნება. მძიმე გამოსახულების შემცველი ფოტო გამოქვეყნდა სათაურით „დღის ფოტო", რაც განმცხადებლის აზრით, შეურაცხმყოფელია, ადამიანის ტრაგედია გამოყენებულია მნახველთა რაოდენობის გასაზრდელად", ნათქვამია ქარტიის ვებგვერდზე. სრულად... წყარო: qartia.ge