თბილისი. კოალიცია „დამოუკიდებელი და გამჭვირვალე მართლმსაჯულებისთვის” ეხმიანება უზენაესი სასამართლოს მოსამართლეთა არჩევის საკითხზე საკანონმდებლო ცვლილებების მიღებას. „სამწუხაროა, რომ ხელისუფლებამ მთელი ამ პროცესის განმავლობაში ვერ აჩვენა ურყევი და მტკიცე პოლიტიკური ნება, შეექმნა საკანონმდებლო ჩარჩო, რომელიც მოსამართლეთა გავლენიან ჯგუფს პროცესში პრაქტიკულ და რეალურ ბარიერებს დაუდგენდა. ცვლილებების შემუშავების პრაქტიკულად არცერთ ეტაპზე, პარლამენტმა არ გამოხატა მიმღებლობა ქვეყნის შიგნით გამოთქმული არაერთი სამართლიანი, რაციონალური და დასაბუთებული კრიტიკის თუ შეთავაზების მიმართ. საპარლამენტო უმრავლესობის მიერ მომზადებული კანონპროექტის ცვლილების შესაძლებლობა მხოლოდ საერთაშორისო ორგანიზაციების მძიმე და კრიტიკული დასკვნების შემდეგ გახდა შესაძლებელი", ნათქვამია ერთობლივ განცხადებაში. სრულად... წყარო: gdi.ge

თბილისი. ინფორმაცის თავისუფლების განვითარების ინსტიტუტი (IDFI) აქვეყნებს ბლოგპოსტს: საქმის განხილვისა და გადაწყვეტილების მომზადების ვადების დაცვა თბილისის საქალაქო სასამართლოში - 2015-2018 წლების პრაქტიკა. „საქართველოს საერთო სასამართლოების გადატვირთულობა წლებია მნიშვნელოვან გამოწვევას წარმოადგენს. საქმის განხილვის გაჭიანურება გონივრულ ვადაში საქმის განხილვის უფლების - სამართლიანი სასამართლოს უფლების - ხელყოფის რისკებს წარმოშობს. გარდა ამისა, საქმეთა სიჭარბემ შესაძლოა გავლენა მოახდინოს მიღებული გადაწყვეტილებების ხარისხსა და მათ დასაბუთებულობაზე. წინამდებარე კვლევის მიზანია აჩვენოს მოსამართლეთა მიერ საქმის განხილვისა და გადაწყვეტილების მომზადების ვადების დაცვა/დარღვევა თბილისის საქალაქო სასამართლოში, რომელიც ქვეყანაში ყველაზე დატვირთული სასამართლოა", ნათქვამია ორგანიზაციის ვებგვერდზე. სრულად... წყარო: idfi.ge

ორგანიზაციის „პარტნიორობა ადამიანის უფლებებისთვის" იურისტები მარტყოფის შეზღუდული შესაძლებლობის მქონე პირთა პანსიონატში არსებული მდგომარების გაცნობის მიზნით იმყოფებოდნენ. „პანსიონატში ვიზიტისას შეიმჩნეოდა ინსტიტუციის მაცხოვრებლებსა და პერსონალს შორის დაძაბული, კონფლიქტური დამოკიდებულება. მაცხოვრებლები აღნიშნავდნენ, რომ დაწესებულებაში ხშირია ოთახებიდან სხვადასხვა ნივთების მოპარვის შემთხვევები, რასაც დირექცია და პერსონალი რეაგირების გარეშე ტოვებს. კონფლიქტური სიტუაციები ხშირია თავად მაცხოვრებლებს შორისაც, რაც ასევე რჩება პერსონალისა და დირექციის რეაგირების გარეშე. ვიზიტის შედეგად მიღებული ინფორმაციის გადამოწმების და დროული რეაგირების მიზნით PHR-მა წერილობით მიმართა ადამიანით ვაჭრობის (ტრეფიკინგის) მსხვერპლთა, დაზარალებულთა დაცვის და დახმარების სახელმწიფო ფონდს, საქართველოს შინაგან საქმეთა სამინისტროს და საქართველოს სახალხო დამცველს", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. „ინფორმაციის თავისუფლების განვითარების იუნსტიტუტი" (IDFI) აქვეყნებს კვლევას, რომელიც 2015-2018 წლებში თბილისის საქალაქო სასამართლოში საქმის განხილვისა და გადაწყვეტილების მომზადების ვადების დაცვის პრაქტიკას ეხება. „საქართველოს საერთო სასამართლოების გადატვირთულობა, წლებია, მნიშვნელოვან გამოწვევას წარმოადგენს. საქმის განხილვის გაჭიანურება გონივრულ ვადაში საქმის განხილვის უფლების - სამართლიანი სასამართლოს უფლების - ხელყოფის რისკებს წარმოშობს. გარდა ამისა, საქმეთა სიჭარბემ, შესაძლოა, გავლენა მოახდინოს მიღებული გადაწყვეტილებების ხარისხსა და მათ დასაბუთებულობაზე. წინამდებარე კვლევის მიზანია აჩვენოს მოსამართლეთა მიერ საქმის განხილვისა და გადაწყვეტილების მომზადების ვადების დაცვა/დარღვევა თბილისის საქალაქო სასამართლოში, რომელიც ქვეყანაში ყველაზე დატვირთული სასამართლოა", - აღნიშნულია კვლევაში.  სრულად... წყარო: ორგანიზაციის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი" (EMC) აქვეყნებს ანალიტიკურ დოკუმენტს, სახელწოდებით - „რატომ არის მნიშვნელოვანი იუსტიციის უმაღლესი სკოლის დამოუკიდებლობა?".  „სასამართლოს მიმართ საზოგადოების ნდობას, მის ლეგიტიმაციას და დამოუკიდებლობის აღქმას დიდ წილად მოსამართლეების დანიშვნა განაპირობებს. საზოგადოებას აინტერესებს ვინ და როგორ ინიშნება მოსამართლის თანამდებობაზე. ბოლო წლებში ნათლად გამოჩნდა, რომ ცალკეული მიმართულებებით სტატისტიკური მაჩვენებლების ზრდის პოზიტიური დინამიკის მიუხედავად, საზოგადოებას კრიტიკულად განაწყობს და ღრმა უნდობლობას უქმნის სწორედ სასამართლო სისტემის დაკომპლექტების პროცესი. ამ თვალსაზრისით, მრავალი წელია საზოგადოების, მედიის თუ პროფესიული ჯგუფების გაძლიერებული ყურადღება სამართლიანად იუსტიციის უმაღლეს საბჭოსკენ არის მიმართული, თუმცა გარკვეულწილად ყურადღების მიღმა რჩება არანაკლებ მნიშვნელოვანი ორგანო - იუსტიციის უმაღლესი სკოლა", - ვკითხულობთ დოკუმენტში.  სრულად... წყარო: ორგანიზაციის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი" (EMC) საქართველოს პროკურატურის მიერ თემირლან მაჩალიკაშვილის სიცოცხლის ხელყოფის საქმესთან დაკავშირებით გაკეთებულ განცხადებას ეხმიანება.  EMC მოუწოდებს საქართველოს პროკურატურას, დროულად მიიღოს სამართლიანი და ადეკვატური გადაწყვეტილება ამ საქმეზე და დაიწყოს სისხლისსამართლებრივი დევნა, როგორც, უშუალოდ, იმ სპეცრაზმელის მიმართ, რომელმაც გაისროლა, ასევე, სპეცოპერაციის დაგეგმვასა და განხორციელებაზე პასუხისმგებელი თანამდებობის პირების მიმართ.  სრულად... წყარო: ორგანიზაციის ვებგვერდი

თბილისი. GIZ - სამართლის პროგრამა წარმოგიდგენთ საჯარო ლექციას თემაზე: „სამედიცინო სამართლის აქტუალური საკითხები". ვიდეო ლექცია... წყარო: ორგანიზაციის გვერდი სოციალურ ქსელში

თბილისი. საქართველოს პარლამენტმა პირველი მოსმენით მიიღო „სასოფლო-სამეურნეო დანიშნულების მიწის საკუთრების შესახებ” საქართველოს ორგანული კანონის პროექტი და მასთან ასოცირებული სხვა კანონპროექტები. GDI-ს ინფორმაციით, საკანონმდებლო ორგანომ ნაწილობრივ გაითვალისწინა ინიცირებულ ვერსიასთან მიმართებით, ორგანიზაციის მიერ წარდგენილი შენიშვნები და წინადადებები. სრულად... წყარო: gdi.ge

თბილისი. საქართველოს ახალგაზრდა იურისტთა ასოციაციის ინფორმაციით, ოჯახში ძალადობის შედეგად, თვითმკვლელობამდე მიყვანის საქმეზე შინაგან საქმეთა სამინისტროს, 25 000 ლარის ოდენობით, მორალური ზიანის ანაზღაურება დაეკისრა.  „ეს საქმე პირველია საქართველოში, რომელშიც სასამართლომ დაადგინა სახელმწიფოს ვალდებულება მოახდინოს თვითმკვლელობამდე მიყვანის, როგორ ფემიციდის ფორმის პრევენცია", - აღნიშნულია ინფორაციაში, - „საია-ს სარჩელის საფუძველზე ითხოვდა საქართველოს შინაგან საქმეთა სამინისტროს და გენერალური პროკურატურისათვის პასუხისმგებლობის დაკისრებას იმის გამო, რომ მიუხედავად პოლიციისათვის არაერთგზის მიმართვისა ვერ მოხერხდა ოჯახში სისტემატური ძალადობისა და ქალის თვითმკვლელობამდე მიყვანის პრევენცია". სრულად... წყარო: ორგანიზაციის ვებგვერდი

თბილისი. ამ წუთებში, „ღია საზოგადოების ფონდების" (OSF) მხარდაჭერით, სსიპ სოციალური მომსახურების სააგენტოს წარმოადგენლებთან შეხვედრა მიმდინარეობს. საერთაშორისო ექსპერტი, იოთამ თოლუბი და „ღია საზოგადოების ფონდების" (OSF) წარმომადგენელი, ლუ ჰანი, შეხვედრის მონაწილეებს, სოციალურ სფეროში სამართლებრივი ქმედუნარიანობისა და გადაწყვეტილების მიღების მხარდაჭერის საკითხებთან დაკავშირებით არსებულ საუკეთესო გამოცდილებას უზიარებენ და არსებული გამოწვევების შესახებ ესაუბრებიან.  სრულად... წყარო: emc.org.ge

აჭარა. საქართველოს ახალგაზრდა იურისტთა ასოციაცია სსიპ საზოგადოებრივი მაუწყებლის აჭარის ტელევიზიისა და რადიოს ყოფილი დირექტორის, ნათია კაპანაძის ინტერესებს სასამართლოში დაიცავს. ეს გაცხადდა საია-ს მიერ დღეს გამართულ პრესკონფერენციაზე, რომელიც სსიპ საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს მიერ დირექტორისთვის უნდობლობის გამოცხადების საკითხს ეხებოდა. ნათია კაპანაძე დღეს ბათუმის საქალაქო სასამართლოს სარჩელით მიმართავს და მოითხოვს: მისთვის უნდობლობის საკითხზე მიღებული გადაწყვეტილების ბათილად ცნობას, თანამდებობაზე აღდგენას, იძულებითი განაცდურის ანაზღაურებასა და დირექტორის პოზიციაზე გამოცხადებული კონკურსის ბათილად ცნობას.  სრულად... წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაციამ, პარტნიორ ორგანიზაცია ,,ადამიანის უფლებათა დაცვის ევროპული ცენტრთან (EHRAC)'' თანამშრომლობით, 2019 წლის 17 აპრილს, ადამიანის უფლებათა ევროპულ სასამართლოში საჩივარი წარადგინა. საჩივარი პოლიციელების მხრიდან ირაკლი ხოფერიას მიმართ განხორციელებულ არასათანადო მოპყრობასა და ამ ფაქტზე დაწყებული გამოძიების არაეფექტურობას შეეხება.  სრულად... წყარო: gyla.ge

თბილისი. „ინფორმაციის თავისუფლების განვითარების ინსტიტუტი" (IDFI), არქივების მეტი გამჭვირვალობისა და საარქივო დოკუმენტების ხელმისაწვდომობის უზრუნველსაყოფად, პარლამენტს „ეროვნული საარქივო ფონდისა და ეროვნული არქივის შესახებ" საქართველოს კანონში ცვლილებისა და დამატებების შეტანის ინიციატივით მიმართა. „საქართველოში საარქივო დოკუმენტებზე ხელმისაწვდომობის მხრივ დაწესებულია ერთ-ერთი ყველაზე შემზღუდველი რეგულაციები აღმოსავლეთ ევროპის მასშტაბით. აღნიშნული საკითხი პრობლემურია იქიდან გამომდინარეც, რომ, შედეგად, საზოგადოებას, განსაკუთრებით კი მათ, ვინც დაინტერესებულია ისტორიული თუ საბჭოთა კვლევების საკითხით, ექმნება დაბრკოლება გაეცნოს მასალებს და სწორედ გაიაზროს წარსული. IDFI-ის მიაჩნია, რომ აუცილებელია საქართველოში გაიზარდოს საარქივო დოკუმენტებზე ხელმისაწვდომობა, ამ მიზნით კი, პირველ რიგში, მოქმედ კანონმდებლობაში უნდა განხორციელდეს შესაბამისი ცვლილებები და დამატებები", - აღნიშნულია IDFI-ის მიერ გავრცელებულ ინფორმაციაში. სრულად... წყარო: ორგანიზაციის ვებგვერდი

თბილისი. პანკისის ხეობაში დაგეგმილი ორივე ჰესის საკითხთან დაკავშირებით, „ადამიანის უფლებების სწავლებისა და მონიტორინგის ცენტრი" (EMC), ადგილობრივი მოსახლეობის სახელით, სასამართლო დავას აწარმოებს. EMC-ის მიერ გავრცელებული ინფორმაციის თანახმად, სულ, სასამართლოში მიმდინარეობს 4 პარალელური დავა: „ხადორი 3" ჰესთან დაკავშირებით, ახმეტის მუნიციპალიტეტის მერიის წინააღმდეგ, რომელმაც კანონდარღვევით გასცა მშენებლობის ნებართვა ჰესის მშენებლობაზე; „ხადორი 3-ის" დავის ფარგლებში EMC-მ შუამდგომლობა დააყენა და ითხოვდა, სამშენებლო სამუშაოების შეჩერებას, სასამართლო დავაზე საბოლოო გადაწყვეტილების გამოტანამდე; დავა ,,სამყურისწყალი 2 ჰესი"-ს იმ აქტების ბათილად ცნობისთვის, რომლის საფუძველზეც შესაძლებელი გახდა პანკისის ხეობაში აღნიშნული ჰესის მშენებლობა; სამართლებრივი დავა, მშენებლობის ნებართვის კანონიერებასთან დაკავშირებით, სსიპ „ტექნიკური და სამშენებლო ზედამხედველობის სააგენტოსა და საქართველოს ეკონომიკისა და მდგრადი განვითარების სამინისტროს წინააღმდეგ; დავა ჰესის მშენებლობასა და ექსპლუატაციის საკითხზე ეკოლოგიური ექსპერტიზის კანონიერებასთან დაკავშირებული, სოფლის მეურნეობისა და გარემოს დაცვის სამინისტროს წინააღმდეგ. სრულად... წყარო: ორგანიზაციის ვებგვერდი

თბილისი. „ინფორმაციის თავისუფლების განვითარების ინსტიტუტი" (IDFI) „CRRC-საქართველოს" მიერ ჩატარებული სატელეფონო გამოკითხვის შედეგებს აქვეყნებს. გამოკითხვა ჩატარდა იმის შესასწავლად, თუ რამდენად ნახა საზოგადოებამ „რუსთავი 2"-ის ეთერში გასული, „სტუდია მონიტორისა" და „რადიო თავისუფლების" საგამოძიებო ჟურნალისტური ფილმი - „მოსამართლეები ხელისუფლების სამსახურში", რომელიც 2011 წელს მთავრობის მიერ მფლობელებისთვის „კონსტანტა ბანკის" ჩამორთმევის მცდელობას ეხებოდა და პროკურორებისა და მოსამართლეების მიერ გარკვეულ გადაცდომებზე მიანიშნებდა. გამოკითხვის ძირითად მიზანს წარმოდგენდა იმის გარკვევა, თუ რა დამოკიდებულება ჰქონდა მოსახლეობას ფილმისა და მასში წამოწეული თემების მიმართ.  სრულად... წყარო: ორგანიზაციის ვებგვერდი

აჭარა. 2019 წლის 18 აპრილს საკონსტიტუციო სასამართლომ დააკმაყოფილა საია-ს კიდევ ერთი სარჩელი, რომელიც ზემდგომ ინსტანციაში სასამართლოს გადაწყვეტილების გასაჩივრების ვადის ათვლას ეხებოდა. საიამ საკონსტიტუციო სასამართლოში ის ნორმა გაასაჩივრა, რომელითაც ზემდგომ ინსტანციაში სასამართლოს გადაწყვეტილების გასაჩივრების ვადის ათვლა იწყება არა გადაწყვეტილების სამოტივაციო ნაწილის მხარისათვის გადაცემის მომენტიდან, არამედ სარეზოლუციო ნაწილის გამოცხადების მომენტიდან. საკონსტიტუციო სასამართლომ საიას პოზიცია გაიზიარა და გასაჩივრებული ნორმა არაკონსტიტუციურად სცნო. ამასთან საკონსტიტუციო სასამართლომ პარლამენტს ვადა მისცა 2019 წლის 1 ივლისამდე, რათა ცვლილება შეიტანოს ადმინისტრაციულ სამართალდარღვევათა კოდექსში.  სრულად... წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტ (IDFI) აქვეყნებს ბლოგპოსტს: „მოსამართლეთა პროფესიული მომზადების სისტემაში არსებული ხარვეზები იუსტიციის უმაღლესი სკოლის ძირეული რეფორმის აუცილებლობაზე მიუთითებს". „სამართლიანი არჩევნებისა და დემოკრატიის საერთაშორისო საზოგადოებამ (ISFED) და ინფორმაციის თავისუფლების განვითარების ინსტიტუტმა (IDFI) წარმოადგინეს კვლევა საქართველოში მოსამართლეთა პროფესიული მომზადების სისტემის შესახებ. კვლევა მიმოიხილავს საქართველოს იუსტიციის უმაღლესი სკოლის ინსტიტუციურ მოწყობასა და მის საქმიანობასთან დაკავშირებულ ძირითად გამოწვევებს. მასში განხილულია როგორც იუსტიციის უმაღლეს სკოლასა და იუსტიციის უმაღლეს საბჭოს შორის უფლებამოსილებების განაწილების საკითხი, ასევე გამოკვეთილია სხვა რიგი პრობლემები, რაც იუსტიციის უმაღლესი სკოლის საქმიანობის კუთხით არსებობს, მათ შორის, იუსტიციის მსმენელთა მომზადებასთან, მოსამართლეთა გადამზადებასთან და სკოლის პროგრამებთან დაკავშირებით", ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ვენეციის კომისიამ, რომლის რეკომენდაციებსაც, ბოლო პერიოდში, ხელისუფლება არასამთავრობო ორგანიზაციების კრიტიკის საწინააღმდეგო არგუმენტად იშველიებდა, სამოქალაქო საზოგადოების პოზიცია გაიზიარა.  „ღია საზოგადოების ფონდის” ადამიანის უფლებების პროგრამის მონაწილეობით, ვენეციის კომისიასა და ეუთოს დემოკრატიული ინსტიტუტებისა და ადამიანის უფლებების ბიუროს არასამთავრობო ორგანიზაციებმა მოსამართელა შერჩევის კანონპროექტის საკუთარი შეფასება მარტში გაუგზავნეს. 16 აპრილს გამოქვეყნებული შეფასებით ვენეციის კომისია 18-20 მოსამართლის დანიშვნას, პრაქტიკულად, ახალი სასამართლოს შექმნად მოიაზრებს და ამ პროცესს „უცნაურ სიტუაციად" აფასებს.  სრულად... წყარო: osgf.ge

თბილისი. საქართველოს სახალხო დამცველის მიმართვის საფუძველზე, ეუთოს დემოკრატიული ინსტიტუტებისა და ადამიანის უფლებების ოფისმა (ODIHR), უზენაესი სასამართლოს მოსამართლეების შერჩევის კანონპროექტთან დაკავშირებით, სამართლებრივი მოსაზრება მოამზადა. დოკუმენტის მომზადებაში ჩართულნი იყვნენ ავტორიტეტული ექსპერტები: ცენტრალური ევროპის უნივერსიტეტის პროფესორი და ადამიანის უფლებათა ევროპული სასამართლოს ყოფილი მოსამართლე, ანდრაშ შაიო; იურისტების საერთაშორისო კომისიის საპატიო წევრი და ყოფილი ვიცე-პრეზიდენტი, მიშელ რივე; მოსამართლეთა ევროპული ასოციაციის პრეზიდენტი და მოსამართლეთა საერთაშორისო ასოციაციის პირველი ვიზე-პრეზიდენტი, ჟოზე იგრეია მატოსი. დოკუმენტში დეტალურად არის მიმოხილული კანონპროექტის შესაბამისობა საერთაშორისო და რეგიონულ სტანდარტებთან, ნორმებთან და პრაქტიკებთან, ისევე როგორც ეუთოს ფარგლებში ქვეყნის მიერ აღებულ ვალდებულებებთან.  სრულად... წყარო: სახალხო დამცველის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თორნიკე გერლიანის ბლოგპოსტს: სპეციალიზებული შრომითი სასამართლოები საერთაშორისო პრაქტიკის მიმოხილვა.  „დემოკრატიულ და კანონის უზენაესობის პრინციპზე დაფუძნებულ სახელმწიფოში ადამიანებს უნდა ჰქონდეთ მოლოდინი, რომ სამართლებრივი წესრიგი და მშვიდობა დაცული და შენარჩუნებული იქნება. ამის მიღწევის ერთ-ერთი წინაპირობა კი სწრაფი და გამართული, დამოუკიდებელი სასამართლოებია. სპეციალიზებული სასამართლოს ერთ-ერთ მთავარ უპირატესობად სწორედ მისი მოქნილობა და ეფექტიანობა სახელდება", ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. „ადამიანის უფლებების სწავლებისა და მონიტორინგის ცენტრი" (EMC), დასაქმებულთათვის ღირსეული შრომითი გარემოს შექმნის მიზნით, ხელისუფლების მხრიდან დაუყოვნებლივი ქმედებების გატარებას ითხოვს და სპეციალურ განცხადებს ავრცელებს. „საწარმოო შემთხვევების შედეგად დაშავებულთა და დაღუპულთა რაოდენობამ ბოლო წლებში საგანგაშო მონაცემებს მიაღწია. 2011-2018 წლებში დაშავდა 1081 და დაიღუპა 376 ადამიანი. 2018 წელს, წინა წლებთან შედარებით, დაღუპულთა ყველაზე მაღალი მაჩვენებელი დაფიქსირდა - 59 ადამიანი. საწარმოო შემთხვევათა სიმრავლიდან გამომდინარე, მსგავსი სიახლეები თითქმის ყოველდღიურობად იქცა და საზოგადოებრივი თუ პოლიტიკური რეაგირების მიღმა რჩება. შრომის უსაფრთხოების მიმართულებით არსებული მძიმე მდგომარეობის საპასუხოდ საქართველოს პარლამენტმა მიიღო „შრომის უსაფრთხოების შესახებ" ორგანული კანონი. აღნიშნული კანონის მიღება არსებითად მნიშვნელოვანი წინგადადგმული ნაბიჯი იყო დასაქმებულთა შრომითი უფლებების უზრუნველყოფისკენ. თუმცა, შესაბამისი ზედამხედველობის მექანიზმის შემუშავებისა და კანონმდებლობის გამკაცრების მიუხედავად, აღსრულების მექანიზმების არაეფექტურობა და მნიშვნელოვანი საკანონმდებლო რეგულაციების ამოქმედების ვადის მომავალში გადადება დასაქმებულთა სიცოცხლეს და ჯანმრთელობას ყოველდღიური რისკის ქვეშ აყენებს", - აღნიშნულია EMC-ის მიერ გავრცელებულ განცხადებაში.  სრულად... წყარო: ორგანიზაციის ვებგვერდი

თბილისი. უზენაესი სასამართლოს მოსამართლეთა არჩევის წესთან დაკავშირებით მიმდინარე მოვლენების თაობაზე, საქართველოს სახალხო დამცველი განცხადებას აქვეყნებს.  „საქართველოს პარლამენტში იხილება კანონპროექტი, რომელიც ინიცირებულია საპარლამენტო უმრავლესობის წევრების მიერ და მისი მიღება უკვე მოხდა პირველი მოსმენით. პარლამენტის თავმჯდომარემ მიმართა ვენეციის კომისიას და კანონპროექტის შესახებ დასკვნის მომზადება მოითხოვა. ასევე საჯაროდ დაფიქსირდა პოზიცია, რომლის მიხედვითაც ვენეციის კომისიის მოსაზრების მიღებამდე, არ მოხდებოდა კანონპროექტის მეორე მოსმენით მიღება", - აღნიშნულია განცხადებაში, - „2019 წლის 12 აპრილს ცნობილი გახდა რომ იურიდიული კომიტეტი გეგმავს კანონპროექტის განხილვას მეორე მოსმენით 2019 წლის 15 აპრილისთვის. სამწუხაროდ, ეს ხდება ვენეციის კომისიის მოსაზრების წარდგენამდე და საზოგადოებას არ განემარტა აღნიშნულის მიზეზები საჯაროდ.  გამომდინარე იქიდან, რომ საქართველოს პარლამენტში ფორსირებულად მიმდინარეობს პროცესი უზენაესი სასამართლოს მოსამართლეთა არჩევის წესთან დაკავშირებით, სახალხო დამცველმა, პირველად ინსტიტუტის არსებობის მანძილზე, მიიღო გადაწყვეტილება – გამოიყენოს საქართველოს პარლამენტის რეგლამენტით განსაზღვრული კომპეტენცია და მიმართოს მოხსენებით საქართველოს პარლამენტის წევრებს უზენაესი სასამართლოს მოსამართლეთა არჩევის პროცედურებთან დაკავშირებულ კანონპროექტზე და მასში არსებულ ხარვეზებზე. მოხსენების შემდეგ, სახალხო დამცველი გამოთქვამს მზადყოფნას უპასუხოს პარლამენტის წევრთა კითხვებს".  სრულად... წყარო: ორგანიზაციის ვებგვერდი