აჭარა. ბათუმის დემოკრატიული ჩართულობის ცენტრში, საინიციატივო ჯგუფმა - „BATUMI REPRESENTS" – გამართა კონფერენცია თემაზე - ახალგაზრდები და ნარკოდამოკიდებულება. შეხვედრაზე ასევე ისაუბრეს ფსიქოტროპული პრეპარატების მიღება-გავრცელების პრობლემაზეც. როგორც, კონფერენციის ორგანიზატორები განაცხადეს მსურველებს, ფსიქოტროფიულ პრეპარატებზე, აფთიაქებში შეზღუდვისა და ექიმის დანიშნულების გარეშე მიუწვდებათ ხელი. ერთ-ერთმა მომხსენებელმა აჭარის ჯანმრთელობისა და სოციალური დაცვის მინისტრის მოადგილემ, ლევან გორგილაძემ, დასმული პრობლემის გადასაწყვეტად ახალგაზრდებთან ერთად, სამინისტროს მხრიდან ქმედითი ნაბიჯების გადადგმის პირობა დადო. შეხვედრას ესწრებოდნენ სტუდენტები,მოსწავლეები, საზოგადოებრივი ორგანიზაციების და მედიის წარმომადგენლები. ასევე, ჯანდაცვის სამინისტროს წარმომადგენლები და ახალგაზრდა ხელოვანები, რომლებმაც შეხვედრის ბოლოს დამსწრე საზოგადოებას თანამედროვე პოეტების ლექსები წაუკითხეს და საკუთარი შემოქმედების, კერძოდ თექის ნამუშევრების გამოფინეს.

სამეგრელო. ფოთში, საქველმოქმედო ჰუმანიტარული ცენტრი „აფხაზეთის" პროექტის - „ახალგაზრდების სამოქალაქო პარტნიორობის ინიციატივა" - ფარგლებში, #7 საჯარო სკოლის ბაზაზე კინოკლუბი ჩამოყალიბდა. კინოკლუბის გახსნის ღონისძიება 18 იანვარს გაიმართა და მას ადგილობრივი ხელისუფლების, მედიის წარმომადგენლები და სხვა სტუმრები ესწრებოდნენ. კინოკლუბის პრეზენტაციის შემდეგ გაიმართა პირველი ქართული დოკუმენტური ფილმის „აკაკის მოგზაურობა რაჭა–ლეჩხუმში" – ჩვენება. მისი დასრულების შემდგომ მოსწავლეებსა კინომცოდნეებს შორის გაიმართა ფილმის განხილვა. ჰუმანიტარული ფონდი „აფხაზეთის" პროექტის ფინანსური მხარდამჭერია ფონდი „ღია საზოგადოება – საქართველო". წყარო: ორგანიზაციის გვერდი სოციალურ ქსელში

შიდა ქართლი. საზოგადოება „ბილიკმა" პროექტის – „ჩემს თავზე საუბარი" – შედეგების პრეზენტაცია გამართა. მოეწყო პროექტის ფარგლებში გადაღებული ფოტოების გამოფენა და ფილმების ჩვენება. პროექტში, რომელიც „ღია საზოგადოების ფონდის” ფინანსური მხარდაჭერით განხორციელდა ჩართულნი იყვნენ ქართველი, აზერბაიჯანელი, სომეხი და ჩეჩენი მოზარდები. პროექტი მიზნად ისახავდა მედია კლუბების ჩამოყალიბებას, რომლის წევრებიც შეძლებდნენ საკუთარი აზრის თავისუფლად გამოხატვას, სხვადასხვა აქტივობებში ჩართვას, დებატების და დისკუსიების გამართვას საზოგადოებისთვის მნიშვნელოვან საკითხებზე და პუბლიკაციების მომზადებას მედიასაშუალებებისთვის. პროექტის ფარგლებში ჟურნალისტიკის სტუდიის სხვადსხვა ტრენინგ–კურსი გაირა 100–მდე მოზარდმა, რომლებმაც შეისწავლეს საგაზეთო ჟურნალისტიკა, ფოტოგრაფია და მცირეფორმატიანი ფილმების წარმოება. მოეწყო 2 საზაფხულო მედიაბანაკი დაბა ურეკში, რომელშიც ჩართული იყო 80–მდე მოზარდი. გაიმართა 3 ფოტოგამოფენა. პროექტი 2 წლის მანძილზე – 2011 წლის 1 იანვრიდან 2012 წლის 31 დეკემბრამდე ხორციელდებოდა.

