<div style="text-align: justify;"><span style="font-weight: bold;">თბილისი.</span> ქალთა მოძრაობა ეკონომიკის მინისტრის განცხადებას - „არიან დიასახლისები, რომლებიც აცხადებენ, რომ ჩვენ მუშაობა არ გვინდა. მაგრამ აქ არის კიდევ სხვადასხვა კატეგორია ადამიანებისა, რომლებიც აცხადებენ, რომ ჩვენ საერთოდ მუშაობა არ გვინდა" პასუხობს.</div> <div style="text-align: justify;">„ფაქტია, რომ საქართველოში ქალების დიდი ნაწილი ანაზღაურებად შრომაში არ არის ჩაბმული, მაგრამ ამ რეალობის მიზეზი, ცხადია, სიზარმაცე არ გახლავთ; მიზეზები იმაზე მეტად კომპლექსური და მძიმეა, ვიდრე ეს ღატაკი ქვეყნის მინისტრს წარმოუდგენია.</div> <div style="text-align: justify;">უახლესი მონაცემებით, ქალები, რომლებსაც მინისტრის აზრით „მუშაობა არ უნდათ", კაცებთან შედარებით 3-ჯერ მეტ დროს უთმობენ არაანაზღაურებად საოჯახო საქმიანობას იმისდა მიუხედავად, დასაქმებულნი არიან თუ არა - საშუალოდ, ქალები საქართველოში კვირაში 45 საათს ხარჯავენ საოჯახო შრომაზე, რაც სრული განაკვეთით შრომის საათებს აღემატება. დასაქმებული ქალები, საშუალოდ, 42 საათს უთმობენ საოჯახო შრომას - რაც მიუთითებს, რომ ისინი ორმაგ შრომით ტვირთს ატარებენ. იმ ქალების 49%, რომელიც აცხადებს, რომ არ მუშაობს, ამის მიზეზად საოჯახო ვალდებულებებს ასახელებს", ნათქვამია განცხადებაში.</div> <div style="text-align: justify;">ქალთა მოძრაობა მოუწოდებს მინისტრს შეხვედრისკენ მოუწოდებს.</div> <div style="text-align: justify;"><a href="http://www.facebook.com/notes/%E1%83%A5%E1%83%90%E1%83%9A%E1%83%97%E1%83%90-%E1%83%9B%E1%83%9D%E1%83%AB%E1%83%A0%E1%83%90%E1%83%9D%E1%83%91%E1%83%90-georgian-womens-movement/%E1%83%A5%E1%83%90%E1%83%9A%E1%83%97%E1%83%90-%E1%83%9B%E1%83%9D%E1%83%AB%E1%83%A0%E1%83%90%E1%83%9D%E1%83%91%E1%83%98%E1%83%A1-%E1%83%9E%E1%83%90%E1%83%A1%E1%83%A3%E1%83%AE%E1%83%98-%E1%83%A6%E1%83%90%E1%83%A0%E1%83%98%E1%83%91%E1%83%98-%E1%83%A5%E1%83%95%E1%83%94%E1%83%A7%E1%83%9C%E1%83%98%E1%83%A1-%E1%83%94%E1%83%99%E1%83%9D%E1%83%9C%E1%83%9D%E1%83%9B%E1%83%98%E1%83%99%E1%83%98%E1%83%A1-%E1%83%9B%E1%83%98%E1%83%9C%E1%83%98%E1%83%A1%E1%83%A2%E1%83%A0%E1%83%A1/1894895217274910/?qid=6639250023425814234&mf_story_key=-6080079331571476832&__tn__=HH-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> "ინფორმაციის თავისუფლების განვითარების ინსტიტუტმა” (IDFI) ევრაზიის რეგიონის ქვეყნებში სახელმწიფო შესყიდვების კანონმდებლობის და პრაქტიკის შედარებითი ანალიზი გააკეთა.</div> <div style="text-align: justify;">„IDFI-ის მიერ მომზადებული შედარებითი ანალიზის მიზანია ევრაზიის რეგიონის ქვეყნებში სახელმწიფო შესყიდვების სისტემების პარალელური ტენდენციებისა და საერთო მახასიათებლების, მათ შორის, საუკეთესო პრაქტიკის განსაზღვრა. პირველ ყოვლისა, კვლევა აღწერს თითოეული ქვეყანის სახელმწიფო შესყიდვების სისტემას, შემდგომ კი, განიხილავს ამ კანონების საერთო დადებით და უარყოფით მხარეებს, ხარვეზებს, ასევე, მათი განხორციელების შესაძლო პრობლემებს", - აღნიშნულია დოკუმენტის შესავალ ნაწილში.</div> <div style="text-align: justify;"><a href="http://idfi.ge/ge/comparative_analyses_tppr" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრის" (EMC) მიერ, ერთ-ერთი დასაქმებულის სახელით, „ბიბლუსის" წინააღმდეგ წარდგენილი სარჩელი თბილისის საქალაქო სასამართლომ ნაწილობრივ დააკმაყოფილა.</div> <div style="text-align: justify;">სასამართლომ „ბიბლუსს" უკანონოდ გათავისუფლებული კონსულტანტის აღდგენა და იძულებითი განაცდურის ანაზღაურება დაავალა. შრომით უფლებებთან დაკავშირებით, „ბიბლუსის" წინააღმდეგ, EMC კიდევ რამდენიმე სასამართლო დავას აწარმოებს,.</div> <div style="text-align: justify;"><a href="http://emc.org.ge/ka/products/sasamartlom-ukanonod-tsno-biblusis-konsultantis-gatavisufleba" target="_blank" style="font-weight: bold;">სრულად</a></div> <div style="text-align: justify;">წყარო: ორგანზიაციის ვებგვერდი</div> <div style="text-align: justify;"><br /> </div>

თბილისი. 19 დეკემბერს, არასამთავრობო ორგანიზაცია „სიდას" ორგანიზებით გაიმართა სამუშაო შეხვედრა - „დასაქმების შესაძლებლობები კანონთან კონფლიქტში მყოფი პირებისათვის," სადაც მოხდა დასაქმების პორტალის პრეზენტაციაც. შეხვედრას ბიზნეს კომპანიებისა და მართლმსაჯულების სექტორში მომუშავე საჯარო უწყებების წარმომადგენლები დაესწრნენ. „შეხვედრის ფარგლებში განსაკუთრებული ყურადღება გამახვილდა კერძო სექტორის ჩართულობასა და თანამშრობლობის შესაძლებლობებზე. სამთავრობო უწყებების წარმომადგენლებმა ისაუბრეს სახელმწიფოს როლისა და არსებული გამოცდილების შესახებ კანონთან კონფლიქტში მყოფი პირების რეაბილიტაციისა და დასაქმების კუთხით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ევროკავშირის მიერ დაფინანსებული საქართველოს ადგილობრივი განვითარების ჯგუფების ასოციაციის (GALAG) 20-ზე მეტმა წარმომადგენელმა მიიღო მონაწილეობა ევროპული სოფლის განვითარების LEADER ასოციაციის (ELARD) მიერ ორგანიზებულ სამდღიან სამუშაო შეხვედრაში. სამუშაო შეხვედრის მიზანი იყო ადგილობრივი LAG-ებისთვის სოფლის განვითარების სფეროში ევროპული გამოცდილებისა და ცოდნის გაზიარება, დახმარება შიდა და გარე საკომუნიკაციო გეგმების შემუშავებაში და საჭირო პარტნიორების მოძიებაში ადვოკატირებისა და დაფინანსების მოზიდვისთვის მყარი პლატფორმის შესაქმნელად, რჩევები თემატური სამუშაო ჯგუფების ჩამოსაყალიბებლად და, ასევე, GALAG-ის წევრებს შორის პასუხისმგებლობების გადანაწილების საკითხების განხილვა. სრულად  წყარო: http://enpard.ge

თბილისი. პროექტის „სამოქალაქო საზოგადოების განვითარების ინიციატივის“ ფარგლებში დასრულლდა  „საქართველოს პასუხისმგებელი ბიზნესის კონკურსი – Meliora 2018“. კონკურსის ფარგლებში, კორპორაციული სოციალური პასუხისმგებლობის (CSR) მიმართულებით განხორციელებული საუკეთესო პროექტები დაჯილდოვების ცერემონიალზე, 13 დეკემბერს გამოვლინდა. ესენია: თიბისი - პროექტი #წერექართულად; ACT - Analysis and Consulting Team - სოციალური მისიის მქონე ბიზნესის მხარდაჭერა; ნატახტარის ლიმონათი - პროექტი „იზრუნე მომავალზე“; საქართველოს ბანკი  - აპლიკაცია "გზად"; საბურავების გადამამუშავებელი კომპანია - პროექტი „არ გადაყარო, რისი გადამუშავებაც შეიძლება“; პალიტრა მედია ჰოლდინგი - პროექტი "მაკულიტერატურა"; Policy and Management Consulting Group - PMCG - თანამშრომლების განვითარების პროგრამა; ჯიპიაი ჰოლდინგი - მცირე და საშუალო ბიზნესის ხელშეწყობის პროგრამა; HOLMES&WATSON - "არ გამბოლო" Tegeta Motors - თეგეტა მოტორსი. კონკურსის ორგანიზატორი იყო საქართველოს სტრატეგიული კვლევებისა და განვითარების ცენტრი (CSRDG), რომელიც გაიმართა ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით, პროექტის "სამოქალაქო საზოგადოების განვითარების ინციიატივა" ფარგლებში.

თბილისი. სამოქალაქო განვითარების სააგენტომ (CIDA) პროექტის „ერთობლივი ძალისხმევა ქალთა ეკონომიკური გაძლიერებისთვის საქართველოში" ფარგლებში, გამოაქვეყნა ბროშურა: ქალთა გაძლიერების პრინციპები - რამდენიმე მაგალითი საქართველოდან. „ბროშურა ქალთა გაძლიერებისკენ მიმართულ იმ წარმატებულ ინიციატივებს ასახავს, რომლებსაც საქართველოში ბიზნეს კომპანიები ქალთა გაძლიერების პრინციპების (შემდგომში WEPs) დასანეგრად ახორციელებენ," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 12 დეკემბერს, 14:00 საათზე, სასტუმრო იოტაში კონსტიტუციის 42-ე მუხლმა სამუშაო შეხვედრა გამართა. ის შეზღუდული შესაძლებლობის მქონე პირთა დასაქმების ხელშეწყობას მიეძღვნა. შეხვედრაზე გამოვლინდა ის პრობლემური საკითხები, რაც შშმ პირთა დასაქმებას უშლის ხელს. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ცენტრი აქვეყნებს კვლევას: საშუალო კლასი საქართველოში: რაოდენობრივი შეფასება, დინამიკა და პროფილი. „საშუალო კლასის ხვედრითი წონის ზრდა ქვეყნის სტაბილური განვითარების ერთ-ერთი უპირველესი ამოცანაა. საზოგადოება სოციალურად სტაბილურად შეიძლება ჩაითვალოს, თუ მასში საშუალო კლასის ხვედრითი წონა მინიმუმ 50 პროცენტზე მეტია. სხვა შემთხვევაში საქმე პოლარიზებულ საზოგადოებასთან გვექნება, რომელიც სოციალური რყევებისკენაა მიდრეკილი და დესტრუქციულ მუხტს ატარებს. ჩვენი შემოთავაზებული მიდგომით, საშუალო კლასის ხვედრითი წონა საქართველოში ცხრა კრიტერიუმით მხოლოდ 16 პროცენტს შეადგენდა (2016 წელი), ხოლო რვა კრიტერიუმით - 24.6 პროცენტს (2017 წელი). ანუ დასაქმების პროფილის გათვალისწინების გარეშეც კი, საქართველოში საშუალო კლასის შინამეურნეობათა ხვედრითი წონა გრძელვადიან პერიოდში ქვეყნის სტაბილურობისათვის აუცილებელი მინიმუმის დაახლოებით ნახევარს შეადგენს. ამასთან, მთლიანად საშუალო კლასის თითქმის 45 პროცენტი სოციო-ეკონომიკურად ნაკლებად მდგრადი - ქვედა საშუალო კლასია", ნათქვამია ორგანიზაციის ვებგვერდზე. სრულად... წყარო: www.gfsis.org

თბილისი. „საერთაშორისო გამჭვირვალობა - საქართველო" (TI) მიმოიხილავს საკანონმდებლო ინიციატივას, რომლის მიხედვითაც, სტაჟირების პერიოდი სამუშაო სტაჟში ჩაითვლება. „საქართველოს პარლამენტი განიხილავს ცვლილებებს „საჯარო სამსახურის შესახებ" კანონში და „საქართველოს შრომის კოდექსში". საკანონმდებლო ინიციატივა ითვალისწინებს შრომით ბაზარზე სტაჟიორის/პრაქტიკანტის სტატუსის განსაზღვრას და სტაჟირების პერიოდის სამუშაო სტაჟში ჩათვლას", - აღნიშნულია TI-ის მიერ განხორციელებულ ანალიზში. სრულად  წყარო: ორგანიზაციის ვებგვერდი

თბილისი. „ინფორმაციის თავისუფლების განვითარების ინსტიტუტი" (IDFI) მიიჩნევს, რომ საჯარო სამსახურის შესახებ კანონში დაგეგმილი ცვლილება ლახავს პრეზიდენტის ადმინისტრაციაში დასაქმებული მოხელეების უფლებებს. „IDFI უარყოფითად აფასებს ინიცირებულ საკანონმდებლო ცვლილების პროექტს და მიიჩნევს, რომ ის საფრთხის წინაშე აყენებს საჯარო მმართველობის რეფორმას", - ვკითხულობთ IDFI-ის მიერ გავრცელებულ განცხადებაში, - „IDFI მოუწოდებს საქართველოს პარლამენტს მხარი არ დაუჭიროს შემოთავაზებულ საკანონმდებლო ცვლილებებს, ხოლო კანონპროექტის ავტორებს მოუწოდებს გაიწვიონ ინიცირებული საკანონმდებლო ცვლილების პროექტი, რადგან ინიცირებული ცვლილება ლახავს პრეზიდენტის ადმინისტრაციაში დასაქმებული საჯარო მოხელეების უფლებებს, რისკის ქვეშ აყენებს საქართველოში ეფექტური, მდგრადი და პოლიტიკურად ნეიტრალური საჯარო სექტორის ჩამოყალიბებას და მთლიანობაში საჯარო მმართველობის რეფორმის წარმატებით განხორციელებას". სრულად  წყარო: ორგანიზაციის ვებგვერდი

თბილისი. საია პრეზიდენტის ადმინისტრაციის თანამშრომლებთან დაკავშირებით ინიცირებულ რეგულაციას არაკონსტიტუციურად მიიჩნევს. „6 დეკემბერს საქართველოს პარლამენტს წარედგინა პარლამენტის წევრების, გურამ მაჭარაშვილისა და რატი იონათამიშვილის საკანონმდებლო ინიციატივა, რომლის მიხედვითაც, პრეზიდენტის ადმინისტრაციის თანამშრომლები ჩაითვლებიან ადმინისტრაციული ხელშეკრულებით დასაქმებულ პირებად და მათზე აღარ გავრცელდება ის შრომითი გარანტიები, რომლებიც გათვალისწინებულია პროფესიული საჯარო მოხელეებისათვის. აღნიშნულ კანონპროექტზე ბიურომ მიიღო გადაწყვეტილება მისი დაჩქარებული წესით განხილვის, მათ შორის, ერთ დღეს ორი მოსმენით განხილვის თაობაზე. მიგვაჩნია, რომ წარმოდგენილი საკანონმდებლო ინიციატივა ეწინააღმდეგება საქართველოს კონსტიტუციას, საქართველოს საკონსტიტუციო სასამართლოს პრაქტიკას და არ შეესაბამება „საჯარო სამსახურის შესახებ" საქართველოს კანონით განმტკიცებულ პრინციპებს, რითაც უხეშად არღვევს პრეზიდენტის ადმინისტრაციაში დასაქმებული პირების შრომით უფლებებს", - ვკითხულობთ საია-ს მიერ გავრცელებულ განცხადებაში. სრულად  წყარო: ორგანიზაციის ვებგვერდი

კახეთი. ევროკავშირის სოფლის განვითრების პროექტის საგრანტო მხარდაჭერით დედოფლისწყაროს მუნიციპალიტეტში საოჯახო ღვინის მარანი, ფერმერთა საკონსულტაციო ცენტრი და სადეგუსტაციო დარბაზი გაიხსნა. აღნიშნული ბიზნესინიციატივით შეიქმნა მუდმივი 12, ხოლო სეზონურად 20 სამუშაო ადგილი და კიდევ ერთ ფერმერს მიეცა შესაძლებლობა აწარმოოს და მომავალში ექსპორტზე გაიტანოს როგორც ევროპული, ისე ტრადიციული წესით დაყენებული მაღალი ხარისხის ორგანული ღვინო. სოფლის განვითარების ამ ინიციატივის მთლიანი ბიუჯეტი 68,188 ლარის ოდენობით განისაზღვრა, სადაც 29,936 ლარი ევროკავშირის მიერ მხარდაჭერილი პროექტის „მოქალაქეთა ჩართულობა ეკონომიკური განვითარებისთვის (PROCEED)" საგრანტო დაფინანსებამ, ხოლო 38,252 ლარი ბენეფიციარის ფულადმა თანამონაწილეობამ შეადგინა. სრულად  წყარო: http://enpard.ge

იმერეთი. 2018 წლის 16-18 ნოემბერს, ევროკავშირის მიერ მხარდაჭერილი საქართველოს ადგილობრივი განვითარების ჯგუფების ასოციაციის (GALAG) 15-მდე წევრი ადგილობრივი განვითარების სხვადასხვა ჯგუფებიდან, ქალაქ ქუთაისში, ადვოკატირება-ლობირების ტრენინგზე დასასწრებად შეიკრიბა. ტრენინგის მიზანი იყო ადვოკატირებასა და ლობირებაში GALAG-ის წევრების უნარების გაუმჯობესების ხელშეწყობა. ღონისძიებაზე განხილული იყო სხვადასხვა საკითხები: რა არის ადვოკატირება, ლობირება და რატომ არის ევროპული LEADER-ის მიდგომა მნიშვნელოვანი ადვოკატირება ლობირების საკითხებში, ლობირება და ადვოკატირების როლი რეგიონულ/სოფლის განვითარებაში, ადვოკატირების კამპანიის დაგეგმვა და მისი სტრატეგიები და ასევე სხვა მრავალი საინტერესო საკითხი, რაც დაეხმარება GALAG-ს მის მომავალ საქმიანობაში. სრულად  წყარო: http://enpard.ge

თბილისი. 9 ნოემბერს, გაიმართა სამუშაო შეხვედრა თემაზე: ქალთა ეკონომიკური გაძლიერება და კორპორაციული მდგრადობა ბიზნეს სექტორში, რომელსაც 20-ზე მეტი საჯარო და კერძო სექტორის წარმომადგენელი დაესწრო. „შეხვედრის პირველ ნაწილს - გენდერულ თანასწორობას - გაუძღვა სახალხო დამცველის აპარატის წარმომადგენელი ანა ლობჟანიძე, რომელმაც ისაუბრა საქართველოში გენდერული სტერეოტიპების შესახებ. ხოლო მეორე ნაწილში, სიდას აღმასრულებელმა დირექტორმა, სალომე ზურაბიშვილმა, მონაწილეებს გააცნო კორპორაციული მდგრადობის არსი და ქალთა გაძლიერების პრინციპები,” ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ახალგაზრდა ფინანსისტთა და ბიზნესმენთა ასოციაცია მთავრობასა და ეროვნულ ბანკს ხუთ რეკომენდაციას სთავაზობს. „ბოლო პერიოდში ლარის კურსის ვარდნამ დოლართან მიმართებაში საგანგაშო ნიშნულს მიაღწია, რისთვისაც ახალგაზრდა ფინანსისტთა და ბიზნესმენთა ასოციაცია - აფბა მთავრობას და ეროვნულ ბანკს მოუწოდებს, რომ ლარის გაუფასურების შესაჩერებლად დროული და სწრაფი ღონისძიებები გაატაროს. სებ-ის მიერ დაწესებული რეგულაციების მიუხედავად, ეკონომიკის  დოლარიზაცია კვლავ მაღალ ნიშნულზეა, რაც მნიშნელოვანი პრობლემების გამომწვევია ეკონომიკაში და ამცირებს მოსახლეობის მსყიდველუნარიანობას", ნათქვამია ორგანიზაციის ვებგვერდზე სოციალურ ქსელში. სრულად... წყარო: afba.ge

თბილისი. 2 ნოემბერს, „ახალმა ეკონომიკურმა სკოლამ - საქართველომ” გამართა ელექტრონული სახელმძღვანელოს პრეზენტაცია - „ეკონომიკის გაკვეთილები.” „სახელმძღვანელო მორგებულია ქართულ სინამდვილესთან, სრულად აკმაყოფილებს საქართველოს შესაბამის სახელმწიფო სტანდარტებს და მისი გამოყენება შესაძლებელია საგნებში: „სახელმწიფო და ეკონომიკა", როგორც ძირითადი სახელმძღვანელო, აგრეთვე „სამოქალაქო განათლება" და „მეწარმეობის საფუძვლები", როგორც დამხმარე სახელმძღვანელო”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. წინა ხელისუფლების დროს ჩამორთმეული ყველაზე დიდი ბიზნესი, რომელსაც მოქმედი ხელისუფლება არ აბრუნებს, - ამის შესახებ დღეს გამართულ პრეს-კონფერენციაზე ისაუბრეს. პრეს-კონფერენცია, საქართველოს ახალგაზრდა იურისტთა ასოციაციის თავმჯდომარე სულხან სალაძემ, იურისტებმა - კახა კოჟორიძემ და მაია მწარიაშვილმა, საავიაციო ქარხანაში გამართეს. „თბილისის საავიაციო ქარხნის საქმე არის ნათელი მაგალითი იმისა ხდება თუ არა სამართლიანობის აღდგენა. 6 წელია მოქმედი ხელისუფლება აგრძელებს წინა ხელისუფლების მიერ უკანონო, ძალადობრივი გზებით წართმეული ქონების შენარჩუნებისთვის ბრძოლას. სამართლიანობის აღდგენის ნაცვლად, ხდება უსამართლობის დაკანონება. ხელისუფლების სხვადასხვა ორგანო - სასამართლო, პროკურატურა, ეკონომიკის სამინისტრო მოქმედებენ ორკესტრირებულად იმ მიზნით, რომ წართმეული ქონება მათ კანონიერ მესაკუთრეებს არ დაუბრუნდეთ", - ითქვა პრეს-კონფერენციაზე. სრულად  წყარო: https://gyla.ge

იმერეთი. ადგილობრივი დემოკრატიის სააგენტო საქართველომ, ქუთაისში გამართა პრეზენტაცია პროექტ „იმერეთის მხარეში, ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) თაობაზე, მოქალაქეთა ინფორმირება" შესახებ. „აღნიშნული შეხვედრის მონაწილეებს მიეწოდათ ინფორმაცია,როგორც პროექტის ფარგლებში დაგეგმილი აქტივობების შესახებ, აგრეთვე თავად ევროკავშირთან ღრმა და ყოვლისმომცველი სავაჭრო სივრცის შესახებ შეთანხმების (DCFTA) იმპლემენტაციისა და მისი თანმდევი საკითხების შესახებ. პროექტის მიზანია, ხელი შეუწყოს მოსახლეობის ინფორმირებულობას DCFTA-ს განხორციელების პროცესის მხარდაჭერის მისაღწევად”, ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. „საზოგადოება და ბანკების" ეკონომიკურ მედია სკოლაში სწავლა დაიწყო. მეათე ნაკადს ტრენინგებს საქართველოს ეროვნული ბანკის პრეზიდენტის მრჩეველი გიორგი ბაქრაძე ჩაუტარებს. სკოლას მოწვეული სტუმრებიც ეყოლება. „მედია სკოლის მიზანია ჟურნალისტების ფინანსური განათლების ამაღლება. მსმენელები ეკონომიკის საფუძვლებს სპეციალური კურსის მიხედვით შეისწავლიან. სასწავლო კურსი, რომელიც 2 თვის განმავლობაში გაგრძელდება, უფასოა და მისი დასრულების შემდეგ წარმატებულ კურსდამთავრებულებს სერტიფიკატები გადაეცემათ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

კახეთი. ევროკავშირის მხარდაჭერით, ადგილობრივი განვითარების ჯგუფმა ლაგოდეხის შესახებ ახალი საინფორმაციო ვებ-გვერდი - www.visitlagodekhi.com შექმნა. „აღმოაჩინე კავკასიის ჭეშმარიტი ბუნება…სადაც დოვლათიანი ბაღები, უძველესი ტყე და ცად აზიდული მთები ხვდებიან ერთმანეთს!" - ეს დახასიათება ლაგოდეხს ეკუთვნის და მას მუნიციპალიტეტისთვის სპეციალურად შექმნილ ამ ვებ-გვერდზე წაიკითხავთ. გვერდი სულ ახლახანს, ევროკავშირის ENPARD-ის პროგრამის მხარდაჭერით შეიქმნა, ლაგოდეხის განვითარების ჯგუფის წევრი ახალგაზრდებისა და ევროპელი მოხალისეების ძალისხმევით, და მისი საშუალებით, ლაგოდეხის მრავალფეროვან შესაძლებლობებს აღმოაჩენთ. სრულად  წყარო: http://enpard.ge/ge /

აჭარა. 13 ოქტომბერს, საქართველოში ევროკავშირის წარმომადგენლობამ, ევროკავშირის პარტნიორებთან ერთად, ბათუმში ევროპის დღის აღსანიშნავი ღონისძიება გამართა. ამ დღეს, ანბანის კოშკის მიმდებარე ბულვარი გარდაიქმნა ევროსოფლად, სადაც ნებისმიერ სტუმარს შესაძლებლობა ჰქონდა მთელი დღის მანძილზე ემოგზაურა ევროკავშირში და მონაწილეობა მიეღო მრავალ გასართობ ღონისძიებაში. სრულად  წყარო: http://enpard.ge