შიდა ქართლი. კეთილდღეობისა და განვითარების ცენტრთან არსებულ გორის სამოქალაქო აქტივიზმის ცენტრში ჩატარდა ტრენინგი „როგორ დავწეროთ შედეგზე ორიენტირებული პროექტი".  ტრენინგის ფარგლებში, ახალგაზრდები გაეცნენ პროექტის წერის ზოგად სქემას, განიხილეს SMART და SWOT ანალიზი, გრძელვადიანი შედეგის მნიშვნელობა. ღონისძიება ჩატარდა "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" [PITA] ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით.  სრულად  წყარო: გვერდი სოციალურ ქსელში

თბილისი. სახალხო დამცველმა „საქართველოს უნივერსიტეტში“ სტუდენტების ჯგუფებში გადანაწილების პრაქტიკა აკადემიური მოსწრების ნიშნით დისკრიმინაციულად მიიჩნია.  „საქართველოს უნივერსიტეტში“ არსებული პრაქტიკის თანახმად, 2-ზე დაბალი GPA-ს მქონე სტუდენტებს საგნების არჩევა-რეგისტრაციის პერიოდში არ ეძლევათ შესაძლებლობა, აირჩიონ ყველა შემოთავაზებული სალექციო ჯგუფი და დრო, ხოლო, 2-ზე მაღალი GPA-ს მქონე სტუდენტებს, მსგავსი შეზღუდვა არ აქვთ. პირველი სემესტრის სტუდენტების შემთხვევაში ამგვარი დაყოფა ერთიანი ეროვნული გამოცდების შედეგების მიხედვით ხდება. მოპასუხის პოზიციის თანახმად, ამგვარი დაყოფის მიზანი სწავლის ხარისხის გაუმჯობესებაა“, - აღნიშნავს სახალხო დამცველი, - „სახალხო დამცველმა „საქართველოს უნივერსიტეტს“ მიმართა, სწავლების ყველა საფეხურსა და ყველა ფაკულტეტზე გაუქმდეს დიფერენცირებული სალექციო ჯგუფები, რაც ითვალისწინებს 2-ზე ნაკლები და 2-ზე მეტი GPA-ს მქონე სტუდენტებისთვის (პირველი სემესტრის სტუდენტების შემთხვევაში ერთიანი ეროვნული გამოცდების შედეგების მიხედვით) სალექციო კურსების არჩევასთან დაკავშირებულ შეზღუდვებს“. სრულად  წყარო: ორგანიზაციის ვებგვერდი

სამცხე-ჯავახეთი. ტოლერანტობის სამოქალაქო ცნობიერებისა და ინტეგრაციის მხარდაჭერის პროგრამის (PITA) მონაწილეებისთვის მორიგი ტრენინგი ჩატარდა თემაზე: კონფლიქტების მართვა და მოლაპარაკების ხელოვნება.  პროგრამას ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს ფინანსური მხარდაჭერით.  სრულად... წყარო: ორგანიზაციის გვერდი სოციალურ ქსელში განათლება

სამცხე-ჯავახეთი. მიმდინარე პროექტის ფარგლებში, ფონდმა „ტასომ“, 3-4 სექტემბერს, ასპინძისა და ახალციხის მუნიციპალიტეტებში, სოფლად მცხოვრები ქალებისთვის, ქალთა ლიდერობის საკითხების შესახებ ტრენინგები ჩაატარა.  ლიდერობა, მართვა, მოტივაცია - ეს ნაწილია იმ თემებისა, რომელთა განხილვაც ტრენინგების დროს მოხდა. ქალებს მიეცათ შესაძლებლობა მოესმინათ სოფლად მცხოვრები ლიდერი ქალისთვის, რომელიც არა მხოლოდ საკუთარი თემის, არანედ ქალთა მოძრაობის ლიდერიცაა.  ტრენინგები განხორციელდა პროექტის, „ქალთა ეკონომიკური გაძლიერება სამხრეთ კავკასიაში“ ფარგლებში, გაეროს ქალთა ორგანიზაციის, ავსტრიისა და შვეიცარიის მთავრობების ხელშეწყობით.  სრულად  წყარო: ორგანიზაციის გვერდი სოციალურ ქსელში

თბილისი. „კოალიცია ბავშვებისა და ახალგაზრდებისთვის“ აქვეყნებს ინფორმაციას ბავშვთა ძალადობასთან დაკავშირებული მითებისა და რეალობის შესახებ. ორგანიზაციის მიერ მომზადებული მასალა შეიცავს 6 გავრცელებულ არასწორ მოსაზრებას, რომელიც ბავშვებთან დაკავშირებულ ძალადობას ეხება და რეალობას, რომელიც ამ მოსაზრებებს აქარწყლებს. სრულად  წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) აქვეყნებს ბლოგპოსტს: მშობელთა ჩართულობა სკოლის სივრცეში ბავშვთა მიმართ ძალადობის პრვენციისთვის. „თუ გავითვალისწინებთ საქართველოში არსებულ რეალობას, სადაც საჯარო სკოლებში მოსწავლეთა შორის ბულინგი გავრცელებული პრობლემაა, მაგრამ არ არსებობს ბულინგის წინააღმდეგ ბრძოლის სამოქმედო გეგმა, ან თუნდაც, გამოვლენილი შემთხვევების სტატისტიკა, ცხადი ხდება, რომ ბულინგის და ბავშვთა შორის ძალადობის შემთხვევების დაძლევის მიზნით, სასკოლო ცხოვრებაში მშობელთა აქტიურ ჩართულობას გადამწყვეტი მნიშვნელობა აქვს. მშობელი ყველაზე მეტადაა შვილის აკადემიური, უფლებრივი, და ფსიქოლოგიური განვითარების უსაფრთხოებით დაინტერესებული, ამიტომაც, ბულინგთან გამკლავების პროცესში ის სკოლის მთავარი მოკავშირე და პარტნიორია“, ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

ამ წუთებში იმართება USAID-PROLoG-ის მიერ „კოალიცია დამოუკიდებელი და გამჭვირვალე მართლმსაჯულებისათვის“ წევრებისათვის ორგანიზებული სემინარი გამოხატვის თავისუფლებასა და საზოგადოების დარწმუნებაზე. სემინარს უძღვება ამერიკელი ექსპერტი ჯეისონ დესანტო ნორსვესტერნის უნივერსიტეტიდან. სრულად... წყარო: ორგანიზაციის გვერდი სოციალურ ქსელში

რაჭა-ლეჩხუმ-ქვემო სვანეთი. სოციალური ინტეგრაცია, საკომუნიკაციო და ინტერპერსონალური უნარების განვითარება იყო ახალგაზრდული საზაფხულო ბანაკის წამყვანი თემები, რომელიც ევროკავშირის მხარდაჭერით და ახალქალაქის ადგილობრივი განვითარების ჯგუფის (LAG) ინიციატივით რაჭაში გაიმართა. ღონისძიება ევროკავშირის პროექტის “სოფლის განვითარების ახალი მიდგომის ხელშეწყობა ახალქალაქში” ფარგლებში შედგა.  ბანაკის მსვლელობისას ახალგაზრდები გაეცნენ რაჭის რეგიონის ისტორიას, მოინახულეს კულტურულ–ისტორიული და რეკრეაციული ადგილები, მიიღეს ინფორმაცია რეგიონის საგანმანათლებლო, პროფესიული დაწესებულების სასწავლო პროგრამების შესახებ, შეისწავლეს ადგილობრივი ტრადიციული ხელსაქმის – მინანქარზე მუშაობის ხელოვნება. მასპინძელ ოჯახთან ერთად მოამზადეს ადგილობრივი კერძები. ახალგაზრდები გაეცნენ ადგილობრივი ტურიზმის განვითარების ტენდენციებსა და გაუმჯობესებული კომუნიკაციის სწავლების ინოვაციურ მეთოდებს.  სრულად…   წყარო: http://enpard.ge

თბილისი. პარტნიორობა ადამიანის უფლებებისთვის (PHR) აქვეყნებს სკოლაში მომხდარი ამბების მესამე ნაწილს: რა მოხდა სკოლაში, ისტორია 3. „გარდამტეხი ერთი შემთხვევა გახდა, როცა ირაკლი დიდი რუდუნებით მოემზადა ერთ-ერთი გაკვეთილისთვის. მეორე დღეს, ამ გაკვეთილის მოსაყოლად კლასში ხელი ასწია, მაგრამ მასწავლებელმა უთხრა, რომ  მისი მოსმენა ღლიდა და თუ მოყოლა უნდოდა, ის „ორი სიტყვა“ რაც იცოდა, დაეწერა–„ნუ წვალობ და ნუ მაწვალებ მეცო”, სთხოვა“, ნათქვამია ვებგვერდზე. სრულად... წყარო: phrgeorgia.wordpress.com

LDA Georgia - ადგილობრივი დემოკრატიის სააგენტო საქართველო თავის პარტნიორ ორგანიზაციებთან ა(ა)იპ ასოციაცია ქალები რეგიონების განვითარებისათვის და ა(ა)იპ პედაგოგთა კავშირი - განათლება და სამყაროსთან ერთად ახორციელებს პროექტს - „ინკლუზიური დიალოგი-ეფექტური სოციალური პოლიტიკისთვის“. „აღნიშნული პროექტის ფარგლებში, ზესტაფონის მუნიციპალიტეტში უკვე ორი ტრენინგი ჩატარდა. ტრენინგების თემები გახლდათ- "სასიცოცხლო და სოციალური უნარ-ჩვევების განვითარება“, სოციალური კორპორაციული პასუხისმგებლობა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 9 და 10 ივლისს, ბათუმის ახალგაზრდულმა ცენტრმა უმასპინძლა „მეწარმეობის ვორქშოფს“, რომელიც PITA-ს პროგრამის ფარგლებში განხორციელდა.  „ვორქშოფის პირველ დღეს, მონაწილეებმა მიიღეს თეორიული ცოდნა CANVA-ს ბიზნეს მოდელისა და PITCH - პრეზენტირების ფორმაზე, გარდა ამისა გაეცნენ სოციალური კვლევის შედეგებს.  ტრენინგის მეორე დღე თეორიული ცოდნის პრაქტიკაში გამოყენებას დაეთმო. ახალგაზრდებმა ინოვაციური მეწარმეობის პროექტები შექმნეს და მათი პრეზენტაციაც მოაწყეს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. როგორ დავწეროთ საგრანტო განაცხადი და ვმართოთ პროექტი - ამ თემაზე მთის სათემო ორგანიზაციებისთვის ორდღიანი ტრენინგი გაიმართა ილტოს ხეობაში. "თუშეთის, პანკისის, ფშავ-ხევსურეთისა და ხევის სათემო ორგანიზაციების წარმომადგენლებმა რამდენიმე მნიშვნელოვანი პრობლემა და ინიციატივა გამოკვეთეს, რაზედაც სამომავლოდ პროექტებს მოამზადებენ. უახლოეს პერიოდში მთის სათემო ორგანიზაციები ადვოკატირების მასშტაბურ კამპანიას დაიწყებენ მთაში მიწაზე საკუთრების უფლების რეგისტრაციისა და მთის კანონის ეფექტიანობის გაზრდის ხელშეწყობის მიზნით“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. „საერთაშორისო გამჭვირვალობა - საქართველოს“ ორგანიზებით, 12-13 ივლისს, ფოთში არასამთავრობო ორგანიზაციების წარმომადგენლებსა და სამოქალაქო აქტივისტებს ტრეინინგი ჩაუტარდათ. „ტრეინინგი შეეხებოდა თვითმმართველობის უფლებამოსილებებსა და შესაძლებლობებს, მოქალაქეთა ჩართულობის მექანიზმებს, ასევე სახელმწიფო უწყებების და ჩვენი ორგანიზაციის მიერ შექმნილი საინფორმაციო ბაზების ღია მონაცემების გამოყენებას და დამუშავებას“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში თვითმმართველობა

12 ივლისს მართლმსაჯულების სკოლის ჯგუფისთვის გაიმართა სერიალის „შავი სარკე“ ერთ-ერთი ეპიზოდის „თეთრი შობა“ ჩვენება.  „ფილმის ჩვენებას მოყვა დისკუსია. მონაწილეებმა თავისუფალი უნივერსიტეტის პროფესორ, დავით ზედელაშვილთან ერთად იმსჯელეს მტკიცებულებების მოპოვების ეთიკურობაზე და იმ საკითხზე, როგორ შეიძლება ტექნოლოგიები, რომლებიც მართლმსაჯულების უკეთ აღსრულებისკენაა მიმართული ადამიანის თავისუფლების განადგურებისთვის იქნეს გამოყენებული“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

იმერეთი. „საქართველოს სტრატეგიული კვლევებისა და განვითარების ცენტრმა“ ქუთაისში ჩატარდა ტრენინგი თემაზე - „გამჭვირვალობისა და ანგარიშვალდებულების ინსტრუმენტები".  ღონისძიებას საზოგადოებრივი ორგანიზაციების 20-მდე წარმომადგენელი დაესწრო. ტრენინგების ციკლი ჩატარდა 8 ქალაქში - თბილისი, თელავი, ლაგოდეხი, მარნეული, ქუთაისი, ზუგდიდი, ბათუმი, ახალციხე.  სრულად  წყარო: გვერდი სოციალურ ქსელში

თბილისი. „ინფორმაციის თავისუფლების განვითარების ინსტიტუტმა“ (IDFI), გლობალური საქველმოქმედო ორგანიზაცია Luminate-ის ფინანსური მხარდაჭერით, მონაცემთა ჟურნალისტებისთვის პრაქტიკული სახელმძღვანელო მოამზადა.  „საჯარო სექტორის მონაცემების ხელმისაწვდომობის გაზრდამ და ტექნოლოგიების გაუმჯობესებამ ჟურნალისტებს მისცა საშუალება ჩაუღრმავდნენ ცალკეულ საკითხებს და გამოიყენონ სხვადასხვა აპლიკაციები თუ პროგრამები მონაცემთა მასივების გასაანალიზებლად და ძირითადი მიგნებების უკეთ წარმოსაჩენად. თუმცა, ეს ახალი შესაძლებლობები დაკავშირებულია დამატებით გამოწვევებთან, მონაცემების მოპოვებისა თუ დამუშავებისთვის ახალი უნარების და მეტი დროის აუცილებლობასთან. ამის გამო, ამ ტიპის ჟურნალისტიკას ხშირად მონაცემთა ან საგამოძიებო ჟურნალისტიკას უწოდებენ. მონაცემთა ჟურნალისტის მიზანია არა უბრალოდ ფაქტების აღწერა ან მიმოხილვა, არამედ მათი გამომწვევი მიზეზების კვლევა/განსაზღვრა და, ხშირ შემთხვევაში, პრობლემის გადაჭრის შესაძლო გზების ძიება“, - აღნიშნულია სახელმძღვანელოს შესავალში.  სრულად...  წყარო: ორგანიზაციის ვებგვერდი

თბილისი. „პარტნიორობა ადამიანის უფლებებისთვის“ (PHR) შეზღუდული შესაძლებლობის მქონე მოზარდების სექსუალური და რეპროდუქციული ჯანმრთელობის უფლების სამართლებრივ და პრაქტიკულ მიმოხილვას აქვეყნებს. კვლევა მომზადებულია MAC Georgia-ს მხარდაჭერით განხორციელებული პროექტის - „შეზღუდული შესაძლებლობის მქონე გოგონების სექსუალური ძალადობისგან დაცვა“ - ფარგლებში. პროექტი ითვალისწინებდა სექსუალური ძალადობის პრევენციის მნიშვნელოვანი მექანიზმის, კერძოდ, სექსუალური და რეპროდუქციული ჯანმრთელობის უფლებებთან დაკავშირებით შშმ მოზარდებთან მომუშავე პროფესიონალების ცნობიერების ამაღლებას.  სრულად...  წყარო: ორგანიზაციის ვებგვერდი

კახეთი. ღია საზოგადოების ფონდის ორგანიზებით, კახეთში ხელოვნებისა და კულტურის სფეროს წარმომადგენლების მონაწილეობით ტრენინგში ჩატარდა. ტრენინგს, რომლის მიზანია შემოქმედებითი ადამიანების მონაწილეობის გაზრდა ადამიანის უფლებების დაცვის სფეროში, უძღვებოდნენ ბულგარული ორგანიზაციის, Fine Acts Sprints-ის ტრენერები. ტრენინგი საზოგადოებრივი ჯანმრთელობის პროგრამის ფარგლებში ჩატარდა და შეზღუდული შესაძლებლობების და პალიატიური მზრუნველობის საჭიროების მქონე ადამიანებს ეხებოდა.  სრულად...  წყარო: ორგანიზაციის ვებგვერდი

იმერეთი. ევროკომისიის მიერ დაფინანსებული „Erasmus+“ პროექტის - „JOURNEY - ერთობლივი ორგანიზაცია ახალგაზრდების სამეწარმეო სოფლის ქსელების გაერთიანებისთვის“ - ფარგლებში, რომელსაც „ადგილობრივი დემოკრატიის სააგენტო საქართველო“ პარტნიორებთან ერთად ახორციელებს, ახალგაზრდები პოლონეთში იმყოფებოდნენ.  პროექტის ფარგლებში შერჩეულმა 7-მა ახალგაზრდა მენტორმა საქართველოდან, პირველ ეტაპზე, გადამზადების კურსი იტალიაში გაიარა. სასწავლო ვიზიტი პოლონეთში გადამზადების მეორე ეტაპს წარმოადგენდა. ვიზიტი მოიცავდა გაცნობითი ხასიათის შეხვედრას აზერბაიჯანელი, უკრაინელი და ქართველი ახალგაზრდებისთვის, მათთვის გუნდურად მუშაობის სხვადასხვა მეთოდებისა და საშუალებების გაცნობას.  სრულად  წყარო: გვერდი სოციალურ ქსელში

სამცხე-ჯავახეთი. პროექტ „სამოქალაქო საზოგადოების განვითარების ინიციატივა“-ს, ფარგლებში, ახალციხის ზრდასრულთა განათლების ცენტრში მორიგი ტრენინგი ჩატარდა თემაზე: ადვოკატირება. „ტრენინგს სამცხე-ჯავახეთის ჰაბ ორგანიზაციის, დემოკრატ მესხთა კავშირის წარმომადგენლები, ნატო ინასარიძე და ჯაბა ნათენაძე უძღვებოდნენ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

კახეთი. ყვარლის პედაგოგებისთვის მედია და ინფორმაციული წიგნიერების ტრენინგი გაიმართა.  „მედიის განვითარების ფონდის მკვლევარებმა სოფო გელავამ და ნანა რაფავამ ყვარლის #1 საჯარო სკოლაში ფოტო და ვიდეო მანიპულაციაზე, ინტერნეტ ტროლების ამოცნობაზე, კიბერჰიგიენასა და კიბერბულინგზე ისაუბრეს. ღონისძიება პროექტის „სკოლებში მედიაწიგნიერების და კრიტიკული აზროვნების ხელშეწყობა“ ფარგლებში ჩატარდა, რომელსაც მხარს საქართველოში ნიდერლანდების საელჩო უჭერს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

დასავლეთ საქართველოში პირველადი ჯანდაცვის რგოლის ექიმებთან, სოფლის ექიმებთან და ონკოლოგებთან ტკივილის მართვის პრაქტიკის დანერგვასთან დაკავშირებით საინფორმაციო შეხვედრები ჩატარდა. შეხვედრების მიზანია ექიმების კვალიფიკაციის გაზრდა ტკივილისა და პალიატიური სიმპტომების მართვის საკითხებში. მონაწილეები იმის მიხედვით შეირჩნენ, თუ რამდენად აქვთ შეხება ქრონიკული და განუკურნებელი დიაგნოზის მქონე პაციენტებთან. ასეთი ღონისძიებები უკვე ჩატარდა შიდა ქართლის და ქვემო ქართლის 100-ზე მეტ ექიმთან. შეხვედრები პირველადი ჯანდაცვის რგოლის ექიმებთან, სოფლის ექიმებთან და ონკოლოგებთან ტარდება პროექტის - „დაინახე ჩემი ტანჯვა“ - ფარგლებში, რომელსაც ჯანმრთელობის დაცვისა და ადამიანის უფლებების კვლევის ცენტრი საქართველოს ღია საზოგადოების ფონდის მხარდაჭერით ახორციელებს.  სრულად   წყარო: osgf.ge