თბილისი. „რადიო თავისუფლების" ჩრდილოეთ კავკასიის ბიუროს ჟურნალისტის, ასლანბეკ დადაევისთვის საქართველოში შემოსვლის შეზღუდვის საქმეზე, „ადამიანის უფლებების სწავლებისა და მონიტორინგის ცენტრმა" (EMC) საქართველოს შინაგან საქმეთა სამინისტროს წინააღმდეგ თბილისის საქალაქო სასამართლოში სარჩელი შეიტანა. EMC -ის ინფორმაციით, დადაევი საზღვრის გადმოკვეთას 7 ნოემბერს ცდილობდა, თუმცა, შსს-ს სასაზღვრო პოლიციამ მას უარი უთხრა. EMC- მიიჩნევს, რომ უარი უსაფუძვლო იყო; გარდა ამისა, საქმეში იკვეთება გამოხატვის თავისუფლების, ჟურნალისტური საქმიანობის შეზღუდვისა და დისკრიმინაციის აკრძალვის სტანდარტების სავარაუდო დარღვევის ნიშნები.  სრულად  წყარო: ორგანიზაციის ვებგვერდი

თბილისი. „20 ძირითადი დარღვევა თემირლან მაჩალიკაშვილის საქმეში" - ამ სათაურით „ადამიანი უფლებების სწავლებისა და მონიტორინგის ცენტრი" (EMC) რამდენიმე ინფოგრაფიკას აქვეყნებს. მასალა სპეცოპერაციის ჩატარებას, მტკიცებულებების მოპოვებას, საქმის ფორმალური გამოძიებას, ოჯახის წევრებისათვის დაზარალებულის სტატუსის მინიჭების საკითხებს შეეხება. სრულად წყარო: ორგანიზაციის ვებგვერდი

იმერეთი. ბაღდათის გენდერული თანასწორობის საბჭოს ორგანიზებით, ორგანიზაციამ „პარტნიორობა ადამიანის უფლებებისათვის” (PHR) საბავშვო ბაღის მასწავლებლებთნ საინფორმაციო შეხვედრა გამართა. შეხვედრაზე ისაუბრეს მასწავლებლის როლის შესახებ ძალადობაგამოვლილი ბავშვის მხარდაჭრის პროცესში, ასევე, ბავშვისა და ქალის მიმართ ძალადობის ფორმებისა და მათი ძალადობისგან დაცვის მექანიზმების, შესაბამისი უწყებებისთვის, ძალადობის შესაძლო მსხვერპლთა თაობაზე შეტყობინების ვალდებულების შესახებ.  სრულად  წყარო: ორგანიზაციის ვებგვერდი

თბილისი. „საქართველოს დემოკრატიული ინიციატივა" (GDI) საპენსიო სისტემაში მოქალაქეების იძულებით ჩართვის გაუქმებისა და საქმეზე გადაწყვეტილების მიღებამდე, მისი მოქმედების შეჩერების მოთხოვნით საქართველოს საკონსტიტუციო სასამართლოს სარჩელით მიმართავს. „GDI-ს მიაჩნიათ, რომ დაგროვებით საპენსიო სისტემაში სავალდებულოდ ჩართვა და საპენსიო ფონდში სავალდებულო შენატანის დაწესება გაუმართლებლად ზღუდავს დასაქმებულის საკუთრების უფლებას, ხოლო დამსაქმებლისთვის, საკუთრების ჩამორთმევას უტოლდება. ბიუჯეტიდან დასაქმებულის სასარგებლოდ საპენსიო ფონდში სახსრების მიმართვა კი, არ ეფუძნება თანასწორობის პრინციპსა და მოქალაქეთა ქონებრივი ნიშნით დისკრიმინაციას იწვევს", - აღნიშნულია GDI-ის მიერ გავრცელებულ განცხადებაში. სრულად... წყარო: ორგანიზაციის ვებგვერდი

<div style="text-align: justify;"><span style="font-weight: bold;">აჭარა. </span>27 დეკემბერს, 13:00 საათზე, ილია ჭავჭავაძის სახელობის ქალაქ ბათუმის N1 საჯარო სკოლაში „თავისუფალ ჟურნალისტთა სახლის" ორგანიზებით გაიმართება დისკუსია თემაზე: ბულინგი სკოლაში.</div> <div style="text-align: justify;"><a href="http://www.facebook.com/media.org.ge/photos/a.520970857949019/2062233287156094/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრის" (EMC) იურისტი, მაჩალიკაშვილების საქმის ადვოკატი, ქეთი ჩუთლაშვილი აქვეყნებს - სტატიას „რატომ არის უსაფუძვლო სუსის ბრალდებები".</div> <div style="text-align: justify;">სტატიაში საუბარია საქართველოს სახელმწიფო უსაფრთხოების სამსახურის (სუს-ის) მიერ 2018 წლის 26 დეკემბერს, პანკისის ხეობის რამდენიმე სოფელში ჩატარებული ოპერაციის თაობაზე. „რა ინფორმაციას ავრცელებს სუს-ი და რატომ არის ეს ინფორმაცია არავალიდური? რა არის ტერორიზმის მხარდაჭერა და მიუთითებს თუ არა სუს-ის მიერ გავრცელებული ინფორმაცია თემირლან მაჩალიკაშვილის მიერ ამ დანაშაულის ჩადენაზე? შეინიშნება თუ არა სისხლის სამართლებრივი პროცედურებისა და უდანაშაულობის პრეზუმფციის უხეში დარღვევა სუს-ის გავრცელებული ინფორმაციით", - ეს არის საკითხები, რომელსაც ავტორი ამ სტატიაში მიმოიხილავს.</div> <div style="text-align: justify;"><a href="http://emc.org.ge/ka/products/ratom-aris-usafudzvlo-susis-braldebebi" target="_blank" style="font-weight: bold;">სრულად </a></div> <div style="text-align: justify;">წყარო: emc.org.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრი" (EMC) აცხადებს, რომ ფარული საგამოძიებო მოქმედებების ყველა სამოხელეო დანაშაულზე გავრცელება დაუშვებელია.</div> <div> <div style="text-align: justify;">„საქართველოს პარლამენტი განიხილავს მთავრობის ინიციატივას „საქართველოს სისხლის სამართლის საპროცესო კოდექსში ცვლილების შეტანის შესახებ" (07-2/265; 25.10.2018), რომლის თანახმად, ფარული საგამოძიებო მოქმედებები ყველა სამოხელეო დანაშაულზე უნდა გავრცელდეს", - ნათქვამია EMC-ის მიერ გავრცელებულ განცხადებაში, - „წარმოდგენილ კანონპროექტთან დაკავშირებით, რამდენიმე ძირითადი საკითხი გვსურს გამოვყოთ, რომლებზეც საქართველოს პარლამენტმა ყურადღება უნდა გაამახვილოს: ფარული საგამოძიებო მოქმედებების გავრცელება ყველა სამოხელეო დანაშაულზე, მათ შორის გაუფრთხილებლობით ჩადენილ დანაშაულებზეც, დაუშვებელია; საკანონმდებლო ცვლილებები კორუფციასთან ბრძოლის არაეფექტურ და შეუსაბამო გზას წარმოადგენს; საკანონდებლო ცვლილებები ცდება ადამიანის უფლებათა ევროპული სასამართლოს გადაწყვეტილების აღსრულების ფარგლებს; პარლამენტმა უნდა შეისწავლოს ფარული საგამოძიებო მოქმედებების მარეგულირებელი კანონმდებლობის აღსრულება და მხოლოდ მას შემდეგ იქნას შემუშავებული საკანონმდებლო ცვლილებები; ფარული საგამოძიებო მოქმედებების მარეგულირებელი კანონმდებლობის შესახებ საკონსტიტუციო სასამართლოს გადაწყვეტილებამდე, ფრაგმენტული ცვლილებები არ უნდა განხორციელდეს".</div> <div style="text-align: justify;"><a href="http://emc.org.ge/ka/products/faruli-sagamodziebo-mokmedebebis-qvela-samokheleo-danashaulze-gavrtseleba-daushvebelia" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div></div>

<div style="text-align: justify;"><span style="font-weight: bold;">თბილისი. </span>საქართველოს ახალგაზრდა იურისტთა ასოციაციის ინფორმაციით, ევროპულმა სასამართლომ გიორგი ტოროშელიძის სიცოცხლის უფლების დარღვევაში საქართველო პასუხისმგებელ სახელმწიფოდ სცნო.</div> <div style="text-align: justify;">„2018 წლის 20 დეკემბერს ადამიანის უფლებათა ევროპულმა სასამართლომ გამოიტანა გადაწყვეტილება საქმეზე: მაისურაძე საქართველოს წინააღმდეგ. სასამართლომ დადგენილად მიიჩნია საქართველოს მხრიდან კონვენციის მე-2 მუხლის დარღვევა, ვინაიდან სახელმწიფომ გიორგი ტოროშელიძე ვერ უზრუნველყო დროული და ადექვატური მკურნალობით, ასევე, მის გარდაცვალების ფაქტზე არ ჩაატარა ეფექტური გამოძიება. ევროპულ სასამართლოში მომჩივნის ინტერესებს საია და ადამიანის უფლებათა დაცვის ევროპული ცენტრი (EHRAC) წარმოადგენენ", - ვკითხულობთ საია-ს მიერ გავრცელებულ ინფორმაციაში, - „საქმის გარემოებების თანახმად, მომჩივნის, რუსიკო მაისურაძის შვილი, გიორგი ტოროშელიძე 2008 წლის 7 ივლისიდან სასჯელაღსრულების #2 დაწესებულებაში იხდიდა სასჯელს".</div> <div style="text-align: justify;"><a href="http://gyla.ge/ge/post/evropulma-sasamartlom-giorgi-toroshelidzis-sicockhlis-uflebis-darghvevashi-saqartvelo-pasukhismgebel-sakhelmtsifod-cno#sthash.Aw6rnhrM.dpbs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">აჭარა.</span> 25 დეკემბერს, ქობულეთის მუნიციპალიტეტის სოფელ ჯიხანჯურის საჯარო სკოლაში, „თავისუფალ ჟურნალისტთა სახლის” მოხალისემ, მუხრან ზოიძემ გამართა სტუდენტური დისკუსია, სადაც ისაუბრა ბავშვთა მიმართ ძალადობის შესახებ.</div> <div style="text-align: justify;">„დისკუსიის მონაწილეებმა ბავშვთა უფლებების კონვენციაზე დაყრდნობით განიხილეს საქართველოში არსებული ბავშვთა მიმართ ძალადობის ფაქტები. დღევანდელ რელობაში ბავშვთა მიმართ ძალადობა ერთ-ერთი აქტუალური პრობლემაა, რომელსაც ხშირად ფატალურ შედეგამდე მივყავართ. მონაწილეების მოსაზრებით სკოლაშიც ხშირია ძალადობის ფაქტები თანატოლების მხრიდან.</div> <div style="text-align: justify;">შეხვედრის პროცესში მონაწილეებმა შეასრულეს ჯგუფური სამუშაო, რომლის მიზანი იყო პრობლების იდენტიფიცირება და მისი მოგვარების გზების პოვნა. დისკუსიის შემდეგ გაიმართა მოკლემეტრაჟიანი ფილმის ჩვენება”, ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/media.org.ge/photos/?tab=album&album_id=2059621600750596" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველო" (TI) აცხადებს, რომ ფარული საგამოძიებო მოქმედებების ყველა სამოხელეო დანაშაულზე გავრცელება დაუშვებელია. საუბარია „საქართველოს სისხლის სამართლის საპროცესო კოდექსში" შესატანი ცვლილებების შესახებ, რომელსაც საქართველოს პარლამენტი განიხილავს.</div> <div style="text-align: justify;">„ცვლილებების თანახმად, ფარული საგამოძიებო მოქმედებები ყველა სამოხელეო დანაშაულზე უნდა გავრცელდეს", - ნათქვამია TI-ის მიერ გავრცელებულ ინფორმაციაში, - „მივმართავთ პარლამენტს: საკონსტიტუციო სასამართლოს მიერ გადაწყვეტილების მიღებამდე თავი შეიკავოს ფარული საგამოძიებო მოქმედებების შესახებ კანონმდებლობის ფრაგმენტული ცვლილებებისაგან, რომელიც კიდევ უფრო გაზრდის პირადი ცხოვრების უფლების დარღვევის რისკებს; კანონპროექტზე მსჯელობისას გაითვალისწინოს ჩვენ მიერ წარმოდგენილი შენიშვნები და მოსაზრებები; კანონპროექტის ინიციატორისაგან მოითხოვოს თითოეულ მუხლზე დასაბუთება (სტატისტიკა, კვლევა, რეკომენდაცია თუ პრაქტიკის ანალიზი), თუ რაზე დაყრდნობით უნდა გავრცელდეს აღნიშნულ დანაშაულზე ფარული საგამოძიებო მოქმედება, რა ლეგიტიმური აუცილებლობის წინაშე დგას სახელმწიფო ფარული საგამოძიებო მოქმედებებით აღკვეთოს სამოხელეო დანაშაულის თავით გათვალისწინებული ნებისმიერი ქმედება და მხოლოდ ამის შემდეგ მიიღოს გადაწყვეტილება".</div> <div style="text-align: justify;"><a href="http://www.transparency.ge/ge/post/paruli-sagamoziebo-mokmedebebis-qvela-samoxeleo-danashaulze-gavrceleba-daushvebelia" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

აჭარა. 23 დეკემბერს, ტოლერანტთა კლუბის წევრები „ქართველ მუსლიმთა კავშირის" წარმომადგენლებს შეხვდნენ და ისაუბრეს საქართველოში მცხოვრები სხვადასხვა ეთნიკურ/ეროვნული და რელიგიურ უმცირესობების წინაშე არსებულ პრობლემებსა და გამოწვევების შესახებ. „რამდენად ხშირია რელიგიურ/ეროვნულ და ეთნიკურ ნიადაგზე დისკრიმინაციის ფაქტები და როგორ რეაგირებს სახელმწიფო კონკრეტულ შემთხვევებზე. მუსლიმთა კავშირის წევრებმა ისაუბრეს მათ ირგვლივ არსებულ ყოველდღიურ პრობლემებზე და როგორც აღმოჩნდა საკმაოდ ხშირია რაიმე ნიშნით ადამიანების დისკრიმინაციის შემთხვევები", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC) დაკავებული ირაკლი ჩხეიძის საქმეს სწავლობს. ორგანიზაციის წარმომადგენლები უკვე შეხვდნენ ირაკლი ჩხეიძის ოჯახს და გაეცნენ საქმის დეტალებს. EMC-ის ადვოკატი ასევე შეხვდა და გაესაუბრება მოშიმშილე მსჯავრდებულს. „ირაკლი ჩხეიძის სისხლის სამართლის საქმეზე ამ დროისთვის არსებული ინფორმაცია ამ საქმის გამოძიების პროცესში არაერთი მნიშვნელოვანი ხარვეზის არსებობაზე მიუთითებს. ამ მოტივით, უახლოეს პერიოდში დაიწყება საქმის დეტალური შესწავლა და მომზადდება სამართლებრივი შეფასება", - არნიშნულია EMC-ის მიერ გავრცელებულ განცხადებაში, - „ასევე, უახლოეს დღეებში მივმართავთ საქართველოს საკონსტიტუციო სასამართლოს სარჩელით, ნარკოტიკული საშუალება MDMA-ის ფლობისთვის დაწესებული სასჯელის არაკონსტიტუციურობის საკითხზე". სრულად  წყარო: ორგანიზაციის ვებგვერდი

თბილისი. „ქალთა მზერა" აქვეყნებს ვიდეორგოლს ონლაინ ბულინგის თემატიკაზე. კიბერ ბულინგის მახასიათებლებია: გარიყვა-შევიწროება, დატროლვა, ყალბი პროფილის შექმნა, კომენტარებით კოლექტიური თავდასხმა. ონალინ ბულინგი იწვევს ფსიქოლოგიურ ტანჯვას და რეალობაში გადასვლის მაღალ რისკს შეიცავს. სრულად... წყარო: ორგანიზაციის ვებგვვრდი სოციალურ ქსელში

თბილისი. პარტნიორობა ადამიანის უფლებებისთვის აქვეყნებს სოციალურ ვიდეორგოლს: დროულად იხსენი ბავშვი ძალადობისგან. სრულად... წყარო: ორგანიზაციის ვებგვერდი სოციალურ ქსელში

თბილისი. 14 დეკემბერს, ილიას სახელმწიფო უნივერსიტეტში გაიმართა საჯარო ლექცია თემაზე: „რელიგიური თანასწორობის ახალი საქმეები საკონსტიტუციო სასამართლოში". „შეხვედრის მიზანი იყო 2018 წლის 3 ივლისს საქართველოს საკონსტიტუციო სასამართლოს რელიგიური გაერთიანებების ორი სარჩელის გაცნობა სტუდენტებისთვის. აღნიშნულ საქმეებზე მოსარჩელეების პოზიციით, საქართველოს საგადასახადო კოდექსისა და სახელმწიფო ქონების შესახებ კანონის ნორმები არღვევდა კონსტიტუციის მე-14 მუხლს (თანასწორობის უფლება) და რელიგიური გაერთიანებებისთვის დისკრიმინაციულ გარემოს ქმნიდა. მომხსენებლებმა ისაუბრეს ბოლო პერიოდში საკონსტიტუციო სასამართლოში განხილულ საქმეებზე რელიგიური თანასწორობის შესახებ. ასევე რელიგიის თავისუფლების შესახებ მოსალოდნელ საქმეებზე, რომლებიც საკონსტიტუციო სასამართლომ შეიძლება უახლოეს პერიოდში განიხილოს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია ადამიანის უფლებათა ევროპულმა სასამართლოს მიერ გიგა ოთხოზორიას მკვლელობის საქმის არსებითი განხილვის დაწყებას ეხმაურება. კერძოდ, სასამართლომ რუსეთის ფედერაციას, როგორც მოპასუხე სახელმწიფოს, ოთხოზორიას მკვლელობის საქმესთან დაკავშირებით შესაბამისი კითხვებით მიმართა. „გიგა ოთხოზორიას საქმეს აქვს პრეცედენტული მნიშვნელობა, რადგან სასამართლოს მოუწევს იმსჯელოს, რამდენად ახორციელებს რუსეთის ფედერაცია ეფექტურ კონტროლს აფხაზეთის ტერიტორიაზე და რამდენად ეკისრება მას პასუხისმგებლობა აფხაზეთის დე-ფაქტო ხელისუფლების წარმომადგენელთა ქმედებებზე", - ვკითხულობთ საია-ს განცხადებაში, - „ამავდროულად, ოთხოზორიას საქმე ცხადყოფს ოკუპირებული აფხაზეთის და ცხინვალის რეგიონის ტერიტორიებსა და საოკუპაციო ხაზის მიმდებარე სოფლებში არსებულ საგანგაშო ვითარებას ადამიანთა უფლებრივი მდგომარეობის კუთხით და კიდევ ერთხელ ნათლად წარმოაჩენს უსაფრთხოების სერიოზულ პრობლემებს ე.წ. ადმინისტრაციულ საზღვარზე". სრულად  წყარო: ორგანიზაციის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი" (EMC), დღეისთვის, საქართველოს პარლამენტის ჯანმრთელობის დაცვისა და სოციალურ საკითხთა კომიტეტში დაგეგმილ, შრომის უსაფრთხოების ორგანული კანონის პროექტის განხილვას ეხმაურება. „ადამიანის უფლებების სწავლების და მონიტორინგის ცენტრი (EMC) დადებითად აფასებს საქართველოს პარლამენტის ინიციატივას, დახვეწოს შრომის უსაფრთხოების შესახებ საქართველოს კანონი, აღმოფხვრას კანონმდებლობაში ამ მიმართულებით არსებული ძირითადი ხარვეზები და მეტად დაუახლოვოს ის საერთაშორისო სტანდარტებს. თუმცა, შემოთავაზებული ცვლილებები კვლავ არ ქმნის სრულყოფილ საკანონმდებლო ჩარჩოს შრომითი უფლებების ეფექტიანი და სამართლიანი დაცვის მიზნით", - ნათქვამია EMC-ის განცხადებაში. სრულად  წყარო: ორგანიზაციის ვებგვერდი

