გურია. 30 იანვარს ახალგაზრდა პედაგოგთა კავშირის წარმომადგენლებმა ლანჩხუთის მუნიციპალიტეტის ხაჯალიის საჯარო სკოლაში მხატვრული ფილმის „კარგი ბავშვები არ ტირიან" ჩვენება-განხილვა მოაწყვეს. ფილმი ასახავს ბულინგის ყველა ფორმას და მიზნად ისახავს ძალადობის აღმოფხვრას. ჩვენების შემდეგ გაიმართა დისკუსია, რომელშიც სკოლისა და საბავშვო ბაღის მასწავლებლები, მშობლები მონაწილეობდნენ. სრულად... წყარო: ორგანიზაციის ვებგვერდი სოციალურ ქსელში

ქვემო ქართლი. 31 იანვარს, დმანისის ახალგაზრდულ ცენტრში ჩატარდა ინტელექტუალური თამაში რა? სად? როდის?, რომელშიც მონაწილეობა მიიღო დმანისის ათმა საჯარო სკოლამ. „გამარჯვებულ სკოლებს გადაეცათ სიგელები, ხოლო პირველ ადგილზე გასულმა სკოლამ სიმბოლური თასი მიიღო ახალგაზრდული ცენტრისგან. მეორე ტურში გადასული სკოლებიდან გამოვლინდნენ საუკეთესო მოთამაშეები და ჩამოყალიბდა ინტელექტუალთა მუნიციპალური ნაკრები. ღონისძიებას ესწრებოდნენ დმანისის კულტურის სამსახურის ხელმძღვანელი ეკატერინე ოქრიაშვილი და წარმომადგენლები დმანისის საგანმანათლებლო რესურსცენტრიდან", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაცის ვებგვერდი სოციალურ ქსელში

თბილისი. „ქალთა მზერა" (Women’s Gaze) გოგონათა პუბერტეტულ პერიოდზე „ქალთა ფონდის" ფინანსური მხარდაჭერით მომზადებულ საგანმანათლებლო ვიდეორგოლს აქვეყნებს. „სამწუხაროდ, გოგონებს, მით უფრო გარდატეხის ასაკში, იშვიათად ესაუბრებიან მათ სხეულში მიმდინარე ცვლილებების შესახებ. ისინი ხშირად მოუმზადებელნი არიან მთელი რიგი ცვლილებებისთვის, რომელთან გამკლავებასაც არასაკმარისი ინფორმაციის შედეგად წარმოქმნილი მითები და ტაბუები უფრო ართულებენ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. 29 იანვარს, ოზურგეთის ახალგაზრდული ცენტრის ინიციატივით, ბათუმის ახალგაზრდულ ცენტრში დისკუსია გაიმართა „ბავშვზე ძალადობა და საზოგადოების დამოკიდებულება". „ახალგაზრდებმა იმსჯელეს ძალადობის ცნების შესახებ, ყურადღება გაამახვილეს საზოგადოების ინდიფერენტულ, რიგ შემთხვევებში სტერეოტიპულ დამოკიდებულებაზე ძალადობის მსხვერპლი ბავშვების მიმართ. ოზურგეთის ცენტრის მოზარდებმა თანატოლებს გაუზიარეს მათ მიერ ჩატარებული სოციალური ექსპერიმენტი/ვიდეო-სიუჟეტი, რომელიც კარგად ასახავდა ქუჩაში უგულვებელყოფილი ბავშვის მიმართ მოქალაქეების რეაქციებსა და ემოციებს”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 30 იანვარს, კონსულტაციისა და ტრენინგების ცენტრმა (CTC) „ქართულ ენაში მომზადების საგანმანათლებლო პროგრამის შეფასება" წარმოადგინა. „კვლევის მიზანი გახლდათ 2009 წელს ინიცირებული და შემწყნარებლობისა და სამოქალაქო ინტეგრაციის ეროვნული კონცეფციის და 2009-2014 წწ. სამოქალაქო გეგმის ფარგლებში განხორციელებული განათლების საშეღავათო პოლიტიკის განხორციელების შეფასება, პოლიტიკის განხორციელებაში ჩართული მხარეების მოსაზრებების და რეკომენდაციების შეჯამება და მათი საჯარო განხილვაზე გამოტანა”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 26 იანვარს საქართველოს ჟურნალისტური ეთიკის ქარტიის პროექტის, „ლიბცენტრის” დახურვა გაიმართა. „ღონისძიებაზე სტუდენტებს გადაეცათ სერტიფიკატები და გამოვლინდნენ სხვადასხვა ნომინაციაში გამარჯვებულები. „ლიბცენტრი” 2013 წელს დაიწყო და 5 წლის განმავლობაში 200-ზე მეტმა კონკურსის წესით შერჩეულმა სტუდენტმა მიიღო მონაწილეობა. ისინი იძენდნენ სამოქალაქო ჟურნალისტიკის უნარ-ჩვევებს - წერდნენ ბლოგპოსტებს, აშუქებდნენ მიმდინარე მოვლენებს, ამზადებდნენ ფოტორეპორტაჟებს. ამასთან, ყოველკვირეულად იმართებოდა საჯარო ლექციები ადამიანის უფლებების, დემოკრატიული და ლიბერალური ღირებულებების შესახებ”, ნათქვამია ლიბცენტრის ვებგვერდზე სოციალურ ქსელში. სრულად... წყარო: ლიბცენტრის ვებგვერდი სოციალურ ქსელში

თბილისი. ტოლერანტობისა და მრავალფეროვნების ცენტრი (TDI) აქვეყნებს ინფორმაციას, რომლის თანახმადაც, განათლების სამინისტრომ მუსლიმი მოსწავლისთვის თავსაბურავის ტარების უფლების აკრძალვა ლეგიტუმურად მიიჩნია. „როგორც არაერთ შემთხვევაში გამოიკვეთა, განათლებისა და მეცნიერების სამინისტრო არ ახდენს ეროვნული საკანონმდებლო ბაზის სიტემურ განმარტებას დისკრიმინაციის აკრძალვასთან მიმართებით ან/და არასწორად განმარტავს „ზოგადი განათლების შესახებ” კანონის ნორმებს. კერძოდ, კანონის მე-18 მუხლის თანახმად: „საჯარო სკოლის ტერიტორიაზე რელიგიური სიმბოლოების განთავსება არ უნდა ემსახურებოდეს არააკადემიურ მიზნებს”. აღსანიშნავია, რომ კანონის მიზნებისთვის, „რელიგიური სიმბოლიკა” გულისხმობს საკლასო ოთახში, ასევე ზოგადად, სასკოლო სივრცეში ხატებს, ჯვრებს და სხვა რელიგიური დანიშნულების ნივთებს. მოსწავლეების მიერ ისლამური თავსაბურავის, ისევე როგორც სხვა აღმსარებლობების სიმბოლიკის (მაგ. ქრისტიანული ჯვრის) ტარება აღნიშნული მუხლით აკრძალული არ არის. შესაბამისად, სკოლის შინაგანაწესებში არსებული ჩანაწერები თავსაბურავის აკრძალვის თაობაზე, ფორმით ნეიტრალური ხასიათისაა, მაგრამ მათი ინტერპრეტაცია ცალკეული სკოლების ადმინისტრაციისა და განათლების სამინისტროს მხრიდან, უთანასწორო მდგომარეობაში აყენებს მუსლიმ გოგონებს, მაშინ როცა სხვა რელიგიის აღმსარებელ მოსწავლეებს რელიგიური მრწამსის გამოხატვა რელიგიური ატრიბუტის ტარების საშუალებით არ ეზღუდებათ”, ნათქვამია ორგანიზაციის ვებგვერდზე. სრულად... წყარო: tdi.ge

იმერეთი. ქუთაისის ახალგაზრდული ცენტრის ორგანიზებით, მე-19 საჯარო სკოლაში გაიმართა დისკუსია თემაზე „დასავლური ღირებულებები და ფასეულობები". დისკუსიის მიზანი იყო ახალგაზრდების ცნობიერების ამაღლება ევროპული ფასეულობების და დასავლური ღირებულებების, საქართველოს ევროპული არჩევანის შესახებ. სრულად... წყარო: ორგანიზაციის ვებგვერდი სოციალურ ქსელში

სამცხე-ჯავახეთი. ახალქალაქის ახალგაზრდულ ცენტრში გაიმართა დისკუსია თემაზე „ახალგაზრდების მავნე ჩვევები". ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) ფინანსური მხარდაჭერით. სრულად... წყარო: ორგანიზაციის ვებგვერდი სოციალურ ქსელში

შიდა ქართლი. 18 იანვარს „კეთილდღეობის და განვითარების ცენტრთან” არსებულმა სამოქალაქო აქტივიზმის ცენტრმა, კოლეჯ „განთიადის” სტუდენტებისათვის ჩაატარა ტრენინგი „ოჯახური ძალადობა და საფრთხეები". შეხვედრის მიზანი იყო ახალგაზრდებისათვის ზოგადი ინფორმაციის მიწოდება ოჯახური ძალადობის შესახებ. სრულად... წყარო: ორგანიზაციის ვებგვერდი სოციალურ ქსელში

გურია. 17 იანვარს, „ახალგაზრდა პედაგოგთა კავშირი"-ს წარმომადგენლებმა, ორგანიზაციის პარტნიორი ოზურგეთის მუნიციპალიტეტის სოფ. შრომის საჯარო სკოლისა და საბავშვო ბაღის პედაგოგებთან და მშობლებთან მორიგი სემინარი ჩაატარეს. „შეხვედრის მონაწილეებს მიეწოდათ ინფორმაცია სტერეოტიპებისა და ცრურწმენების შესახებ. სესიები მოიცავდა იმ თემებს რომელზედაც არსებული სტერეოტიპები ხელს უშლის ინდივიდთა განვითარებას და მათში დემოკრატიული ღირებულებების ჩამოყალიბებას", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

იმერეთი. ქუთაისის ახალგაზრდული ცენტრის წევრებმა დავით ჟორჟოლიანმა და აკაკი გურგენიძემ, ქუთაისის მე-9 და 21-ე საჯარო სკოლის მოსწავლეებისთვის ტრენინგი ჩაატარეს. მისი მიზანი იყო ახალგაზრდების ცნობიერების დონის ამაღლება, სოციალური მეწარმეობის, სოციალური პასუხისმგებლობის, ასევე, ბიზნესთან თანამშრომლობის სტრატეგიებზე და მიდგომებზე. სრულად... წყარო: ორგანიზაციის ვებგვერდი სოციალურ ქსელში

თბილისი. ორგანიზაციას „პარტნიორობა ადამიანის უფლებებისთვის" (PHR) შეზღუდული შესაძლებლობის მქონე ბავშვის მშობლებმა მიმართეს. ისინი აღნიშნავდნენ, რომ მათ შვილს, რომელიც მარნეულის მუნიციპალიტეტის სოფელ შულავერის მე-2 საჯარო სკოლის მეორე კლასში ირიცხებოდა, სკოლა ვერ უზრუნველყოფდა სპეციალური პედაგოგით. შედეგად, ბავშვი ვერ ახერხებდა განათლების უფლებით სრულყოფილად სარგებლობას. PHR-მა შულავერის მე-2 საჯარო სკოლას შესაბამისი მოთხოვნით მიმართა. სკოლამ გაითვალისწინა ორგანიზაციის შენიშვნა და საგანმანათლებლო პროცესში სპეციალური პედაგოგის ჩართვა უზრუნველჰყო. სრულად  წყარო: ორგანიზაციის ვებგვერდი

თბილისი. „ქალთა ფონდი საქართველოში"-ს მიერ დაფინანსებული პროექტების ფარგლებში: საქართველოში პირველად, ფემინიზმით დაინტერესებული უსინათლო და მცირემხედველი ქალებისთვის შეიქმნება ფემინისტური ლიტერატურის აუდიოვერსია, ხმოვანი წიგნები. აღნიშნული მასალები აიტვირთება ინტერნეტ სივრცეშიც და გავრცელდება ბიბლიოთეკებსა თუ უსინათლოთა ორგანიზაციებში უსასყიდლოდ. სრულად... წყარო: ორგანიზაციის ვებგვერდი სოციალურ ქსელში

თბილისი. „ახალგაზრდა პედაგოგთა კავშირმა", „სოციალური კვლევისა და ანალიზის ინსტიტუტთან" პარტნიორობით, 2017 წელს განახორციელა კვლევა, ,,მინდობით აღზრდიდან გასული ახალგაზრდების სოციალიზაცია და საჭიროებები". კვლევის შედეგების გათვალისწინებით, ორგანიზაციამ მოამზადა რეკომენდაციები, რომელიც მინდობით აღზრდის ინსტიტუტისა (მომსახურების) და ბიოლოგიური ოჯახების გაძლიერებას, მინდობით აღზრდის მომსახურებაში აღზრდილი ახალგაზრდების დამოუკიდებელი ცხოვრებისთვის მომზადებას, ასევე, სოციალური მუშაკის პროფესიული უნარ–ჩვევების განვითარებას ეხება. სრულად  წყარო: ორგანიზაციის გვერდი სოციალურ ქსელში

თბილისი. გარემოსდაცვითი ინფორმაციისა და განათლების ცენტრი გარემოს დაბინძურების რისკების შესახებ ინფორმაციას აქვეყნებს. „ავტომობილის ზედმეტად დატვირთვა და ღია ფანჯრებით მგზავრობა, როგორც შევიტყვეთ, საწვავის მოხმარებას ერთიორად ზრდის, თუმცა, როგორც აღმოჩნდა საწვავის ხარჯი და შესაბამისად გამონაბოლქვი მაშინაც იზრდება თუ ავტომობილს სტანდარტულ ზომაზე დიდ საბურავებს მოვარგებთ. დიდი ზომის საბურავებით, შესაძლოა ჩვენი ავტომობილი უფრო გამორჩეული და დასამახსოვრებელი, მისით მგზავრობა კი უფრო კომფორტული ჩანდეს, მაგრამ არ დაგვავიწყდეს, რომ დიდი ზომის საბურავები საწვავის მოხმარებას 2-3%-ით ზრდის. იზრდება ხარჯი, გამონაბოლქვი, ჰაერში მავნე ნივთიერებების კონცენტრაცია და დაავადებების რისკი", - ვკითხულობთ ინფორმაციაში. სრულად  წყარო: ორგანიზაციის გვერდი სოციალურ ქსელში

თბილისი. USAID-ის მიერ დაფინანსებული პროექტის, „მოითხოვე ცვლილებების" ფარგლებში, საქართველოს ახალგაზრდა იურისტთა ასოციაცია პორტალ ichange.gov.ge-ის მოხმარებასთან დაკავშირებით, კონსულტაციებს იწყებს. საზოგადებაში ცნობიერების ამაღლებისა და განათლების კამპანიის ფარგლებში, მოქალაქეები ტელეფონით მიიღებენ ინფორმაციას ichange.gov.ge-ზე პეტიციების წერისა და პორტალის მოხმარების სხვა წესებთან დაკავშირებით. სრულად  წყარო: ორგანიზაციის ვებგვერდი

თბილისი. ორგანიზაცია „განიარაღება და არაძალადობა" (DAN), BST ფინანსური ხელშეწყობით, ქალებს უფასო იურიდიულ დახმარებასა და ბიზნეს-კონსულტაციებს სთავაზობს. ეს შეთავაზება მხარდაჭერილია პროექტის, "Women for Cross-border Cooperation” ფარგლებში და ეხება ქალებს, რომლებსაც აქვთ ბიზნესი ან ბიზნეს-იდეა და ბიზნეს და იურიდიულ კონსულტაციებს საჭიროებენ. ბიზნეს-კონსულტაციები ჩატარდება ყოველ ორშაბათს და ხუთშაბათს 11:00 -17:00 საათზე; ხოლო იურიდიული კონსულტაციები - ყოველ ორშაბათს და სამშაბათს. მისამართი: თბილისი, ხორავას ქ. 7, მე-3 სართული, ოთახი 5. შესაძლებელია ონლაინ-კონსულტაციების გამართვაც, ელ-ფოსტაზე: info@dan.org.ge კონსულტაციებისთვის საჭიროა წინასწარი ჩაწერა ნომრებზე 551 155 593 და 599 700 632, ან ელ-ფოსტით: info@dan.org.ge სრულად  წყარო: ორგანიზაციის გვერდი სოციალურ ქსელში

თბილისი. 3 იანვარს სახალხო დამცველმა ნინო ლომჯარიამ საგანმანათლებლო სისტემის მიღმა დარჩენილი შშმ ბავშვების განათლების უფლების რეალიზების შესახებ წინადადებით მიმართა საქართველოს განათლებისა და მეცნიერების სამინისტროს. „სახალხო დამცველმა მოუწოდა განათლებისა და მეცნიერების სამინისტროს უზრუნველყოს საგანმანათლებლო სისტემაში ჩართულ და მის მიღმა დარჩენილ შშმ ბავშვთა სტატისტიკის წარმოება და ერთიანი მონაცემთა ბაზის შექმნა, შეიმუშავოს სკოლის მიტოვების პრევენციის სტრატეგია და განმაპირობებელი ფაქტორების გამოვლენის მექანიზმი, აღმოფხვრას შშმ ბავშვთა სასკოლო განათლების მიღმა დარჩენის რისკების გამომწვევი ფაქტორები და დახვეწოს რეფერალური მექანიზმი", ნათქვამია განცხადებაში. სრულად... წყარო: ombudsman.ge

სამცხე-ჯავახეთი. დემოკრატიული ჩართულობის მხარდაჭერის პროგრამაში (FID) ჩართული ახალგაზრდებისთვის სემინარი ჩატარდა თემაზე: მოტივაცია. პროგრამის მიზანია ხელი შეუწყოს თანასწორობისა და ადამიანის უფლებებისთვის თანამშრომლობას საქართველოსა და სამხრეთ კავკასიაში. სრულად... წყარო: ორგანიზაციის ვებგვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრის (EMC) ორგანიზებით შინაგან საქმეთა სამინისტროს წარმომადგენლებისთვის ჩატარდა ტრენინგი თემაზე - ჰომოფობიური და ტრანსოფბიური დანაშაულების პრევენცია, იდენტიფიკაცია და გამოძიება. „ტრენინგის მიზანი იყო მონაწილეების ცოდნის გაძლიერება ჰომო/ტრანსფობიური დანაშაულებისა და მათი გამოძიების სპეციფიკის შესახებ. მათ შორის, სადისკუსიო სივრცის შექმნა ადამიანის უფლებებზე მომუშავე ორგანიზაციების წარმომადგენლებსა და პროკურორებს შორის. ამ პროცესმა ხელი უნდა შეუწყოს სიძულვილით მოტივირებული დანაშაულის სისტემურობის გააზრებასა და თანმიმდევრული და კომპლექსური პოლიტიკის გატარებას", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

იმერეთი. ქუთაისის ახალგაზრდული ცენტრის წევრებისთვის ჩატარდა ტრენინგი „დროის ბანკის" შესახებ. „ტრენინგის მიზანი იყო ახალგაზრდების ცნობიერების ამაღლება დროის ბანკის მუშაობის სპეციფიკის შესახებ. დროის ბანკი არის ორმხრივი მოხალისეობის ამერიკული მოდელი, რომელიც პირველად გასული საუკუნის 80 წლებში შეიქმნა. დროის ბანკი ხელს უწყობს ადამიანებს შორის უნარებისა და შესაძლებლობების გაცვლას", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში