აჭარა. 7 ნოემბერს, ვიზალიბერალიზაციის მნიშვნელობასა და სარგებელზე ბათუმის №13 საჯარო სკოლის მოსწავლეებს ტრენინგი ჩაუტარდათ. „შეხვედრაზე განვიხილეთ შენგენის ზონის ქვეყნები და ის წესები, რომელთა დაცვაც აუცილებელია. ვისაუბრეთ იმ დოკუმენტებზე, რომლებიც ევროპაში უვიზოდ მიმოსვლისთვის არის საჭირო. მოსწავლეებმა დასვეს კითხვები, ევროპაში მოგზაურობისა და განათლების მიღების შესაძლებლობაზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. თბილისიში მესამე ლიდერობის აკადემია ჩატარდა. აკადემია განხორციელდა პროექტის „ახალგაზრდა ქალი ლიდერები და „უჩინარი ქალები“ – უფლებადამცველი აქტივისტების მხარდაჭერა“ ფარგლებში.  პროექტს „თბილისის ადამიანის უფლებათა სახლი“ საფრანგეთში დაფუძნებულ ორგანიზაცია IREX-ევროპა -სთან თანამშრომლობით ახორციელებს და მისი მიზანია ახალგაზრდა უფლებადამცველი ქალების აღმოჩენა და გაძლიერება. აღნიშნული პროექტი ევრაზიის 5 ქვეყანაში, 26 თვის მანძილზე მიმდინარეობს, ევროკომისიის ფინანსური მხარდაჭერით. ლიდერობის აკადემიას საქართველოში თანადაფინანსებულია “ადამიანის უფლებათა სახლის ფონდის” მიერ.  მესამე ლიდერობის აკადემიაში მონაწილეობდა არასამთავრობო სექტორში აქტიური 30-მდე ახალგაზრდა უფლებადამცველი ქალი საქართველოდან და აზერბაიჯანიდან. მესამე აკადემიის თემა იყო არაკომერციული და სოციალური მარკეტინგი უფლებადამცველებისთვის.  სრულად...  წყარო: https://hrht.ge

თბილისი. „საერთაშორისო გამჭვირვალობა - საქართველო” და კავკასიის უნივერსიტეტი მედია სკოლის სტუდენტებისთვის ატარებს კონკურსს „როგორ დავწეროთ საგამოძიებო ნაშრომი“. „კონკურსის მიზანია სტუდენტებმა მიიღონ ცოდნა საგამოძიებო ჟურნალისტიკაში, გაიუმჯობესონ მონაცემთა ბაზებთან მუშაობის უნარები და პრაქტიკაში შეძლონ მიღებული ცოდნის გამოყენება. საკონკურსო ნამუშევრების შექმნამდე, მომავალ ჟურნალისტებს ორგანიზაციის ანალიტიკოსებმა: ბესო ნამჩავაძემ, ერეკლე ურუშაძემ, ლევან ნატროშვილმა და ზვიად ქორიძემ სალექციო ფორმატში დეტალური ინფორმაცია მიაწოდეს ჟურნალისტური გამოძიებების სხვადასხვა მიმართულებებზე: პარტიების დაფინანსება, შესყიდვები, ღია მონაცემების გამოყენება, როგორ იწერება საგამოძიებო ნაშრომი“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

ახმეტის, თელავის, ლაგოდეხისა და თეთრიწყაროს მუნიციპალიტეტებში შექმნილი თვითდახმარების ჯგუფების წევრებისთვის კომპიუტერის შესწავლის ტრენინგები მიმდინარეობს. სრულად... წყარო: ორგანიზაციის გვერდი სოციალურ ქსელში

აჭარა. ღია საზოგადოების ფონდის ორგანიზებით, აჭარის ავტონომიური რესპუბლიკის საჯარო მოხელეებისთვის, დაიწყო ტრენინგები ანტიდისკრიმინაციული კანონმდებლობის აღსრულებასთან დაკავშირებით.  ტრენინგს წინ უძღვოდა კვლევა იმის შესახებ, თუ რამდენად ეფექტურად სრულდება პრაქტიკაში კანონი „დისკრიმინაციის ყველა ფორმის აღმოფხვრის შესახებ“; რამდენად გააზრებული აქვთ თანასწორობის პრინციპები საჯარო მოხელეებს და როგორ ახერხებენ ისინი ყოველდღიურ საქმიანობასა თუ კონკრეტულ კონტექსში თანასწორობის პრინციპის დაცვასა და დისკრიმინაციის შემთხვევების აღკვეთას.  კვლევა და ტრენინგი არის ნაწილი პროექტისა, რომელსაც ღია საზოგადოების ფონდის ევროინტეგრაციის პროგრამა ნიდერლანდების სამეფოს საელჩოს მხარდაჭერით ახორციელებს.  სრულად...  წყარო: https://osgf.ge

თბილისი. ადამიანის უფლებების სწავლებისა და მონიტორინგის ცენტრი (EMC) ქედის მუნიციპალიტეტის სკოლების დირექტორების მხრიდან რელიგიური ნეიტრალიტეტის სავარაუდო დარღვევის საკითხს ეხმიანება.  „ორგანიზაცია მოუწოდებს განათლების სამინისტროს, აჭარაში სახელმწიფო განათლების სისტემაზე საპატრიარქოს ჭარბი და უკანონო გავლენის პრაქტიკის შესწავლისკენ და სკოლებში რელიგიური ნეიტრალიტეტის, თანასწორობის და ინკლუზიურობის პრინციპების განუხრელი დაცვისთვის ადეკვატური და ეფექტიანი ზომების მიღებისკენ“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ევროკავშირი საქართველოში და საქართველოს მთავრობა იწყებენ ახალ, 150 მილიონი ლარის ღირებულების პროგრამას, რომელიც ხელს შეუწყობს ქვეყანაში პროფესიული განათლების ზრდასა და შრომის ბაზრის განვითარებას. საქართველოს განათლების, მეცნიერების, კულტურისა და სპორტის მინისტრმა, ევროკავშირის ელჩმა საქართველოში და ევროპული განათლების ფონდის დირექტორმა, დღეს, „განათლება დასაქმებისთვის” (Skills4Jobs) პროგრამის მეორე ფაზა ოფიციალურიად გახსნეს. 5-წლიანი პროგრამის მიზანია, მაღალი ხარისხის პროფესიული განათლების, გაუმჯობესებული შრომითი პოლიტიკის და სამეწარმეო გადამზადების გზით შეუწყოს ხელი საქართელოს 105 000 მოქალაქის დასაქმებას. სრულად...  წყარო: eeas.europa.eu

თბილისი. 28-29 ოქტომბერს, საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრში ნატოს დღეები 2019-ის ფარგლებში ორდღიანი სემინარი: „კომუნიკატორები მეტი კომუნიკაციისთვის“ იმართება. სემინარი ითვალისწინებს საქართველოს სხვადასხვა სამხარეო ადმინისტრაციის საზოგადოებასთან ურთიერთობის სამსახურის უფროსებისთვის სამუშაო შეხვედრების გამართვას საქართველოს ევროატლანტიკური ინტეგრაციის შესახებ. სრულად... წყარო: ორგანიზაციის გვერდი სოციალურ ქსელში

თბილისი. ახალქალაქის ახალგაზრდულ ცენტრში გაიმართა ტრენინგი თემაზე „პროპაგანდა და მედია წიგნიერება“. ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

აჭარა. ევროკავშირის მხარდაჭერით შექმნილი ხულოს განვითარების ჯგუფი (LAG) იწყებს პროექტს „საოჯახო სასტუმროებში მომსახურების ხარისხის გაუმჯობესების ხელშეწყობა ხულოს მუნიციპალიტეტში“.  პროექტის მიზანია მომსახურების, მართვის და მარკეტინგის მიმართულებით ხულოს მუნიციპალიტეტის საოჯახო სასტუმროების მფლობელების ცოდნის გაუმჯობესება. პროექტის ფარგლებში შეირჩევა და გადამზადდება 13 საოჯახო სასტუმროს მეპატრონე. პროექტის ხანგრძლივობა 4 თვეს შეადგენს. იგი დაფინანსებულია ამერიკის საელჩოს მცირე საგრანტო კონკურსის ფარგლებში, ჩეხეთის რესპუბლიკის კარიტასი საქართველოში თანადაფინანსებით.  სრულად...  წყარო: http://enpard.ge

22 ოქტომბრიდან ორგანიზაცია „კონსტიტუციის 42-ე მუხლმა“ თბილისისა და კახეთის სკოლებში მასშტაბური სასწავლო კურსი დაიწყო. „პირველი გაკვეთილები თბილისის 58-ე საჯარო სკოლაში ჩატარდა. ეს სასწავლო კურსი ხელს შეუწყობს მოსწავლეებში უცხო ქვეყნიდან შემუსული ადამიანების მიმართ ტოლერანტობის გაზრდას. კურსის მიზანია, რომ მოსწავლეებში გაიზარდოს ტოლერანტობა უცხო ქვეყნიდან შემოსული ადამიანების მიმართ. ამასთანავე, ამ სასწავლო მოდულით ისინი შეძლებენ ერთმანეთისგან გამიჯნონ ლტოლვილისა და იძულებით გადაადგილებული პირების სტატუსი. ასევე მიიღებენ ინფორმაციას იმ წარმოშობის ქვეყნებში არსებული მდგომარეობის შესახებ, საიდანაც საქართველოში მოქალაქეების მომართვიანობაც ყველაზე მაღალია. ამ წამოწყებაში მონაწილეობას დაახლოებით 300-ამდე მოსწავლე მიიღებს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

23 ოქტომბერს, №8 საჯარო სკოლის მოსწავლეებისთვის, ევროკლუბის მოხალისე - ნიკო კოჩალიძემ თანატოლთა ტრენინგი ჩაატარა. „მონაწილეებს მიაწოდა ინფორმაცია ვიზალიბერალიზაციის მნიშვნელობაზე და სარგებელზე. შეხვედრაზე, მომხსენებელმა განიხილა შენგენის ზონის ქვეყნები და ის წესები, რომელთა დაცვაც აუცილებელია. აგრეთვე, ისაუბრა იმ დოკუმენტებზე, რომლებიც ევროპაში უვიზოდ მიმოსვლისთვის არის საჭირო. შეხვედრაზე მოსწავლეებმა დასვეს კითხვები და გაიმართა დისკუსია”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 3 ნოემბერს, გაიმართება შეხვედრა მათთვის, ვისაც აინტერესებს ევროპის ქვეყნებში წასვლა სასწავლებლად, მოხალისედ, სტაჟიორად თუ სამუშაოდ. „გაიგებ თუ რა შესაძლებლობები არსებობს იმისთვის, რომ საკუთარი სურვილი რეალობად აქციო. ინფორმაციის მისაღებად მოუსმენ სხვადასხვა ორგანიზაციის ოფიციალურ წარმომადგენლებს, ხოლო ახალგაზრდა ქალები საკუთარ გამოცდილებას გაგიზიარებენ. როგორ მოვიპოვო სტიპენდია ტოპ უნივერსიტეტებში სასწავლებლად? რა პლატფორმებზე მოვიძიო სამუშაო ადგილები სახლიდან გაუსვლელად? სად შემიძლია გავიარო ანაზღაურებადი სტაჟირება? ვინ დამაკავშირებს მასთან, ვისაც მოხალისე სჭირდება? ამ და სხვა კითხვებზე პასუხის მისაღებად „ახალგაზრდა ევროპელი ელჩები“ საქართველოდან და „მოხალისეთა ჰაბი“ გოგონებს, ექსპო ჯორჯიაში ეპატიჟებიან. ღონისძიების მიზანია გაჩვენოთ, რომ დღეს ქალთა შესაძლებლობებს საზღვრები არ აქვს და ევროკავშირი ღიაა ყველასთვის, ვისაც სურვილი აქვს ისწავლოს, იმუშაოს და განვითარდეს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

საქართველო. დღეიდან, ორგანიზაცია „კონსტიტუციის 42-ე მუხლი“ თბილისისა და კახეთის სკოლაში მასშტაბურ სასწავლო კურსს იწყებს, რომელიც ხელს შეუწყობს მოსწავლეებში უცხო ქვეყნიდან შემუსული ადამიანების მიმართ ტოლერანტობის გაზრდას. ამ წამოწყებაში მონაწილეობას დაახლოებით 300-ამდე მოსწავლე მიიღებს.  სასწავლო მოდულის ფარგლებში კონსტიტუციის 42-ე მუხლის იურისტები მოსწავლეებს მიაწვდიან ინფორმაციას ლტოლვილების, ჰუმანიტარული სტატუსის მქონე პირებისა და თავშესაფრის მაძიებლების შესახებ, გააცნობენ ზოგად ინფორმაციას საქართველოს კანონმდებლობით გათვალისწინებულ საერთაშორისო დაცვის ბერკეტებზე, ამასთანავე მოსწავლეები ისწავლიან ლტოლვილის, იძულებით გადაადგილებული პირებისა და მიგრანტების სტატუსებს შორის შინაარსობრივ განსხვავებებს.  სრულად...  წყარო: https://article42.ge

სამცხე-ჯავახეთი. საქართველოს სახალხო დამცველი, მოადგილესთან ერტად, ახალქალაქისა და ნინოწმინდის სამოქალაქო სექტორისა და მედიის წარმომადგენლებს შეხვდა.  შეხვედრაზე ისაუბრეს რეგიონში ეთნიკური უმცირესობების გამოწვევებზე, ძირითადი ყურადღება გაამახვილეს ქართული ენის სწავლების საკითხებზე, განიხილეს ე.წ. 4+1 პროგრამის ხარვეზები. პრობლემად დასახელდა ასევე ზოგადი განათლების დაბლი ხარისხი.  სრულად...  წყარო: http://ombudsman.ge

კახეთი. ორგანიზაციამ „HEKS/EPER საქართველო“, ევროკავშირის მიერ მხარდაჭერილი პროექტის „მოქალაქეთა ჩართულობა ეკონომიკური განვითარებისათვის“ ფარგლებში, დედოფლისწყაროს მუნიციპალიტეტში, I და II საგრანტო კონკურსში გამარჯვებული ბენეფიციარებისთვის საერთაშორისო ბუღალტერიის სტანდარტების და საქართველოს საგადასახადო სისტემის შესახებ ტრენინგი გამართა.  ტრენინგის მიზანი იყო ევროკავშირის გრანტის მიმღებთათვის პროექტის ფინანსური მართვის თანამედროვე სტრანდარტებისა და პრაქტიკის გაცნობას და შესაბამისი უნარების ამაღლება. ტრენინგის ეფექტურობისათვის, 19 მონაწილე 2 ჯგუფად გაიყო. თვითოეული ჯგუფი დაკომპლექტდა ბენეფიციარების გამოცდილებისა და კონკრეტული საჭიროებების მიხედვით. ტრენინგის ფორმატი შეიცავდა კითხვა-პასუხის და დისკუსიის რეჟიმს, რამაც ხელი შეუწყო ტრენინგის მონაწილეების მაღალ ინტერესს, სიღრმისეულ ფიქრსა და საჭირო კონტაქტების დამყარებას. ტრენინგის დასრულების შემდეგ, ყველა მონაწილეს გადაეცა სერთიფიკატები.  სრულად...  წყარო: http://enpard.ge

თბილისი. 15-მა მონაწილემ წარმატებით გაიარა ინფორმაციის თავისუფლების განვითარების ინსტიტუტის (IDFI) პრაქტიკული ტრენინგი და შეისწავლა ის მექანიზმები და მეთოდები, რომლებიც დაეხმარებათ ხელისუფლების საქმიანობის მონიტორინგში. „მონაწილეებს შორის იყვნენ სტუდენტები, სამოქალაქო აქტივისტები და ჟურნალისტები, რომლებიც საქართველოს მასშტაბით ღია კონკურსის შედეგად 200 განმცხადებლიდან შეირჩა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. კავშირი „საფარი“ აქვეყნებს ელნურ ნაზიმის ბლოგპოსტს: ღია წერილი საზოგადოებას. „ძვირფასო თანამემამულეებო! ზოგადად დანაშაულს და დამნაშავეობას არ აქვს ეროვნება. საზოგადოების წევრის რომელიმე საქციელის გამო, არ შეიძლება, ადამიანებს მივანიჭოთ ხარისხობრივი კლასიფიკაცია, – რომ ეს ხალხი დაბალი კულტურის მატარებელია, მეორე ხალხი მაღალი და ა. შ. ჩვენ ერთი საზოგადოების წევრნი ვართ. იგივე ქვეყნის მოქალაქეობის მოწმობას ვატარებთ ჯიბეში. თუ დღეს საქართველოში მცხოვრებ რომელიმე თემში ხდება მსგავსი შემთხვევები, ეს თითოეული ჩვენთაგანის პრობლემაა, განურჩევლად ეთნიკური წარმომავლობისა“, ნათქვამია ორგანიზაციის ვებ-გვერდზე. სრულად... წყარო: sapari.ge

თბილისი. სიძულვილით მოტივირებული დანაშაულები და სიძულვილის ენა - ინფორმაციის თავისუფლების განვითარების ინსტიტუტმა (IDFI) ჟურნალისტებისა და პროკურორებისთვის მორიგი ტრენინგი ჩაატარა. სრულად... წყარო: idfi.ge

თბილისი. გერმანიის საერთაშორისო თანამშრომლობის საზოგადოების (GIZ) სამართლის პროგრამის მხარდაჭერით ევროკავშირის თანადაფინანსებული პროექტის „საქართელოს კომერციული სამართლისა და პრაქტიკის გაუმჯობესება“ ფარგლებში დაიწყო კერძო აღმასრულებლის საქმიანობის შემსწავლელი ტრენერთა ტრენინგი, რომელშიც 14 სახელმწიფო და კერძო აღმასრულებელი მონაწილეობს. "ტრენინგის მიზანია კერძო სააღსრულებო საქმიანობასთან დაკავშირებულ საკითხებზე ადგილობრივი ტრენერების მომზადება, რომელთა მეშვეობითაც მიმდინარე და მომდევნო წლის განმავლობაში ყველა სახელმწიფო აღმასრულებელი გადამზადდება კერძო საქმიანობისთვის აუცილებელ საკითხებში და მომზადებული შეხვდება აღსრულების სამართალში დაგეგმილი რეფორმის განხორციელებას“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

ქვემო ქართლი. 11 ოქტომბერს, ნატოსა და ევროკავშირის შესახებ საინფორმაციო ცენტრის ქვემო ქართლის ბიუროს ორგანიზებით, მარნეულის დემოკრატიული ჩართულობის ცენტრში ადგილობრივი მედიის, არასამთავრობო ორგანიზაციებისა და ახალგაზრდული ჯგუფების წარმომადგენლებისათვის ტრენინგ-სემინარი გაიმართა. „სემინარს უძღვებოდა მოწვეული ექსპერტი, თავდაცვის ინსტიტუციური აღმშენებლობის სკოლის დირექტორი თეა ნიკოლაშვილი, რომელმაც ისაუბრა ანტი-დასავლურ პროპაგანდაზე და მედიაწიგნიერების როლზე. ყურადღება გამახვილდა, ასევე საქართველოსა და ნატოს შორის არსებული თანამშრომლობის მექანიზმებზე, პერსპექტივებზე და გამოწვევებზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: სტალინიზმი საბჭოთა სკოლებში და სკოლის მოსწავლეთა საქმე“.  „სტალინური ტერორი და მასობრივი კონტროლი სრულფასოვნად ვრცელდებოდა სკოლებზეც. ცენტრალური კომიტეტი განათლების სახალხო კომისარიატთან ერთად აქტიურად უწევდა მონიტორინგს სკოლაში მიმდინარე პროცესებს, არსებულ მდგომარეობას, დისციპლინურ, შინაარსობრივ თუ სხვა ტიპის გადაცდომებს. როგორც წესი, იმ შემთხვევაში, თუ მოსწავლე ვერ დააკმაყოფილებდა სისტემის მოთხოვნებს, პასუხისმგებლობა მასწავლებლებს ან მშობლებს ეკისრებოდათ.[5] საქართველოს ცენტრალური კომიტეტის („ცეკას“) განსაკუთრებული სექტორის 1937 წლის ნოემბერ-დეკემბრის მოხსენებითი ბარათები ცხადყოფს, თუ როგორ აისახებოდა 1930-იანი წლების საბჭოთა პოლიტიკა ქართულ სკოლებზე და როგორ მიმდინარეობდა მასობრივი კონტროლი მოსწავლეებზე, მათ მშობლებსა და მასწავლებლებზე“, ნათქვამია ორგანიზაციის ვებ გვერდზე.  სრულად...  წყარო: idfi.ge