თბილისი. საზოგადოებრივი ორგანიზაციების ნაწილის განცხადებით, გაერთიანებული ოპოზიციისათვის თელავში მიმავალი გზების გადაკეტვა შეკრების თავისუფლების მორიგი შეზღუდვაა. „ხელმომწერი ორგანიზაციები უკიდურეს შეშფოთებას გამოხატავთ ახალი პრეზიდენტის ინაუგურაციის პარალელურად, სახელმწიფოს მხრიდან, გაერთიანებული ოპოზიციის მიერ თელავში მანიფესტაციის ჩატარების ხელშეშლის ფაქტთან დაკავშირებით", - აღნიშნულია მათ მიერ გავრცელებულ განცხადებაში, - „მიგვაჩნია, რომ სახელმწიფოს ქმედება და მანიფესტანტების უფლებების შეზღუდვა ეწინააღმდეგება დემოკრატიულ ღირებულებებს, საქართველოს კონსტიტუციასა და საერთაშორისო ხელშეკრულებებით ნაკისრ ვალდებულებებს. ვითარებას ამძაფრებს ის ფაქტი, რომ მოცემულ შემთხვევაში, სახეზე იყო არა რიგითი საჯარო მოხელეების მხრიდან უფლებამოსილების გადაჭარბება, არამედ სახელმწიფოს ინსტიტუციონალური ნაბიჯი - ოპოზიციის წარმომადგენელთათვის ქ. თელავში შესვლის აკრძალვით, არამართლზომიერად შეეზღუდათ გადაადგილების თავისუფლება და ამდენად არ მიეცათ მათთვის აქციის გამართვის საშუალება. უნდა აღინიშნოს ისიც, რომ მსგავსი გადაწყვეტილებები ზიანს აყენებს პოლიციის რეპუტაციას, რაც თავის მხრივ მოქალაქეებსა და პოლიციას შორის კონფლიქტის მიზეზი ხდება". სრულად  წყარო: www.osgf.ge

გურია. 11 დეკემბერს, ახალგაზრდა პედაგოგთა კავშირის ლიტერატურულ კაფე „რვას+1" ში ახალგაზრდული ცენტრის წევრების მიერ ორგანიზებული ფოტოგამოფენა „ადამიანის უფლებები და თავისუფლება" გაიმართა. „გამოფენაზე წარმოდგენილი იყო ამავე სახელწოდების კონკურსის შედეგად შემოსული ფოტოები. ფოტოკონკურსის მიზანი ადამიანის უფლებების თემატიკით ახალგაზრდების დაინტერესება გახლდათ. კონკურსის ფარგლებში შემოვიდა 100 ფოტო, რომელთაგან ჟიურის მიერ საუკეთესოდ შეფასებული 35 ფოტო გამოიფინა," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC), გუშინ, კახეთში პრეზიდენტის ინაუგურაცის პარალელურად, ოპოზიციის მხარდამჭერებსა და პოლიციის წარმომადგენლებს შორის მოხდარ ფიზიკური დაპირისპირებასთან დაკავშირებით, განცხადებას ავრცელებს. „EMC-ის არ ჰქონდა შესაძლებლობა ადგილზე დაკვირვებოდა მოვლენების განვითარებას, მათ შორის, გადაემოწმებინა სხვადასხვა მხარის მიერ გავრცელებული ინფორმაციის სიზუსტე. ინციდენტის სრულფასოვანი შეფასებისთვის საჭირო დეტალური და დაზუსტებული ფაქტობრივი გარემოებები ამ დროისთვის ასევე არ არის ხელმისაწვდომი", - აღნიშნულია განცხადებაში, - „მოვუწოდებთ მთავარ პროკურატურას დაიწყოს გამოძიება 16 დეკემბერს, ოპოზიციის მხარდამჭერებსა და პოლიციის წარმომადგენლებს შორის მომხდარ ინციდენტზე, მათ შორის, დროულად და ობიექტურად გამოიძიოს: პოლიციის ქმედებების კანონიერება გადაადგილების და შეკრების თავისუფლებაში შესაძლო ჩარევის შესახებ; ასევე - აქციის მონაწილეთა და პოლიციელების მიერ მიღებული დაზიანებების საკითხი". სრულად  წყარო: ორგანიზაციის ვებგვერდი

თბილისი. საქართველოს ჟურნალისტური ეთიკის ქარტიის საბჭომ, "რუსთავი 2-ის" ჟურნალისტებთან დაკავშიერბით, გადაწყვეტილება მიიღო. ქარტიის საბჭოს გადაწყვეტილებით, ტელეკომპანია "რუსთავი 2-ის" ჟურნალისტებმა - თამარ ბაღაშვილმა და დიანა ჯოჯუამ ქარტიის 2 პრინციპი დაარღვიეს: პირველი, რომელიც ზუსტი ინფორმაციის გავრცელებას ავალდებულებს ჟურნალისტს და მეთერთმეტე, რომლის თანახმადაც, უმძიმეს პროფესიულ დანაშაულად მიიჩნევა ფაქტის განზრახ დამახინჯება. სრულად  წყარო: ორგანიზაციის ვებგვერდი

აჭარა. 2018 წლის 14 დეკემბერს, საკონსტიტუციო სასამართლომ სისხლის სამართლის საპროცესო კოდექსის 56-ე მუხლის მე-5 პუნქტის ნაწილი არაკონსტიტუციურად სცნო. კერძოდ, ის სიტყვები, რომელიც, ნაკლებად მძიმე და მძიმე დანაშაულის საქმეებზე, პირის დაზარალებულად ცნობასთან დაკავშირებით ზემდგომი პროკურორის უარის სასამართლოში გასაჩივრებას კრძალავდა. საია იცავდა მოსარჩელის გ.გ-ს ინტერესებს და მიიჩნევდა, რომ სადავო ნორმით დაწესებული შეზღუდვა ეწინააღმდეგება საქართველოს კონსტიტუციის 42-ე მუხლის პირველი პუნქტით გარანტირებულ სამართლიანი სასამართლოს უფლებას, რამდენადაც პირს არ ქონდა შესაძლებლობა, ნაკლებად მძიმე და მძიმე დანაშაულის საქმეებზე, სასამართლოს გზით გაესაჩივრებინა უფლებაშემზღუდველი აქტი - პროკურორის დადგენილება დაზარალებულად ცნობაზე უარის თქმის შესახებ. სრულად  წყარო: ორგანიზაციის ვებგვერდი