სამცხე-ჯავახეთი. ახალქალაქის ახალგაზრდულ ცენტრში „ერაზმუს პლუს" პროგრამის საინფორმაციული შეხვედრა გაიმართა. „ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორი ახალციხესა და ახალქალაქში, საზოგადოებრივი ორგანიზაცია დემოკრატ მესხთა კავშირი”, ნათქვამია ორგანიზაციის ვებ-გვერდზე სოციალურ ქსელში. სრულად...  წყარო: ორგანიზაციის ვებ-გვერდი სოციალურ ქსელში

ანაკლიასა და მანავში, „მომავლის ბანაკის" მონაწილეები „ნატოსა და ევროკავშირის შესახებ საინფორმაციო ცენტრის" საქმიანობას, მიზნებსა და ამოცანებს გაეცნენ. „შეხვედრაზე საქართველოს ევროპულ და ევროატლანტიკური ინტეგრაციის პროცესზე, ევროკავშირთან უვიზო მიმოსვლის საკითხებზე, ევროპულ ფასეულობებსა და ევროინტეგრაციის პროცესში ახალგაზრდების ჩართულობის მნიშვნელობაზე იმსჯელეს. ლექციის შემდეგ გაიმართა ვიქტორინა, გამარჯვებულ ახალგაზრდებს სიმბოლური პრიზები გადაეცათ", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. 3 სექტემბერს, ბათუმის ახალგაზრდული ცენტრის წევრებისთვის ჩატარდა ინტელექტუალური თამაში - რა? სად? როდის? აქტივობის ფარგლებში, მონაწილეობას ღებულობდა 5 გუნდი, ხოლო თამაშის ბოლოს გამოვლინდა პირველ ადგილზე გასული გამარჯვებული გუნდი. სრულად... წყარო: ორგანიზაციის ვებ-გვერდი სოციალურ ქსელში

თბილისი. სახალხო დამცველი, სსიპ სამტრედიის N 15 საჯარო სკოლის აღსაზრდელთა უფლებრივი მდგომარეობის დაცვისათვის საჭირო ღონისძიებების შესახებ, საქართველოს განათლებისა და მეცნიერების მინისტრს რეკომენდაციით მიმართავს. „საქართველოს სახალხო დამცველს მიაჩნია, რომ აღნიშნულ დაწესებულებაში მოთავსებულ არასრულწლოვანთა საუკეთესო ინტერესების სრულად დაცვის, მათთვის შესაბამისი სოციალური და ფიზიკური გარემოს უზრუნველყოფის, რესოციალიზაციის, პიროვნული განვითარების, გონებრივი და ფიზიკური შესაძლებლობების სრულად გამოვლენის უფლებით სარგებლობის მიზნით, განათლებისა და მეცნიერების სამინისტრომ ყველა ღონე უნდა იხმაროს სამტრედიის N15 საჯარო სკოლის არსებული მოდელის შეცვლისა და არსებული რეფორმის განხორციელებისთვის; კერძოდ, სახალხო დამცველის რეკომენდაციით, აღნიშნული სკოლაში მოთავსებულ არასრულწლოვანთა საჭიროებების უზრუნველყოფისა და მათი საზოგადოებაში შემდგომი ინტეგრაციის მიზნით, აუცილებელია, შემუშავდეს ბენეფიციართა მომსახურების ტექნიკური რეგლამენტი და ზრუნვის სტანდარტი, რომლის საფუძველზეც უნდა შემუშავდეს ბენეფიციართა რესოციალიზაციის დეტალური, ზოგადი და ინდივიდუალური გეგმები, სადაც გაიწერება კონკრეტული შემეცნებითი, განმავითარებელი, შემოქმედებითი, სპორტული და სხვა საქმიანობები; გარდა ამისა, ბავშვების პანსიონში განთავსებამდე, ყოველ კონკრეტულ შემთხვევაში ინდივიდუალურად და ყოველმხრივ უნდა იქნეს შემოწმებული ბავშვების მიმართ მსგავსი უკიდურესი ღონისძიების გამოყენების აუცილებლობა, მიზანშეწონილობა და დასაბუთებულობა; ამასთან, მიეცეს ბავშვს აზრის გამოხატვის შესაძლებლობა", - წერია მიმართვაში. სრულად  წყარო: ორგანიზაციის ვებგვერდი

თბილისი. ახალგაზრდა არასამთავრობო ორგანიზაციის „ჰელოუ ჯოი"-ს ინიციატივითა და საქართველოს სპორტისა და ახალგაზრდობის საქმეთა სამინისტროს ბავშვთა და ახალგაზრდობის განვითარების ფონდის მხარდაჭერით, ახალი სოციალური კაფე-ბარი Hello Joe გაიხსნა. Hello Joe წარმოადგენს სოციალურ საწარმოს, რომლის მთავარი მიზანია ხელი შეუწყოს ახალგაზრდა მუსიკოსების დასაქმებას. სოციალური კაფე-ბარი ორიენტირებულია 18-დან - 30 წლამდე ასაკის მუსიკოსებზე და პლათფორმას, სადაც ახალგაზრდებს შესაძლებლობა ექნებათ, მათთვის სასურველ დროს, საათობრივად გამოიმუშაონ შემოსავალი. სრულად  წყარო: ორგანიზაციის გვერდი სოციალურ ქსელში

თბილისი. კერძო სკოლებში ბავშვის მიმართ ძალადობის ფაქტებზე არსებული რეაგირების მექანიზმის არაეფექტურობასთან დაკავშირებით, საქართველოს სახალხო დამცველმა საქართველოს განათლებისა და მეცნიერების მინისტრს რეკომენდაციით მიმართა. მიმართვაში საუბარია ერთ-ერთ კერძო სკოლაში მოსწავლის მიმართ პედაგოგისა და დირექტორის მხრიდან განხორციელებულ სავარაუდო ძალადობის ფაქტთან დაკავშირებით, რომელიც, სახალხო დამცველის განცხადებით, ავტორიზაციის საბჭოს სხდომაზე შესაბამისად არ განხილულა და არც მის გამო დაწესებული დისციპლინური პასუხისმგებლობის ზომები გამხდარა ცნობილი. „მნიშვნელოვანია, რომ ბავშვის საუკეთესო ინტერესებისა და მისი უფლებრივი მდგომარეობის დაცვის მიზნით, როგორც საჯარო, ასევე, კერძო სკოლებში არსებობდეს ბავშვის ძალადობის ნებისმიერი ფორმისგან დაცვის მაღალი სტანდარტი. შესაბამისად, აღნიშნული რეკომენდაციის თანახმად, აუცილებელია განისაზღვროს კერძო სკოლებში ბავშვის უფლებადარღვევის ფაქტებზე რეაგირების ეფექტური მექანიზმი, სადაც კონკრეტულად იქნება გაწერილი მონიტორინგის ორგანოს ფუნქციები და პროცედურები ბავშვის მიმართ ძალადობის საკითხების მოკვლევის პროცესში; ასევე, გაიწეროს კერძო სკოლის პედაგოგთა და არასრულწლოვანთა დისციპლინური წარმოების წესი და პროცედურები, რაც უზრუნველყოფს კერძო სკოლებში ბავშვის უფლებადარღვევის ფაქტებზე სახელმწიფოს მხრიდან ადეკვატურ, პროპორციულ და სათანადო რეაგირებას," - აცხადებს საქართველოს სახალხო დამცველი. სრულად  წყარო: ორგანიზაციის ვებგვერდი

თბილისი. საქართველოს ახალგაზრდების განვითარებისა და განათლების ასოციაციამ (GYDEA), გაეროს მოსახლეობის ფონდის (UNFPA) მხარდაჭერითა და ასოციაცია "ათინათის" ახალგაზრდულ ცენტრთან " PITA" პარტნიორობით, განახორციელა ტრენერთა ტრენინგი თემაზე "თანასწორთა განათლება." ტრენინგ-კურსი მიზნად ისახავს ტრენერების მომზადებას, რომლებიც შემდგომ შეძლებენ ადგილობრივ დონეზე საგანმანათლებლო მუშაობას, გენდერული თანასწორობის, სქესობრივ-რეპროდუქციული ჯანმრთელობისა და უფლებების შესახებ. ტრენინგის მონაწილეები იყვნენ ასოციაცია „ათინათის" ახალგაზრდული ცენტრის წევრები. სრულად  წყარო: ორგანიზაციის გვერდი სოციალურ ქსელში

აჭარა. 2017 წლის 15 აგვისტოს, საზოგადოებრივი განვითარების აკადემიამ და "ბათუმის ამერიკულმა კუთხემ სტუდენტებისთვის და სკოლის მოსწავლეებისთვის, დაიწყო პროექტი „ლიდერთა საზაფხულო სკოლა". პროექტს უძღვება ამერიკაში Saint Cloud-ის სახელმწიფო უნივერსიტეტის განათლების ადმინისტრირებისა და ლიდერობის დოქტორანტი, შორენა დოლაბერიძე. სკოლის ფარგლებში, მონაწილეები გაივლიან შემდეგ საკითხებს: ლიდერობა, ლიდერობის ტიპები, ლიდერების უნარჩვევები, ეფექტური კომუნიკაცია და სხვა მნიშვნელოვანი საკითხები. პროექტი ხორციელდება საქართველოში ამერიკის საელჩოს ფინანსური მხარდაჭერით. პროექტის ფარგლებში განხილული თემები და გამოთქმული მოსაზრებები, შესაძლოა, არ ემთხვეოდეს/წარმოადგენდეს ამერიკელი ხალხის და ამერიკის მთავრობის პოზიციას. სრულად  წყარო: ორგანიზაციის გვერდი სოციალურ ქსელში

გურია. ოზურგეთის დემოკრატიული ჩართულობის ცენტრის აქტივისტი ერეკლე სამსონია, ცენტრში თავისი საქმიანობის შესახებ, ბლოგს აქვეყნებს. „ოზურგეთის დემოკრატიული ჩართულობის ცენტრში სტაჟირების პროგრამაში ჩავერთე, ცნობისმოყვარეობით და სიახლეების შეცნობის სურვილით. შემდეგ კი, გადავწყვიტე, ჩემი საქმიანობა თემში მცხოვრები ახალგაზრდების საჭიროებებისკენ მიმემართა და პირველი სამუშაო შეხვედრა მათთან გავმართე, რათა სწორად განმესაზღვრა მათი საჭიროებები, მასტერკლასების დაგეგმვის მიზნით" - წერს ერეკლე. სრულად  წყარო: ორგანიზაციის გვერდი სოციალურ ქსელში

კახეთი. მანავის „მომავლის ბანაკის" პირველი ნაკადის მონაწილეებს სსიპ „ნატოსა და ევროკავშირის შესახებ საინფორმაციო ცენტრის" წარმომადგენელები შეხვდნენ და ახალგაზრდებს საინფორმაციო ცენტრის საქმიანობა, მიზნები და ამოცანები გააცნეს. შევხედრაზე საქართველოს ევროპულ და ევროატლანტიკური ინტეგრაციის პროცესის, ევროკავშირთან უვიზო მიმოსვლის, ევროპული ფასეულებებსა და ევროინტეგრაციის პროცესში ახალგაზრდების ჩართულობის მნიშვნელობის შესახებ იმსჯელეს. ლექციის შემდეგ გაიმართა ვიქტორინა, გამარჯვებულ ახალგაზრდებს სიმბოლური პრიზები გადაეცათ. სრულად წყარო: ორგანიზაციის გვერდი სოციალურ ქსელში

სამცხე-ჯავახეთი. „კეთილდღეობის და განვითარების ცენტრთან" არსებული გორის სამოქალაქო აქტივიზმის ცენტრის მოხალისეებმა, გაცვლითი პროგრამის ფარგლებში, ნინოწმინდაში მცხოვრებ თანატოლებს ორდღიანი ტრენინგ-სემინარი ჩაუტარეს. ტრენინგის თემა იყო "ეთნიკური უმცირესობების შესაძლებლობები და გამოწვევები დღეს საქართველოში". ღონისძიებას 20-მდე ახალგაზრდა დაესწრო. აქტივობის მიზანს ნინოწმინდაში მცხოვრების ახალგაზრდების სამოქალაქო ცნობიერების ამაღლება წარმოადგენდა. ტრენინგი ორგანიზებული იყო "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" [PITA] ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორი ორგანიზაცია შიდა ქართლში „კეთილდღეობისა და განვითარების ცენტრია". სრულად  წყარო: ორგანიზაციის გვერდი სოციალურ ქსელში

კახეთი. დღეს სიღნაღში სტარს აიღებს ფესტივალი „ახალგაზრდული დღეები". ღონისძიება მიზნად ისახავს სიღნაღის მუნიციპალიტეტის ახლგაზრდების სამოქალაქო აქტივიზმის უნარების განვითარების ხელშეწყობას, სპორტული და კულტურული ღონისძიებების დაგეგმვისა და ჩატარების გზით და მუნიციპალიტეტის ახალგაზრდების აქტიური ჩართვას ამ ღონისძიებებში. წლევანდელი ფესტივალის ფარგლებში, დაგეგმილია შემდეგი ღონისძიებები: • შეჯიბრება მაგიდის ჩოგბურთში; • შეჯიბრება ფეხბურთში; • ინტელაქტუალური შეჯიბრება-„წიგნის ჭია"; • დღის ბოლოს, ღია ცის ქვეშ ფილმის ჩვენება; • ჭადრაკის ტურნირი; • გასართობ, ინტელექტუალურ შეჯიბრება-„ცოდნა ნაყინია". ფესტივალის განმავლობაში, უწყვეტ რეჟიმში ჩატარდება, ასევე, სხვა გასართობი ღონისძიებები. სრულად  წყარო: ორგანიზაციის გვერდი სოციალურ ქსელში

აჭარა. ახალგაზრდობის საერთაშორისო დღესთან დაკავშირებით, ნატოსა და ევროკაშირის შესახებ საინფორმაციო ცენტრის აჭარის ბიუროს წარმომადგენელი ხელვაჩაურის ახალგაზრდობის ცენტრის პროექტის „ახალგაზრდები მშვიდობის მშენებლობაში" მონაწილეებს შეხვდა. შეხვედრაზე საქართველოს ევროპული და ევროატლანტიკური ინტეგრაციის პროცესი და მისი მნიშვნელობა განიხილეს. ასევე, ყურადღება გამახვილდა ახალგაზრდების როლზე მშვიდობის დამყარებისა და შენარჩუნების პროცესში. ღონისძიება შემეცნებით-საგანმანათლებლო ხასიათს ატარებდა და კინტრიშის დაცულ ტერიტორიასა და ბათუმის ბოტანიკურ ბაღში გაიმართა. შეხვედრა ნატოსა და ევროკავშირის შესახებ საინფორმაციო ცენტრისა და ხელვაჩაურის ახალგაზრდობის ცენტრის ორგანიზებით გაიმართა. სრულად წყარო: ორგანიზაციის გვერდი სოციალურ ქსელში

სამცხე-ჯავახეთი. ახალგაზრდობის საერთაშორისო დღესთან დაკავშირებით, ახალქალაქის ახალგაზრდულ ცენტრში, ნატოსა და ევროკავშირის შესახებ საინფორმაციო ცენტრთან თანამშრომლობით, ინტელექტუალური თამაში გაიმართა. თამაშში 3 გუნდი მონაწილეობდა. ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) ფინანსური მხარდაჭერით. ახალციხესა და ახალქალაქში პროგრამის პარტნიორი საზოგადოებრივი ორგანიზაცია „დემოკრატ მესხთა კავშირია". სრულად  წყარო: ორგანიზაციის გვერდი სოციალურ ქსელში

იმერეთი. ევროპის ფონდის ორგანიზებით, ახალგაზრდების ინტეგრაციის პროგრამის ფარგლებში, წყალტუბოში ჩატარდა ახალგაზრდული იდეის შემაჯამებელი შეხვედრა. 3 დღის განმავლობაში პროექტის მონაწილე 120-მდე ახალგაზრდას შესაძლებლობა მიეცა ერთად აღენიშნა საგრანტო ციკლის განხორციელებით მიღწეული შედეგები და გაეზიარებინა პროექტში აქტიური მონაწილეობით მიღებული გამოცდილება. ღონისძიების დახურვისას ახალგაზრდებს ევროპის ფონდის, USAID-ისა და SIDA-ს წარმომადგენლებმა სიტყვით მიმართეს, საგრანტო ციკლის წარმატებით დასრულება მიულოცეს და კიდევ უფრო მეტი აქტიურობისკენ მოუწოდეს. სრულად  წყარო: ორგანიზაციის გვერდი სოციალურ ქსელში

თბილისი. სოციალური მეწარმეობის ახალგაზრდული ფესტივალი-ს ფარგლებში, სტუდენტებისათვის იმართება ტრენინგები, სოციალური მეწარმეობის, ღონისძიებების მართვისა და ორგანიზების საკითხებთან დაკავშირებით. პროექტი დაფინანსებულია სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის ფონდის მიერ. ფესტივალის პარტნიორია საქართველოს სტრატეგიული კვლევებისა და განვითარების ცენტრი. სრულად  წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) აქვეყნებს ბლოგპოსტს: ვისაუბროთ ბავშვების სავალდებულო ვაქცინაციაზე. „გაეროს ბავშვთა ფონდის მონაცემებით, ვაქცინაცია ბავშვებს არა მხოლოდ დაავადებებისგან, არამედ სიკვდილიანობისგანაც იცავს. ყოველ 20 წამში მსოფლიოში კვდება ბავშვი, რომლის გადარჩენაც ვაქცინაციით შეიძლებოდა. ყოველწლიურად, იმუნიზაციის შედეგად გადარჩება სამი მილიონი ბავშვის სიცოცხლე. ამ ბლოგით ვეცდები, გასაგები ენით მოგაწოდოთ ინფორმაცია ზემოთ დასმულ კითხვებზე, რომელიც სავალდებულო ვაქცინაციის შესახებ თქვენი დასაბუთებული პოზიციის ჩამოყალიბებაში დაგეხმარებათ. დასაბუთებული პოზიცია კი, დაგვეხმარება საზოგადოებაში კვალიფიციურ და ჯანსაღ დისკუსიაში, დისკუსია, თავის მხრივ, დაეხმარება ხელისუფლებას სწორი გადაწყვეტილებების მიღებაში", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. პარტნიორობა ადამიანის უფლებებისთვის გავრცელებული ინფორმაციის თანახმად, ჯანდაცვის სამინისტროს სსიპ სოციალური მომსახურების სააგენტოს ვებ-გვერდი დისკრიმინაციულ ტერმინოლოგიას იყენებს. „ბავშვების დაყოფა ჯანმრთელ და შეზღუდული შესაძლებლობის მქონე პირებად, ამყარებს საზოგადოებაში გავრცელებულ სტერეოტიპებს, ქმნის ვარაუდს, რომ შეზღუდული შესაძლებლობა არა მდგომარეობა, არამედ დაავადებაა, ხოლო შშმ პირები კი "დაავადებულები”. აღნიშნული ჩანაწერი ხელს უწყობს დისკრიმინაციას, საზოგადოებაში დისკრიმინაციული სტერეოტიპების გამყარებას და კვლავწარმოებას", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

ქვემო ქართლი. ასოციაცია „ათინათის" ბაზაზე მოქმედი ზუგდიდის ახალგაზრდული ცენტრის წევრები, PITA-ს რეგიონთაშორისი გაცვლითი პროგრამის ფარგლებში, დმანისის ახალაგზრდულ ცენტრში იმყოფებოდნენ. „მათ დმანისელ თანატოლებთან ერთად იმუშავეს ისეთ თემებზე, როგორიცაა სამოქალაქო საზოგადოების განვითარება, აქტიური მოქალაქეობა და მოხალისეობა; ერთობლივად დაგეგმეს და განხორციელეს სათემო და კულტურული ღონისძიებები. PITA-ს გაცვლითი პროგრამის მიზანია ხელი შეუწყოს მრავალფეროვნების წარმოჩენას, ტოლერანტობის დამკვიდრებას, მოხალისეობის წახალისებას და სხვადასხვა რეგიონის ახალგაზრდებს შორის მეგობრული ურთიერთობების ჩამოყალიბებას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

იმერეთი. ქუთაისის ახალგაზრდული ცენტრის წევრებისთვის ორგანიზებული იქნა ტრენინგი თემაზე „ახალგაზრდული ცხოვრების მართვა". შეხვედრის მიზანი იყო ახალგაზრდების, როგორც პროფესიული, ასევე პიროვნული ღირებულებების ჩამოყალიბება, ჯანსაღი ახალგაზრდული გარემოს შექმნა. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. ნატოსა და ევროკავშირის შესახებ საინფორმაციო ცენტრის დირექტორის მოადგილემ ატენის ხეობაში, საქართველოს წითელი ჯვრის საზოგადოების ბანაკში საინფორმაციო შეხვედრა გამართა. შეხვედრას გორის რაიონის იძულებით გადაადგილებულ პირთა ჩასახლებებიდან და კოლექტიური ცენტრებიდან 35 ახალგაზრდა დაესწრო. „გიორგი ფარეშიშვილმა ნატოს, ევროკავშირისა და საქართველოს ურთიერთობებზე, ევროინტეგრაციის პროცესის მნიშვნელობაზე ქვეყნის განვითარებაში, ვიზალიბერალიზაციის საკითხებსა და იმ სარგებლსა და გახსნილ ახალ შესაძლებლობებზე ისაუბრა, რაც ევროინტეგრაციას ქვეყნისთვის მოაქვს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

ქვემო ქართლი. მარნეულის ახალგაზრდული ცენტრის წევრები ოქსანა მამედოვა და ლაიდა იმანოვა მარნეულის სოფლებში ტრენინგებს ატარებენ თემაზე - „საქართველო და ევროკავშირი". „საქართველო და ევროკავშირის შესახებ ტრენინგების ციკლი (ჯამში 140 ტრენინგი) 13 ქალაქის 70 სოფელში ტარდება PITA-ას ახალგაზრდული ცენტრის წევრების მიერ. აღნიშნული ინიციატივის მიზანია ევროკავშირის, დასავლური ღირებულებების და საქართველოს ევროპული არჩევანის შესახებ საზოგადოებრივი ცნობიერების ამაღლება", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში