თბილისი. „მწვანე ალტერნატივა საკანონმდებლო წინადადებით მიმართავს პარლამენტის თავმჯდომარეს. „მოგმართავთ თხოვნით, განახორციელოთ კანონმდებლობაში შესაბამისი ცვლილებების ინიცირება, იმ მიზნით, რომ დარეგულირდეს დედაქალაქის ტერიტორიაზე ხეების ჭრასა და შესაბამისად, ეკოლოგიასთან დაკავშირებული რიგი საკითხები. ... მიგვაჩნია, რომ უნდა გამკაცრდეს და საჯარო გახდეს ხეების მოჭრაზე ნებართვის გაცემის პროცედურა, ასევე, ხეების მდგომარეობის შეფასების პროცესი. გადაუდებელ შემთხვევაში ხეების მოჭრის აუცილებლობისას, დეტალურად უნდა დასაბუთდეს გადაუდებელი აუცილებლობა და მოხდეს დანაკარგის სრული კომპენსაცია (მათ შორის, ფულადი, სანაცვლო ხეების დარგვა-მოვლის და სხვა სახით). ხეების მოჭრაზე გადაწყვეტილების მიღების პროცესი უნდა წარიმართოს საჯარო ადმინისტრაციული წარმოების წესით", ნათქვამია ორგანიზაციის მიმართვაში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ნარკოპოლიტიკის ეროვნული პლატფორმა მიესალმება საკოორდინაციო საბჭოს მუშაობის განახლებას და გამოთქვამს იმედს, რომ საბჭო შეიტანს დადებით წვლილს ნარკოპოლიტიკის რეფორმის პროცესში. „პლატფორმა თვლის, რომ აუცილებელია ფუნდამენტური საკანონმდებლო და ინსტიტუციური ცვლილებები, რათა სახელმწიფო რესურსები მიიმართოს პრევენციის, ზრუნვის და დახმარების პროგრამებზე და შეწყდეს სამართალდამცავთა მიერ მომხმარებლის დევნა", ნათქვამია ერთობლივ განცხადებაში. სრულად... წყარო: emc.org.ge

გურია. „სამოქალაქო საზოგადოების ინსტიტუტის" ბათუმის ფილიალმა 16, 17 და 18 დეკემბერს ოზურგეთში პროექტის „რას მოუტანს ასოცირების ხელშეკრულება ქართველ მომხმარებელს" ფარგლებში 3 დღიანი ტრენინგი ჩაატარა. ტრენინგში მონაწილეობდნენ გურიასა და აჭარაში მცხოვრები მოხალისეები. ტრენინგის თემატიკას წარმოადგენდა შემდეგი საკითხები: •    სურსათის უვნებლობა და ეტიკეტირება; •    მომხმარებელთა უფლებების დაცვა საქართველოსა და ევროკავშირში; •    მოხალისეობრივი საქმიანობა ტრენერებმა მონაწილეებს ასევე კომუნიკაციის, ფასილიტაციისა და პრეზენტაციის ტექნიკები გააცნეს. პროექტის სამოქმედო გეგმის მიხედვით აღნიშნული ტრენინგის მონაწილეები უახლოეს მომავალში მიღებულ ცოდნასა და გამოცდილებას გაუზიარებენ თავიანთ რეგიონში მცხოვრებ ახალგაზრდებსა და სხვა დაინტერესებულ პირებს. პროექტი დაფინანსებულია „საქართველოს სტრატეგიული კვლევებისა და განვითარების ცენტრის" მიერ.

თბილისი. 8 დეკემბერს, „საერთაშორისო გამჭვირვალობა - საქართველომ’’ ფარმაცევტული ბაზრის შესახებ კვლევა გამოაქვეყნა. „ანგარიშში მოცემულია ამ დარგში არსებული ძირითადი ტენდენციები, პრობლემები და მათ გადასაჭრელად საჭირო რეკომენდაციები. კვლევის საანგარიშო პერიოდი ძირითადად 2012-2016 წლებს მოიცავს, თუმცა ზოგიერთ უფრო ადრინდელ საკითხსაც მოიცავს", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ომბუდსმენმა სურსათის ეროვნულ სააგენტოსა და საქართველოს განათლებისა და მეცნიერების სამინისტროდან 2015–2016 წლებში საჯარო სკოლებში წყლის ხარისხიანობის საკითხის შესწავლის მიზნით ჩატარებული შემოწმების შედეგები მოითხოვა. „სურსათის ეროვნული სააგენტოდან მიღებული პასუხის მიხედვით, 2015–2016 წლებში სააგენტომ საჯარო სკოლებიდან აღებული სასმელი წყლის 129 სინჯი გამოიკვლია და 45 სინჯი არ შეესაბამებოდა საქართველოს მთავრობის 2014 წლის 15 იანვრის N58 დადგენილებით დამტკიცებულ „სასმელი წყლის ტექნიკური რეგლამენტის" მოთხოვნებს, რაც სასმელი წყლის ეპიდემიოლოგიურ არაკეთილსაიმედოობაზე მიუთითებს და წყლის არაეფექტური გაუსნებოვნებით არის გამოწვეული", ნათქვამია სახალხო დამცველის ვებ-გვერდზე. უჩა ნანუაშვილი ამ პრობლემის საკანონმდებლო და აღმასრულებელ დონეზე გადაუდებელ მოწესრიგებას ითხოვს. სრულად... წყარო: www.ombudsman.ge

თბილისი. თბილისში პირველი ბავშვთა ჰოსპისი აშენდა. ჰოსპისი ეს არის სახლი, სადაც ქრონიკული სენით დაავადებული ბავშვები თავის დარჩენილ სიცოცხლეს გაატარებენ და სადაც მოხდება ბავშვების ტკივილის მართვა, სულიერ და ფიზიკურ მხარეზე ზრუნვა და ოჯახის წევრების მხარდაჭერა. ბავშვთა სახლის კეთილმოსაწყობად, კონკურსი „ჰოსპისის მეგობრარი" ტარდება. დახმარება ნებისმიერ დაინტერესებულ ინდივიდს თუ ორგანიზაციას შეუძლია. „ჰოსპისის მეგობრის” სტატუსის მიღება შესაძლებელია შემდეგნაირად: წინა თვის გამარჯვებული, FB- ის მეშვეობით იწვევს 3 მეგობარს და მოუწოდებს დაეხმაროს ბავშვთა ჰოსპისს თანხის მოზიდვაში. სამი კონკურსანტი 1 თვის განმავლობაში (საკუთარი ტაქტიკით და მეთოდით) ცდილობს თანხის მოზიდვას 1 ლარიდან უსასრულობამდე. თვის ბოლო რიცხვში გამარჯვებული ხდება ის, ვინც მეტ თანხას მოიზიდავს. ...ამ თვეში გვინდა, რომ კონკურსში მონაწილეობა ნებაყოფლობითი იყოს და თანხა შეგროვდეს „სამყაროს გამოცდილების ოთახისთვის", რომელიც ძალიან გვჭირდება. გვინდა თავად გადაწყვიტოთ ვინ მიიღებთ მონაწილეობას ამ თვის კონკურსში და ვინ დაეხმარებით ჰოსპისს საჭირო თანხის მობილიზებაში. გვჭირდება 3 ადამიანი", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

29 ნოემბერს, საქართველოს სოციალურ მუშაკთა ასოციაციაში შედგა სოციალური მომსახურების სააგენტოსა და ფსიქიკური ჯანმრთელობის სფეროში მომუშავე პრაქტიკოსი სოციალური მუშაკების შეხვედრა. „შეხვედრის მიზანი იყო ბენეფიციართა კეთილდღეობის ინტერესებიდან გამომდინარე სფეროში მომუშავე პრაქტიკოსებისა და სოციალური მომსახურების სააგენტოს სოციალურ მუშაკებისათვის პროდუქტული დიალოგის ხელშეწყობა იმ პრაქტიკულ საკითხებზე, რასაც ორივე მხარე აწყდება მუშაობისას, და არსებული ხარვეზების დაძლევის გზების ძიება. შეხვედრაში მონაწილეობა მიიღო 12 ადამიანმა. ფსიქიკური ჯანდაცვის სოციალურმა მუშაკებმა დეტალურად გააცნეს სააგენტოს სოციალურ მუშაკებს მათი მომსახურებები და გაუზიარეს ბენეფიციართა კეთილდღეობასთან დაკავშირებული გამოწვევები," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

გურია. 22 ნოემბერს, ბავშვთა დაცვის საყოველთაო დღესთან დაკავშირებით, გურიის რეგიონში მცხოვრებ ექვს წლამდე ასაკის ბავშვებს სმენის სკრინინგი ჩაუტარდათ. აქცია ევროკავშირის მიერ დაფინანსებული პროექტის - „სმენადაქვეითებულ ბავშვთა ჯანმრთელობის უფლების ხელშეწყობა" - ფარგლებში მოეწყო. სრულად... წყარო: ორგანიზაციის ვებ-გვერდი სოციალურ ქსელში

თბილისი. პარტნიორობა ადამიანის უფლებებისთვის აქვეყნებს ინფოგრაფიკას, სადაც ასახულია მარტყოფის პანსიონატიდან ფსიქიატრიულ დაწესებულებაში შშმ პირთა გადაყვანის გაზრდილ მაჩვენებელს და მიზეზებს. სრულად... წყარო: phrgeorgia.wordpress.com

სამეგრელო. 5 და 6 ნოემბერს, სენაკის სათემო განათლების ცენტრში ჩატარდა ტრენინგი თემაზე „უსინათლო და მცირემხედველი მონაწილეეების ჩართულობის ხელშეწყობა ზრდასრულთა და არაფორმალური განათლების აქტივობებში”. შეხვედრას ესწრებოდნენ აფხაზეთიდან იძულებით გადაადგილებულ პირთა დასახლებაში მცხოვრები ზრდასრულთა და არაფორმალური განათლების ლიდერები. ამავე პროექტის ფარგლებში მომზადდა გზამკვლევი „უსინათლო და მცირემხედველი პირების ინკლუზიის ხელშეწყობა არაფორმალური განათლების აქტივობებში”. გზამკვლევი ვრცელდება უფასოდ, ელექტრონული ფორმით,” ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. კაფეში „კივი" ქალთა ფონდის ორგანიზებით პარტიზანი მებაღეობის მხარდასაჭერი საღამო გაიმართა. შეხვედრამ კიდევ ერთხელ გაუსვა ხაზი ფემინისტური და მწვანე მოძრაობების ურთიერთთანამშრომლობის მნიშვნელობას. ღონისძიებაზე აღინიშნა ვეგანობის როლი გარესამყაროს დაბინძურების წინააღმდეგ, აქტივიზმი და მოქალაქეობრივ პასუხისმგებლობა. საღამოს სტუმრებმა მოუსმინეს, ასევე გასინჯეს „კივის"ვეგანური საკვები. შემოწირულობებისა და მაისურების/წიგნების გაყიდვით შემოსული თანხა მთლიანად გადაეცათ პარტიზან მებაღეებს ახალი ნერგების შესაძენად. სრულად... წყარო: ორგანიზაციის ვებ-გვერდი სოციალურ ქსელში

თბილისი. 18-19 ოქტომბერს, პროექტის „სმენადაქვეითებულ ბავშვთა ჯანმრთელობის უფლების ხელშეწყობა" ფარგლებში გაიმართა მრგვალი მაგიდის შეხვედრა და საერთაშორისო კონფერენცია. „შეხვედრა კითხვა-პასუხის რეჟიმში წარიმართა. მოწვეულმა ექსპერტებმა წარადგინეს პრეზენტაციები და გაგვიზიარეს საკუთარი ქვეყნის გამოცდილება. საერთაშორისო კონფერენციაზე პროექტის ფარგლებში ჩატარებული კვლევის პრეზენტაცია გაიმართა, რომელიც სმენადაქვეითებულ ბავშვთა საჭიროებების კვლევას გულისხმობდა. შეხვედრის ფარგლებში მოხდა სმენადაქვეითებულ ბავშვთა ჯანდაცვის, სოციალური და საგანმანათლელბლო საკითხების განხილვა, პროგრამის ეფექტურობის გაზრდის მიზნით შემუშავდა რეკომენდაციები”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ფსიქიკური ჯანმრთელობის საერთაშორისო დღეს ეხმაურება. ორგანიზაცია კიდევ ერთხელ ყურადღებას ამახვილებს ფსიქო-სოციალური საჭიროების მქონე პირთა წინაშე მდგარი გამოწვევებზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 10 ოქტომბერი მსოფლიო ფსიქიკური ჯანმრთელობის საერთაშორისო დღეა. „...გასული წლის ბოლოს ჩატარდა სტაციონარული ფსიქიატრიული დაწესებულებების კომპლექსური მონიტორინგი, რომლის შედეგად გამოიკვეთა ქვეყანაში ამ კუთხით არსებული პრობლემები. მათ შორის ფსიქიკური ჯანმრთელობის არასაკმარისი დაფინანსება; ადამიანური რესურსების მკვეთრი ნაკლებობა; კვალიფიციური კადრების სიმცირე; დაწესებულებების ინფრასტუქტურის გაუმართავობა და სხვა... სახალხო დამცველი კიდევ ერთხელ მოუწოდებს სახელმწიფოს პოზიტიური ქმედებების განხორციელებისკენ, რათა ფსიქიკური ჯანმრთელობის პრობლემის მქონე ადამიანები და მათი ოჯახები დაცული იქნან სტიგმის, იზოლაციისა და დისკრიმინაციისგან", ნათქვამია ომბუდსმენის განცხადებაში. სრულად... წყარო: www.ombudsman.ge

თბილისი. ჯანდაცვას პოლიტიკური პარტიები საკუთარ პროგრამებში დიდ ადგილს უთმობენ. ... იგი განსაკუთრებით საინტერსოა პენსიონერებისათვის, სოციალურად შეჭირვებულებისთვის და სხვა მოწყვლადი ჯგუფებისათვის, რომლებიც ამომრჩეველთა დიდ ნაწილს წარმოადგენენ. შესაბამისად, ამ მიმართულებით პარტიები მსუყე დაპირებებსაც არ იშურებენ. მათი ნაწილი არსებული სისტემის მთავარი კომპონენტის – საყოველთაო დაზღვევის მნიშვნელოვან ცვლილებას მიიჩნევს საჭიროდ", ნათქვამია ორგანიზაციის ვებ-გვერდზე. სრულად... წყარო: dfwatch.net

თბილისი. ევროპის ფონდმა შეიმუშავა მობილური აპლიკაცია, რომლის მეშვეობითაც მომხმარებლები გაეცნობიან თბილისის საწარმოებში სურსათის უვნებლობის სახელმწიფო ინსპექტირების შედეგებს. „მობილური აპლიკაცია მოქალაქეებისათვის ყველაზე იოლ და ადვილად გამოსაყენებელ საშუალებას ქმნის საქართველოში მიიღონ ინფორმაცია სურსათის უვნებლობის კუთხით სახელმწიფოს მხრიდან განხორციელებული ინსპექტირების შესახებ. ნებისმიერ მსურველს შეუძლია მოძებნოს მისთვის საინტერესო სასურსათო საწარმო იურიდიული სახელწოდების, საიდენტიფიკაციო კოდის, ადგილმდებარეობის (თბილისის რაიონები) ანდა საქმიანობის ტიპის მიხედვით და ნახოს რამდენი შეუსაბამობა დააფიქსირა (ან თუ საერთოდ დააფიქსირა) სურსათის ეროვნულმა სააგენტომ (სეს-ი) მოცემულ საწარმოში და თუ არის რომელიმე შეუსაბამობა კრიტიკული მნიშვნელობის", ნათქვამია ორგანიზაციის ვებ-გვერდზე. სრულად... წყარო: www.epfound.ge

თბილისი. 21 სექტემბერს, ევროპის ფონდმა გამართა კვლევის ანგარიშის პრეზენტაცია: „სურსათის უვნებლობისა და ეტიკეტირების კონტროლის შედეგების გამჭვირვალობა". „ანგარიში მიზნად ისახავს, საზოგადოებას გააცნოს ევროკავშირის წევრი ქვეყნების გამოცდილება სურსათის უვნებლობის კონტროლის კუთხით. კერძოდ კი, როგორ ხდება კონტროლის შედეგების გამოქვეყნება ისე, რომ ზიანი არ მიადგეს მეწარმეთა ინტერესებსა და რეპუტაციას. დანიის, გაერთიანებული სამეფოს, ესტონეთის, ირლანდიისა და შვედეთის საუკეთესო გამოცდილების მაგალითები დაეხმარება საქართველოს სურსათის ეროვნულ სააგენტოს (სეს) მისი საქმიანობის გამჭვირვალობის გაზრდასა და ევროპულ სტანდარტებთან შესაბამისობაში მოყვანაში", ნათქვამია ვებ-გვერდზე. სრულად... წყარო: www.mkidveli.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „ნარკოპოლიტიკა პოლიტიკური პარტიების პროგრამებში." „პარტიული პროგრამების გაანალიზება დაგვეხმარება გავიგოთ რა რაკურსით ხედავენ ნარკოპოლიტიკის საკითხებს და პრობლემას აღიქვამენ მხოლოდ სისხლის სამართლის მართლმსაჯულების ნაწილად, თუ ასევე საზოგადოებრივი ჯანდაცვისა და სოციალური მოწყვლადობის პრობლემად," ნათქვამია ორგანიზაციის სტატიაში. სრულად... წყარო: emc.org.ge

თბილისი. 10 სექტემბერს, საქართველოს წითელი ჯვრის საზოგადოებამ (სწჯს) პირველი დახმარების მსოფლიო დღე აღნიშნა. „პირველი დახმარების გადამზადებულმა მოხალისეებმა კუს ტბის მიმდებარე ტერიტორიაზე შეკრებილ მოსახლეობას მიულოცეს პირველი დახმარების მსოფლიო დღე და პრაქტიკული მაგალითების გამოყენებით პირველი დახმარების აღმოჩენის გზები უჩვენეს," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ომბუდსმენის აპარატის წარმომადგენელმა მონაწილეობა მიიღო „წამების პრევენციის ასოციაციის" მიერ ორგანიზებულ სიმპოზიუმში, რომელიც ფსიქიატრიული დაწესებულებების მონიტორინგს მიეძღვნა. „სიმპოზიუმის მონაწილეებმა საქართველოს პრევენციის ეროვნული მექანიზმის სამუშაო მეთოდოლოგია დადებითად შეაფასეს, წამების პრევენციის ევროპული კომიტეტის ექსპერტმა, ტიმოთი ჰარდინგმა კი განსაკუთრებულად გაუსვა ხაზი იმ ფაქტს, რომ წარმოდგენილი მეთოდოლოგია სრულად შეესაბამება წამების პრევენციის ევროპული კომიტეტის მიდგომებს და სამუშაო მეთოდოლოგიას," ნათქვამია ორგანიზაციის ვებ-გვერდზე. სრულად... წყარო: www.ombudsman.ge

სამეგრელო. 29 ივლისს, 14:00 საათზე, ქალაქ ფოთის სახელმწიფო დრამატულ თეატრში პროექტის „გავხადოთ ჩვენი გზა უსაფრთხო” პირველი ეტაპის დახურვის ღონისძიება გაიმართება. დამსწრე საზოგადოებას საშუალება ექნება მოისმინოს ანგარიში კამპანიის ფარგლებში ჩატარებული აქტივობების შესახებ და სამომავლო რეკომენდაციები. დაჯილდოვდებიან ჟურნალისტებისა და ხატვის კონკურსების გამარჯვებულები. შედგება სოციალური ვიდეორგოლის პრეზენტაცია. პროექტის მიზანს E60 ჩქაროსნულ გზატკეცილსა და მის მიმდებარედ საგზაო უსაფრთხოების შესახებ ცოდნისა და ცნობიერების ამაღლება წარმოადგენდა. კამპანია 4 თვის განმავლობაში გრძელდებოდა და სხვადასხვა ტიპის საგანმანათლებლო ღონისძიებებს მოიცავდა. კამპანიის ფარგლებში ჩატარდა 24 შეხვედრა როგორც მსუბუქი, ასევე სატრანზიტო და მგზავრთა გადამყვანი ტრანსპორტის მძღოლებთან, რომლებიც მუდმივად გადაადგილდებიან E60 ჩქაროსნულ გზატკეცილზე. ასევე, საგანმანათლებლო ტრენინგები ჩატარდა გზატკეცილის მიმდებარედ განლაგებული 15 სკოლის 1500-მდე მოსწავლესთან. შეხვედრები მოიცავდა როგორც თეორიულ, ასევე პრაქტიკულ ნაწილს, რაც გულისხმობს ხილვადობის ღონისძიებებს და ქვეითებისათვის ამრეკლი საშუალებების (რეფლექტორები, ჟილეტები) დარიგებას. კამპანიის ფარგლებში ჩატარდა ერთობლივი ღონისძიებები კერძო და საზოგადოებრივ სექტორთან ერთად. პროექტის სოლიდარობის კამპანიაში ჩართულები იყვნენ საზოგადოებისათვის ცნობილი ადამიანები. კამპანია აქტიურად შუქდებოდა სხვადასხვა მედიასაშუალებებით. E60 ჩქაროსნულ გზატკეცილსა და მის მიმდებარედ საგზაო უსაფრთხოების შესახებ ცოდნისა და ცნობიერების ამაღლების კამპანიას „გავხადოთ ჩვენი გზა უსაფრთხო" საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ტენდერით შერჩეულ არასამთავრობო ორგანიზაციასთან „პარტნიორობა საგზაო უსაფრთხოებისათვის" ერთად ახორციელებდა.

თბილისი. 28 ივლისს, ევროპის ფონდმა გამართა კონფერენცია სურსათის უვნებლობისა და მომხმარებლის უფლებების თემებზე. თემატური დისკუსიები გაიმართა ისეთ საკითხებზე, როგორებიცაა სურსათის უვნებლობის კონტროლის სისტემები, სასურსათო საწარმოების კონტროლის შედეგების გამჭვირვალობა, რეფორმებში სამოქალაქო საზოგადოების მონაწილეობა. სრულად... წყარო: ორგანიზაციის ვებ-გვერდი სოციალურ ქსელში