თბილისი. ტოლერანტობისა და მრავალფეროვნების ინსტიტუტი (TDI) პოსტს. „თუკი განიცდით რელიგიური, ეთნიკური ან რასობრივი ნიშნით დისკრიმინაციას, უფასო იურიდიული დახმარებისთვის მოგვმართეთ ტოლერანტობისა და მრავალფეროვნების ინსტიტუტს (TDI). ჩვენი იურისტები იზრუნებენ თქვენი უფლებებისა და ინტერესების დაცვაზე ფიზიკურ თუ იურიდიულ პირებთან, ადმინისტრაციულ ორგანოებსა და სასამართლოში," ნათქვამია ორგანიზაციის ვებ-გვერდზე სოციალურ ქსელში. წყარო: ორგანიზაციის ვებ-გვერდი სოციალურ ქსელში

თბილისი. სააპელაციო სასამართლომ მოქალაქე მ.ჭ-ს საჩივარი ნაწილობრივ დააკმაყოფილა, მის ინტერესებს სასამართლოში „სამართლიანი არჩევნები" (ISFED) იცავდა. „„სამართლიანი არჩევნებისა და დემოკრატიის საერთაშორისო საზოგადოება” იურიდიულ დახმარებას ახორციელებს ჰოლანდიის საელჩოს მიერ დაფინანსებული „საჯარო მოხელეთა ულებების დაცვა პოლიტიკურად ნეიტრალური და დისკრიმინაციისგან თავისუფალი საჯარო სამსახურისათვის საქართველოში" პროექტის ფარგლებში. პროექტი ითვალისწინებს საჯარო სამსახურში კონკურსებისა და ატესტაციის შედეგად, ასევე უკანონო გათავისუფლებისას დაზარალებულ პირთათვის უფასო იურიდიულ კონსულტაციას, დოკუმენტაციის მომზადებას და სასამართლოში წარმომადგენლობას," ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. არასამთავრობოები პეტიციით მიმართავენ პრემიერ–მინისტრს, ეკონომიკისა და მდგრადი განვითარების მინისტრს და საკონსტიტუციო სასამართლოს თავმჯდომარე გიორგი პაპუაშვილს მოქალაქე როლანდ ბლადაძის ჩამორთმეულ ქონებასთან დაკავშირებით. „მიგვაჩნია, რომ სახელმწიფომ სადავო ქონების საკითხზე, ერთის მხრივ თავად უნდა მოახდინოს სადავო აქტების ბათილობა და აღადგინოს სამართლიანობა, მეორე მხრივ გამოვიდეს ინიციატივით გიორგი პაპუაშვილის მიმართ ალტერნატიული ფართის შეთავაზების წინადადებით. გიორგი პაპუაშვილი, როგორც საჯარო მოხელე, ვალდებულია, ალტერნატიული ფართის მიღება მოახდინოს, სადავო ქონება დაუბრუნოს სახელმწიფოს, ხოლო სახელმწიფო ვალდებულია ქონება გადასცეს როლანდ ბლადაძის ოჯახს," ნათქვამია ერთობლივ განცხადებაში. სრულად... წყარო: barristers.ge

თბილისი. კამპანია „სამართალი ითხოვს გრძელდება". „ხალხს სამართალი სჭირდება და არა მართული მოსამართლეები წინასწარ ცნობილ მხარეს, წინასწარ ცნობილი განაჩენებით. ჩვენ ვიმსახურებთ სამართლიან გარემოს ღირსეული მოსამართლეებით", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს დემოკრატიულმა ინიციატივამ (GDI), „დემოკრატ მესხთა კავშირთან" (UDM) პარტნიორობით საკონსტიტუციო სასამართლოს კონსტიტუციური სარჩელით მიმართა. სარჩელით მოთხოვნილია „მაღალმთიანი რეგიონების განვითარების შესახებ" საქართველოს კანონის მე-3 მუხლის მე-5 ნაწილის „ა" ქვეპუნქტის არაკონსტიტუციურად და ძალადაკარგულად ცნობა საქართველოს კონსტიტუციის მე-14 მუხლთან მიმართებით. „სადავო ნორმა მხოლოდ საქართველოს მოქალაქეებს ანიჭებს შესაძლებლობას, მიიღონ მაღალმთიან დასახლებაში მუდმივად მცხოვრები პირის სტატუსი და ისარგებლონ კანონით დადგენილი ბენეფიტებით. ხოლო, საქართველოს მაღალმთიან დასახლებაში მუდმივად მცხოვრები უცხოელები (უცხო ქვეყნის მოქალაქეები და მოქალაქეობის არმქონე პირები) ვერ სარგებლობენ მაღალმთიანი დასახლებისთვის კანონმდებლობით დადგენილი შეღავათებით, შესაბამისად ადგილი აქვს არსებითად თანასწორი პირების მიმართ უთანასწორო მოპყრობას მოქალაქეობის ნიშნით," ნათქვამია ორგანიზაციის ვებ-გვერდზე. სრულად... წყარო: gdi.ge

თბილისი. ადამიანის უფლებათა ცენტრი ალეკო ცქიტიშვილის სტატიას: „ქალთა მიმართ ძალადობა - თაობათა მძიმე მემკვიდრეობა". „28 ივლისს, თბილისის ადამიანის უფლებათა სახლის საკონფერენციო დარბაზში ადამიანის უფლებათა ცენტრმა მოაწყო მრგვალი მაგიდა - „ოჯახში ძალადობა/ფემიციდი - პრობლემის ანალიზი და გამოსავლის ძიება". ადამიანის უფლებათა ცენტრის იურისტებმა სადისკუსიოდ წარმოადგინეს თავიანთ წარმოებაში არსებული ქალთა მიმართ ძალადობისა და ფემიციდის ფაქტების მიმოხილვა და ანალიზი," ნათქვამია ორგანიზაციის ვებ-გვერდზე. სრულად... წყარო: www.humanrights.ge

თბილისი. საქართველოს ახალგაზრდა იურისტთა ასოციაციამ (საია) ადამიანის უფლებათა ევროპულ სასამართლოში რ. პ-ს სახელით საჩივარი წარადგინა. „სტრასბურგში წარდგენილ საჩივარში საია დავობს, რომ პოლიციელების მხრიდან გამოყენებული ძალა იყო გადამეტებული და არაპროპორციული, მით უმეტეს იმ პირობებში, როცა მომჩივნის მხრიდან წინააღმდეგობის გაწევას ადგილი არ ჰქონდა. ასევე, ხელისუფლებამ არ უზრუნველყო პოლიციელთა მიერ არასათანადო მოპყრობის ფაქტების ეფექტური გამოძიება," ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრმა (EMC) ვეგანური კაფე „კივის" სახელით კაფის ფართის მესაკუთრის მხრიდან სავარაუდო დისკრიმინაციული მოპყრობის ფაქტზე საქართველოს სახალხო დამცველს მიმართა. „კაფე „კივის" მწვანე და ვეგანური (ცხოველების მიმართ ძალადობისა და მათი ექსპლუატაციის საწინააღმდეგო ფილოსოფია) იდეოლოგიური პლატფორმა აქვს და სოციალური კაფის, ასევე აქტივისტური და სადისკუსიო სივრცის ფუნქციას ასრულებს. განცხადებაში EMC ამტკიცებს, რომ ფართის მესაკუთრის მხრიდან ადგილი ჰქონდა რამდენიმე ნიშნით, მათ შორის, განსხვავებული შეხედულების, ასევე ჰომოფობიური დამოკიდებულების გამო დისკრიმინაციულ მოპყრობას, რასაც მოჰყვა ფართით სარგებლობის და ქირავნობის ხელშეკრულების უკანონო შეწყვეტა," ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. არასამთავრობო ორგანიზაციები ერთობლივ განცხადებას ავრცელებენ ზვიად კუპრავას ფიზიკურ შეურაცხყოფასთან დაკავშირებით. „განსკუთრებით შემაშფოთებელია, ის ფაქტი, რომ ეს არაა წინასაარჩევნო პერიოდში ხელისუფლების მიმართ კრიტიკულად განწყობილ პირებზე ძალადობის პირველი შემთხვევა. მიგვაჩნია რომ, მსგავს ფაქტებზე არასათანადო რეაგირება საფრთხეს უქმნის მშვიდობიან წინასაარჩევნო გარემოს და თავისუფალი და სამართლიანი არჩევნების ჩატარებას. ამავდროულად 2016 წლის საპარლამენტო არჩევნების სამართლიანად და არაძალადობრივ გარემოში ჩატარება მნიშვნელოვანი წინაპირობაა საქართველოს შემდგომი დემოკრატიული განვითარებისთვის," ნათქვამია განცხადებაში. სრულად... წყარო: gdi.ge

თბილისი. თბილისის საქალაქო სასამართლო საკონსტიტუციო სასამართლოს თავმჯდომარე გიორგი პაპუაშვილთან მოქალაქე როლანდ ბლადაძის ჩამორთმეულ სადავო ქონებაზე საქმის განხილვას დაასრულებს. არჩილ კაიკაციშვილის განცხადებით „გიორგი პაპუაშვილის საქმესთან დაკავშირებით, სასამართლო ტოტალური ზეწოლის ქვეშაა". „ ...გიორგი პაპუაშვილი ბოლო ხმაურიანი განცხადებებით, ცდილობს სადავო ქონების საკითხზე მიმდინარე დავა ხელისუფლებიდან მომდინარე პროცესად წარმოაჩინოს, საზოგადოდ ქვეყნის შიგნით თუ ქვეყნის გარეთ შექმნას ალიბი, რომ ვინმე დევნის, ავიწროვებს და ამის მაგალითად, სასამართლოში ქონების დაბრუნებაზე არსებული დავა სახელდება," ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. ომბუდსმენისთვის 26 ივლისს ცნობილი გახდა  ნარკოტესტირებაზე იძულებით გადაყვანილი ლ.ო.-ს შესახებ, რომელიც სახალხო დამცველის რწმუნებულმა დაუყოვნებლივ მოინახულა. „მისასალმებელია ის ფაქტი, რომ საქართველოს სახალხო დამცველის რწმუნებულის ვიზიტის შემდეგ, დაახლოებით ერთ საათში დაკავებული პირი გაათავისუფლა პოლიციამ. მიუხედავად დამდგარი შედეგისა, ზემოაღნიშნული ფაქტი ადასტურებს, რომ ე.წ. „ქუჩის ნარკოტესტირება", საქართველოში კვლავ სერიოზული ყოველდღიური პრობლემაა, რომელიც არღვევს საქართველოს კონსტიტუციის გარანტირებულ თავისუფლების ხელშეუხებლობას, პირადი ცხოვრების, პიროვნების ღირსების და სამართლიანი სასამართლოს უფლებას. მიუხედავად საქართველოს სახალხოდ დამცველის არაერთი მოწოდებისა, რომ მსგავსი პრაქტიკა აღმოიფხვრას, პოლიცია კვლავ განაგრძობს მანკიერ პრაქტიკას," ნათქვამია ომბუდსმენის განცხადებაში. სრულად... წყარო: www.ombudsman.ge

თბილისი. ქალთა მოძრაობა შინაგან საქმეთა მინისტრს ღია წერილით მიმართავს. „მიუხედავად იმისა, რომ ბოლო ორი წლის განმავლობაში ქალთა მიმართ ძალადობასთან დაკავშირებით სისხლისამართლებრივი პოლიტიკა უკეთესობისკენ შეიცვალა, შინაგან საქმეთა სამინისტროში არსებული სისტემური ხარვეზების გამო, პრობლემის არსებითი მოგვარება ვერ ხერხდება. აქედან გამომდინარე, აუცილებელია რეფორმების გაგრძელება. ჩვენ მიგვაჩნია, რომ შინაგან საქმეთა სამინისტრომ დაუყოვნებლივ უნდა დაიწყოს მუშაობა შემდეგი მიმართულებით ...," ნათქვამია წერილში. ქალთა მოძრაობა მინისტრთან შეხვედრას ითხოვს. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოში რეგისტრირებულმა ხუთმა რელიგიურმა გაერთიანებამ საკონსტიტუციო სასამართლოს სარჩელით მიმართა. „რელიგიურ ორგანიზაციებს, გარდა საქართველოს სამოციქულო ავტოკეფალური მართლმადიდებელი ეკლესიისა, ექმნებათ დაბრკოლებები სხვადასხვა ფორმით სახელმწიფო ქონების მიღებისას (მაგალითად, გაცვლა, სასოფლო-სამეურნეო მიწის ნაკვეთების პრივატიზება და სახელმწიფო ქონების საკუთრებაში უსასყიდლოდ მიღება), რაც წინააღმდეგობაში მოდის საქართველოს კონსტიტუციით აღიარებულ კანონის წინაშე თანასწორობის პრინციპსა ( მე-14 მუხლი) და საკუთრებისა და მემკვიდრეობის უფლებასთან (21-მუხლი).   კონსტიტუციური სარჩელით გასაჩივრებულია „სახელმწიფო ქონების შესახებ" საქართველოს კანონის ნორმა, რომლის თანახმადაც, რელიგიური ორგანიზაციებიდან სახელმწიფო ქონების შეძენა (გარდა სახელმწიფო საკუთრებაში არსებული სასოფლო-სამეურნეო დანიშნულების მიწის ნაკვეთის პრივატიზების შემთხვევისა) მხოლოდ კერძო სამართლის იურიდიულ პირებს შეუძლიათ, ხოლო საქართველოს მთავრობის გადაწყვეტილებით პირდაპირი მიყიდვისას − ასევე საქართველოს სამოციქულო ავტოკეფალურ მართლმადიდებელი ეკლესიას," ნათქვამია ორგანიზაციის ვებ-გვერდზე. სრულად... წყარო: tdi.ge

თბილისი. მოქალაქე დ.შ.-ის განცხადების განხილვისას გამოვლენილი საკანონმდებლო ხარვეზის აღმოსაფხვრელად, ომბუდსმენმა საკანონმდებლო წინადადებით მიმართა საქართველოს პარლამენტს. საკანონმდებლო წინადადება შეეხება საქართველოს ადმინისტრაციულ სამართალდარღვევათა კოდექსის 116-ე მუხლის პირველ ნაწილს. სრულად... წყარო: ombudsman.ge

თბილისი. 21 ივლისს, საქართველოს ახალგაზრდა იურისტთა ასოციაციამ კვლევის პრეზენტაცია გამართა - „დაზარალებულის უფლებები სისხლის სამართლის პროცესში" (საქართველოში არსებული კანონმდებლობა, პრაქტიკა და საერთაშორისო მიდგომები). „კვლევის მიზანია, მიმოიხილოს დაზარალებულის უფლებრივი მდგომარეობა სისხლის სამართლის პროცესში, გააანალიზოს, ხარვეზები და გამოწვევები კონკრეტული მაგალითებისა და სტატისტიკის საფუძველზე. იმსჯელოს, როგორ აისახა საკანონმდებლო ცვლილებები დაზარალებულის უფლებებსა და მის მონაწილეობაზე სისხლის სამართალწარმოების პროცესში," ნათქვამია ორგანიზაციის ვებ-გვერდზე. სრულად... წყარო: gyla.ge

 თბილისი. 18 ივლისს, ომბუდსმენმა „სახალხო დამცველის აპარატის ბავშვის უფლებების ცენტრის გაძლიერება" პროექტის ფარგლებში, მინდობით აღზრდისა და რეინტეგრაციის სერვისების მონიტორინგზე სპეციალური ანგარიშები წარადგინა. „სახალხო დამცველის შეფასებით, აუცილებელია, რეინტეგრირებულ ოჯახთა სოციალური ფუნქციის ამაღლება, ფარდობით და უკიდურესად ღარიბ შინამეურნეობებში მცხოვრებ რეინტეგრირებულ ბავშვთა გაძლიერება და ამ მიზნით, სახელმწიფოსა და ადგილობრივი თვითმმართველობის ორგანოებს შორის კოორდინირებული სახელმწიფო პოლიტიკის შემუშავება და დანერგვა," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. 18 ივლისს, ადრეული და სკოლამდელი განათლების კანონი განიხილებოდა კონფერენციაზე, რომელიც ორგანიზებული იყო საქართველოს პარლამენტის მიერ გაეროს ბავშვთა ფონდის (იუნისეფის) მხარდაჭერით. „კანონი ითვალისწინებს მოსამზადებელ წელიწადს ყველა ხუთი წლის ბავშვისთვის სკოლისათვის მზაობის გასაუმჯობესებლად. ასევე, ბავშვთა მიმართ ძალადობის პრევენციის მექანიზმების შექმნას და სკოლამდელი განათლების დაწესებულებებში განათლების, ჰიგიენის და სანიტარიის, კვების, ფიზიკური გარემოს ეროვნული სტანდარტების შემუშავებას," ნათქვამია ორგანიზაციის ვებ-გვერდზე. იუნისეფი აფასებს საქართველოს პარლამენტის ძალისხმევას და აგრძელებს მთავრობის დახმარებას. სრულად... წყარო: unicef.ge

თბილისი. ომბუდსმენი ეხმაურება თბილისში არსებულ ვეტერანთა დასახლებაში ა.წ. 14 ივლისს მომხდარ ფაქტს. „მიმდინარე წლის 14 ივლისს მ.შ-ს საცხოვრებელ ოთახში ჩამოინგრა ჭერის ნაწილი და ჩაინგრა მეზობლის ოთახისგან გამყოფი ხის ფიცრის კედელი. ჩამონგრევის დროს ოთახში იმყოფებოდა მ. შ., რომელსაც დაეცა ნანგრევები და მიიღო დაზიანებები თავის არეში, თავის ტვინის მსუბუქი შერყევა. დაზარალებული კლინიკაში გადაიყვანა სასწრაფო სამედიცინო ბრიგადამ, სადაც აღმოუჩინეს საჭირო სამედიცინო დახმარება. მ. შ - ს და ს. გ-ს სხვა საცხოვრებელი არ გააჩნიათ და ამჟამადაც ამ შენობაში ცხოვრობენ," ნათქვამია ომბუდსმენის ვებ-გვერდზე. სახალხო დამცველი საქართველოს მთავრობას დროული მოქმედებისკენ მოუწოდებს. სრულად... წყარო: www.ombudsman.ge

აჭარა. 15 ივლისს, „საერთაშორისო გამჭვირვალობა - საქართველოს" უფასო იურიდიული დახმარების ცენტრმა გონიოში მცხოვრებ იმ მოქალაქეებთან გამართა შეხვედრა, რომლებიც რამდენიმე წელია, მიწის ნაკვეთების საკუთრებაში რეგისტრაციას ითხოვენ. შეხვედრისას საუბარი შეეხო „ბათუმის საკრებულოს აღიარების კომისიის 2016 წლის 27 ივნისის გადაწყვეტილებას. იმის გათვალისწინებით, რომ ბათუმის მუნიციპალიტეტის საკუთრების უფლების აღიარების კომისიის გადაწყვეტილება მოქალაქეებისათვის მიწის დაბრუნებას ვერ უზრუნველყოფს (http://goo.gl/6scbf8)". ასევე, შეხვედრაზე განიხილეს კომისიის გადაწყვეტილების გასაჩივრებისათვის საჭირო დეტალები. მოქალაქეებს გაეწიათ სამართლებრივი ხასიათის კონსულტაცია მიწაზე საკუთრების უფლების აღიარების და რეგისტრაციის თაობაზე. წყარო: ორგანიზაციის ვებგვერდი სოციალურ ქსელში

კოალიცია დამოუკიდებელი ცხოვრებისთვის აგრძელებს შეხვედრებს შშმ პირებთან და ოჯახის წევრებთან, მათ ორგანიზაციებთან და თვითმმართველობის ორგანოების წარმომადგენლებთან დასავლეთ საქართველოში. შეხვედრების მიზანია ადგილობრივ დონეზე გაეროს შეზღუდული შესაძლებლობის მქონე პირთა უფლებების კონვენციის იმპლემენტაციის ხელშეწყობა. ამ შეხვედრების და ტრენინგების მიზანია ადგილობრივი შშმ თემის ინფორმირება და გაძლიერება ადვოკატირების კუთხით და ეფექტური კომუნიკაციის ჩამოყალიბება გადაწყვეტილების მიმღებ პირებსა და თემს შორის, რათა ადგილობრივი პროგრამები და ბიუჯეტი დაიგეგმოს და განხორციელდეს თემში არსებული საჭიროებებისა და პრობლემების გათვალისწინებით. საბოლოო შედეგს წარმოადგენს ადგილობრივი საკონსულტაციო საბჭოების შექმნა, რომელშიც შევლენ როგორც შეზღუდული შესაძლებლობის მქონე პირები და მათი ოჯახის წევრები, ასევე ადგილობრივი მუნიციპალიტეტების წარმომადგენლები. ასეთი შეხვედრები უკვე ჩატარდა ტყიბულში, ქუთაისში, ბაღდათში, ზუგდიდში, ფოთში, ბათუმში. განმეორებითი შეხვედრები ჩატარდება სენაკის, ქობულეთის, შუახევისა და ხულოს მუნიციპალიტეტებში. წყარო: კოალიციის ვებგვერდი სოციალურ ქსელში

თბილისი. საერთაშორისო გამჭირვალობა საქართველო აქვეყნებს ბლოგპოსტს: „ამომრჩევლის მოსყიდვის ნიშნები ლევან ვარშალომიძის საარჩევნო კამპანიაში”. „18 ივლისს, „საერთაშორისო გამჭვირვალობა - საქართველოსათვის” ცნობილი გახდა, რომ პოლიტიკური გაერთიანება „ერთიანი ნაციონალური მოძრაობა” ქალაქ ბათუმში „სოციალური სახლების პროგრამას" ახორციელებს. რომლის ფარგლებში პარტიის ერთ-ერთი წევრი, ლევან ვარშალომიძე, ინდივიდუალურ ხელშეკრულებებს აფორმებს მეჯინისწყლის დასახლებაში მცხოვრებ მოქალაქეებთან. მსგავს ხელშეკრულებებს ლევან ვარშალომიძე აჭარის ავტონომიურ რესპუბლიკაში მცხოვრებ მოქალაქეებთან ამ დრომდე აფორმებს. მიგვაჩნია, რომ პარტიის ქმედება, შესაძლოა, შეიცავდეს საარჩევნო კოდექსით აკრძალულ ამომრჩეველთა მოსყიდვის ნიშნებს, შესაბამისად, მოვუწოდებთ საქართველოს ცენტრალურ საარჩევნო კომისიას, დაინტერესდეს აღნიშნული ფაქტით, გამოიკვლიოს და დარღვევის აღმოჩენის შემთხვევაში, მიმართოს შესაბამის პასუხისმგებლობის ზომებს," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 18 ივლისს, საქართველოს დემოკრატიულმა ინიციატივამ (GDI) გამართა კვლევის „სიძულვილის ენის გამოყენება თანამდებობის პირების/საჯარო მოხელეების მიერ და დისციპლინური პასუხისმგებლობის საკითხები" პრეზენტაცია. „კვლევა მოიცავს საქართველოს პოლიტიკურ სივრცეში 2014-2016 წლებში სიძულვილის ენის გამოყენების პრაქტიკის მიმოხილვას, საქართველოს საჯარო უწყებებში სიძულვილის ენის გამოყენების შემზღუდავი შიდასამართლებრივი აქტების ანალიზს, ასევე, სხვა სახელმწიფოებში მოქმედი სამართლებრივი აქტების და/ან დამკვიდრებული პრაქტიკის მაგალითზე, სიძულვილის ენის აღმოფხვრისკენ მიმართული თვითრეგულირების მექანიზმების შეთავაზებას საქართველოს პოლიტიკური სივრცის წარმომადგენლებისათვის," ნათქვამია ორგანიზაციის ვებ-გვერდზე. სრულად... წყარო: gdi.ge