თბილისი. საქართველოს ახალგაზრდა იურისტთა ასოციაცია აქვეყნებს მარიკა კობახიძის ბლოგპოსტს: „ვიდრე, მე თქვენი „შთაგონების წყარო" ვარ"... „მიიღეთ თითოეული ადამიანი და მისი შეზღუდული შესაძლებლობა, როგორც ბუნების კანონი და მრავალფეროვანი საზოგადოების შემადგენელი ნაწილი, მრავალფეროვნება კი საშიში არ არის, მრავალფეროვნებაა ის, რასაც ჩვენი სამყარო ეფუძნება. მანამდე კი... მანამდე კი ეძიეთ შთაგონების წყარო ისეთ რამეებში, როგორიცაა წიგნები, მუსიკა, ფილმები, საყვარელი ადამიანები და ყველაფერი ის რაც ემოციებს იწვევს თქვენში. მაგრამ, არავითარ შემთხვევაში არა ჩემს, არა სხვის, არა სხვა ნებისმიერ შეზღუდულ შესაძლებლობაში!", ნათქვამია ბლოგპოსტში. სრულად... წყარო: gyla.ge

თბილისი. ფონდი „ღია საზოგადოება საქართველო" აქვეყნებს პოლიტიკის დოკუმენტს: „ხელისუფლების კომპრომისები ბავშვთა ძალადობის მიმართ". „სხეულებრივი დასჯა დღეს-დღეობით საქართველოში ბავშვთა ბავშვთა აღზრდის და დისციპლინის სწავლების ბუნებრივ ნაწილად ითვლება. ზრდასრულები მას მიიჩნევენ აღზრდის ტრადიციულ მეთოდად, ვინაიდან სახელმწიფოს არცერთი უწყება არ უზრუნველყოფს ბავშვთა პოზიტიური აღზრდის მეთოდების სწავლებას. ბავშვების წარმორტყმა, ხელისკვრა, შეჯანჯღარება, იძულებითი კვება და დასჯის სხვა ფორმები, დანაშაულად არ განიხილება, შესაბამისად არც შედეგების რეაბილიტაცია ხდება. შედეგები აისახება ბავშვების, როგორც ადამიანის უფლებების სუბიექტების უგულვებელყოფასა და საზოგადოებაში ძალადობის კვლავწარმოებაში", ნათქვამია პოლიტიკის დოკუმენტში. სრულად... წყარო: www.osgf.ge

თბილისი. კონსტიტუციის 42-ე მუხლი 13 ივნისის სტიქიის პრობლემებზე ბლოგპოსტს აქვეყნებს. „... 1 წელზე მეტი დრო გავიდა სტიქიიდან, ბევრი გაკეთდა, თუმცა მოუგვარებელი პრობლემების რაოდენობა კვლავ დიდია. ორგანიზაცია „კონსტიტუციის 42-ე მუხლი" აკვირდებოდა მობილიზებული თანხების ხარჯვასა და ჩასატარებელი სამუშაოების მიმდინარეობას. მონიტორინგის შედეგად გამოვლინდა რიგი პრობლემები, რომლის მოგვარება ამ დრომდე ვერ ხერხდება. ერთ-ერთ მნიშვნელოვან პრობლემად გამოვყოფთ საკანონმდებლო ბაზის ხარვეზს. 2015 წლის 13 ივნისის სტიქიისთვის სახელმწიფო არ აღმოჩნდა მზად, როგორც ტექნიკურად, ასევე საკანონმდებლო კუთხით. ამიტომ მოუწიათ სტიქიის შემდეგ სპეციალური დადგენილებების მიღება და სამოქმედო გეგმის დასახვა. კრიზისული სიტუაციების მართვისთვის სახელმწიფო მზად არ იყო, ამიტომაც იქნა დაშვებული ბევრი შეცდომა", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს სახალხო დამცველმა მორიგი საინფორმაციო ბიულეტენი წარმოადგინა, რომელშიც აპარატის მიერ გაწეული საქმიანობაა ასახული. ბ „ბიულეტენში საუბარია წინასაარჩევნო და არჩევნების მსვლელობისას მიმდინარე პროექტზე – „ადამიანის უფლებათა დარღვევის ფაქტების მონიტორინგი საარჩევნო პერიოდში"; აღწერილია პროექტის ფარგლებში მომუშავე რეაგირების ჯგუფების, სასამართლო მონიტორებისა და კოორდინატორების საქმიანობა; ასევე ის შეხვედრები, რომლებიც ამ პროექტის პოპულარიზების მიზნით გამართა სახალხო დამცველის აპარატმა. ... დოკუმენტში მიმოხილულია სპეციალური ანგარიში სამეგრელოსა და აფხაზეთის გამყოფ ხაზზე მცხოვრები მოსახლეობის სოციალურ-ეკონომიკური უფლებების მდგომარეობასა და უსაფრთხოების საკითხებზე, საკონსულტაციო საბჭოების სხდომები, სახალხო დამცველის და სახალხო დამცველის მოადგილეების შეხვედრები და საერთაშორისო ვიზიტები", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ჰაინრიხ ბიოლის ფონდის სამხრეთ კავკასიის ბიუროს ფემინისტური პლატფორმა აქვეყნებს თამარ გურჩიანის ბლოგპოსტს: „ცას აუცილებლად მივწვდებით". „ერთხელ, ჰილარი კლინტონმა თქვა თავის გამოსვლაში, რომ როცა ჭერი არ არის, შეგიძლია ცას მიწვდე. ჩემმა მშობლებმა მასწავლეს, რომ ჭერი დამენახა, ანუ, ის ბარიერები შემემჩნია, რაც ქალებს ჰქონდათ. რა თქმა უნდა მათ იმისიც სჯეროდათ, რომ ცას აუცილებლად მივწვდებოდი. ამის შემდეგ მე ჩემს მისიად დავისახე ის, რომ ქალებს და გოგონებს (და კაცებსაც) დავანახო ეს ბარიერები და გადავცე ის რწმენა, რაც მე ჩემი მშობლებისგან გამომყვა - რომ ცას აუცილებლად მივწვდებით", ნათქვამია ორგანიზაციის ვებ-გვერდზე. სრულად... წყარო: www.feminism-boell.org

თბილისი. 11 ოქტომბერი გოგონათა საერთაშორისო დღეა. ამ დღის აღნიშვნა მიზნად ისახავს გოგონათა უფლებების აღიარებასა და დაცვას. „სამწუხაროდ, კვლავ გავრცელებულია ნიშნობებისა და ქორწინების იძულების შემთხვევები. მთავარ გამოწვევას კი, საზოგადოების მცდარი შეხედულებები და არაინფორმირებულობა წარმოადგენს. ასევე, მნიშნელოვანია, გამოსწორდეს სერვისების მიწოდებისას არსებული ხარვეზები და არაეფექტური რეაგირება. ამასთან, საქართველოში კვლავ პრობლემას წარმოადგენს გენდერული ნიშნით სქესის სელექცია, როდესაც არსებული სტერეოტიპული დამოკიდებულებისა და დისკრიმინაციული პრაქტიკის გამო უპირატესობა ვაჟს ენიჭება, ამის შედეგად ყოველწლიურად უფრო ნაკლები გოგონა იბადება", ნათქვამია ომბუდსმენის ვებ-გვერდზე. სახალხო დამცველი მოუწოდეს სახელმწიფოს ქმედითი ნაბიჯები გადადგას გენდერული უთანასწორობის დასაძლევად. სრულად... წყარო: www.ombudsman.ge

შიდა ქართლი. 5 ოქტომბერს, „საქართველოს მოხალისის" ორგანიზებითა გორის უნივერსიტეტში გაიმართა მოსწავლეთა შორის კონფერენცია თემაზე „ადამიანი და თავისუფლება". „პროგრამა ხორციელდება საქართველოს სპორტისა და ახალგაზრდობის საქმეთა სამინისტროს მიერ „ახალგაზრდული პოლიტიკის განვითარების პროგრამით" გათვალისწინებული „მოხალისეობის განვითარების პროგრამის-საქართველოს მოხალისე" ფარგლებში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. გენდერული თანასწორობის დეპარტამენტმა თბილისის ტრეფიკინგის და ოჯახში ძალადობის მსხვერპლთა მომსახურების თავშესაფრების მონიტორინგი განახორციელა. „მონიტორინგის პირველადი შედეგები ცხადყოფს, რომ თავშესაფარში კეთილსაიმედო გარემოა შექმნილი როგორც ოჯახში ძალადობის, ისე ტრეფიკინგის მსხვერპლთათვის. მომსახურების მიმღები პირები პოზიტიურად აფასებენ მიწოდებულ სერვისსა და მათდამი მოპყრობას, თუმცა გამოვლინდა რიგი საკითხებისა, რაც საჭიროებს სერვისის დახვეწას", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. არასამთავრობო ორგანიზაციები გუშინ მომხდარ აფეთქებას ეხმაურებიან. „მიგვაჩნია რომ აღნიშნული ქმედება ქვეყნის დემოკრატიული განვითარებისა და უსაფრთხოების ინტერესების წინააღმდეგ არის მიმართული და მის უკან მდგომი ძალების სურვილია საქართველოში დესტაბილიზაცია და არჩევნების დაძაბულ გარემოში ჩატარება. ... მოვუწოდებთ ხელისუფლებას და სამართალდამცავ ორგანოებს, უპირველეს ამოცანად დაისახონ არჩევნების დღის და მანამდე დაგეგმილი აქციებისა თუ სხვა წინასაარჩევნო ღონისძიებების უსაფრთხოების უზრუნველყოფა", ნათქვამია ორგანიზაციის ვებ-გვერდზე. სრულად... წყარო: osfg.ge

თბილისი. 4 ოქტომბერს, გავრცელებული ინფორმაციის თანახმად, თბილისში, გიორგი (გივი) თარგამაძის მანქანა აფეთქდა. „საგანგაშოა, რომ ასეთ ფაქტს ადგილი აქვს არჩევნებამდე 3 დღით ადრე. გამოძიების მხოლოდ დაწყება, რასაკვირველია, არ არის საკმარისი. სამართალდამცავმა ორგანოებმა დაწყებული პროცესი დაუყოვნებლივ უნდა მიიყვანონ ბოლომდე, ხოლო დამნაშავე პირების მიმართ დროულად უნდა იქნეს მიღებული კანონშესაბამისი ზომები", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ორგანიზაცია „ახალგაზრდა ადვოკატები" ადამიანის უფლებების დაცვის სტრატეგიაზე 2016 წლის საპარლამენტო არჩევნებში მონაწილე მთავარი პოლიტიკური პარტიების საარჩევნო პროგრამების ანალიზს აქვეყნებს. ორგანიზაციის ვებგვერდზე აღნიშნულია, რომ „ადამიანის უფლებების დაცვის საკითხებზე დაცვის და განვითარების ინსტიტუციური მიდგომები მხოლოდ ოთხ პოლიტიკური პარტიის საარჩევნო პროგრამაში იკითხება". სრულად... წყარო: barristers.ge

თბილისი. საქართველოს სახალხო დამცველის აპარატი დააკვირდება 2016 წლის 5 ოქტომბერს თბილისში „ერთიანი ნაციონალური მოძრაობის" მიერ დაგეგმილ აქციას. „სახალხო დამცველის წარმომადგენლები ღონისძიების მიმდინარეობისას მონიტორინგს გაუწევენ შეკრებებისა და მანიფესტაციების უფლების დაცვას", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

  თბილისი. სახალხო დამცველის ინსტიტუტი კოპენჰაგენში თავშესაფრის მაძიებელთა და ლტოლვილთა საკითხებზე შეხვედრას დაესწრო. „სახალხო დამცველის აპარატი მიღებულ ცოდნასა და წარმატებული ქვეყნის საუკეთესო გამოცდილებას, შესაბამისი დამუშავების საფუძველზე, გამოიყენებს შემდგომ საქმიანობაში თავშესაფრის მაძიებელთა და ლტოლვილთა უფლებების დაცვისა და მათი მდგომარეობის გაუმჯობესების კუთხით", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. არასამთავრობო ორგანიზაციების ზუგდიდის მუნიციპალიტეტის სოფელ დიდინეძში მომხდარ ძალადობრივ ინციდენტს ეხმაურებიან. „მოვუწოდებთ საგამოძიებო ორგანოებს, გამოიძიონ აღნიშნული ინცინდენტი სწრაფად, ობიექტურად და მიუკერძოებლად და მიიღონ კანონით გათვალისწინებული ზომები, რათა უზრუნველყოფილ იქნეს მშვიდობიანი და უსაფრთხო საარჩევნო გარემო. არჩევნების წინ მსგავსი ინციდენტები გავლენას ახდენს არჩევნების პროცესის ჯანსაღ პოლიტიკურ გარემოში ჩატარებაზე, რაც საბოლოოდ ქვეყანაში დემოკრატიისა და მმართველობის ხარისხზე აისახება”, ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. ომბუდსმენი ეხმიანება 2016 წლის 1 ოქტომბერს სოფელ დიდინეძში მომხდარი ძალადობის შემთხვევას. „ზუგდიდის მუნიციპალიტეტის სოფელ დიდინეძში 2016 წლის 1 ოქტომბერს მომხდარი ძალადობის გამოვლენის ერთ-ერთი მიზეზი მანამდე არსებულ ძალადობაზე სახელმწიფოს არასათანადო რეაგირებაც შეიძლება იყოს. მსგავსი შემთხვევების სწრაფი გამოძიება, დამნაშავეების გამოვლენა და კანონმდებლობით განსაზღვრული პასუხისმგებლობის დაკისრება იმავდროულად წარმოადგენს პრევენციულ ღონისძიებას მომავალში ძალადობის თავიდან ასარიდებლად," ნათქვამია სახალხო დამცველის განცხადებაში. სრულად... წყარო: www.ombudsman.ge

თბილისი. საქართველოს ახალგაზრდა იურისტთა ასოციაცია (საია) იცავდა იუსტიციის სახლიდან გათავისუფლებული პირის ინტერესებს. პიროვნების სამსახურიდან გათავისუფლება განხორციელდა გაქარწყლებული ნასამართლობის საფუძვლით. სასამართლომ იუსტიციის სახლის მიერ მიღებული გადაწყვეტილება დისკრიმინაციულად შეაფასა. სრულად... წყარო: gyla.ge

თბილისი. კამპანია „ეს შენ გეხება" ეხმაურება ინტერნეტსივრცეში, სავარაუდოდ, საქართველოს ექს-პრეზიდენტის, მიხეილ სააკაშვილისა და „ერთიანი ნაციონალური მოძრაობის" წევრების საუბრის ჩანაწერის გავრცელებას. „მოვუწოდებთ ხელისუფლებას გადადგას კონკრეტული ნაბიჯები უკანონო ფარული თვალთვალისა და მიყურადების წინააღმდეგ საბრძოლველად და ეფექტურად გამოიძიოს უკანონო მოსმენებთან დაკავშირებული ყოველი დანაშაული. აქვე მოვუწოდებთ უსაფრთხოების სამსახურს მიზნობრივად გამოიყენოს კანონით მისთვის მინიჭებული უფლებამოსილება და მიიღოს სათანადო კანონიერი ზომები ქვეყნის უსაფრთხოების დაცვისათვის, რაც არჩევნების მშვიდ ვითარებაში ჩატარებას უზრუნველყოფს", ნათქვამია განცხადებაში. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია 2016 წლის არჩევნებზე საინფორმაციო ბიულეტენს აქვეყნებს. „საიასათვის სხვადასხვა წყაროებიდან მიღებული ინფორმაციის თანახმად, პოლიტიკური პარტიების წარმომადგენლები აწარმოებენ ამომრჩეველთა პირადი მონაცემების (სახელი, გვარი, პირადი ნომერი) აღრიცხვას, თუმცა ისინი არ განმარტავენ აღნიშნული მონაცემების შეგროვების მიზანს. განსაკუთრებით მნიშვნელოვანია ის ფაქტი, რომ აღნიშნული პირების სამიზნე ჯგუფებს წარმოადგენენ სოციალურად დაუცველი, ეთნიკური უმცირესობების წარმომადგენელი და დევნილი მოქალაქეები. აღსანიშნავია, რომ სახელი, გვარი და პირადი ნომერი პირის პერსონალურ ინფორმაციას წარმოადგენს და მისი დამუშავება დასაშვებია, თუ არსებობს მონაცემთა სუბიექტის თანხმობა", ნათქვამია ორგანიზაციის ვებ-გვერდზე. სრულად... წყარო: www.gyla.ge

თბილისი. ადამიანის უფლებებისა და მონიტორინგის ცენტრი აქვეყნებს საინფორმაციო ბროშურას: „რა უნდა ვიცოდეთ პოლიციასთან კონტაქტის დროს". ბროშურაში ყურადღება გამახვილებულია: „ადმინისტრაციული დაკავებისას, ნარკოლოგიური შემოწმებისას, პოლიციის მიერ პრევენციული უფლებამოსილებით სარგებლობისას, მოწმედ დაბარებისას, ქმედებების ადრესატისათვის კანონმდებლობით მინიჭებულ უფლებებზე, რომელთა ცოდნაც განსაკუთრებით მნიშვნელოვანია იმ ვითარებაში, როდესაც შესაბამისი ორგანოს თანამშრომელი არ ასრულებს კანონისმიერ ვალდებულებას და ქმედების ობიექტს უფლებებსა და განსახორციელებელი ღონისძიების საფუძველს არ განუმარტავს", ნათქვამია ორგანიზაიცის ვებ-გვერდზე სოციალურ ქსელში. სრულად... წყარო: emc.org.ge

თბილისი. სამოქალაქო პლატფორმა „არა ფობიას" ცენტრალური საარჩევნო კომისიის თავმჯდომარეს მიმართავს. „...ცენტრალური საარჩევნო კომისიის თავმჯდომარეს მოვუწოდებთ შეისწავლოს პოლიტიკური გაერთიანება „პატრიოტთა ალიანსის" მიერ საარჩევნო კოდექსის 45-ე მუხლის მე-3 პუნქტის მოთხოვნების დარღვევის ფაქტი, რაც წარმოადგენს ამავე კოდექსის 79-ე მუხლით გათვალისწინებულ სამართალდარღვევას და მიმართოს სასამართლოს პოლიტიკური სუბიექტის სამართალდამრღვევად ცნობისა და დაჯარიმების მოთხოვნით", ნათქვამია განცხადებაში. სრულად... წყარო: emc.org.ge

თბილისი. კოალიცია „მედიის ადვოკატირებისათვის" ჟურალისტისთვის საქმიანობაში ხელის შეშლის ფაქტის გამოძიებას ითხოვს. „გავრცელებული ინფორმაციით 23 სექტემბერს წნორში თავისუფლების ქუჩაზე მიმდინარე სამუშაოების წარმოებისას „კახეთის საინფორმაციო ცენტრის" ჟურნალისტს გელა მთივლიშვილს გამგებლის წარმომადგენელმა, ნასვამ მდგომარეობაში მყოფმა თამაზ მათეშვილმა ჟურნალისტურ საქმიანობაში უკანონოდ ხელი შეუშალა, უცენზურო სიტყვებით მიმართა და სახეში დაარტყა. ... აუცილებელია დაწყებული გამოძიება წარიმართოს სწრაფად, სრულყოფილად და ობიექტურად. ასევე მნიშვნელოვანია, სახელმწიფომ გაატაროს ყველა პრეცენციული ღონისძიება, რათა უზრუნველყოს მედია მშვიდი და უსაფრთხო სამუშაო გარემოთი და დაიცვას ჟურნალისტები ყოველგვარი თავდასხმისა და უკანონო ხელისშეშლისგან," ნათქვამია კოალიციის განცხადებაში. სრულად... წყარო: gyla.ge

თბილისი. საქართველოს მთავარმა პროკურატურამ ოჯახში ძალადობის საკითხზე სახალხო დამცველის წინადადება შეასრულა. „1 სექტემბერს დაიწყო გამოძიება შეზღუდული შესაძლებლობის მქონე ქალის მიმართ განხორციელებული ოჯახში ძალადობის ფაქტზე. ჩატარებული საგამოძიებო მოქმედებების შედეგად დაზარალებულად იქნა ცნობილი ც.წ. და უზრუნველყოფილი იქნა ჯანმრთელობის დაცვისათვის შესაბამისი ღონისძიებების გატარება", ნათქვამია ორგანიზაციის ვებ-გვერდზე. სრულად... წყარო: www.ombudsman.ge