სამეგრელო. 24-25 ივნისს, ზუგდიდში, მოსახლეობის უფასო გასინჯვა მოეწყო. 2 დღიანი აქცია „უნივერსალურ სამედიცინო ცენტრსა" (ონკოლოგიის ნაციონალური ცენტრი) და ასოციაცია „ქსენონს" შორის დადებული თანამშრომლობის მემორანდუმის ფარგლებში მოეწყო და მასში 170 ადამიანი ჩაერთო. სრულად... წყარო: ორგანიზაციის ვებ-გვერდი სოციალურ ქსელში

აჭარა. 25 ივნისს პროექტის „ახალგაზრდების თემის განვითარებისათვის” ფარგლებში, „ველოტური” მოეწყო ახალგაზრდობის ცენტრი - ერგე - აჭარისწყალი - მაჭახლისპირი - მირვეთის მიმართულებით. ტურში 25 ახალგაზრდა მონაწილეობდა. აღნიშნული პროექტის ინიციატივა ახალგაზრდობის ცენტრში ადგილობრივმა სტუდენტებმა წარადგინეს და ახალგაზრდობის ცენტრის ინიციატივების მხარდაჭერის ფარგლებში დაფინანსდა. სრულად... წყარო: ორგანიზაციის ვებ-გვერდი სოციალურ ქსელში

გურია. 20-21 ივნისს, არასამთავრობო ორგანიზაცია სთეფ ფორვარდმა დაავადებათა კონტროლისა და საზოგადოებრივი ჯანმრთელობის ეროვნულ ცენტრთან ერთად გურიის რეგიონის სამედიცინო პერსონალისთვის საინფორმაციო/სამუშაო შეხვედრები ჩაატარა. „შეხვედრების მიზანი იყო რეგიონის სამედიცინო პერსონალის ინფორმირება ბავშვებში სმენის დაქვეითების პრევენციის და ადრეული დიაგნოსტიკის მნიშვნელობის შესახებ. შეხვედრები ჩატარდა სამივე მუნიციპალიტეტში: ოზურგეთი, ლანჩხუთი და ჩოხატაური. მონაწილეებს დაურიგდათ ახალშობილთა სმენის სკრინინგის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ მომზადებული საინფორმაციო ბროშურები", ნათქვამია ორგანიზაციის ვებ-გვერდზე სოციალურ ქსელში სრულად... წყარო: ორგანიზაციის ვებ-გვერდი სოციალურ ქსელში

თბილისი. დღეს საქართველოს სახალხო დამცველმა წარადგინა სპეციალური ანგარიში „ფსიქიკური ჯანდაცვის დაწესებულებათა პრივატიზაცია საქართველოში - შეფასება, დასკვნები და რეკომენდაციები საქართველოს მთავრობისთვის". პრეზენტაცია გაკეთდა საერთაშორისო ორგანიზაციასთან - „გლობალური ინიციატივა ფსიქიატრიაში – თბილისი" - ერთად. სპეციალური ანგარიშისთვის ჩატარებული კვლევის პროცესში, ქართველმა და უცხოელმა ექსპერტებმა ნანეიშვილის სახელობის ფსიქიკური ჯანმრთელობის ეროვნული ცენტრისა და ხელვაჩაურის ფსიქიკური ჯანმრთელობის ცენტრის პრივატიზების საკითხები და დოკუმენტაცია შეისწავლეს. როგორც კვლევამ აჩვენა, ბუნდოვანია პრივატიზების მიზნები და შედეგები, ფსიქიკური ჯანმრთელობის ეროვნული კონცეფციის და ეროვნული სტრატეგიის განხორციელების საქმეში. პრივატიზების პროცესი მიმდინარეობს ნაჩქარევად, დაინტერესებულ მხარეებთან კონსულტაციების გარეშე. ამასთან, არ გამოცხადებულა ღია კონკურსი, წინასწარ არ განსაზღვრულა კვალიფიკაცია ან გამოცდილება, რომელიც პოტენციურ ინვესტორს მოეთხოვებოდა. ინსტიტუციათა პრივატიზებას არ აქვს ერთიანი ფორმატი და არ იძლევა მკაფიო წარმოდგენას მომსახურების გრძელვადიანი დაგეგმვისა და მისი ფინანსური მდგრადობის შესახებ. გაურკვეველი რჩება ინვესტორის ბიზნეს-მოდელი. კვლევის სარეკომენდაციო ნაწილში ხაზგასმულია, რომ პრივატიზების პროცესში უნდა ჩამოყალიბდეს მოთხოვნათა დეტალური სია და დაზუსტდეს სანქციები, რომელიც მოთხოვნებთან შეუსაბამობის შემთხვევაში ამოქმედდება. გარდა ამისა, უნდა შემუშავდეს კონტროლის ადეკვატური ფორმები, მათ შორის, საზოგადოებრივი და პაციენტთა საბჭოები, ხოლო პაციენტთა უფლებების დარღვევის შემთხვევაში, გათვალისწინებული უნდა იყოს საჩივრების შეტანის მექანიზმი. სრულად წყარო: საქართველოს სახალხო დამცველის ვებგვერდი

თბილისი. „პარტნიორობა ადამიანის უფლებებისთვის" (PHR) აქვეყნებს ბროშურას ექიმებისთვის. „დადგენილია, რომ მსოფლიოში, ყოველ მეოთხე ქალს, სიცოცხლეში ერთხელ მაინც, გამოუცდია ძალადობა. ძალადობაგამოვლილი ქალის მხარდაჭერის პროცესში ექიმის როლი უმნიშვნელოვანესია. ხშირად, მხოლოდ ექიმებს ანდობენ პაციენტები ძალადობის ისტორიას, მარტო ექიმებს შეუძლიათ აღმოაჩინონ ძალადობის სხვისთვის უჩინარი და მათთვის ხილული კვალი, მხოლოდ ექიმი სარგებლობს იმ უდიდესი ნდობით, რომლითაც ის ძალადობის მსხვერპლს გადაარჩენს", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. საქართველოს სოციალურ მუშაკთა ასოციაციამ უმასპინძლა საერთაშორისო კონფერეციას „ჯანმრთელობის დაცვის სფეროში სოციალური მუშაობის ინტეგრაცია, როგორც გლობალური გამოწვევა". კონფერენციაზე კიდევ ერთხელ აღინიშნა სოციალური მუშაკების როლი, როგორც უშუალოდ ბენეფიციართა დახმარების, ისე ჯანმრთელობის ხელშეწყობის, ჯანმრთელობის დაცვაზე ორიენტირებული პოლიტიკის მიმართულებების ადვოკატობის, დაავადებათა პრევენციისა და სათემო დონეზე ჯანდაცვის მომსახურებების ხელმისაწვდომობის კუთხით არსებული ბარიერების გადასალახად. სოციალურ მუშაკთა ასოციაციამ კონფერენციის ორგანიზება ადგილობრივი და საერთაშორისო პარტნიორების - „ჩეხეთის რესპუბლიკის კარიტასი საქართველოში", მოლდავეთის არასამთავრობო ორგანიზაცია „Project Casa Mare"-სა და მოლდავეთის სოციალურ მუშაკთა ასოციაციასთან ერთად განახორციელა. სრულად წყარო: ორგანიზაციის ოფიციალური ფეისბუქგვერდი

თბილისი. 1 ივნისს, ბავშვთა ჰოსპისს „ციცინათელების ქვეყანას” ავსტრალიის რაგბის ნაკრები ესტუმრა. „მორაგბეები საქართველოში მსოფლიო რაგბის 20-წლამდელთა ჩემპიონატში მონაწილეობის მისაღებად ჩამოვიდნენ და ბავშვთა დაცვის საერთაშორის დღეს ჰოსპისის ბავშვები მოინახულეს. ავსტრალიის ნაკრების მორაგბეებმა ჰოსპისში კედელი მოხატეს და სამახსოვრო ფოტოები გადაიღეს ბავშვებთან. ამასთან სოლიდარობის ნიშნად, მორაგბეებმა ფეისბუკის საკუთარ გვერდებზე პროფაილ ფოტოდ ჰოსპისის ლოგო დააყენეს. საქართველოში პირველი ბავშვთა ჰოსპისი „ციცინათელების ქვეყანა” 2017 წლის იანვარში გაიხსნა. „ციცინათელების ქვეყანა” ოჯახური ტიპის პალიატიური მზრუნველობის დაწესებულებაა, სადაც უფასოდ ემსახურებიან ქრონიკული და უკურნებელი სენით დაავადებულ ბავშვებს და მათ ოჯახებს”, ნათქვამია ღია საზოგადოება საქართველოს ვებ-გვერდზე. სრულად... წყარო: www.osgf.ge

თბილისი. 26 მაისს, ჯანდაცვის მინისტრმა დავით სერგეენკომ განაცხადა, რომ C ჰეპატიტის ელიმინაციის პროგრამით სარგებლობას ოკუპირებულ ტერიტორიაზე მცხოვრები სტატუს-ნეიტრალური დოკუმენტის მქონე პირებიც შეძლებენ. ეს პროგრამა მანამდე მხოლოდ საქართველოს მოქალაქეობის დამადასტურებელი დოკუმენტის მქონე პირთათვის იყო ხელმისაწვდომი. „აღნიშნულ საკითხთან დაკავშირებით, საქართველოს სახალხო დამცველმა 2016 წლის 26 იანვარს წინადადებით მიმართა საქართველოს შრომის, ჯანმრთელობისა და სოციალური დაცვის სამინისტროს უზრუნველეყო პირადობის ნეიტრალური მოწმობის და ნეიტრალური სამგზავრო დოკუმენტის მქონე პირების C ჰეპატიტის ელიმინაციის სახელმწიფო პროგრამაში ჩართვა", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. „კოალიცია თანასწორობისთვის", შშმ ბავშვთა მშობლები და სხვა ხელმომწერი პირები/ორგანიზაციები ეხმიანებიან თბილისის მერიის მიერ „აუტიზმის სპექტრის დარღვევის მქონე ბავშვთა რეაბილიტაციის" ქვეპროგრამაში შესატანი ცვლილებების პროექტს.  „პროექტი გულისხმობს ქვეპროგრამით გათვალისწინებული არსებული მომსახურების შეკვეცას, რაც გამოიხატება კომპლექსური თერაპიის სეანსების შემცირებაში და რაც სერიოზული საფრთხის წინაშე აყენებს აუტიზმის მქონე ბავშვთა უფლების რეალიზებას ჯანმრთელობის უმაღლეს შესაძლო სტანდარტზე, პროგრამის ზოგად ეფექტურობასა და პოზიტიური შედეგების მიღწევის შესაძლებლობას", ნათქვამია განცხადებაში. ორგანიზაციები მოუწოდებენ მერიას უარი თქვას უკვე შემუშავებულ ცვლილებებზე და ითანამშრომლოს შშმ ბავშვთა მშობლებთან. სრულად... წყარო: phrgeorgia.wordpress.com

თბილისი. ადამიანის უფლებების სწავლებისა და მონიტორინგის ცენტრი (EMC) „რას მოითხოვ შენ" კამპანიის ფარგლებში, გიორგი გიორგაძის მოთხოვნას აქვეყნებს. „რას მოითხოვ შენ?" კამპანია არის მცდელობა მოხდეს შრომისა და გარემოს დაცვის მიმართულებით არსებული საკანონმდებლო ხარვეზების, სისტემური პრობლემების იდენტიფიცირება. მტვერი ხშირად იმდენად დიდია სამუშაო ადგილებზე, რომ არამარტო ხილვადობა არის შეუძლებელი, არამედ გარკვეულად კი არა და მთლიანად, ჯანმრთელობაზეც მოქმედებს ეს. ისევე, პრობლემაა გაგრილების სისტემები. მოგეხსენებათ, არსებობს პრემიერ-მინისტრის განსაკუთრებული ბრძანებულება, რომელიც მიუთითებს, რომ არ უნდა აღემატებოდეს სამუშაო ადგილებზე 27 გრადუსზე მეტ ტემპერატურას, ჩვენთან ღუმელებზე, ხშირ შემთხვევაში, ეს, არამარტო 27, არამედ, 30, 32, 35 გრადუსსაც აღწევს. შრომის ინსპექცია არ უნდა იყოს ფასადური, უნდა ჰქონდეს ქმედითი ბერკეტები", ამბობს რესპონდენტი ზესტაფონიდან. სრულად... წყარო: emc.org.ge

თბილისი. 15 მაისს, ომბუდსმენმა სამუშაო შეხვედრა გამართა ოკუპირებულ ტერიტორიებზე მცხოვრებ პირთა ჯანდაცვის მომსახურების ხელმისაწვდომობის საკითხებზე, ამ მიმართულებით შემუშავებულ რეკომენდაციებსა და პრობლემების მოგვარების გზებზე. სახალხო დამცველის ერთ-ერთი რეკომენდაციის თანახმად ჯანდაცვის სამინისტრომ და მთავრობამ უნდა „შეიმუშაონ მექანიზმი ოკუპირებულ ტერიტორიაზე მცხოვრები საქართველოს მოქალაქეობის მქონე პირებისათვის, რეფერალურ პროგრამაში ჩართვის თაობაზე. მომზადდეს ცვლილებები „რეფერალური მომსახურების ფარგლებში შესაბამისი სამედიცინო დახმარების გაწევის შესახებ გადაწყვეტილების მიღების მიზნით კომისიის შექმნისა და მისი საქმიანობის წესის განსაზღვრის შესახებ" მთავრობის დადგენილებაში, რათა ოკუპირებულ ტერიტორიაზე მცხოვრები ყველა პირის მიმართ, მიუხედავად მოქალაქეობისა, სავალდებულო ხასიათი ჰქონდეს ერთგვაროვან პრაქტიკას", ნათქვამია ომბუდსმენის ვებ-გვერდზე.  სრულად... წყარო: www.ombudsman.ge

ქვემო ქართლი. 12-13 მაისს, ჩატარდა პირველი დახმარების ტრენინგი სწჯს-ის მოხალისეებისთვის მარნეულის ფილიალში. „ტრენინგი მოიცავდა თეორიულ და პრაქტიკულ ნაწილს, რამაც საშუალება მისცა მონაწილეებს მიეღოთ ცოდნა და განევითარებიათ პირველი დახმარების პრაქტიკული უნარ-ჩვევები. ტრენინგი ინტერაქტიული ხასიათის იყო და შეფასდა დადებითად, როგორც ტრენერების, ისე მონაწილეების მიერ”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ქალთა ფონდი საქართველოში"-ს ინიციატივით ჩატარდა 5 დღიანი ტრენერთა ტრენინგი პროექტის „ქალთა უფლებადამცველი ჯგუფების ცოდნის და რესურსების მობილიზაცია სექსუალური და რეპროდუქციული ჯანმრთელობის და უფლებების უზრუნველყოფის მიზნით" ფარგლებში. „ტრენინგის მიზანი იყო მონაწილეების ცოდნისა და უნარების ამაღლება სექსუალური და რეპროდუქციული ჯანმრთელობისა და უფლებების ურთიერთკავშირსა და დამოკიდებულებაზე ქალთა გაძლიერების საკითხებთან. ტრენინგის დასრულების შემდეგ, მონაწილეებს შეუძლიათ სექსუალური და რეპროდუქციული ჯანმრთელობისა და უფლებების საკითხები განიხილონ ფემინისტური კონცეფციის კუთხით, შეაფასონ თუ რამდენად მორგებულია პროგრამა/ინტერვენცია/აქტივობა/სერვისი ქალთა სექსუალურ და რეპროდუქციულ უფლებებსა და საჭიროებებზე", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. კავშირი „საფარი" აქვეყნებს BBC-ის სტატიის თარგმანს: „რატომ არის მშობიარობა ასეთი მძიმე და სახიფათო?". „სამეცნიერო კვლევების თანახმად, ქალის მენჯი მშობიარობისთვის ყველაზე სასურველ ფორმას დაახლოებით 20 წლის ასაკისთვის იღებს, როდესაც იგი ფერტილობის პიკს აღწევს, და ასეთად რჩება დაახლოებით 40 წლამდე. ამის შემდეგ, იგი თანდათან იცვლის ფორმას და მენოპაუზისთვის ემზადება. ამ კუთხით, იგი ნაკლებად არის გამოსადეგი ბავშვის დაბადებისთვის. ისმის კითხვა: თუ ამდენმა ევოლუციურმა ფაქტორმა იმოქმედა მშობიარობის უნარზე, იქნებ ეს პროცესი დღემდე გრძელდება?", ნათქვამია სტატიაში. სრულად... წყარო: sapari.ge

თბილისი. ბავშვთა ჰოსპისი „ციცინათელების ქვეყნა" წარმოგიდგენთ დოკუმენტს, რომელიც სიცოცხლის ბოლო პერიოდში უკურნებელი სენის მქონე ახალშობილებზე, ბავშვებსა და მოზარდებზე (ასაკი 0-დან 18 წლამდე) ზრუნვის დაგეგმვასა და მართვას ეხება. მისი მიზანია, ზრუნვის შესახებ გადაწყვეტილების მიღების პროცესში ჩართვა გაუმარტივოს ბავშვებს, მოზარდებსა და მათ ოჯახის წევრებს. სრულად... წყარო: ბავშვთა ჰოსპისი „ციცინათელების ქვეყნის" ვებ-გვერდი სოციალურ ქსელში

თბილისი. დაავადებათა კონტროლისა და საზოგადოებრივი ჯანმრთელობის ეროვნული ცენტრისა და გაეროს ბავშვთა ფონდის მხარდაჭერით მობილური აპლიკაცია შეიქმნა Android და iOS სისტემის ტელეფონებისთვის. „აპლიკაცია დაგეხმარებათ მიიღოთ ინფორმაცია ქვეყანაში მოქმედი აცრების კალენდრის შესახებ და გაიგოთ მეტი ვაქცინაციაზე. აპლიკაცია შეგახსენებთ ჩასატარებელი აცრების ვადებს და მოგცემთ საშუალებას, სწორად დაგეგმოთ თქვენი შვილის იმუნიზაციის პროცესი", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ხუთდღიანი ტრენერთა ტრენინგი (TOT) სექსუალური და რეპროდუქციული ჯანმრთელობისა და უფლებების ადვოკატირებაში დაიწყო. "ტრენინგის მიზანია მონაწილეების ცოდნისა და უნარების ამაღლება სექსუალური და რეპროდუქციული ჯანმრთელობისა და უფლებების ურთიერთკავშირსა და დამოკიდებულებაზე ქალთა გაძლიერების საკითხებთან. ტრენინგის მონაწილე ქალებსა და გოგონებს, რომლებსაც აქვთ ტრენერობის გარკვეული გამოცდილება სექსუალური და რეპროდუქციული ჯანმრთელობის ან მომიჯნავე თემებზე მუშაობის კუთხით, ხუთი დღის მანძილზე ტრენინგებს მოწვეული ტრენერები, გენდერის კვლევების დოქტორი ირინა კოსტაკე და საზოგადოებრივი ჯანდაცვის მაგისტრი ადრიანა რადუ ჩაუტარებენ", ნათქვამია ორგანიზაციის ვებ-გვერდზე.  სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ნარკოპოლიტიკის ეროვნული პლატფორმის ორგანიზებით კონფერენცია - „ცვლილებები ჰუმანური ნარკოპოლიტიკისთვის” გაიმართა. „კონფერენციის მიზანი სახელმწიფო უწყებების, ნარკოპოლიტიკაზე მომუშავე ორგანიზაციებისა და დაინტერესებული ჯგუფების წარმომადგენლებთან ერთად ნარკოპოლიტიკის სფეროში არსებული მდგომარეობის განხილვა იყო. კონფერენციაზე ნარკოპოლიტიკის ეროვნულმა პლატფორმამ საკანონმდებლო ინიციატივა წარმოადგინა, რომლის მიზანიც ნარკოტიკული ნივთიერებების მოხმარებისა და გავრცელების პრევენციის მიმართულებით კომპლექსური ნაბიჯების დაგეგმვაა”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. დედათა და ახალშობილთა ჯანმრთელობის 2017-2030 წლების სტრატეგის და 3-წლიანი სამოქმედო გეგმა (2017-2019) ჯანდაცვის სამინისტროს ხელმძღვანელობით, გაეროს მოსახლეობის ფონდის (UNFPA) და გაეროს ბავშვთა ფონდის (UNICEF) ტექნიკური მხარდაჭერით შემუშავდა. „მისი მიზანია დედათა და ახალშობილთა ჯანმრთელობის, ასევე მასთან დაკავშირებული რეპროდუქციული ჯანმრთელობის სფეროების გასაუმჯობესებლად სტრატეგიული ჩარჩოსა და მიმართულებების განსაზღვრა. სტრატეგიის მიზანია 2030 წლისთვის, შესაბამისი განათლებისა და მაღალი ხარისხის ინტეგრირებულ სერვისებზე სრული ხელმისაწვდომობის საშუალებით, აღარ იყოს დედათა და ახალშობილთა სიკვდილის, ან ბავშვთა მკვდრადშობადობის ისეთი შემთხვევები, რომელთა პრევენციაც შესაძლებელია. ყველა ბავშვი იქნება სასურველი და შესაძლებელი გახდება ყველა არასასურველი ორსულობის თავიდან აცილება," ნათქვამია ორგანიზაციის ვებ-გვერდზე. სრულად... წყარო: unicef.ge

თბილისი. 5 აპრილს შეხვედრა გაიმართა შეზღუდული შესაძლებლობის მქონე ბავშვების მშობლებთან. შეხვედრაზე მშობლებმა ისაუბრეს ადრეული განვითარების, სკოლამდელი და სასკოლო ინკლუზიური განათლების შესახებ. მშობლებმა ლია ტაბატაძემ და მარი კორკოტაძემ საკუთარი გამოცდილებები გაუზიარეს სხვა მშობლებს და იმსჯელეს პრობლემების გადაჭრის გზებზე", ნათქვამია ორგანიზაციის ვებ-გვერდზე. ყოველკვირეული შეხვედრები მშობლებს შორის გაიმართება ყოველ ოთხშაბათს 10:00 საათიდან 14:00 საათამდე სოციალური საწარმო ბაბალეს სივრცეში, მისამართი: ალ. ყაზბეგის გამზირი 30ა. სრულად... წყარო: ორგანიზაციის ვებ-გვერდი სოციალურ ქსელში

თბილისი. „საქართველოს დაუნის სინდრომის ასოციაცია" ეხმაურება სახალხო დამცველის მიერ გაკეთებულ განცხადებას, სადაც ის საუბრობს მინდობით აღზრდის მომსახურებაში მყოფი ბავშვების მიმართ რიგი დარღვევების შესახებ. „არსებული ინფორმაციით, 2016 წლის ნოემბერში თბილისის ჩვილ ბავშვთა სახლში ჩაირიცხა მინდობით აღზრდის სერვისიდან გამოსული 5 წლის გოგონა. ბავშვი არის დაუნის სინდრომის მქონე. მას აღენიშნება ფიზიკური და გონებრივი განვითარების მკვეთრი ჩამორჩენა. ვერ დადის, ვერ ჯდება. მისი წონა შეადგენს 6 კგ–ს", ნათქვამია ორგანიზაციის განცხადებაში. ორგანიზაცია მოუწოდებს საქართველოს მთავრობას, დეტალურად შეისწავლოს და გამოიძიოს ეს საქმე. სრულად... წყარო: liberali.ge

თბილისი. 5 აპრილს, საქართველოს წითელი ჯვრის საზოგადოების წარმოამდგენლები თბილისის N150 საჯარო სკოლის მასწავლებლებსა და მოსწავლეებს შეხვდნენ. „შეხვედრა მიზნად ისახავდა მოსწავლეების და მასწავლებლების ცნობიერების ამაღლებას წჯ/წნ მოძრაობის და სწჯს-ის შესახებ, მოხალისეობის პროპაგანდას და დაგეგმილი საქმიანობების ერთობლივად განხორციელებას”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში