თბილისი. შეზღუდული შესაძლებლობის მქონე (შშმ) პირთა საერთაშორისო დღე ყოველწლიურად 3 დეკემბერს აღინიშნება. „ამ დღის მიზანია კიდევ ერთხელ გაამახვილოს ყურადღება შეზღუდული შესაძლებლობის მქონე პირების სრული და თანასწორი ჩართულობის გაზრდასა და მათი საზოგადოებაში ინტეგრაციისა და განვითარების ხელშეწყობაზე. წლევანდელი საერთაშორისი დღის სლოგანია „შეზღუდული შესაძლებლობის მქონე პირებისთვის ხელმისაწვდომ და მდგრად პოსტ პანდემიურ სამყაროში უკეთესად დაბრუნების უზრუნველყოფა“. სრულად... წყარო: ორგანიზაციის გვერდი სოციალურ ქსელში

თბილისი. 1 დეკემბერს, საქართველოს ახალგაზრდა იურისტთა ასოციაციამ (საია) საქმეზე სარიშვილი-ბოლქვაძე საქართველოს წინააღმდეგ ევროპის საბჭოს მინისტრთა კომიტეტს წერილობითი მოსაზრება წარუდგინა, რომელშიც საქართველოს ხელისუფლების მიერ ზოგადი ღონისძიების სახით გატარებულ ზომებს აფასებს. „მინისტრთა კომიტეტი 2018 წლის 19 ოქტომბრიდან ზედამხედველობს სარიშვილი-ბოლქვაძის საქმის აღსრულებას. აღნიშნული საქმე კერძო სამედიცინო დაწესებულებაში არასათანადო მკურნალობის შედეგად პაციენტის გარდაცვალებას და გარდაცვლილის ოჯახის წევრისთვის სამოქალაქო სამართალწარმოების გზით გარდაცვალებით მიყენებული მორალური ზიანის მინიჭებაზე უარს შეეხება. ამ საქმეზე ევროპულმა სასამართლომ 2018 წლის 19 ივლისის გადაწყვეტილებით ადამიანის უფლებათა ევროპული კონვენციის მე-2 მუხლის (სიცოცხლის უფლება) დარღვევა დაადგინა“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ქალაქ რუსთავში ეკონომიკური საქმიანობის შეზღუდვის წინააღმდეგ გამართულ გარემოვაჭრეების პროტესტს. ორგანიზაცია საქართველოს მთავრობასა და ადგილობრივ მუნიციპალიტეტს მძიმე ეკონომიკურ მდგომარეობაში მყოფი გარემოვაჭრეებისათვის საქმიანობის გაგრძელების ხელშეწყობისა და სოციალური დაცვის ღონისძიებების გატარებისკენ მოუწოდებს. სრულად... წყარო: emc.org.ge

თბილისი. ადვოკატთა ასოციაციამ, USAID/PROLoG-ის მხარდაჭერით, ადვოკატებისთვის გამოსცა სახელმძღვანელო - „ადამიანის უფლებათა ევროპული სასამართლოს მიერ გამოტანილი განჩინებები საქართველოს წინააღმდეგ“, რაც მნიშვნელოვნად გაუმარტივებს ასოციაციის წევრებს სტარსბურგის სასამართლოს პრეცედენტული გადაწყვეტილებების მოძიებასა და გამოყენებას. სახელმძღვანელო იხილეთ ბმულზე... წყარო: ასოციაციის გვერდი სოციალურ ქსელში

თბილისი. პარტნიორობა ადამიანის უფლებებისთვის აქვეყნებს შეზღუდული შესაძლებლობების მქონე დედების ისტორიის მეორე ნაწილს. „პირველი ტრავმა მშობიარობა იყო. 2007 წელს ვიმშობიარე. იდეალური ორსულობით, 6 თვემდე ვმუშაობდი. სასწრაფოს ექიმი ვიყავი. აყვანილი ექიმით, იდეალური, სწრაფი მშობიარობით მე-4 სამშობიაროში ვიმშობიარე. 2.900კგ გაჩნდა ახალშობილი. ექიმს ეჩქარებოდა და მისი დაუდევრობით მოწყვიტა მომყოლი და ატყდა ატომური სისხლდენა. 2 ლიტრი სისხლი დავკარგე. ჰემორაგიული შოკით გამიყვანეს საოპერაციოში და საშვილოსნო ამომიღეს. პირველი კლინიკური სიკვდილი საოპერაციო მაგიდაზე მქონდა. გარდა ამისა, კანის ღრმა შრეში ჩამიტოვეს კანის საკერავი ნემსი, რაც ცალკე საოპერაციო გახდა 9 თვის შემდეგ“, ამბობს ერთ-ერთი რესპონდენტი. სრულად... წყარო: phr.ge

თბილისი. პარტნიორობა ადამიანის უფლებებისთვის აქვეყნებს შეზღუდული შესაძლებლობის მქონე დედების ისტორიებს. „სახელმწიფოს აქვს ორსულებისთვის პროგრამა, მაგრამ მე ვერაფრით ვისარგებლე. გამოდის ორსული შშმ პირებისთვის არ არის პროგრამა - მე რომ მივედი კლინიკაში არსად არ გამიშვეს. მითხრეს, იარე აქ. ვუთხარი, ისეთ კლინიკაში გამიშვით, სადაც კიბეები მაინც არ იქნება-მეთქი. ხელით დამატარებდა მეუღლე, ფეხები მეჭიმებოდა, მერე მუცელიც. რისკებთან იყო დაკავშირებული. ამ ყველაფერზე სხვაგანაც მილაპარაკია, მაგრამ იშვიათი მოვლენა რომაა, არავის აინტერესებს. კიდევ კარგი, გამოკვლევების ფულიც მქონდა და ბავშვიც ჯანმრთელი გაჩნდა. ყელში ამომივიდა უკვე ამაზე საუბარი. რეაგირება მაინც არ მოჰყოლია და ჰუმანურობაც არავის გამოუჩენია“, ამბობს ერთ-ერთი რესპონდენტი. სრულად... წყარო: phr.ge

თბილისი. საქართველოს ახალგაზრდა იურისტთა ასოციაცია (საია) ბათუმში მდებარე ფიტნესკლუბის - Reformerfitness-ის საქმეში ჩაერთო, რომლის მიმართაც გუშინ გამოძიება დაიწყო. „გამოძიება მიმდინარეობს სისხლის სამართლის კოდექსის 2481 მუხლის საფუძველზე. საია მიიჩნევს, რომ აღნიშნული მუხლი, რომლის მიხედვითაც მთავრობის დადგენილებით განსაზღვრული აკრძალული ქმედების განმეორებით ჩადენის გამო შესაძლებელია პირს დაეკისროს სისხლისსამართლებრივი პასუხისმგებლობა, არაკონსტიტუციურია“, ნათქვამია ორგანიზაციის ვებგვერდზე.  სრულად... წყარო: gyla.ge

თბილისი. გაეროს ქალთა ფონდის ინფორმაციით, კატო მიქელაძის პრემიის გამარჯვებული სოციალური სამართლიანობისთვის მებრძოლი ფემინისტი აქტივისტი და მოაზროვნე მარიამ ქაჯაია გახდა.  „გაეროს ქალთა ორგანიზაცია მხარს უჭერს კატო მიქელაძის პრემიას, რომელიც ქალი უფლებადამცველებისა და აქტივისტებისთვის 2013 წელს, ქალთა ფონდმა საქართველოში დააწესა. ჩვენთვის განსაკუთრებით ღირებულია ის წვლილი, რომელიც ქალ უფლებადამცველებს სამართლიანი და თანასწორი საზოგადოების ფორმირებაში შეაქვთ. გაეროს ქალთა ორგანიზაციის წარმომადგენლობა საქართველოში ულოცავს მარიამ ქაჯაიასა და ყველა ნომინანტს“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლeბების სწავლებისა და მონიტორინგის ცენტრი (EMC) აქვეყნებს ოკუპირებული ტერიტორიების შესახებ კანონის შეფასების დოკუმენტს. „კანონის მიღებიდან ზუსტად 12 წელი გავიდა. ამ პერიოდში საქართველოს ხელისუფლებას, კანონის არსებობის პარალელურად, არაერთი მცდელობა ჰქონდა ოკუპირებული ტერიტორიების უკანონო რეჟიმებისთვის ახალ-ახალი სამშვიდობო წინადადებები შეეთავაზებინა. თუმცა, როგორც თომას დე ვაალი წერს, „დე-ფაქტო რეჟიმების უჩვეულო გამძლეობა“ ამ შეთავაზებებისთვის ადგილს თითქმის არ ტოვებდა. სამშვიდობო ინიციატივების პარალელურად ოკუპირებული ტერიტორიების შესახებ კანონიც უფრო მეტად ჰუმანური ხდებოდა ეტაპობრივი ცვლილებების შედეგად. თუმცა, სადაოა, რამდენად ქმნიდა ის კონფლიქტის პოზიტიური ტრანსფორმაციის და ამ პროცესში უფლებრივი და ჰუმანიტარული პერსპექტივების გაჩენის საშუალებას. სტატიის მიზანია გაანალიზოს კანონის განვითარების ეტაპები, უფლებრივი და ჰუმანიტარული განზომილებები და მისი ადგილი ერთიან სამშვიდობო პოლიტიკაში“, ნათქვამია მასალაში. სრულად... წყარო: emc.org.ge

თბილისი. ომბუდსმენის აპარატმა სპეციალური ანგარიში ფემიციდის მონიტორინგის მექანიზმის ფარგლებში შეიმუშავა. დოკუმენტში გაანალიზებულია 2018 წელს ჩადენილი დანაშაულები. „მონიტორინგის მიზანია გააანალიზოს ქალთა გენდერული ნიშნით მკვლელობების, მკვლელობის მცდელობისა და თვითმკვლელობამდე მიყვანის თითოეული საქმე, რათა გამოავლინოს ძალადობის მსხვერპლთა და დაზარალებულთა დაცვის მექანიზმის ხარვეზები, შემდგომში ამ მექანიზმების დასახვეწად და განსავითარებლად. მიუხედავად იმისა, რომ 2018 წელს მომხდარი ფემიციდის და ფემიციდის მცდელობის საქმეები 5 წლიანი მონიტორინგის ანგარიშის ფარგლებში გაანალიზდა, ბოლო პერიოდის ტენდენციების გათვალისწინებით, საჭიროდ მივიჩნიეთ ცალკე სახით, სპეციალური ანგარიში გამოგვეცა“, ნათქვამია სახალხო დამცველის ვებგვერდზე. სრულად... წყარო: ombudsman.ge

თბილისი. ეკონომიკური პოლიტიკის კვლევის ცენტრისა (EPRC) და USAID/Georgia-ის დემოკრატიული მმართველობის ინიციატივის (GGI Georgia) ერთობლივი პლატფორმის ფარგლებში, ექსპერტთა სამუშაო ჯგუფის მიმართვა ვრცელდება, კოვიდ 19-ის პანდემიასთან დაკავშირებით. „ცალსახაა, რომ დღეს სახელმწიფოს მხრიდან გატარებული ანტიეპიდემიური ღონისძიებები უკვე არასაკმარისია პანდემიის გავრცელების შესაკავებლად და იგი მნიშვნელოვან ცვლილებებს საჭიროებს. წინააღმდეგ შემთხვევაში, ქვეყანას დრამატულად რთული პერიოდი დაუდგება, რაც, შეუძლებელს გახდის არამარტო კორონავირუსის ეპიდემიის მართვას, არამედ უკიდურესად შეზღუდავს სხვა გადაუდებელ და გეგმიურ სამედიცინო სერვისებზე ხელმისაწვდომობას“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. 26 ნოემბერს, ასოციაცია „ათინათში“ გაიმართა ფორუმ-თეატრი, თემაზე „რატომ არის მნიშვნელოვანი თანასწორობა“. 25 ნოემბერს გენდერის ნიშნით ძალადობის წინააღმდეგ 16-დღიანი კამპანია დაიწყო, რომელიც 10 დეკემბერს, ადამიანის უფლებათა დაცვის საერთაშორისო დღეს დასრულდება. სრულად... წყარო: ორგანიზაციის ვებგვერდი სოციალურ ქსელში

თბილისი. 25 ნოემბერს, საქართველოს სახალხო დამცველის აპარატის, არასამთავრობო ორგანიზაცია UPR-info-სა და ღია საზოგადოების საქართველოს ფონდის ორგანიზებით წინასასესიო ონლაინ მოსმენა ჩატარდა, რომლის ფარგლებშიც, არასამთავრობო ორგანიზაციებისა და სახალხო დამცველის წარმომადგენლებმა საქართველოში აკრედიტებულ დიპლომატიურ კორპუსს ადამიანის უფლებათა დაცვის კუთხით ქვეყანაში არსებულ მდგომარეობაზე მიაწოდეს ინფორმაცია. „ასევე, შეხვედრაზე დიპლომატიური კორპუსის წარმომადგენლებმა მოისმინეს კონკრეტული რეკომენდაციები, რომლებიც სასურველია შეხვედრაზე დამსწრე დიპლომატების ქვეყნებმა საქართველოს მისცენ უნივერსალური პერიოდული მიმოხილვის (UPR) ფარგლებში, 2021 წლის 26 იანვარს საქართველოში ადამიანის უფლებების დაცვის გაუმჯობესების მიზნით“. სრულად...  წყარო: ombudsman.ge

თბილისი. ღირსეული შრომის პლატფორმა ეხმაურება თბილისის მეტროპოლიტენში განვითარებულ მოვლენებს სამუშაო ადგილზე „კოვიდ-19“-ით დაინფიცირების შემთხვევების საგრძნობლად გაზრდიდან გამომდინარე. „თბილისის მეტროპოლიტენის დამოუკიდებელი პროფკავშირის „ერთობა 2013-ის“ ინფორმაციით, „კოვიდ-19“-ით დაინფიცირებულია კომპანიაში დასაქმებული მეტროს ორივე ხაზზე მომუშავე 50 მემანქანე. ამასთანავე, დაინფიცირებულნი არიან მეტროპოლიტენში მომუშავე სხვა პოზიციებზე დასაქმებულებიც. ყოველივე ეს მეტროს გამართულ და უსაფრთხო მუშაობას აფერხებს. სექტემბრის თვეში, როდესაც ვირუსმა მნიშვნელოვნად დაიწყო გავრცელება, ,,ერთობა-2013"-ის გამგეობის წევრები შეხვდენენ სატრანსპორტო კომპანიის დირექციას, რომელსაც შესთავაზეს ვირუსთან დაკავშირებით ისეთი პრევენციული ღონისძიებების გატარება, რომელიც მეტროს შეუნარჩუნებდა მუშაობას მცირედი შეზღუდვებით და მგზავრებსა და თანამშრომლებს ინფიცირებისაგან მაქსიმალურად დაიცავდა. სამწუხაროდ, პროფკავშირის ინიციატივა არ იყო გათვალისწინებული, ხოლო ვირუსის გავრცელებამ მაღალ ნიშნულებს მიაღწია“, ნათქვამია განცხადებაში. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება 25 ნოემბერს, კახა კალაძის მიერ თბილისის მთავრობის სხდომაზე გაკეთებულ განცხადებას ნებართვის გარეშე აშენებული ნაგებობების დაუყოვნებლივ ნგრევასთან დაკავშირებით. ორგანიზაცია თბილისის მერიას მოუწოდებს, არ დაიწყოს დემონტაჟის პროცედურები, დაიცვას ამგვარ შენობებში მცხოვრები ადამიანები უსახლკარობისგან და უზრუნველყოს ისინი შესაბამისი მხარდაჭერით. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აფასებს ადამიანის უფლებათა ევროპულ სასამართლოში მაჩალიკაშვილების ოჯახის მიერ შეტანილ განაცხადზე მთავრობის მოსაზრებებს. „თემირლან მაჩალიკაშვილის სიცოცხლის ხელყოფის საქმის განხილვა ევროპულმა სასამართლომ დაჩქარებული წესით დაიწყო და ამ ეტაპზე დავა მთავრობასთან კომუნიკაციის ბოლო ფაზაშია შესული. EMC-მა განაცხადი ევროპულ სასამართლოში 2019 წლის 6 ივნისს გააგზავნა. 2019 წლის 23 ოქტომბერს ევროპულმა სასამართლო უკვე დაიწყო კომუნიკაცია საქართველოს მთავრობასთან. პანდემიის გამო პროცესის გადავადების გამო, მთავრობის პოზიციები ჩვენ 2020 წლის 1 სექტემბერს გვეცნობა. 2021 წლის 21 ნოემბერს EMC-იმ მთავრობის პოზიციებსა და პასუხებს უპასუხა და მისი წერილობითი დასაბუთება ევროპულ სასამართლოში წარადგინა“. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია აქვეყნებს ორგანიზაციის იურისტის, გიორგი ტაბატაძის ბლოგპოსტს: რატომ ვართ ღარიბები? მურუსიძის კიდევ ერთი „კანონიერი“ გადაწყვეტილება. „20 თეთრად შეფასებული ხრეშის გამო 54 650 დოლარიანი ტრაქტორის წართმევა და ბიზნესის გაჩერება იმდენად ნორმალური მოვლენაა მურუსიძის სასამართლოსთვის, რომ დღემდე ამ საქმეს საზოგადოების სათანადო ყურადღება არ დაუმსახურებია. შპს „ბექანასი“, რომელიც სახელმწიფოს მიერ გაცემული ლიცენზიის საფუძველზე ქვიშა ხრეშს მოიპოვებდა, 2018 წელს გარემოს დაცვის ზედამხედველობის დეპარტამენტის თანამშრომლებმა დააჯარიმეს 1 მ3 ქვიშა ხრეშის, ლიცენზიით გათვალისწინებული ტერიტორიის გარეთ, მოპოვებისთვის. დეპარტამენტის თანამშრომლების განმარტებით, 1 მ3 ქვიშა ხრეშის ღირებულება 20 თეთრს შეადგენდა, გარემოსთვის მიყენებული ზიანის წმინდა ოდენობა კი 1 ლარს. ასეთი მცირე ზიანის მიუხედავად, კომპანიას ჯარიმის სახით 1000 ლარის გადახდა დააკისრეს და ასევე ჩამოართვეს 54 650 ღირებულების ტრაქტორი, როგორც სამართალდარღვევის იარაღი. რატომ არ შემოდის ინვესტიციები? რატომ უფასურდება ლარი? რატომ გვაქვს მუდმივად უსამართლობის განცდა? საერთოდ რატომ ვართ ასეთი ღარიბები? ამ კითხვებს პასუხი ამ ერთი საქმითაც შეიძლება გავცეთ“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. გენდერული ძალადობის წინააღმდეგ 16-დღიანი კამპანიის ფარგლებში, საქართველოს სახალხო დამცველმა, გაეროს ქალთა ორგანიზაციის მხარდაჭერით, ონლაინკონფერენცია „ფემიციდის პრევენცია და მონიტორინგი“ გამართა. ონლაინკონფერენცია მიზნად ისახავდა იმ ადგილობრივი და საერთაშორისო მონიტორინგის პრაქტიკების განხილვას, რომლებიც ქალთა გენდერული ნიშნით მოტივირებული მკვლელობების (ფემიციდის) პრევენციისთვის არსებობს. სრულად... წყარო: ombudsman.ge

თბილისი. სახალხო დამცველის აპარატის მრავალწლიანი ზედამხედველობა ცხადყოფს, რომ წლების განმავლობაში სახელმწიფო უწყებების მხრიდან მიღებული გადაწყვეტილებები ვერ პასუხობს საზოგადოებაში არსებულ ლეგიტიმურ კითხვებს. „აქტუალობას არ კარგავს, გარემოზე ზემოქმედების შეფასების დოკუმენტებისა და ჩატარებული კვლევების ხარისხის მიმართ უნდობლობა, საზოგადოების ინფორმირება-ჩართულობის თვალსაზრისით არსებული ხარვეზები, ადგილობრივი მოსახლეობის სოციალურ-ეკონომიკური ინტერესების უგულებელყოფის, ინფორმაციისა და მონაცემების გამჭვირვალობის პრობლემა, პროექტების სარგებლიანობის მიმართ არსებული საფუძვლიანი ეჭვები. სწორედ, დასახელებულმა პრობლემებმა ფუნდამენტურად გაუმჯობესებული ეროვნული კანონმდებლობის მიუხედავად, ერთობლიობაში და განსაკუთრებით მწვავედ იჩინა თავი წინამდებარე პროექტთან მიმართებითაც“... სრულად... წყარო: ombudsman.ge

შიდა ქართლი. „კეთილდღეობის და განვითარების ცენტრთან“ არსებულმა გორის სამოქალაქო აქტივიზმის ცენტრის ლიდერებმა, შოთა მარანელმა და რეზო კერესელიძემ, ცენტრის მოხალისეებისათვის - ტოლერანტობის კვირეულთან დაკავშირებით დებატები გამართეს ტოლერანტობის და ადამიანის უფლებების შესახებ. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „საფარი“ გთავაზობთ ბაია პატარაიას ვიდეოლექციას თემაზე: „დისკრიმინაციის აკრძალვა ქართული კანონმდებლობის მიხედვით“. „წინამდებარე ვიდეოლექციების სერია შექმნილია „კოალიცია თანასწორობის“ ეგიდით, ახალციხის, მარნეულისა და ლაგოდეხის მუნიციპალიტეტების თანამშრომლებთან მუშაობის შედეგად გამოკვეთილი საკითხების მიხედვით. ლექცია მიზნად ისახავს ანტიდისკრიმინაციული პოლიტიკის დანერგვაში ხელშეწყობას, საქართველოს მუნიციპალიტეტების თანამშრომლებში „დისკრიმინაციის ყველა ფორმის აღმოფხვრის შესახებ” საქართველოს კანონის შესახებ ცნობიერების ამაღლებას“. წყარო: ორგანიზაციის გვერდი სოციალურ ქსელში

თბილისი. #USAID-ის და #UNAG-ის PITA-ას პროგრამის ტოლერანტობის კვირეულის კამპანიის ფარგლებში, გრძელდება ვიდეოების სერია: „ტოლერანტობა არის...“. რას ნიშნავს ტოლერანტობა? - საუბრობს მსახიობი და ტელეწამყვანი, ბაია დვალიშვილი. სრულად... წყარო: ორგანიზაციის გვერდი სოციალურ ქსელში