თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ადიგენის მუნიციპალიტეტის სოფელ მოხეში მდებარე, კლუბის სტატუსით რიცხულ, შენობასთან დაკავშირებით არსებული გარემოებების შემსწავლელი კომისიის მიღებულ რეკომენდაციას. „EMC მიიჩნევს, რომ სოფელ მოხეში მდაბარე სადავოდ გამხდარი შენობის ისტორიული და კონფესიური წარმომავლობის შესწავლისა და ისტორიული მესაკუთრისთვის მისი დაბრუნების საკითხის დღის წესრიგიდან მოხსნა რესტიტუციის[1], როგორც საკუთრების უფლების უზრუნველყოფაზე უარს ნიშნავს და დისკრიმინაცია", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საიას ოფისის თბილისის ოფისის დახმარებით 2015 წლის 13–14 ივნისის სტიქიით დაზარალებული პირები კომპენსაციას მიიღებენ, – ნათქვამია ორგანიზაციის ვებგვერდზე. „საია თბილისის საქალაქო სასამართლოში წარმოადგენდა ხუთი ოჯახის ინტერესებს ქალაქ თბილისის მერიის, ქალაქ თბილისის მთავრობისა და ქალაქ თბილისის მუნიციპალიტეტის ქონების მართვის სააგენტოს წინააღმდეგ. მოსარჩელეები ითხოვდნენ 2015 წლის 13-14 ივნისის სტიქიით მიყენებული ზიანის ანაზღაურებას ქალაქ თბილისის საკრებულოს დადგენილების საფუძველზე, რადგან მათ სტიქიის ზონაში ათეულობით წლის წინ დაკავებული ჰქონდათ მიწის ნაკვეთები და მათზე აღმართული ჰქონდათ საცხოვრებელი სახლები და შესაბამისად, წარმოადგენდნენ დაკავებული მიწის ნაკვეთების მოსარგებლეებს. ... თბილისის საქალაქო სასამართლოს ადმინისტრაციულ საქმეთა კოლეგიამ მიიჩნია, რომ კომპენსაციის გაცემა შესაძლებელი იყო საკუთრების უფლების აღიარების გარეშეც და სრულად დააკმაყოფილა სარჩელი. თბილისის საქალაქო სასამართლოს გადაწყვეტილების შესაბამისად, ...", ნათქვამია საიას ინფორმაციაში. სრულად... წყარო: gyla.ge

თბილისი. 27 ოქტომბერს, ორგანიზაციის „პირველი მუხლი (ადამიანის უფლებებზე ზრუნვის სახლი)" პროექტის „დავლიოთ ჩაი და ვისაუბროთ ადამიანის უფლებებზე" ფარგლებში პირველი ღონისძიება ე.წ. ჩაი-ფართი გაიმართა. „მოწვეული საპატიო სტუმარი იყო საქართველოს სახალხო დამცველის მოადგილე, ექსპერტი ქალთა უფლებების საკითხებში ქალბატონი ეკატერინე სხილაძე. მან ახალგაზრდებს წარუდგინა გაეროს სპეციალური მომხსენებლის 2016 წლის ანგარიში „ქალთა მიმართ ძალადობის, ძალადობის მიზეზებისა და შედეგების შესახებ". პრეზენტაციის ფარგლებში საპატიო სტუმარმა ახალგაზრდებს მიაწოდა ინფორმაცია ისეთ აქტუალურ თემებზე, როგორიცაა ოჯახში ძალადობა, სექსუალური შევიწროება, ქალთა თვითმკვლელობა, ნაადრევი ქორწინება, სელექციური აბორტი, „ქალწულების" ტესტი, სუროგაცია და სხვ. ასევე მიმოიხილა მთავარი რისკ-ჯგუფები, ძალადობის ხელშემწყობი ძირითადი ფაქტორები და ქალთა მიმართ ძალადობასთან ბრძოლის სფეროში არსებული მიღწევები და ხარვეზები", ნათქვამი ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრის (EMC) ორგანიზებით, ეფექტური შრომის ინსპექციის მოთხოვნით აქცია გაიმართა. „შრომის ინსპექცია არის ის დაწესებულება, რომელსაც სულ მცირე შეუძლია ადამიანი გადაარჩინოს, რომელსაც შეუძლია სულ მცირე ადამიანებს მისცეს შედარებით ნორმალურ გარემოში ცხოვრების უფლება. ჩვენ ვსაუბრობთ შრომის ინსპექციაზე და არა ტექნიკურ ზედამხედველობის კანტორაზე", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 27 ოქტომბერს, „პარტნიორობა ადამიანის უფლებებისთვის" (PHR) და უნისეფის ორგანიზებით პროექტის ფარგლებში - „ბავშვზე მორგებული მართლმსაჯულების სისტემის ხელმისაწვდომობის გაძლიერება და განვითარება საქართველოში" სამუშაო შეხვედრა გაიმართა. „შეხვედრის მიზანს საკუთარი უფლებების დაცვის მექანიზმებისა და პროცედურების შესახებ ბავშვებისთვის საჭირო ინფორმაციის მიწოდების ფორმებისა და საშუალებების განსაზღვრა წარმოადგენდა, რაც შემდგომში, აისახება აღნიშნული მიმართულებით ბავშვის გაზრდილ ცნობიერებასა და სამოქალაქო განათლებაზე", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევას: „უსახლკარობა - სახელმწიფო პოლიტიკის ანალიზი". „უსახლკარობა და სათანადო საცხოვრისის არქონა საქართველოში მნიშვნელოვან პრობლემას წარმოადგენს, თუმცა პოლიტიკურ და საზოგადოებრივ სივრცეებში ეს საკითხი არასათანადოდ არის აღიარებული. უსახლკარობის პრობლემის სიმწვავის მიუხედავად, არ ხდება ამ გამოწვევის წინაშე მდგარ პირთა საჭიროებების, ასევე უსახლკარობისა თუ სათანადო საცხოვრისის არქონის ფორმებისა და გამომწვევი მიზეზების შესწავლა", ნათქვამია ორგანიზაციის ვებ-გვერდზე. კვლევა... წყარო: emc.org.ge

თბილისი. საქართველოს დემოკრატიული ინიციატივა (GDI) სოფელ მოხეში განვითარებული მოვლენების შესახებ განცხადებას ავრცელებს. „კიდევ ერთხელ შეშფოთებით ვეხმაურებით ადიგენის მუნიციპალიტეტის სოფელ მოხეში განვითარებულ მოვლენებს და მოვუწოდებთ სახელმწიფოს, შეწყვიტოს დისკრიმინაციული და რეპრესიული პოლიტიკა საქართველოს მუსლიმი თემის მიმართ და მსგავსად დომინანტი რელიგიური ჯგუფისა, მისცეს მას რელიგიური რიტუალების ღირსეულ და ადეკვატურ პირობებში შესრულების შესაძლებლობა", ნათქვამია ორგანიზაციის განცხადებაში. სრულად... წყარო: gdi.ge

სამცხე-ჯავახეთი. 25 ოქტომბერს, ომბუდსმენის წარმომადგენლები და პრევენციის ეროვნული მექანიზმის წევრები სისხლის სამართლის მიმართულებით მომუშავე ადვოკატებს და ადგილობრივ არასამთავრობო ორგანიზაციებს შეხვდნენ. „შეხვედრის ძირითად მიზანს წარმოადგენდა პოლიციის მხრიდან ძალის გადამეტებისა და დაკავებულთა უფლებრივი მდგომარეობის შესახებ დამატებითი ინფორმაციის მიღება," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. 27 ოქტომბერს, სახალხო დამცველის აპარატს სომხეთის არასამთავრობო ორგანიზაციების წარმომადგენლები ეწვივნენ. „შეხვედრაზე სახალხო დამცველის პირველმა მოადგილემ და სტრუქტურული ერთეულების ხელმძღვანელებმა სტუმრებს სახალხო დამცველის მანდატი და აპარატის საქმიანობის სხვადასხვა მიმართულებები გააცნეს; მათ შორის, ანტი-დისკრიმინაციული კანონის იმპლემენტაციისა და სიძულვილით მოტივირებული დანაშაულის გამოძიების პრობლემები, პრევენციის ეროვნული მექანიზმის მუშაობის პრინციპები, გენდერული თანასწორობის თვალსაზრისით მიმდინარე საქმიანობა, შეკრებისა და მანიფესტაციების თავისუფლების და სხვა საკითხები", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. „პარტნიორობა ადამიანის უფლებებისთვის" აქვეყნებს თამარ კურატიშვილის ბლოგპოსტს: „ჟღარუნი რკინის ჭიქაში". „ვისვრით 20-თეთრიანებს და გვგონია, ყველაფერი გვარდება, – მშიერ ბავშვებს კუჭი ევსებათ და გონება უნათდებათ, მაგრამ ჩვენი მოწყალება არაფერს ცვლის. ისიც კი არ ვიცით, ვის ჯიბეში ჩაედინება ჩვენი ეს მოხდილი ვალდებულებები, რომელიც, უფრო შეწუხებული სინდისის ქენჯნაა, ვიდრე გაწვდილი დახმარების ხელი. ქენჯნა იმის გამო, რასაც ვხედავთ, რაც არ მოგვწონს, რაც გვაწუხებს, მაგრამ ვერ ვცვლით", ნათქვამია ბლოგპოსტში. სრულად... წყარო: phrgeorgia.wordpress.com

თბილისი. არასამთავრობო ორგანიზაციები და პროფესიული კავშირების გაერთიანება ერთობლივ განცხადებას აქვეყნებს. „რეალობაში არსებული ცხადი გამოწვევებისა და ევროკავშირთან აღებული საერთაშორისო ვალდებულებების მიუხედავად, დღეს არსებული შრომის ინსპექტირების მექანიზმი წარმოადგენს სუსტ ორგანოს, რომელსაც არ შეუძლია მისი მთავარი ფუნქციის – პრევენციული პოლიტიკისა და დარღვევებზე ეფექტური რეაგირების უზრუნველყოფა", ნათქვამია ერთობლივ განცხადებაში. სრულად... წყარო: emc.org.ge

თბილისი. მედიის განვითარების ფონდი (MDF) აქვეყნებს ბლოგპოსტს: „საქართველოში არაეფექტურად იძიებენ ჟურნალისტებზე ზეწოლის ფაქტებს". მედიის განვითრების ფონდმა „მთავრობის ადამიანის უფლებათა სამთავრობო გეგმის" 2014-2015 წლების მონიტორინგის ანგარიში გამოაქვეყნა. დოკუმენტში ვკითხულობთ, რომ „სამართალდამცავი და საგამოძიებო ორგანოები არასათანადო კვალიფიკაციას აძლევენ და ეფექტიანად არ იძიებენ იმ საქმეებს, სადაც ჟურნალისტთა პროფესიული საქმიანობის ხელისშეშლის დანაშაულის ნიშნები იკვეთება". სრულად... პერიოდული ანგარიში... წყარო: www.media.ge

თბილისი. „პარტნიორობა ადამიანის უფლებებისთვის" ეხმაურება შეზღუდული შესაძლებლობების მქონე ბავშვის დისკრიმინაციის შესაძლო ფაქტს. ორგანიზაცია მოუწოდებს მთავრობასა და ჯანდაცვის სამინისტროს მიიღოს გარკვეული ზომები: „დროებითი ღონისძიების სახით, სასწრაფოდ გამოყოს შესაბამისი კვალიფიკაციისა და რაოდენობის პირები, რომლებიც მძიმე და ღრმა გონებრივი განვითარების შეფერხების მქონე ბავშვთა ბინაზე მოვლის ქვეპროგრამის ფარგლებში, დამოუკიდებლად შეძლებენ ს.ა.-ს მოვლას დღის განმავლობაში, რაც დედას მისცემს სახლის დატოვების საშუალებას; მაქსიმალურად დაჩქარებულ ვადაში დაიწყოს ახალი სერვისის შექმნაზე მუშაობა, რომელიც მორგებული იქნება ს.ქ-ს მდგომარეობის მქონე ბავშვთა საჭიროებებზე, რათა არ გაგრძელდეს მათი სეგრეგაცია და ფუნდამენტური უფლებების რღვევა", ნათქვამია განცხადებაში. სრულად... წყარო: phrgeorgia.wordpress.com

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „რა შეიცვალა იძულებითი ნარკოტესტირების პრაქტიკაში". „სამწუხაროდ, საქართველოში არსებული ნარკოტესტირების პრაქტიკა, არათუ რომელიმე ინდივიდუალური ან საზოგადოებრივი სიკეთის დაცვისკენაა მიმართული არამედ პირიქით აღნიშნული მექანიზმი იწვევს ათიათასობით ადამიანის სტიგმატიზაციას ან უკვე არსებული სტიგმის გაძლიერებას. კითხვარებიდან გამოჩნდა, რომ რესპონდენტების აბსოლუტური უმრავლესობა იყო წარსულში ნასამართლევი ან ადმინისტრაციულ სახდელდადებული ნარკოტიკული საშუალების მოხმარებისთვის. შესაბამისად, მათი შემოწმებაზე გადაყვანის ერთ-ერთი უმთავრესი საფუძველიც სწორედ წარსული კანონთან კონფლიქტია. პოლიციის ამგვარი მიდგომა კი ერთხელ უკვე სასჯელ თუ სახდელმოხდილი პირის მიმართ გამორიცხავს მის რესოციალიზაციას და საზოგადოებრივ ცხოვრებაში სრულყოფილად ჩართვას", ნათქვამია დოკუმენტში. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ინფოგრაფიკას საწარმოო სემთხვევებისას დაშავებულებსა და გარდაცვლილებზე. ინფოგრაფიკა... წყარო: emc.org.ge

თბილისი. ჰაინრიხ ბიოლის ფონდის სამხრეთ კავკასიის ბიუროს ფემინისტურ გვერდზე ნანა ფანცულაიას ბლოგპოსტი „ჩემი საკუთარი ფემინიზმი" გამოქვეყნდა. „...და თუ მთხოვთ ერთ წინადადებაში ვთქვა, რა არის ჩემთვის ფემინიზმი, ეს სწორედ ქალების ბრძოლაა სამართლიანობისთვის. ეს ბრძოლა დღეს არ დაწყებულა და არც მალე დასრულდება, მებრძოლი ქალების დიდი ნაწილის სახელები ვიცით, დიდი ნაწილი ჯერ არ გაგვიგია, დიდი ნაწილს ვიცნობთ, დიდ ნაწილს არ ვიცნობთ, მაგრამ ნამდვილად ვიცით, რომ ისინი არიან ყველგან - დიდ და პატარა ქალაქებში, სოფლებში, სკოლებში, უნივერსიტეტებში, ოფისებში, სახლებში, სხვადასხვა ქვეყნებში და კონტინენტებზე, ჩვენხელები, ჩვენზე უფროსები, ჩვენზე უმცროსები," ნათქვამია ორგანიზაციის ვებ-გვერდზე. სრულად... წყარო: www.feminism-boell.org

თბილისი. ორგანიზაციის განცხადებას, რომ დუშეთის პანსიონატში შშმ პირებზე ძალადობენ, „ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდი" გამოეხმაურა. ფონდის განცხადებით ორგანიზაციის „პარტნიორობა ადამიანის უფლებებისთვის" (PHR) განცხადება სიმართლეს არ შეესაბამება. თავის მხრივ, „პარტნიორობა ადამიანის უფლებებისთვის" ფონდს პასუხობს: „შეზღუდული შესაძლებლობის მქონე პირების მაღალი ინტერესიდან გამომდინარე გვსურს გამოვეხმაუროთ ფონდის პასუხს და გავასაჯაროოთ ოქმი, რითაც მტკიცდება, რომ ორგანიზაციის განცხადებაში ასახული ინფორმაცია სიმართლეს შეესაბამება და იურისტებს სწორედ რომ დუშეთის პანსიონატის ხელმძღვანელის მიერ აეკრძალათ პანსიონატში მაცხოვრებელ შეზღუდული შესაძლებლობის მქონე პირებთან შეხვედრა", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. ორგანიზაცია „პარტნიორობა ადამიანის უფლებებისთვის" გამოხატავს შეშფოთებას 12 ოქტომბერს მომხდარი ფაქტის გამო. ორგანიზაციის იურისტებს დუშეთის შეზღუდული შესაძლებლობის მქონე პირთა ინსტიტუციაში შეზღუდული შესაძლებლობის მქონე პირებთან შეხვედრა აეკრძალათ. „კერძოდ, დაწესებულების მაცხოვრებელთა განმარტებით, მათი მხრიდან გამოთქმული პროტესტის საპასუხოდ, დაწესებულებათა დირექტორები და თანამშრომლები მათ, იძულების წესით, ათავსებენ ფსიქიატრიულ დაწესებულებებში. ამგვარ არაადამიანურ ქმედებებს აქვს ასევე ბენეფიციარების დაშინებისა და მათი „გაჩუმების" დანიშნულებაც. არსებობს საფუძვლიანი ეჭვი, რომ ხშირად, შეზღუდული შესაძლებლობის მქონე პირების ფსიქიატრიულ დაწესებულებებში იზოლირება და მათთან ვიზიტორების დაშვების აკრძალვა, დაკავშირებულია არასამთავრობო ორგანიზაციებთან კომუნიკაციის შეზღუდვის მიზანთან, რათა შეუძლებელი იყოს მათი უფლებების ეფექტური დაცვა," ნათქვამია ორგანიზაციის განცხადებაში. „პარტნიორობა ადამიანის უფლებებისთვის" მოუწოდებს „ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდს" შეისწავლოს აღნიშნული შემთხვევა. სრულად... წყარო: phrgeorgia.wordpress.com

თბილისი. „კოალიცია თანასწორობისთვის" ტრანსგენდერი ქალის მიმართ ძალადობის ფაქტთან დაკავშირებით განცხადებას ავრცელებს. „...მნიშვნელოვანია შინაგან საქმეთა სამინისტრომ, საჯარო განცხადებებითა და სისტემური პოლიტიკის გატარების გზით პოლიტიკურ დონეზე ასევე აჩვენოს მისი მყარი პოზიცია, რომ სახელმწიფო არ იქნება ლოიალური სიძულვილის მოტივით ჩადენილი დანაშაულების მიმართ და თანასწორობის წინააღმდეგ მიმართულ სამართალდარღვევებს სრული სიმკაცრით ებრძვის. სახელმწიფომ უნდა გაიაზროს ამგვარი დანაშაულების სიმბოლური მნიშვნელობა და ის გარემოება, რომ ნეგატიური სოციალური ეფექტი არა მხოლოდ ინდივიდუალურ მსხვერპლ(ებ)ს არამედ, მთელს თემს ადგება და თემის წევრებში შიშის, დაუცველობის განცდებსა და სასოწარკვეთას წარმოშობს", ნათქვამია ერთობლივ განცხადებაში. სრულად... წყარო: www.osgf.ge

თბილისი. ომბუდსმენი ტრანსგენდერი ქალისთვის მძიმე ფიზიკური დაზიანებების მიყენების შესახებ მედიით გავრცელებულ ინფორმაციას ეხმიანება. „სახალხო დამცველი მოუწოდებს საქართველოს პროკურატურას, აღნიშნულ შემთხვევასთან დაკავშირებით ჩაატაროს ყოვლისმომცველი, სრული და ობიექტური გამოძიება, ასევე, საგამოძიებო პროცესი წარმართოს სავარაუდო სიძულვილის მოტივის გამოკვეთის მიმართულებით", ნათქვამია ომბუდსმენის ვებ-გვერდზე. სრულად... წყარო: ombudsman.ge

თბილისი. კოალიცია თანასწორობისთვის სახელმწიფოს მოხეში მუსლიმი თემის უფლებების დაცვისკენ მოუწოდებს. „კოალიცია მიიჩნევს, რომ ბოლო დროს განვითარებული მოვლენები არსებითად რელიგიის საკითხთა სახელმწიფო სააგენტოს აშკარად არაეფექტური პოლიტიკის შედეგია, რომელიც ადამიანის უფლებების დაცვის ნაცვლად, რელიგიური ორგანიზაციების კონტროლისა და პრობლემების კონსერვირების სტრატეგიაზე დგას. მუსლიმ თემში გამოხატული სოციალური უკმაყოფილება (მათ შორის, ბათუმში ახალი მეჩეთის მშენებლობისთვის თვითორგანიზებული ჯგუფის საქმიანობა, მოხეში მიმდინარე პროცესები) არასათანადო პოლიტიკის ყველაზე აშკარა ინდიკატორია", ნათქვამი ორგანიზაციის ვებ-გვერდზე. სრულად... წყარო: emc.org.ge

შიდა ქართლი. 13 ოქტომბერს, გორის სამოქალაქო აქტივიზმის ცენტრის მოხალისეებისათვის ჩაატარა დისკუსია თემაზე რა არის თანასწორობა. „ახალგაზრდები შეთანხმდნენ, რომ გენდერული თანასწორობის მისაღწევად, მნიშვნელოვანია განათლების რეფორმა, რათა მომავალმა თაობამ სასკოლო ასაკშივე მიიღოს ის ინფორმაცია, რომელიც მათ სტერეოტიპების დაძლევაში დაეხმარება", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში