თბილისი. პროგრამის „სოციალური ლიდერების ფორუმი" ფარგლებში ხორციელდება მცირე პროექტი შეზღუდული შესაძლებლობის მქონე ახალგაზრდების დასაქმების ხელშეწყობისთვის. „პროექტის განხორციელებაში ჩართულები არიან People in Need, მაკლეინის ასოციაცია ბავშვებისთვის, თბილისის ახალგაზრდული ცენტრების გაერთიანება და სოციალური საწარმო „My Sisters". პროექტის მიზანია სექტორთშორისი თანამშრომლობით შეზღუდული შესაძლებლობის მქონე ახალგაზრდების დასაქმების შესაძლებლობების გაზრდა. ... ტრენინგ მოდული „სოციალური უნარები წარმატებისთვის" შემუშავებულია საქართველოს სოციალურ მუშაკთა ასოციაციის მიერ, PIN-თან თანამშრომლობით", ნათქვამია ორგანიზაციის ვებ-გვერდზე. სრულად... წყარო: pin.ge

თბილისი. ადგილობრივი დემოკრატიის სააგენტო საქართველომ პროექტის - „შეზღუდული შესაძლებლობების მქონე პირთა პოლიტიკური და საარჩევნო შესაძლებლობების გაძლიერება" განხორციელება დაიწყო. „პროექტის მიზანია შშმ პირთა პოლიტიკური და საარჩევნო უფლებების რეალიზების ხელშეწყობა, არჩევნების სამართლიანად/დემოკრატიულად ჩატარებაზე პასუხისმგებელი სახელმწიფო უწყებების ანგარიშვალდებულების გაზრდა, საარჩევნო პროცესებისა და ამ პროცესებში არსებული კანონმდებლობის ანალიზის, საერთაშორისო სტანდარტებისა და კონვენციასთან შესაბამისობაში მოყვანის გზით. პროექტის განხორციელების შედეგად მომზადდება კვლევა თუ რამდენად ხდება შშმ პირთა პოლიტიკურ/საარჩევნო უფლებების რეალიზება”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. კონსტიტუციის 42-ე მუხლი მიმართავს „საქართველოს რკინიგზას", შრომის პირობების ინსპექტირების დეპარტამენტს და საქართველოს პარლამენტს. „ხარაგაულის რაიონის სოფელ ზვარეში, რკინიგზის სამშენებლო სამუშაოებზე დასაქმებული მუშების პროტესტის დასრულების მიუხედავად, დასაქმებულთა მძიმე სამუშაო პირობებისა და შრომითი ექსპლუატაციის შენარჩუნების რისკები კვლავ არსებობს, რამდენადაც ერთი მხრივ შრომის ინსპექტირების მექანიზმი კვლავ არაეფექტურია, ხოლო მეორე მხრივ სს „საქართველოს რკინიგზა" უარს აცხადებს პასუხისმგებლობა აიღოს რკინიგზის მშენებლობაზე დასაქმებული მუშების უფლებრივი მდგომარეობის კონტროლზე. კანონით დადგენილი წესით გაასაჯაროოს ზვარეში, სამშენებლო ობიექტზე განხორციელებული ინსპექტირების შედეგები და საზოგადოებას პერიოდულად მიაწოდოს ინფორმაცია კომპანიის მიერ დარღვევების აღმოფხვრისა და რეკომენდაციების შესრულების პროგრესის შესახებ", ნათქვამია ერთობლივ მიმართვაში. სრულად... წყარო: article42.ge

თბილისი. შინაგან საქმეთა სამინისტროს აკადემიას გაერო-ს ქალთა ორგანიზაციისა და ძალადობისგან დაცვის ეროვნული ქსელის წარმომადგენლები ეწვივნენ. „შეხვედრის ფარგლებში, მხარეებმა შსს-ს აკადემიასა და აღნიშნულ ორგანიზაციებს შორის არსებულ თანამშრომლობაზე ისაუბრეს, ერთობლივად განხორციელებული პროექტები შეაფასეს და ახალ გამოწვევებზე იმსჯელეს. შეხვედრის ბოლოს, შსს-ს აკადემიის რექტორი და სტუმრები ძალადობის თემაზე მსმენელთა გადამზადების ახალი მოდულების შემუშავებაზე, რისკების შეფასების მეთოდების დანერგვაზე, საჯარო ლექციებში მონაწილეობასა და თანამშრომლობის გაღრმავებაზე შეთანხმდნენ", ნათქვამია საქართველოს შსს-ს აკადემიის ვებ-გვერდზე სოციალურ ქსელში. სრულად... წყარო: შსს-ს აკადემიის ვებ-გვერდი სოციალურ ქსელში

თბილისი. 11 ნოემბერს, საკოორდინაციო ჯგუფის ფარგლებში, საქართველოს მთავრობის ადმინისტრაციამ და გაეროს ქალთა ორგანიზაციამ შეხვედრა გამართა. „საუბარი იყო გაეროს უშიშროების საბჭოს რეზოლუციის განხორციელებაზე სახელწოდებით - „ქალები, მშვიდობა და უსაფრთხოება". შეხვედრაზე სხვადასხვა უწყების წარმომადგენლებმა 2016-2017 წლების 1325 ეროვნული სამოქმედო გეგმით გათვალისწინებული აქტივობების შესრულების შესახებ ანგარიში წარმოადგინეს," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 9 ნოემბერს, ომბუდსმენმა მიკროსაფინანსო ორგანიზაცია „სისი ლოუნს" სწრაფი სესხის შესახებ სარეკლამო რგოლებთან დაკავშირებით ზოგადი წინადადებით მიმართა. „სახალხო დამცველმა მიიჩნია, რომ კომპანიის მიერ ტელევიზიით და ინტერნეტით გავრცელებული რეკლამები ერთი მხრივ, ტრანსგენდერი, მეორე მხრივ კი ფინანსური სიდუხჭირის მქონე ადამიანების მიმართ უარყოფითი სტერეოტიპების გაძლიერებას უწყობს ხელს", ნათქვამია სახალხო დამცველის ვებ-გვერდზე. ომბუდსმენი მოუწოდებს „სისი ლოუნს" ამოიღოს რეკლამები სატელევიზიო და ინტერნეტ სივრციდან, მომავალში კი თავი შეიკავოს მსგავსი შინაარსის შემცველი რეკლამების გავრცელებისგან. სრულად... წყარო: www.ombudsman.ge

თბილისი. პარტნიორობა ადამიანის უფლებებისთვის აქვეყნებს ინფოგრაფიკას, სადაც ასახულია მარტყოფის პანსიონატიდან ფსიქიატრიულ დაწესებულებაში შშმ პირთა გადაყვანის გაზრდილ მაჩვენებელს და მიზეზებს. სრულად... წყარო: phrgeorgia.wordpress.com

თბილისი. 7-9 ნოემბერს, ქალთა მიმართ ძალადობისა და ოჯახში ძალადობის საკითხებზე გამოცდილების გაზიარებისა და სამომავლო თანამშრომლობის მიზნით ომბუდსმენის აპარატმა სომეხ კოლეგებს უმასპინძლა. „სამ დღიანი სამუშაო შეხვედრის ფარგლებში საქართველოს სახალხო დამცველის აპარატის თანამშრომლებმა სომეხ კოლეგებს გააცნეს სახალხო დამცველის მანდატი, ინსტიტუტის როლი ოჯახში ძალადობისა და ქალთა მიმართ ძალადობის პრევენციის საკითხებში, საქმისწარმოების წესები და ინდივიდუალურ საქმეებზე მუშაობის პრაქტიკა", ნათქვამია ომბუდსმენის ვებ-გვერდზე. სრულად... წყარო: ombudsman.ge

თბილისი. პროექტის „დავლიოთ ჩაი და ვისაუბროთ ადამიანის უფლებებზე" ფარგლებში - უნივერსიტეტების იურიდიული ფაკულტეტების სტუდენტების შეხვედრა პროფესორებთან ლელა ჯანაშილსა და გიორგი გოგიაშვილთან. „საქართველოს შოთა რუსთაველის ეროვნული ფონდის მიერ დაფინანსებული კვლევის „საქართველოს ტერიტორიული მოწყობის პრობლემები" - პრეზენტაცია ღონისძიება გაიმართა არაფორმალურ და თავისუფალ გარემოში, სადაც ახალგაზრდები აქტიურად იღებდნენ მონაწილეობას დისკუსიაში, სვამდნენ კითხვებს და ისმენდნენ საპატიო სტუმრების კომენტარებს მათ მიერ წამოწეულ საკითხებზე. პროექტის „დავლიოთ ჩაი და ვისაუბროთ ადამიანის უფლებებზე" მიზანია ე.წ. ჩაი-ფართების (tea-party) ორგანიზება სამართალმცოდნეობის ფაკულტეტის სტუდენტებისათვის მათი პროფესიული განათლების ამაღლების მიზნით," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ომბუდსმენი ეხმაურება სოციალურ ქსელში გავრცელებულ ვიდეო ჩანაწერს, სადაც ასახულია თბილისის 56-ე საბავშვო ბაგა-ბაღის მიერ აღსაზრდელთა მონაწილეობით დადგმული „ქორწინების" სცენა. სახალხო დამცველი აღნიშნავს, რომ აღმზრდელობითი პროცესის ამგვარად წარმართვა ეწინააღმდეგება ბავშვის საუკეთესო ინტერესებს და მავნე ზეგავლენას ახდენს მისი ცნობიერების ფორმირებაზე. სრულად... წყარო: www.ombudsman.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს გიორგი ღვინჯილიას ბლოგპოსტს: „ჭიათურა: კონტროლი და სიძულვილი". „რას გვეუბნება მაღაროდან გამოსული მუშა, რომელიც ინტერვიუს შეთავაზებაზე პასუხობს, რომ სამსახურში პრობლემები შეექმნება? როგორ განსხვავდება ეს ფიგურა პოლიციელისგან, რომელიც ჟურნალისტებს შსს-ს პრესცენტრთან ამისამართებს? პოლიციელი სისტემის სიძულვილს მალავს, არაფერი არაპოლიტკორექტული არ უნდა წამოსცდეს. ქუჩური მანერები კარგად იფარება; ენა და სხეულის მოძრაობა ათასგვარ საცერში გადის, რადგან ქუჩის ჟარგონის ყველა ნაპრალიდან სიძულვილი მოჟონავს. მუშა დიამეტრალურად განსხვავებული ფიგურაა და ინტერვიუზე უარის მომენტში სისტემის მიმართ სიძულვილს უნდა მალავდეს, მალავდეს იმიტომ, რომ გადარჩეს და ოჯახი შიმშილს გადაარჩინოს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. კოალიცია თანასწორობისთვის უერთდება ტრანსგენდერ ადამიანთა ხსოვნის აღნიშვნის დღეს და მოუწოდებს სახელმწიფოს, ეფექტურად გამოიძიოს ტრანსგენდერ ადამიანთა წინააღმდეგ მიმართული ძალადობის შემთხვევები. „ტრანსგენდერ ადამიანთა მიმართ ძალადობრივი გამოცდილების სისტემურობის მიუხედავად, სახელმწიფოს არ გააჩნია ჰომო/ტრანსფობიურ დანაშაულებთან ბრძოლის ეფექტიანი პოლიტიკა. სახელმწიფოს არ გააჩნია სენსიტიური და ეფექტიანი ინსტიტუციური მექანიზმები სიძულვილით მოტივირებულ დანაშულებთან საბრძოლველად...," ნათქვამია კოალიციის განცხადებაში. სრულად... წყარო: emc.org.ge

თბილისი. 9 ნოემბერს, ომბუდსმენთან არსებული შშმ პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის საკონსულტაციო საბჭოს მორიგი შეხვედრა გაიმართა. „საკონსულტაციო ორგანომ განიხილა სხდომის დღის წესრიგით გათვალისწინებული საკითხები: შეზღუდული შესაძლებლობის მქონე პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის მიზნით დაგეგმილი და განხორციელებული ღონისძიებები, მოისმინა ინფორმაცია შშმ პირთა უფლებების კონვენციის იმპლემენტაციის მონიტორინგის ანგარიშის თაობაზე", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. გენდერული საინფორმაციო პორტალი კვლევის შედეგად მაღალმთიან რეგიონებში გამოვლენილი გენდერული დისკრიმინაციის პრობლემებზე ამახვილებს ყურადღებას. „საქართველოს მთიან დასახლებებში ქალების ეკონომიკურ დამოუკიდებლობას და ქონების გადანაწილებას თან სდევს გენდერული სტერეოტიპები - ასეთია კვლევა, რომელიც საქართველოს მაღალმთიან რეგიონებში საჭიროებებსა და პრიორიტეტებს შეეხება. ის გაეროს ქალთა ორგანიზაციამ სოციალურ მეცნიერებათა ცენტრთან ერთად განახორციელა", ნათქვამია პორტალზე. ინფორმაციას თან ახლავს ჯამპ სტარტ ჯორჯიას ინფოგრაფიკა. სრულად... წყარო: ginsc.net

თბილისი. პორტალი ადამიანის უფლებების შესახებ აქვეყნებს ინფორმაციას მუნიციპალური აიპის „რუსთავის კორპუსის" ხელმძღვანელის ირმა მესხის გათავისუფლებასთან დაკავშირებით. „ირმა მესხი, რომელიც წინასაარჩევნო პერიოდში „ქართული ოცნების" შტაბის ერთ-ერთი პროგრამის ხელმძღვანელიც იყო, აცხადებს რომ ქალაქის მერმა ის ბიულეტენზე ყოფნის დროს გაათავისუფლა", ნათქვამია ორგანიზაციის ვებ-გვერდზე. სრულად... წყარო: humanrights.ge

თბილისი. სახალხო დამცველის ცხელი ხაზი ერთი წლისაა. 14–81-ზე დარეკვა შესაძლებელია, როგორც საქალაქო, ასევე მობილური ოპერატორების ნომრებიდან. „ომბუდსმენის ცხელი ხაზი 14–81 ადამიანის უფლებების დარღვევის შესახებ ინფორმაციას საქართველოს ნებისმიერი კუთხიდან 24 საათის განმავლობაში იღებს და მოქმედებს კანონით მინიჭებული მანდატის ფარგლებში", ნათქვამია ომბუდსმენის ვებ-გვერდზე სოციალურ ქსელში. სრულად... ადამიანის უფლებები

თბილისი. გაეროს ბავშვთა ფონდის კვლევის თანახმად, შეზღუდული შესაძლებლობის მქონე ბავშვების მიმართ ძალადობა 3-4-ჯერ უფრო ხშირია მთელი მსოფლიოს მასშტაბით. „საქართველოში შეზღუდული შესაძლებლობის მქონე ბავშვების ძალიან მცირე ნაწილია იდენტიფიცირებული, როგორც ძალადობის მსხვერპლი. ამის მიზეზი სოციალური მუშაკების არასაკმარისი ცოდნა და უნარებია, რის გამოც ისინი ვერ ახერხებენ ძალადობის ფაქტების დროულ გამოვლენას. აუცილებელია სოციალური მუშაკების კვალიფიკაციის ამაღლება, რათა შეზღუდული შესაძლებლობის მქონე ბავშვების მეტად დაცულნი იყვნენ ძალადობისა და უგულებელყოფისაგან", ნათქვამია ორგანიზაცის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებებისა და მონიტორინგის ცენტრი (EMC) მამაკაცებისთვის ბავშვის მოვლის გამო შვებულების და მისი ანაზღაურების უფლების არარსებობას საკონსტიტუციო სასამართლოში ასაჩივრებს. „მოქმედი შრომის კოდექსი ბავშვის მოვლის გამო შვებულების უფლებას ანიჭებს დასაქმებულს, რაც ერთი შეხედვით ნეიტრალური ჩანაწერია, თუმცა, მოსარჩელე მხარე ასაბუთებს, რომ არსებული ჩანაწერისა და მასთან კავშირში მყოფი ნორმების ერთობლივი ანალიზით ნათელია, რომ შვებულების უფლების მქონე დასაქმებულში მოიაზრება მხოლოდ ქალი და დასახელებული შვებულების უფლებით ვერ სარგებლობენ ბავშვის ბიოლოგიური მამები", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ადამიანის უფლებებისა და მონიტორინგის ცენტრი (EMC) აქვეყნებს სალომე ლაცაბიძის თარგმანს კრისტინ დელფისა და დიანა ლეონარდის წიგნიდან: „ნაცნობი ექსპლუატაცია. ქორწინების ახლებური ანალიზი თანამედროვე დასავლურ საზოგადოებებში". „1970-80-იან წლებში ქალთა ჩაგვრის შესახებ მარქსისტულ-ფემინისტური მიდგომის ანალიზი მნიშვნელოვნად იცვლება. ავტორები ცდილობდნენ, ზუსტად განესაზღვრათ ის გზები, რომლითაც კაპიტალიზმი აყალიბებს ქალების ჩაგვრას როგორც ზოგადად საზოგადოების, ასევე კერძოდ, შრომის ბაზრის შიგნით. თუმცა, ასევე, შედარებით ვიწროდ განმარტავდნენ, თუ რატომ ინარჩუნებს კაპიტალიზმი ბირთვული ოჯახს და მასში ქალების ჩაგვრას. მიუხედავად იმისა, რომ ყველა ავტორი აღიარებდა ქალების ავტონომიური მოძრაობის საჭიროებას, მათი შეხედულებები განსხვავდებოდა იმის შესახებ, თუ რამდენად უწყვეტადაა ქალთა ჩაგვრა კაპიტალიზმთან გადაჯაჭვული ან რამდენად წარმოადგენს განცალკევებულ სისტემას, რომელიც გადახლართულია კაპიტალიზმთან; ამასთანავე, რამდენად ხედავდნენ ისინი პატრიარქატის მატერიალურ საფუძვლებს", ნათქვამია ორგანიზაციის ვებ-გვერდზე. სრული თარგმანი... წყარო: emc.org.ge

თბილისი. პლატფორმა ახალი შესაძლებლობებისთვის აქვეყნებს ეხმა გუმბერიძის ბლოგსპოსტს: „თანაბარი შესაძლებლობები: ფუფუნება თუ-აუცილებლობა?" „სწორედ სკოლის დამთავრების შემდეგ ცხოვრებაში პირველად დამწყდა გული, რომ უსინათლო ვარ. ვინატრე, ნეტა მხედველი ვყოფილიყავი, გავიაზრე რა, თუ რაოდენ უკეთ შევძლებდი ჩემი შესაძლებლობების და რა უფრო მარტივად რეალიზებას, რამდენად მეტი შესაძლებლობა გაიხსნებოდა ჩემთვის! გამიჩნდა დაჩაგრულის შეგრძნება, რომლისაც ასე მეშინოდა მთელი ჩემი ცხოვრება, ვიგრძენი, რომ იმედგაცრუება და სიმწარე მეუფლება. თუმცა შემდეგ მივხვდი, რომ უსინათლო რომ არ ვყოფილიყავი, შეიძლება ის შესაძლებლობები, რომლებზეც ახლა ვოცნებობ, ჩემი ოცნების მიღმაც კი დარჩენილიყო", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: pnogeorgia.wordpress.com

თბილისი. 4 ნოემბერს, ფრონტლაინ ჯორჯიაში გაიმართა დისკუსია შეზღუდულ შესაძლებლობასთან დაკავშირებულ სტიგმაზე საქართველოში. დისკუსიაში მონაწილეობდნენ: იაგო კაჭკაჭიშვილი, ლია ტაბატაძე, თამუნა იარაჯული და ანა არგანაშვილი. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. ახალციხის ახალგაზრდული ცენტრის წევრებმა, მაუწყებელთა თვითრეგულირების კომისიაში არმენოფობიული მედია გაშუქების შემთხვევაზე იმსჯელეს. შეხვედრა მედიის განვითარების ფონდისა და დემოკრატ მესხთა კავშირის ორგანიზებით შედგა. „ღონისძიება ორგანიზებულ იქნა, ტოლერანტობის სამოქალაქო ცნობიერებისა და ინტეგრაციის მხარდამჭერი პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით, პროგრამის პარტნიორი ახალციხესა და ახალქალაქში, საზოგადოებრივი ორგანიზაცია დემოკრატ მესხთა კავშირი”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში