რვა ქართველი მოსამართლე, რომელიც ნიუ-იორკში სასწავლო ვიზიტზე იმყოფება, ნიუ-იორკის საოჯახო საქმეთა სასამართლოს ესტუმრა, სადაც ისინი სასამართლოს ელექტრონული საქმისწარმოების სისტემას გაეცნნენ. „სასწავლო ვიზიტის მონაწილეებს შესაძლებლობა მიეცათ პირადად დაეთვალიერებინათ ციფრული სასამართლო დარბაზი. ქართველი მოსამართლეები ასევე შეხვდნენ ნიუ-იორკის სასამართლოების თავმჯდომარის მოადგილეს ადმინისტრაციულ საკითხებში, მოსამართლე ჯორჯ სილვერს და ნიუ-იორკის სასამართლოს ადმინისტრაციული პალატის მოსამართლეს, ენტონი კანიტაროს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

„საჯარო გამოსვლების და დებატების ტექნიკების" სამთვიანი სკოლის კიდევ ერთი კლასი გასაუბრების შედეგად დაკომპლექტდა. „შეგახსენებთ რომ „საჯარო გამოსვლების და დებატების ტექნიკების" ტრენინგ კურსი მოსწავლეებს ქართულ, ინგლისურ და რუსულენოვან დებატებში ჩართვას სთავაზობს. კურსი არის კარგი შესაძლებლობა აუდიტორებმა შეისწავლონ საჯარო გამოსვლის ტექნიკები, გამოიმუშაონ ანალიტიკური და სწრაფი აზროვნების უნარი და გამოიყენონ ეს უნარები როგორც სასწავლებლებში, ასევე საზოგადოებრივ ცხოვრებაში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თუ გსურს, გაიგო მეტი ერასმუს+ პროგრამის შესაძლებლობების შესახებ ახალგაზრდულ სფეროში, გადადი ახალ ვებ-გვერდზე და გაიგე ყველაფერი დაწვრილებით. სრულად... წყარო: ორგანიზაციის ვებგვერდი სოციალურ ქსელში

იმერეთი. საქართველოს სტრატეგიული კვლევებისა და განვითარების ცენტრის ორგანიზებით ქუთაისში ჩატარდა „საზოგადოებრივი ორგანიზაციების გამჭვირვალობისა და ანგარიშვალდებულების" საკითხებზე ტრენინგი. მისი მიზანია მონაწილეებს მიაწოდოს ინფორმაცია საზოგადოებრივი ორგანიზაციების ანგარიშვალდებულების და გამჭვირვალობის მნიშვნელობაზე, ძირითად პრინციპებსა და განვითარების ფაზებზე. ტრენინგში მონაწილეობდნენ იმერეთისა და აჭარის რეგიონების სათემო საინიციატივო ჯგუფების და სათემო განვითარების მიმართულებით მომუშავე ორგანიზაციების წარმომადგენლები. ტრენინგი ტარდება ევროკავშირის მიერ დაფინანსებული პროექტის – "სამოქალაქო საზოგადოების განვითარების ინიციატივა” ფარგლებში. პროექტს ახორციელებს კონრად ადენაუერის ფონდი (KAS) და ოთხი ქართული საზოგადოებრივი ორგანიზაცია – სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), საქართველოს სტრატეგიული კვლევებისა და განვითარების ცენტრი (CSRDG), განათლების განვითარების და დასაქმების ცენტრი (EDEC). წყარო: CSRDG

თბილისი. ნატოსა და ევროკავშირის შესახებ საინფორმაციო ცენტრი აქვეყნებს საქართველოს დემოკრატიული რესპუბლიკის დაარსებიდან 100 წლის იუბილესადმი მიძღვნილი ღონისძიებების შესახებ ინფორმაციას. საჯარო ლექციათა ციკლის ფარგლებში, პირველი ლექცია ნატოსა და ევროკავშირის შესახებ საინფორმაციო ცენტრში 13 აპრილს 18:00 საათზე გაიმართება. სრულად... წყარო: ცენტრის ვებგვერდი სოციალურ ქსელში

თბილისი. მულტიმედია პლატფრომა საქართველოს რელიგიურ და ეთნიკურ მრავალფეროვნებაზე აქვეყნებს ახალ ვიდეოს. „შარონი საქართველოში ნიგერიიდან მედიცინის შესასწავლად ჩამოვიდა. ვიდეოში იგი გვიამბობს სხვა ადამიანებთან ურთიერთობის გამოცდილებაზე, რასიზმზე და ამავდროულად, იმ დადებით შთაბეჭდილებებზე, რაც საქართველოსთან აკავშირებს". სრულად... წყარო: ორგანიზაციის ვებგვერდი სოციალურ ქსელში

აჭარა. 3 აპრილს, ტოლერანტთა კლუბის წევრმა, გურამ მგელაძემ თანატოლთა ტრენინგი ჩაატარა ცენზურის თემაზე. შეხვედრის მთავარი მიზანი იყო მონაწილეებს გაეგოთ თუ რა ზეგავლენას ახდენს ცენზურა სახელმწიფოს განვითარებაზე. სრულად... წყარო: ორგანიზაციის ვებგვერდი სოციალურ ქსელში

თბილისი. გინდათ ისწავლოთ იტალიაში? აუცილებლად ეწვიეთ იტალიის საელჩოს ვებ–გვერდს. თქვენს განკარგულებაშია იტალიის 61 საჯარო და 31 კერძო უნივერსიტეტის, 130-ზე მეტი ხელოვნების, მუსიკისა და ქორეოგრაფიის ინსტიტუტისა (AFAM) და უამრავი კვლევითი ცენტრის სხვადასხვა საგანმანათლებლო პროგრამა, მათ შორის, 339 ინგლისურენოვანი სასწავლო კურსი. იტალიის მთავრობა წელსაც სთავაზობს სასწავლო სტიპენდიებს უცხო ქვეყნის მოქალაქეებსა და საზღვარგარეთ მცხოვრებ იტალიის მოქალაქეებს. რამოდენიმე სიახლე: საქართველოსთვის გამოყოფილია 66 თვის რაოდენობის სტიპენდია (ყოველი მათგანი თვიურად 900 ევროს შეადგენს), რომლებიც გაიცემა შემდეგი საგანმანათლებლო პროგრამებისათვის: სამაგისტრო პროგრამები; AFAM-ს კურსები; დოქტორანტურა; პროექტები თანახელმძღვანელობით; სამთვიანი კურსები იტალიურ ენასა და კულტურაში. განაცხადის წარდგენა 2018 წლის 30 აპრილამდე სრულად... წყარო: იტალიის საელჩო საქართველოში

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: ქამრან მამედოვის სარჩელი განათლების საერთაშორისო ცენტრის წინააღმდეგ უზენაესმა სასამართლომაც დააკმაყოფილა. „ქამრან მამედოვი 2015 წელს ჩაირიცხა შვედეთის სამეფოს მალმოს უნივერსიტეტის მაგისტრატურის ერთწლიან პროგრამაზე სოციალური მეცნიერებების (საერთაშორისო მიგრაცია და ეთნიკური უმცირესობა) მიმართულებით. შესაბამისად, უცხოეთში სწავლის დაფინანსების მოსაპოვებლად მიმართა სსიპ განათლების საერთაშორისო ცენტრს საკონკურსო პირობების შესაბამისად. კონკურსის სამივე ეტაპის გავლის შემდეგ კონკურსანტის სარეიტინგო ქულა არ აღმოჩნდა საკმარისი დაფინანსების მოსაპოვებლად, რადგან იგი იყო საჭირო შეფასებაზე 1.3 ქულით ნაკლები. კონკურსანტის ეს შედეგი განპირობებული იყო იმით, რომ კომისიის ერთ-ერთმა წევრმა სრულიად დაუსაბუთებლად მოსარჩელეს კონკურსის მეორე ეტაპზე ყველა კომპონენტში დაუწერა ნული ქულა", ნათქვამია ორგანიზაციის ვებგვერდზე. სრულად... წყარო: gyla.ge

სამცხე-ჯავახეთი. დემოკრატ მესხთა კავშირმა, პროექტ დემოკრატიული ჩართულობის მხარდაჭერის პროგრამის (FID) განხორციელების მეორე ეტაპი დაიწყო, პროექტის ფარგლებში, მონაწილეებს პირველი ტრენინგი ჩაუტარდათ, თემაზე: არავერბალური კომუნიკაცია. „პროგრამის მიზანია ხელი შეუწყოს თანასწორობისა და ადამიანის უფლებებისთვის თანამშრომლობას საქართველოსა და სამხრეთ კავკასიაში", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდო სოციალურ ქსელში

თბილისი. „ინფორმაციის თავისუფლების განვითარების ინსტიტუტი" საჯარო სკოლების ინფრასტრუქტურის მოწყობაზე გაწეული ხარჯების შესახებ მონაცემებს აქვეყნებს. მონაცემები მოცემულია რამდენიმე ინფოგრაფიკის საშუალებით, რომელიც „ინფორმაციის თავისუფლების განვითარების ინსტიტუტის" ვებგვერდზეა განთავსებული. სრულად  წყარო: ორგანიზაციის ვებგვერდი

თბილისი. ადამიანის უფლებათა ეროვნული ინსტიტუტების ევროპული ქსელის (ENNHRI) და დანიის ადამიანის უფლებათა ეროვნული ინსტიტუტის (DIHR) ორგანიზებით, 26 მარტს თბილისში ბიზნესისა და ადამიანის უფლებების შესახებ სამდღიანი სასწავლო კურსი დაიწყო. კურსი ბიზნესისა და უფლებების თემაზე მომუშავე ევროპის ადამიანის უფლებათა ეროვნული ინსტიტუტების თანამშრომელთათვის არის განკუთვნილი და მისი მიზანია ნათლად განსაზღვროს ადამიანის უფლებათა ეროვნული ინსტიტუტების როლი ბიზნესთან მიმართებაში. სრულად  წყარო: http://ombudsman.ge

თბილისი. 26 მარტს გაიმართა ელექტრონული რესურსის „სამოქალაქო განათლება ყველასთვის" (www.civiceducation.ge) ონლაინ ოლიმპიადის გამარჯვებული მოსწავლეების დაჯილდოება. „ონლაინ ოლიმპიადის გამარჯვებული გახდა ოზურგეთის მუნიციპალიტეტის სოფელ თხინვალის საჯარო სკოლის XI კლასის მოსწავლე თამარ სირაძე, მეორე ადგილზე გავიდა ქუთაისის #7 საჯარო სკოლის XI კლასის მოსწავლე მარიამ ურატაძე, მესამე ადგილზე კი ქუთაისის #7 საჯარო სკოლის XII კლასის მოსწავლე მარიამ დანგაძე. გამარჯვებული სამეული ნიდერლანდების სამეფოს ელჩმა დააჯილდოვა და მათ სიგელებთან ერთად პერსონალური კომპიუტერები გადასცა. „საქართველოს დემოკრატიულმა ინიციატივამ" civiceducation.ge შექნა პროექტის „ადამიანის უფლებებისა და ტოლერანტობის სწავლება სამოქალაქო განათლების გზით" ფარგლებში, საქართველოში ნიდერლანდების სამეფოს საელჩოს ფინანსური მხარდაჭერით. პროექტი ინოვაციურია და მისი ძირითადი მიზანია სკოლის მოსწავლეთათვის, თანამედროვე ტექნოლოგიების გამოყენებით, მარტივად ხელმისაწვდომი და აღქმადი, გახდეს ის საკითხები, რომლებიც გათვალისწინებულია სამოქალაქო განათლების ეროვნული სასწავლო გეგმით და გაზარდოს მოსწავლეებში სამოქალაქო განათლების შესწავლის ინტერესი", ნათქვამია ორგანიზაციის ვებგვერდზე. სრულად... წყარო: www.gdi.ge

სამეგრელო. 26 მარტს სამოქალაქო განათლების პროგრამა „მომავლის თაობის" პარტნიორი სკოლების სამოქალაქო კლუბების წევრები დაესწრნენ შეხვედრას, რომელსაც უძღვებოდა ზუგდიდის რაიონული პროკურატურის წარმომადგენელი, პროკურორი ილია ტორუა. „შეხვედრაზე პროკურორმა ისაუბრა არასრულწლოვანთა მიერ ჩადენილ დანაშაულებზე. მოსწავლეებმა აღნიშნეს, რომ თანატოლებში გახშირებულია ქურდობა, ძარცვა. შეხვედრის მიზანი იყო მოსწავლეებისთვის ინფორმაციის მიწოდება", ნათქვამია ასოციაცია „ათინათის" ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამეგრელო. 24 მარტს, „ათინათი"-ის ახალგაზრდულ ცენტრში, გაცვლითი პროგრამის ფარგლებში ჩატარდა ტრენინგი თემაზე „ევროკავშირი და საქართველო". ღონისძიება ორგანიზებულ იქნა "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ, მას საქართველოს გაეროს ასოციაცია (UNAG) ახორციელებს სამეგრელოში პროექტს ასოციაცია „ათინათი" ახორციელებს. სრულად... წყარო: ორგანიზაციის ვებგვერდი სოციალურ ქსელში

ქვემო ქართლი. 20-21-22 მარტს, რეგიონთაშორისი გაცვლითი პროგრამის ფარგლებში, დმანისის ახალგაზრდული ცენტრი მასპინძლობს ქუთაისის ახალგაზრდული ცენტრის წევრებს. „პირველი დღე გაცნობითი ხასითის ტრენინგ-სავარჯიშოებს დაეთმო. მეორე დღე საკმაოდ საინტერესო რეჟიმში წარიმართა. დღის პირველ ნახევარში სტუმრები ადგილობრივ მოხალისეებთან ერთად დაესწრნენ ნოვრუზ ბაირამის დღესასწაულს, რომელიც სოფ. ოროზმანში კონცერტით აღინიშნა. დღის მეორე ნახევარი საინტერესო ტენინგსა და როლურ თამაშებს დაეთმო”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ფონდი „ღია საზოგადოება - საქართველო" აქვეყნებს ინფოგრაფიკებს პოლიტიკის დოკუმენტიდან - „შეზღუდული შესაძლებლობების მქონე ბავშვებისთვის სერვისებზე ხელმისაწვდომობის შეზღუდვა, ანუ სახელმწიფოს უარი სოციალურ ინკლუზიაზე". დოკუმენტი მოამზადა ორგანიზაციამ „პარტნიორობა ადამიანის უფლებებისთვის", ფონდ „ღია საზოგადოება - საქართველოს" ხელშეწყობით, ფონდის შიდა პროექტის - „ევროკავშირ-საქართველოს შორის ასოცირების შესახებ შეთანხმების განხორციელების მონიტორინგი საზოგადოებრვი ორგანიზაციების კოალიციის მიერ" - ფარგლებში. სრულად  წყარო: www.osgf.ge

თბილისი. ბულინგის პრევენციის საპილოტე პროგრამის მესამე ეტაპი ორ საჯარო სკოლაში განხორციელდება - „არაძალადობრივი კომუნიკაციის ინსტიტუტმა" ფონდ „ღია საზოგადოება-საქართველოს" მხარდაჭერით სკოლებში ბულინგის პრევენციის საპილოტე პროგრამის მესამე ეტაპს იწყებს. ამის შესახებ ორგანიზაციებმა 19 მარტს, ფონდის ოფისში გამართულ შეხვედრაზე განაცხადეს. 2018 წლის განმავლობაში, ორგანიზაცია პროგრამის პილოტირებას უკვე საჯარო სკოლებში უზრუნველყოფს. პროექტში ჩართულნი არიან N156 და N31 საჯარო სკოლები. პროექტის ფარგლებში ერთი მხრივ, უშუალოდ საპილოტე სკოლებში დაინერგება ანტიბულინგური პროგრამა, მეორე მხრივ კი, სრულყოფილად გამოცდილი მეთოდოლოგია მომზადდება მის დასანერგად სხვა საჯარო სკოლებშიც. ანტიბულინგური პროგრამა ითვალისწინებს სკოლის კლიმატის კვლევის შედეგად გამოვლენილ საჭიროებებზე დაფუძნებულ ინტერვენციას და მუშაობას სკოლის თემის თითოულ რგოლთან (მოსწავლეები, მასწავლებლები, მშობლები, ადმინისტრაცია). სრულად  წყარო: http://www.osgf.ge

სამეგრელო. 13-14 მარტს, ზუგდიდში ახალგაზრდა ქალებისათვის ხელსაქმის გაკვეთილები დაიწყო. „პოლიმერულ თიხასა და სუტაჟის ტექნიკაზე მუშაობა 50-მდე მონაწილისათვის 4 თვის მანძილზე გაგრძელდება. გარდა ამისა, პროექტის მონაწილეები პარალელურად სხვადასხვა კულტურულ ღონისძიებებში მიიღებენ მონაწილეობას. სასწავლო კურსის დასრულების შემდგომ გაიმართება ბიზნეს ტრენინგები, რომლის მიზანია მონაწილეებისათვის მეწარმეობის უნარ-ჩვევების განვითარება და ბიზნესის მართვის უნარების გაზიარება. პროექტი „ხელსაქმისა და მეწარმეობის შესწავლით ნდობის აღდგენის ხელშეწყობა" ანალოგიური ფორმატით აფხაზეთშიც მიმდინარეობს. პროექტის დასასრულს მონაწილეთა მიერ შექმნილი ნამუშევრების ერთობლივი გამოფენა გაიმართება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

მცხეთა-მთიანეთი. 15 მარტს, მცხეთაში, სამოქალაქო საზოგადოების ინსტიტუტმა (CSI) მცხეთა-მთიანეთის რეგიონულ ჰაბთან: „უკეთესი მომავლისთვის" თანამშრომლობით ჩაატარა ტრენინგი „საზოგადოებრივი ორგანიზაციების ანგარიშვალდებულება და გამჭვირვალობა". ტრენინგს ესწრებოდნენ ადგილობრივი საზოგადოებრივი ორგანიზაციების წარმომადგენლები. ის მიზნად ისახავდა რეგიონული საზოგადოებრივი ორგანიზაციებისთვის ანგარიშვალდებულებისა და გამჭვირვალობის პრინციპების მნიშვნელობის, მათი პრაქტიკაში რეალიზების, მიზნებისა და საშუალებების გაცნობას. აღნიშნული ტრენინგი ხელს შეუწყობს ორგანიზაციული საქმიანობის ეფექტურად განხორციელებას. მისი შინაარსი სრულად ეფუძნება სამოქალაქო საზოგადოების ინსტიტუტის (CSI) მიერ მომზადებულ სახელმძღვანელო დოკუმენტს: „საზოგადოებრივი ორგანიზაციების ანგარიშვალდებულებისა და გამჭვირვალობის სტანდარტები". სახელმძღვანელო... ტრენინგი ორგანიზებული იყო სამოქალაქო საზოგადოების ინსტიტუტის მიერ პროექტ „სამოქალაქო საზოგადოების განვითარების ინიციატივის" ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), საქართველოს სტრატეგიული კვლევებისა და განვითარების ცენტრთან (CSRDG), კონსულტაციისა და ტრენინგის ცენტრთან (CTC) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

წყალტუბოში ხონის, ზუგდიდის, ტყიბულისა და გორის სოციალურ საკითხებზე მომუშავე მრჩეველთა საბჭოებს საინტერესო სასწავლო შეხვედრა ჩაუტარდათ. „ვორკშოპს ფასილიტაცია ჩეხეთიდან მოწვეულმა „ფიფლ ინ ნიდ"-ის ექსპერტმა კატერინა ჰულოვამ გაუწია, რომელმაც მონაწილეებს მრჩეველთა საბჭოების მსგავსი მექანიზმების ჩეხური გამოცდილება და მათ მდგრადობასთან დაკავშირებული საკითხები გააცნო. მიღებული ინფორმაცია მრჩეველთა საბჭოებს დაეხმარება ეფექტური ადვოკატირება გაწიონ სოციალური სერვისების მიწოდებისა და გაუმჯობესების კუთხით, რათა პროექტის სამიზნე მუნიციპალიტეტებში შეიქმნას უკეთესი გარემო სოციალურად დაუცველი ადამიანებისთვის და მოწყვლადი ჯგუფებისთვის", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „საერთაშორისო გამჭვირვალობა-საქართველოს" წარმომადგენლებმა ჟურნალისტებისთვის ჩაატარეს ტრენინგი, სადაც ორი დღის განმავლობაში მათ პრაქტიკულ ცოდნას უზიარებდნენ, თუ როგორ შეიძლება ღია მონაცემების გამოყენება. ეს ცოდნა ტრენინგში მონაწილეებს საგამოძიებო ჟურნალისტიკის უნარების განვითარებაში დაეხმარება. სრულად... წყარო: ორგანიზაციის ვებგვერდი სოციალურ ქსელში