თბილისი. სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში, ორგანიზაციამ CARE და მისმა პარტნიორმა - თბილისის სახელმწიფო უნივერსიტეტის ეკონომიკის საერთაშორისო სკოლის (ISET) კვლევითმა ინსტიტუტმა, ENPARD-ის განმახორციელებელ სხვა პარტნიორებთან (Oxfam, Mercy Corps, People in Need და UNDP აჭარა) მჭიდრო თანამშრომლობით, ENPARD-ის კოოპერატივების კვლევის შედეგები წარადგინა. კვლევა აფასებს 2014-2016 წლებში ევროკავშირის მიერ საქართველოში მხარდაჭერილი კოოპერატივების საქმიანობას. კვლევის შედეგები ეყრდნობა ENPARD-ის განმახორციელებელი კონსორციუმების (CARE, Oxfam, Mercy Corps და People in Need) და UNDP აჭარის მიერ შეგროვებულ და ISET-ის კვლევითი ინსტიტუტის მიერ გაანალიზებულ მონაცემებს. სრულად  წყარო: ორგანიზაციის ვებგვერდი

იმერეთი. 7 ივლისს, ENPARD-ის პარტნიორი ორგანიზაცია „მერსი ქორფი" ესტუმრა ევროკავშირის მიერ მხარდაჭერილ კოოპერატივებს ვანის მუნიციპალიტეტში.  „ვიზიტის მიზანი იყო ENPARD-ის პროექტის ფარგლებში მიღწეული შედეგების ფართო საზოგადოებისთვის გაცნობა.  ევროკავშირის ENPARD-ის პროგრამის ფარგლებში, ორგანიზაცია „მერსი ქორფსი" საქართველოში   ახორციელებს პროექტს „ფერმერული კოოპერატივების გაძლიერება საქართველოს სასოფლო მუნიციპალიტეტებში".  პროექტი ეხმარება  ფერმერთა ჯგუფებსა და კოოპერატივებს, რომლებიც თავიანთი საქმიანობისა და ბიზნესების შემდგომი გაფართოებისა და განვითარების, და ასევე, ტექნიკური შესაძლებლობების გაუმჯობესების სურვილს გამოთქვამენ", ნათქვამია ორგანიზაციის ვებ-გვერდზე.  სრულად... წყარო: ორგანიზაციის ვებ-გვერდი სოციალურ ქსელში

თბილისი. „ევროკავშირი ოცნებების ახდენაში გვეხმარება", - ამბობს მამა პეტრე, რომლის ოცნებაც ევროკავშირის მიერ დაფინანსებული პროექტების ფარგლებში ახდა. ნახეთ ეს ისტორია სპეციალურ ვიდეორგოლში. სრულად  წყარო: ნატოსა და ევროკავშირის შესახებ საინფორმაციო ცენტრის გვერდი სოციალურ ქსელში

თბილისი. ორგანიზაცია "მომავლის ფერმერის" მოწვევით, ACDI/VOCA "ფერმერი ფერმერს" პროგრამის მხარდაჭერით, საქართველოში იმყოფება ჩრდილოეთ კაროლინას (აშშ) პროფესორი, ვეტერინარი, მეფრინველეობის სპეციალისტი და ნუტრიციოლოგი აბრაამ ვოლდერ გაბრიელი. ის ერთი კვირის განმავლობაში ჩაატარებს ტრენინგებს „მომავლის ფერმერის" ვეტერინარებისთვის და ორგანიზაციის წევრი ფერმებისთვის, ასევე, კაჭრეთის და თელავის კოლეჯის სტუდენტებისთვის. სრულად წყარო: ორგანიზაცია „მომავლის ფერმერის" ოფიციალური ფეისბუქგვერდი

კახეთი. გარემოსდაცვითი ინფორმაციისა და განათლების ცენტრმა კაჭრეთში საზოგადოებრივი კოლეჯის, „აისის" სტუდენტებსა და ლექტორებს ჩაუტარა ტრენინგი - „ლანდშაფტისა და მიწის რესურსების მდგრადი მართვის დანერგვა". ტრენინგი ამ ჯგუფებისთვის ნიადაგის დეგრადაციის კუთხით არსებული პრობლემების, მიწებისა და ლანდშაფტების მდგრადი მართვის თანამედროვე და ეფექტური გზების, მეთოდების გაცნობასა და ცნობიერების ამაღლებას ისახავდა მიზნად. სრულად წყარო: გარემოსდაცვითი ინფორმაციისა და განათლებს ცენტრის ოფიციალური ფეისბუქგვერდი

იმერეთი. 2017 წლის 7 ივლისს ვანის მუნიციპალიტეტში ვროკავშირის მიერ ENPARD-ის პარტნიორი ორგანიზაცია „მერსი ქორფს"-ისთვის მხარდაჭერილი კოოპერატივების, ENPARD-ის პროექტის ფარგლებში მიღწეული შედეგების პრეზენტაცია იგეგმება. ღნისძიებაში მონაწილეობას მიიღებენ საქართველოს სოფლის მეურნეობის სამინისტროს, სასოფლო-სამეურნეო კოოპერატივების განვითარების სააგენტოსა და ადგილობრივი ხელისუფლების წარმომადგენლები. ევროკავშირის ENPARD-ის პროგრამის ფარგლებში, ორგანიზაცია „მერსი ქორფსი" საქართველოში ახორციელებს პროექტს „ფერმერული კოოპერატივების გაძლიერება საქართველოს სასოფლო მუნიციპალიტეტებში". პროექტი ეხმარება ფერმერთა ჯგუფებსა და კოოპერატივებს, რომლებიც თავიანთი საქმიანობისა და ბიზნესების შემდგომი გაფართოებისა და განვითარების, და ასევე, ტექნიკური შესაძლებლობების გაუმჯობესების სურვილს გამოთქვამენ. პროგრამა ფარავს 21 მუნიციპალიტეტს საქართველოს 5 რეგიონში: სამცხე-ჯავახეთი, ქვემო ქართლი, შიდა ქართლი, იმერეთი და კახეთი. დღეისათვის, ENPARD-ის პროექტის ფარგლებში დახმარება გაეწია 70 კოოპერატივსა და 65 სასოფლო-სამეურნეო სერვისის მიმწოდებელ კომპანიას. ევროკავშირი ENPARD-ის პროგრამის მეშვეობით მხარს უჭერს სოფლის მეურნეობისა და სოფლად განვითარებას საქართველოში. პროგრამა დაიწყო 2013 წელს და მისი ბიუჯეტი 102 მილიონ ევროს შეადგენს (2013-2019). ENPARD-ის პროგრამის მთავარი მიზანია საქართველოში სოფლად სიღარიბის აღმოფხვრა.  სრულად წყარო: ENPARD-ის ვებგვერდი

იმერეთი, რაჭა. საქართველოში ევროკავშრის სოფლის მეურნეობის ატაშე, პროგრამის მენეჯერი, კრისტინა კასელა იმერეთისა და რაჭის რეგიონებში ფერმერულ კოოპერატივებს ეწვია. კოოპერატივები ევროკავშირის მიერ ENPARD-ის პროგრამის ფარგლებშია მხარდაჭერილი, ჩეხურ ორგანიზაციასთან, „ადამიანი გაჭირვებაში" (PIN) პარტნიორობით. იმერეთის სოფელ კვალითში, ქალბატონმა კასელამ საზეიმოდ გახსნა ENPARD-ის ფარგლებში ჩამოყალიბებული თხილის მწარმოებელი კოოპერატივი „ტირიხულა". ევროკავშირის მხარდაჭერით და ENPARD-ის პარტნიორი ორგანიზაციის „ადამიანი გაჭირვებაში" (PIN) დახმარებით, კოოპერატივმა მიიღო 157,833 ლარის ღირებულების თხილის გადამამუშავებელი თანამედროვე დანადგარები, რომელმაც კოოპერატივს საშუალება მისცა დაეკმაყოფილებინა სურსათის ეროვნული უსაფრთხოებისა და ევროკავშირის სტანდარტები. „ტირიხულა" წლიურად 34 ტონა თხილის გადამუშავებას გეგმავს, რომელიც დასაწყისისთვის ადგილობრივ ბაზარზე გაიყიდება, მომავალში კი კოოპერატივი საერთაშორისო ბაზრებზე გასვლასაც გეგმავს. ENPARD-ის პროექტი „მცირე ფერმერების კოოპერაციისა და პროდუქტიულობის ზრდა" მიზანია სოფლად სიღარიბის შემცირება იმერეთისა და რაჭის რეგიონში. პროექტის სამიზნე ჯგუფებია ბიზნესზე ორიენტირებული მცირე ფერმერები. დღემდე ევროკავშირის ENPARD-ის პროექტის ფარგლებში, PIN-ს მიერ 32 სასოფლო-სამეურნეო კოოპერატივი იქნა მხარდაჭერილი. 2013 წლიდან, ENPARD-ის პროგრამის ფარგლებში, საქართველოში 13,000-ზე მეტი ფერმერი 1500-ზე მეტ კოოპერატივში გაერთიანდა. ევროკავშირმა 12 მილიონი ლარის პირდაპირი დახმარება 2000-ზე მეტ ფერმერს და 260-ზე მეტ კოოპერატივის გაუწია. ევროკავშირი ENPARD-ის პროგრამის მეშვეობით მხარს უჭერს სოფლის მეურნეობისა და სოფლად განვითარებას საქართველოში. პროგრამა დაიწყო 2013 წელს და მისი ბიუჯეტი 102 მილიონ ევროს შეადგენს (2013-2019). ENPARD-ის პროგრამის მთავარი მიზანია საქართველოში სოფლად სიღარიბის აღმოფხვრა. სრულად წყარო: ENPARD-ის ვებგვერდი

თბილისი. 2017 წლის 30 ივნისს, ლიმერიკის უნივერსიტეტმა, ევროკავშირის ENPARD-ის პროგრამით მხარდაჭერილი პროექტის - „სოფლის მეურნეობის საგანმანათლებლო და კვლევითი ორგანიზაციების ინსტიტუციონალური გაძლიერება" ფარგლებში, თბილისში დასკნითი კონფერენცია გამართა და პროექტის კვლევითი საქმიანობის შედეეგები წარადგინა. პროექტს ლიმერიკის უნივერსიტეტი, საქართველოს აგრარულ უნივერსიტეტთან და სოფლისა და სოფლის მეურნეობის პოლიტიკისა და განვითარების ინსტიტუტთან (RAPDI) პარტნიორობით, 2015 წლიდან ახორციელებს. პროექტის ფარგლებში განხორციელდა სასოფლო-სამეურნეო სექტორთან დაკავშირებული სხვადასხვა კვლევები. ასევე, ჩატარდა სემინარები და ტრენინგები. ღონისძიებაზე შედგა კვლევების პრეზენტაცია და განხილვა. ღონისძიებას ესწრებოდნენ საქართველოს სოფლის მეურნეობის სამინისტროს, საქართველოში ევროკავშირის წარმომადგენლობის, ENPARD-ის პარტნიორი ორგანიზაციების, ფერმერული ასიციაციების წარმომადგენლები, ასევე ექსპერტები. პროექტი „სოფლის მეურნეობის საგანმანათლებლო და კვლევითი ორგანიზაციების ინსტიტუციონალური გაძლიერება" ხორციელდება ევროკავშირის ENPARD-ის პროგრამის დაფინანსებით. იგი მიზნად ისახავს, გააძლიეროს სასოფლო საქმიანობასა და სოფლის მეურნეობაში ჩართული სამოქალაქო საზოგადოება; საქართველოს სოფლის მეურნეობის უნივერსიტეტს ხელი შეუწყოს მოკლე პრაქტიკული კურსების დანერგვაში; აგრარული სექტორის ოპერატორებს გააცნოს დაგეგმილი და განხორციელებული რეფორმები, მათ შორის, რა სარეგულაციო ცვლილებები იგეგმება ან გატარდა ევროკავშირთან ასოცირების ხელშეკრულებასა და ღრმა და ყოვლისმომცველ თავისუფალ სავაჭრო ხელშეკრულებაზე ხელმოწერის შედეგად. ევროკავშირი ხელს უწყობს სოფლად სიღარიბის შემცირებასა და სოფლის განვითარების თანამედროვე პრაქტიკის დანერგვას საქართველოში სოფლისა და სოფლის მეურნეობის განვითარების ევროპის სამეზობლო პროგრამის (ENPARD) დახმარებით. 2013-2019 წლებისათვის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ბიუჯეტი საქართველოში 102 მილიონ ევროს შეადგენს. სრულად წყარო: ENPARD-ის ვებგვერდი

თბილისი. 2017 წლის მაისის ბოლოს, ორგანიზაციამ „ადამიანი გაჭირვებაში", მისმა პარტნიორმა „ელკანა" და ცოცხალ ორგანიზმთა შემსწავლელ მეცნიერებათა ჩეხეთის უნივერსიტეტმა ერთობლივად წარადგინეს ღვინის მწარმოებელი სამი კოოპერატივი იმერეთისა და რაჭის რეგიონებიდან პრაღის ღვინის საერთაშორისო ფესტივალზე – „Wine Prague 2017". აღნიშნული ღონისძიება წარმოადგენს ღვინის ყველაზე მასშტაბურ გამოფენას ცენტრალურ და აღმოსავლეთ ევროპაში. ფესტივალი არის საუკეთესო პლატფორმა სხვადასხვა ბრენდის ღვინის რეკლამირებისა და მევენახეობაში ჩართულ აქტორებს შორის პროფესიული კავშირების დამყარებისთვის. გამოფენის მსვლელობისას, პროფესიონალმა დეგუსტატორებმა, მოვაჭრეებმა და სხვა მონაწილეებმა დააგემოვნეს 5 სახეობის ქართული ღვინო: „ოცხანურის საფერე", „ციცქა", „ალექსანდროული", „ციცქა-ოცხანური", „ალადასტური". ქართულმა ღვინომ დაიმსახურა ფესტივალზე დამსწრეთა გამორჩეული მოწონება იმ სპეციფიური არომატისა და გემოს გამო, რომელსაც მას სძენს ქვევრში დაყენების ტექნოლოგია – ეს არის ღვინის დაყენების ძველი ქართული მეთოდი, მიწაში ჩაფლული თიხის ჭურჭლის გამოყენებით. საქართველოში, მევენახეობის განვითარებაში, გადამწყვეტ როლს თამაშობს ევროკავშირის მხარდაჭერა. ENPARD-ის პროგრამა ითვალისწინებს არა მხოლოდ გრანტების გამოყოფას მცირე ფერმერებისა და სასოფლო-სამეურნეო კოოპერატივებისთვის ინვენტარის შესაძენად, არამედ მათთვის სხვადასხვა ტექნოლოგიური და მარკეტინგული მხარდაჭერის გაწევას. შედეგად, იზრდება მცირე მეწარმეთა კონკურენტუნარიანობა როგორც ადგილობრივ, ასევე საერთაშორისო ბაზარზე. სრულად წყარო: ევროკავშირი საქართველოსთვის ENPARD-ის ვებგვერდი

კახეთი. გარემოსდაცვითი ინფორმაციისა და განათლების ცენტრმა სიღნაღის მუნიციპალიტეტში, თვითმმართველობის წარმომადგენლებსა და ადგილობრივ ფერმერებს ტრენინგი ჩაუტარა. „ტრენინგის - „ლანდშაფტისა და მიწის რესურსების მდგრადი მართვის დანერგვა", მიზანია გადაწყვეტილების მიმღებ პირთა, ადგილობრივი ფერმერებისა და სხვა დაინტერესებულ მხარეთათვის ცნობიერების ამაღლება; ასევე, ამ ჯგუფებისთვის ნიადაგის დეგრადაციის კუთხით არსებული პრობლემების, მიწებისა და ლანდშაფტების მდგრადი მართვის თანამედროვე და ეფექტური გზების, მეთოდების გაცნობა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

ხვალ, 30 ივნისს, ლიმერიკის უნივერსიტეტი, ევროკავშირის ENPARD-ის პროგრამით მხარდაჭერილი პროექტის - „სოფლის მეურნეობის საგანმანათლებლო და კვლევითი ორგანიზაციების ინსტიტუციონალური გაძლიერება" - ფარგლებში, თბილისში დასკნით კონფერენციას გამართავს და პროექტის კვლევითი საქმიანობის შედეეგებს შეაჯამებს. კონფერენცია გაიმართება 11:00-დან 16:30 საათამდე, საქართველოს აგრარულ უნივერსიტეტში (აუდიტორია #200). საკონტაქტო ინფორმაცია: მარიამ სისოევა, პროექტის მენეჯერი - m.sisoeva@rapdi.org, 995 593 280477; თამარ ხუნწარია, ENPARD-ის საკომუნკაციო ჯგუფის ხელმძღვანელი - tamar.k@actionprgroup.com, +995 595 989916 სრულად

კახეთი. გარემოსდაცვითი ინფორმაციისა და განათლების ცენტრმა ახმეტის მუნიციპალიტეტში, თვითმმართველობის წარმომადგენლებსა და ადგილობრივ ფერმერებს ტრენინგი ჩაუტარა. ტრენინგის - "ლანდშაფტისა და მიწის რესურსების მდგრადი მართვის დანერგვა” - მიზანია, გადაწყვეტილების მიმღებ პირთა, ადგილობრივი ფერმერებისა და სხვა დაინტერესებული მხარეების ცნობიერების ამაღლება; ასევე, ამ ჯგუფებისთვის ნიადაგის დეგრადაციის კუთხით არსებული პრობლემების, მიწებისა და ლანდშაფტების მდგრადი მართვის თანამედროვე და ეფექტური გზების და მეთოდების გაცნობა. თეორიულ ნაწილთან ერთად, ტრენინგი პრაქტიკულ საველე გასვლასაც მოიცავდა. სრულად წყარო: ორგანიზაციის ოფიციალური ფეისბუქგვერდი

თბილისი. პარლამენტმა 16 ივნისს მესამე მოსმენით მიიღო პარლამენტის წევრების ინიციატივა „სასოფლო-სამეურნეო დანიშნულების მიწის საკუთრების შესახებ" საქართველოს კანონში ცვლილებების შეტანის შესახებ. ცვლილებები ითვალისწინებს მორატორიუმს უცხო ქვეყნის მოქალაქეებისა და მოქალაქეობის არმქონე პირებისათვის სასოფლო - სამეურნეო დანიშნულების მიწების საკუთრებაში გადასვლასთან დაკავშირებით. „გაუგებარია, საქართველოს პარლამენტის პოზიცია, კიდევ ერთხელ დააწესოს აკრძალვა და შეაჩეროს კონკრეტული მუხლის მოქმედება, მაშინ როდესაც მისთვის ცნობილია მოცემული ცვლილების არაკონსტიტუციური ხასიათი. ამასთანავე, დაუსაბუთებელია შესაბამისი ინიციატივის მიზანი, არ არის წარმოდგენილი ამ ცვლილების შედეგად სავარაუდო ფინანსური და ეკონომიკური ზეგავლენის დოკუმენტი. სასოფლო-სამეურნეო დანიშნულების მიწის საკუთრებაზე სპეციალური რეგულაციების დაწესება ცნობილია საზღვარგარეთის ქვეყნების კანონმდებლობისთვისაც. თუმცა, მნიშვნელოვანია ეს რეგულაციები წინააღმდეგობაში არ მოდიოდეს საქართველოს კონსტიტუციასთან და საკონსტიტუციო სასამართლოს გადაწყვეტილებასთან", ნათქვამია განცხადებაში. სრულად... წყარო: www.transparency.ge

შიდა ქართლი. 2017 წლის 20 ივნისს, ქალაქ გორში სასოფლო-სამეურნეო კოოპერატივების შიდა-ქართლის რეგიონული ფორუმი გაიმართა. „საქართველოს სასოფლო-სამეურნეო კოოპერატივების ასოციაციამ" ფორუმის ორგანიზება „სასოფლო-სამეურნეო კოოპერატივების განვითარების სააგენტოს" მხარდაჭერით განახორციელა. სასოფლო-სამეურნეო კოოპერატივების წარმომადგენლებთან ერთად, შეხვედრაში მონაწილეობა მიიღეს საინფორმაციო-საკონსულტაციო სამსახურის, ადგილობრივი ხელისუფლების, სასოფლო-სამეურნეო კოოპერატივების განვითარების სააგენტოს, ფინანსური ინსტიტუტების, სოფლის მეურნეობის პროექტების მართვის სააგენტოს, საჯარო რეესტრის ეროვნული სააგენტოს, სურსათის ეროვნული სააგენტოს, შ.პ.ს. „საქართველოს მელიორაციის", ასევე, აგროდაზღვევაზე მომუშავე კომპანიებისა და ENPARD-ის პროგრამის პარტნიორი ორგანიზაციის Evoluxer-ის წარმომადგენლებმა. რეგიონული ფორუმების, როგორც არაფორმალური პლატფორმის, მიზანია, ხელი შეუწყოს და დაეხმაროს საქართველოში რეგისტრირებულ სასოფლო-სამეურნეო კოოპერატივებს მათ წინაშე არსებული პრობლემების გასაჯაროებასა და მათ გადასაჭრელად შესაბამისი ღონისძიებების დაგეგმვასა და განხორციელებაში, ასევე საწარმოო ჯაჭვის წარმომადგენლებთან, სამთავრობო და არასამთავრობო სტრუქტურებთან დაკავშირებასა და მათ შორის კოორდინაციის მექანიზმის გაუმჯობესებაში. სასოფლო-სამეურნეო კოოპერატივების შიდა-ქართლის რეგიონული ფორუმი ჩატარდა ევროკავშირის მიერ დაფინანსებული პროექტის - „სასოფლო-სამეურნეო კოოპერატივების განვთარების სააგენტოს გაძლიერება" - ფარგლებში, რომელიც სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მხარდაჭერით ხორციელდება. სრულად წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველომ” შეისწავლა გარდაბნის მუნიციპალიტეტის სოფელ თელეთში მდებარე 13 850 კვადრატული მეტრი მიწის ნაკვეთების პრივატიზების პროცესი და მიიჩნევს, რომ ამ შემთხვევაში კორუფციის ნიშნები იკვეთება. ორგანიზაციის მიერ მომზადებულ შეჯამებაში ნათქვამია, რომ „სახელმწიფო ქონების ეროვნული სააგენტოსა და ადგილობრივი თვითმმართველობის ქმედებების შედეგად, სახელმწიფო ქონების განკარგვის პროცესში არათანაბარი გარემო შეიქმნა მისი შეძენით დაინტერესებული პირებისთვის. შესაბამისად, მოვუწოდებთ სამართალდამცავ ორგანოებს, დაინტერესდნენ აღნიშნული შემთხვევით და სრულად და ობიექტურად გამოიძიონ ის". სრულად წყარო: ორგანიზაციის ვებგვერდი

კახეთი. საქართველოში ევროკავშირის ელჩი იანოშ ჰერმანი კახეთში ევროკავშირის მიერ ENPARD-ის პროგრამით მხარდაჭერილი სასოფლო-სამეურნეო და სოფლის განვითარების პროექტები დაათვალიერა. ყვარელსა და ლაგოდეხში ENPARD-ის პროექტებში ვიზიტი კახეთში ელჩის ორდღიანი ოფიციალური პროგრამის ნაწილი იყო. პროგრამით გათვალისწინებული იყო რეგიონის ეკონომიკური შესაძლებლობების ადგილზე გაცნობა და ევროკავშირის დახმარების პროგრამების მონახულება. სრულად წყარო: ორგანიზაციის ვებგვერდი

თბილისი. 2017 წლის 16 ივნისს, საერთაშორისო ორგანიზაციამ „ადამიანი გაჭირვებაში" (PIN) და „საქართველოს ახალგაზრდა ეკონომისტთა ასოციაციამ" წარმოადგინეს კვლევის ანგარიში „აგრობიზნესის საჭიროებების შეფასება". კვლევა განხორცილდა ევროკავშირის მხარდაჭერით, სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ხელშეწყობით, ორგანიზაცია PIN-ის პროექტის - „მცირე ფერმერული კოოპერატივების მწარმოებლურობის გაძლიერება იმერეთისა და რაჭის რეგიონებში” ფარგლებში. ღონისძიებას ესწრებოდნენ ევროკავშირის დელეგაციის, სოფლის მეურნეობის სამინისტროს, საქართველოს ეკონომიკისა და მდგრადი განვითარების სამინისტროს წარმომადგენლები, ფერმერები და სამოქალაქო სექტორის წარმომადგენლები. სრულად წყარო: „საქართველოს ახალგაზრდა ეკონომისტთა ასოციაციის" ოფიციალური ფეისბუქგვერდი

აჭარა. დღეს დასრულდა სემინარები მეღვინეობაში, რომელსაც ასოციაცია „ღირსეული სიბერე" ევროკავშირის დაფინანსებით ახორციელებდა. სემინარებზე განხილული იქნა ღვინის დაყენების ტრადიციული მეთოდები, ქვევრში ღვინის დაყენების ტექნოლოგია, თეთრი და წითელი ღვინოები და ჭაჭის გამოყენება. სემინარის შემდეგ, ბენეფიციარები გვარის აგროსერვისცენტრის ღვინის სახლს და დგილობრივ ფერმერს ესტუმრნენ. სემინარი პროექტის - „დასაქმებაზე ორიენტირებული განათლებისა და განვითარების სისტემის ამოქმედება აჭარაში" ფარგლებში ჩატარდა. სრულად წყარო: ორგანიზაციის ოფიციალური ფეისბუქგვერდი

ქობულეთი. ასოციაცია „ღირსეული სიბერე" აგრძელებს ტრენინგების ციკლს „საოჯახო ბიზნესის გაძლიერების ხელშეწყობა". „პროგრამის ფარგლებში ტარდება საგანმანათლებლო სემინარები მეცხოველეობასა და მემცენარეობაში. 12 და 13 ივნისის სემინარები მევენახეობაში ადგილობრივ ქართულ ვაზის ჯიშებს, ვაზის დარგვას, მოვლასა და გამრავლებას შეეხებო", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ინფორმაციას უცხოელებისთვის მიწის შეძენის ახალ რეგულაციებთან დაკავშირებით. „სასოფლო - სამეურნეო დანიშნულების მიწის საკუთრების შესახებ ერთიანი სახელმწიფო პოლიტიკის შემუშავება ცალსახად დადებითი გადაწყვეტილებაა. მნიშვნელოვანია, რომ კანონით განსაზღვრული მიწის საკუთრების შეზღუდვა ემსახურებოდეს ლეგიტიმურ მიზნებს, არ ქმნიდეს გაუმართლებელ ხელოვნურ ბარიერებს და ამ გზით არ აზარალებდეს ქვეყნის ეკონომიკურ განვითარებას. კორუფციის რისკების თავიდან აცილებისათვის, ასევე მნიშვნელოვანია, კანონი შეიცავდეს აღსრულების ეფექტურ მექანიზმებს, შეზღუდვისა და გადაწყვეტილების მიღების მკაფიო რეგულაციებს", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 6 ივნისს, თბილისში საქართველოს ფერმერთა რიგით მესამე კონგრესი გაიმართა. „კონგრესზე მოწვეული იყო ქვეყნის ცხრა რეგიონის 141 ფერმერი დელეგატი, რომლებიც შეხვდნენ სოფლის მეურნეობის სექტორში გადაწყვეტილების მიმღებ ოფიციალურ პირებს და გამართეს დიალოგს სოფლის მეურნეობის სფეროს გამოწვევების შესახებ. კონგრესის მონაწილე 141 ფერმერი დელეგატი შეირჩა რეგიონალური შეხვედრების დროს, რომელიც წინ უძღოდა აღნიშნულ ღონისძიებას", ნათქვამია ორგანიზაციის ვებ-გვერდზე. სრულად... წყარო: enpard.ge

აჭარა. ასოციაცია „ღირსეული სიბერე" აგრძელებს ტრენინგების ციკლს „საოჯახო ბიზნესის გაძლიერების ხელშეწყობა" დემოკრატიის ინსტიტუტის პროექტის „დასაქმებაზე ორიენტირებული განათლებისა და განვითარების სისტემის ამოქმედება აჭარაში" ფარგლებში. „პროგრამაში მონაწილეობენ 45 წელს ზემოთ ასაკის ქალები, რომლებსაც აქვთ მცირე ბიზნესი, ან აპირებენ ბიზნესის დაწყებას. ტრენინგის „ბიზნესის ადმინისტრირება" შემდეგ ბენეფიციარები საგრანტო კონკურსში მონაწილეობენ. საუკეთესო ბიზნეს იდეები მცირე გრანტებით ფინანსდება. პროგრამა ასევე, ითვალისწინებს საგანმანათლებლო სემინარებს მეცხოველეობასა და მემცენარეობაში, დღეს დასრულდა სემინარები ვარდის, ლილიას და სხვა ყვავილების მოყვანის თანამედროვე მეთოდების შესახებ ღია და დახურულ გრუნტში. სემინარის შემდეგ ბენეფიციარები ესტუმრნენ ვარდის და ლილიების სასათბურე მეურნეობას, სადაც პრაქტიკული მეცადინეობა ჩატარდა", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში