შიდა ქართლი. გორის მესამე საჯარო სკოლის სამოქალაქო კლუბის „მედიატორის" წევრებმა ადგილობრივი ერთ–ერთი მრავალშვილიანი ოჯახის დასახმარებლად გამართეს საქველმოქმედო აქცია ინიციატივის –  „ხელი–ხელს" – ფარგლებში. საქველმოქმედო აქცია სკოლაში 3 კვირის მანძილზე მიმდინარეობდა. ინიციატივის „ხელი-ხელს" ფარგლებში განხორციელებული შემოწირულობის შეგროვებაში პედაგოგებთან და მოსწავლეებთან ერთად აქტიური მონაწილეობა მიიღეს მშობლებმაც. სამოქალაქო კლუბის წევრების თქმით, აქცია ერთჯერადი არ იქნება და ამ ოჯახზე დახმარება შემდგომშიც   გაგრძელდება. სამოქალაქო კლუბის წევრები და მასწავლებლები და მოსწავლეები ეწვივნენ სოციალურად დაუცველ ოჯახს და გადასცეს  აქციის ფარგლებში შეგროვილი საჩუქრები.  

აჭარა. 10 დეკემბერს, ადამიანის უფლებათა დაცვის საერთაშორისო დღესთან დაკავშირებით ხელვაჩაურის მუნიციპალიტეტის ახალგაზრდობის  ცენტრის ორგანიზებით ჩატარდა სემინარი ახალგაზრდებისათვის.  მოწვეულები იყვნენ   „სამოქალაქო საზოგადოების ინსტიტუტის ბათუმის ფილიალის" წარმომადგენლები.   შეხვედრაზე განიხილეს  ადამიანის უფლებათა დეკლარაცია, ადამიანის ძირითადი უფლებები და თავისუფლებები. შეხვედრის მეორე ნაწილი კი დაეთმო  მოხალისეობის თემატიკას და მოხალისეთა როლს ადამიანის უფლებათა დაცვის სფეროში. ყველა მონაწილეს გადაეცა სერტიფიკატები. 

იმერეთი. 10 დეკემბერს, ადამიანის უფლებების საერთაშორისო დღესთან დაკავშირებით ქუთაისის ახალგაზრდული ცენტრის წევრებისათვის ჩატარდა ტრენინგ-სემინარი თემაზე „ადამიანის უფლებები’’. ტრენინგ-კურსის მუშაობას უძღვებოდა საქართველოს სახალხო დამცველის რწმუნებული დასავლეთ საქართველოში, მადონა ბასილაძე.  ტრენინგზე მონაწილეება განიხილეს ისეთი თემები, როგორიცაა ადამიანის უფლებები მსოფლიოს სხვადასხვა ქვეყანაში, ადამიანის უფლებათა ევოლუცია/თაობები, ადამიანის უფლებათა სამართლებრივი დაცვა, ადამიანის უფლებათა დაცვის უზრუნველყოფა, ადამიანის უფლებათა საყოველთაო დელკარაცია და ა.შ.  სრულად წყარო: ორგანიზაციის გვერდი სოციალურ ქსელში

იმერეთი. სოფელ ფერსათის #1 საჯარო სკოლის სამოქალაქო  კლუბის ინიციატივითა  და ქუთაისის განათლების განვითარების და დასაქმების ცენტრის მხარდაჭერით სასწავლო ვიზიტი მოეწყო თბილისში, საქართველოს მთავარ პროკურატურაში. ფერსათისა და ქუთაისის წარმატებული სამოქალაქო კლუბის წევრები, პედაგოგები, საქართველოს მთავარ პროკურორს, არჩილ კბილაშვილს შეხვდნენ.  შეხვედრაზე ისაუბრეს პროკურატურის სტრუქტურასა და  ფუნქციებზე, დემოკრატიულ ფასეულობეზე, უდანაშაულობის პრეზუმციაზე . კლუბის წევრებმა პროკურორს სამოქალაქო განათლების და პედაგოგთა გადამზადების პროგრამის მნიშვნელობა და დანიშნულება გააცნეს.  სრულად წყარო: civics.ge

შიდა ქართლი. სურამის I და III საჯარო სკოლის სამოქალაქო კლუბებმა ჩაატარეს ერთობლივი დასუფთავების აქცია – ,,დავასუფთავოთ ქუჩები საარჩევნო პლაკატებისაგან''.  კლუბის წევრებმა, მას შემდეგ, რაც ხაშურის გამგებლისგან მიიღეს წერილობით ნებართვა დასუფთავების აქციის ჩასატარებლად,  ითანამშრომლეს ერთმანეთთან და ერთობლივად დაგეგმეს საარჩევნო პლაკატებისგან გაეწმიდათ სურამის ქუჩები. მოსწავლეები სურამის ცენტრში შეიკრიბნენ  2 საათზე და საკუთარი ძალებით განახორციელეს ინიციატივა.  დასუფთავების აქცია გაგრძელდა 3 საათი - დასუფთავებულ იქნა დ.აღმაშენებლის ქუჩის დიდი ნაწილი და სურამის ცენტრალური პარკის მიმდებარე ტერიტორია. კლუბის წევრების  ამ აქციის ფარგლებში წარმატებული თანამშრომლობის საფუძველზე დამეგობრდნენ და   იმედს გამოთქვამენ, რომ მსგავსი ერთობლივი აქტივობები კვლავაც გაგრძელდება და სისტემატიურ სახეს მიიღებს. 

თბილისი. „საერთაშორისო გამჭვირვალობა – საქართველო" და „ელსა თბილისი" იწვევს ყველა დაინტერესებულ სტუდენტს შეხვედრაზე, სადაც ორგანიზაცია სტუდენტებს გააცნობს საქართველოში კორუფციის კუთხით მისი საქმიანობის ძირითად მიგნებებს და წარუდგენს თავის სტუდენტურ პროექტს, რომელშიც ჩართვა ყველა დაინტერესებულ სტუდენტს შეუძლია. შეხვედრა გაიმართება თბილისის სახელმწიფო უნივერსიტეტში ანტიკორუფციულ კვირეულის ფარგლებში.  შეხვედრას საპატიო სტუმრის სტატუსით დაესწრება და ისაუბრებს იურისტი თამარ გურჩიანი. სრულად წყარო: ორგანიზაციის გვერდი სოციალურ ქსელში

აჭარა. მშვიდობის, დემოკრატიის და განვითარების კავკასიური ინსტიტუტის ორგანიზებით 1 დეკემბერს გაიმართა სტუდენტური დებატები თემაზე: დეცენტრალიზაცია საქართველოში. დებატებში გამარჯვება მოიპოვა ბათუმის შოთა რუსთაველის სახელმწიფო უნივერსიტეტის გუნდმა. დებატები გაიმართა პროექტის: სამოქალაქო საზოგადოება განვითარებისთვის: დეცენტრალიზაცია და მონაწილეობა საქართველოში - ფარგლებში, ნიდერლანდების საგარეო საქმეთა სამინისტროს ფინანსური მხარდაჭერით. სრულად წყარო: participate.ge

სამცხე–ჯავახეთი. 30 ნოემბერს ახალციხის ახალგაზრდული ცენტრის თანამშრომლები „სამოქალაქო ინიციატივებისა და ღონისძიებების ყუთის" დანერგვის მიზნით შეხვდნენ ახალციხის მუნიციპალიტეტის სოფელი ურაველის საჯარო სკოლის სამოქალაქო განათლების პედაგოგებს და სამოქალაქო კლუბის წევრებს. მათ გადაეცათ „სამოქალაქო ინიციატივებისა და ღონისძიებების ყუთი" სადაც 2 კვირის განმავლობაში მოსწავლეები ჩაყრიან წლიური სამოქმედო გეგმის იდეებს. ხოლო 2 კვირის შემდეგ გაიხსნება ყუთი, დაიგეგმება ახალგაზრდული ცენტრისა და სამოქალაქო კლუბების წლიური სამოქმედო გეგმა, გაფორმდება მემორანდუმი სამოქალაქო კლუბის წევრებსა და ახალციხის ახალგაზრდულ ცენტრს შორის. წინა დღეებში, ახალციხის ახალგაზრდული ცენტრის წარმომადგენლებმა ახალციხის მუნიციპალიტეტის რამდენიმე სკოლაში მიტანილი „სამოქალაქო ინიციატივებისა და ღონისძიებების ყუთი" გახსნეს და მათში მოთავსებული ღონისძიებები და ინიციატივები განიხილეს. ყუთში მოთავსებული ღონისძიებების ჩამონათვალი გადანაწილდა 2013 წელზე თვეების მიხედვით,  შემუშავდა სამოქმედო გეგმა და   გაფორმდა მემორანდუმი სამოქალაქო კლუბის წევრებსა და ახალციხის ახალგაზრდულ ცენტრს შორის. 

იმერეთი. ახაგაზრდული ასოციაცია „დრონი" იწვევს ახალგაზრდებს საქართველოდან მონაწილეობა მიიღონ სამუზეუმო სფეროსთან დაკავშირებულ მასტერ კლასში. მასტერ კლასის ფარგლებში ჩატარდება 10 დღიანი ვორქშოფი ქალაქ ქუთაისში ხელოვნების თემაზე. მგზავრობა, კვება, საცხოვრებელის ხარჯი დაფარული იქნება ორგანიზატორების მიერ, რუსული ენის ცოდნა სავალდებულოა. აპლიკაციების გაგზავბის ბოლო ვადაა 5 დეკემბერი. სრულად წყარო: ორგანიზაციის გვერდი სოციალურ ქსელში

სამცხე–ჯავახეთი. 28 ნოემბერს ახალციხის ახალგაზრდულმა ცენტრმა სოციალურ მედიაში რამდენიმე თვის წინ გამოცხადებული კონკურსის მონაწილეთა ნამუშევრების პრეზენტაცია გამართა და შედეგები შეაჯამა. ბლოგის და თემების პრეზენტაცია გაიმართა  ახალციხის მუნიციპალიტეტის საკრებულოს სხდომათა დარბაზში. თემების განხილვის დასრულების შემდეგ კომპეტენტურმა ჟიურიმ გამარჯვებულები გამოავლინა. მათ ფასიანი საჩუქრები გადაეცათ. ახალციხის ახალგაზრდულმა ცენტრმა პირველ, მეორე, მესამე ადგილზე გასული თემების ავტორები დასაჩუქრა მეხსიერების დისკებით,  ახალციხის მუნიციპალიტეტის საკრებულოს თავჯდომარემ პირველი ადგილის მფლობელ კონკურსანტს სამახსოვროდ წიგნი „მეცნიერების ენციკლოპედია" ინტერნეტი გადასცა. ასევე ყველა მონაწილეს სერთიფიკატები გადაეცა, ხოლო მოსწავლეების მიერ შექმნილი ჩანახატები გამოიფინება ახალციხის ახალგაზრდულ ცენტრში.

სამცხე–ჯავახეთი. ორგანიზაცია ახალციხის ახალგაზრდულმა ცენტრმა სამოქალაქო კლუბებისთვის მცირე გრანტების კონკურსი გამოაცხადა. განაცხადების წარდგენის ბოლო ვადად 2013 წლის 8 იანვარი განისაზღვრა. მცირე გრანტების საკონკურსო თემებია:  ბიზნეს სექტორის ჩართვა ახალგაზრდებისათვის მნიშვნელოვანი პრობლემების მოგვარებაში; ახალგაზრდების მედიასთან თანამშრომლობა: სკოლის თუ თემის პრობლემების მოგვარება ადგილობრივ ხელისუფლებასთან თანამშრომლობით; მოსწავლეთა თვითმმართველობის და/ან სასკოლო სამოქალაქო კლუბების გაძლიერება; ადამიანთა უფლებების დაცვა;  კანონის უზენაესობის ხელშეწყობა და სხვ. სკოლის წარმომადგენლებს შეუძლიათ მიიღონ კონსულტაციები ახალგაზრდულ ცენტრში მცირე გრანტების განაცხადების შემუშავებასთან დაკავშირებით.

აჭარა. 29 ნოემბერს, ბათუმის დემოკრატიული ჩართულობის ცენტრში, გაეროს მოსახლეობის ფონდის ორგანიზებით მოეწყო ახალგაზრდების ეროვნული ფორუმი. იგი მიზნად ისახავდა ახალგაზრდების მსჯელობას მათ უფლებებსა და არსებულ გამოწვევებზე, ასევე  რიგი რეკომენდაციების შემუშავებას დასმული პრობლემების გადასაჭრელად. ფორუმის ორგანიზატორების ინფორმაციით აღნიშნული რეკომენდაციები საერთაშორისო ახალგაზრდულ კონგრესზე გაიგზავნება და განიხილება. ახალგაზრდული  ეროვნული ფორუმი პარალელურად საქართველოს სხვადასხვა ქალაქებშიც მინდინარეობდა, ფორუმის მონაწილეები პერიოდულად  ერთანეთს ე.წ Skype call–ით ერთვებოდნენ.

გურია. 20 ნოემბერს „ახალგაზრდა პედაგოგთა კავშირის" ბაზაზე არსებულ ახალგაზდული ცენტრის წევრებმა ბავშვთა ძალადობის წინააღმდეგ მიძღვნილი დღე აქციით აღნიშნეს. აქციის მონაწილეები ახალგაზრდა პედაგოგთა კავშირის საპრეზენტაციო დარბაზში შეიკრიბნენ, სადაც თავიანთ სკოლებში დაზადებული ბანერები ერთ დიდი ტრანსფარანტად გააერთიანეს. ამასთანავე, მოისმინეს მცირე სემინარი ბავშვების ძალადობისგან დაცვის აუცილებლობის და ამ დღის მნიშვნელობის შესახებ. ახალგაზრდა პედაგოგთა კავშირიდან მოეწყო ორგანიზებული მსვლელობა ოზურგეთის ქუჩებში. მსვლელობა ჭადრების ბაღში დასრულდა, სადაც მოაწყვეს ბავშვთა უფლებებთან დაკავშირებული, „ლიდერთა სკოლის" მიერ მომზადებული ანიმაციური რგოლების ჩვენება. პარკში შეკრების შემდეგ,  მოხალისეები ახალგაზრდა პედაგოგთა კავშირის საპრეზენტაციო დარბაზში დაბრუნდნენ, სადაც მათთვის გაიმართა მხატვრული ფილმის: „უკანასკნელი გაკვეთილის" ჩვენება და განხილვა. აქციაში  მონაწილეობა მიიღო ოზურგეთის მუნიციპალიტეტის 15-მდე სკოლამ. ახალგაზრდული ცენტრი ახალგაზრდა პედაგოგთა კავშირის ბაზაზე ფუნქციონირებს  პროგრამის  „ეროვნული ინტეგრაციის გაძლიერება საქართველოში"  ფარგლებში, რომელიც დაფინანსებულია აშშ-ის საერთაშორისო განვითარების სააგენტოს (USAID) მიერ და განმახორციელებლი ორგანიზაციაა საქართველოს გაეროს ასოციაცია.

სამცხე–ჯავახეთი. ,,სამოქალაქო განათლებისა და პედაგოგთა გადამზადების პროგრამის" ფარგლებში 24  ნოემბერს, დაბა ბაკურიანის საჯარო სკოლაში სოციალური მედიის შესახებ ტრენინგი ჩატარდა. ტრენინგს ბაკურიანის საჯარო სკოლის აქტიური მოსწავლეები ესწრებოდნენ. ტრენინგზე მოსწავლეები გაეცნენ სოციალური მედიის პრინციპებს, მიიღეს ინფორმაცია, რაც მათ დაეხმარებათ პროფესიის არჩევისას, ასევე საკუთარი მოსაზრებებისა და შეხედულების გასავრცელებლად. მოსწავლეები შეძენილ ცოდნას გაუზიარებენ თანატოლებს თავიანთ სკოლებში.   ტრენინგზე მოსწავლეებმა შექმნეს ბლოგები თემებზე: ახალგაზრდა ომბუდსმენი  (ადამიანის უფლებათა დამცველი); ახალგაზრდა მოხალისე;  მოქალაქე ჟურნალისტი; ჯანსაღი ცხოვრების ადვოკატი; ბუნების დამცველი. პროგრამის – „სოციალური მედიის განვითარება რეგიონულ დონეზე" – ერთ–ერთი უმნიშვნელოვანესი კომპონენტია სოციალური მედიის შესახებ ცოდნისა და უნარ-ჩვევების განვითარება მოსწავლეთა, მასწავლებელთა და სხვა დაინტერესებულ პირთა შორის. პროგრამას ახალციხის ახალგაზრდული ცენტრი ახორციელებს.

გურია. 16 ნოემბერს „ახალგაზრდა პედაგოგთა კავშირის" ბაზაზე არსებულ ახალგაზდული ცენტრის წევრებმა ტოლერანტობის საერთაშორისო დღისადმი მიძღვნილი, საინფორმაციო სემინარები ჩაატარეს. სემინარის მთავარი მიზანი იყო მეტ ახალგაზრდას მიეღო ინფორმაცია ტოლერანტობის  არსისა და მნიშნელობის შესახებ. აღსანიშნავია, ის გარემოება, რომ ახალგაზრდული ცენტრის მოხალისეებმა თავად გაუკეთეს ორგანიზება საინფორმაციო შეხვედრების მომზადებისა და ჩატარების პროცესს. თემის უკეთ გასააზრებლად, სემინარის განმავლობაში ჩატარდა  რამდენიმე  ინტერაქტიური სავარჯიშო და სპეციალური ტესტის მეშვეობით გამოვლინენ ყველაზე ტოლერანტი მონაწილეები, რომლებსაც გადაეცათ  ტოლერანტობის დღისადმი მიძღვნილი სიმბოლური საჩუქრები. საინფორმაციო სემინარი ერთდროულად ჩატარდა  ოზურგეთის მუნიციპალიტეტის სხვადასხვა საჯარო სკოლაში და ახალგაზრდა პედაგოგთა კავშირის საპრეზენტაციო დარბაზში, სემინარს ახალგაზრდული ცენტრსი მოხალისე მოზარდები უძღვებოდნენ. ახალგაზრდული ცენტრი ახალგაზრდა პედაგოგთა კავშირის ბაზაზე ფუნქციონირებს  პროგრამის – „ეროვნული ინტეგრაციის გაძლიერება საქართველოში" – ფარგლებში, რომელიც დაფინანსებულია აშშ-ს საერთაშორისო განვითარების სააგენტოს (USAID) მიერ და განმახორციელებლი ორგანიზაციაა საქართველოს გაეროს ასოციაცია.

ქვემო ქართლი. 20 ნოემბერს მარტყოფის #2 საჯარო სკოლაში სამოქალაქო განათლებისა და პედაგოგთა  გადამზადების პროგრამის ფარგლებში განახორციელდა მცირე საგრანტო პროექტის „ჯანსაღი ცხოვრება" - პირველი აქტივობა. მარტყოფის #1 და #2 საჯარო სკოლების სამოქალაქო კლუბების წევრებს ჩაუტარდა ტრენინგი თემაზე - „ჯანსაღი ცხოვრების წესი”, რომელსაც ესწრებოდა  34 მოსწავლე სასკოლო სამოქალაქო კლუბებიდან.  ტრენინგზე, მონაწილეებმა მიიღეს  ინფორმაცია ალკოჰოლის, თამბაქოს და ნარკოტიკული ნივთიერებების მოხმარების მავნებლობის შესახებ. ტრენინგს ასევე დაესწრო ქვემო ქართლში „სამოქალაქო განათლებისა და პედაგოგთა გადამზადების პროგრამის" პარტნიორი ორგანიზაციის სიქა-საგანმანათლებლო ინიციატივების ქართული ასოციაციის  წარმომადგენლები, რომლებმაც სამოქალაქო კლუბების წევრებს მიაწოდეს ინფორმაცია ქვემო ქართლის რეგიონში პროგრამის ფარგლებში მიმდინარე აქტივობებისა და დაგეგმილი ღონისძიებების შესახებ. სრულად წყარო: civics.ge

იმერეთი. 21 ნოემბერს, ქუთაისის #32 საჯარო სკოლის სამოქალაქო კლუბის „ახალი ტალღის" ინიციატივით და სკოლის თვითმმართველობასთან თანამშრომლობით ჩატარდა  კონკურსი სახელწოდებით „ჩვენ ვსწავლობთ ბიბლიას" კონკურსში მონაწილეობდა 20 მოსწავლე, რომელთაგანაც შექმნილი იყო 4 კაციანი ჯგუფები. კონკურსი შედგებოდა 3 ტურისაგან. თითოეულ ტურში დასმული იყო 5 კითხვა და მათზე სწორი პასუხის შემთხვევაში გუნდები ხვდებოდნენ შემდეგ ტურში. ყოველი ტურის კითხვები თანდათანობით რთულდებოდა. გამარჯვებულ გუნდს საჩუქრად გადაეცა ბიბლია. კონკურსში მონაწილე მოსწავლეები დაჯილდოვდნენ სიგელებითა და ხატებით. ვიქტორინა „ჩვენ ვსწალობთ ბიბლიას" სამოქალაქო განათლებისა და პედაგოგთა გადამზადების პროგრამის" ფარგლებში ჩატარდა.   სრულად წყარო: kedec.ge

გურია. 22 ნოემბერს ლანჩხუთის მუნიციპალიტეტის სოფელ ჩიბათის საჯარო სკოლის სამოქალაქო კლუბის წევრები ლანჩხუთის საკრებულოს ეწვივნენ და თავმჯდომარეს ბატონ ზვიად აფხაზავას შეხვდენენ. შეხვედრაზე კლუბის ახალ წევრებს თავმჯდომარემ საკრებულო საქმიანობა გააცნო და ასევე ესაუბრა საქართველოში მიმდინარე დემოკრატიული  პროცესების მნიშვნელობაზე. შეხვედრის ყველაზე საინტერესო და ძალზე მნიშვნელოვანი ნაწილი იყო აქტივობა-თამაში, რომლის ინიციატორი საკრებულო იყო. აქტივობაში მონაწილეობას იღებდა კლუბის 19 წევრი და მასპინძელი. თამაშს ასეთი სტრუქტურა ჰქონდა: მონაწილეებს დაურიგდა პატარა ფურცლები, რომლებზეც საზოგადოებრივი გაერთიანებების დასახელებები ეწერა. მაგ: ცხოველთა დაცვის საზოგადოება, გარემოს დამცველი ორგანიაზციები და ა.შ. 30 ასეთი პატარა ფურცლისგან კლუბის წევრებს უნდა აერჩიათ, მათი აზრით, ყველაზე მნიშვნელოვანი. ბავშვების არჩევანი იყო თავისუფალი მედია, თავისუფალი სასამართლო, სამართლიანი არჩევნები და კანონის უზენაესობა. დასასრულს თითოეული მიმართულების შესახებ პრეზენტაცია თავად მასპინძელმა გააკეთა და უფრო ძირფესვიანად განუმარტა კლუბის წევრებს აღნიშნული დაწესებულებების მნიშვნელობა. ვიზიტი განხორციელდა სამოქალაქო განათლებისა და პედაგოგთა გადამზადების პროგრამის ფარგლებში, რომელსაც ახორციელებს PH International ამერიკის საერთაშორისო განვითარების სააგენტოს დაფინანსებით. გურიაში პროგრამის პარტნიორია გურიის ახალგაზრდული რესურსცენტრი. 

სამეგრელო. 25 ნოემბერს ქუთაისის ახალგაზრდული ცენტრის 13 წევრმა ასოციაცია „მშვიდობიანი და საქმიანი კავკასიის" მიწვევით მონაწილეობა მიიღო ნაციონალური სამზარეულოს ფესტივალში. რომელიც ჩატარდა სოფელ ხურჩაში. ფესტივალზე წარმოდგენილი იყო ქართველების, აფხაზების, ოსების, აზერბაიჯანლების, სომხების, ბერძნების, თურქების, რუსების, უკრაინელების, ებრაელების, ტრადიციული ნაციონალური სამზარეულო.  ფესტივალის მიზანს წარმოადგენდა ეროვნული სამზარეულოს  მრავალფეროვნების  და სარგებლიანობის   შესწავლა/დემონსტრირება,  რაციონალური კვების  შესახებ  ცოდნის და გამოცდილების გაზიარება.      ახალგაზრდული ცენტრის წევრებმა ფესტივალზე  რეცეპტები ჩაიწერეს, რომელსაც სამომავლოდ  კრებულის სახით გამოსცემენ. სრულად წყარო: kedec.ge

გურია. 20 ნოემბერს სამოქალაქო განათლებისა და პედაგოგთა გადამზადების პროგრამის ფარგლებში მოსწავლეებმა ოზურგეთის, ლანჩხუთისა და ჩოხატაურის სამოქალაქო კლუბებიდან სტუმრად მოიწვიეს ფსიქოლოგი თამარ აბაშმაძე.  შეხვედრის ძირითადი თემა განსაკუთრებული საჭიროების მქონე ბავშვები და მათი საზოგადოებაში ინტეგრაცია იყო. მოსწავლეები დაინტერესდნენ, თუ როგორ უნდა იურთიერთონ განსაკუთრებული საჭიროების მქონე ადამიანებთან, რათა მათ თავი განსხვავებულად არ იგრძნონ, რამდენად არის დღეს საზოგადოება ფსიქოლოგიურად და მენტალურად მზად შეზღუდული შესაძლებლობის მქონე ადამიანების მისაღებად, თუკი არ არიან მზად, რა არის ამის მიზეზი და როგორია გამოსავალი. ხშირია შემთხვევები, როცა შეზღუდული შესაძლებლობის მქონე ადამიანები თავად განიცდიან დისკომფორტს და აქვთ საზოგადოებაში გამოჩენის კომპლექსი. რა იწვევს ამას? შეხვედრას ასევე ესწრებოდნენ ოზურგეთის მუნიციპალიტეტის სოფელ ლიხაურის საჯარო სკოლის სამოქალაქო კლუბის წევრები, რომელთათვის ამ შეხვედრაში მონაწილეობა ორმაგად სასარგებლო იყო. მათ წელს მცირე გრანტების კომპონენტის ფარგლებში პროექტი დაუფინანსდათ, რომელიც განსაკუთრებული საჭიროების მქონე ბავშვების საზოგადოებაში ინტეგრაციას ითვალისწინებს. სტუმარი დაპირდა მათ ჩართულობას პროექტის განხორციელების პროცესში.  ღონისძიება განხორციელდა სამოქალაქო განათლებისა და პედაგოგთა გადამზადების პროგრამის ფარგლებში, რომელსაც ახორციელებს PH International ამერიკის საერთაშორისო განვითარების სააგენტოს დაფინანსებით. გურიაში პროგრამის პარტნიორია გურიის ახალგაზრდული რესურსცენტრი. 

თბილისი. ევროკავშირის წარმომადგენლობამ საქართველოში, სამწუთიანი ფილმების ფესტივალისთვის ნამუშევრების წარდგენის ვადას ახანგრძლივებს. კონკურსში მონაწილეობის მსურველებს ნამუშევრების წარდგენა შეუძლიათ 30 ნოემბრის 17:00 საათამდე. სამწუთიანი ფილმების ფესტივალი ევროკავშირის საქართველოს წარმომადგენლობის ახალი ინიციატივა, რომლის საშუალებითაც ევროკავშირი სთავაზობს 14–25 წლამდე ქართველ ახალგაზრდებს მობილური ტელეფონის საშუალებით გადაიღონ სამწუთიანი ფილმები და თავად ასახონ საქართველო–ევროკავშირის თანამშრომლობის შედეგები. მონაწილეობის მსურველებს კონკურსის წესების გაცნობა შეუძლიათ ვებგვერდზე www.eu3min.ge. სრულად წყარო: eeas.europa.eu/delegations/georgia

შიდა ქართლი. 17-18 ნოემბერს გორში, „სამოქალაქო განათლებისა და პედაგოგთა პროგრამის" ფარგლებში დემოკრატიული ჩართულობის  ცენტრში გაიმართა ტრენინგი სოციალური მედიის შესახებ. მასში მონაწილეობა მიიღო სამოქალაქო კლუბების 10 მოსწავლემ. ტრენინგზე მონაწილეებს აუხსნეს განასხვავება სოციალურ და ტრადიციულ მედიას შორის, გააცნეს ურნალისტიკის პრინციპები, ასწავლეს ბლოგის მართვა, განიხილეს ინტერნეტის ფუნქციონირების ძირითადი პრინციპები და ასევე სოციალური მედიის არხების ფუნქციონირების პრინციპები.  ტრენინგი გაიმართა „სამოქალაქო განათლებისა და პედაგოგთა გადამზადების პროგრამის” დახმარებით.