შიდა ქართლი. 31 ივლისს, გორის მოხალისის მარიამ ისპირიანის მოხალისეთა კლუბმა და „ქართლოსის" EVS მოხალისეებმა ატენის ხეობაში დასუფთავების აქცია მოაწყვეს. სრულად... წყარო: ორგანიზაციის ვებ-გვერდი სოციალურ ქსელში

კახეთი. ლაგოდეხში, ერთდღიანი შემოქმედებითი ბანაკის „SOUND OF FUTURE”-ის ფარგლებში, 2016 წელს საჯარო სკოლა დამთავრებულ ოქრო-ვერცხლის მედალოსანთა დაჯილდოვება გაიმართა. „ახალგაზრდებს ნატოსა და ევროკავშირის შესახებ საინფორმაციო ცენტრის დირექტორის მოადგილე გიორგი ფარეშიშვილი შეხვდა და საქართველოს ევროპული და ევროატლანტიკური ინტეგრაციის, ასევე, ვიზალიბერალიზაციის საკითხებზე ინფორმაცია მიაწოდა", ნათქვამია ნატოსა და ევროკავშირის შესახებ საინფორმაციო ცენტრის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

ევროპის ფონდის პროექტის - „ახალგაზრდების ჩართულობის გაზრდა საქართველოში" ფარგლებში, ახალგაზრდული იდეის წევრები საქართველოდან, აფხაზეთიდან და ბოსნიასა და ჰერცეგოვინადან სარაევოში, ლიდერების კონფერენციაზე შეხვდნენ ერთმანეთს. მონაწილეებმა შეხვედრაზე პროექტის განვლილი საფეხურები შეაფასეს და ერთმანეთს განხორციელებული ადგილობრივი ინიციატივებიდან მიღებული გამოცდილება გაუზიარეს. სრულად... წყარო: ორგანიზაციის ვებ-გვერდი სოციალურ ქსელში

კახეთი. 27-28 ივლისს, საქართველოს წითელი ჯვრის საზოგადოებამ საორიენტაციო კურსები ჩაატარა პანკისის ახალგაზრდებისთვის. „შეხვედრის მიზანს წარმოადგენდა მონაწილეების ცნობიერების ამაღლება წითელი ჯვრისა და წითელი ნახევარმთვარის მოძრაობის, ემბლემისა და ფუნდამენტური პრინციპების შესახებ, ასევე მოხალისეობის, კომუნიკაციისა და საკომუნიკაციო არხების შესახებ. სასწავლო კურსები მოიცავდა როგორც თეორიულ, ასევე პრაქტიკულ სესიებს, რომლის დროსაც ახალგაზრდებმა ჯგუფური სავარჯიშოების მეშვეობით განიხილეს სხვადასხვა საკითხები და შეამოწმეს მიღებული ცოდნა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

ნიკო კეცხოველის სასკოლო პრემიის ფინალისტებმა ეკობანაკში მოიყარეს თავი. „ათი დღის განმავლობაში ახალგაზრდა ლიდერებს ჩაუტარდათ სემინარები ტყის მართვის, ნარჩენების მართვის, საზოგადოებრივი ჩართულობის, დაცული ტერიტორიების და ეკოტურისტული სერვისების შესახებ. ამას მოჰყვა პრაქტიკული სავარჯიშოები და საველე პრაქტიკა თიანეთში, ხონსა და მარტვილში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. 27 ივლისს, ბათუმში გაიმართა შეხვედრა აჭარის მუნიციპალიტეტების წარმომადგენლებთან და სოციალურ მუშაკებთან. „შეხვედრის თემა იყო ბავშვთა მიმართ ძალადობის ფაქტების გამოვლენა და მათზე რეაგირება, რა ტიპის ძალადობის შემთხვევებთან უხდებათ პროფესიონალებს შეხება და როგორია მათი მოქმედება ამ შემთხვევების დროს", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. PHR-ის წარმომადგენლებმა სოციალურ საწარმო „ბაბალეში" მოზარდებთან სამუშაო შეხვედრა გამართეს. „შეხვედრის მიზანს ინტელექტუალური განვითარების შეფერხების მქონე ადამიანებისთვის ანტიდისკრიმინაციული კანონით სარგებლობის გაადვილება წარმოადგენდა. შეხვედრას ესწრებოდა საქართველოს სახალხო დამცველის აპარატის წარმომადგენელიც, რომელიც მოზარდებსა და იურისტებს კანონის აღქმის გაადვილებაში ეხმარებოდა", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 21 ივლისს, საქართველოს ახალგაზრდა იურისტთა ასოციაციის იურიდიული განათლების ხელშეწყობის ფონდმა 2016-2017 სასწავლო წლის გამოშვება ეროვნული ბიბლიოთეკის საგამოფენო დარბაზში აღნიშნა. „იურიდიული განათლების ხელშეწყობის ფონდი თანამშრომლობას გააგრძელებ კურსდამთავრებულებთან. ხოლო სტუდენტებს, რომლებმაც წარმატებით გაიარეს კურსი ფონდი და საია ერთობლივ რეკომენდაციას გაუწევს სხვადასხვა ვაკანტური ადგილების დასაკავებლად", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. „კივიტასის" საზაფხულო ბანაკი დაიწყო. „მონაწილეები გორის, ოზურგეთის, თელავისა და მარნეულის საჯარო სკოლებიდან 5 დღის განმავლობაში კეთილმოწყობილ ტრენინგ-ცენტრში ადგილობრივი დემოკრატიის, ბავშვთა უფლებებისა და ადგილობრივი თვითმმართველობების თემატიკას გაეცნობიან. ბანაკის ფარგლებში დაგეგმილია სახალისო აქტივობები", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ჟურნალისტური ეთიკის ქარტია ბავშვთა საკითხების გაშუქების მედიამონიტორინგის შუალედურ შედეგებს აქვეყნებს. ანგარიშში მოცემულია 2017 წლის 1 აპრილიდან 1 ივლისამდე პერიოდში ჩატარებული მონიტორინგის შეჯამება. მონიტორებმა გააანალიზეს როგორც პრესაში, ისე ონლაინ და სამაუწყებლო მედიაში გამოქვეყნებული ყველა მასალა, რომელიც პირდაპირ ან ირიბად ეხებოდა ბავშვს. მონიტორები აკვირდებოდნენ ცალკეულ თემებთან დაკავშირებით ბავშვების გაშუქებას, ასევე, მათ შესახებ მომზადებული მასალების ეთიკურ სტანდარტებთან შესაბამისობას; ყურადღებას აქცევდნენ, თუ რა ჭრილში, რა კონტექსტში შუქდებოდა ბავშვებთან დაკავშირებული საკითხები; როგორ ჩანდნენ ბავშვები ჟურნალისტურ მასალებში და რა თემებთან დაკავშირებით საუბრობდნენ ისინი. მონიტორინგი გაეროს ბავშვთა ფონდის მხარდაჭერით ხორციელდება. სრულად  წყარო: ორგანიზაციის ვებგვერდი

კახეთი. საზოგადოებრივი ორგანიზაცია „დემოკრატიის ლაბორატორია" პანკისელი ახალგაზრდებისთვის იწყებს პროექტს - „მე აქტიური მოქალაქე”. მასში მონაწილეობა ხეობაში მცხოვრებ ნებისმიერ უფროსკლასელს შეეძლება. პროექტის ფარგლებში, საქართველოს პარლამენტის ეროვნული ბიბლიოთეკისა და „დემოკრატიის ლაბორატორიის" წარმომადგენლები პანკისის ხეობის საჯარო სკოლებს (ომალოში, დამასტურში, დუისში, წინუბანში, ჯოყოლოსა და ბირკიანში) ესტუმრებიან და მათ ბიბლიოთეკებს თანამედროვე ლიტერატურით განაახლებენ. პარალელურად, სკოლებშივე გაიმართება შეხვედრები და დისკუსიები ხეობაში მცხოვრები ახალგაზრდების პრობლემებისა და საჭიროებების გამოსავლენად. პროექტის მონაწილეებს საშუალება ექნებათ, შეხვდნენ და გაესაუბრონ ცნობილ სპორტსმენებს, მწერლებს, ხელოვნების სფეროს წარმომადგენლებს და მათთან ერთად იმსჯელონ იმ გამოწვევებსა და საჭიროებებზე, რაც პანკისის ხეობის სკოლების მოსწავლეების წინაშე დგას. სრულად  წყარო: ორგანიზაციის გვერდი სოციალურ ქსელში

თბილისი. „პარტნიორობა ადამიანის უფლებებისთვის" (PHR), ბავშვთა საკითხებზე მომუშავე არასამთავრობო ორგანიზაციის წარმომადგენლებსა და მშობლებთან გამართა სამუშაო შეხვედრა – „ბავშვის უფლებათა კონვენციის მე-3 დამატებითი ოქმი და არასრულწლოვანთა მართლმსაჯულების სისტემაში ბავშვის უფლებათა დაცვის მექანიზმები". შეხვედრის მიზანს წარმოადგენდა ბავშვთა საკითხებზე მომუშავე არასამთავრობო ორგანიზაციის წარმომადგენლებისა და მშობლების ინფორმირებულობის გაზრდა არასრულწლოვანთა მართლმსაჯულებისა და გაეროს ბავშვის უფლებათა კონვენციის მე-3 დამატებითი ოქმის შესახებ. ამ სამუშაო შეხვედრებს PHR მართავს გაეროს ბავშვთა ფონდის ხელშეწყობითა და ევროკავშირის დაფინანსებით მიმდინარე პროექტის - „მართლმსაჯულების ხელმისაწვდომობის გაუმჯობესება და ბავშვზე მორგებული მართლმსაჯულების სისტემის განვითარება საქართველოში" - ფარგლებში. სრულად  წყარო: ორგანიზაციის ვებგვერდი

შიდა ქართლი. „კეთილდღეობისა და განვითარების ცენტრთან" არსებულ გორის სამოქალაქო აქტივიზმის ცენტრში, შშმ პირების პრობლემების შესახებ გადაღებული ფილმის, „პეპლების ცირკის" ჩვენება გაიმართა. ჩვენების შემდეგ გაიმართა დისკუსია, რომელშიც შშმ ახალგაზრდები იყვნენ ჩართულები. ღონისძიება ორგანიზებულ იქნა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" [PITA] ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორი ორგანიზაცია შიდა ქართლში არის „კეთილდღეობისა და განვითარების ცენტრი". სრულად  წყარო: ორგანიზაციის გვერდი სოციალურ ქსელში

ქვემო ქართლი. ტოლერანტობის და მრავალფეროვნების ინსტიტუტი (TDI) ქალაქ დმანისის პირველ საჯარო სკოლაში დირექტორის მიერ „ზოგადი განათლების შესახებ” საქართველოს კანონისა და პროფესიული ეთიკის ნორმების სავარაუდო დარღვევის საკითხს იკვლევს. TDI-ის იურისტმა დმანისის პირველი საჯარო სკოლის 5 მასწავლებელი, 3 მშობელი და 2 მოსწავლე გამოკითხა. ორგანიზაციის ინფორმაციით, გამოკითხულები დირექტორის ქსენოფობიურ განწყობებსა და არაქართველი მოსწავლეების მიმართ სიძულვილის ენის გამოყენების შესახებ საუბრობენ. ორი ეთნიკურად აზერბაიჯანელი მოსწავლის მშობელი TDI-თან საუბარში მათი შვილების მიმართ სკოლაში განხორციელებულ სისტემატურ ფიზიკურ ძალადობაზეც საუბრობს. TDI სწავლობს ქალაქ დმანისის პირველ საჯარო სკოლაში მომხდარ სავარაუდო დარღვევებს და უახლოეს დღეებში მიმართავს განათლებისა და მეცნიერების სამინისტროს შიდა აუდიტის დეპარტამენტს, ასევე საქართველოს სახალხო დამცველს, სკოლაში არსებული მდგომარეობის შესწავლისა და ეფექტიანი რეაგირების მოთხოვნით. სრულად  წყარო: ორგანიზაციის ვებგვერდი

მცხეთა-მთიანეთი. საქართველოს სახალხო დამცველის ადამიანის უფლებათა აკადემიის ორგანიზებით, გუდაურში გაიმართა სამდღიანი ტრენინგი თემაზე – „ადამიანის უფლებების სწავლების ხელშეწყობა ზოგადი განათლების საფეხურზე". ღონისძიებას დაესწრო თბილისის საჯარო და კერძო სკოლების 18 პედაგოგი - სამოქალაქო განათლების მასწავლებლები და კლასის დამრიგებლები. ტრენინგის მიზანს წამოადგენდა ზოგადი განათლების საფეხურზე ადამიანის უფლებების შესახებ პედაგოგთა ცნობიერების ამაღლება და კონკრეტული რეკომენდაციების შემუშავება, სამოქალაქო განათლების სასწავლო მასალების დახვეწის მიზნით. პედაგოგებმა მოისმინეს თეორიული მასალა, გაიმართა დისკუსიები, მსჯელობები, პრეზენტაციები, ჯგუფურ სავარჯიშოები და სამოქალაქო განათლების ადამიანის უფლებების სწავლების ნაწილის ანალიზი, მოახდინეს პრობლემათა იდენტიფიცირება და შეიმუშავეს რეკომენდაციები. სრულად  წყარო: ორგანიზაციის ვებგვერდი

აჭარა. 14 ივლისს, ბათუმის ახალგაზრდული ცენტრის წევრებისთვის, მედიის განვითარების ფონდის ორგანიზებით ჩატარდა ტრენინგი თემაზე: ანტიდასავლური პროპაგანდა და ყალბი ინფორმაციის გადამოწმების ტექნიკები. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. თანატოლთა განათლების პროგრამის ფარგლებში, PITA ახალციხის ახალგაზრდული ცენტრის წევრმა ტრენინგი ჩაატარა, თემაზე: გუნდის შეჭიდულობა. „ღონისძიება დაიგეგმა, ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა (PITA) ფარგლებში, რომელსაც ახორციელებს საქართველოს გაეროს ასოციაცია, აშშ საერთაშორისო განვითარების სააგენტოს (USAID/Georgia) ფინანსური მხარდაჭერით. პროგრამის პარტნიორი ახალციხესა და ახალქალაქში, საზოგადოებრივი ორგანიზაცია დემოკრატ მესხთა კავშირი", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 14 ივლისს, ასოციაცია „ათინათის" ახალგაზრდული ცენტრის ინიციატივით მოეწყო დასუფთავების აქცია ზუგდიდის საკათედრო ტაძარში, ვლაქერნობის დღესასწაულთან დაკავშირებით. აქტივობა ორგანიზებულ იქნა პროექტი "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ, მას საქართველოს გაეროს ასოციაცია (UNAG) ახორციელებს სამეგრელოში პროექტს ასოციაცია „ათინათი" ახორციელებს. სრულად... წყარო: ორგანიზაციის ვებ-გვერდი სოციალურ ქსელში

იმერეთი. ქუთაისის შშმ ბავშვთა დღის ცენტრ „ჯადოსნური სამყაროს" საზოგადოებრივი ორგანიზაცია ნიდერლანდების ინსტიტუტი მრავალპარტიული დემოკრატიისათვის (NIMD) წარმომადგენელი შვილთან ერთად ეწვია. სტუმრებმა მეზღაპრის მანტია და ქუდი მოირგეს და ბავშვებს ზღაპრები წაუკითხეს. განათლების განვითარების და დასაქმების ცენტრი დღის ცენტრების პროგრამას საქართველოს შრომის ჯანმრთელობის და სოციალური დაცვის სამინისტროს, სსიპ - სოციალური მომსახურების სააგენტოს მხარდაჭერით ახორციელებს. სრულად  წყარო: განათლების განვითარებისა და დასაქმების ცენტრის გვერდი სოციალურ ქსელში

თბილისი. კავშირი „საფარი" აქვეყნებს ფსიქოლოგთან ინტერვიუს, რომელიც ბულინგსა და ძალადობას ეხება. „ქალზე სექსუალური ძალადობის კულტურული ჟანრები გვაქვს, თუმცა პედოფილიის მხრივ გაცილებით დიდი უბედურება გვჭირს. უხეშად რომ ავიღოთ, 150-მდე ჩემი პაციენტიდან, რომლებიც ბოლო რამდენიმე წლის განმავლობაში მყოლია, 120-მა მითხრა, რომ ბავშვობაში სექსუალური ძალადობის მსხვერპლი ყოფილა. თავდაპირველად, ეს ჩემთვის შოკი იყო, ვიფიქრე, სხვა მოვლენაზე ხომ არ საუბრობენ და სხვა სახელს ხომ არ არქმევენ-მეთქი. ბავშვობაში რაღაც ტიპის სექსუალური ძალადობის გამოცდილება საქართველოში ძალიან ჩვეულებრივი ამბავია. რადგან ძალადობა გავრცელებულია და ის სწორედ ოჯახის ახლობელი ადამიანების მხრიდან ხდება, შვილს ინფორმაცია უნდა მიაწოდო", ნათქვამია ორგანიზაციის ვებ-გვერდზე. სრულად... წყარო: sapari.ge

იმერეთი. ჭიათურის „საქართველოს მოხალისე" ლანა ლაშხის ინიციატივითა და ორგანიზებით ჭიათურის #2 საჯარო სკოლაში „ადამიანის უფლებათა საზაფხულო კონფერენცია" ჩატარდა. კონფერენციაში მონაწილეობა მიიღო, განაცხადების საფუძველზე შერჩეულმა, 13-დან 15 წლამდე 15-მა ადგილობრივმა მოსწავლემ. კონფერენცია მოიცავდა ტრეინინგებს,სხვადასხვა სახის აქტივობებს, ფილმის ჩვენებასა და დისკუსიას, ადამიანის ძირითად უფლებებებსა და მოვალეობებთან დაკავშირებული საკითხების ირგვლივ. სესიებს უძღვებოდნენ მოწვეული ტრენერები ორგანიზაციიდან „ჰელფინგ ჰენდ", პროგრამებიდან „ფლექს" და „ერასმუს", ასევე მოხალისეები ამერიკიდან, მშვიდობის კორპუსიდან, თსუ-დან. სრულად  წყარო: „განათლების განვითარების და დასაქმების ცენტრის" გვერდი სოციალურ ქსელში

მცხეთა-მთიანეთი. ადგილობრივი განვითარების ჯგუფს (LAG Kazbegi ) საინტერესო და სასიამოვნო სიახლე აქვს, ქართული არასამთვრობო ორგანიზაცია „ორბელიანი საქართველო"-ს მიერ გამოცხადებულ საგრანტო კონკურსში მონაწილეობა წარმატებული აღმოჩდა და იდეა „Kazbegi Young Walkers” მხარდაჭერილ პროექტებს შორისაა. „პროექტის იდეა „KAZBEGI YOUNG WALKERS" გულისხმობს რეგიონში მცხოვრები სკოლის მოსწავლეების ერთმანეთთან მჭიდრო ურთიერთობების ჩამოყალიბებას და საზოგადოებაში ინტეგრაციას. იგი ემსახურება ყაზბეგის რაიონში ახალგაზრდების ცხოვრების სტილის შეცვლას, მათ ადაპტირებას რეგიონში და სხვადასხვა ჯგუფების ერთმანეთთან დაახლოვებას. გვსურს ხელი შევუწყოთ ახალგაზრდების გააქტიურებას და ვასწავლოთ მათ პირველ რიგში თავისი სოციუმის წარმომადგენლებთან და შემდეგ უკვე სხვა რეგიონიდან მოწვეულ ბავშვებთან თანაცხოვრება, რაც მრავალეთნიკური, მრავალრელიგიური და მრავალფეროვანი საქართველოს საზოგადოებისათვის მეტად მნიშვნელოვანია", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში