თბილისი. საქართველოს სტრატეგიული კვლევებისა და განვითარების ცენტრის (CSRDG) მიერ, პროექტის „სამოქალაქო საზოგადოების განვითარების ინიციატივა" ფარგლებში, გამოიცა „კორპორაციული სოციალური პასუხისმგებლობის სახელმძღვანელო მცირე და საშუალო კომპანიებისათვის". პროექტი „სამოქალაქო საზოგადოების განვითარების ინიციატივა" მიმდინარეობს ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით. პროექტს ახორციელებს კონსორციუმი კონრად ადენაუერის ფონდის ხელმძღვანელობით. სახელმძღვანელო... 

თბილისი. საზოგადოება და ბანკების ეკონომიკური მედია სკოლის მსმენელებს ეროვნული ბანკის პრეზიდენტმა კობა გვენეტაძემ სერტიფიკატები გადასცა. „კობა გვენეტაძემ ჟურნალისტებთან ერთად მაკროეკონომიკური თემები მიმოიხილა. მან ჟურნალისტების შეკითხვებსაც უპასუხა. მედია სკოლის მსმენელებმა საკასო ცენტრი დაათვალიერეს და მის სამუშაო პროცესს გაეცნენ. ეკონომიკური მედია სკოლის ტრენინგი რეგიონში მომუშავე ჟურნალისტებისთვის ჩატარდა და მას ილიას სახელმწიფო უნივერსიტეტის ასოცირებული პროფესორი გიორგი პაპავა უძღვებოდა. სკოლას სხვა მოწვეული სტუმრებიც ჰყავდა. მედია სკოლის მიზანია ჟურნალისტების ფინანსური განათლების ამაღლება. მსმენელები ეკონომიკის საფუძვლებს სპეციალური კურსის მიხედვით სწავლობენ. სასწავლო კურსი 4 დღის განმავლობაში გრძელდებოდა და მასში საქართველოს თითქმის ყველა რეგიონის სხვადასხვა მედიასაშუალებიდან კონკურსის წესით შერჩეული 20 ჟურნალისტი მონაწილეობდა”, ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) საქართველოს ფინანსთა სამინისტროს და საქართველოს მთავრობას ომეგა ჯგუფის საკითხზე ინფორმაციის გამოქვეყნებისკენ მოუწოდებს. „საქართველოს ფინანსთა სამინისტრომ უნდა განმარტოს რატომ არ ჩაინიშნა კომისიის სხდომა - შესაბამისმა დეპარტამენტმა არ მიაწოდა ინფორმაცია კომისიის თავმჯდომარეს თუ თავად ფინანსთა მინისტრმა არ ჩათვალა საჭიროდ სხდომის დანიშვნა. მნიშვნელოვანია ნებისმიერ შემთხვევაში მიეთითოს შესაბამისი განმარტებაც", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. საქართველოს ახალგაზრდა იურისტთა ასოციაცია აქვეყნებს განცხადებას ტელეკომპანია „იბერიასთან" დაკავშირებით გავრცელებული აუდიოჩანაწერების შესახებ. „გავრცელებული ჩანაწერები, შესაძლოა, შეიცავდეს სისხლის სამართლის კოდექსით გათვალისწინებულ დანაშაულის ნიშნებს. საია მოუწოდებს საგამოძიებო ორგანოებს დროულად, სრულყოფილად და ჯეროვნად შეისწავლონ აღნიშნული ფაქტი და მოახდინონ შესაბამისი რეაგირება", - ნათქვამია განცხადებაში, - „ამასთან, მნიშვნელოვანია მიმდინარე პროცესებში დაცული იქნეს ჟურნალისტთა უფლებები. თანამშრომლებმა დღემდე არ იციან გააგრძელებს თუ არა ტელევიზია მუშაობას. მაუწყებლობის შეწყვეტა წინასაარჩევნო პერიოდში კი, კიდევ უფრო მეტ კითხვას გააჩენს". სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო" (TI) აცხადებს, რომ ზაზა ოქუაშვილისა და ლევან ყიფიანის საუბრის ფარული ჩანაწერი კორუფციის შესაძლო შემთხვევაზე მიუთითებს. „პირველ რიგში, ჩვენთვის მიუღებელია, რომ, ბიზნესდავების გამო, პრობლემები ექმნებათ მედიასაშუალებებსა და ჟურნალისტებს, რაც უარყოფითად აისახება მათ სამუშაო პირობებსა და ,ზოგადად, მედიაგარემოზე საქართველოში. სოლიდარობას ვუცხადებთ ტელეკომპანია „იბერიის" ჟურნალისტებს და მზად ვართ მათი უფლებების დაცვისთვის. რაც შეეხება გამოქვეყნებულ ჩანაწერებს, თუ მოცემული ინფორმაცია ნამდვილია, ის მიუთითებს მასშტაბური კორუფციის ფაქტზე, რაც აუცილებლად საჭიროებს რეაგირებას საგამოძიებო ორგანოების მხრიდან", - აცხადებს TI. სრულად  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია (GYLA) და „ადამიანის უფლებების სწავლებისა და მონიტორინგის ცენტრი" (EMC) საზოგადოებრივი მაუწყებლის თანამშრომელთათვის შეთავაზებულ ახალ ხელშეკრულებებსა და ამასთან დაკავშირებით განვითარებულ პროცესებს აფასებენ. „განჭვრეტადი შრომის პოლიტიკისა და თანამშრომელთა შეფასების სისტემის არარსებობის პირობებში, სრულიად ბუნდოვანია თუ რა კრიტერიუმების საფუძველზე მოხდა იმ თანამშრომელთა შერჩევა, რომელთაც მენეჯმენტისაგან მიიღეს შეთავაზება შრომითი პირობების მნიშვნელოვანი გაუარესების თაობაზე. ამასთან, მაუწყებელში მიმდინარე მოვლენები აჩვენებს, რომ თანამშრომელთა შრომითი პირობების არსებითი გაუარესების პროცესები მხოლოდ 70-მდე თანამშრომელს არ უკავშირდება და მაუწყებლის მენეჯმენტმა ანალოგიური მიზნის მქონე სხვადასხვა პროცესი საზოგადოებრივი რადიოსა და მაუწყებლის პროექტების "საზოგადოებრივ-პოლიტიკური გადაცემების კვლევა" და „მედიის მონიტორინგი და ანალიზი" თანამშრომლების მიმართ სექტემბრამდე დაიწყო”, - აღნიშნულია ორგანიზაციების მიერ გავრცელებულ განცხადებაში. სრულად  წყარო: https://emc.org.ge

თბილისი. საზოგადოებრივ მაუწყებელში მიმდინარე პროცესებთან დაკავშირებით, ადამიანის უფლებების ცენტრი მიმართვას ავრცელებს. „ადამიანის უფლებათა ცენტრი სწავლობს საზოგადოებრივ მაუწყებელში დასაქმებულთა შრომითი უფლებების სავარაუდო დარღვევის ფაქტებს", - ნათქვამია დოკუმენტში, - „ადამიანის უფლებათა ცენტრის შეფასებით, საზოგადოებრივმა მაუწყებელმა დასაქმებულებს შესთავაზა შრომითი ხელშეკრულება, რომელშიც წარმოდგენილია მხოლოდ დამსაქმებლის ინტერესები, ხოლო დასაქმებულთა უფლებები ვერ ესადაგება საქართველოს კანონმდებლობასა და საერთაშორისო სტანდარტებს". სრულად  წყარო: ორგანიზაციის ვებგვერდი

აჭარა. ევროკავშირის მხარდაჭერით, ENPARD-ის პროგრამის ფარგლებში, ქედის ადგილობრივი განვითარების ჯგუფმა (LAG) ქედის ადგილობრივი განვითარების სტრატეგია დაამტკიცა. სოფლად ეკონომიკური საქმიანობის დივერსიფიკაცია, კლიმატ-გონივრული სოფლის მეურნეობის ღირებულებათა ჯაჭვის განვითარება, გარემოს დაცვა, ბუნებრივი რესურსების მართვა და კატასტროფის რისკის შემცირება, ახალგაზრდებისა და ქალების ჩართულობის ხელშეწყობა – ეს მიმართულებებია წარმოდგენილი ევროკავშირის მხარდაჭერით შემუშავებულ ქედის მუნიციპალიტეტის ადგილობრივი განვითარების სტრატეგიაში.  სრულად  წყარო: http://enpard.ge

თბილისი. საზოგადოებრივი მაუწყებლის ირგვლივ განვითარებულ მოვლენებში გარკვევის მოწოდებით, „კოალიცია მედიის ადვოკატირებისთვის" საზოგადოებრივი მაუწყებლის დირექტორს, სამეურვეო საბჭოსა და საქართველოს პარლამენტს მიმართავს. „მედიაში გავრცელებული ინფორმაციის თანახმად, საზოგადოებრივი მაუწყებლის ათეულობით თანამშრომელს მიუვიდა შეთავაზება, რომლის თანახმადაც ან უნდა მოხდეს შრომითი ხელშეკრულების არსებითი პირობების შეცვლა ან შეწყდეს შრომითი ურთიერთობა მათთან. მიგვაჩნია, რომ აღნიშნული შეთავაზება არის დაუსაბუთებელი და, შესაძლოა, მიზნად ისახავდეს ათეულობით ადამიანის სამსახურიდან გათავისუფლებას. საზოგადოებრივი მაუწყებლის გარშემო განვითარებული მოვლენები არაერთ კითხვას აჩენს, რომელსაც პასუხი არც გავრცელებული განცხადებით გაეცა", - აღნიშნულია კალიციის მიერ გავრცელებულ განცხადებაში. სრულად  წყარო: https://gyla.ge

თბილისი. „საერთაშორისო გამჭვირვალობა - საქართველომ" (TI) 2018 წლის სახელმწიფო ბიუჯეტის 6 თვის შესრულების მოკლე ანალიზი გამოაქვეყნა. დოკუმენტის მიხედვით, ამ პერიოდისთვის, ბიუჯეტში დაგეგმილზე მეტი შემოსავალის მიღებისა და გეგმაზე ნაკლები ხარჯის შედეგად, შემცირდა 6 თვის ბიუჯეტის დაგეგმილი დეფიციტი; სახელმწიფო ვალი შემცირდა მშპ-ის 44.7%-დან 41.1%-მდე, რაც მშპ-ის ზრდამ და, გასული წლის ბოლოსთან შედარებით, ლარის კურსის გამყარებამ განაპირობა. რაც შეეხება სახელმწიფო უწყებებს, TI-ს დასკვნით, 6 თვის ბიუჯეტის შესრულების ყველაზე დაბალი მაჩვენებლით გამოირჩევიან: მთავრობის ადმინისტრაცია (70%), იუსტიციის უმაღლეს საბჭო (71%) და დაზვერვის სამსახური (73%). სრულად  წყარო: ორგანიზაციის ვებგვერდი

თბილისი. საქართველოს სტრატეგიული კვლევებისა და განვითარების ცენტრისა (CSRDG) და სარეკლამო კომპანია Saatchi & Saatchi-ის ინიციატივით, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით, საკომუნიკაციო კამპანია „ახალი ხილი" დაიწყო. კამპანია ხორციელდება პროექტის „სამოქალაქო საზოგადოების განვითარების ინიციატივა" ფარგლებში. კამპანიის მიზანია ახალი, საინტერესო კონცეფციით, ერთი მხრივ, ფართო საზოგადოებას გააცნოს CSR-ის მნიშვნელობა, ხოლო მეორე მხრივ, წაახალისოს ბიზნეს-კომპანიები საკუთარ საქმიანობაში დანერგონ და განავითარონ კორპორაციული სოციალური პასუხისმგებლობა. სრულად  წყარო: ორგანიზაციის გვერდი სოციალურ ქსელში

აჭარა. ევროკავშირის მხარდაჭერით, დაბა ქედაში, ქედის ადგილობრივი განვითარების ჯგუფის მმართველი საბჭოს წევრებისთვის, სასწავლო კურსი „პროექტის წერა" ჩატარდა. კურსი ევროკავშირის ENPARD-ის პროექტის - „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)" - ფარგლებში, საქართველოს სტრატეგიული კვლევებისა და განვითარების ცენტრის, CENN-ის პარტნიორი ორგანიზაციის მიერ იყო ორგანიზებული. იგი მიზნად ისახავდა ადგილობრივი განვითარების ჯგუფის მმართველი საბჭოს წევრებში პროექტის წერის ცოდნის/უნარ-ჩვევების განვითარებას და მოიცავდა ისეთ საკითხებს, როგორიცაა: საჭიროებების შეფასება, მიზანი და ამოცანები, გეგმა-გრაფიკი, მონიტორინგი და შეფასება, სხვა. სრულად  წყარო: http://enpard.ge

თბილისი. 2 და 3 აგვისტოს, სამოქალაქო განვითარების სააგენტოს (CIDA) ორგანიზებით მოეწყო საკოორდინაციო შეხვედრა მართლმსაჯულების სექტორში მომუშავე არასამთავრობო ორგანიზაციებსა და ბიზნესის წარმომადგენლებს შორის. „შეხვედრაზე მოხდა მონაწილე ორგანიზაციების მიერ განხორციელებული კვლევის შედეგების გაცნობა და ძირითადი მიგნებების გამოყოფა. ჯგუფმა იმსჯელა, ისეთ საკვანძო საკითხებზე, როგორიცაა კანონთან კონფლიქტში მყოფ პირთა რესოციალიზაციისა და რეაბილიტაციის პროცესი, მათი განათლებისა და დასაქმების საკითხები და ის გამოწვევები, რომლებიც ამ მიმართულებით არსებობს. ჯგუფის გადაწყვეტილებით, ჩართული ორგანიზაციები და ბიზნესის წარმომადგენლები ერთობლივად მოამზადებენ სარეკომენდაციო პაკეტს, რომელსაც მთავრობას გააცნობენ და მომავალში ადოკატირების კამპანიის დაგეგმვისას გამოიყენებენ", ნათქვამია ორგანიზაციის ვებგვერდზე. სრულად... წყარო: www.cida.ge

კახეთი. დედოფლისწყაროს მუნიციპალიტეტში ევროკავშირის სოფლის განვითარების პირველი საგრანტო კონკურსის გამარჯვებულები გამოვლინდნენ. ევროკავშირის მიერ მხარდაჭერილი HEKS/EPER-ის პროექტის „მოქალაქეთა ჩართულობა ეკონომიკური განვითრებისთვის (PROCEED)" საგრანტო განაცხადების ორ ეტაპიანი განხილვისა და ტექნიკური შეფასების შედეგად, დედოფლისწყაროს მუნიციპალიტეტში, პირველი საგრანტო კონკურსის 32 გამარჯვებული გამოვლინდა და შესაბამის საგრანტო ხელშეკრულებებს ხელი მოეწერა. საბჭოს სხდომაზე ინდივიდუალური ხმის მიცემის პრინციპით დამტკიცდა 32 საგრანტო პროექტი (სრული სია იხილეთ დანართში) შემდეგ სფეროებში: ტურიზმის განვითარება – 7 გრანტი, სოფლის მეურნეობის განვითრება – 5 გრანტი, სოციალური და საგანმანათლებლო სფეროს განვითარება – 6 გრანტი, კულტურული სფეროს განვითარება – 1 გრანტი, დივერიფიცირებული ბიზნესის განვითარება – 13 გრანტი. სრულად  წყარო: http://enpard.ge

თბილისი. საქართველო სტრატეგიული კვლევებისა და განვითარების ცენტრი CSR ბლოგზე აქვეყნებს ალექსანდრე ლორთქიფანიძის ბლოგპოსტს: ბავშვები არ უნდა შიმშილობდნენ. „მე კი მინდა, რომ ერთ დღეს ისეთ დუნიაზე გავიღვიძო, ბავშვები აღარ შიმშილობდნენ და სიღარიბის ზღვარს მიღმა მყოფ ადამიანთა რიცხვი ნულს უტოლდებოდეს, განა ის რომ ყველა მდიდრები ვიყოთ, ლომი ცხვართან ძოვდეს და ჰაერში სასწაულების სუნი ტრიალებდეს, არა, მხოლოდ ის, ბავშვს პური ჰქონდეს და დიდს სითბო, არგასაყინად და გასაზიარებლადაც", ნათქვამია CSR ბლოგში. სრულად... წყარო: csrblog.ge

კახეთი. ევროკავშირის მიერ ინიცირებული პროექტის, „მერები ეკონომიკური ზრდისთვის" ფარგლებში, „დემოკრატიული ჩართულობის ცენტრების ქსელის" თელავის წარმომადგენლობის ორგანიზებით, შეხვედრა გაიმართა. შეხვედრის მიზანი, თელავის მერის მოადგილისა და მერიის ეკონომიკისა და ქონების მართვის სამსახურის უფროსის მიერ, არასამთავრობო ორგანიზაციების წარმომადგენლებისთვის თელავის ეკონომიკური განვითარების ხედვის გაცნობა იყო. სრულად  წყარო: https://www.facebook.com/Centers.ge/posts/803782079829368

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2018 წლის ინოვაციის გლობალურ ინდექსში საქართველო 2017 წელთან შედარებით 9 პოზიციით დაწინაურდა და წინა წლებთან შედარებით ყველაზე მაღალი 35.05 ქულა დააგროვა. „ინოვაციის გლობალური ინდექსის განსაზღვრის მიზანია ინოვაციის მრავალგანზომილებიანი მხარეების ხაზგასმა და იმ ინსტრუმენტების განსაზღვრა, რაც ხელს უწყობს მდგრად განვითარებასა და სამუშაო ადგილების ზრდას", ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. ტყიბულში, მინდელის სახელობის შახტაში მომხდარ ტრაგედიასთან დაკავშირებით, საზოგადოებრივი ორგანიზაციების ნაწილი განცხადებას ავრცელებს. „მეშახტეების დაღუპვისა და დასახიჩრების შემთხვევები და მისი განმეორებადობა აჩვენებს, რომ ჩვენ საქმე გვაქვს არა ერთეულ და საგამონაკლისო საწარმოო შემთხვევებთან, არამედ დასაქმებულებთა წინააღმდეგ ჩადენილ განგრძობად და სისტემურ პრაქტიკასთან, რომლის მიმართაც სახელმწიფოს აბსოლუტური გულგრილობა მას დანაშაულის თანამონაწილედ აქცევს", - ვკითხულობთ განცხადებაში, - „ არსებული კრიზისული მოცემულობის გათვალისწინებით, დღის წესრიგში ვტოვებთ მოთხოვნებს, რაც გულისხმობს სახელმწიფოს პასუხისმგებლობას დაუყოვნებლივ, უმოკლეს ვადებში უზრუნველყოს გამართული და ეფექტიანი შრომის საზედამხედველო სისტემის ამუშვება, ხოლო საქართველოს შინაგან საქმეთა სამინისტრომ დროულად და ეფექტიანად წარმართოს გამოძიება მომხდარ შემთხვევაზე და საზოგადოებას პროაქტიულად გააცნოს ინფორმაცია გამოძიების მიმდინარეობის შესახებ". სრულად  წყარო: www.osgf.ge

ზუგდიდი. ევროკავშირის დაფინანსებით, პროექტის „სურსათის და სოფლის მეურნეობის დარგში მცირე და საშუალო საწარმოების მხარდამჭერი ინიციატივა" ფარგლებში, ჩვენმა ბენეფიციარმა ორგანიზაციამ „ასოციაცია სოფლის მეურნეობის განვითარებისთვის" ზუგდიდში ბიზნეს-საკონსულტაციო სივრცე „ბიზნეს ზონა" გახსნა. მალე ადგილობრივი ფერმერები და მცირე და საშუალო მეწარმეები შეძლებენ სრულყოფილი ინფორმაცია მიიღონ ევროკავშირთან ვაჭრობის, პირველადი წარმოების სტანდარტების, ახალი რეგულაციების და სხვა მნიშვნელოვან საკითხებთან დაკავშირებით", ნათქვამია სამოქალაქო განვითარების სააგენტოს ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ეკონომიკური მედია სკოლის მეცხრე ნაკადის მსმენელებს სერტიფიკატები გადაეცათ.  „სასწავლო კურსი 2 თვის განმავლობაში გრძელდებოდა და მისი მიზანი ჟურნალისტებისთვის ფინანსური განათლების ამაღლება იყო. ტრენინგებს გიორგი ბაქრაძე და მოწვეული ექსპერტები ატარებდნენ, რომელთა შორისაც ეროვნული ბანკის პრეზიდენტი კობა გვენეტაძეც იყო. მედია სკოლის მსმენელებს სერტიფიკატები ილიაუნის ბიზნესის სკოლის დეკანმა, გიორგი ქადაგიძემ გადასცა. სკოლის მეცხრე ნაკადი 20 ჟურნალისტისგან შედგებოდა, რომლებმაც ეკონომიკის საფუძვლები სპეციალური კურსის მიხედვით შეისწავლეს. მედია სკოლა მეათე ნაკადის მიღებას შემოდგომიდან დაიწყებს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ანალიტიკურ სტატიას: „უცხო ქვეყნის მოქალაქეები საქართველოში: მითები და სინამდვილე". „მითი: უცხოელი სტუდენტები განვითარებადი ქვეყნებიდან ჩამოდიან და საქართველოს ეკონომიკა არანაირ სარგებელს არ იღებს. რეალობა: მარტო მიმდინარე წელს, უცხოელი სტუდენტები დაახლოებით 78 მილიონ დოლარს დახარჯავენ". სრულად... წყარო: idfi.ge

კახეთი. 18 ივნისს, საგარეჯოს დემოკრატიული ჩართულობის ცენტრში, სიდას ორგანიზებით გაიმართა პროექტის „ახალგაზრდა მეწარმეთა სინერგია - ქსელი საქართველოსა და აზერბაიჯანის ტრანსსასაზღვრო თანამშრომლობისთვის" პრეზენტაცია. შეხვედრას ადგილობრივი თვითმმართველობის და სამოქალაქო ორგანიზაციების წარმომადგენლები ესწრებოდნენ. პროექტის პრეზენტაცია გარდაბანშიც გაიმართა. „სიდას აღმასრულებელმა დირექტორმა და საგარეჯოს მუნიციპალიტეტის მერმა ურთიერთგაგების მემორანდუმი გააფორმეს, რომელიც ითვალისწინებს აქტიურ და მჭიდრო თანამშრომლობას საქართველოსა და აზერბაიჯანს შორის მიმდინარე პროექტის ფარგლებში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში