თბილისი. გაეროს ბავშვთა ფონდი (იუნისეფი) მიესალმება საქართველოს მთავრობის ადმინისტრაციაში გაეროს ბავშვის უფლებათა კონვენციის განხორცილებაზე პასუხისმგებელი უწყებათაშორისი კომისიის შექმნას. „კომისიის ძირითადი მიზნებია: შემუშავდეს გაეროს ბავშვის უფლებათა კონვენციის განხორციელების ყოვლისმომცველი გეგმა, რომელიც ადამიანის უფლებათა დაცვის სამთავრობო სამოქმედო გეგმის ნაწილი იქნება; ბავშვის უფლებათა დაცვის უზრუნველსაყოფად მოხდეს საერთაშორისო და ეროვნული ვალდებულებების განხორციელების მონიტორინგი; უზრუნველყოფილი იქნას საქართველოს კანონმდებლობის კონვენციასა და სხვა საერთაშორისო სტანდარტებთან შესაბამისობა; შეგროვდეს შესაბამისი მონაცემები და შესრულდეს გაეროს ბავშვის უფლებათა კომიტეტის დასკვნითი რეკომენდაციები", ნათქვამია ორგანიზაციის ვებ-გვერდზე. სრულად... წყარო: unicef.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევას: „შრომის ინსპექტირების მექანიზმის შეფასება და დასაქმებულთა შრომითი უფლებების მდგომარეობა საქართველოში". „კვლევა აანალიზებს შრომითი უფლებების დარღვევების აღმოფხვრისა და მათი პრევენციისთვის ერთ-ერთი მნიშვნელოვანი მექანიზმის – შრომის პირობების ინსპექტირების დეპარტამენტის მანდატსა და საქმიანობას. აღნიშნული ანალიზი კი თავის მხრივ ეყრდნობა ეროვნული კანონმდებლობისა და პრაქტიკის შეფასებას, საერთაშორისო სტანდარტებსა და სხვადასხვა ქვეყნის გამოცდილებებს", ნათქვამია ორგანიზაციის ვებ-გვერდზე. სრულად... წყარო: emc.org.ge

შიდა ქართლი. „ქართლოსი" შიდა ქართლში გოგონათა და ბავშვთა უფლებების დაცვას იწყებს. „პროექტისთვის შიდა ქართლის რეგიონში 9 სკოლა შეირჩევა. მოსწავლეებთან ერთად, ტრენინგებზე დასწრების შესაძლებლობა პედაგოგებსა და დაინტერესებულ მშობლებსაც ექნებათ. ადამიანის უფლებებზე მეტი ინფორმაციის მიღების მიზნით, პროექტში თემის ლიდერები და ადგილობრივი თვითმმართველობების წარმომადგენლებიც ჩაერთვებიან. საზოგადოებაში ქალის როლზე, გენდერულ სტერეოტიპებსა და თანასწორობაზე გამართულ ტრენინგებს იურისტი, ნინო ელბაქიძე გაუძღვება", ნათქვამია ორგანიზაციის ვებ-გვერდზე. სრულად... წყარო: kartlosinews.wordpress.com

თბილისი. ადამიანის უფლებათა ცენტრი (HRIDC), ნორვეგიის ჰელსინკის კომიტეტი (NHC) და ადამიანის უფლებათა საერთაშორისო ფედერაცია (FIDH) მოუწოდებენ საქართველოს ხელისუფლებას, გადადგას კონკრეტული ნაბიჯები 2008 წლის აგვისტოს ომის დროს ჩადენილ დანაშაულებზე პასუხისმგებლობის გამოსავლენად. „საერთაშორისო სისხლის სამართლის კომპლემენტარულობის პრინციპიდან გამომდინარე, საქართველოს ხელისუფლება ვალდებულია, შესაბამისი შესაძლებლობების ფარგლებში აწარმოოს გამოძიება. საქართველოს ხელისუფლების უმოქმედობა ომის დანაშაულების გამოძიების კუთხით არღვევს აღნიშნულ პრინციპს და მრავალი დაზარალებულის უფლებას", ნათქვამია ადამიანის უფლებათა ცენტრის ვებ-გვერდზე. სრულად... წყარო: www.humanrights.ge

თბილისი. ქალთა საინფორმაციო ცენტრი Human Rights Watch-ის 2016 წლის მსოფლიო ანგარიშს აქვეყნებს, რომელშიც საქართველოზეცაა საუბარი. „ანგარიშში ნახსენებია ოჯახში ძალადობისა და ადრეული ქორწინების პრობლემებიც. მოტანილია გაერთიანებული ერების სპეციალური მომხსენებლის ანგარიში ქალთა წინააღმდეგ ძალადობის საკითხებზე. მასში ასახული იყო კერძო და საჯარო სფეროებში გავრცელებული ძალადობა ქალთა წინააღმდეგ, რომლის მიზეზადაც „ღრმად ფესვგადგმული პატრიარქალური დამოკიდებულებები და გენდერული სტერეოტიპები" სახელდება. ანგარიშში ხაზგასმულია, ფემიციდის/ქალთა მკვლელობების შემაშფოთებელი რაოდენობა, პოლიციის უუნარობა, რეგისტრირებულ შემთხვევებში უზრუნველყოს სათანადო დაცვა, ასევე მიდგომა, რომ ასეთი ძალადობა ადამიანების პირადი საქმეა", ნათქვამია ქალთა საინფორმაციო ცენტრის ვებ-გვერდზე სოციალურ ქსელში. Human Rights Watch-ის ანგარიში... წყარო: ქალთა საინფორმაციო ცენტრის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) საჯარო სამსახურში დასაქმებულ შშმ პირთათვის სოციალური პაკეტის შეზღუდვის დისკრიმინაციულობის დადგენაზე ომბუდსმენს მიმართავს. „…EMC სახალხო დამცველს მიმართავს მოთხოვნით, დაადგინოს განმცხადებლისადმი დისკრიმინაციული პრაქტიკის არსებობა და მისი აღმოფხვრის მიზნით რეკომენდაციით მიმართოს საქართველოს მთავრობას; ასევე, მოამზადოს ზოგადი წინადადება საქართველოს მთავრობის მიმართ, არსებული დისკრიმინაციული პრაქტიკის აღმოფხვრის კერძოდ, დასახელებული დისკიმინაციული ნორმებისა და შესაბამისი პრაქტიკის დაუყოვნებლივი გაუქმების თაობაზე”, ნათქვამია ორგანიზაციის განცხადებაში. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია აქვეყნებს ბლოგპოსტს: „საჯარო სამსახურიდან გათავისუფლება: ხშირად დასმული კითხვები". „საქართველოს მთავრობის ინიციატივამ საბიუჯეტო სახსრების შემცირების თაობაზე საჯარო დაწესებულებებში შესაძლოა გამოიწვიოს რეორგანიზაციის საფუძველზე შტატების მასშტაბურად შემცირება. აღნიშნული საკითხის მიმართ მაღალი საჯარო ინტერესიდან გამომდინარე, საჭიროდ მიგვაჩნია, გავავრცელოთ ორგანიზაციის მიმართ ხშირად დასმულ კითხვებზე პასუხები", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. „ადამიანის უფლებების სწავლებისა და მონიტორინგის ცენტრი" (EMC) აქვეყნებს საჯარო სამსახურის მიერ რეორგანიზაციის პროცესის ჩატარების წესისა და ამ პროცესში საჯარო სამსახურში დასაქმებული პირების სამართლებრივი დაცვის გარანტიების მიმოხილვას. „ნებისმიერ საჯარო მოხელეს, საჯარო სამსახურის მარეგულირებელი კანონმდებლობა ანიჭებს უფლებას დადგენილი წესით 1 თვის განმავლობაში მიმართოს სასამართლოს და გაასაჩივროს სამსახურებრივ საკითხებზე გამოცემული ბრძანება, განკარგულება, გადაწყვეტილება, აგრეთვე მოქმედება. ამ დროს მოხელეს, რომელიც მიიჩნევს, რომ უკანონოდ იქნა გათავისუფლებული დაკავებული თანამდებობიდან, არ მოეთხოვება შესაბამისი აქტის ზემდგომ ადმინისტრაციულ ორგანოში გასაჩივრება და მას შეუძლია პირდაპირ მიმართოს სასამართლოს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. 23 დეკემბერს, ომბუდსმენმა განათლების სამინისტროს მიმართა ზოგადი წინადადებით, რომლითაც მოუწოდა, რომ დააჩქაროს ინკლუზიური განათლების მომწესრიგებელი საკანონმდებლო ბაზის დახვეწა. „კერძოდ, საკანონმდებლო დონეზე დეტალურად განისაზღვროს ინკლუზიური განათლების მულტიდისციპლინური გუნდის ფუნქციები, რომლებიც აამაღლებს მის ეფექტურობას სკოლებში ინკლუზიური განათლების ორგანიზებისა და მასზე ზედამხედველობის თვალსაზრისით, ასევე მისი, როგორც სკოლასა და სპეციალური საგანმანათლებლო საჭიროების მქონე მოსწავლის მშობლებს შორის შუამავლის ფუნქციებს", ნათქვამია სახალხო დამცველის ვებ-გვერდზე. სრულად... წყარო: ombudsman.ge

თბილისი. „ადამიანის უფლებების სწავლებისა და მონიტორინგის ცენტრი (EMC)” საპოლიციო რეიდის მარეგულირებელ ნორმებს საკონსტიტუციო სასამართლოში ასაჩივრებს. „ორგანიზაციამ სარჩელით მიმართა საქართველოს საკონსტიტუციო სასამართლოს "პოლიციის შესახებ” საქართველოს კანონის იმ ნორმების არაკონსტიტუციურად ცნობის მოთხოვნით, რომელთა საფუძველზეც ხორციელდება სპეციალური საპოლიციო კონტროლი, ე.წ. „რეიდი". სარჩელში აღნიშნულია, რომ სპეციალური საპოლიციო კონტროლის განხორციელებისას ირღვევა საქართველოს კონსტიტუციის მე-18 (ფიზიკური თავისუფლების უფლება) და მე-20 (პირადი ცხოვრების ხელშეუხებლობა) მუხლებით დაცული უფლები", ნათქვამია EMC-ის ვებ-გვერდზე. სრულად... წყარო: emc.org.ge

თბილისი. 26 დეკემბერს ომბუდსმენის წარმომადგენელი პარლამენტის შენობის წინ მოშიმშილე გიორგი გაბედავას შეხვდა. „გიორგი გაბედავას მიერ მოწოდებული ვიდეომასალით, რომელიც მან სოციალურ ქსელშიც ატვირთა, დასტურდება, რომ პოლიციის წარმომადგენლები დასადგმელი ქოლგის გამოსაყენებლად მერიის წერილობით თანხმობას სთხოვენ. ჩანაწერში ნათლად ჩანს, რომ იმ პერიოდში ცუდი ამინდი იყო. გაბედავას განმარტებით, მას ასევე არ მიეცა საშუალება პარლამენტის შენობის წინ, რუსთაველის გამზირზე, ფართო ტროტუარზე კარავი გაეშალა. სახალხო დამცველი მოუწოდებს სამართალდამცავ ორგანოებსა და სხვა პასუხისმგებელ სტრუქტურებს, ხელოვნური და კანონშეუსაბამო არგუმენტებით არ შეუშალონ ხელი შეკრების თავისუფლების რეალიზებას", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. საია-ს თბილისის ოფისი იცავდა ვეგან-აქტივისტის, ირაკლი კიკილაშვილის ინტერესებს, რომელიც საპატრულო პოლიციის თანამშრომლებმა 2016 წლის 5 ნოემბერს ზედაპირული დათვალიერების მიზნით გააჩერეს. „ირაკლი კიკილაშვილი პოლიციელს სთხოვდა, განემარტათ ზედაპირული დათვალიერების საფუძველი, თუმცა პოლიციელები ამგვარ განმარტებებს არ აძლევდნენ. მოგვიანებით, პოლიციელის კანონიერი მოთხოვნისადმი დაუმორჩილებლობის საფუძვლით ირაკლი კიკილაშვილი დააკავეს და გადაიყვანეს დროებითი მოთავსების იზოლატორში. საქმეში არსებული მტკიცებულებების საფუძველზე სასამართლომ დაადგინა, რომ არ დადასტურდა ობიექტურად აღქმადი გარემოების არსებობის ფაქტი, რომელიც გაუჩენდა პოლიციის თანამშრომელს ვარაუდის საფუძველს და რომელზე დაყრდნობითაც აუცილებელი და გამართლებული იქნებოდა ადმინისტრაციულ პასუხისგებაში მიცემული პირის თავისუფლად გადაადგილების უფლების შეზღუდვა, მისი ზედაპირული დათვალიერება. სასამართლოს გადაწყვეტილება არ გასაჩივრებულა და შესაბამისად, შესულია კანონიერ ძალაში", ნათქვამია ორგანიზაციის განცხადებაში. სრულად... წყარო: gyla.ge

თბილისი. 2 სექტემბერს, ომბუდსმენმა საკუთარი ინიციატივით დაიწყო „მეტრო ჯორჯიას" მიერ ავტოსანტრანსპორტო საშუალებაში ბილეთებისა და ადგილების სქესის მიხედვით განაწილების მხრივ არსებული საკითხის შესწავლა. „რეგულაციის თანახმად, მგზავრს უფლება აქვს მხოლოდ თავისივე სქესის ადამიანის გვერდით შეიძინოს სამგზავრო ბილეთი. კომპანიის განმარტებით, ბილეთების მსგავსი წესით გადანაწილება თავად მომხმარებლის მოთხოვნაა, ვინაიდან სურთ, რომ ღამის საათებში თავისივე სქესის წარმომადგენლის გვერდით იმგზავრონ. დისკრიმინაციული პრაქტიკის აღმოფხვრის მიზნით, სახალხო დამცველმა სს „მეტრო-ჯორჯიას" შესთავაზა, რომ კომპანიის ვებ-გვერდზე დაემატოს პარამეტრი, რომელიც ბილეთის შეძენის პროცესში მგზავრს მისცემს საშუალებას ელექტრონულად დააფიქსიროს საკუთარი პოზიცია, თანახმაა თუ არა მის გვერდით არსებული სამგზავრო ბილეთი სხვა სქესის ადამიანმა შეიძინოს. აღსანიშნავია, რომ „მეტრო ჯორჯიამ" მზადყოფნა გამოთქვა, რომ ზემოაღნიშნული პროგრამული ცვლილება განხორციელდეს და კომპანიამ დაიწყო აღნიშნულ საკითხზე მუშაობა, რაც შესაძლოა რამდენიმე თვის განმავლობაში გაგრძელდეს", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. „საქართველოს დემოკრატიული ინიციატივა" ავრცელებს განცხადებას მეთორმეტე კლასელი გოგონას რელიგიის ნიშნით დისკრიმინაციის თაობაზე. „საქართველოს დემოკრატიული ინიციატივის იურისტები ადგილზე შეისწავლიან თეონა ბერიძის მიმართ განხორციელებული დისკრიმინაციის ფაქტს და სამართლებრივ დახმარებას აღმოუჩენენ დისკრიმინაციის მსხვერპლს. განსაკუთრებით საგულისხმოა, რომ აღნიშნული ინციდენტი დაფიქსირდა სოფელ მოხეში, რომელიც მუსლიმი თემის დისკრიმინაციის გამო არაერთხელ გამხდარა ყურადღების საგანი. მოხეს მუსლიმი თემი, რომელიც სოფლის მოსახლეობის უმრავლესობას შეადგენს, წლების განმავლობაში ითხოვს ისტორიული მეჩეთის შენობის დაბრუნებას ან მინიმუმ მის კონსერვაციას, განადგურების თავიდან არიდების მიზნით, თუმცა უშედეგოდ", ნათქვამია ორგანიზაციის განცხადებაში. სრულად... წყარო: www.gdi.ge

თბილისი. 22 დეკემბერს, სასტუმრო „ბილტმორ თბილისში" „ქალთა საინფორმაციო ცენტრის” ორგანიზებით, გაიმართა პროექტის „გაძლიერებული ქალები მშვიდობისა და განვითარებისთვის" საზეიმო ღონისძიება. „პროექტი 2015 წლის გაზაფხულიდან ხორციელდებოდა, აშშ-ს სახელმწიფო დეპარტამენტის ხელშეწყობით, ქალთა როლის გასაზრდელად კონფლიქტის პრევენციისა და მშვიდობის მშენებლობაში", ნათქვამია ორგანიზაციის ვებ-გვერდზე. სრულად... წყარო: ginsc.net

თბილისი. „პარტნიორობა ადამიანის უფლებებისთვის" (PHR) იურისტებმა იურიდიული კონსულტაცია გაუწიეს დუშეთის შშმ პირთა პანსიონატში მცხოვრებ პირებს. „PHR-ი მოხარულია, რომ ამჯერად, ორგანიზაციის თანამშრომლებს პანსიონატში მცხოვრებ შეზღუდული შესაძლებლობის მქონე ადამიანებთან შეხვედრის საშუალება მიეცათ და ვიმედოვნებთ, რომ მომავალშიც გვექნება ბენეფიციარებთან თავისუფლად შეხვედრის შესაძლებლობა", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. ადამიანის უფლებათა ცენტრი აქვეყნებს ნურლან ჰუსეინოვის სტატიას: „მარნეულის რაიონში 7000 ბავშვისთვის სკოლამდელი განათლება ხელმისაწვდომი არ არის". „მარნეულის რაიონის სოფელ საბირქენდში მცხოვრებ საქინს ორი მცირეწლოვანი შვილი ჰყავს. იმის გამო, რომ მათ სოფელში საბავშვო ბაღი არ არის, საქინის შვილები მთელ დღეს სახლში ატარებენ", ნათქვამია სტატიაში. სრულად... წყარო: www.humanrights.ge

თბილისი. ბავშვთა უფლებები 2017-2020 წლებში, ასოცირების ხელშეკრულების შესრულების დღის წესრიგში პრიორიტეტად განისაზღვრა. „19-20 დეკემბერს, ევროკავშირი-საქართველოს საპარლამენტო ასოცირების კომიტეტის მესამე სხდომა გაიმართა, სადაც კომიტეტის საქმიანობის სამომავლო მიმართულებად განისაზღვრა ასოცირების დღის წესრიგის (2017-2020) განხორციელებაზე ზედამხედველობა. „როგორც ევროკავშირი–საქართველოს საპარლამენტო ასოცირების კომიტეტის ერთობლივ განცხადებაშია აღნიშნული, მნიშვნელოვანია, რომ – „განსაკუთრებული ყურადღება მიექცეს ბავშვთა უფლებების დაცვას”. ორგანიზაცია „პარტნიორობა ადამიანის უფლებებისთვის" მიესალმება ევროკავშირი–საქართველოს საპარლამენტო ასოცირების კომიტეტის გადაწყვეტილებას", ნათქვამია ორგანიზაციის ვებ-გვერზე. სრულად... წყარო: phrgeorgia.wordpress.com

თბილისი. 21 დეკემბერს, ომბუდსმენმა სამუშაო შეხვედრა გამართა კონფლიქტებით დაზარალებულ რეგიონებში ქალთა და ბავშვთა უფლებრივი მდგომარეობის შესახებ. „სახალხო დამცველის აპარატმა თემის შესახებ სპეციალური ანგარიშის სამუშაო ვერსია წარადგინა, რომელშიც ძირითადი მიგნებები და რეკომენდაციებია მოყვანილი. ანგარიშში ასახული პრობლემები ეხება ოჯახში ძალადობას, ქალთა პოლიტიკური მონაწილეობის დაბალ დონეს, ბავშვთა სიღარიბეს, უსაფრთხოებასა და ჯანმრთელობის უფლების დარღვევას, განათლების უფლების შეზღუდვას, ადამიანის უფლებების დაცვის პოლიტიკის არათანმიმდევრულობას, ან სულაც არ არსებობას", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. საქართველოს ახალგაზრდა იურისტთა ასოციაცია აქვეყნებს იურისტ გოგა ხატიაშვილის ბლოგპოსტს: „ოჯახში ძალადობის საქმეზე მოსამართლეს კანონი დაავიწყდა". „...ამდენად, მოსამართლემ დაუშვა შეცდომა - გამოიყენა ისეთი სახის ღონისძიება, რომელსაც კანონი უკრძალავდა. რა მოხდა სინამდვილეში? ამ დანაშაულზე 2016 წლის ივნისში სასჯელი გამკაცრდა და თავისუფლების აღკვეთა ერთი წლის ნაცვლად 2 წლის ვადით განისაზღვრა. თუმცა, მოსამართლემ დეკემბერში მომხდარ შემთხვევაზე კვლავ ძველი კანონი გამოიყენა. მოსამართლის ამ საქციელით ყველა გაკვირვებული დარჩა: მეც, პროკურორიც, დარბაზში მჯდომი საზოგადოებაც, თუმცა ბრალდებული მადლიერი და კმაყოფილი იყო. მოსამართლემ ხო შანსი მისცა. საკითხავია, რისი შანსი მისცა მოსამართლემ? - ახალი ძალადობის ჩადენის?", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს საინფორმაციო ბროშურას: „რა უნდა ვიცოდეთ პოლიციასთან კონტაქტის დროს". ბროშურაში ყურადღება გამახვილებულია: „ადმინისტრაციული დაკავებისას, ნარკოლოგიური შემოწმებისას, პოლიციის მიერ პრევენციული უფლებამოსილებით სარგებლობისას, მოწმედ დაბარებისას, ქმედებების ადრესატისათვის კანონმდებლობით მინიჭებულ უფლებებზე, რომელთა ცოდნაც განსაკუთრებით მნიშვნელოვანია იმ ვითარებაში, როდესაც შესაბამისი ორგანოს თანამშრომელი არ ასრულებს კანონისმიერ ვალდებულებას და ქმედების ობიექტს უფლებებსა და განსახორციელებელი ღონისძიების საფუძველს არ განუმარტავს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. გენდერული საინფორმაციო პორტალი გაეროს ქალთა ორგანიზაციის ახალ კამპანიაზე ინფორმაციას ავრცელებს. „ქალთა მიმართ ძალადობის წინააღმდეგ ახალი კამპანია დაიწყო. „ჩვენ ყველანი ქალები ვართ" #weareallwomen - ასე ქვია ახალ ვიდეო რგოლს, რომლის მთავარი იდეაც იყო ძალადობის იმ ფორმაზე ცნობიერების ამაღლება, რაც საზოგადოებაში ხშირად ხდება. ... ის ყველა მოძალადეს შეახსენებს სიცოცხლის საწყისს, რომელიც სწორედ ქალის სხეულშია", ნათქვამია გენდერული საინფორმაციო პორტალის ვებ-გვერდზე. სრულად... წყარო: ginsc.net