შიდა ქართლი. შიდა ქართლის სამოქალაქო კლუბის ლიდერები სოფელ ერგნეთში არსებულ ბანაკს ესტუმრნენ. მათ ბანაკის მონაწილე უფროსი ასაკის ბავშვებისათვის გამართეს  სასკოლო სამოქალაქო კლუბების საქმიანობის პრეზენტაცია და  ჩაატარეს    ტრენინგი თემაზე „აქტიური მოქალაქე-ლიდერობა", ასევე გაიმართა „მხიარული სტარტები".  საზაფხულო ბანაკში  სხვადასხვა ასაკის 70-მდე  ბავშვი, იძულებით გადაადგილებული  ოჯახებიდან არაფორმალური განათლების საშუალებით ღებულობდა ფსიქო-სოციალურ რეაბილიტაციას.    სრულად წყარო: civics.ge  

თბილისი. კამპანია „ეს შენ გეხებას”, „აღმოსავლეთ პარტნიორობის საქართველოს ეროვნულ პლატფორმასა” და „მედიის ადვოკატირების კოალიციაში” შემავალი საზოგადოებრივი ორგანზაციები განცხადებას ავრცელებენ. განცხადებაში ორგანიზაციები მოუწოდებენ ხელისუფლებას  საკანონმდებლო ცვლილებების გზით შექმნან გარანტიები, რათა Must carry-სა  და must offer-ის პრინციპების მოქმედება გაგრძელდეს ციფრულ მაუწყებლობაზე  გადასვლამდე. ასევე ისინი მივესალმებიან ხელისუფლების მიერ გამოხატულ პოლიტიკურ ნებას და იმედს გამოთქვამენ, რომ ხელისუფლების დაპირება, გადაიხედოს გადაწყვეტილება ტელეკომპანია „მაესტროს" კუთვნილი აპარატურის დაყადაღების შესახებ და გარკვეული პირობების დაცვით ტელეკომპანიას მიეცეს  შესაძლებლობა გააფართოვოს მომხმარებელთა წრე, მოყვება შესაბამისი ქმედითი ნაბიჯები. განცხადება სრულად წყარო: esshengexeba.ge

12 სექტემბერს, 19:00 საათზე შავი ზღვის ეკონომიკური თანამშრომლობის ორგანიზაციის და კონრად ადენაუერის ფონდის მიერ ორგანიზებული ღონისძიება გაიმართება. მისამართი:  თბილისი, სასტუმრო "რადისონ ბლუ ივერიაში"

თბილისი. უნივერსიტეტების მხარდამჭერი საგრანტო პროექტის ფარგლებში „აღმოსავლეთ-დასავლეთის მართვის ინსტიტუტმა" სამი გამარჯვებული უნივერსიტეტი გამოავლინა. გორის ტექნიკურმა უნივერსიტეტმა გრანტი ხუთთვიანი  პროექტისათვის მიიღო, რომლის მიზანია სტუდენტების ხარისხობრივი და რაოდენობრივი კვლევის უნარების განვითარება შესაბამისი ტრენინგ-კურსის საშუალებით და ამ კურსის ინტეგრირება საჯარო პოლიტიკის ადმინისტრირების და სხვა მონათესავე კურსების კურიკულუმთან; გრიგოლ რობაქიძის სახელობის უნივერსიტეტმა მიიღო დაფინანსება ექვსთვიანი პროექტისათვის, რომელიც მიზნად ისახავს ენერგეტიკული პოლიტიკის კურსის შექმნას ენერგორესურსების მართვის სამაგისტრო პროგრამისათვის. თბილისის სახელმწიფო უნივერსიტეტი კი  ფსიქიკური ჯანმრთელობის პოლიტიკის კურსის პროგრამის განსავითარებლად და საქართველოში ფსიქიკური ჯანდაცვის თემაზე ერთდღიანი კონფერენციის ორგანიზებისათვის დაფინანსდა. უმაღლესი სასწავლებლების მხარდამჭერი გრანტები გაიცემა საქართველოს ნებისმიერი უნივერსიტეტისათვის, რათა დახმარება გაუწიოს მათ იმ სასწავლო პროგრამების ხარისხის  დახვეწაში, რომელიც საჯარო პოლიტიკის ადმინისტრირებას ეხება სრულად წყარო: ewmi-gpac.org

12 სექტემბერს, 17:00 საათზე, ბიოლის ფონდში გაიმართება ქართულ პრესაში ეთნიკური, რელიგიური და სექსუალური უმცირესობების გაშუქების მონიტორინგის 15 თვის შედეგების შემაჯამებელი პრეზენტაცია. მისამართი: თბილისი, ზოვრეთის  #38, ჰაინრიჰ ბიოლის ფონდი

შიდა ქართლი. 10 სექტემბერს ქემონიქს ინთერნეიშენალის პრეზიდენტი რიჩარდ დრეიმანი და ორგანიზაციის წარმომადგენლები ხურვალეთის დევნილთა დასახლებას ესტუმრნენ. ვიზიტის ფარგლებში სტუმრები საქველმოქმედო–ჰუმანიტარული ცენტრ „აფხაზეთის" მიერ განხორციელებული პროექტის ფარგლებში მიმდინარე ტრენინგებს დაესწრნენ და ბინათმესაკუთრეთა და მობინადრეთა ასოციაციების სამომავლო გეგმებს გაეცნენ.  რიჩარდ დრეიმანის საქართველოში ვიზიტი USAID-ის მიერ დაფინანსებული პროექტის - „ახალი ეკონომიკური შესაძლებლობების ინიციატივა" - ფარგლებში განხორციელებული საქმიანობების გაცნობას ისახავდა მიზნად.  სრულად წყარო: ცენტრ „აფხაზეთის" გვერდი სოციალურ ქსელში

12 სექტემბერს, 13:00 საათზე, "საერთაშორისო გამჭვირვალობა – საქართველო" წინასაარჩევნო ანგარიშის პრეზენტაციას გამართავს. მისამართი: სასტუმრო "რედისონ ბლუ ივერია"

  12 სექტემბერს, 12:00 საათზე, "აღმოსავლეთ პარტნიორობის საქართველოს ეროვნული პლატფორმის", კამპანიის "ეს შენ გეხება" და "მედიის ადვოკატირების კოალიციის" ერთობლივი პრესკონფერენცია გაიმართება. მისამართი: ჭოველიძის ქუჩა #10  

14 სექტემბერს, 12:00 საათზე, სამოქალაქო საზოგადოების ინსტიტუტი, ევროკავშირის მხარდაჭერით, ბათუმში აწყობს საზოგადოებრივი ორგანიზაციების ეროვნული პლატფორმის კონცეფციის პრეზენტაციას. შეხვედრას ადგილობრივი ორგანიზაციები დაესწრებიან, სადაც წარმოდგენილი იქნება ეროვნული პლატფორმის სამუშაო ვერსია. მსგავსი ფორმატის შეხვედრები იგეგმება საქართველოს ყველა დიდ ქალაქში. მისამართი: ბათუმი, მელაშვილის და საბაჟოს შესახვევი 2–1, პრეს–კაფე

14 სექტემბერს, 13:00 საათზე სიქა-ს ინიციატივითა და ორგანიზებით გაიმართება საჯარო დებატები. შეხვედრის თემა: „არჩევნებში მონაწილეობა სავალდებულო უნდა იყოს?". ერთმანეთს შეხვდებიან ქვემო ქართლისა და შიდა ქართლის სასკოლო სამოქალაქო კლუბების მოდებატე გუნდები. მისამართი:  რუსთავი,  დემოკრატიულ ჩართლობის ცენტრში, მისამართი კოსტავას ქ. #22

კახეთი. სათემო განვითარების ცენტრის, კავკასიური სახლისა და სათემო ორგანიზაციის „ნუკრიანის" ორგანიზებით გაიმართება ხალხური რეწვის, კულინარიისა და შემოქმედების ფესტივალი – „ნუკრიანი 2012". ტრადიციად ქცეული ფესტივალი, 13 ოქტომბერს. გაიმართება ნუკრიანის საჯარო სკოლის მიმდებარე მოედანზე. ფესტივალზე დამსწრეებს საშუალება ექნებათ დაათვალიერონ კახეთის სხვადასხვა მუნიციპალიტეტში მოქმედი ხალხური რეწვის სახელოსნოებისა და ოსტატების ნამუშევრები, მოუსმინონ ხალხურ შემოქმედებას და ა.შ. ფესტივალი ტარდება გერმანული ფონდის „პური მსოფლიოს" ფინანსური მხარდაჭერით. წყარო: satemo.ge

თბილისი. 4-5 სექტემბერს კონსულტაციისა და ტრენინგის ცენტრში ჩატარდა სამოქალაქო განათლების პედაგოგთა ფორუმის კომიტეტის შეხვედრა. კომიტეტმა  საქართველოს 11 რეგიონში დაგეგმა საშემოდგომო რეგიონული ღონისძიებები, რომლებივ ითვალისწინებს მრგვალი მაგიდებისა და ღია გაკვეთილების მოწყობას. შეხვედრაზე ასევე იმსჯელეს ფორუმის შემდგომი განვითარების საკითხებზე. სექტემბრის თვეში ფორუმის ეგიდით 6 სექტემბრიდან 20 სექტემბრის ჩათვლით, საქართველოს თერთმეტივე რეგიონში გაიმართება მრგვალი მაგიდები, რომელიც ითვალისწინებს სამოქალაქო განათლებაში მოსწავლეთა შეფასების ძირითადი პრინციპებისა და მიდგომების წარდგენას. შეხვედრებზე ასევე განიხილავენ სამოქალაქო განათლების მასწავლებელთა საგნობრივი სასერტიფიკაციო გამოცდების შედეგებს. ფორუმის აქტივობები ხორციელდება სამოქალაქო განათლებისა და პედაგოგთა გადამზადების  პროგრამის ფარგლებში. პროგრამას ახორციელებს ორგანიზაცია PH International  კონსულტაციისა და ტრენინგის ცენტრთან პარტნიორობით. პროგრამის ფინანსურ მხარდაჭერას უზრუნველყოფს აშშ საერთაშორისო განვითარების სააგენტო (USAID) სრულად  წყარო: ctc.org.ge

გურია. საქართველოს დემოკრატიული კავშირის წევრები განაგრძობენ მონიტორინგს. 4 სექტემბერს ისინი დაბა ურეკს ეწვივნენ ადგილობრივი მაჟორიტარი დეპუტატის საქმიანობის მონიტორინგის მიზნით. კერძოდ, ხვდებოდა თუ არა ურეკის მაჟორიტარი დეპუტატი მოსახლეობას ყოველთვიურად.  როგორც ორგანიზაციამ გაარკვია სექტემბერში შეხვედრა ჩატარდა. ამას გარდა, ორგანიზაციის წევრებმა დაათვალიერეს სოფლის პროგრამის ფარგლებში გათვალისწინებული პროექტები. 

თბილისი. დიდ ბრიტანეთში არსებული დავების ეფექტურად მოგვარების ცენტრმა (CEDR) 18 ქართველ დელეგატს ჩაუტარა ტრენინგი მედიაციაში. ტრენინგის მონაწილეთა უმრავლესობა მიიღებს დავების ეფექტურად მოგვარების ცენტრის (CEDR) საერთაშორისო აკრედიტაციას, რათა იმუშაონ როგორც მედიატორებმა და ასევე მონაწილეობა მიიღონ JILEP-ის დაფინანსებულ სასამართლოსთან არსებული მედიაციის საპილოტე პროექტში. პროექტი 2012 წლის შემოდგომაზე დაიწყება.  სასამართლოსთან არსებული მედიაციის საპილოტე პროექტი გულისხმობს თანამშრომლობას USAIS/JILEP–ის, თბილისის საქალაქო სასამართლოს, საქართველოს იუსტიციის უმაღლესი საბჭოს, თბილისის სახელწმიფო უნივერსიტეტის დავების ალტერნატიული მოგვარების ეროვნული ცენტრის (TSU NCADR) და გერმანული საზოგადოება საერთაშორისო თანამეგობრობისთვის (GIZ) შორის. პროექტის მიზანია სამართლიანობისადმი ხელმისწავდომობის გაზრდა და სასამართლოს ეფექტურობის გაძლიერება საქართველოში.  სრულად წყარო: ewmi-jilep.org 

თბილისი. სამოქალაქო განვითარების ინსტიტუტის ორგანიზებით 30 აგვისტოდან 2 სექტემბრის ჩათვლით ჩატარდა ჟურნალისტების ტრენინგი საარჩევნო საკითხებთან დაკავშირებით. ტრენინგი პროექტის „მოქალაქე ჟურნალისტები გამჭვირვალე და სამართლიანი არჩევნებისთვის" ფარგლებში ჩატარდა და მასში მონაწილეობა ოცმა ჟურნლაისტმა მიიღო. მონაწილეები გაეცნენ საარჩევნო პროცედურებს, ადმინსტრაციული რესურსების არამიზნობრივი გამოყენების მაგალითებს  და სამართლებრივ რეგულაციებს. ასევე, ტრენინგზე განხილული იყო მედიის მიერ წინასაარჩევნო კამპანიის, არჩევნების დღის და არჩევნების შედეგების გაშუქების საკითხები და მათი უფლება-მოვალეობები.  პროექტი ,,მოქალაქე ჟურნალისტები გამჭვირვალე და სამართლიანი არჩევნებისთვის" გაერთიანებული ერების დემოკრატიის ფონდის (UNDEF) მხარდაჭერით ხორციელდება.  სრულად წყარო: cdi.org.ge

აჭარა. 7 სექტემბრს, სამოქალაქო საზოგადოების ინსტიტუტის ბათუმის ფილიალმა გამართა საინფორმაციო სახის შეხვედრა ახალდაარსებულ საზოგადოებრივი ორგანიზაციების წარმომადგენლებთან. შეხვედრაზე განიხილეს მოხალისეობის არსი, სპეციფიკა, გამოწვევები, თუ როგორია საერთაშორისო პრაქტიკა და რა სიტუაციაა საქართველოში. დამსწრე საზოგადოებრივმა ორგანიზაციებმა ერთმანეთს გაუზიარეს თავიანთი გამოცდილებები აღნიშნულ საკითხზებ ასევე საუბარი შეეხო პრობლემს და მათი გადაჭრის შესაძლო გზებზე ისაუბრეს. 

14 სექტემბერს, 11:00 საათზე ასოციაცია „მწვანე ალტერნატივა" აწყობს დისკუსიას საპარლამენტო არჩევნებში მონაწილე პოლიტიკურ გაერთიანებებთან თემაზე: „ენერგეტიკის განვითარების პერსპექტივები საქართველოში" მისამართი: თბილისი, სასტუმრო „ვერე პალასი"

14 სექტემბერს, 14:00 საათზე გაიმართება სამუშაო შეხვედრა თემაზე: „ეკომიგრაცია საქართველოში". შეხვედრაზე ორგანიზაცია „ბორჯღალის" თავმჯდომარე ილია გუჩმანიძე ეკომიგრანტთა ჩასახლების ადგილებში არსებული ვითარების შესახებ პრეზენტაციას წარმოადგენს. მისამართი: თბილისი, კავკასიის გარემოსდაცვითი არასამთავრობო ორგანიზაციების ქსელის (cenn) ოფისი

თბილისი. 14 სექტემბრიდან საქართველოში იწყება კამპანია „დავასუფთავოთ მსოფლიო – დავასუფთავოთ საქართველო", რომელსაც ახორციელებს საზოგადოებრივი ორგანიზაციები „საქართველოს მწვანეთა მოძრაობა/დედამიწის მეგორბები საქართველო და მდგრადი განვითარების კავშირი „ეკოხედვა". დასუფთავების აქციები ჩატარდება 14, 15, 16 სექტემბერს თბილისსა და ქვეყნის ყველა თვითმმართველ ქალაქსა და მუნიციპალიტეტში.  პროექტი ხორციელდება გარემოს დაცვის სმაინისტროს მხარდაჭერით და შვედეთის საერთაშორისო განვითარების სააგენტოს (Sida) ფინანსური უზრუნველყოფით.  სრულად წყარო: cleanup.ge

სამეგრელო. 6 სექტემბერს, ზუგდიდში,  ჩატარდა სამოქალაქო განათლების პედაგოგთა ფორუმის  რეგიონული ღონისძიება. მრგვალი მაგიდის თემა იყო სამოქალაქო განათლების მოსწავლეთა შეფასების ძირითადი პრინციპები. შეხვედრის მონაწილეებმა ასევე განიხილეს სამოქალაქო განათლების მასწავლებელთა საგნობრივი სასერტიფიკაციო გამოცდების შედეგები და გამოწვევები. გაიმართა დისკუსია მცირე ჯგუფებში.  შეხვედრას ესწრებოდა სამეგრელო ზემო–სვანეთის რეგიონის, პროგრამის პარტნიორი სკოლების, სამოქალაქო განათლების 20 პედაგოგი. სრულად წყარო: civics.ge

თბილისი. 7 სექტემბერს, გაეროს აივ/შიდსის ერთიანი პროგრამისა და საინფორმაციო-სამედიცინო ცენრტის „თანადგომის" ორგანიზებით შედგა სამუშაო შეხვედრა. შეხვედრის თემა იყო: „აივ ინფექცია, მასთან დაკავშირებული სტიგმა და დისკრიმინაცია და პრევენციის ახალი საჭიროებები ჰომოსექსუალური ურთიერთობების მქონე მამაკაცებთან მიმართებაში". შეხვედრაზე წარადგინეს პროექტის ფარგლებში განხორციელებული სტიგმასა და დისკრიმინაციასთან დაკავშირებული კვლევის შედეგები და რეკომენდაციები, ასევე შეთანხმდნენ სამუშაო ჯგუფის შექმნაზე, რომელიც შეიმუშავებს გზამკვლევს.  მოხსენებების და პრეზენტაციების შემდეგ გაიმართა დისკუსია სტრატეგიული გეგმის განხორციელების მიმდინარეობისა და 2014-2016 წლების ციკლის სავარაუდო პერსპექტივების შესახებ. სრულად წყარო: tanadgomaweb.ge

თბილისი.ორგანიზაცია „ტფილისის ჰამქარი’ მსურველებს სთავაზობს მორიგ საგანმანათლებლო ტურს ”ფეხით შემოვლილი თბილისი - კალა-კლდისუბანი-აბანოთუბანი-ხარფუხი”. „მარშრუტზე საუბარი იქნება გალავანს შიგნითა ქალაქზე: გავივლით ზემო კალას, კლდისუბანს, ვნახავთ თბილისის ერთ-ერთ ყველაზე ძველ საკულტო ნაგებობას - ათეშგას, ქალაქის ზღუდის ნარჩენებს და უძველესი ბასტიონის შაჰტახტის ნანგრევს, ვნახავთ აბანოთუბნის გათხრებს, წავკისის წყლის გაწმენდილ ხევს და ავალთ სეიდაბადში-ხარფუხში გრიშაშვილის სახლ-მუზეუმში." – ნათქვამია ორგანიზაციის ოფიციალურ გვერდზე სოციალურ ქსელში ტური ჩატარდება 15 სექტემბერს. სრულად წყარო: ორგანიზაციის გვერდი სოციალურ ქსელში