შიდა ქართლი. „საერთაშორისო გამჭვირვალობა - საქართველოს" ორგანიზებით, 28 ივნისს, გორში არასამთავრობო ორგანიზაციისა და მედიის 15 წარმომადგენელს ღია მონაცემების გამოყენებასთან დაკავშირებით ტრენინგი ჩაუტარდა. „ტრენინგი შეეხებოდა სახელმწიფო უწყებების, ასევე ჩვენი ორგანიზაციის მიერ შექმნილი საინფორმაციო ბაზების გამოყენებას და დამუშავებას“, ნათქვამია ორგანიზაციის გვერდზე სოციალურ ქსელში, სრულად... წყარო: ორგანიზაციის გვერდი სოციალურ ქსელში

აჭარა. 26 ივნისს, ასოციაცია „ათინათის“ ახალგაზრდული ცენტრი ბათუმის ახალგაზრდულ ცენტრს ეწვია. „სასწავლო ვიზიტის ფარგლებში, ცენტრებმა ერთობლივად განახორციელეს რელიგიური ტურები ბათუმის საკათედრო ტაძარში, სომხური სამოციქულო ეკლესიაში, სინაგოგასა და მეჩეთში. ახალგაზრდებმა მიიღეს ინფორმაცია ქრისტიანული ტაძრის, ებრაული და მუსლიმანთა სალოცავების შექმნის ისტორიის, არქიტექტურული კომპოზიციის, ადათ-წესებისა და რელიგიური ტრადიციების შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. ხაბუმეს თემის ქალთა საინიციატივო ჯგუფმა „ერთობა”, სოფელში კულტურულ-საგანმანათლებლო სივრცე მოაწყო. პროექტის მთლიანი ბიუჯეტი იყო 16 457 ლარი, საიდანაც ჩვენს მიერ გაცემული საგრანტო თანხა შეადგენდა 7 757 ლარს. აღნიშნული პროექტი დაფინანსდა, საქართველოს სტრატეგიული კვლევების და განვითარების ცენტრის (СSRDG) თემის განვითარების პროგრამის ფარგლებში. სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. ბულაჩაურის მწვანე ცენტრმა რიგით მეორე ახალგაზრდა ლიდერთა და ინოვატორთა მწვანე ბანაკს უმასპინძლა. ბანაკი ევროკავშირის ENPARD პროგრამის მხარდაჭერით, CENN-ის ორგანიზებითა და ჩეხეთის რესპუბლიკის კარიტასის მონაწილეობით მოეწყო. მასში მონაწილეობა მიიღეს წალკის, ქედისა და ხულოს მუნიციპალიტეტების მოსწავლეებმა, რომლებიც ღია საკონკურსო წესით იქნენ შერჩეულნი.  ინტენსიური შემეცნებით-გასართობი ბანაკის მიზანი იყო ახალგაზრდებში გარემოს დაცვის, მდგრადი განვითარების, მეცნიერებისა და ტექნოლოგიების შესახებ ცოდნაზე ხელმისაწვდომობის გაუმჯობესება და ახალი შესაძლებლობების შექმნა მომავალ ლიდერთათვის.  სრულად  წყარო: enpard.ge

კახეთი. 2019 წლის 24 ივნისს, ასოციაციის „სამხარეო განვითარება მომავალი საქართველოსთვის“ (RDFG) ორგანიზებით, კაჭრეთში მდებარე პროფესიულ კოლეჯ “აისში”, ევროკავშირის მიერ მხარდაჭერილი RDFG-ის ახალგაზრდული ბანაკის გახსნის ღონისძიება გაიმართა. ახალგაზრდული ბანაკის მიზანია RDFG-ის ახალგაზრდა ფერმერთა ცენტრების (YFC) წევრების ცნობიერების ამაღლება სოფლის მეურნეობისა და პროფესიული განათლების შესახებ. ღონისძიების ფარგლებში, რომელსაც პროფესიული კოლეჯი „აისი“ მასპიძლობს, ახალგაზრდული ბანაკის მონაწილეებს შესაძლებლობა ექნებათ დაესწრონ ტრენინგებს სხვადასხვა მიმართულებით, მათ შორის: მეღვინეობის, ვეტერინარიის, მეფუტკრეობისა და ხილ-ბოსტნეულის გადამუშავების შესახებ, ამასთან, გაეცნონ ინფორმაციას პროფესიული განათლების უპირატესობების შესახებ.  სრულად  წყარო: enpard.ge

თბილისი. 24 ივნისს გაიმართა ელექტრონული რესურსის „სამოქალაქო განათლება ყველასთვის“ (www.civiceducation.ge) 2018-2019 სასწავლო წლის ონლაინ ოლიმპიადის გამარჯვებული მოსწავლეების დაჯილდოება. „ონლაინ ოლიმპიადის გამარჯვებული გახდა  ხარაგაულის მუნიციპალიტეტის სოფელ ვახანის საჯარო სკოლის XII კლასის მოსწავლე ნინო მაღრაძე, მეორე ადგილზე გავიდა ჟიული შარტავას სახელობის რუსთავის #4 საჯარო სკოლის XII კლასის მოსწავლე მარიამ ქემაშვილი, მესამე ადგილზე კი  ოზურგეთის მუნიციპალიტეტის დაბა ლაითურის საჯარო სკოლის XII კლასის მოსწავლე ანი თუთისანი. გამარჯვებული სამეული საქართველოში ნიდერლანდების სამეფოს საელჩოს წარმომადგენელმა დააჯილდოვა და მათ სიგელებთან ერთად პერსონალური კომპიუტერები გადასცა”, ნათქვამია ორგანიზაციის ვებგვერდზე. სრულად... წყარო: gdi.ge

კახეთი. ევროკავშირის მხარდაჭერით, ორგანიზაციებმა - Action Against Hunger და კახეთის რეგიონალური განვითარების ფონდი (KRDF), ახალგაზრდულ ბანაკს უმასპინძლეს. ბანაკში მუნიციპალიტეტის სხვადასხვა თემის 20 ახალგაზრდა შეიკრიბა. მათ გაიარეს ლიდერობის, პირადი განვითარების და კომუნიკაციის უნარ-ჩვევების განვითარების ტრეინინგები.  ახალგაზრდული ბანაკი იდეალური პლატფორმაა ახალგაზრდების ადგილობრივი განვითარების ჯგუფში (ლაგ) ჩართულობის ხელშეწყობის თვალსაზრისით. აღნიშნული ჯგუფი ახმეტაში უახლოეს თვეებში ჩამოყალიბდება. ახალგაზრდების ჩართულობის წახალისება ადგილობრივ განვითარების ჯგუფების მუშაობაში და გადაწყვეტილების მიღების პროცესებში ერთ–ერთი მთავარი გამოწვევაა და ძალიან მნიშვნელოვანია პროექტის წარმატებისა და თემზე დაფუძნებული ადგილობრივი განვითარებისთვის. სრულად  წყარო: http://enpard.ge

თბილისი. 19 ივნისს, სამოქალაქო განვითარების სააგენტოს (სიდა) ხელმძღვანელმა, სალომე ზურაბიშვილმა თსუ-ს სტუდენტებისთვის ლექცია ჩაატარა თემაზე „ბიზნესის როლი ხარისხიანი განათლების განვითარებაში“. სრულად... წყარო: ორგანიზაციის გვერდი სოციალურ ქსელში

თბილისი. შეზღუდული შესაძლებლობების მქონე პირთა დაცვის დღესთან დაკავშირებით, საზოგადოებრივი ორგანიზაციები განცხადებას აქვეყნებენ. „2003 წლიდან საქართველოში შეზღუდული შესაძლებლობის მქონე პირთა უფლებების დაცვის დღე 14 ივნისს აღინიშნება. ეს დღე არის სახელმწიფოს ვალდებულებების კიდევ ერთი სიმბოლური გამოხატულება, ეფექტიანად დაიცვას შშმ პირთა უფლებები, გააუმჯობესოს ამ თემის წევრთა სოციალური დაცვის სტანდარტები და ეფექტიანად უზრუნველყოს საზოგადოებიდან მათი გარიყვისა და მარგინალიზაციის პრევენცია", - აღნიშნულია განცხადებაში, - „სახელმწიფოს მიერ ფორმალურ დონეზე გაცხადებული ნება, ცალკეული მიმართულებებით გადადგმული ფრაგმენტული ნაბიჯების გარდა, ძირითადად მხოლოდ ფურცელზე რჩება და შშმ პირთა უფლებრივი მდგომარეობა რეალურად არ იცვლება - ისინი კვლავ დგანან დისკრიმინაციისა და მარგინალიზაციის პრობლემის პირისპირ".   სრულად წყარო: https://emc.org.ge

აჭარა. 13 ივნისს, ბათუმის №16 საჯარო სკოლის მოსწავლეებისთვის, ევროკლუბის მოხალისეებმა, ნიკო კოჩალიძემ და ნინი მაჭუტაძემ, თანატოლთა ტრენინგი ჩაატარეს. „მონაწილეებს მიაწოდეს ინფორმაცია ვიზალიბერალიზაციის მნიშვნელობაზე და სარგებელზე. განიხილეს შენგენის ზონის ქვეყნები და ის წესები, რომელთა დაცვაც აუცილებელია. აგრეთვე, ისაუბრეს იმ დოკუმენტებზე, რომლებიც ევროპაში უვიზოდ მიმოსვლისთვის არის საჭირო”, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

შიდა ქართლი. 12 ივნისს, გორის სამოქალაქო აქტივიზმის ცენტრში, პროექტის „არაფორმალური განათლების პოპულარიზება” დასკვნითი შეხვედრა გაიმართა, რომელიც ჩვენი ცენტრის მოხალისეების ორგანიზებითა განხორციელდა. „ჯამში პროექტის ფარგლებში ოთხი შეხვედრა მოეწყო, რომელშიც მონაწილეობას: კარალეთის #2, თორტიზისა და ხელთუბნის საჯარო სკოლების მოსწავლეები მონაწილეობდნენ. პროექტის მთავარი მიზანი ახალგაზრდებში არაფორმალური განათლების პოპულარიზაცია იყო”, ნათქვამია ორგანიზაციის გვერდზე სოციალურ ქსელში.  სრულად...   წყარო: ორგანიზაციის გვერდი სოციალურ ქსელში

სამეგრელო. 12 ივნისს, ასოციაცია „ათინათის" ახალგაზრდული ცენტრის წევრებმა ახალსოფლის საჯარო სკოლაში ჩაატარეს საინფორმაციო შეხვედრა ოჯახში ძალადობისა და ადრეული ქორწინების შესახებ. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. ახალქალაქის ახალგაზრდულ ცენტრში ერთ-ერთი FLEX-ის მონაწილის პრეზენტაცია გაიმართა. სრულად... წყარო: ორგანიზაციის გვერდი სოციალურ ქსელში

14 ივნისს, 19:00 საათზე, ეროვნულ მუზეუმში (რუსთაველის #3) გიწვევთ არგენტინელი დეკოლონიალისტი თეორეტიკოსის ვალტერ მინიოლოს (Walter Mignolo) საჯარო ლექციაზე „კოლონიალურობა და მსოფლიო უწესრიგობა". რა მიზეზები განაპირობებს ქაოსს? როგორ შეგვიძლია ამჟამინდელი უწესრიგობა გადავლახოთ? არსებობს თუ არა დღევანდელი ქაოსის ალტერნატივები? შეგვიძლია მივაგნოთ გზებს, რომლებიც უფრო სამართლიანი და მდგრადი მსოფლიო წესრიგისკენ მიგვითითებენ? სრულად... წყარო: emc.org.ge

თბილისი. „საქართველოს სტრატეგიული კვლევების ინსტიტუტი" გიწვევთ მონაწილეობა მიიღოთ ტრენინგში "დეზინფორმაციის გავლენა და მედია წიგნიერება”. ტრენინგში მონაწილეობა შეუძლიათ სამოქალაქო საზოგადოების ორგანიზაციების წარმომადგენლებს, მასწავლებლებს, სტუდენტებს, ჟურნალისტებსა და სხვა დაინტერესებულ პირებს ტრენინგში მონაწილეობის მისაღებად, თემაზე - "დეზინფორმაციის გავლენა და მედია წიგნიერება”. პროექტი ხორციელდება ლიეტუვის საელჩოს - Lietuvos ambasada Sakartvele/ლიეტუვის საელჩო საქართველოში მხარდაჭერით და მიზნად ისახავს დეზინფორმაციის ფორმებისა და არხების, მედია წიგნიერების პრობლემატიკის შესახებ ცნობიერების ამაღლებას; ასევე - მონაწილეთათვის საჭირო უნარ ჩვევების განვითარებას დეზინფორმაციის, ყალბი ახალი ამბების და პროპაგანდის იდენტიფიცირების მიმართულებით. სრულად  წყარო: ორგანიზაციის ვებგვერდი

აჭარა. ხულოს მუნიციპალიტეტში, ინტელექტისა და კონსულტაციის და ტრენინგის ცენტრის (CTC) ერთობლივი ორგანიზებით, ჩატარდა ტრენინგი თემაზე: „ეფექტური ადვოკატირება". შეხვედრას ესწრებოდნენ ადგილობრივი თვითმმართველობის, საზოგადოებრივი და სათემო ორგანიზაციების წარმომადგენლები. ტრენინგი ჩატარდა პროექტის - „სამოქალაქო საზოგადოების განვითარების ინიციატივა" ფარგლებში. „სამოქალაქო საზოგადოების განვითარების ინიციატივა" ხორციელდება კონრად ადენაუერის ფონდის მიერ, სამოქალაქო საზოგადოების ინსტიტუტთან (#CSI), კონსულტაციის და ტრენინგის ცენტრთან (#CTC), საქართველოს სტრატეგიული კვლევებისა და განვითარების ცენტრთან (#CSRDG) და განათლების განვითარების და დასაქმების ცენტრთან (#EDEC) თანამშრომლობით. სრულად... წყარო: ორგანიზაციის გვერდი სოციალურ ქსელში

გურია. 6 ივნისს, „ახალგაზრდა პედაგოგთა კავშირთან" არსებული ლიდერთა სკოლის ჩოხატაურის ჯგუფისთვის ჩატარდა ტრენინგი თემაზე: დროის მართვა. „ტრენინგის მიზანი იყო, ახალგაზრდებმა დაიწყონ ფიქრი, მიიღონ გადაწყვეტილებები თავიანთი დღის დაგეგმვისას, მაგალითად, მობილური ტელეფონებისა და კომპიუტერების გამოყენება ართმევს მათ ძლიან დიდი დროს. ძალიან მნიშვნელოვანია ყურადღება გაამახვილონ პროდუქტიულ ინვესტიციებზე, როგორიცაა კითხვა ან რაიმე ახალის შესწავლა", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

10 ივნისს, ადამიანის უფლებების სწავლებისა და მონიტორინგის ცენტრის (EMC) ორგანიზებით, თბილისში, გაიმართა პანკისსა და მარნეულში მოქმედი კრიტიკული პოლიტიკის სკოლების მონაწილეების შეხვედრა შერიგებისა და სამოქალაქო თანასწორობის საკითხებში სახელმწიფო მინისტრთან, ქეთევან ციხელაშვილთან. „შეხვედრის ფარგლებში სახელმწიფო მინისტრმა წაიკითხა მოხსენება სამოქალაქო ინტეგრაციის და თანასწორობის მიმართულებით სახელმწიფოს პოლიტიკაზე. სკოლის მონაწილეებმა მინისტრს და აპარატის წევრებს გაუზიარეს ინტეგრაციის პოლიტიკასთან დაკავშირებით საკუთარი ხედვები და წუხილები, მათ შორის, მათ რეგიონებში არსებული გამოწვევები”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. კონსულტაციის და ტრენინგის ცენტრმა (СTC) გამოსცა ოქსფორდის სამოქალაქო საზოგადოების სახელმძღვანელოს ქართული თარგმანი. „ოქსფორდის სამოქალაქო საზოგადოების სახელმძღვანელო მკითხველს საშუალებას აძლევს გაეცნოს სამოქალაქო საზოგადოების წვლილს, ისტორიას და თეორიებს მსოფლიოს მასშტაბით, განსხვავებულ კულტურულ კონტექსტში. სახელმძღვანელოს გამოცემა და კურსის დანერგვა შესაძლებელი გახდა ევროკავშირისა და კონრად ადენაუერის ფონდის (KAS) მხარდაჭერით, პროექტის „სამოქალაქო საზოგადოების განვითარების ინიციატივა" ფარგლებში", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის (CSRDG) ორგანიზებით, დაიწყო ტრენინგი „ევროკავშირ-საქართველოს ასოცირების შეთანხმების თაობაზე". „ტრენინგი ეხმარება არასამთავრობო ორგანიზაციების წარმომადგენლებს ასოცირების შეთანხმებით გათვალისწინებული ვალდებულებათა შესრულების მონიტორინგის განხორციელებაში. გაითვალისწინეთ, ტრენინგების ციკლის დასრულების შემდგომ, გამოცხადდება მცირე გრანტების კონკურსი ქართული რეგიონული არასამთავრობო ორგანიზაციებისათვის, ასოცირების შეთანხმებით გათვალისწინებულ ვალდებულებათა შესრულების მონიტორინგისათვის", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

იმერეთი. LDA Georgia - ადგილობრივი დემოკრატიის სააგენტო საქართველოს ინიციატივით, ქუთაისში შეიქმნა Erasmus + (EVS, საუნივერსიტეტო გაცვლითი პროგრამები და ა.შ.) პროგრამების კურსდამთავრებულთა ქსელი. „ქსელის წევრებს LDA საქართველოს აღმასრულებელი დირექტორი, ნინო ხუხუა შეხვდა.  შეხვედრის მონაწილეებმა ისაუბრეს ქსელის ფუნქციონირების პრინციპზე, მოსალოდნელ შედეგებზე, ერთმანეთს გაუზიარეს თავიანთი მოსაზრებები და დასახეს სამომავლო გეგმები”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა-საქართველოს" წარმომადგენელმა 22 მაისს, ივანე ჯავახიშვილის სახელობის თბილისის სახელმწიფო უნივერსიტეტის ჟურნალისტიკის მიმართულების სტუდენტებს ღია მონაცემების გამოყენებასთან დაკავშირებით ტრენინგი ჩაუტარა. ტრენინგის მიზანია დამწყები ჟურნალისტებისთვის საგამოძიებო უნარების განვითარება. სრულად... წყარო: ორგანიზაციის გვერდი სოციალურ ქსელში