აჭარა. 17 -23 სექტემბერი, ბათუმის კინოთეატრი „აპოლო” და სასტუმრო "Radisson Blu” მასპინძლობს საერთაშორისო საავტორო კინო ფესტივალს, სადაც წარმოდგენილია ფილმები მსოფლიოს თითქმის ყველა ქვეყნიდან. BIAFF-ის ფარგლებში ახალგაზრდა კინომოყვარულებს ეძლევათ საშუალება დაესწრონ მსოფლიო დონის კინორეჟისორების მასტერკლასებს.  21 საქტემბერს, ბათუმის დემოკრატიული ჩართულობის ცენტრში, ნაჩვენები იქნა პიეტრო მარჩელოს ფილმი _ ”The Silence of Peleshian”. ჩვენების შემდეგ  უშულაოდ პიეტრო მარჩელომ ხელოვნების უნივერსიტეტის სტუდენტებისთვის ჩაატარა მასტერკლასი კადრების ორგანულად გადაბმის თაობაზე

თბილისი. 21 სექტემბერს საქართველოს ჟურნალისტური ეთიკის ქარტიამ და „მემო 98"–მა 18–19–20 სექტემბრის ქართული ტელევიზიების მონიტორინგის შედეგები წარადგინეს. მონიტორები იკვლევდნენ, თუ როგორ აშუქებდნენ ტელევიზიები (საზოგადოებრივი მაუწყებელი, „იმედი", „რუსთავი 2", „რეალტივი", „კავკასია", „მეცხრე არხი" და „მაესტრო") ქართულ ციხეებში პატიმრებისადმი არასათანადო მოპყრობის ფაქტებს. კვლევა ორი ტიპის გადაცემებზე მიმდინარეობდა: საინფორმაციო გამოშვებებსა და პოლიტიკურ თოქ–შოუბზე.  გარდა ამისა, ორგანიზაციამ შეხვედრაზე წარადგინა მედია მონიტორიგნის მესამე შუალედური ანგარიში, რომელიც მოიცავს ტელევიზიების თვისებრივი კვლევის შედეგებს 13-26 აგვისტოს პერდიოში.  მონიტორინგის მიზანია დეტალურად გამოავლინოს, როგორ შუქდება სხვადასხვა თემები წინასაარჩენო პერიოდში ტელეეთერით. მონიტორინგის ფარგლებში მონიტორები აკვრიდებიან 11 ტელევიზიის საუკეთესო საეთერო დროს. ეს ტელევიზიებია: საზოგადოებრივი მაუწყებლის პირველი არხი, რუსთავი 2, იმედი, მაესტრო, კავკასია, მეცხრე არხი, რეალ ტვ, 25-ე არხი, აჭარის ტელევიზია, ტვ რიონი და მეგა ტვ. მონიტორინგი ხორციელდება პროექტის – „მედია გამჭვირვალე და სამართლიანი არჩევნებისთვის" ფარგლებში, ფონდი „ღია საზოგადოება – საქართველოს" მხარდაჭერით 18-20 სექტემბერს სასჯელაღსრულების დაწესებულებებში არსებული ადამიანის უფლებების დარღვევის ამსახველი მასალების მედია გაშუქების მონიტორინგის შედეგებიმედია მონიტორიგნის მესამე შუალედური ანგარიში (13  - 26 აგვისტო)

აჭარა. 21 სექტემბერს, ბათუმის პრესკაფეში, „სამოქალაქო კულტურის საერთაშორისო ცენტრმა"  და ასოცოაციამ „თავისუფალ ჟურნალიტთა სახლმა" გამართა დისკუსია თემაზე – „ამომრჩევლის  ინფორმირებულობის ხარისხი აჭარის ავტონომიურ რესპუბლიკაში". დისკუსიაში მონაწილეობას ღებულობდნენ საზოგადოებრივი ორგანიზაციების, მედიის, პოლიტიკური პარტიების, ადგილოობრივი საარჩევნო კომისიის წარმომადგენლები, სტუდენტები და სხვადასხვა სოციალური ჯგუფის წევრები. დისკუსიის მონაწილეებმა იმსჯელეს აჭარაში მყოფ არმომრჩეველთა ინფორმირებულობის დაბალი ხარისხის გამომწვევ მიზეზებზე, არასამთავრობო და სამთავრობო, ასევე პოლიტიკური პარტიების როლზე და მნიშვნელობაზე აღნიშნული პრობლემის მოგვარების თვალსაზრისით. დისკუსიები იმართება ამერიკის შეერთებული შტატების საერთაშორისო განვითარების სააგენტოს (USAID) და საარჩევნო სისტემის საერთაშორისო ფონდის (IFES)  დაფინანსებული პროექტის – „ამომრჩეველთა განათლება აჭარის რეგიონში"– გაფრგლებში.

შიდა ქართლი. 21 სექტემბერს, მშვიდობის საერთაშორისო დღესთან დაკავშირებით საზოგადოებრივი ორგანიზაცია „ბილიკის" ორგანიზებით მოეწყობა დისკუსია. 4 საათზე კი დაიწყება მსვლელობა ქუჩებში, სადაც აქციის მონაწილეების მშვიდობის საერთაშორისო დღეს აღნიშნავენ. მსვლელობის პარალელურად საზოგადოება „ბილიკის" დღის ცენტრების და შეზღუდული შესაძლებლობების მქონე პირთა კეთილდღეობის ცენტრის აღსაზრდელები დაიწყებენ ასფალტზე ხატვას მშვიდობის თემაზე, რომლებსაც მსვლელობის მონაწილეებიც შეუერთდებიან. წყარო: ორგანიზაციის გვერდი სოციალურ ქსელში

თბილისი. სტუდია „თვითმხილველის" მოქალაქე რეპორტიორები საპროტესტო აქციების მსვლელობას აკვირდებიან და იმ ადამიანების მოსაზრებებს აგროვებენ, რომლებიც აქციებში მონაწილეობას იღებენ. მათ მიერ გადაღებული მასალები საზოგადოებრივი ორგანიზაცია „გოუ ჯგუფის" ახალ დოკუმენტურ ფილმში შევა, რომელიც „არა მხოლოდ არჩევნებს და პოლიტიკურ ტენდენციებს ასახავს, არამედ საზოგადოების ერთგვარ პორტრეტს შექმნის". წყარო: gogroupmedia.net

იმერეთი. 19 სექტემბერს  სამოქალაქო განათლებისა და პედაგოგთა გადამზადების პროგრამის ფარგლებში ქუთაისის 32-ე საჯარო სკოლის სამოქალაქო კლუბის ინიციატივით სკოლის ეზოში დასუფთავების აქცია მოეწყო. აქციაში ჩართული იყვენენ როგორც კლუბის წევრები, ასევე ამავე სკოლის მე-8, მე-9, მე-10, მე-11 კლასის მოსწავლეები და პედაგოგები. სამოქალაქო განათლებისა და პედაგოგთა გადამზადების პროგრამა ხორციელდება ორგანიზაცია PH International-ის მიერ, აშშ საერთაშორისო განვითარების სააგენტოს (USAID) დაფინანსებით. სრულად  წყარო: kedec.ge

იმერეთი.14-16 სექტემბერს პროექტის – „ლიდერთა აკადემია" – ფარგლებში, რომელსაც პოლონური ორგანიზაცია „ფონდი მდგრადი განვითარებისათვის" ახორციელებს ტყიბულის განვითარების ფონდთან, ასოციაცია CENN-თან, „ელკანასთან" და შავი ზღვის ეკო-აკადემიასთან თანამშრომლობით, ჩატარდა  ტრენინგი ლიდერობის უნარ-ჩვევებზე ტყიბულის მუნიციპალიტეტის სოფელ საწირეში. ტრენინგს ესწრებოდნენ  ზემოთ აღნიშნული პროექტის ბენეფიციარები ქედის, ამბროლაურის, ჭიათურის და ტყიბულის მუნიციპალიტეტებიდან.  ტრენინგის მიზანს მონაწილეებისათვის ლიდერობის უნარ-ჩვევების ჩამოყალიბება და განვითარება წარმოადგენდა. ტრენინგის ბოლო ნაწილი დაეთმო საპილოტე პროექტების მონახაზის განხილვას, რომელსაც ბენეფიციარები განახორციელებენ ადგილზე პროექტის „ლიდერთა აკადემია" ფარგლებში. ტრენინგი  ელკანას, CENN, BSEA-დან  და თერჯოლის მოსწავლე ახალგაზრდობის მუნიციპალური ცენტრიდან მოწვეული ექსპერტების მიერ ჩატარდა. პროექტის მომდევნო ეტაპზე შერჩეული მონაწილეები გაემგზავრებიან პოლონეთში სასწავლო ვიზიტით და შეხვდებიან ლიდერებს ადგილობრივ დონეზე. პროექტი „ლიდერთა აკადემია" ხორციელდება პოლონეთის საგარეო საქმეთა სამინისტროს პოლონეთის განვითარების 2012 პროგრამის დაფინანსებით, პროგრამა „დემოკრატიის მხარდაჭერა". წყარო: cenn

შიდა ქართლი. 20 სექტემბერს, გორის ინვალიდთა კლუბის ოფისში გაიმართა ქალთა ფორუმის შეხვედრა პროექტის - ეთნიკური უმცირესობების ინტეგრაცია საარჩევნო პროცესებში ფარგლებში. პროექტს ახორციელებენ გორის ინვალიდთა კლუბი და ორგანიზაცია „ქართლის დედა" საარჩევნო სისტემების განვითარების რეფორმებისა და სწავლების ცენტრის დაფინანსებით. შეხვედრაზე მოწვეული იყვნენ გორის მუნიციპალიტეტში მაცხოვრებელი ეთნიკურად აზერბაიჯანელი ქალები, შეზღუდული შესაძლებობის მქონე პირები და ადგილობრივი არასამთავრობო ორგანიზაციები. ფორუმის მიზანია ხელი შეუწყოს ეთნიკური უმცირესობების და შშმ პირების ინტეგრაციას საზოგადოებაში და მათი მონაწილეობის გააქტიურებას პოლიტიკურ პროცესებში შეხვედრის მიმდინარეობისას გაიმართა დისკუსია შემდეგ საკითხებზე: რა არის ქალის მთავარი ფუნქცია? ქალის პოლიტიკაში ჩართვის დადებითი და უარყოფითი მხარეები; ქალის პოლიტიკაში ჩართვის შემაფერხებელი ფაქტორები; აზერბაიჯანული თემის შეხედულება ქალის აქტიური სამოქალაქო პოზიციის მიმართ; რა თვისებები უნდა ახასიათებდეს არჩევნებში მონაწილე პოლიტიკურ კანდიდატს.

21 სექტემბერს, 15:00 საათზე „მემო 98" და „საქართველოს ჟურნალისტური ეთიკის ქარტია" წარმოადგენს მედიამონიტორინგის შედეგებს. თემა: უკანასკნელი სამი დღის მანძილზე ქართული მედიასაშუალებების მიერ პატიმართა წამების ამსახველი ვიდეომასალის გაშუქების და ასევე ტელეარხების წინასაარჩევნო მონიტორინგის მესამე ეტაპის შედეგები. მისამართი: თბილისი, სასტუმრო „თბილისი მარიოტი".

21 სექტემბერს, 13:00 საათზე „სამოქალაქო კულტურის საერთაშორისო ცენტრი" და ასოციაცია „თავისუფალ ჟურნალისტთა სახლი" გამართავს დისკუსიას. თემა: „ამომრჩევლის ინფორმირებულობის ხარისხი აჭარის ავტონომიურ რესპუბლიკაში". მისამართი: ბათუმი, მელაშვილის და საბაჟოს შესახვევი 1–2, პრესკაფე

აჭარა. 20 სექტემბერს, ბათუმის დემოკრატიული ჩართულობის ცენტრში, „ნიდერლანდების ინსტიტუტმა მრავალპარტიული დემოკრატიისთვის" (NIMD) გამართა პროექტის – „ბათუმის დემოკრატიული სკოლის" პრეზენტაცია. აღნიშნული დემოკრატიის სკოლა წარმოადგენს 5-თვიან სიღრმისეულ საგანმანათლებლო პროგრამას, რომლის ფარგლებშიც მონაწილეები გადიან სწავლებას სამოქალაქო აქტივობისთვის აუცილებელ ცოდნასა და უნარებში. ტრენინგების კურსი მოიცავს თანამედროვე უნარებს, დემოკრატიული საკითხების, დემოკრატიული მმართველობის, ლიდერობის და სოციალური მეწარმეობის ძირეულ საკითხებს. ტრენინგებს ჩაატარებენ მაღალი კვალიფიკაციის მკვლევარები, პრაქტიკოსები და ექსპერტები საქართველოდან და საზღვარგარეთიდან. მონაწილეები ასევე ისარგებლებენ ელექტრონული სასწავლო გარემოთი და მცირე გრანტების კონკურსში მონაწილეობის შესაძლებლობით. პროგრამაში მონაწილეობა შეუძლიათ დაინტერესებულ მოქალაქეებს, არასამთავრობო, ადგილობრივი თვითმმართველობის, პოლიტიკური და მედია ორგანიზაციების წარმომადგენლებს. ბათუმის დემოკრატიის სკოლაში მონაწილეობისთვის განაცხადის შემოტანის ბოლოვადაა 27 სექტემბერი.პროექტის ფინანსური მხარდამჭერია ფრიდრიხ ნაუმანის ფონდი.

თბილისი. 20 სექტემბერს, ევრაზიის თანამშრომლობის ფონდმა სასჯელაღსრულების სისტემაში არასათანადო მოპყრობისა და ადამიანის ღირსების შელახვის ფაქტების შესახებ განცხადება გამოაქვეყნა. განცხადება  წყარო:epfound.ge  

თბილისი. „საერთაშორისო გამჭვირვალობა – საქართველომ" შექმნა ახალი ვიკი ვებგვერდი: transparency.ge/candidates, რომელიც მოქალაქეებს აძლევს შესაძლებლობას, შეიტყონ მეტი იმ პოლიტიკოსების შესახებ, რომლებიც 1 ოქტომბერს 73 ოლქში მაჟორიტარის მანდატების მოპოვებას შეეცდებიან. ვებგვერდის მიზანია მომხმარებელს ხელი შეუწყოს კონკურენტი კანდიდატების შესახებ ინფორმაციის მიწოდებას.კანდიდატებისთვის ვებგვერდზე შექმნილია ინდივიდუალური გვერდები, რომლებიც დაჯგუფებულია ოლქებისა და რეგიონების მიხედვით. ზოგიერთი პროფილი უკვე შევსებულია ინფორმაციით. ვიკის ფორმატის გამო, მომხმარებელს შეუძლია ვებგვერდზე რეგისტრაციის გარეშე დაამატოს პოლიტიკოსების ბიოგრაფიული მონაცემები, შეიტანოს ცვლილებები, გაამდიდროს პროფილები საინტერესო დეტალებით და შევიდეს დისკუსიაში სხვა მოქალაქეებთან. სწორედ ამ მიზეზის გამო, „საერთაშორისო გამჭვირვალობა – საქართველო" არ იღებს პასუხისმგებლობას ვებგვერდზე განთავსებული ინფორმაციის სისწორეზე. როგორც იდეის ფასილიტატორი, „საერთაშორისო გამჭვირვალობა – საქართველო" იტოვებს უფლებას, წაშალოს არაეთიკური კომენტარები და ინფორმაცია, რომელიც დადასტურდება, როგორც მცდარი. წყარო: transparency.ge

სამცხე–ჯავახეთი. არ აწამო! არა წამებას! დაისაჯოს დამნაშავე! პატივი ეცით ადამიანის უფლებებს! - ამ ლოზუნგებით სამოქალაქო სექტორისა და მედიის წარმომადგენლებმა 19 სექტემბერს, ქალაქ ახალციხეში, რუსთაველის ძეგლის მიმდებარე ტერიტორიაზე, აქცია გამართეს. არასამთავრობო ორგანიზაციების ,,ტოლერანტის", „ახალციხის ახალგაზრდული ცენტრის", კავშირ ,,სამხრეთის კარიბჭის’’ წარმომადგენლებმა და მოქალაქეებმა 19 სექტემბრის ღამეს ტელევიზიებით გავრცელებული პატიმართა წამების ფაქტები გააპროტესტეს. აქციის მონაწილეებმა მომხდარი ადამიანის უფლებების უხეშ დარღვევად შეაფასეს და აღნიშნეს, რომ საზოგადოებამ დროულად უნდა ამოიღოს ხმა ადამიანის ღირსების შემლახავი მოპყრობის წინააღმდეგ.

თბილისი. 20 სექტემბერს არასამთავრობო ორგანიზაციები პრეზიდენტის 19 სექტემბრის განცხადებას გამოეხმარენენ. ორგანიზაციები მიიჩნევენ, რომ „გაჟღერებული ზომები არ არის საკმარისი და პროპორციული რეაგირება ადამიანის უფლებების დარღვევის იმ შემზარავ და სისტემურ ფაქტებზე, რომლის თვითმხილველიცაა საზოგადოება ბოლო დღეების განმავლობაში. განცხადება წყარო: osgf.ge

გადადაიდო საქართველოს ახალგაზრდა იურისტთა ასოციაციის წინასაარჩევნო გარემოს მონიტორინგის მეორე შუალედური ანგარიშის პრეზენტაცია. იგი გაიმართა 24 სექტემბერს, 14:00 საათზე. მისამართი: თბილისი, თავისუფლების მოედანი 4, სასტუმრო „ქორთიარდ მარიოტი"

იმერეთი. 20 სექტემბერს დემოკრატიული ჩართულობის ცენტრში ქუთაისში მოქმედი საზოგადოებრივი და მედია ორგანიზაციების წარმომადგენლები შეიკრიბნენ, რომლებმაც შეიმუშავეს განცხადების ტექსტი საქართველოში ბოლო დროს განვითარებული მოვლენების შესახებ. ქუთაისში მომუშავე საზოგადოებრივი და მედია ორგანიზაციები სრულიად იზიარებენ და უერთდებიან თბილისში არასამთავრობო სექტორის მიერ გავრცელებულ განცხადების პათოსს და ჩამოყალიბებულ მთხოვნებს.  განცხადებას 34 საზოგადებრივ და მედია ორგანიზაციების წარმომადგენლებმა და აქტიურმა მოქალაქეებმა მოაწერეს ხელი. განცხადება

თბილისი. 19 სექტემბერს ინფორმაციის თავისუფლების განვითარების ინსტიტუტმა (IDFI) საჯარო დაწესებულებების ვებგვერდების მონიტორინგის შედეგები წარადგინა. ორგანიზაციამ მონიტორინგი გაუწია 104 საჯარო დაწესებულების ვებგვერდს. მონიტორინგის პროცესში ინსტიტუტმა შეაფასა, თუ რამდენად გამჭვირვალე და სრულყოფილია მთავრობის საიტებზე განთავსებული საჯარო ინფორმაცია. მონიტორინგის მიხედვით ვებგვერდების ინფორმაციული გამჭვირვალობისა (13.91%) და ტექნიკური გამართულობის ხარისხი( 39.7 %) დაბალია.  მონიტორინგი პროექტის – „საქართველოს საჯარო დაწესებულებების საინფორმაციო (ინტერნეტ) რესურსების მონიტორინგის" – ფარგლებში განხორციელდა და მისი მხარდამჭრები ორგანიზაციებია  ფონდი „ღია საზოგადოება-საქართველო" და „ეროვნული უსაფრთხოების არქივი". მონიტორინგი შედეგები  წყარო: osgf.ge

თბილისი. საქართველოს მცირე და საშუალო საწარმოთა ასოციაციის ორგანიზებით, 19 სექტემბერს, გაიმართა ბიზნეს ფორუმი „საგადასახადო დავის გადაწყვეტილების ალტერნატიული გზები". მისასალმებელი სიტყვების შემდეგ, ფორუმზე შემოსავლების სამსახურის წარმომადგენელმა წარმოადგინა პრეზენტაცია შემოსავლების სამსახურში საგადასახადო დავებზე, რასაც დისკუსია მოჰყვა.  შეხვედრაზე ასევე წარმოადგინეს საგადასახადო დავების გადაწყვეტის ეფექტური ინსტიტუტების კვლევა, რომელიც ეხება საქართველოში საგადასახადო დავების გადაჭრის ალტერნატიული გზების დანერგვას. კვლევა მიმოიხილავს საქართველოში არსებულ მდგომარეობას, საერთაშორისო პრაქტიკას და ასევე მოიცავს რეკომენდაციებსაც.  ფორუმს ესწრებოდნენ სამოქალაქო საზოგადოებრივი ორგანიზაციების წარმომადგენლები, ასევე საქართველოს დასაქმების მინისტრი, პაატა ტრაპაიძე. ფორუმის დასასრულს მონაწილეებმა ხელი მოაწერეს მემორანდუმს, რომლის თანახმადაც ხელმომწერები მხარს უჭერენ ინიციატივას, რომ სახელმწიფო, ბიზნეს, სამოქალაქო და საერთაშორისო ორგანიზაციებმა აქტიურად გააგრძელონ თანამშრომლობა „საქართველოში საგადასახადო დავების გადაწყვეტის ინსტიტუტიცური მოწყობის ისეთი მოდელის შესაქმენლად, რომელიც დანერგავს საერთაშორისო სტანდარტების პრაქტიკას და გააძლიერებს კანონის მმართველობას ქვეყანაში". 

იმერეთი. „ლიბერალური კლუბის" ეგიდით, 19 სექტემბერს, დემოკრატიული ჩართულობის ცენტრში მოეწყო დისკუსია თემაზე „პოლიტიკური კულტურა-ცნება მოქალაქე". მწერალმა და ფილოსოფოსმა ტარიელ დათიაშვილმა იმ მოვლენებზე და სოციალურ პასუხისმგებლობაზე ისაუბრა, რომელიც დღეს ქართული საზოგადოების პოლიტიკურ კულტურაში არსებობს.  სრულად წყარო: ორგანიზაციის სოციალური ქსელი

მცხეთა–მთიანეთი. მიმდინარე წლის 12 სექტემბერს CENN-ის ინიციატივის „სამხრეთ კავკასიის ქვეყნებში სოფლად მცხოვრებ ქალთა უნარ-შესაძლებლობების გაძლიერება და მათი ჩართვა ბუნებრივი რესურსების მდგრად მართვაში" ფარგლებში ბულაჩაურის მწვანე ცენტრში  სამმხრივი რეგიონული შეხვედრა გაიმართა. სამმხრივ შეხვედრას ესწრებოდნენ საქართველოდან, სომხეთიდან და აზერბაიჯანიდან პროექტის ეროვნული და ადგილობრივი კოორდინატორები, ასევე სამხრეთ კავკასიის ქალთა საბჭოს წარმომადგენლები. შეხვედრის მიზანს წარმოადგენდა რესურსების ინტეგრირებული მართვის გეგმის შემუშავების პროცესში სამივე ქვეყნის ადგილობრივი კოორდინატორების მიერ  ჩატარებული შეხვედრების და მათი შედეგების პრეზენტაცია და განხილვა. პროექტის ადგილობრივმა კოორდინატორებმა და ქალთა საბჭოს წევრებმა წარმოადგინეს ადგილებზე ჩატარებული IRMP (რესურსების ინტეგრირებული მართვის გეგმა) შეხვედრების შედეგები. პრეზენტაციების დროს მათ ისაუბრეს, როგორც შეხვედრების მიმდინარეობის თავად პროცესზე, ასევე შეხვედრების ძირითად შედეგებზე. მათ წარმოადგინეს სამიზნე ტერიტორიებზე არსებული მთავარი პრობლემები, გამომწვევი მიზეზები და ასევე, პრობლემების გადაჭრის გზები, რომლებიც შემუშავებულ იქნა ადგილობრივ დაინტერესებულ მხარეებთან მჭიდრო თანამშრომლობით. პრეზენტაციებს მოჰყვა  აქტიური დისკუსია წარმოდგენილ საკითხებზე. ინიციატივა ხორციელდება გერმანული ფონდი EED-ის ფინანსური მხარდაჭერით. წყარო:cenn

აჭარა. საზოგადოებრივი ორგანიზაცია ,,კონსტიტუციის 42-ე მუხლის’’ ორგანიზებით ბათუმში 7-8 სექტემბერს ადგილობრივი ადვოკატებისთვის ორდღიანი ტრენინგი გაიმართა. ტრენინგია თემა იყო „სასამართლოს მეგობრის ინსტიტუტი სამართალწარმოებაში", რომლის ფარგლებშიც ადვოკატებმა ორგანიზაციის ექსპერტების შეფასებები მოისმინეს და პრაქტიკული რჩევები მიიღეს. ტრენინგი პროექტის "სისხლის სამართლის საპროცესო კოდექსის დანერგვის ხელშეწყობა"  ფარგლებში ჩატარდა. პროექტის მხარდამჭერია"ეროვნული წვლილი დემოკრატიაში” (NED).  სრულად წყარო: article42.ge