თბილისი. სისხლის სამართლის საერთაშორისო სასამართლოსთვის საქართველოს კოალიცია მიესალმება ჰააგის სასამართლოს დაზარალებულთა ნდობის ფონდის დირექტორატის გადაწყვეტილებას, 2008 წლის აგვისტოს ომის დაზარალებულთა დასახმარებლად საქართველოში მხარდამჭერი მანდატის განხორციელება დაიწყოს. „ნდობის ფონდის მიერ გავრცელებული ინფორმაციით, პროგრამა განკუთვნილია 2008 წლის ომის დაზარალებულებისთვის, რომლებიც დევნილთა დასახლებებში და გამყოფი ხაზის ორივე მხარეს ცხოვრობენ. პროგრამა მოიცავს რამდენიმე სახის დახმარებას, მათ შორის, სამედიცინო მკურნალობას, ფსიქოლოგიურ რეაბილიტაციას და მატერიალურ მხარდაჭერას საარსებო მდგომარეობის გაუმჯობესებისთვის. აღნიშნული პროგრამა ამ ეტაპზე 3 წლის განმავლობაში განხორციელდება. ნდობის ფონდის განმარტებით, პროგრამის შესახებ დამატებითი დეტალური ინფორმაცია საქართველოს მთავრობასთან, სამოქალაქო საზოგადოებასა და აგვისტოს ომის დროს დაზარალებულებთან შემდგომი კონსულტაციების შემდეგ გამოქვეყნდება“, ნათქვამია საქართველოს ახალგაზრდა იურისტთა ასოციაციის ვებგვერდზე. სრულად... წყარო: gyla.ge

თბილისი. ადვოკატთა ასოციაციამ, USAID/PROLoG-ის მხარდაჭერით, ადვოკატებისთვის გამოსცა სახელმძღვანელო - „ადამიანის უფლებათა ევროპული სასამართლოს მიერ გამოტანილი განჩინებები საქართველოს წინააღმდეგ“, რაც მნიშვნელოვნად გაუმარტივებს ასოციაციის წევრებს სტარსბურგის სასამართლოს პრეცედენტული გადაწყვეტილებების მოძიებასა და გამოყენებას. სახელმძღვანელო იხილეთ ბმულზე... წყარო: ასოციაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა (EMC) კარტოგრაფების საქმე შეისწავლა და წარმოადგენს საქმის სამართლებრივ შეფასებას. ორგანიზაცია მიიჩნევს, რომ ივერი მელაშვილისა და ნატალია ილიჩოვას მიმართ წარდგენილი ბრალი დაუსაბუთებელია ამიტომ, მნიშვნელოვანია შეწყდეს დევნა ბრალდებული პირების მიმართ.  „EMC-ის მიერ ჩატარებული სისხლის სამართლის საქმის მასალების დეტალური ანალიზი აჩვენებს, რომ სახელმწიფო ბრალდების პოზიციები აშკარად დაუსაბუთებელია. ზოგიერთ შემთხვევაში, საქმეში ჩანს არსებითი შინაარსის ფაქტობრივი და სამართლებრივი შეუსაბამობები და აშკარად შეუსწავლელი გარემოებები, რაც პროკურატურის მხრიდან მნიშვნელოვანი გარემოებების განზრახ უგულებელყოფის ეჭვს ბადებს“, ნათქვამია განცხადებაში. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია (საია) საკონსტიტუციო სასამართლოს მოუწოდებს, დროულად განიხილოს მის წარმოებაში არსებული საქმეები, რომელიც ეხება შრომის და გადაადგილების თავისუფლების შეზღუდვის მთავრობაზე დელეგირების კონსტიტუციურობას. „აღნიშნული სარჩელების განხილვის დროში გაწელვა კიდევ უფრო დააზიანებს ადამიანის უფლებათა დაცვის ხარისხს, კითხვის ნიშნის ქვეშ დააყენებს კონსტიტუციური მართლმსაჯულების ეფექტიანობას და შეარყევს საკონსტიტუციო სასამართლოს მიმართ საზოგადოების ნდობას“, ნათქვამია განცხადებაში. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სტატიას: მსჯელობა დამოუკიდებლობაზე პოლიციის ანგარიშვალდებულების საკითხის წამოწევა საჩივრების დამოუკიდებელი გამოძიების გზით. „ამ ნაშრომის მიზანია იმის ჩვენება, რომ დამოუკიდებელი გამოძიების ჩარჩოს შემოღება მხოლოდ დასაწყისია და საკითხისთვის პრაქტიკოსების თვალით შეხედვისას იბადება ორი მთავარი შეკითხვა. პირველი შეკითხვაა რას ნიშნავს იყო „დამოუკიდებელი“ - რა არის დამოუკიდებლობა პრაქტიკაში? როგორც ნაშრომშია განხილული, დამოუკიდებლობა არაა მხოლოდ ონთოლოგიური მდგომარეობა და არც კონკრეტული ინსტიტუციური ფორმა; ის კომპლექსური ცვლადი კულტურული ცნებების სფეროა და სამოქმედო ჩარჩოა. მეორე შეკითხვაა, რა არის ის გარემო ფაქტორები, რომელთა პირობებშიც დამოუკიდებელ გამოძიებას უწევს მოქმედება და რა გავლენა აქვთ ამ პირობებს დამოუკიდებლობის განხორციელებაზე? როგორც ამ კითხვის პასუხად ირკვევა, საპოლიციო საჩივრების დამოუკიდებელი გამოძიების პროცესი მოიცავს „მარეგულირებელი წნეხის“ ძალებთან და დამოუკიდებლობის განხორციელების სხვა პოტენციურ ბარიერებთან მუდმივ ურთიერთქმედებას“. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტი (IDFI) აქბეყნებს დოკუმენტს: Covid-19 და კონსტიტუციური კონტროლი: საქართველოს საკონსტიტუციო სასამართლოს საქმიანობის ეფექტურობის შეფასება. „პანდემიასთან დაკავშირებულ შეზღუდვებზე საქართველოს საკონსტიტუციო სასამართლოში უკვე არის შეტანილი 15 სარჩელი. სასამართლოს არცერთი გადაწყვეტილება არ მიუღია. უკანასკნელი 6 თვის განმავლობაში სასამართლოს რეაგირება პანდემიასთან დაკავშირებულ საქმეებზე არის მინიმალური და სიმბოლური“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. კოალიცია ეხმიანება 2020 წლის 14 ნოემბერს თემქაზე მომხდარ მ.მ.-ს მკვლელობის ფაქტს დასამართალდამცავ უწყებებს სავარაუდო ჰომოფობიური სიძულვილის მოტივის იდენტიფიცირების, ხოლო მედიას დისკრიმინაციის წახალისებისგან თავის შეკავებისკენ მოუწოდებს. „მედიაში გავრცელებული ინფორმაციით, „14 ნოემბერს, თემქაზე, ლ.შ.-ს სახლში მისი მეგობარი, მ.მ.-ს მეგობარ გოგონასთან ერთად მყოფმა ნ.ნ.-მ განსაკუთრებული სისასტიკით მოკლა, ხოლო ლ.შ. კი დაჭრა, რის შემდეგ სახლს ცეცხლი წაუკიდა და შემთხვევის ადგილიდან გოგონასთან ერთად მიიმალა“, ნათქვამია ორგანიზაციის ვებგვერდზე. სრულად... წყარო: gyla.ge

27 ნოემბერს, 15:00 საათზე, სამოქალაქო საზოგადოების ინსტიტუტი (CSI), საზოგადოებრივი ორგანიზაციებისთვის გამართვას კონსულტაცია-ვებინარს, რომელიც შეეხება შრომით სამართლებრივ საკითხებს, მათ შორის შრომის კანონმდებლობაში განხორციელებულ ცვლილებებს. ვებინარი წარიმართება კითხვა-პასუხის რეჟიმში. მონაწილეობის მსურველებმა უნდა გაიაროთ რეგისტრაცია, არაუგვიანეს 24 ნოემბრის ჩათვლით. სარეგისტრაციო ბმული... რეგისტრაციისას მიუთითეთ საკითხი/კითხვა რომელზეც გსურთ საუბარი იყოს ვებინარზე. რეგისტრირებული პირები ელ-ფოსტის საშუალებით მიიღებენ მონაწილეობისათვის აუცილებელ ZOOM-ის ბმულს. საკონტაქტო ტელეფონი: 577 69 30 74 კონსულტაცია-ვებინარი იმართება პროექტის „სამოქალაქო საზოგადოების განვითარების ინიციატივის“ ფარგლებში, რომელსაც კონრად ადენაუერის ფონდის (KAS) ხელმძღვანელობით ახორციელებს კონსორციუმი: სამოქალაქო საზოგადოების ინსტიტუტი (CSI), საქართველოს სტრატეგიული კვლევებისა და განვითარების ცენტრი (CSRDG), კონსულტაციისა და ტრენინგის ცენტრი (CTC) და განათლების განვითარების და დასაქმების ცენტრი (EDEC). პროექტის ფინანსური მხარდამჭერია ევროკავშირი და კონრად ადენაუერის ფონდი.

თბილისი. „სამართლიანმა არჩევნებმა“ საქართველოს პარლამენტის კენჭისყრის დღის შემაჯამებელ ოქმებთან დაკავშირებით საერთო სასამართლოებში ჯამში 19 სარჩელი წარადგინა, რითაც 33 საარჩევნო უბანთან დაკავშირებით საოლქო საარჩევნო კომისიების მიერ კენჭისყრის შედეგების გადათვლაზე უარი ან საჩივრის განუხილვევლად დატოვების გადაწყვეტილებები გაასაჩივრა. წარდგენილი სარჩელების საფუძველზე სასამართლომ ორ საოლქო საარჩევნო კომისიას 4 საარჩევნო უბნის შედეგების გადათვლა დაავალა. ორგანიზაციის მიერ მიერ სასამართლოში წარდგენილი სარჩელების განხილვების პროცესში გამოიკვეთა რამდენიმე სამწუხარო ტენდენცია: სასამართლოებმა ვერ გაიაზრეს მათი როლი საარჩევნო პროცესში; აშკარად გამოიკვეთა საარჩევნო დავებზე მომუშავე მოსამართლეთა ნაწილის არაკომპეტენტურობა; გამოიკვეთა სასამართლოს ადმინისტრაციული ორგანოს სასარგებლოდ მიკერძოებულობის პრობლემა; სასამართლო გადაწყვეტილებები არასათანადოდაა დასაბუთებული; სასამართლო გადაწყვეტილების დაგვიანებით ჩაბარება. სრულად... წყარო: isfed.ge

თბილისი. 2020 წლის 13 ნოემბერს, საქართველოს ეკონომიკისა და მდგრადი განვითარების სამინისტროში ღია სხდომაზე დაგეგმილია „ბათუმი რივიერას“ საქმეზე წარდგენილი ადმინისტრაციული საჩივრის ზეპირი განხილვა. საჩივარი ადგილობრივმა მოსახლეობამ და ორგანიზაცია „ბათომმა“ წარადგინეს და მათ ინტერესებს საქართველოს ახალგაზრდა იურისტთა ასოციაცია იცავს. „საქმის შესწავლისას გამოიკვეთა, რომ მშენებლობის ნებართვა გაიცა კანონმდებლობის უხეში დარღვევით. გადაწყვეტილებების მიღებისას არ არის შეფასებული პროექტის გავლენა გარემოზე, ბულვარზე, ზღვაზე, სანაპიროზე, ადამიანთა ჯანმრთელობაზე, ქალაქის ისტორიულ და კულტურულ მემკვიდრეობასა და ეკონომიკაზე. შესაბამისად, სახეზეა იმ ტიპის დარღვევები, რაც მშენებლობის ნებართვის ბათილობის საფუძველი უნდა გახდეს“, ნათქვამია საიას ვებგვერდზე. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) ზელიმხან ხანგოშვილის მკვლელობის საქმეზე, გერმანიის ფედერაციული რესპუბლიკის ოფიციალურ უწყებებთან საქართველოს პროკურატურის თანამშრომლობის პროცესს აფასებს. ორგანიზაცია მიიჩნევს, რომ გამოძიების ამ ეტაპზეც საქართველოს პროკურატურის მცდელობები დაგვიანებული აღმოჩნდა.  „მიმდინარე წელს ჩატარებული საგამოძიებო მოქმედებები კიდევ ერთხელ აჩვენებს, რომ საქართველოს პროკურატურამ ზელიმხან ხანგოშვილზე თბილისში განხორციელებული თავდასხმის საქმეზე ვერ უზრუნველყო ეფექტიანი და ჯეროვანი გამოძიების ჩატარება და ყველა მნიშვნელოვანი საგამოძიებო მოქმედება აშკარა დაგვიანებით განახორციელა, რაც გაცნობიერებული გულგრილობისა და მისი მოქალაქის სამართლებრივი ინტერესებისა და უსაფრთხოების უგულებელყოფის განცდას ტოვებს“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრის ინფორმაციით, საქალაქო სასამართლომ არ დააკმაყოფილა თბილისის პრობაციის ბიუროს მოთხოვნა, მიხეილ თოდუას (მიხაილოს) მიმართ შინაპატიმრობის ნაცვლად გამოყენებული ყოფილიყო საპატიმრო სასჯელი. „მიხაილო კვლავაც რჩება შინაპატიმრობის რეჟიმში, თუმცა სასამართლომ მას დაუმძიმა შინა პატიმრობის წესები და თუკი აქამდე იგი ვალდებული იყო, საცხოვრებელ ადგილას ყოფილიყო 21:00-საათიდან 08:00 საათამდე, სასამართლოს გადაწყვეტილებით, მას 19:00-საათიდან 08:00 საათამდე განესაზღვრა შინ ყოფნის ვადად“. ორგანიზაცია აგრძელებს პირისთვის სამართლებრივი დახმარების გაწევას და სასამართლოს აღნიშნულ გადაწყვეტილებასაც გაასაჩივრებს კანონმდებლობით გათვალისწინებული წესით. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა-საქართველო” გამოთქვამს მზადყოფნას ადმინისტრაციულ სამართალდარღვევათა საქმეებზე იურიდიული დახმარება/წარმომადგენლობა გაუწიოს ნებისმიერ პირს, ვინც 10 ნოემბრის 22:00 საათიდან რუსთაველის გამზირზე მიმდინარე აქციის დროს იზოლაციისა და კარანტინის წესების დარღვევის გამო დაჯარიმდა. სამართლებრივი დახმარებისთვის დაგვიკავშირდით ნომრებზე: 599 911 558, 599 030 834, 599 080 299; სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო (TI) საარჩევნო დავებს საქალაქო და რაიონულ სასამართლოებში მთელი საქართველოს მასშტაბით აწარმოებს. TI-ს რამდენიმე თანამშრომელს კოვიდ ინფექცია დაუდასტურდა, ამ გარემოების გამო და ზოგადად, მძიმე ეპიდემიოლოგიური ვითარებიდან გამომდინარე, ორგანიზაციამ მიმართა ყველა სასამართლოს დავების ონლაინ რეჟიმში ჩატარების თხოვნით, თუმცა მოთხოვნა არც ერთმა სასამართლომ არ დააკმაყოფილა. „გამაოგნებელია სასამართლოს პოზიცია შექმნილ მძიმე სიტუაციაში. სრულიად გაურკვეველია, რატომ არის შეუძლებელი სხდომების ონლაინ რეჟიმში ჩატარება, იმ პირობებში როდესაც სასამართლოს უკვე გააჩნია პროცესების ონლაინ ჩატარების შესაბამისი გამოცდილება და ინფრასტრუქტურა. კიდევ ერთხელ მოვუწოდებთ შესაბამის სასამართლოებს, გადავიდნენ პროცესების ონლაინ ჩატარების რეჟიმზე და მოგვცენ შესაძლებლობა, სათანადოდ უზრუნველვყოთ ჩვენი პოზიციების წარდგენა სასამართლო პროცესებზე“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში სამართალი

თბილისი. „უფლებები საქართველო“ გმობს ძალადობის ნებისმიერ გამოვლინებას და მოუწოდებს ხელისუფლებას და ყველა პოლიტიკურ ძალას: გაუფრთხილდნენ და დაიცვან თითოეული ადამიანის სიცოცხლე და ჯანმრთელობა. საზოგადოებრივი მართლწესრიგი, ადგილობრივი კანონმდებლობით და საერთაშორისო სამართლით გარანტირებული შეკრებისა და გამოხატვის თავისუფლების უფლება და ფარგლები; არ მოხდეს ჟურნალისტთა მიმართ ძალადობა და პროფესიულ საქმიანობაში ხელის შეშლა. „უფლებები საქართველო“ გამოთქვამს მზადყოფნას, დაიცვას ყველა იმ პირის ლეგიტიმური ინტერესები, რომელთა მიმართაც განხორციელდა უკანონო ქმედებები. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველომ 31 ოქტომბრის საპარლამენტო არჩევნებთან დაკავშირებულ დარღვევებზე საუბნო და საოლქო კომისიებში ჯამში 108 საჩივარი შეიტანა.  სრულად... წყარო: ორგანიზაციის გვერდი სოციალურ ქსელში

თბილისი. 4-5 ნოემბერს, სამეგრელო-ზემო სვანეთის პოლიციის თანამშრომლებისთვის, ჩატარდა დისტანციური ტრენინგი თემაზე: ქალთა მიმართ ძალადობა, ოჯახში ძალადობა და სამართლებრივი მექანიზმები, რომელსაც მარი მესხი და ნოდარ სააკაშვილი უძღვებოდნენ. ტრენინგი ჩატარდა პროექტის „უსაფრთხო გარემო ქალებისთვის“ ფარგლებში, რომელსაც ძალადობისგან დაცვის ეროვნული ქსელი არბაითერ - სამარიტერ- ბუნდმასთან ( ASB) პარტნიორობით ახორციელებს. პროექტი დაფინანსებულია კანადის საგარეო საქმეთა, ვაჭრობისა და განვითარების დეპარტამენტის მიერ. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ადამიანის უფლებთა ევროპული სასამარლოს მიერ საქართველოს წინააღმდეგ განხილული საქმეების სტატისტიკის ვიზუალიზაციას.  „ადამიანის უფლებათა ევროპულმა სასამართლომ 1999-2019 წლებში, საქართველოს წინააღმდეგ სულ 104 საქმე განიხილა. 83 შემთხვევაში დაადგინა კონვენციის მინიმუმ ერთი მუხლის დარღვევა, ხოლო ხოლო 17 შემთხვევაში განმარტა, რომ სახელმწიფოს მხრიდან კონვენცია არ დარღვეულა“. სრულად... წყარო: idfi.ge

თბილისი. PHR - მა დაიწყო ახალი პროექტი, რომელიც უზრუნველყოფს შშმ ქალების წვდომას სექსუალურ და რეპროდუქციულ უფლებებზე. „პროექტის განხორციელებისას ჩვენი იურისტები შშმ ქალებსა და გოგონებს გაუწევენ სამართლებრივ კონსულტაციებს შემდეგ საკითხებზე: დამოუკიდებელი ცხოვრების უფლება; პირადი და ოჯახური ცხოვრების მხარდაჭერა სახელმწიფოსგან;  სექსუალური და რეპროდუქციული ჯანმრთელობის უფლება; შშმ ქალების მიერ მშობლის უფლების განხორციელება“. სრულად... წყარო: phr.ge

თბილისი. „უფლებები საქართველო“ მოითხოვს სპეციალური პენიტენციური სამსახურის მიერ თავის ოფიციალურ ვებგვერდზე გიორგი რურუას მიმართ განხორციელებული ფიზიკური ანგარიშსწორების ამსახველი ვიდეოს კანონიერების შესწავლას. „ვინაიდან იკვეთება კითხვის ნიშნები სპეციალური პენიტენციური სამსახურის მიერ გიორგი რურუას და ვიდეოში წარმოდგენილი სხვა პირების პერსონალური მონაცემების დამუშავების კანონიერებასთან დაკავშირებით, „უფლებები საქართველო“ მიმართავს სახელმწიფო ინსპექტორს განახორციელოს ინსპექტირება, შეისწავლოს მოცემულ შემთხვევაში პერსონალურ მონაცემთა დამუშავების კანონიერება და, დარღვევის გამოვლენის შემთხვევაში, გამოიყენოს შესაბამისი კანონით გათვალისწინებული ადმინისტრაციული პასუხისმგებლობის ფორმა“, ნათქვამია ორგანიზაციის ვებგვერდზე. სრულად... წყარო: ორგანიზაციის გვერდი სოციალურ ქსელში

თბილისი. კოალიცია „დამოუკიდებელი და გამჭვირვალე მართლმსაჯულებისთვის“ მოსამართლეთა რიგგარეშე კონფერენციის დანიშვნას ეხმაურება. „მოსამართლეთა კონფერენციის საპარლამენტო არჩევნებამდე ერთი დღით ადრე ჩატარება და საბჭოს ორი ახალი წევრისა და მდივნის არჩევა, ქმნის საფუძვლიან ეჭვს, რომ სასამართლო სისტემაში არსებული კლანი არჩევნებამდე ცდილობს მნიშვნელოვანი, სტრატეგიული და გავლენიანი თანამდებობების დაკავებას, რათა მომდევნო 4 წლის ვადით იუსტიციის უმაღლეს საბჭოში კლანისადმი მისაღები და ლოიალური კანდიდატები გარანტირებულად იქნენ წარმოდგენილნი. კოალიცია შეახსენებს საზოგადოებას, რომ 2012 წლიდან დღემდე სასამართლო სისტემაში მრავალი საკანონმდებლო ცვლილება განხორციელდა, თუმცა სასამართლო სისტემა თვისებრივად ვერ შეიცვალა“, ნათქამია ერთობლივ განცხადებაში. სრულად... წყარო: transparency.ge

თბილისი. 28 ოქტომბერს, რუსთავის საქალაქო სასამართლომ EMC-ის სარჩელის საფუძველზე სოციალური მუშაკის „სოციალური მომსახურების სააგენტოდან“ გათავისუფლება უკანონოდ ცნო და ახალ სააგენტოს სოციალური მუშაკისათვის 15 000 ლარის გადახდა დააკისრა. „საზოგადოებისათვის ცნობილია რომ 2019 წლის 11 დეკემბერს განხორციელებული რეორგანიზაციის შედეგად, იმის ნაცვლად, რომ კანონის მოთხოვნის შესაბამისად, სოციალური მომსახურების სააგენტოს ყველა სოციალური მუშაკი ახლადშექმნილ ,,სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოში“ უკონკურსოდ გადაეყვანათ, 33 სოციალური მუშაკი, შესაბამისი დასაბუთებისა და არგუმენტაციის გარეშე, სამსახურიდან გაანთავისუფლეს. EMC გათავისუფლებული სოციალური მუშაკის 8 საქმეს აწარმოებს“, ნათქვამია ორგანიზაციის გვერდზე სოციალურ ქსელში. სრულად... წყარო: emc.org.ge