იმერეთი. 7 სექტემბერს, ქუთაისის განათლების განვითარების და დასაქმების ცენტრის და საქართველოს ახალგაზრდა იურისტთა ასოციაციის ქუთაისის ფილიალის ორგანიზებით გაიმართა მრგვალი მაგიდა. შეხვედრაზე განიხილეს ქუთაისში მცხოვრები შეზღუდული შესაძლებლებლობის მქონე პირების პრობლემები და მათი გადაჭრის შესაძლო გზები. შეხვედრას ესწრებოდნენ ადგილობრივი ხელისუფლების, საზოგადოებრივი ორგანიზაციების, სოციალური მომსახურების სააგენტოს რეგიონული სამსახურისა და მედიის წარმომადგენლები. მრგვალი მაგიდა გაიმართა პროექტის – „თანაბარი შესაძლებლობები შეზღუდული შესაძლებლობების მქონე პირთათვის’’ – ფარგლებში, რომელიც ხორციელდება ფონდის „ღია საზოგადოება – საქართველოს" ფინანსური მხარდაჭერით. სრულად წყარო: kedec.ge

კახეთი.7 სექტემბერს, წნორის საინიციატივო ჯგუფის ორგანიზებით, სადისკუსიო კინოკლუბში გაიმართა ფილმის  „ძნელად აღსაზრდელების" ჩვენება. ფილმის შემდეგ მოეწყო დისკუსია. სადაც განიხილეს ისეთი საკითხები,  როგორიცაა დასჯის მეთოდის ავკარგიანობა; როგორ შეიძლება შეუშალოს ან შეუწყოს ხელი განათლების სისტემამ მოსწავლის განათლებასა და პიროვნებად ჩამოყალიბებას. დისკუსიაზე სტუმრად იმყოფებოდა განათლების ფსიქოლოგიის მაგისტრი რაზმიკ ბადალიანი. წნორის საინიციატოვო ჯგუფი არის ახლგაზრდული, არასამთავრობო მოძრაობა, რომლის მიზანია წნორში, მის მიმდებარე სოფლებში ახალგაზრდული, შემოქმედებითი, შემეცნებითი, კულტურული ცხოვრების გააქტიურება. ამ ღონისძიებების დაგეგმვა, ხელშეწყობა და განხორციელება. სრულად წყარო: ორგანიზაციის გვერდი სოციალურ ქსელში

7 სექტემბერს, 18:00 საათზე, „სამოქალაქო საზოგადოების ინსტიტუტის" ორგანიზებით გაიმართება შეხვედრა „მოხალისეობის" საკითხებზე ახლად დაარსებულ არასამთავრობო ორგანიზაციებთან. მისამართი: ბათუმი, ფარნავაზ მეფის 62–64, ბათუმის დემოკრატიული ჩართულობის ცენტრი

თბილისი. პროექტის – „პროფესიონალური მედია არჩევნებისთვის" – ფარგლებში შეიქმნა ვებგვერდი www.mediamonitor.ge, სადაც თავმოყერილია წინასაარჩევნო მედია მონიტორინგის უახლესი შუალედური ანგარიშები. პროექტი ხორციელდება ევროკავშირისა და გაეროს განვითარების პროგრამის ფინანსური მხარდაჭერით და მისი მთავარი მიზანია საპარლამენტო და საპრეზიდენტო არჩევნების პერიოდში პროფესიული, მიუკერძოებელი და დაბალანსებული მედია გაშუქების ხელშეწყობა მონიტორინგის გზით. პროექტის ფარგლებში ხორციელდება ქართული ტელე, რადიო, ბეჭდური და ონლაინ მედია საშუალებების რაოდენობრივი და თვისებრივი წინასაარჩევნო მონიტორინგი.  წინასაარჩევნო მედია მონიტორინგს 4 საზოგადოებრივი ორგანიზაცია ახორციელებს: კავკასიის კვლევითი რესურსების ცენტრი (CRRC), ინტერნიუსი-საქართველო, სამართლიანი არჩევენებისა და დემოკრატიის საერთაშორისო საზოგადოება (ISFED), სამოქალაქო განვითარების ინსტიტუტი.  წყარო: www.mediamonitor.ge 

თბილისი. მიმდინარე წლის 3-5 სექტემბერს პროექტის „ლიდერთა აკადემია" ფარგლებში, რომელსაც პოლონური ორგანიზაცია „ფონდი მდგრადი განვითარებისათვის" ახორციელებს ტყიბულის განვითარების ფონდთან, ასოციაცია CENN-თან, „ელკანასთან" და შავი ზღვის ეკო-აკადემიასთან თანამშრომლობით, ჩატარდა ტრენერების ტრენინგი თბილისში.  ტრენინგს ესწრებოდნენ  ზემოთ აღნიშნული პარტნიორი ორგანიზაციების წარმომადგენლები. ტრენინგის მიზანს  მონაწილეებისათვის ტრენერისათვის საჭირო უნარ-ჩვევების და ცოდნის  გადაცემა წარმოადგენდა. ტრენინგი  ორგანიზაცია "Green Action” და "Foundation for Sustainable Development (FER)”-დან მოწვეული ექსპერტების მიერ ჩატარდა. მონაწილეებს ტრენინგის დასრულების შემდეგ შესაბამისი  სერტიფიკატები გადაეცათ. პროექტის მომდევნო ეტაპზე დაგეგმილია შერჩეული ტრენერების მიერ ტრენინგის ჩატარება ლიდერობის უნარ-ჩვევებზე ბენეფიციარებისთვის საქართველოს შემდეგი 5 მუნიციპალიტეტიდან: ტყიბული, თერჯოლა, ჭიათურა, ამბროლაური და ქედა.  პროექტი „ლიდერთა აკადემია" ხორციელდება პოლონეთის საგარეო საქმეთა სამინისტროს პოლონეთის განვითარების 2012 პროგრამის დაფინანსებით, პროგრამა „დემოკრატიის მხარდაჭერა". წყარო: cenn

 თბილისი. 2012 წლის 4 ოქტომბერს, თბილისის საკონცერტო დარბაზში, ფონდი „იავნანა" გეგმავს მსოფლიოში აღიარებული პიანისტის ევგენი კისინის საქველმოქმედო კონცერტს.  სრულად წყარო: ორგანიზაციის საიტი iavnana.ge  

თბილისი. 7 სექტემებრს ეროვნულ–დემოკრატიულმა ინსტიტუტმა (NDI) საზოგადოებრიციი აზრის კვლევის შედეგების მეორე ნაწილი წარადგინა, რომელიც მოიცავდა პოლიტიკური პარტიების რეიტინგისა და მოსახლეობის დამოკიდებულების კვლევას საპარლამენტო არჩვენების მიმართ. კვლევის მიხედვით იმ გამოკითხულ ადამიანთაგან, რომლებიც არჩევნებში იღებენ მონაწილეობას, 37 % მხარს ერთიან ნაციონალურ მოძრაობას უჭერს, 12 % კოალიცია „ქართულ ოცნებას", არ იცის 22 %მა და კითხვაზე პასუხის გაცემაზე უარი  გამოკითხულთა 21%–მა  განაცხადა.  კვლევისთვის საველე სამუშაოები ჩატარდა 31 ივლისი – 12 აგვისტოს პერიდოში, სულ ინტერვიუ ჩაუტარდა 2,038 ადამიანს საქართველოს მასშტაბით. კვლევის პირველ ნაწილში, რომელიც ორი დღით ადრე გამოქვეყნდა, ასახულია მოსახლეობის დამოკიდებულება დემოკრატიის, რეფორმების, საგარეო და საშინაო პოლიტიკის, მედიის  მიმართ.  NDI-ის კვლევები დაფინანსებულია შვედეთის საერთაშორისო განვითარების და თანამშრომლობის სააგენტოს (SIDA) მიერ და მას ახორციელებს კავკასიის კვლევითი რესურსების ცენტრი (CRRC). კვლევა "საზოგადოების განწყობა საქართველოში"

შიდა ქართლი. საზოგადოება „ბილიკში" შიდა ქართლის „სამოქალაქო განათლებისა და პედაგოგთა გადამზადების პროგრამის” პარტნიორი სკოლების სამოქალაქო კლუბების წევრთა ფორუმი გაიმართა. 4 სექტემბერს გამართული ფორუმის მიზანი გამოცდილებისა და ინფორმაციის გაზიარება და კოორდინირებული მუშაობის დაგეგმვა იყო.  ფორუმზე პრეზენტაციები გააკეთეს ბანაკის მონაწილეებმა,  ერთმანეთს გაუზიარეს ბანაკში მიღებული გამოცდილება. ასევე იმუშვეს ჯგუფებში და დაგეგმეს ერთობლივი ღონისძიებები. ფორუმში სულ შიდა ქართლის 21 პარტნიორი სკოლის სამოქალაქო კლუბის 40 წევრი მონაწილეობდა. ფორუმის დელეგატებს საზოგადოება „ბილიკის" წარმომადგენელმა ორგანიზაციის გეგმები და ის ინიციატივები გააცნო, რასაც მომავალში ერთობლივად განახორციელებენ. სრულად წყარო: ორგანიზაციის გვერდი სოციალურ ქსელში

თბილისი. კამპანიის „ეს შე გეხებას" მონაწილე ორგანიზაციებმა, 7 სექტებმერს, განცხადება გაავრცელეს. ისინი ეხმაურებიან „ელჩების სამუშაო ჯგუფის, აღმოსავლეთ პარტნიორობის საქართველოს ეროვნული პლატფორმის და კოალიცია „მედია ადვოკატირებისათვის" მიერ ოფიციალურად გავრცელებულ განცხადებებს must carry–სა და  must offer–ის არჩევნების დღის შემდგომ გაგრძელების აუცილებლობასა და ქვეყანაში მრავალფეროვანი ინფორმაციის გავრცელების კუთხით არსებულ შეზღუდვებთან დაკავშირებით". განცხადებაში ნათქვამია, რომ მიუხედავად იმისა, რომ აღნიშნული ინიციატივების ამოქმედებამ მნიშვნელოვანი როლი შეიტანა მრავალფეროვანი ინფორმაციის ხელმისაწვდომობაში, ინფორმაციის მიღება მოქალაქეთა გარკვეული ნაწილისთვის კვლავ შეზღუდულია. ,,ეს შენ გეხებას" წევრი ორგანიზაციები ითხოვენ  შეიქმნას გარანტიები, რათა must carry–სა და  must offer–ის პრინციპების მოქმედება გაგრძელდეს ციფრულ მაუწყებლობაზე გადასვლამდე, ასევე მოიხსნას ყადაღა მედია საშუალებების კუთვნილ სატელიტურ ანტენებზე და ხელისუფლებამ ნაცვლად ყადაღისა გამოიყენის მონიტორინგის შესაბამისი მექანიზმები. 

თბილისი. საქართველოს ახალგაზრდა ეკონომისტთა ასოციაციამ ბიზნესუნარების ტრენინგები ჩაატარა, რომელშიც სამეგრელოსა და სამცხე–ჯავახეთში მცხოვრები ფერმერი ქალები იღებდნენ მონაწილეობას. აგვისტოს ბოლოს გამართული ტრენინგები მიზნად ისახავდა ფერმერი ქალების მეწარმეობრივი და ბიზნესუნარების განვითარებას. მიღებული ცოდნა ხელს შეუწყობს მეწარმეებს ფერმერული საოჯახო მეურნეობების ეფექტიან მართვასა და შემოსავლების ზრდაში. ტრენინგი თეორიულ მასალასთან ერთად მოიცავდა აგრარული ბიზნესის განვითარებისათვის საჭირო პრაქტიკულ მაგალითებს, სიმულაციებსა და საჭირო ინფორმაციას. სწავლება „ბიზნესუნარებში ფერმერი ქალებისთვის" ხორციელდება USAID-ის „ეკონომიკური აღმავლობის ინიციატივის" (EPI) პროგამის ფარგლებში. წყარო: economists.ge

7 სექტემბერს, 13:00 საათზე, ეროვნულ-დემოკრატიული ინსტიტუტი (NDI) მედიას პოლიტიკური პარტიების რეიტინგებს წარუდგენს. მისამართი: თბილისი, სასტუმრო ,,ქორთიარდ მარიოტში"

7 სექტემბერს, 15:00 საათზე კამპანიის - ,,ეს შენ გეხება" მონაწილე ორგანიზაციები პრესკონფერენციას გამართავენ და ხელისუფლებისადმი მიმართვას გაავრცელებენ. მისამართი: თბილისი, ჭოველიძის ქუჩა #10, ფონდი ,,ღია საზოგადოება - საქართველოს" ოფისი

კახეთი. 4–5 სექტემბერს ქალთა საინფორმაციო ცენტრის  ინიციატივით თელავში გაიმართა ქალთა ფორუმი ,,მე და ჩემი არჩევანი". ფორუმი პროექტის – ,,ეთნიკური უმცირესობების წარმომადგენელ ქალთა ხმა 2012 წლის საპარლამენტო არჩევნებში" – ფარგლებში  ჩატარდა და მის მთავარ მიზანს ქვემო ქართლისა და კახეთის რეგიონში მცხოვრები ეთნიკური უმცირესობების წარმომადგენელი ქალების მონაწილეობის გაზრდა წარმოადგენს  საარჩევნო პროცესებში. ფორუმზე 30 ქალი შეიკრიბა ბოლნისიდან, წალკიდან, დედოფლისწყაროდან, დმანისიდან და პანკისის ხეობიდან. ფორუმი გახსნა ქალთა საინფორმაციო ცენტრის ხელმძღვანელმა, ელენე რუსეცკიმ, რომელმაც აღნიშნა, რომ „ფორუმი ერთგვარი მოსამზადებელი ეტაპია ეთნიკური უმცირესობების წარმომადგენელი  ქალების პოლიტიკური პარტიის ლიდერებთან შეხვედრის წინ, რომელიც გაიმართება 12 სექტემბერს, თბილისში".  შეხვედრაზე დელეგატების წინაშე ასევე  წარსდგა ცენტრალური საარჩევნო კომისიის წარმომადგენელი, რომელმაც ისაუბრა ცეესკოს მიერ წინასაარჩევნო პერიოდში განხორციელებული საქმიანობის შესახებ. ორდღიანი ფორუმის განმავლობაში მონაწილეებმა იმსჯელეს მათთვის აქტუალურ საკითხებზე, შეიმუშავეს ერთობლივი რეკომენდაციები, რომლებიც პოლიტიკური პარტიის ლიდერებს წარედგინებთ თბილისში გამართულ ,,პოდიუმ – დისკუსიაზე".  პროექტი ხორციელდება საქართველოს ცენტრალურ საარჩევნო კომისიასთან არსებული საარჩევნო სისტემების განვითარების, რეფორმებისა და სწავლების ცენტრის ფინანსური მხარდაჭერით. სრულად წყარო: www.ginsc.net

გურია. საზოგადოებრივი ორგანიზაციის „ქალები რეგიონის განვითარებისთვის" ინიციატივით მოეწყო მოხალისეობრივი აქტივობა ხანდაზმულების დასახმარებლად. ახალგაზრდებმა საკუთარ თემში იპოვეს ადამიანები, რომლებსაც ესაჭიროებოდათ დახმარება.  მოხალისეებმა მათ შეავსებინეს სპეციალური ანკეტები, სადაც ჩამოწერილი იყო მათი საჭიროებები. მოხალისებმა გადაინაწილეს საქმე და ეხმარებოდნენ მოხუცებს, იქნებოდა ეს სახლის დალაგება, გადაადგილებაში დახმარება, ეზოს მოწესრიგება თუ სხვა რამ.  მოხალისეებმა ასევე დაასუფთავეს დვაბზუს ცენტრის ტერიტოერია. „მთელი საღამო გულდაგულ იმუშავეს ბავშვებმა, ადგილობრივი მუნიციპალიტეტის წარმომადგენლებსაც  შევუთანხმდით, რომ მეორე დღეს ბუნკერებს დაცლიდნენ. დაცალეს კიდევაც, მაგრამ დღეს უკვე მთელ გზაზე ბავშვების დასუფთავებულ სოფელში ისევ ნაგავი ყრია. ესაა საზოგადოების დამოკიდებულება,ზერელე, უსულგულო, სწორედ ამის შეცვლა გვინდა, სწორედ ამიტომ ფინანსდება საერთაშორისო ორგანიზაციების მხრიდან ამდენი პროექტი. შევცვალოთ დამოკიდებულება საკუთარი ქვეყნის მიმართ, ჩვენ ვეხმარებით ადამიანებს  გახდნენ  საკუთარ ქვეყანაზე მზრუნველი მოქალაქეები." – ნათქვამია ოგანიზაციის ბლოგზე სრულად წყარო:  wdrguria.wordpress.com

სამცხე–ჯავახეთი. 1 სექტემბრიდან დემოკრატ მესხთა კავშირმა დაიწყო პროექტის –  „მე ვირჩევ" – განხორციელება.  პროექტის მიზანია ხელი შეუწყოს სამცხე-ჯავახეთში მცხოვრები სხვადასხვა ეთნიკური წარმომავლობის მქონე ახალგაზრდებში (განსაკუთრებით მათ, ვინც პირველად იღებს მონაწილეობას არჩევნებში) საარჩევნო პროცესების შესახებ ცნობიერების ამაღლებას.  პროექტი დაფინანსებულია საქართველოს ცენტრალური საარჩევნო კომისიის მიერ. სრულად წყარო: udm.org.ge

თბილისი. ადამიანის უფლებათა ცენტრმა მოამზადა 2012 წლის საპარლამენტო არჩევნების წინასაარჩევნო პერიოდის კვლევის შუალედური ანგარიში. მონიტორინგი 1 ივლისიდან დაიწყო, თუმცა ანგარიშის ავტორები მიუთითებენ, რომ კვლევაში ასახულია ის მოვლენებიც, რომლებსაც ადგილი ჰქონდა 2012 წლის ივლისამდე და მნიშვნელობიდან გამომდინარე,  დღესაც ახდენს ან უკვე მოახდინა ზეგავლენა საარჩევნო პროცესის ამა თუ იმ ეტაპზე. ანგარიში წყარო: humanrights.ge

6 სექტემბერს, 14.00 საათზე, საზოგადოებრივ ორგანიზაციათა კოალიცია „სამოქალაქო განვითარებისათვის" გამართავს პრესკონფერენციას. თემა: საზღვარგარეთ გახსნილ საარჩევნო უბნებზე ამომრჩეველთა რეგისტრაციის პროცედურებთან და კენჭისყრის ვადის განსაზღვრა. მისამართი: თბილისი, გიორგი მაზნიაშვილის #23  

თბილისი.  10 სექტემბრიდან 20 სექტემბრამდე ევროპის სახლი ბელგიელი ფოტო-ხელოვანის ფილიპ ერბეს გამოფენას უმასპინძლებს. გამოფენაზე  „კავკასია - რომანტიული მოგზაურობა" წარმოდგენილი იქნება ფილიპ ერბეს მიერ 2010–2012 წლებში კავკასიაში, კერძოდ კი საქართველოსა და ჩრდილოეთ კავკასიაში მოგზაურობის დროს შექმნილი 50-მდე ფოტო-ნამუშევარი. სრულად  წყარო: ევროპის სახლის გვერდი სოციალურ ქსელში

სამცხე–ჯავახეთი. საქართველოში დემოკრატიული მმართველობის პროგრამის გრანტის ფარგლებში, საზოგადოებრივი ორგანიზაცია "დემოკრატ მესხთა კავშირი" ახალციხეში ახორციელებს პროექტს „გამჭირვალე თვითმმართველობა". პროექტი დაფინანსებულია აშშ-ს  საერთაშორისო განვითარების სააგენტოს (USAID) მიერ და მისი  მიზანი ადგილობრივი თვითმმართველობის მუშაობის ეფექტურობის, გამჭირვალობის და მოქალაქეთა ჩართულობის გაზრდაა.  "გამჭირვალე თვითმმართველობის" პროექტის ფარგლებში სოციალურ ქსელში (Facebook) გააქტიურდა ახალციხის მუნიციპალიტეტის ოფიციალური გვერდი, სადაც სულ ახლა  გაიმართა პირველი კონფერენცია და მოსახლეობისთვის საინტერესო შეკითხვებს ახალციხის გამგებელმა  ერთი საათის განმავლობაში უპასუხა. როგორც პროექტის მედია-კოორდინატორი ჯაბა ნათენაძე ამბობს, მსგავსი კონფერენცია სისტემატიურ ხასიათს მიიღებს და მოსახლეობის კითხვებს ყველა ის პირი უპასუხებს, ვის მიმართაც ყველაზე მეტი შეკითხვა დაისმება. მისივე თქმით, აღნიშნულმა გვერდმა გაზარდა მოსახლეობის ინფორმირებულობა მუნიციპალიტეტში მიმდინარე მოვლენებზე.

სამეგრელო. საზოგადოებრივი ორგანიზაციების ქსელ  „სინერგიას" წევრებმა 3 და 4 სექტემბერს, ზუგდიდის დემოკრატიული ჩართულობის ცენტრში, პოლიტიკური პარტიების წარმომადგენლებთან დევნილთა პრობლემებსა და მათი გადაჭრის გზებზე იმსჯელეს.  „დევნილების პრობლემებთან მიმართებაში, ყველა პოლიტიკურ ძალას უნდა ჰქონდეს საკუთარი ხედვა. მათ წინასაარჩევნო პროგრამებში ადეკვატურად უნდა აისახოს დევნილი მოქალაქეების პრობლემების მოგვარება", – აღნიშნა ორგანიზაცია „დევნილი ქალები საკუთარი უფლებების დაცვისათვის" წევრმა ნონა უბილავამ. ქსელი „სინერგია" აფხაზეთიდან იძულებით გადაადგილებულ პირთა საკითხებზე 2002 წლიდან მუშაობს.

იმერეთი. ქუთაისის განათლების განვითარებისა და დასაქმების ცენტრის ორგანიზებით 3-5 სექტემბერს ჩატარდა დებატები. იგი გაიმართა შემდეგ რეზოლუციაზე: „საზოგადოებამ უნდა შექმნას განვითარების თანაბარი პირობები შეზღუდული შესაძლებლობების მქონე ბავშვებისათვის". დებატების ტურნირი პროექტის – „ახალგაზრდების ინფორმირებულობა საკუთარი აზრის გამოხატვისა და მოქმედებისათვის" – ფარგლებში ჩატარდა და მასში მონაწილეობა მიიღო ბაღდათის სკოლების მოსწავლეთა 4 გუნდმა. ტურნირის დასასრულს დაჯილდოვდნენ პირველ და მეორე ადგილზე გასული გუნდები და 3 საუკეთესო სპიკერი. მესამე დღეს გამარჯვებული გუნდი შეხვდა ქუთაისელ მოდებატეთა გუნდს და გაიმართა დემო–დებატი. სრულად  წყარო: kedec.ge

სამეგრელო. „საერთაშორისო გამჭვირვალობა – საქართველომ" და „სამართლიანი არჩევნების და დემოკრატიის საერთაშორისო საზოგადოებამ", 5 სექტემბერს, ზუგდიდში მათი და „ახალგაზრდა იურისტთა ასოციაციის"  ინიციატივით შექმნილი ვებგვერდის, საარჩევნო პორტალის პრეზენტაცია გამართეს..  ორგანიზაციის რეგიონულმა კოორდინატორმა სამეგრელო-ზემო სვანეთში, ქეთევან შენგელიამ საზოგადოებრივ სექტორს განუმარტა ვებგვერდის დანიშნულება და მოქალაქეების მიერ საარჩევნო პორტალით სარგებლობის წესები. მისი თქმით, თითოეულ ადამიანს აქვს შესაძლებლობა ატვირთოს მასალა კონკრეტული დარღვევის შესახებ, თუმცა ვებგვერდზე მხოლოდ გადამოწმებული ინფორმაცია გამოქვეყნდება ავტორის კონფიდენციალურობის დაცვის წესით.