<div style="text-align: justify;"><span style="font-weight: bold;">თბილისი.</span> დაუნის სინდრომის მსოფლიო დღისადმი მიძღვნილი კვირეული 18 მარტს, „ღია საზოგადოების ფონდში" შეზღუდული შესაძლებლობების მქონე ბავშვების მშობელთა პირველი საინფორმაციო ცენტრის პრეზენტაციით გაიხსნა.</div> <div style="text-align: justify;">„მშობელთა საინფორმაციო ცენტრი" იქნება პირველი ფსიქო-ემოციური დახმარების ცენტრი, რომელიც მშობლებს და იმ ოჯახებს მოემსახურება, ვისაც მინდობით აღზრდაში ჰყავთ განვითარების შეფერხების მქონე ბავშვები.</div> <div style="text-align: justify;">19 მარტიდან ცხელი ხაზი ამუშავდება, რომლის მეშვეობით ამომწურავ და კომპეტენტურ ინფორმაციას მიიღებენ დაინტერესებული პირები საქართველოში არსებული მომსახურების შესახებ.</div> <div style="text-align: justify;"><a href="http://osgf.ge/sainformacio-centri-ganvitarebis-sheferkhebis-mqone-bavshvebis-mshoblebistvis/" target="_blank" style="font-weight: bold;">სრულად </a></div> <div style="text-align: justify;">წყარო: https://osgf.ge</div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">შიდა ქართლი.</span> „სასკოლო თვითმმართველობის განვითარების პროგრამის ფარგლებში", გორელი ახალგაზრდები იტალიელ სტუმარს, მატია კატენას შეხვდნენ.</div> <div style="text-align: justify;">სტუმარი მათ ახალგაზრდების ჩართულობასა და საერთაშორისო გაცვლითი პროგრამა ერასმუსის შესახებ ესაუბრა. მატიასი გორში 6 თვის განმავლობაში იქნება და გორელ ახალგაზრდებთან აქტიურად იმუშავებს.</div> <div style="text-align: justify;"><a href="http://www.facebook.com/pg/PITAgorisaxalgardzulicentri/photos/?tab=album&album_id=3098164996875814&__xts__%5B0%5D=68.ARAw_RjHGj1BFUNthqHViEBxKJsQUFHGAtREaeEGTCxFoLtkTSdnPizTwTrZ4YrpiQF-MOL8nehQxHI9t1mBEzlwNW2htdh7t7vcpDXFO1kQ_WzxWe2UwimL3wES1sb7OqmLMOhcFayKIhEWe_e5RjdkMgDdIWFlRmofcPJss0oMM5X7NvVYgeyYBFLIewN-80mZw5tpTdEm3cXC06iAtaCKuItVX94wO5nEzkqx3894qj7N-_E7APMRDY9IQwHs6MTe4wzKztT6RezZQAFQp_AjBLiLVsJth_c1n9DgqQEcn2p3_njhTq3AEhdpBAv5XuW4Id0abBo&__tn__=-UC-R" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">საქართველო</span>. 2019 წლის 14-15 მარტს, საქართველოს პარლამენტის ღია მმართველობის მუდმივმოქმედი საბჭოსა და მასთან არსებული საკონსულტაციო ჯგუფის სამდღიანი შეხვედრა გაიმართა.</div> <div style="text-align: justify;">საპარლამენტო კომიტეტების თავმჯდომარეებმა, სამოქალაქო საზოგადოებისა და საერთაშორისო ორგანიზაციების წარმომადგენლებმა ღია პარლამენტის 2018-2019 წლების სამოქმედო გეგმის განხორციელებაზე იმსჯელეს და მდგრადი განვითარების მიზნების საკითხებში საქართველოს პარლამენტის სტრატეგია განიხილეს.</div> <div style="text-align: justify;">სამდღიანი შეხვედრის დასასრულს, 16 მარტს გაიმართა სემინარი ჟურნალისტებისათვის, რომელსაც ბეჭდვითი, სამაუწყებლო და ონლაინ მედია საშუალების 22 წარმომადგენელი დაესწრო. ღია მმართველობის საპარლამენტო საბჭოს წევრებმა ჟურნალისტებს გააცნეს საქართველოს მიღწევები ღია მმართველობის სფეროში და უპასუხეს მათ შეკითხვებს მიღწეული წარმატებებისა და არსებული გამოწვევების შესახებ.</div> <div style="text-align: justify;">ღონისძიება ევროკავშირის (EU), გაეროს განვითარების პროგრამისა (UNDP) და ინფორმაციის თავისუფლების განვითარების ინსტიტუტის (IDFI) ხელშეწყობით შედგა.</div> <div style="text-align: justify;"><a href="http://idfi.ge/ge/parliament_of_georgia_promotes_legislative_openness_and_sustainable_development" target="_blank" style="font-weight: bold;">სრულად </a></div> <div style="text-align: justify;">წყარო: https://idfi.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">საქართველო.</span> მიმდინარე წლის თებერვლიდან, „ადამიანის უფლებების სწავლებისა და მონიტორინგის ცენტრის” (EMC) ორგანიზებით, მარნეულსა და პანკისში კრიტიკული პოლიტიკის სკოლები ამუშავდა.</div> <div style="text-align: justify;">სკოლის ფარგლებში, ადგილობრივი აქტივისტების შერჩეული ჯგუფისთვის ტარდება ლექციების და დისკუსიების ციკლი სოციალური სამართლიანობის საკითხებზე, პოლიტიკისა და სოციალური მეცნიერების, ასევე, ისტორიისა და ფილოსოფიიდან. ლექციებს ამ სფეროების წარმომადგენლები - ფილოლოგები, ფილოსოფოსები, ისტორიკოსები, კულტურული მკვლევარები ატარებენ.</div> <div style="text-align: justify;"><a href="http://emc.org.ge/ka/events/kritikuli-skolebi-pankissa-da-marneulshi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">გურია.</span> რა უნდა იცოდნენ პედაგოგებმა ლურჯი ვეშაპის და სხვა კიბერ თამაშების შესახებ? ნანა რაფავა ლანჩხუთელ პედაგოგებს კიბერბულინგზე, პერსონალურ მონაცემებზე და პირადი ცხოვრების ხელშეუხებლობაზე ესაუბრება.</div> <div style="text-align: justify;"><a href="http://www.facebook.com/MediaDevelopmentFoundation/photos/pcb.1778200448947064/1778196112280831/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> საქართველოს ახალგაზრდა იურისტთა ასოციაცია 2018 წელს ზუგდიდის #6 საჯარო სკოლაში ინსპექტირების ჩატარების საკითხის შესწავლას აგრძელებს და ასკვნის, რომ სკოლებში ინსპექტირების მექანიზმს სავარაუდოდ საარჩევნო გარემოზე ზემოქმედების მოხდენის მიზნით იყენებდნენ.</div> <div style="text-align: justify;">„საიას ხელთ არსებული ოფიციალური ინფორმაციის თანახმად, 2018 წელს, საჯარო სკოლების ინსპექტირების მიზნით, სამინისტროში სულ 288 განცხადება დარეგისტრირდა, საიდანაც სამინისტრომ მხოლოდ 7 შემთხვევაში[1] ჩაატარა ინსპექტირება. მნიშვნელოვანია, რომ 7 ინსპექტირების შემთხვევიდან 6, 2018 წლის საპრეზიდენტო არჩევნების პირველი ტურის დასრულების შემდეგ, მეორე ტურის კენჭისყრის დღემდე ჩატარდა, რაც 2018 წელს ჩატარებული მთელი ინსპექტირების 85%-ზე მეტს შეადგენს", - ვკითხულობთ საია-ს მიერ გამოქვეყნებულ ინფორმაციაში, - „მნიშვნელოვანია ისიც, რომ 2018 წლის საპრეზიდენტო არჩევნების პირველი ტურის შემდეგ, მეორე ტურის წინ ჩატარებული 6 ინსპექტირების დაწყების წინაპირობა, იმავე წლის ნოემბერში[2] წარდგენილი განცხადებებია, რომელთაგან 3-ზე[3] (მათ შორის ზუგდიდის მე-6 საჯარო სკოლასთან დაკავშირებით) მინისტრმა იმავე დღეს მიიღო 9-15 ნოემბრის პერიოდში ინსპექტირების განხორციელების გადაწყვეტილება[4]".</div> <div style="text-align: justify;">აქედან გამომდინარე საია მოუწოდებს საქართველოს გენერალურ პროკურატურას, ია კერზაიას გარდაცვალების ფაქტთან დაკავშირებით მიმდინარე გამოძიების ფარგლებში, შეისწავლოს განათლების სამინისტროში ინსპექტირების საარჩევნო მიზნებისთვის შესაძლო გამოყენების ფაქტი.</div> <div style="text-align: justify;"><a href="http://gyla.ge/ge/post/skolebshi-inspeqtirebis-meqanizms-savaraudod-saarchevno-garemoze-zemoqmedebis-mokhdenis-miznit-iyenebdnen#sthash.H7bih3y8.dpbs" target="_blank" style="font-weight: bold;">სრულად </a> <div style="text-align: justify;">წყარო: ორგანიზაციის ვებგვერდი</div></div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ორგანიზაციამ „პარტნიორობა ადამიანის უფლებებისთვის" თბილისის სახელმწიფო სამედიცინო უნივერსიტეტში შეხვედრა გამართა, რომელიც უმაღლეს საგანმანათლებლო დაწესებულებებში ქალთა სექსუალურ შევიწროებას ეხებოდა.</div> <div style="text-align: justify;">შეხვედრის ძირითადი მიზანი იყო ქალთა სექსუალური შევიწროების შესახებ ცნობიერების ამაღლება და საგანმანათლებლო სივრცეში სექსუალური შევიწროების შესახებ საჯარო დისკუსიის დაწყება.</div> <div style="text-align: justify;"><a href="http://phrgeorgia.wordpress.com/2019/03/07/phr-%E1%83%98-%E1%83%A3%E1%83%9B%E1%83%90%E1%83%A6%E1%83%9A%E1%83%94%E1%83%A1-%E1%83%A1%E1%83%90%E1%83%A1%E1%83%AC%E1%83%90%E1%83%95%E1%83%9A%E1%83%94%E1%83%91%E1%83%9A%E1%83%94%E1%83%91%E1%83%A8/" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">აჭარა.</span> 2019 წლის 2 მარტს ბათუმში მუსლიმური პანსიონატების ხელმძღვანელებთან და თემის ლიდერებთან „ადამიანის უფლებების სწავლებისა და მონიტორინგის ცენტრმა" (EMC) სამუშაო შეხვედრა გამართა.</div> <div style="text-align: justify;">შეხვედრის მიზანი იყო სააღმზრდელო საქმიანობის ლიცენზირების შესახებ კანონში განხორციელებული ცვლილებების შემდეგ, რელიგიური პანსიონატების წინაშე მდგარი გამოწვევების შეფასება და გამოსავლის გზების ძიება.</div> <div style="text-align: justify;"><a href="http://emc.org.ge/ka/events/shekhvedra-muslimuri-pansionatebis-khelmdzghvanelebtan" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

სამცხე–ჯავახეთი. 27 თებერვლიდან 1 მარტის ჩათვლით, ბროჯომში, კონსულტაციის და ტრენინგის ცენტრმა (CTC) ჩაატარა ტრენერთა ტრენინგი თემაზე, „ფასილიტაცია“, რომელშიც მონაწილეობას იღებდნენ რეგიონული ჰაბების წარმომადგენლები. რეგიონულ ჰაბებს გადაეცათ აღნიშნული ტრენინგ-მოდულის სრული პაკეტი, რაც მათ შესაძლებლობას მისცემს, თავად დაგეგმონ და ჩაატარონ ტრენინგები მოცემულ საკითხზე, საკუთარ თემში.  ტრენინგი ჩატარდა პროექტის "სამოქალაქო საზოგადოების განვითარების ინიციატივა" ფარგლებში, ევროკავშირისა და კონრად ადენაუერის ფონდის (KAS) ფინანსური მხარდაჭერით

<div style="text-align: justify;">პროექტის „სასწავლო-საგანმანათლებლო ცენტრი" ფარგლებში „ოცნების ქალაქში" მცხოვრები სხვადასხვა ასაკის ახალგაზრდებისთვის (10-დან 30 წლამდე ბენეფიციარებისთვის) ხორციელდება სასწავლო-საგანმანათლებლო კურსი ინგლისურ ენაში, რომელსაც ორგანიზაციის თანამშრომელი, პროფესიით ინგლისური ენის ფილოლოგი, ელზა ლემსაძე ატარებს.</div> <div style="text-align: justify;">„ინგლისური ენის კურსები ტარდება კვირაში ორჯერ, ორი საათის განმავლობაში. სწავლების პროცესი დატვირთულია სხვადასხვა სავარჯიშოებით და ინგლისურენოვანი აუდიო მოსასმენი დავალებებით", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/media.org.ge/photos/?tab=album&album_id=2045967182116038" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">სამეგრელო. </span>ასოციაცია „ათინათის" პროექტის „ახალგაზრდების ჩართულობა და განვითარება" ფარგლებში, გაიმართა საჯარო გამოსვლის ხელოვნების კონკურსი თემაზე „განათლება და თანამედროვე ტექნოლოგიები", რომელშიც მონაწილეობა მიიღო ახალგაზრდული კლუბის 15-მა წევრმა.</div> <div style="text-align: justify;">„კონკურსი შედგებოდა ორი ეტაპისგან, პირველ ეტაპზე მონაწილეებს მიეცათ შესაძლებლობა 3 წუთის განმავლობაში წარმოედგინათ წინასწარ მომზადებული სიტყვა, სპეციალურად შერჩეულმა ჟიურიმ მეორე ეტაპზე გადაიყვანა 6 ახალგაზრდა, რომელთაც ექსპრომტად, 10 წუთის განმავლობაში მოამზადეს სიტყვა თემაზე „მე, როგორც აქტიური მოქალაქე..."</div> <div style="text-align: justify;">გამოვლინდა სამი გამარჯვებული: ინგირის #1 საჯარო სკოლის მოსწავლე, მარიამ გუგუჩია, ორსანტიის საჯარო სკოლის მოსწავლე, მარიამ მოხვაში და ოდიშის #1 საჯარო სკოლის მოსწავლე, დიანა ჯაგუნავა, გამარჯვებულები ფასიანი პრიზებით დაჯილდოვდნენ, ყველა ახალგაზრდას მონაწილეობის სერთიფიკატი გადაეცა", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/atinati.ge/photos/ms.c.eJxdjbkNwEAQAjuyYD~;W~;TdmXWQdIhvBQHBYu32CUD38SXTfRFgjU3CS0~_4Z~_Ir~_teme9Y7CzSLuzputQz5jAyuR.bps.a.10161488584605274/10161488585850274/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">აჭარა.</span> 28 თებერვალს, ბათუმის ახალგაზრდული ცენტრის მობილური ჯგუფის წევრებმა: ამირან აბაშიძემ და მირიან კახაძემ მახინჯაურის საჯარო სკოლაში ჩაატარეს ტრენინგი თემაზე: „ევროკავშირი და ნატო". </div> <div style="text-align: justify;">„ტრენინგის განმავლობაში მომხსენებლებმა ისაუბრეს ევროკავშირის, საქართველოსა და ნატოს შორის არსებულ ურთიერთობებზე. ასევე, გაიმართა დისკუსია აღნიშნულ თემასთან დაკავშირებით, განიხილეს მითები და ანტიდასავლური პროპაგანდა", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.facebook.com/pg/batumiyouthcenter/photos/?tab=album&album_id=1267636243399686" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">გურია. </span>18-26 თებერვალს ახალგაზრდა პედაგოგთა კავშირის პარტნიორ სკოლებში მოსწავლეთა თვითმმართველობების წევრებისთვის პროექტების წერის ტრენინგების ციკლი ჩატარდა.</div> <div style="text-align: justify;">„მოზარდებმა მიიღეს ინფორმაცია პროექტის დანიშნულების და მისი შემადგენელი ნაწილების შესახებ, თუ რა ეტაპების გავლაა საჭირო პროექტზე მუშაობისას. დეტალურად იქნა განხილული პრობლემის იდენტიფიცირების, მიზნებისა და ამოცანების პროცესი. ტრენინგებზე 20-ზე მეტი საპროექტო იდეა დამუშავდა", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/apk.ge/photos/pcb.1701874683246527/1701857043248291/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">იმერეთი.</span> ქუთაისის ახალგაზრდული ცენტრის წევრებმა, ხონის მუნიციპალიტეტის, სოფელ გუბის საჯარო სკოლაში პედაგოგებისა და მოსწავლეებისათვის გამართეს საინფორმაციო შეხვედრა გენდერული თანასწორობის და საქართველოს და ევროკავშირის თემაზე.</div> <div style="text-align: justify;">„მისი მიზანი იყო მონაწილეთა ცნობიერების ამაღლება გენდერული თანასწორობის, ნაადრევი ქორწინების, მასთან დაკავშირებული რისკების, ოჯახში ძალადობის პრევენციის, ევროპული ფასეულობების და დასავლური ღირებულებების, საქართველოს ევროპული არჩევანის შესახებ", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/PITAkutaisi/photos/?tab=album&album_id=1025681717638816" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>ორგანიზაცია „პარტნიორობა ადამიანის უფლებებისთვის" (PHR) წარმომადგენლებმა, ჟურნალისტური ეთიკის ქარტიაში, ჟურნალისტებისთვის, კანონთან კონფლიქტში მყოფი ბავშვების საკითხების გაშუქების თაიბაზე, სწავლება გამართეს.</div> <div style="text-align: justify;">PHR-ის იურისტებმა ტრენინგის მონაწილეებს მიაწოდეს ინფორმაცია იმის შესახებ, თუ როგორ უნდა გაშუქდეს დანაშაული, რომელშიც არასრულწლოვანს სდებენ ბრალს; რა შეცდომებს უშვებს მედია ამ თემაზე მუშაობისას; როგორია შესაბამისი კანონმდებლობა საქართველოში; რა პასუხისმგებლობა აქვს ხელისუფლებას; რა შედეგები მოაქვს ამ თემაზე არასწორად მომზადებულ მასალებს და რა ფაქტორებზე უნდა გაამახვილონ ჟურნალისტებმა ყურადღება.</div> <div style="text-align: justify;"><span style="font-weight: bold;"><a href="http://phrgeorgia.wordpress.com/2019/02/25/phr-%e1%83%98%e1%83%a1-%e1%83%ac%e1%83%90%e1%83%a0%e1%83%9b%e1%83%9d%e1%83%9b%e1%83%90%e1%83%93%e1%83%92%e1%83%94%e1%83%9c%e1%83%9a%e1%83%94%e1%83%91%e1%83%9b%e1%83%90-%e1%83%9f%e1%83%a3%e1%83%a0/" target="_blank">სრულად </a></span></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ.</div> <div style="text-align: justify;">„რა სმენია საქართველოს მოსახლეობას ამ პროცესის შესახებ? სატელეფონო გამოკითხვის მიხედვით, რომელიც უზენაესი სასამართლოს მოსამართლეობის კანდიდატების წარდგენის შემდეგ ჩატარდა, საზოგადოებას არ აქვს ბევრი ინფორმაცია დანიშვნის პროცესზე და უმეტესად არ იცნობს წარდგენილ კანდიდატებს. გამოკითხული რესპონდენტები არც იმ კანდიდატთა დანიშვნას ემხრობიან, რომელთა შესახებაც ინფორმაცია აქვთ. და ბოლოს, მოსახლეობას უარყოფითი დამოკიდებულება აქვს თბილისის სააპელაციო სასამართლოში ლევან მურუსიძის უვადო მოსამართლედ დანიშვნასთან დაკავშირებით.</div> <div style="text-align: justify;">საქართველოს სრულწლოვანი ქართულენოვანი მოსახლეობის ზუსტად ნახევარს სმენია უზენაესი სასამართლოს მოსამართლეების წარდგენისა და პარლამენტის მიერ განხილვის გადადების შესახებ. მათი დაახლოებით მეხუთედი (22%) ნდობას უცხადებს ამ პროცესს. თითქმის ნახევარი (48%) არ ენდობა, ხოლო 30%-ს ამასთან დაკავშირებით ჩამოყალიბებული პოზიცია არ გააჩნია", ნათქვამია ორგანიზაციის ვებგვერდზე.</div> <div style="text-align: justify;"><a href="http://idfi.ge/ge/selection_of_supreme_court_judges_public_knowledge_and_attitudes_about_the_process" target="_blank" style="font-weight: bold;">სრულად...</a></div> <div style="text-align: justify;">წყარო: idfi.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> ქალთა ფონდი ეხმაურება ბოლო დღეებში შექმნილ აჟიოტაჟს, რაც მოჰყვა „განათლებისა და შრომის ასოციაციის " ხელმძღვანელის ვიდეო-საუბრებს „სექსუალური განათლება" და მხარდაჭერას უცხადებს მათ ავტორს, ხატია ახალაიას.</div> <div style="text-align: justify;">„ვიდეოებით გამოწვეული აჟიოტაჟიც კიდევ ერთხელ, ნათლად გვიჩვენებს, რამდენად ტაბუდადებულია ადამიანის სექსუალობა ჩვენს საზოგადოებაში და შესაბამისად, რამდენად დიდია საჭიროება ამ ვაკუუმის ამოსავსებად, რამდენად მნიშვნელოვანია არაფორმალური განათლების ყველა მცდელობა ამ მხრივ.</div> <div style="text-align: justify;">ქალთა ფონდი დარწმუნებულია - იმისათვის, რომ ახალგაზრდა ქალები და გოგონები იყვნენ ჯანმრთელები და მათი უფლებები იყოს დაცული, მათ ადრიდანვე უნდა ჰქონდეთ სწორი ინფორმაცია სექსუალურ და რეპროდუქციულ უფლებებზე და ჯანმრთელობაზე, ასევე, ქალთა მიმართ ძალადობაზე, სექსუალურ შევიწროებაზე, ნაადრევ ქორწინებაზე, არასასურველ ორსულობაზე, სგგი-ზე და სხვა. ანუ სექსუალური და რეპროდუქციული საკითხები საგანმანათლებლო პროგრამების ერთი მნიშვნელოვანი ნაწილი უნდა იყოს, რადგან ადამიანებს უნდა ჰქონდეთ ცოდნა საიმისოდ, რომ მიიღონ თავისუფალი და ინფორმირებული გადაწყვეტილებები საკუთარ სექსუალურ და რეპროდუქციულ ჯანმრთელობასთან დაკავშირებით", ნათქვამია ორგანიზაციის განცხადებაში.</div> <div style="text-align: justify;"><a href="http://www.facebook.com/womenfundgeorgia/" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">სამცხე-ჯავახეთი.</span> თანატოლთა განათლების პროგრამის ფარგლებში, PITA ახალციხის ახალგაზრდული ცენტრის წევრმა, სალომე ზაზაძემ, ახალციხის N1 საჯარო სკოლის მოსწავლეებს ტრენინგი ჩაუტარა, თემაზე: გუნდური მუშაობა.</div> <div style="text-align: justify;"><a href="http://www.facebook.com/pg/UDMGeorgia/photos/?tab=album&album_id=2592603024103012&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>საერთაშორისო გამჭვირვალობა - საქართველოს ინფორმაციით, სექსუალური შევიწროება დასჯადი გახდა.</div> <div style="text-align: justify;">„მნიშვნელოვანია, რომ საქართველოს პარლამენტმა მხარი დაუჭიროს წარმოდგენილ ინიციატივას. საჯარო სივრცეში და შრომით ურთიერთობებში სექსუალური შევიწროების დასჯადობა პოზიტიურ ცვლილებად უნდა შეფასდეს. ამასთანავე, მნიშვნელოვანია, რომ კანონით შემოთავაზებული რეგულაციები ეფექტურად აღსრულდეს პრაქტიკაში", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/seksualuri-shevicroeba-dasjadi-xdeba" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>კავშირი „საფარი" აქვეყნებს ბაია პატარაიას ბლოგპოსტს: სქესობრივი აღზრდის შესახებ.</div> <div style="text-align: justify;">„ცოდნა, სწორად და კარგად მიწოდებული მეცნიერული ინფორმაცია, კი არ რყვნის, არამედ იცავს ბავშვს უამრავი პრობლემისაგან და მათ შორის გარყვნილებისგანაც. სექსი და რეპროდუქცია ადამიანის განუყოფელი ნაწილია და მის მიმართ სწორი დამოკიდებულება განსაზღვრავს ადამიანის მთელ მომდევნო ცხოვრებას. სქესობრივ განათლებას არაფერი არ აქვს საერთო ბავშვების გარყვნასთან, პირიქით, სწორ დროს მეცნიერულად მიწოდებული ინფორმაცია ბავშვს აძლიერებს და ამზადებს მომავალი სქესობრივი ცხოვრებისათვის, სადაც ბავშვმა იცის, რა ელის, რა საფრთხეები, როგორ დაგეგმოს და დაიცვას თავი არასასურველი პირებისაგან, არ ტყუვდება ადვილად და დროულად ეჩვევა პასუხისმგებლიანი გადაწყვეტილებების მიღებას", ნათქვამია ორგანიზაციის ვებგვერდზე.</div> <div style="text-align: justify;"><a href="http://sapari.ge/archives/6392?fbclid=IwAR2AN1-KZbAiI_IyUGLdxqlT9DlWWuqCHrvM1KU2FYAH-j3PPkIt5Rd7xKU" target="_blank" style="font-weight: bold;">სრულად...</a></div> <div style="text-align: justify;">წყარო: sapari.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> აღმოსავლეთ-დასავლეთის მართვის ინსტიტუტის (EWMI) ACCESS-ის მიერ მხარდაჭერილი პროექტის - „თბილისში კულტურული მემკვიდრეობის დაცვა" - ფარგლებში, საინფორმაციო კვირეული იმართება.</div> <div style="text-align: justify;">პროექტის მიზანია თბილისში კულტურული მემკვიდრეობის დაცვისა და მართვის გაუმჯობესება და ააიპ „თბილისის განვითარების ფონდის საქმიანობაში" შესაძლო კორუფციის და საჯარო ფინანსების არარაციონალური ხარჯვის შემცირება. ამ თემების ირგვლივ, საქართველოს ახალგაზრდა იურისტთა ასოციაციისა და „ტფილისის ჰამქრის" წარმომადგენლები 26, 28 თებერვალსა და 1 მარტს ისაუბრებენ, ასევე, მოაწყობენ „ტურს გუდიაშვილზე".</div> <div style="text-align: justify;">კვირეულზე დასწრების მსურველებმა, 2019 წლის 22 თებერვლამდე, რეგისტრაციის ელექტრონული ფორმა უნდა შეავსონ.</div> <div style="text-align: justify;"><a href="http://gyla.ge/ge/post/sainformacio-kvireuli-kulturuli-memkvidreobis-shesakheb#sthash.OdfOfRDY.dpbs" target="_blank" style="font-weight: bold;">სრულად </a></div> <div style="text-align: justify;">წყარო: https://gyla.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">სამეგრელო.</span> 16 თებერვალს ასოციაცია „ათინათში", ცენტრის სტაჟიორებმა, ალექსანდრე გაბესკირიამ და მეგი სალიამ ჩაატარეს ტრენინგი თემაზე: „მულტიმედია".</div> <div style="text-align: justify;">ტრენინგის მონაწილეებმა მიიღეს ინფორმაცია შემდეგი მიმართულებით:</div> <div style="text-align: justify;">მულტიმედიის დეფინიცია, ისტორია და ფორმები;</div> <div style="text-align: justify;">ფოტოს გადაღების ტექნიკები;</div> <div style="text-align: justify;">ივენთის დაგეგმარება - მოწყობა;</div> <div style="text-align: justify;">მონაცემთა ვიზუალიზაცია.</div> <div style="text-align: justify;"><a href="http://www.facebook.com/pg/PitaAtinati/photos/?tab=album&album_id=2103801243019581" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>