სამეგრელო. 22 ივნისს, ტოლერანტობისა და ინკლუზიის კვირეულის ფარგლებში, ზუგდიდის ახალგაზრდული ცენტრის (PITA) ინიციატივითა და რადიო ათინათის მხარდაჭერით შედგა რადიო ჩართვა რადიო ათინათის დილის ეთერში. მასში მონაწილეობა მიიღეს ცენტრის წევრებმა: ანანო გვილიამ, ალექსანდრე გაბესკირიამ, მარიამ სალიამ, ანი ცირდავამ. „ახალგაზრდებმა ისაუბრეს ზოგადად, ცენტრსა და კვირეულის ფარგლებში უკვე განხორციელებული და დღეს დაგეგმილი აქტივობების შესახებ. რადიო ჩართვის მიზანია საზოგადოების ინფორმირება ტოლერანტობისა და ინკლუზიის კვირეულის ფარგლებში დაგეგმილი აქციის შესახებ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 22 ივნისს გაიმართა ტრენინგი - "CSR ანგარიშგება და CSR აქტივობების კომუნიკაცია“. ტრენინგს უძღვებოდა საერთაშორისო ტრენერი ელენ კოენი, რომელსაც ბიზნესისა და მდგრადი განვითარების კონსულტაციის მხრივ 30 წლიანი გამოცდილება აქვს, მათ შორის 8 წელი იყო ევროპის Procter and Gamble-ს მოწოდების ჯაჭვის აღმასრულებელი მენეჯერი. ტრენინგს დაესწრნენ საქართველოში მოქმედი ბიზნეს კომპანიების წარმომადგენელი. ტრენინგი გაიმართა, პროექტის „სამოქალაქო საზოგადოების განვითარების ინიციატივის" ფარგლებში, რომელსაც ახორციელებს კონსორციუმი კონრად ადენაუერის ფონდის ხელმძღვანელობით. პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

აჭარა. 20 ივნისს, ბათუმის ახალგაზრდული ცენტრის და ამერიკული კუთხის ორგანიზებით გაიმართა ინკლუზიური განათლების ცენტრის აღსაზრდელების ნამუშევრების გამოფენა.  აქტივობის მიზანია ხელი შეუწყოს ცენტრის აღსაზრდელების საქმიანობას და გააცნოს საზოგადოებას მათი ნამუშევრები. სრულად... წყარო: ორგანიზაციის ვებგვერდი სოციალურ ქსელში

ქვემო ქართლი. ევროკავშირის მხარდაჭერით სოფლის განვითარების საგრანტო კონკურსის მონაწილეთათვის დედოფლისწყაროს მუნიციპალიტეტში ტრენინგი ჩატარდა. 36 საგრანტო კონკურსის მონაწილემ აიმაღლა უნარები და კვალიფიკაცია, ინფორმაციის შეგროვებისა და ანალიზის მეთოდების, აგრეთვე განხორციელბული ანალიზის მართებულად ფორმულირებისა და პრეზენტაციის ტექნიკების მიმართულებით. ტრენინგის ძირითადი მიზანი იყო ბიზნეს გეგმისა და საგრანტო წინადადების შედგენის სპეციფიკის საკითხებში პრაქტიკული უნარების განვითრება, ევროკავშირის მიერ დაფინანსებული სოფლის განვითარების პროექტის ბენეფიციარებისთვის. ტრენიგნი შემუშავებული იყო საგრანტო კონკურსის იმ მომაწილეთა საჭიროებებზე დაყრდნობით, რომლებმაც წარმატებით გაიარეს საგრანტო კონკურსის მეორე ეტაპი და გადავიდნენ მესამე, პროექტების ტექნიკური შეფასების ფაზაში. სრულად  წყარო: http://enpard.ge

თბილისი. სახალხო დამცველის აპარატში სახალხო დამცველთან არსებული შეზღუდული შესაძლებლობის მქონე პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის საკონსულტაციო საბჭოს მე-15 შეხვედრა გაიმართა. შეხვედრაზე შშმ პირთა უფლებების დაცვისა და მონიტორინგის მიზნით განხორციელებული და დაგეგმილი ღონისძიებები განიხილეს და აქტუალური საკითხების შესახებ ისაუბრეს. განსაკუთრებული ყურადღება დაეთმო ფსიქიკური ჯანმრთელობის თემას, ინკლუზიური განათლების სფეროს გამოწვევებს, ადგილობრივ დონეზე შშმ პირთა საჭიროებების გათვალისწინების მნიშვნელობას. სრულად  წყარო: სახალხო დამცველის ვებგვერდი

იმერეთი. 13 ივნისს, ქუთაისის ახალგაზრდული ცენტრის წევრებისთვის ჩატარდა ტრენინგი თემაზე: „რელიგია და ტოლერანტობა", რომლის მიზანიც იყო ახალგაზრდების ცნობიერების ამაღლება ტოლერანტობის, ჰუმანიზმის, სეკულარული ეთიკის, რელიგიებში ტოლერანტობის პრინციპების შესახებ.  შეხვედრას ფილოსოფიისა და სოციალურ დისციპლინათა პედაგოგი გიორგი ფანცულაია უძღვებოდა. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის და ინოვაციებისა და ტექნოლოგიების ლაბორატორია GeoLab – ჯეოლაბის ორგანიზებით, ვებ-გვერდის მართვის მასტერკლასი ჩატარდა. მასტერკლასს ესწრებოდნენ იმ სამოქალაქო ორგანიზაციებისა და სოციალური საწარმოს წარმომადგენლები, ვისი ვებ-გვერდებიც "პრო ბონო მარათონი 2018"-ის ფარგლებში შეიქმნა. პრო ბონო მასტერკლასი ჩატარდა პროექტის „სამოქალაქო საზოგადოების განვითარების ინიციატივა" ფარგლებში, რომელსაც ახორციელებს კონსორციუმი კონრად ადენაუერის ფონდის ხელმძღვანელობით. პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

თბილისი. შეზღუდული შესაძლებლობის მქონე პირთა უფლებების დაცვის დღესთან დაკავშირებით, საქართველოს სახალხო დამცველი განცხადებას ავრცელებს. „სახალხო დამცველი ყოველწლიურად საუბრობს ამ პირთა უფლებრივ მდგომარეობასთან დაკავშირებულ საკითხებზე, რომლებიც წლების მანძილზე გამოწვევად რჩება საქართველოში", - ვკითხულობთ განცხადებაში, - „პრობლემებს შორის არის შშმ პირთა ჯანმრთელობისა და სოციალური დაცვის უფლება, ბავშვთა და ზრდასრულ პირთათვის რეაბილიტაცია/აბილიტაციის მომსახურების სათანადო უზრუნველყოფა, შშმ ქალების/გოგონების რეპროდუქციული და სექსუალური ჯანმრთელობის უფლებების რეალიზება. მნიშვნელოვანი გამოწვევაა ფიზიკური გარემოს მისაწვდომობა. ქვეყნის მასშტაბით შშმ პირთა მიერ საზოგადოებრივი დანიშნულების ობიექტებით, სასწავლო დაწესებულებებით, მუნიციპალური ტრანსპორტით თუ საგზაო ინფრასტრუქტურით სარგებლობა". სრულად  წყარო: სახალხო დამცველის ვებგვერდი

ქვემო ქართლი. PHR-ის იურისტებმა რუსთავის მუნიციპალიტეტის მერიაში, ქმედუნარიანობის რეფორმასთან დაკავშირებით, საინფორმაციო შეხვედრა გამართეს. შეხვედრას შეზღუდული შესაძლებლობის მქონე პირების მშობლები, ადგილობრივი თვითმმართველობის ორგანოების, სოციალური მომსახურების სააგენტოსა და საზოგადოებრივი ორგანიზაციების წარმომადგენლები ესწრებოდნენ. შეხვედრის მიზანს გადაწყვეტილების მხარდაჭერის მოდელის შესახებ ცნობიერების ამაღლება წარმოადგენდა. იურისტებმა შეხვედრაზე ქმედუნარიანობის რეფორმის ძირითადი არსი მიმოიხილეს, ყურადღება გაამახვილეს მხარდამჭერის უფლება-მოვალეობებზე, ისაუბრეს მიმდინარე რეფორმის განხორციელების პროცესში არსებულ ხარვეზებსა და მათი აღმოფხვრის გზებზე. ამ საკითხების ირგვლივ გაიმართა დისკუსიაც. სრულად  წყარო: ორგანიზაციის ვებგვერდი

სამეგრელო. 12 ივნისს, ზუგდიდის ტექნოპარკში გაიმართა სამოქალაქო განათლების პროგრამა „მომავლის თაობის" შემაჯამებელი ღონისძიება. „პარტნიორ სკოლებში ჩამოყალიბებულმა სამოქალაქო განათლების კლუბების მოსწავლეებმა წარმოადგინეს მათ მიერ წარმატებულად განხორცილებული პროექტები. ღონისძიებაზე სიმბოლური პრიზებით დაჯილდოვდნენ ვიდეო კონკურსში მონაწილე მოსწავლეები", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდო სოციალურ ქსელში

კახეთი. ორგანიზაციამ „პარტნიორობა ადამიანის უფლებებისთვის" (PHR) თელავში, საკრებულოს თანამშრომლებისთვის „მაკ ჯორჯია”-ს ორგანიზებით ტრენინგი – „ადგილობრივი თვითმმართველობის როლი შეზღუდული შესაძლებლობის მქონე პირთა უფლებების დაცვის პროცესში" ჩაატარა. ტრენერმა, ანა არგანაშვილმა მონაწილეებს შეზღუდული შესაძლებლობის მქონე პირთა კონვენცია გააცნო, ისაუბრა შეზღუდული შესაძლებლობის ნიშნით დისკრიმინაციასა და ამ მიმართულებით არსებულ სასამართლო პრაქტიკაზე.  სრულად... წყარო: phrgeorgia.wordpress.com

10 ივნისს, საქართველოს ახალგაზრდა იურისტთა ასოციაციის (საიას) იურიდიული განათლების ხელშეწყობის ფონდის ორგანიზებით, გაიმართა საპარლამენტო დებატების ეროვნული ტურნირი. „დებატების ტურნირის გამარჯვებული გახდა ბათუმის გუნდი შემდეგი შემადგენლობით: მარიამ ბალაძე და თამარ ვარშალომიძე. დებატების მონაწილეებსა და გამარჯვებულებს იურიდიული განათლების ხელშეწყობის ფონდის პრეზიდენტმა, თამარ მეტრეველმა მადლობა გადაუხადა საინტერესო თამაშისათვის და სერთიფიკატებთან ერთად გადასცა იურიდიული ლიტერატურა”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „მითების დეტექტორი" საბჭოთა სოციალისტური რესპუბლიკების კავშირში აკრძალული წიგნების ათეულს აქვეყნებს: „ექიმი ჟივაგო", „ოსტატი და მარგარიტა", „ცხოველების ფერმა", „ჩვენ", „რობიზონ კრუზო", „დაფარული მთვარის მოთხრობა", „ცხოვრება და ბედი", „ლოლიტა", „არქიპელაგი გულაგი", „რუსეთი ჩრდილებში". წყარო: mythdetector.ge  

სამცხე-ჯავახეთი. ახალქალაქის ახალგაზრდულ ცენტრში შეხვედრა გაიმართა NATO-სა და ევროკავშირის საინფორმაციო ცენტრის წარმომადგენელთან. შეხვედრის თემა იყო „ევროკავშირი და NATO, ვიზალიბერიზაცია, ნორმები და კანონები". სრულად...  წყარო: ორგანიზაციის ვებგვერდი სოციალურ ქსელში

სამცხე-ჯავახეთი. ახალქალაქის ახალგაზრდულ ცენტრში შეხვედრა გაიმართა ნინოწმინდა-ახალქალაქის რაიონულ პროკურორებთან თემაზე „ძალადობა და კანონმდებლობა". სრულად... წყარო: ორგანიზაციის ვებგვერდი სოციალურ ქსელში

თბილისი. 1 ივნისს, საქართველოში დაიწყო საკომუნიკაციო კამპანია, რომელიც მიზნად ისახავს ბავშვთა მიმართ ძალადობის საკითხებთან დაკავშირებული სოციალური ნორმების ცვლილებას.  „ინიციატივა, რომელსაც გაეროს ბავშვთა ფონდი ევროკავშირის მხარდაჭერით ახორციელებს წლის ბოლომდე გაგრძელდება და ხელს შეუწყობს საზოგადოებაში ერთიანი ხედვის ჩამოყალიბებას, თუ რა არის ბავშვთა მიმართ ძალადობა და შეთანხმებას, რომ ძალადობა მიუღებელია. კამპანია ეფუძნება კვლევას, რომლის ფარგლებშიც  შესწავლილ იქნა  ძალადობის განმსაზღვრელი სოციალური ნორმები და რომელმაც დაადასტურა, რომ ბავშვის აღზრდისას ძალადობრივი მეთოდების გამოყენება სოციალური ნორმაა.  ოჯახებში/სკოლაში ჯერ კიდევ ხშირია ბავშვის დასჯა”, ნათქვამია ორგანიზაციის ვებგვერდზე. სრულად... წყარო: unicef.ge

სამცხე-ჯავახეთი. 5-6 ივნისს, ტრენინგში „ლიდერული უნარ–ჩვევები, საჯარო გამოსვლები, ადვოკატირება და ქსელური მუშაობა" მონაწილოება მიიღეს სამცხე-ჯავახეთის რეგიონის მუნიციპალიტეტების მერიისა და საკრებულოს გენდერული თანასწორობის საბჭოს წევრებმა და ამ საკითხებზე პასუხისმგებელმა პირებმა.  ტრენინგი გაიმართა GIZ-ის ორგანიზებით ქალთა საინფორმაციო ცენტრთან თანამშრომლობით პროექტის „კახეთიდან და სამცხე–ჯავახეთიდან ქალი პოლიტიკოსებისა და გენდერზე პასუხისმგებელი პირების ქსელი პროფესიული და ლიდერული უნარ–ჩვევების გაძლიერებისათვის". სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სახალხო დამცველმა, სპეციალური პრევენციული ჯგუფის წევრებთან ერთად, თბილისის N202 საჯარო სკოლის (უსინათლო ბავშვთა სკოლა-პანსიონი) მონიტორინგი განახორციელა. სახალხო დამცველი შეხვდა და გაესაუბრა სკოლის მოსწავლეებს, მასწავლებლებსა და სხვა პერსონალს, დაათვალიერა სკოლის ფიზიკური გარემო. როგორც სახალხო დამცველის აპარატის მიერ გავრცელებულ ინფორმაციაში ვკითხულობთ, ვიზიტის შედეგად, გამოიკვეთა მრავალი დარღვევა, რომელიც აბრკოლებს შეზღუდული შესაძლებლობის მქონე მოსწავლეთა განათლების უფლების ეფექტიანად რეალიზებას. სრულად  წყარო: სახალხო დამცველის ვებგვერდი

კახეთი. 2-3 ივნისს ყვარელში, იუსტიციის უმაღლესი სკოლის ორგანიზებით, გაიმართა ტრენინგი სამეწარმეო სამართალში, რომელსაც ესწრებოდნენ პირველი და მეორე ინსტანციის მოსამართლეები. ტრენინგი წარმოადგენდა სამეტაპიანი სასწავლო მოდულის ბოლო ეტაპს, რომელიც უცხოელი და ქართველი იურისტების მიერ სპეციალურად ქართველი მოსამართლეებისთვის შემუშავდა. „შეხვედრაზე განიხილეს სამეწარმეო საზოგადოების დირექტორის ვალდებულებები, პირდაპირი და დერივაციული სარჩელები, პარტნიორების გამჭოლი პასუხისმგებლობა და ა. შ. გარდა მოქმედი კანონით გათვალისწინებული რეგულირებების განხილვისა, მსჯელობა გაიმართა ამერიკული და ევროპული საუკეთესო გამოცდილების გათვალისწინებით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდზე სოციალურ ქსელში

იმერეთი. მედიის განვითარების ფონდის (MDF) მიერ ქუთაისის ახალგაზრდული ცენტრის წევრებისთვის ჩაატარა მედია წიგნიერების ტრენინგ-სემინარი, რომლის მიზანს წარმოადგენდა ახალგაზრდების ცნობიერების ამაღლება სოციალური მედიის და ყალბი ინფორმაციის გავრცელების თავიდან აცილების საკითხებზე.  ტრენინგზე განხილეს შემდეგი საკითხები: სოციალური მედია და ყალბი ინფორმაციის გავრცელების გამოწვევები; როგორ გადავამოწმოთ ვებ-გვერდები, წყაროები, პიროვნებები, ტროლები; როგორ გადავამოწმოთ ყალბი ფოტოები. სრულად... წყარო: ორგანიზაციის ვებგვერდი სოციალურ ქსელში

სამეგრელო. 30-31 მაისს ტექნოპარკში, ზუგდიდის ახალგაზრდული ცენტრის წევრებმა გაიარეს 2 დღიანი მოსამზადებელი ტრენინ-კურსი Adobe Photoshop-ის გამოყენების შესასწავლად. „მონაწილეებს ტრენერმა, გიორგი ბახბავამ გააცნო აღნიშნულ პროგრამაში მუშაობის ტექნიკა და შეასწავლა ბანერების, სერტიფიკატების, საინფორმაციო ბუკლეტების და სხვა კომერციული მასალების დამზადება. კურსის ბოლოს ახალგაზრდებმა თავად დაამზადეს პოსტერები ტოლერანტობის და სამოქალაქო აქტივიზმის თემატიკაზე. თითოეულ მონაწილეს გადაეცა ტრენინგ-კურსის გავლის დამადასტურებელი სერტიფიკატი, ხოლო გამარჯვებული ნამუშევრების ავტორები დაჯილდოვდნენ წინასწარ შერჩეული პრიზებით", ნათქვამია ორგანიზაციის ვებგვერდზე სოციალურ ქსელში. სრულად...  წყარო: ორგანიზაციის ვებგვერდი სოციალურ ქსელში

იმერეთი. 25 მაისს, ბაღდათის მუნიციპალიტეტში ორგანიზაციის „პარტნიორობა ადამიანის უფლებებისთვის" იურისტმა, ანა თავხელიძემ ადგილობრივი სკოლების მასწავლებლებთან ტრენინგი თემაზე – „მასწავლებლის როლი ძალადობაგამოვლილი ბავშვისა და მშობლის მხარდაჭერის პროცესში" ჩაატარა. ტრენინგს ასევე ესწრებოდნენ ადგილობრივი სოციალური მუშაკი და მედიის წარმომადგენლები. „მასწავლებლებთან შეხვედრა დისკუსიის რეჟიმში მიმდინარეობდა. მათ მიერ დასმული კითხვები შეეხებოდა ძალადობის ფორმებსა და საზოგადოებაში არსებულ სტერეოტიპულ დამოკიდებულებებს, რაც მასწავლებლების თქმით, განსაკუთრებულ ხელისშემშლელ ფაქტორს წარმოადგენს ძალადობაგამოვლილი ქალების მხარდაჭერის პროცესში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში