მუნიციპალიტეტის საქმიანობაში მოქალაქეთა მონაწილეობის გაძლიერების სასწავლო–პროგრამის მონაწილე, მარნეულის საკრებულოს წევრი, გიუნაშ რიზაგულიევა გვიზიარებს თავის მოსაზრებებს ტრენინგების შესახებ. „სამოქალაქო საზოგადოების ინსტიტუტის მიერ შემოთავაზებული სასწავლო პროგრამა ძალიან დროული და მნიშვნელოვანია საკრებულოს წევრებისთვის. აღნიშნულმა ტრენინგებმა მოგვცა საშუალება გავცნობოდით იმ საკანონმდებლო რესურსებსა და მიდგომებს, რომლებიც მუნიციპალიტეტის საქმიანობაში მოქალაქეთა მონაწილეობის გაუმჯობესების შესაძლებლობას უზრუნველყოფს. ასევე მნიშვნელოვანი იყო საკრებულოს წევრის ანგარიშვალდებულების მექანიზმისა და მიდგომების საკითხები. ერთ-ერთი ყველაზე მნიშვნელოვანი ასპექტი, რასაც სასწავლო პროგრამიდან გამოვარჩევდი იყო ის, რომ საკრებულოს წევრები, აპარატის თანამშრომლებთან და დარგის ექსპერტებთან ერთად ვმსჯელობდით მოქალაქეთა მონაწილეობის კუთხით არსებულ გამოწვევებზე და ასევე, მისი გაუმჯობესების გზებზე. ძალიან მნიშვნელოვანია გაგრძელდეს მსგავსი შეხვედრები, ასევე მნიშვნელოვანია მიღებული ცოდნის პრაქტიკაში განხორციელების მხარდაჭერაც“. აღნიშნული სასწავლო პროგრამა ორგანიზებული იყო სამოქალაქო საზოგადოების ინსტიტუტის (CSI) მიერ, USAID–ის ადგილობრივი თვითმმართველობის პროგრამის ფარგლებში. იგი გაიმართა ბათუმის, ჩოხატაურის, დმანისის და მარნეულის მუნიციპალიტეტებში და 103-მა საკრებულოს წევრმა და აპარატის თანამშრომელმა მიიღო მონაწილეობა.

მუნიციპალიტეტებში მონაწილეობითი პროცესების თვითშეფასების ფოკუს–ჯგუფის მონაწილე, „დმანისის თემთა განვითარების ცენტრის“ ერთ–ერთი დამფუძნებელი, 2021–22 წლებში დმანისის მუნიციპალიტეტის მერიის ახალგაზრდული საბჭოს წევრი, ბინნათ ისკანდაროვი გვიზიარებს თავის შეხედულებებს მოქალაქეთა მონაწილეობის მექანიზმების პრაქტიკაში გამოყენების მნიშვნელობაზე. „ადგილობრივი თვითმმართველობის არსი და ფუნქცია ისაა, რომ მოსახლეობის მონაწილეობით ეფექტიანად და სამართლიანად წარიმართოს რესურსები ადგილობრივი პრობლემების გადასაჭრელად. მონაწილეობითი მექანიზმების გამოყენების პრაქტიკა კი ხელს შეუწყობს, რომ თვითმმართველობის საქმიანობა უფრო ღია და გამჭვირვალე გახდეს, ადგილობრივ ხელისუფლებასა და მოსახლეობას შორის უკეთესი კომუნიკაცია შედგეს და ნდობა გაიზარდოს.  მნიშვნელოვანია, რომ მუნიციპალიტეტი პერიოდულად აფასებდეს ადგილობრივი თვითმმართველობის საქმიანობაში მოქალაქეთა მონაწილეობის პრაქტიკას. დროის სხვადასხვა მონაკვეთში შესაძლოა, განსხვავებულ გამოწვევასთან გვქონდეს საქმე, რამაც ხელი შეუშალოს მონაწილეობის მექანიზმების ეფექტურ მუშაობას. მუნიციპალიტეტს ასეთი შეფასება, საშუალებას მისცემს დროულად აღმოფხვრას პრობლემა და შეძლოს ეფექტური და ინკლუზიური მუშაობა.  მუნიციპალიტეტმა უნდა მოისმინოს მოქალაქეებისა და სამოქალაქო საზოგადოების წარმომადგენლების წუხილები იმ ბარიერებისა და გამოწვევების შესახებ, რომლებსაც ისინი მონაწილეობის მექანიზმების გამოყენების დროს აწყდებიან. მუნიციპალიტეტებს შეუძლიათ პრობლემის განსაზღვრა, გადაწყვეტის გზების მოძიება.  მადლობა USAID–ის თვითმმართველობის პროგრამას, სამოქალაქო საზოგადოების ინსტიტუტს (CSI) პროგრამაში დმანისის მუნიციპალიტეტის მონაწილეობისთვის და თავის მხრივ, დმანისის მუნიციპალიტეტს მონაწილეობის მზაობისთვის. ვიმედოვნებ, რომ დმანისის მუნიციპალიტეტი თავის საქმიანობაში გაითვალისწინებს თვითშეფასების პროცესიდან მიღებულ ინფორმაციას“.  სამოქალაქო საზოგადოების ინსტიტუტი USAID ადგილობრივი თვითმმართველობის პროგრამის მხარდაჭერით ოთხ მუნიციპალიტეტში: მარნეულში, დმანისში, ბათუმსა და ჩოხატაურში ახორციელებს მოქალაქეთა მონაწილეობის თვითშეფასების ინსტრუმენტის დანერგვას სწორედ ამ მიზნით ჩატარდა აღნიშნული ფოკუს ჯგუფები, რომელშიც მონაწილეობდნენ საზოგადოებრივი ორგანიზაციების, ადგილობრივი თვითმმართველობის წარმომადგენლები, აქტივისტები, მოქალაქეები.

გურია. მუნიციპალიტეტში მონაწილეობითი პროცესების თვითშეფასების ფოკუს–ჯგუფის მონაწილე, ჩოხატაურში საზოგადოებრივი ორგანიზაციის „ღია სივრცის“ აღმასრულებელი დირექტორი, კახა ლომაძე გვიზიარებს თავის შეხედულებას მონაწილეობითი პროცესის სიკეთესა და მუნიციპალიტეტის საქმიანობის თვითშეფასების პროცესებზე.  „მუნიციპალიტეტებში მონაწილეობითი მექანიზმების გამოყენება მნიშვნელოვანია, რადგან მოქალაქეებმა უნდა იგრძნონ, რომ ისინი მხოლოდ არჩევნების დროს კი არ ახსოვთ, არამედ მათი აზრით ყოველთვის ინტერესდებიან. ეს კი სარგებელს მოიტანს – ხალხი დაინახავს, რომ მუნიციპალიტეტის საქმეები მათი საქმეცაა და უფლება აქვთ იყვნენ მნიშვნელოვანი გადაწყვეტილების პროცესის თანამონაწილეები.  მუნიციპალიტეტი პერიოდულად უნდა აფასებდეს მონაწილეობით მიდგომებს და პროცესებს – თუ არ შეაფასა ვერ მიხვდება როგორ მიდის საქმე. ნებისმიერ მუშაობას სჭირდება შუალედური შეფასება, რათა დასრულების შემდეგ არ აღმოჩნდეს, რომ ცუდად არის გაკეთებული და მისი ხელმეორედ გაკეთების საჭიროება დგას“.  სამოქალაქო საზოგადოების ინსტიტუტი USAID ადგილობრივი თვითმმართველობის პროგრამის მხარდაჭერით ოთხ მუნიციპალიტეტში: მარნეულში, დმანისში, ბათუმსა და ჩოხატაურში ახორციელებს მოქალაქეთა მონაწილეობის თვითშეფასების ინსტრუმენტის დანერგვას. სწორედ ამ მიზნით ჩატარდა აღნიშნული ფოკუს ჯგუფები, რომელშიც მონაწილეობდნენ საზოგადოებრივი ორგანიზაციების, ადგილობრივი თვითმმართველობის წარმომადგენლები, აქტივისტები, მოქალაქეები.

მუნიციპალიტეტებში მონაწილეობითი პროცესების თვითშეფასების ფოკუს ჯგუფის მონაწილე, სამოქალაქო აქტივისტი, აზა გაბუნია, გვიზიარებს თავის შეხედულებას ადგილობრივი თვითმმართველობის საქმიანობაში მოქალაქეთა მონაწილეობის მნიშვნელობის შესახებ და ამ პროცესებში მუნიციპალიტეტის როლზე. „მუნიციპალიტეტის საქმიანობაში მოქალაქეთა მონაწილეობისთვის მნიშვნელოვანია ისეთი ფოკუს–ჯგუფები და შეხვედრები, რომლებიც მუნიციპალიტეტის წარმომადგენლებს საშუალებას მისცემს მოისმინონ მოქალაქეთა განსხვავებული მოსაზრებები, საჭიროებები და რეკომენდაციები. ყოველივე მუნიციპალიტეტის და საკრებულოს წარმომადგენლებს დაეხმარებათ დამკვირვებლის თვალით შეაფასონ საქმიანობა. მეორე მხრივ კი, დაფიქრდნენ, როგორ აღასრულონ უფრო ეფექტურად თვითმმართველობის კოდექსი. რომელიც მუნიციპალიტეტს ავალდებულებს შექმნას მოქალაქეთა მონაწილეობის პირობები და ასევე, შეიმუშაოს მონაწილეობის ახალი და ეფექტური მექანიზმები, რათა სამომავლოდ უზრუნველყონ მოქალაქეთა ჩართულობა გადაწყვეტილების მიღების პროცესში“.  სამოქალაქო საზოგადოების ინსტიტუტი USAID–ის ადგილობრივი თვითმმართველობის პროგრამის მხარდაჭერით ოთხ მუნიციპალიტეტში: მარნეულში, დმანისში, ბათუმსა და ჩოხატაურში ახორციელებს მოქალაქეთა მონაწილეობის თვითშეფასების ინსტრუმენტის დანერგვას სწორედ ამ მიზნით ჩატარდა აღნიშნული ფოკუს ჯგუფები, რომელშიც მონაწილეობდნენ საზოგადოებრივი ორგანიზაციების, ადგილობრივი თვითმმართველობის წარმომადგენლები, აქტივისტები, მოქალაქეები.

8 და 11 სექტემბერს დმანისსა და მარნეულში გაიმართა ტრენინგები. იგი მუნიციპალიტეტის საქმიანობაში მოქალაქეთა გაძლიერების ტრენინგ–პროგრამის მეორე მოდულის ფარგლებში ჩატარდა. რითაც დასრულდა მეორე მოდულის ფარგლებში გათვალისწინებული ღონისძიებები.  შეგახსენებთ, რომ 1 და 5 სექტემბერს აღნიშნული ტრენინგები გაიმართა ჩოხატაურსა და ბათუმში.  ოთხი მუნიციპალიტეტის 78 წარმომადგენელმა, ტრენინგის ფარგლებში, გაიარეს ისეთი საკითხები, როგორიცაა: საკრებულოს ძირითადი უფლებამოსილებები, საკრებულოს წევრების ანგარიშვალდებულება და ამომრჩეველთან კომუნიკაცია, საკრებულოს წევრის ანგარიშვალდებულების ინოვაციური მექანიზმები.  ტრენინგებს უძღვებოდა კოკა კიღურაძე.  ტრენინგებს ორგანიზებას უწევდა სამოქალაქო საზოგადოების ინსტიტუტი (CSI), USAID-ის ადგილობრივი თვითმმართველობის პროგრამის ფარგლებში.

აჭარა.მუნიციპალიტეტებში მონაწილეობითი პროცესების თვითშეფასების ფოკუს ჯგუფის მონაწილე, ბათუმის მერიის ახალგაზრდული მრჩეველთა საბჭოს წევრი, პროექტის – „ბათუმის ურბანული დღის წესრიგის“ ავტორი, მარიამ მორჩაძე გვიზიარებს თავის შეხედულებას ადგილობრივ თვითმმართველობის საქმიანობაში მოქალაქეთა მონაწილეობის მნიშვნელობის შესახებ და ამ პროცესებში მუნიციპალიტეტის როლზე.  „გადაწყვეტილების მიღების პროცესში მოქალაქეთა მონაწილეობის უზრუნველყოფა ერთი მხრივ, ადგილობრივი მთავრობისთვის მოქალაქეების ნდობის მოპოვებისა და მისი შენარჩუნებისთვის, მეორე მხრივ კი, თავად მოქალაქეებისთვის ქალაქის მიმართ კუთვნილების განცდისთვის მნიშვნელოვანია.  ამისთვის მუნიციპალიტეტი, მაქსიმალურად უნდა ცდილობდეს, სხვადასხვა მონაწილეობითი მიდგომის დანერგვას, მით უმეტეს, როცა ჩვენს გარშემო სწრაფად ვითარდება და იცვლება ყველაფერი, მართვის ფორმა ხდება უფრო ინოვაციური და თანამედროვე.  მუნიციპალიტეტი პერიოდულად უნდა აფასებდეს თუ როგორ ხორციელდება მოქალაქეთა მონაწილეობის პროცესი თემში, რათა შეინარჩუნოს განვითარების სწორი ხედვა და სტრატეგია. დაინტერესებული მხარეებისგან უკუკავშირი კი, დაეხმარება მუნიციპალიტეტს, რომ შეფასების პროცესი ინკლუზიური და დემოკრატიული გახადოს, რაც მართვის ეფექტურობის ხარისხზე გავლენას ახდენს“.  სამოქალაქო საზოგადოების ინსტიტუტმა USAID–ის ადგილობრივი თვითმმართველობის პროგრამის მხარდაჭერით ოთხ მუნიციპალიტეტში: მარნეულში, დმანისში, ბათუმსა და ჩოხატაურში დაიწყო მოქალაქეთა მონაწილეობის თვითშეფასების ინსტრუმენტის დანერგვა სწორედ ამ მიზნით ჩატარდა აღნიშნული ფოკუს ჯგუფები, რომელშიც მონაწილეობდნენ საზოგადოებრივი ორგანიზაციების, ადგილობრივი თვითმმართველობის წარმომადგენლები, აქტივისტები, მოქალაქეები. წყარო: სამოქალაქო საზოგადოების ინსტიტუტი

ქვემო ქართლი. სამოქალაქო საზოგადოების ინსტიტუტმა (CSI) USAID ადგილობრივი თვითმმართველობის პროგრამის მხარდაჭერით, ოთხ მუნიციპალიტეტში: მარნეულში, დმანისში, ბათუმსა და ჩოხატაურში დაიწყო მოქალაქეთა მონაწილეობის თვითშეფასების ინსტრუმენტის დანერგვა. ამ მიზნით ჩატარდა ფოკუს–ჯგუფები მუნიციპალიტეტებში მონაწილეობითი პროცესების თვითშეფასების საკითხებზე.  ფოკუს–ჯგუფებში მონაწილეობდნენ საზოგადოებრივი ორგანიზაციების, ადგილობრივი თვითმმართველობის წარმომადგენლები, აქტივისტები, მოქალაქეები.  ფოკუს–ჯგუფის მონაწილე, სამოქალაქო აქტივისტი და უფლებადამცველი სამირა ბაირამოვა, გვიზიარებს თავის შეხედულებას ადგილობრივ თვითმმართველობის საქმიანობაში მოქალაქეთა მონაწილეობის მნიშვნელობის შესახებ და ამ პროცესებში მუნიციპალიტეტის როლზე:  “ზოგადად, ადგილობრივი თვითმმართველობა არის ის სისტემა, რომელმაც ადგილობრივი მნიშვნელობის საკითხები, მოსახლეობის ინტერესების მიხედვით უნდა გადაწყვიტოს. პროცესში ორივე მხარის – მოსახლეობის და თვითმმართველობის წარმომადგენლების ინტერესი და მონაწილეობა მაღალი უნდა იყო.  დღეს, საქართველოს თითქმის ყველა რეგიონში გვყავს მორიდებული მოქალაქეები და ამავე დროს, სისტემის დონეზე გვაქვს, მოქალაქეების საზოგადოებრივ პროცესებში მონაწილეობის სუსტი მექანიზმები. თუ ხალხს სურს, რომ მათი ინტერესი იყოს გათვალისწინებული, აუცილებელია აქტიურობა და თანამშრომლობა. ეს უპირველესად, სარგებელს ხალხს მოუტანს. დროთა განმავლობაში იცვლება, ზოგ შემთხვევაში მატულობს პრობლემები, ჩნდება ახალი პრიორიტეტები, ამიტომ მნიშვნელოვანია მუნიციპალიტეტს ჰქონდეს შეფასების დოკუმენტი და პოლიტიკა, რაც დაეხმარება პრობლემების უკეთ მოგვარებასა და ბიუჯეტის ეფექტიანად ხარჯვაში.  მუნიციპალიტეტი შედგება იქ მცხოვრები ხალხისგან და მათი მონაწილეობის გარეშე ეფექტური მართვა შეუძლებელია. მეტი გამჭვირვალობის, ღიაობისა და თანასწორობისთვის მნიშვნელოვანია დაინტერესებული პირების და მუნიციპალიტეტის მაცხოვრებლების აზრის გათვალისწინება.  დღეს მარნეულში მცხოვრებ თითოეულ ადამიანს აქვს ის ცოდნა და გამოცდილება, რომ აღწეროს პრობლემა და შესთავაზოს მუნიციპალიტეტს მისი გადაჭრის უკეთესი გზები, მუნიციპალიტეტმა უნდა გამოიყენოს ეს ადამიანური რესურსი ეფექტური მუშაობისთვის. მადლობა სამოქალაქო საზოგადოების ინსტიტუტს (CSI), USAID-ის ადგილობრივი თვითმმართველობის პროგრამას ჩვენი მუნიციპალიტეტით დაინტერესებისათვის. ასევე, მადლობა, მარნეულის მუნიციპალიტეტს, აღნიშნულ პროგრამაში ჩართულობისთვის. იმედი მაქვს, მონაწილეობის თვითშეფასების პროცესში მიღებულ გამოცდილებას მომავალში, თავის საქმიანობაში აქტიურად გამოიყენებს მუნიციპალიტეტი. " წყარო: სამოქალაქო საზოგადოების ინსტიტუტი

ქვემო ქართლი. საჯარო, ბიზნესის და სამოქალაქო სექტორებს შორის, აგვისტოს ბოლოს, ბოლნისსა და დმანისში გაიმართა შეხვედრები, რომლის მიზანიც ისეთი პლატფორმის შექმნაა, რომელიც მათ შორის დიალოგს გაადვილებს. ფოკუს ჯგუფის შეხვერის ფარგლბში სექტორების წარმომადგენლებმა გამოხატეს სურვილი ჩაერთონ ასეთი სივრცის შექმნაში და განვითარებაში. სამუშაო შეხვედრების ფარგლებში გამოთქმული ინიციატივები და მოსაზრებები, საფუძვლად დაედება პროექტის „საჯარო-კერძო სექტორებს შორის რეგულარული დიალოგის ხელშეწყობა ადგილობრივ დონეზე“ შემდეგ აქტივობებს.  სრულად...  წყარო: USAID–ის ადგილობრივი თვითმმართველობის პროგრამა

სამოქალაქო საზოგადოების ინსტიტუტმა (CSI), USAID-ის ადგილობრივი თვითმმართველობის პროგრამის ფარგლებში, განაახლა ტრენინგები საკრებულოს წევრებისა და აპარატის თანამშრომლებისთვის სამიზნე მუნიციპალიტეტებში (ბათუმი, ჩოხატაური, მარნეული, დმანისი). ტრენინგები,1 და 5 სექტემბერს, გაიმართა ჩოხატაურსა და ბათუმში, ხოლო 8 და 11 სექტემბერს გაიმართება დმანისსა და მარნეულში. ტრენინგები შემდეგ ძირითად საკითხებს მოიცავს: საკრებულოს ძირითადი უფლებამოსილებები, საკრებულოს წევრების ანგარიშვალდებულება და ამომრჩეველთან კომუნიკაცია, საკრებულოს წევრის ანგარიშვალდებულების ინოვაციური მექანიზმები.  ტრენინგებს უძღვება კოკა კიღურაძე. USAID-ის ადგილობრივი თვითმმართველობის პროგრამა წარმოადგენს ხუთწლიან ინიციატივას, რომელიც აშშ-ის საერთაშორისო განვითარების სააგენტოს (USAID) დაფინანსებით ხორციელდება საქართველოში. პროგრამა მიზნად ისახავს საქართველოში მიმდინარე დეცენტრალიზაციის და საჯარო მმართველობის რეფორმის მხარდაჭერას და ადგილობრივ თვითმმართველობებში ეფექტიანობის, ანგარიშვალდებულებისა და მოქალაქეთა ჩართულობის გაზრდას.

შიდა ქართლი. ავლევის თემში სათემო–საგანმანათლებლო ცენტრმა დაიწყო ფუნქციონირება. ცენტრის შექმნის ერთ–ერთი მთავარი მიზანი, რა თქმა უნდა, თემის სოფლებში – ავლევში, ცერონისსა და კნოლევში მცხოვრები ახალგაზრდებისთვის არაფორმალური, პროფესიული განათლების ხელმისაწვდომობის ზრდაა. ცენტრში უკვე დაიწყო არაფორმალური განათლების პირველი სასწავლო კურსი. თემის ახალგაზრდები ავტომანქანის მართვას შეისწავლიან. ამ ეტაპზე, ავტომანქანის მართვის სასწავლო კურსის თეორიული ნაწილი ტარდება, რომელსაც 13 ადგილობრივი ახალგაზრდა ესწრება. მომდევნო ეტაპზე ახალგაზრდებს მართვის პრაქტიკული სწავლებაც ჩაუტარდებათ. პარალელურად მზადდება, ასევე, ავტომანქანის მართვის სწავლების ერთი ადგილობრივი პედაგოგი, რომელიც შემდგომში, პროექტის დასრულების მერე, სხვა მსურველებისთვის აქვე ჩაატარებს ამავე სასწავლო კურსს.  სათემო-საგანმანათლებლო ცენტრი ადგილობრივი მოსახლეობის სურვილებსა და არაფორმალური სწავლების სხვა საჭიროებებსაც შეისწავლის და არაერთ სასწავლო კურსს განახორციელებს.  პროექტს განათლების დამოუკიდებელ კონსულტანტთა კოლეგია "საქართველოს სტრატეგიული კვლევებისა და განვითარების ცენტრის" (CSRDG) მხარდაჭერითა და ევროკავშირისა და კონრად ადენაუერის ფონდის დაფინანსებით ახორციელებს.

სამოქალაქო საზოგადოების ინსტიტუტი (CSI) გიწვევთ ფორუმზე „მოქალაქეთა მონაწილეობა ადგილობრივი განვითარებისთვის“, რომელიც გაიმართება 2023 წლის 26 სექტემბერს სასტუმრო Holiday Inn-ში (მისამართი: 26 მაისის მოედანი N1). ფორუმის მიზანია მოქალაქეთა ჩართულობის მიმართულებით არსებული გამოცდილებისა და საუკეთესო პრაქტიკების გაზიარება, გამოწვევებისა და შესაძლებლობების გაანალიზება, ამ კუთხით მნიშვნელოვან საკითხებზე დიალოგისა და დისკუსიის სივრცის შექმნა. რაც ხელს შეუწყობს სამოქალაქო მონაწილეობის საკითხით დაინტერესებული აქტორების შესაძლებლობების გაძლიერებას და მათ შორის თანამშრომლობის სტიმულირებას.  თუ ხართ დაინტერესებული ადგილობრივ დონეზე მოქალაქეთა მონაწილეობის შესახებ არსებული გამოცდილების გაცნობით როგორც მუნიციპალიტეტების, ისე დონორი ორგანიზაციებისა და სამოქალაქო საზოგადოების მხრიდან და გსურთ მიიღოთ პასუხები თქვენთვის საინტერესო კითხვებზე, დარეგისტრირდით ბმულზე: https://shorturl.at/EHY27 ფორუმზე რეგისტრაციის ბოლო ვადა არის 17 სექტემბერი.  გთხოვთ, გაითვალისწინოთ, რომ ღონისძიების ფარგლებში მონაწილეთა შერჩევა მოხდება მუნიციპალიტეტების, საქმიანობის სფეროს და მოტივაციის მიხედვით. შერჩეულ მონაწილეები ელ-ფოსტის საშუალებით მიიღებენ დეტალურ დღის წესრიგს და დასტურს ღონისძიებაზე დასწრების შესახებ. გთხოვთ, გაითვალისწინოთ, რომ ღონისძიების ფარგლებში, ტრანსპორტირებისა და სასტუმროში განთავსების ხარჯები (ასეთის საჭიროების შემთხვევაში) უნდა უზრუნველყოს უშუალოდ მონაწილემ.  დამატებითი კითხვების შემთხვევაში დაუკავშირდით საკონტაქტო პირს: თათა ბოჭორიშვილი, 598743512 ელ. ფოსტა: tamar@civilin.org  ფორუმი ორგანიზებულია სამოქალაქო საზოგადოების ინსტიტუტის (CSI) მიერ, „ადგილობრივი განვითარების აქტორების მდგრადი კავშირის შექმნა საქართველოში“ პროექტის ფარგლებში, რომელიც დაფინანსებულია გერმანული საერთაშორისო ფონდის, Bread for the World-ის მიერ.

დმანისის და მარნეულის მუნიციპალიტეტების საკრებულოების წევრებისა და აპარატის თანამშრომლებისთვის 4 და 7 აგვისტოს გაიმართა ტრენინგები. ამით დასრულდა ტრენინგების პირველი ციკლი, რომლის მიზანიც მუნიციპალიტეტების საქმიანობაში მოქალაქეთა მონაწილეობის გაძლიერებაა. შეგახსენებთ ტრენინგები, ასევე გაიმართა ბათუმსა და ჩოხატაურში (1, 2 აგვისტო). მუნიციპალიტეტებისთვის გამართულ ტრენინგებში მონაწილეობდა 86 წარმომადგენელი.   ტრენინგ–მოდული, მუნიციპალიტეტების საჭიროებების შეფასების საფუძველზე, სამოქალაქო საზოგადოების ინსტიტუტმა, USAID-ის ადგილობრივი თვითმმართველობის პროგრამის მხარდაჭერით, შექმნა. ტრენინგებს უძღვებოდნენ ლევან ფანიაშვილი და ნათია აფხაზავა. მეორე ციკლი გაიმართება შემოდგომაზე და კოკა კიღურაძე წარუძღვება.  USAID-ის ადგილობრივი თვითმმართველობის პროგრამა წარმოადგენს ხუთწლიან ინიციატივას, რომელიც აშშ-ის საერთაშორისო განვითარების სააგენტოს (USAID) დაფინანსებით ხორციელდება საქართველოში. პროგრამა მიზნად ისახავს საქართველოში მიმდინარე დეცენტრალიზაციის და საჯარო მმართველობის რეფორმის მხარდაჭერას და ადგილობრივ თვითმმართველობებში ეფექტიანობის, ანგარიშვალდებულებისა და მოქალაქეთა ჩართულობის გაზრდას. პროგრამა მუშაობს ადგილობრივ თვითმმართველობის დონეზე ანგარიშვალდებულების გაძლიერების, ინკლუზიური და მომხმარებელზე ორიენტირებული საჯარო სერვისების მიწოდების გაუმჯობესების კუთხით და დახმარებას უწევს, ცენტრალურ ინსტიტუტებს დეცენტრალიზაციის და საჯარო მმართველობის რეფორმის განხორციელებაში.  პროგრამის გვერდი სოციალურ მედიაში: ადგილობრივი თვითმმართველობის პროგრამა

აჭარა. 26-27 ივლისს, სამოქალაქო საზოგადოების ინსტიტუტის (CSI) ინიციატივით, ქალაქ ბათუმის მერიამ მუნიციპალიტეტის ბიუჯეტის 2024-27 წლების პრიორიტეტების საჯარო განხილვა გამართა. განათლების, კულტურის, სპორტისა და ახალგაზრდობის, ასევე ჯანმრთელობისა და სოციალური დაცვის მიმართულებების განხილვაში 25–მდე მოქალაქე ჩაერთო. ადგილობრივი მოქალაქეების აზრით, მნიშვნელოვანია ახალგაზრდული პროგრამების, ახალგაზრდული ორგანიზაციების მხარდაჭერა და განვითარება. შეხვედრებზე, ასევე, ყურადღება გამახვილა ძალადობის მსხვერპლი ქალების დაცვისა და სარეაბილიტაციო ღონისძიებების დაფინანსების სიმცირესა და გაზრდის აუცილებლობაზე, ჯანდაცვის მიმართულებით მიმდინარე პროგრამების შესახებ ინფორმაციის ხელმისაწვდომობის გაზრდაზე და ა.შ. შეხვედრა გაიმართა USAID-ის ადგილობრივი თვითმმართველობის პროგრამის ფარგლებში. სრულად...

აჭარა. „საერთაშორისო გამჭვირვალობა - საქართველომ” შეისწავლა 2021 წლის 3 დეკემბრიდან 2022 წლის 31 დეკემბრამდე, ქალაქ ბათუმის 2021 წლის მოწვევის საკრებულოს მიერ გაწეული საქმიანობა. „ანგარიში მოიცავს ძირითად მიგნებებსა და რეკომენდაციებსაც, რომელთა გათვალისწინებაც დაეხმარება საკრებულოს მომავალ საქმიანობაში. ანგარიშის საფუძვლად გამოყენებულია საკრებულოდან გამოთხოვილი საჯარო ინფორმაცია, „საერთაშორისო გამჭვირვალობა - საქართველოს” დაკვირვებები და მედიის მასალები“. სრულად... წყარო: transparency.ge

იმერეთი. საერთაშორისო გამჭვირვალობა - საქართველოს (TI Georgia) სამოქალაქო საბჭოს ინიციატივით, წყალტუბოს საკრებულოში, სოფელ გუმათის და სოფელ ბანოჯას დამაკავშირებელი გზის საფარის დაგების მოთხოვნით პეტიცია დარეგისტრირდა. პეტიციას  276 მოქალაქე აწერს ხელს. „ამ გზის მოწესრიგება  10 სოფელს (რიონი, ზარათი, გუმათი, სორმონი, ჭოლები, ოფურჩხეთი, ჟონეთი, დერჩი, დღნორისა, მამაწმინდა) პირდაპირ დააკავშირებს მუნიციპალურ ცენტრს. დღეს ამ სოფლების მაცხოვრებლებს მხოლოდ ქუთაისის გავლით  შეუძლიათ წყალტუბოში მოხვედრა“. ორგანიზაცია მოუწოდებს წყალტუბოს საკრებულოს კანონით დადგენილ ვადაში განიხილოს და მხარი დაუჭიროს მოქალაქეთა  პეტიციას. სრულად... წყარო: ორგანიზაციის გვერდი სოციალურ ქსელში

სამეგრელო. საერთაშორისო გამჭვირვალობა - საქართველოს ინფორმაციით, ზუგდიდის საკრებულოში „შინაური ცხოველების სტერილიზაცია-კასტრაციის მუნიციპალური პროგრამის“ დანერგვის მოთხოვნით პეტიცია დარეგისტრირდა. პეტიციას ხელს აწერს 710 მოქალაქე. „იდეა ზუგდიდელ ცხოველთა მოყვარულ სალომე ფარცვანიას ეკუთვნის, რომელსაც ჩვენი სამოქალაქო საბჭოების წევრები პეტიციის მომზადებასა და ხელმოწერების შეგროვებაში დაეხმარნენ. პეტიციის მიზანია ზუგდიდის მუნიციპალიტეტში 2024 საბიუჯეტო წლიდან შეიქმნას შინაური ცხოველების სტერილიზაცია-კასტრაციის პროგრამა, რომლითაც მოქალაქეები პირველი ორი წელი  უფასოდ ისარგებლებენ“. საერთაშორისო გამჭვირვალობა - საქართველო მოუწოდებს ზუგდიდის მუნიციპალიტეტის საკრებულოს კანონით დადგენილ ვადაში განიხილოს და მხარი დაუჭიროს წარდგენილ პეტიციას. სრულად... წყარო: ორგანიზაციის გვერდი სოციალურ ქსელში

14 ივლისს, USAID–ის ადგილობრივი თვითმმართველობის პროგრამის ფარგლებში, სამოქალაქო საზოგადოების ინსტიტუტის (CSI) წარმომადგენლებმა, სამუშაო შეხვედრები გამართეს მარნეულის მუნიციპალიტეტის მერიის, საკრებულოსა და ადგილობრივი სამოქალაქო საზოგადოების წარმომადგენლებთან. შეხვედრის მიზანი იყო თვითმმართველობის საქმიანობაში ადგილობრივი მოსახლეობის მონაწილეობის საკითხები. მარნეულის მუნიციპალიტეტში მოქალაქეთა მონაწილეობის რამდენიმე მექანიზმის გამოყენების პრაქტიკა არსებობს – პეტიცია, რომელიც საზოგადოებრივმა ორგანიზაციებმა წარადგინეს, ასევე არსებობს – საკონსულტაციო საბჭოები. შეხვედრაზე ხაზი გაესვა მოქალაქეთა მონაწილოების ახალი მექანიზმების შესაძლო გამოყენების საკითხსაც, კერძოდ, საუბარი შეეხო საერთო კრების მექანიზმს. მუნიციპალიტეტეტი, ასევე გეგმავს აღადგინოს სამოქალაქო ბიუჯეტის პროგრამა. შეგახსენებთ, რომ საქართველოში მარნეულის მუნიციპალიტეტი პირველი იყო, სადაც რამდენიმე წლის წინათ, მონაწილეობითი ბიუჯეტირება დაინერგ სამოქალაქო საზოგადოების ორგანიზაციები მიიჩნევენ, რომ მუნიციპალიტეტში აუცილებელია დიალოგის სივრცე, რაც საკითხების ჩართულობით მოგვარების ერთ–ერთი პრაქტიკული საშუალება იქნებ შეხვედრა გაიმართა „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერების“ პროექტის ფარგლებში, რომელსაც სამოქალაქო საზოგადოების ინსტიტუტი (CSI) ახორციელებს. პროექტი USAID–ის ადგილობრივი თვითმმართველობის პროგრამის ნაწილია და მისი ფინანსური მხარდამჭერია აშშ–ის საერთაშორისო განვითარების სააგენტო (USAID).

სამოქალაქო საზოგადოების ინსტიტუტის (CSI) წარმომადგენლებმა, USAID–ის ადგილობრივი თვითმმართველობის პროგრამის ფარგლებში, დაიწყეს სამუშაო შეხვედრები ქვემო ქართლის მუნიციპალიტეტების წარმომადგენლებთან. 12 ივლისს, სამუშაო შეხვედრა გაიმართა დმანისის მუნიციპალიტეტის მერიის, საკრებულოსა და ადგილობრივი სამოქალაქო საზოგადოების წარმომადგენლების მონაწილეობით.  შეხვედრის მიზანი იყო მოქალაქეთა მონაწილეობის კუთხით არსებული გამოწვევების ანალიზი და მომავალში მონაწილეობის გაუმჯობესებისთვის, სხვადასხვა მექანიზმის დანერგვის შესაძლებლობის განხილვა. ამ დროისთვის დმანისის მუნიციპალიტეტში მოქალაქეთა მონაწილეობის რამდენიმე მექანიზმის გამოყენების პრაქტიკა არსებობს – პეტიცია, რომელიც საზოგადოებრივმა ორგანიზაციებმა წარადგინეს და მუნიციპალიტეტში არსებული საკონსულტაციო საბჭოები.  სამუშაო შეხვედრისას ისაუბრეს ახალ მექანიზმებზეც, რომლის გამოყენებაც, შესაძლოა, უახლოეს მომავალში დაიგეგმოს. კერძოდ, ყურადღება გამახვილდა მონაწილეობითი ბიუჯეტის და დასახლებების საერთო კრებების მექანიზმებზე.  შეხვედრა გაიმართა „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერების“ პროექტის ფარგლებში, რომელსაც სამოქალაქო საზოგადოების ინსტიტუტი (CSI) ახორციელებს. პროექტი USAID–ის ადგილობრივი თვითმმართველობის პროგრამის ნაწილია და მისი ფინანსური მხარდამჭერია აშშ–ის საერთაშორისო განვითარების სააგენტო (USAID).

სამეგრელო. „საერთაშორისო გამჭვირვალობა - საქართველომ” შეაფასა ზუგდიდის მუნიციპალიტეტის საკრებულოს 2022 წელს გაწეული საქმიანობა. ანგარიში ეფუძნება საკრებულოდან გამოთხოვილ, საკრებულოს ოფიციალურ ვებ-გვერდზე არსებულ ინფორმაციას და ორგანიზაციის დაკვირვებებს. კვლევის საანგარიშო პერიოდი მოიცავს 2022 წელს. ძირითადი მიგნებები და რეკომენდაციები ვრცლად იხილეთ ანგარიშში... წყარო: transparency.ge

ბათუმი. სამოქალაქო საზოგადოების ინსტიტუტმა (CSI), 21-22 ივნისს, ბათუმში, „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერების“ პროექტის დაწყების და დაგეგმვის შეხვედრა გამართა. შეხვედრაში მონაწილეობდნენ პროექტის სამიზნე (ბათუმი, დმანისი, მარნეული, ჩოხატაური) მუნიციპალიტეტების საკრებულოს და მერიის 20 წარმომადგენელი. პროექტის მიზანია სამიზნე მუნიციპალიტეტებში სამოქალაქო ჩართულობის გაზრდა ადგილობრივ დონეზე გადაწყვეტილების მიღების პროცესებში და მონაწილეობითი მმართველობის გაძლიერება. შეხვედრის მონაწილეები გაეცნენ, სამოქალაქო საზოგადოების ინსტიტუტის თვითშეფასების ონლაინ ინსტრუმენტს (Benchmarking Methodology), რომელიც დაეხმარება ადგილობრივ თვითმმართველობებს თავად შეაფასონ და გააუმჯობესონ ურთიერთობები საზოგადოებასთან.  მუნიციპალიტეტების წარმომადგენლებმა ერთმანეთს გაუზიარეს გამოცდილება და მართვის პროცესებში მოქალაქეთა მონაწილეობის მიმართულებით არსებული მდგომარეობა და დაგეგმეს შემდგომი ნაბიჯები. „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერების“ პროექტი, USAID–ის ადგილობრივი თვითმმართველობის პროგრამის ნაწილია, რომლის ფინანსური მხარდამჭერია აშშ–ის საერთაშორისო განვითარების სააგენტო.

სამეგრელო. ჩხოროწყუს მუნიციპალიტეტის სოფელ მუხურში, ხაბალერის უბანში მცხოვრები 35 ოჯახი გზის მოასფალტებასა და სანიაღვრე არხების მოწყობას ითხოვს. ამ მოთხოვნით, საერთაშორისო გამჭვირვალობა - საქართველოს სამოქალაქო საბჭოების ორგანიზებით, მოსახლეობამ ჩხოროწყუს მერიას განცხადებით მიმართა. ორგანიზაცია ჩხოროწყუს მერიას მოუწოდებს, დროულად განიხილოს მიმართვა და დააკმაყოფილოს მუხურელების მოთხოვნები. სრულად... წყარო: ორგანიზაციის გვერდი სოციალურ ქსელში

სამოქალაქო საზოგადოების ინსტიტუტი (CSI) იწყებს ახალ პროექტს - „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერება“. პროექტი USAID-ის ადგილობრივი თვითმმართველობის პროგრამის ნაწილია, რომლის ფინანსური მხარდამჭერია აშშ-ის საერთაშორისო განვითარების სააგენტო (USAID/Georgia). პროექტის მიზანია სამოქალაქო ჩართულობის გაზრდა ადგილობრივ დონეზე გადაწყვეტილებების მიღების პროცესებში და მონაწილეობითი მმართველობის გაძლიერება შემდეგ სამიზნე მუნიციპალიტეტებში: ბათუმში, ჩოხატაურში, დმანისსა და მარნეულში. პროექტის ფარგლებში დაგეგმილი აქტივობები მოიცავს: სამიზნე მუნიციპალიტეტებში მონაწილეობითი მექანიზმების გაუმჯობესების ხელშეწყობას; მოქალაქეთა მონაწილეობის ხარისხის შეფასების მეთოდოლოგიის დანერგვას; თვითმმართველობის წარმომადგენლების შესაძლებლობების ზრდის ხელშეწყობას; სამოქალაქო საზოგადოების აქტორების გაძლიერებას და მყარი კავშირების შექმნას. პროექტის ფარგლებში, პირველი შეხვედრა გაიმართება 21-23 ივნისს, ბათუმში, რომელსაც პროექტის სამიზნე მუნიციპალიტეტების საკრებულოსა და მერიის წარმომადგნელები დაესწრებიან.