<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრმა" (EMC) გამართა კონფერენცია, თემაზე - „არადომინანტური ეთნიკური ჯგუფების წინაშე მდგარი გამოწვევები".</div> <div style="text-align: justify;">კონფერენციზე მკვლევრებმა და ექსპერტებმა წარმოადგინეს მოხსენებები არადომინანტური ეთნიკური ჯგუფების პოლიტიკური მონაწილეობის და განათლების ხელმისაწვდომობის პრობლემების შესახებ; ეთნიკური ჯგუფების ინტეგრაციისა და უფლებების დაცვის საკითხებზე მომუშავე ორგანიზაციებმა იმსჯელეს იმსჯელეს, ეთნიკურ ჯგუფებთან მათი მუშაობის სტრატეგიებისა და ახალი პერსპექტივების თაობაზე. ღონისძიებაზე, ასევე, წარმოადგინეს EMC-ის მიერ მომზადებული სახელმძღვანელო, რომელიც ეთნიკური უმცირესობების უფლებებთან დაკავშირებულ საერთაშორისო სტანდარტებს მიმოიხილავს და ქართულ, აზერბაიჯანულ და რუსულ ენებზეა გამოცემული.</div> <div style="text-align: justify;"><a href="http://emc.org.ge/ka/events/konferentsia-aradominanturi-etnikuri-jgufebis-tsinashe-mdgari-gamotsvevebi" target="_blank" style="font-weight: bold;">სრულად </a></div> <div style="text-align: justify;"> <div><a href="http://emc.org.ge/ka/products/etnikuri-umtsiresobebis-uflebebtan-dakavshirebuli-saertashoriso-standartebis-mimokhilva" target="_blank" style="font-weight: bold;">სახელმძღვანელოები</a></div> <div>წყარო: ორგანიზაციის ვებგვერდი</div></div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ადამიანის უფლებების საკითხებზე მომუშავე საზოგადოებრივი ორგანიზაციები ევროპის საბჭოს რასიზმისა და შეუწყნარებლობის წინააღმდეგ ევროპული კომისიის (ECRI) მიერ რელიგიის საკითხთა სახელმწიფო სააგენტოსთან მიმართ გამოთქმულ კრიტიკას უერთდებიან.</div> <div style="text-align: justify;">2019 წლის 5 მარტს გამოქვეყნებული უალედური დასკვნიის (CRI(2019)4) მიხედვით, ECRI მიიჩნევს რომ საქართველოს ხელისუფლებამ, კერძოდ კი, რელიგიის საკითხთა სახელმწიფო სააგენტომ, არ შეასრულა 2016 წლის 1 მარტის მეხუთე პერიოდულ ანგარიშში გაცემული რეკომენდაციები.</div> <div style="text-align: justify;">„კოლიაცია თანასწორობისთვის მოუწოდებს პრემიერ-მინისტს, რომლის უშუალო დაქვემდებარეშიც მოქმედებს რელიგიის საკითხთა სახელმწიფო სააგენტო: განუხრელად შეასრულოს ECRI-ის რეკომენდაციები; გადახედოს ამ უწყების მანდატს, სტრატეგიას და საქმიანობას და რელიგიის თავისუფლების სფეროში სამთავრობო პოლიტიკა ადამიანის უფლებების და თანასწორობის პრინციპებს დააფუძნოს; გააძლიეროს სახალხო დამცველის ეგიდით მოქმედ რელიგიათა საბჭოსთან მთავრობის კომუნიკაცია და დემოკრატიულ და თანასწორ ფორმატში, რელიგიური ორგანიზაციების მიერ შემუშავებული რეკომენდაციების და ინიციატივების მხარდაჭერა", - აღნიშნულია კოალიციის მიერ გავრცელებულ განცხადებაში.</div> <div style="text-align: justify;"><a href="http://gyla.ge/ge/post/adamianis-uflebebze-momushave-organizaciebi-religiis-sakitkhta-sakhelmtsifo-saagentostan-mimartebit-ecri-is-mtsvave-kritikas-uertdebian#sthash.DLsraVva.dpbs" target="_blank" style="font-weight: bold;">სრულად </a></div> <div style="text-align: justify;">წყარო: https://gyla.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ევროპის საბჭოს პროექტის - „საარჩევნო პრაქტიკის რეფორმის ხელშეწყობა საქართველოში" - ფარგლებში, საქართველოს ახალგაზრდა იურისტთა ასოციაციასთან თანამშრომლობით, დღეს, გაიმართა კონფერენცია თემაზე: სიძულვილის ენა და საარჩევნო კამპანია.</div> <div style="text-align: justify;">კონფერენციაში მონაწილეობა მიიღეს სახელმწიფო ინსტიტუტების, სამოქალაქო საზოგადოებისა და საერთაშორისო ორგანიზაციების წარმომადგენლებმა. ღონისძიების მიზანს წარმოადგენდა ნეგატიურ საარჩევნო კამპანიასა და არჩევნებში სიძულვილის ენის გამოყენებასთან დაკავშირებული საკითხების ანალიზი და აღნიშნულ თემებზე მსჯელობა.</div> <div style="text-align: justify;"><a href="http://gyla.ge/ge/post/konferencia-sidzulvilis-ena-da-tsinasaarchevno-kampania#sthash.79kFRVgj.dpbs" target="_blank" style="font-weight: bold;">სრულად </a></div> <div style="text-align: justify;">წყარო: gyla.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>11 მარტს, ეროვნული ბიბლიოთეკის საკონფერენციო დარბაზში ადამიანის უფლებათა ცენტრი წარმოადგენს ანგარიშს - „მავთულხლართების ზონა - ადამიანის უფლებების მასობრივი დარღვევები აფხაზეთისა და სამხრეთ ოსეთის გამყოფ ხაზებზე".</div> <div style="text-align: justify;">„ადამიანის უფლებათა ცენტრის ანგარიში, ძირითადად, ეყრდნობა ოკუპირებული ტერიტორიების გამყოფ ხაზებთან მცხოვრები მოქალაქეებისგან მიღებულ ინფორმაციას. კვლევის მიმდინარეობისას ორგანიზაციამ განახორციელა 8 ვიზიტი აფხაზეთისა და სამხრეთ ოსეთის გამყოფ ხაზებთან განლაგებულ 27 სოფელში.</div> <div style="text-align: justify;">აფხაზეთის გამყოფ ხაზზე დაკავებულთა რაოდენობა საგანგაშოა. რუსეთის ფედერაციის საზღვრის დაცვის სამსახურის მონაცემებით, დაკავებულთა რაოდენობა 2009-2016 წლებში 14 000-ს ადამიანს შეადგენდა.</div> <div style="text-align: justify;">გალში მცხოვრები მოსახლეობისათვის პრობლემურია სათანადო დოკუმენტაციის მიღება, რაც მათ უზღუდავს გამყოფ ხაზზე თავისუფალი მიმოსვლის შესაძლებლობას. აღნიშნული შეზღუდვები წინააღმდეგობაში მოდის ადამიანის უფლებათა საერთაშორისო სტანდარტებთან, რაც დეტალურად არის განხილული ანგარიშში", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.humanrights.ge/index.php?a=main&pid=19813&lang=geo" target="_blank" style="font-weight: bold;">სრულად...</a></div> <div style="text-align: justify;">წყარო: www.humanrights.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საქართველოს ჟურნალისტური ეთიკის ქარტია მედიასაშუალებების მიერ ე.წ. ტროლების ფაბრიკის შესახებ ინფორმაიიც გავრცელებას ეხმიანება.</div> <div style="text-align: justify;">„მედიასაშუალებებმა გამოაქვეყნეს იმ ადამიანთა სია, რომლებიც სავარაუდოდ "ქართული ოცნების” დაკვეთით ცრუ ინფორმაციას ავრცელებდნენ სოციალურ ქსელში. სიაში დასახელებულ სახელებსა და გვარებს არ ახლდა რაიმე მაიდენტიფიცირებელი ნიშანი (პირადი ნომერი, ან რაიმე სხვა დეტალი) შესაბამისად, ეჭვქვეშ დადგა ყველა ის ადამიანი, ვისაც სიაში ჩამოთვლილთა იდენტური სახელი და გვარი აქვს. ეს სია გავრცელდა სოციალურ ქსელშიც, გამოქვეყნდა იმ ადამიანთა ფოტოები, რომელთაც სიაში მოხვედირილი ადამიანების იდენტური სახელისა და გვარი აქვთ ისე, რომ არ გადამოწმებულა მართლაც ისინი არიან თუ არა "ტროლები”, რაც ცხადია ტოვებს შესაძლებლობას, რომ მათ არანაირი კავშირი არ ჰქონდეთ ამ სიასთან. გაჩნდა შეურაცხმყოფელი, მადისკრედიტირებელი კომენტარები მათ მიმართ", - ვკითხულობთ განცხადებაში, - „ქარტიის საბჭო ხედავს საფრთხეს, რომ სხვა მედიასაშუალებებმა გაავრცელონ სია და დამატებითი პრობლემები შეუქმნან ამავე სახელისა და გვარის მქონე პირებს. ამიტომ, ქარტია პრევენციის მიზნით მოუწოდებს ჟურნალისტებს, თავი შეიკავონ გადაუმოწმებლად, დაუდასტურებლად სიაში მოხსენიებული იდენტური სახელისა და გვარის პირების მიმართ ბრალდებების გადაუმოწმებლად და დაუდასტურებლად ტირაჟირებისგან".</div> <div style="text-align: justify;"><a href="http://www.qartia.ge/ka/siakhleebi/article/67909" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">გურია.</span> „ახალგაზრდა პედაგოგთა კავშირის" ოფისში, ორგანიზაციის ბაზაზე არსებული ახალგაზრდული ცენტრის ინიციატივით ჩატარდა იუმორისტის და ტელეწამყვანის, გიორგი ჯანელიძის ლექცია თემაზე: „გენდერული სტერეოტიპები იუმორში".</div> <div style="text-align: justify;">„ახალგაზრდული ცენტრის მიმართულებებიდან ერთ-ერთი პრიორიტეტულია გენდერი, ეს არის თემა რომელიც მუდმივად განხილვის საკითხია. გენდერული სტერეოტიპები იუმორში ამ თემის განსხვავებული ასპექტია, რაც კიდევ უფრო საინტერესოს ხდის შეხვედრას და ეჭქვეშ აყენებს იმ აზრს, რომ „იუმორში დისკრიმინაცია არ არსებობს".</div> <div style="text-align: justify;">ახალგაზრდებმა შეხვედრაზე მიიღეს ინფორმაცია, როგორც ჩვენს რეალობაში არსებულ სტერეოტიპებზე, ასევე სხვა ქვეყნებში არსებულ მდგომარეობაზეც სხვადასხვა მაგალითების გამოყენებით. მან ასევე ისაუბრა იმ საფრთხეებზეც თუ რა უარყოფითი შედეგის მომტანი შეიძლება იყოს სექსისტური ხუმრობები უკვე წარმატებული კარიერის მქონე ადამიანებისთვის ან შემდგომში კარიერის შექმნის მსურველთათვის", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/apk.ge/photos/pcb.1715956888504973/1715950695172259/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> ორგანიზაციამ „პარტნიორობა ადამიანის უფლებებისთვის" თბილისის სახელმწიფო სამედიცინო უნივერსიტეტში შეხვედრა გამართა, რომელიც უმაღლეს საგანმანათლებლო დაწესებულებებში ქალთა სექსუალურ შევიწროებას ეხებოდა.</div> <div style="text-align: justify;">შეხვედრის ძირითადი მიზანი იყო ქალთა სექსუალური შევიწროების შესახებ ცნობიერების ამაღლება და საგანმანათლებლო სივრცეში სექსუალური შევიწროების შესახებ საჯარო დისკუსიის დაწყება.</div> <div style="text-align: justify;"><a href="http://phrgeorgia.wordpress.com/2019/03/07/phr-%E1%83%98-%E1%83%A3%E1%83%9B%E1%83%90%E1%83%A6%E1%83%9A%E1%83%94%E1%83%A1-%E1%83%A1%E1%83%90%E1%83%A1%E1%83%AC%E1%83%90%E1%83%95%E1%83%9A%E1%83%94%E1%83%91%E1%83%9A%E1%83%94%E1%83%91%E1%83%A8/" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">თბილისი.</span> „ტოლერანტობისა და მრავალფეროვნების ინსტიტუტის" (TDI) ინფორმაციით, საქართველოს ხელისუფლებამ რასიზმისა და შეუწყნარებლობის წინააღმდეგ ევროპულმა კომისიის (ECRI) რეკომენდაცია არ შეასრულა.</div> <div style="text-align: justify;">„5 მარტს ევროპულმა კომისიამ რასიზმისა და შეუწყნარებლობის წინააღმდეგ (ECRI) გამოაქვეყნა დასკვნა 2016 წელს გაცემული რეკომენდაციების შესრულების შესახებ. შუალედური შემოწმებისთვის ECRI-ს ორი ცენტრალური რეკომენდაცია ჰქონდა მიცემული საქართველოს ხელისუფლებისთვის. მეხუთე მონიტორინგის ციკლის ანგარიშში, კომისიამ მოუწოდა საქართველოს ხელისუფლებას, გაზარდოს მხარდაჭერა და ითანამშრომლოს რელიგიათა საბჭოსთან, ასევე, დაავალოს პრემიერ-მინისტრის დაქვემდებარებაში მოქმედ რელიგიის საკითხთა სახელმწიფო სააგენტოს, ითანამშრომლოს რელიგიათა საბჭოსთან და გაითვალისწინოს მისი გამოცდილება და რეკომენდაციები რელიგურ შეუწყნარებლობასთან დაკავშირებული პრობლემების გადასაჭრელად. ECRI აღნიშნავს, რომ საქართველოს ხელისუფლებამ ეს რეკომენდაცია არ შეასრულა", - აღნიშნულია TDI-ის მიერ გავრცელებულ ინფორმაციაში.</div> <div style="text-align: justify;"><a href="http://tdi.ge/ge/news/668-ecri-saxelmcipom-religiata-sabchostan-dakavshirebuli-rekomendacia-ar-sheasrula?fbclid=IwAR386KBIFRBfkit1nh6XJ6YIlrVnYd8R24Hp9jK9qRgEojCxLgUu5Cvwe4I" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">აჭარა.</span> საქართველოს ახალგაზრდა იურისტთა ასოციაციამ, ირაკლი ჯუღელის სახელით, დღეს, საკონსტიტუციო სასამართლოს მიმართა და ადმინისტრაციულ სამართალდარღვევათა კოდექსის 2 ნორმის არაკონსტიტუციურად ცნობა მოითხოვა.</div> <div style="text-align: justify;">საია ასაჩივრებს ადმინისტრაციულ სამართალდარღვევათა კოდექსის 244-ე მუხლის პირველი ნაწილით გათვალისწინებულ დაკავების საფუძველს, რომელიც სამართალდამცავი ორგანოს წარმომადგენელს უფლებას აძლევს პირი დააკავოს პიროვნების დადგენის მიზნით. ასევე, საია არაკონსტიტუციურად მიიჩნევს ადმინისტრაციულ სამართალდარღვევათა კოდექსის 247-ე მუხლით დადგენილ დაკავების განსხვავებულ ვადებს. აღნიშნული მუხლის მე-2 ნაწილის თანახმად, პირი, რომლის დაკავების ვადა არასამუშაო დროს ემთხვევა, შეიძლება დაკავებულ იქნეს და მოთავსდეს დროებითი მოთავსების იზოლატორში 48 საათის განმავლობაში, მაშინ, როდესაც სამუშაო დროს დაკავების შემთხვევაში დაკავების ხანგრძლივობა შესაძლებელია 12 საათამდე გრძელდებოდეს.</div> <div style="text-align: justify;"><a href="http://gyla.ge/ge/post/administraciul-dakavebastan-dakavshirebul-normebs-saia-sakonstitucio-sasamartloshi-asachivrebs#sthash.wu5qHNcE.dpbs" target="_blank" style="font-weight: bold;">სრულად</a> </div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 5 მარტს, საქართველოს სახალხო დამცველმა ნინო ლომჯარიამ ქვეყანაში თანასწორობის მდგომარეობის შესახებ სპეციალური ანგარიში წარმოადგინა.</div> <div style="text-align: justify;">„ღონისძიების გახსნაზე სახალხო დამცველმა აღნიშნა, რომ „დისკრიმინაციის ყველა ფორმის აღმოფხვრის შესახებ" საქართველოს კანონის ამოქმედებამ ხელი შეუწყო დისკუსიას თანასწორობის შესახებ და ამავე დროს, შესაძლებელი გახადა იმ პრობლემების უფრო ნათლად დანახვა, რასაც დაუცველი ჯგუფები თანასწორობის უფლების დაცვის მხრივ აწყდებიან. სახალხო დამცველმა ხაზი გაუსვა საზოგადოებაში არსებული სტერეოტიპებისა და არასწორი აღქმის დასაძლევად სახელმწიფოს მხრიდან სათანადო ღონისძიებების განხორციელების აუცილებლობას.</div> <div style="text-align: justify;">საანგარიშო პერიოდში, 2017 წლის სექტემბრიდან 2018 წლის აგვისტოს ჩათვლით, სახალხო დამცველის აპარატმა სავარაუდო დისკრიმინაციის 159 ფაქტი შეისწავლა და 21 შემთხვევაში რეკომენდაცია, ხოლო 9 შემთხვევაში ზოგადი წინადადება გამოსცა. სახალხო დამცველისადმი სავარაუდო დისკრიმინაციის ფაქტებზე მიმართვიანობის ყველაზე მაღალი მაჩვენებელი, გასული წლის მსგავსად, კვლავ საჯარო სექტორს უკავშირდება (69%)", ნათქვამია ომბუდსმენის გვერდზე სოციალურ ქსელში.</div> <div style="text-align: justify;"><a href="http://m/pg/OmbudsmanofGeorgia/photos/?tab=album&album_id=2034817356555783&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ომბუდსმენის გვერდი სოციალურ ქსელში</div> <div><br /> </div> <div><br /> </div> <div><br /> </div> <div><br /> </div> <div><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრის" (EMC) ინფორმაციით, ელმავალმშენებელი ქარხანაში დასაქმებულებს მძიმე შრომითი პირობები აქვთ და 6 თვეა კუთვნილი ანაზღაურება არ მიუღიათ, რის გამოც, დღეს აქციას აანონსებენ.</div> <div style="text-align: justify;">„კოლექტიური შრომითი დავების პერიოდში „ყვითელი პროფკავშირების" დამსაქმებლის ინტერესებისადმი მიკერძოებული ხმით, მშრომელების სამართლიანი მოთხოვნების გადაფარვა და დელეგიტიმაცია, სამწუხაროდ სისტემურ პრობლემას წარმოადგენს, რომელიც მნიშვნელოვნად ზღუდავს დასაქმებულთა გაერთიანების თავისუფლებას. ამ პროცესში განსაკუთრებულ გამოწვევად კი, დამსაქმებელთა მხრიდან დამოუკიდებელი პროფკავშირების საქმიანობისთვის ხელის შეშლა დგას. აღნიშნულ პროცესში იკვეთება ასევე, შრომითი მედიაციის არსებული მექანიზმის არაფექტიანობა და მისი რეფორმირების საჭიროება. შრომითი მედიაციის არსებულმა მექანიზმმა ვერ მოახერხა დამსაქმებელსა და დასაქმებულს შორის არსებული ძალაუფლებრივი უთანასწორობის დასაბალანსებლად პროცესში დასაქმებულთა წარმომადგენელი პროფესიული გაერთიანების მონაწილეობა”, - აღნიშნულია EMC-ის განცხადებაში, - „EMC მოუწოდებს სს „ელმავალმშენებელი” ქარხნის ადმინისტრაციას, დაუყოვნებლივ აღკვეთოს პროფესიული კავშირების საქმიანობის ხელის შეშლა და უზრუნველყოს დასაქმებულთა თანასწორი და თავისუფალი გაერთიანების შესაძლებლობა".</div> <div style="text-align: justify;"><a href="http://emc.org.ge/ka/products/emc-ekhmianeba-elmavalmshenebel-karkhanashi-mimdinare-kolektiur-shromit-davas" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ორგანიზაცია „პარტნიორობა ადამიანის უფლებებისთვის" შეზღუდული შესაძლებლობის მქონე გოგონების სექსუალური და რეპროდუქციული ჯანმრთელობის უფლებების შესახებ საინფორმაციო შეხვედრებს განაგრძობს.</div> <div style="text-align: justify;">„PHR-ის წარმომადგენელმა, თათია მიქელაძემ, მორიგი შეხვედრა დღის ცენტრ „ასოციაცია ანიკა"-ში გამართა. შეხვედრას ამავე დღის ცენტრის ფსიქოლოგები, აღმზრდელები და ადმინისტრაციის თანამშრომლები ესწრებოდნენ. თათიამ შეხვედრის ფარგლებში ისაუბრა შეზღუდული შესაძლებლობის მქონე მოზარდების სექსუალური ძალადობისგან დაცვის აუცილებლობასა და მათ განსაკუთრებულ საჭიროებებზე. ყურადღება გაამახვილა განათლებასა და საკუთარი უფლებების შესახებ ინფორმირებულობაზე, როგორც სექსუალური ძალადობის ერთ-ერთ პრევენციულ მექანიზმზე", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/03/04/phr-%E1%83%98-%E1%83%A8%E1%83%A8%E1%83%9B-%E1%83%92%E1%83%9D%E1%83%92%E1%83%9D%E1%83%9C%E1%83%94%E1%83%91%E1%83%98%E1%83%A1-%E1%83%A0%E1%83%94%E1%83%9E%E1%83%A0%E1%83%9D%E1%83%93%E1%83%A3/" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საქართველოს ახალგაზრდა იურისტთა ასოციაცია (საია) სასამართლოში იცავდა ჟურნალისტის - ალექსანდრე ხოჯავას ინტერესებს, რომელიც საზოგადოებრივი მაუწყებლიდან საქართველოს კანონმდებლობის დარღვევით 2018 წლის 18 ივლისს გათავისუფლდა.</div> <div style="text-align: justify;">„დღეს, 2019 წლის 04 მარტს, თბილისის საქალაქო სასამართლომ ბათილად ცნო ალექსანდრე ხოჯავას სამსახურიდან გათავისუფლების შესახებ ბრძანება. საზოგადოებრივ მაუწყებელს დაევალა ალექსანდრე ხოჯავას დაკავებულ თანამდებობაზე აღდგენა და გათავისუფლებიდან სასამართლო გადაწყვეტილების აღსრულებამდე მისთვის იძულებითი განაცდურის ანაზღაურება", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://gyla.ge/ge/post/sazogadoebriv-mautsyebels-gatavisuflebuli-tanamshromlis-aghdgena-daevala#sthash.EFk3GNhc.dpbs" target="_blank" style="font-weight: bold;">სრულად...</a></div> <div style="text-align: justify;">წყარო: gyla.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> ზუგდიდის რაიონულმა სასამართლომ ა(ა)იპ „მესტიის მუნიციპალიტეტის კულტურისა და ხელოვნების ცენტრიდან" გათავისუფლებული მანანა საღლიანის სამსახურში აღდგენის გადაწყვეტილება მიიღო.</div> <div style="text-align: justify;">სასამართლომ ბათილად ცნო მესტიის მუნიციპალიტეტის კულტურისა და ხელოვნების ცენტრის დირექტორის ბრძანება, მანანა საღლიანის სამსახურიდან გათავისუფლების შესახებ, მოპასუხეს დაავალა მოსარჩელის სამსახურში აღდგენა იგივე თანამდებობაზე და დააკისრა იძულებითი განაცდურის ანაზღაურება. მანანა საღლიანის ინტერესებს სასამართლოში „ადამიანის უფლებების სწავლების და მონიტორინგის ცენტრი" (EMC) წარმოადგენდა.</div> <div style="text-align: justify;"><a href="http://emc.org.ge/ka/products/kidev-erti-shromiti-dava-dasrulda-dasakmebulis-gamarjvebit" target="_blank" style="font-weight: bold;">სრულად</a> </div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ღია საზოგადოების ფონდის ინფორმაციით, 26-27 მარტს, თბილისში გაიმართება ზიანის შემცირების ეროვნულ კონფერენცია ჯანმრთელობასა და ადამიანის უფლებებზე თანასწორი ხელმისაწვდომობისთვის.</div> <div style="text-align: justify;">„კონფერენცია მიზნად ისახავს ადგილობრივი, რეგიონალური და საერთაშორისო დაინტერესებული მხარეების მობილიზებას და დიალოგის ინიცირებას ზიანის შემცირების სფეროს პრიორიტეტულ საკითხებზე", ნათქვამია ორგანიზაციის ვებგვერდზე.</div> <div style="text-align: justify;"><a href="http://osgf.ge/zianis-shemcirebis-erovnul-konferencia-janmrtelobasa-da-adamianis-uflebebze-tanaswori-khelmisawvdomobistvis/" target="_blank" style="font-weight: bold;">სრულად...</a></div> <div style="text-align: justify;">კონფერენციის <a href="http://www.harmreductiontbilisi.com/?lang=ka" target="_blank" style="font-weight: bold;">ვებგვერდი...</a></div> <div style="text-align: justify;">წყარო: www.harmreductiontbilisi.com</div> <div><br /> </div>

<div style="text-align: justify;"><span style="font-weight: bold;">აჭარა. </span>2 მარტს, ბათუმის ახალგაზრდულ ცენტრში გაიმართა ფილმის „უდაბნოს ყვავილი" ჩვენება-განხილვა.</div> <div style="text-align: justify;">„ფილმი ეხებოდა სომალელ გოგონას ვარის დირიეს, რომელიც 13 წლის იყო, როცა ოჯახიდან გაიქცა. ფილმიდან გამომდინარე ისაუბრეს ქალთა უფლებებზე და იმ პრობლემებზე, რომლებსაც ქალები აწყდებიან ყოველდღიურ ცხოვრებაში", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/batumiyouthcenter/photos/?tab=album&album_id=1269123266584317" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">აჭარა.</span> 1 მარტს, ბათუმის ახალგაზრდული ცენტრის მოხალისეებმა, დუტა დიასამიძემ და თეკლა ციცაგმა, ქობულეთის №1 საჯარო სკოლაში ჩაატარეს ტრენინგი თემაზე: „ოჯახში ძალადობის და ადრეული ქორწინების პრევენცია". მომხსენებლებმა ისაუბრეს ქალთა მიმართ და ოჯახში ძალადობის შესახებ. ასევე, რა გავლენას ახდენს ბავშვების ფსიქოლოგიაზე ადრეული ქორწინება.</div> <div style="text-align: justify;"><a href="http://www.facebook.com/pg/batumiyouthcenter/photos/?tab=album&album_id=1268286656667978" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">სამცხე-ჯავახეთი. </span>27 თებერვალს, დემოკრატიული ჩართულობის ცენტრების ქსელის ახალციხის ოფისში ჩატარდა შეხვედრა პროექტის, „დისკრიმინაციის, სიძულვილის ენის და სიძულვილის მოტივით ჩადენილი დანაშაულების წინააღმდეგ ბრძოლა საქართველოში" ფარგლებში.</div> <div style="text-align: justify;">„პროექტს ევროპის საბჭოს ოფისი სახალხო დამცველის აპარატთან ერთად ახორციელებს და მიზნად ისახავს ეთნიკური უმცირესობების ინფორმირებას მათი უფლებების შესახებ, კერძოდ კი სამართლებრივი მექანიზმებზე, რაც შეუძლიათ, რომ გამოიყენონ", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/ncce.ge/photos/a.498306390376940/931973470343561/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> პარტნიორობა ადამიანის უფლებებისთვის (PHR) ინფორმაციით, კოალიციაში შემქნილმა ბავშვის უფლებათა კოდექსის სამუშაო ჯგუფმა შეიმუშავა რეკომენდაციები კოდექსის პროექტის ბოლო სამუშაო ვერსიაზე. კოალიციამ უკვე მიაწოდა რეკომენდაციები ადამიანის უფლებათა დაცვისა და სამოქალაქო ინტეგრაციის კომიტეტს.</div> <div style="text-align: justify;">„ვიმედოვნებთ, რომ კომიტეტი განიხილავს აღნიშნულ რეკომენდაციებს და გაითვალისწინებს მათ ბავშვთა კოდექსის გაუმჯობესების მიზნით. კოდექსის გაუმჯობესებული დოკუმენტი ჩაუყრის ფუნდამენტურ საფძველს ქვეყანაში ბავშვთა უფლებრივი მდგომარეობის გაუმჯობესებას”, ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/02/27/%E1%83%91%E1%83%90%E1%83%95%E1%83%A8%E1%83%95%E1%83%98%E1%83%A1-%E1%83%A3%E1%83%A4%E1%83%9A%E1%83%94%E1%83%91%E1%83%90%E1%83%97%E1%83%90-%E1%83%99%E1%83%9D%E1%83%93%E1%83%94%E1%83%A5%E1%83%A1%E1%83%98/" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">თბილისი.</span> ადამიანის უფლებების სწავლებისა და მონიტორინგის ცენტრი (EMC) საქართველოს იუსტიციის სამინისტროს პენიტენციურ დეპარტამენტს მოუწოდებს, დაიცვას დეკანოზ გიორგი მამალაძის ჯანმრთელობის უფლება. ასევე, გართულებული სამედიცინო მდგომარეობის გათვალისწინებით, გამოიყენოს სასჯელის გადავადების კანონით გათვალისწინებული მექანიზმი.</div> <div style="text-align: justify;"><a href="http://emc.org.ge/ka/products/dekanoz-mamaladzis-sakmeze-emc-sasjelis-gadavadebas-itkhovs" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>მართლმსაჯულების ზამთრის სკოლის მე-4 დღეს მსმენელებს საშუალება ქონდათ ემსჯელათ საქართველოს საკონსტიტუციო სასამართლოს უახლესი სასამართლო პრაქტიკის შესახებ და აგრეთვე განეხილათ საკონსტიტუციო კონტროლის აქტუალური საკითხები მოსამართლე თეიმურაზ ტუღუშთან ერთად.</div> <div style="text-align: justify;">„საკონსტიტუციო სასამართლოს სამართლებრივი უზრუნველყოფისა და კვლევების დეპარტამენტის უფროსის მოადგილემ, ლევან მაისურაძემ ჩაატარა პრაქტიკული სესია საკონსტიტუციო წარდგინების შესახებ და მონაწილეებს საშუალება მიეცათ საკონსტიტუციო წარდგინების მომზადების უნარები გაეუმჯობესებინათ კონკრეტულ კაზუსზე წარდგინების ინდივიდუალურად მომზადებისას. დღის მეორე ნახევარში, ქეთი აბაშიძემ ჩაატარა ლექცია ევროკავშირის სამართლის ზოგად საკითხებზე და კონკრეტულად დისკრიმინაციის აკრძალვის პრაქტიკასთან დაკავშირებით. დისკრიმინაციის აკრძალვის სამართლის სხვადასხვა ასპექტი სხვადასხვა იურისდიქციის მიხედვით ზამთრის სკოლის ერთ-ერთი ცენტრალური თემაა", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/EU4JusticeJudiciary/photos/a.1457024400975274/2323503394327366/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div> <div><br /> </div> <div><br /> </div> <div><br /> </div>

<div style="text-align: justify;"><span style="font-weight: bold;">თბილისი. </span>კოალიცია თანასწორობისთვის ეხმიანება საქართველოს პარლამენტის განათლების, მეცნიერებისა და კულტურის კომიტეტის თავმჯდომარის, მარიამ ჯაშის საჯარო განცხადებას, საქართველოს აზერბაიჯანელ თემთან დაკავშირებით. ორგანიზაცია მოუწოდებს პარლამენტის წევრს, მისი პოლიტიკური ხედვები და განცხადებები მოქალაქეობის კონსტიტუციურ იდეას დაუახლოვოს და არ დაუშვას ჩვენი ქვეყნის მოქალაქეების პოლიტიკური ინსტრუმენტალიზება.</div> <div style="text-align: justify;">„ცხადია, ვიზიარებთ აზერბაიჯანის ტერიტორიაზე მცხოვრები ეთნიკურად ქართველი თემის მძიმე უფლებრივ მდგომარეობას და მათ შორის, მათ მიმართ ეთნიკური და რელიგიური ნიშნით დისკრიმინაციის პრაქტიკებს და მიგვაჩნია, რომ ამ საკითხებზე საჯარო დისკუსიების დაწყება და საერთაშორისო სამართლის პრინციპების დაცვით, საქართველოს სახელმწიფოს მხრიდან ქმედითი ნაბიჯების გადადგმა, მნიშვნელოვანია. მეტიც, კოალიციის წევრები მზად არიან ამ პროცესში კონტრიბუცია შეიტანონ. თუმცა, მარიამ ჯაშის განცხადებაში პრობლემას ის აზრი ქმნიდა, სადაც მან საქართველოს ტერიტორიაზე ისტორიულად მცხოვრები აზერბაიჯანელი თემი სხვა სახელმწიფოსთან მოლაპარაკებების საგნად განიხილა და საკუთარი მოქალაქეების მიმართ ნაცვალგების მიდგომა გამოიყენა", ნათქვამია ორგანიზაციის ვებგვერდზე.</div> <div style="text-align: justify;"><a href="http://emc.org.ge/ka/products/koalitsia-tanastsorobistvis-sakartvelos-azerbaijanelebtan-dakavshirebit-mariam-jashis-gantskhadebas-ekhmianeba" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div> <div style="text-align: justify;"><br /> </div>