გურია.ახალგაზრდა პედაგოგთა კავშირის ბაზაზე არსებული ახალგაზრდული ცენტრის წევრების ინიციატივით, ორგანიზაციის  საპრეზენტაციო დარბაზში,  სხვადასხვა კულტურისათვის დამახასიათებელი კერძებისა და ხელნაკეთი, საახალწლო აქსესუარების საქველმოქმედო გამოფენა – გაყიდვა გაიმართა. აქციაში წარმოდგენილი იყო სხვადასხვა ქვეყნებისა და საქართველოს ტრადიციული კერძები.  აქსესუარებიდან გამოირჩეოდა ახალგაზრდების მიერ დამზადებული, საახალწლო აპლიკაციებით გაფორმებული ბალიშები, მაგიდის საფრები და ნაძვის ხის სათამაშოები. ღონისძიებაში მონაწილეობა მიიღო ექვსი თემის ეთნიკური უმცირესობის წარმომადგენელმა. აქციას მხარი აქტიურად დაუჭირეს ნარუჯის, ლაითურისა და ნასაკირალის საჯარო სკოლებმა. ღონისძიების მიზანი ანასეულში არსებული ხანდაზმულთა სახლის ბინადრების დახმარება იყო, შესაბამისად შემოსული თანხა მათ ანგარიშზე გადაირიცხება.

თბილისი. კულტურულ ურთიერთობათა ცენტრი – კავკასიური სახლი კავკასიოლოგიური სახალხო უნივერსიტეტის ფარგლებში აცხადებს  ახალგაზრდების მიღებას. აღნიშნულის ფარგლებში მსმენელბი გაეცნობიან და მიიღებენ განათლებას კავკასიის ხალხთა ისტორიის, კულტურის, ეკონომიკის, დემოგრაფიის, ეკოლოგიის, პოლიტოლოგიის სფეროებში. სტუდენტები ასევე მიიღებენ ობიექტურ ინფორმაციას კავკასიის რეგიონში მიმდინარე საზოგადოებრივ– პოლლიტიკური პროცესების შესახებ. აღნიშნული ხორციელდება კავკასიური სახლის პროექტის – „კავკასია ჩვენი საერთო სახლია – პოლიტიკური სკოლა მშვიდობიანი კავკასიისათვის" – ფარგლებში, რომელსაც ფინანსურ მხარდაჭერას უწევს ევროპული ფონდი HORIZON". სრულად წყარო – ორგანიზაციის გვერდი სოციალურ ქსელში

თბილისი. 26–27 იანვარს თავისუფალ უნივერსიტეტში ჩატარდება „საქართველოს ჩემპიონატი კარლ–პოპერის ფორმატის დებატებში მოსწავლეებს შორის". პროექტში მონაწილეობის მიღება შეუძლიათ საქართველოში არსებული ყველა სკოლის მოსწავლეს. მონაწილეობის მსურველებმა უნდა შევსონ აპლიკაცია, შესაძლებელია გუნდური და ინდივიდუალური მონაწილეობა. შერჩეულ მონაწილეებს ჩაუტარდებათ ტრენინგები. ჩემპიონატის მენეჯმენტს ახორციელებს თავისუფალი დებატების ლიგის საორგანიზაციო ჯგუფი, რომლის პარტნიორია საქართველოს ახალგაზრდული პარლამენტი. სრულად წყარო: ორგანიზაციის გვერდი სოციალურ ქსელში

თბილისი. თავისუფლების კლუბი ზამთრის სკოლაში იწვევს ახალგაზრდებს. ზამთრის სკოლა გაიმართება ბაზალეთის ტრენინგ ცენტრში 18–24 იანვარს და ახალგაზრდებს საშუალება ექნებათ მოისმინონ ლექსიცები და სემინარები ისეთ თემებზე როგორიცაა – დემოკრატია, პოლიტიკური და პიროვნული თავისუფლება. ასევე რეგულაციების და თავისუფალი ბაზარის, ანტიმონოპოლიური კანონმდებლობის, ეკონომიკური თავისუფლებისა და ეკონომიკური ზრდის, თავისუფალი ვაჭრობის შეთანხმებების, ჩრდილო ატლანტიკური ალიანსის და სხვა მრავალი თემის შესახებ დეტალური ინფორმაცია წყარო: clubofliberty.org

შიდა ქართლი. საზოგადოება „ბილიკსა" და გორის მუნიციპალიტეტს შორის, „სამოქალაქო განათლებისა და პედაგოგთა გადამზადების პროგრამის" ფარგლებში მემორანდუმი გაფორმდა. ბილიკის წარმომადგენლის თქმით აღნიშნული თანამშრომლობა ხელს შეუწყობს შიდა ქართლში ახალგაზრდებს შორის სამოქალაქო ცოდნის ამაღლებას, მათ გააქტიურებას და დემოკრატიული საზოგადოების მშენებლობის პროცესში მონაწილეობას.  შეხვედრას ესწრებოდნენ გორის მუნიციპალიტეტის საკრებულოს, პრესსამსახურის, ადგილობრივის მედიის და არასამთავრობო სექტორის წარმომადგენლები, პროგრამის პარტნიორის სკოლების დირექტორები, სამოქალაქო განათლების პედაგოგები და მოსწავლეები.  წყარო: civic.ge

აჭარა. 26 დეკემბერს, ბათუმის ევროპის მოედანზე, ახალგაზრდულმა ორგანიზაცია „Art Way" პროექტის „რე–ანიმაციას” ფარგლებში  მორიგი ღონისძიება – „ქუჩის სახალისო შეჯიბრი" გამართა. აღნიშნული შეჯიბრი ჩატარდა სპორტის სხვადასხვა მიმართულებით: ბოულინგი, დარცი, ბილიკის გავლა და სხვა. აქტივობა მიზნად ისახავდა უსინათლოთა მიმართ მორალური მხარდაჭერის გამოხატვას. ასევე; საზოგადოებისთვის ერთგვარი მესიჯის გაგზავნას, რათა სპორტულ ღონისძიებებში უსინათლოთა ჩართვას დაუჭირონ მხარი. შეჯიბრში მონაწილეობას იღებდნენ „Art Way” კლუბის წევრები და ღონისძიებით სპონტანურად დაინტერესებული პირები. პროექტი დაფინანსებულია აღმოსავლეთ–დასავლეთ მართვის ინსტიტუტის მიერ.

სამცხე–ჯავახეთი. 25 დეკემბერს,  ორგანიზაცია „დემოკრატ მესხთა კავშირმა" პროექტის – „ნდობის მშენებლობა სამხრეთ კავკასიაში" – ფარგლებში გამოცხადებული ვიდეო კონკურსის შედეგები შეაჯამა და გამარჯვებულები გამოავლინა. პირველი ადგილზე გასულ  შოთა ნარიმანიშვილს საჩუქრად ციფრული ფოტოაპარატი, ხოლო  მეორე ადგილზე გასულ ნანა მიქელაძეს  და ნინო ავეტისიანს MP3 ფლეიერები გადასცეს. მესამე ადგილზე გასული მარი წიკლაური მეხსიერების ბარათით დაასაჩუქრეს. ახალციხის პირველი საჯარო სკოლის მოსწავლეებმა, რომლებმაც ერთობლივად გადაიღეს ვიდეო-რგოლი, საჩუქრად ენციკლოპედია მიიღეს. ვიდეო კონკურსი თემაზე „მე და საზოგადოება", 10 დეკემბერს გამოცხადდა. ვიდეო-რგოლის წარდგენის ბოლო ვადა 25 დეკემბრამდე იყო. მასში მონაწილეობის მიღება 15-დან 25 წლამდე ახალგაზრდებს შეეძლოთ. მათ 2-დან 5 წუთამდე ხანგრძლივობის ვიდეო-რგოლი უნდა გადაეღოთ.

სამცხე–ჯავახეთი. 21 დეკემბერს, ადიგენის მუნიციპალიტეტის ვარხანის  საჯარო სკოლის სამოქალაქო კლუბი „ზრუნვა", მცირე გრანტის განხორციელების პროცესში,  ამავე სოფლის  თემის რწმუნებულს შეხვდა. შეხვედრა სამოქალაქო განათლებისა და პედაგოგთა გადამზადების პროგრამის ფარგლებში დაიგეგმა.  შეხვედრის მიზანი იყო პროექტის ფარგლებში მოსახლეობის გამოკითხვის შედეგად გამოვლენილი  პრობლემების რწმუნებულისთვის გაცნობა და მათი გადაჭრის გზების ძიება. კლუბის წევრების მიერ გამოიკითხა 100 ოჯახი. სოფლის მთავარ პრობლემად  დასახელდა სასმელი წყლის მიწოდების  და შიდა გზების, ასევე სოფლის სასაფლაოს ღობის გამაგრების საკითხები.  გადაწყდა, რომ სასმელი წყლისა და შიდა გზების პრობლემის შესახებ კლუბის წევრები მოამზადებენ წერილს, რომელიც განსახილველად გადაეცემა ადიგენის თვითმმართველობას სამოქმედო გეგმაში გასათვალისწინებლად. სოფლის რწმუნებულმა აღნიშნა, რომ წამოჭრილ საკითხზე ითანამშრომლებს ახალგაზრდებთან და ერთობლივი ძალებით მოახერხებენ მის მოგვარებას.

აჭარა. 20 დეკემბერს, ბათუმის პრესკაფეში, ასოციაციამ „თავისუფალ ჟურნალისტთა სახლმა" გამართა დისკუსია თემაზე - „თვითმმართველოსის საქმიანობაში ახალგაზრდობის ჩართვის მექანიზმის ზრდის შესაძლებლობები". დისკუსია გაიმართა, დემოკრატიის და განვიტარების კავკასიური ინსტიტუტის(თბილისი) და სოციალურ კვლევათა ინსტიტუტის (ჰააგა) მიერ, ნიდერლანდების საგარეო საქმეთა სამინისტროს სოციალური გარაქმნის პროგრამის(მატრა) ფარგლებში.

თბილისი. 51–ე  საჯარო სკოლაში „ახალი თაობა – ახალი ინიციატივაის" ორგანიზებით სასწავლო პროგრამის „არჩევნები მოსწავლეთათვის" პრაქტიკული ღონისძიება გაიმართა. პროგრამაში მონაწილეობა 29 მოსწავლემ მიიღო. მათ გაკვეთილზე  ყველა ის დავალება შეასრულეს, რაც პროგრამის თეორიულ ნაწილში  იყო გათვალისწინებული, იმუშავეს ჯგუფებში და წარმოდგენეს როლური თამაში „არჩევნების დღე". გაკვეთილების დასრულების შემდეგ მასწავლებლებმა და მოსწავლეებმა პროგრამასთან მიმართებაში შეიმუშავეს რეკომენდაციები, რომელსაც გაითვალისწინებენ სასწავლო კურიკულუმში. სასწავლო პროგრამა იქმნება ევროპის კავშირის მიერ დაფინანსებული პროექტის – „ამომრჩეველთა ცნობიერების ამაღლება აღმოსავლეთ პარტნიორების ქვეყნებში" ფარგლებში  და ხორციელდება ევროპის საბჭოს  მიერ. პროექტის მიზანია, არჩენვების თემა სრულყოფილად იქნეს გათვალისწინებული სამოქალაქო განათლების სწავლების კურიკულუმში, რომელიც გახდება სამოქალაქო განათლების სწავლების ერთ–ერთი სავალდებულო კომპონენტი.  სასწავლო პროგრამის შექმნაზე ერთობლივად მუშაობენ საქართველოს, მოლდოვეთის, უკრაინის, სომხეთის, აზერბაიჯანის ცენტრალური საარჩევნო კომისიის, განათლების სამინისტროს, სადამკვირვებლო ორგანიზაციებისა და სამოქალაქო განათლების სწავლების ექსპერტები.  წყარო: ორგანიზაციის გვერდი სოციალურ ქსელში

იმერეთი.20 დეკემბერს ქუთაისის ახალგაზრდული ცენტრის წევრები საქართველოს ენერგეტიკისა და წყალმომარაგების მარეგულირებელ ეროვნულ კომისიამ სტუმრობდნენ სასწავლო ვიზიტის ფარგლებში.  ახალგაზრდები გაეცნენ საქართველოს ენერგეტიკისა და წყალმომარაგების მარეგულირებელი ეროვნული კომისიის მუშაობას და სპეციფიკას. მათ საშუალება ჰქონდა სემეკის ხელმძღვანელებისგან გაეგოთ ენერგეტიკის, გაზისა და წყალმომარაგების სექტორების რეგულირების საკითხები, დაესვათ კითხვები. სასწავლო ვიზიტი შედგა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

აჭარა. 19 დეკემბერს, ბათუმის დემოკრატიული ჩართულობის ცენტრში, ბათუმის განათლების განვითარების და დასაქმების ცენტრმა გამართა საასკოლო, სამოქალაქო კლუბების პრეზენტაცია. სადაც სკოლებმა თავიანთი სამოქალაქო კლუბის მუშაობის ამსახველი ვიდეო მასლა წარმოადგინეს, ასევე დამსწრე საზოგადოებას თვიანთი კლუბის სამომავლო სამოქმედო გეგმები გააცნეს. აღნიშნული შეხვედრის მთავარ მიზანს სკოლების, პედაგოგების, მოსწავლეების და  კლუბის წევრების  დაახლოება, გამოცდილების ერთმანეთისთვის გაზიარება წარმოადგენდა. შეხვედრას კლუბის წევრებთან ერთად ადგილობრივი საზოგადოებრივი ორგანიზაციების წარმომადგენლებიც დაესწრნენ.

სამცხე–ჯავახეთი. 18 დეკემბერს,  პროექტ ,,ეროვნული ინტეგრაციის გაძლიერება საქართველოში" ფარგლებში, ადიგენის მუნიციპალიტეტის სოფელ არალის საჯარო სკოლაში  საგანმანათლებლო ფილმის ჩვენება მოეწყო. ფილმის ჩვენების შემდეგ მონაწილეებს შორის დისკუსია გაიმართა. პროექტს ,,ეროვნული ინტეგრაციის გაძლიერება საქართველოში" საზოგადოებრივი ორგანიზაცია ,,დემოკრატ მესხთა კავშირი" ახორციელებს.

აჭარა. 18 დეკემბერს, ბათუმის დემოკრატიული ჩართულობის ცენტრში, ორგანიზაცია „კავკასიონის" და ბათუმის მე-10 საჯარო სკოლის „ლიტერატურული კლუბის" ორგანიზებით გაიმართა „ლიტერატურული მარათონი". მასშიც მონაწილეობდნენ ბათუმის სხვადასხვა სკოლის მოსწავლეები. სსიპ ქალაქ ბათუმის #10 საჯარო სკოლის „ლიტერატურულმა კლუბმა" სასკოლო კლუბების ხელშეწყობის მიზნობრივი პროგრამით აჭარის განათლების, კულტურისა და სპორტის სამინისტროსგან ორჯერ მიიღო დაფინანსება. აღნიშნული გრანტის ფარგლებში კლუბი ატარებს ლიტერატურულ კონკურსებს, მარათონებს, აწყობს ქართული და უცხოური მწერლების შემოქმედების განხილვას. „ლიტერატურული მარათონის" გამარჯვებული გუნდის წევრები წიგნებითა და დიპლომებეით დაჯილდოვდნენ.

შიდა ქართლი. 13 დეკემბერს საზოგადოება „ბილიკს" ესტუმრნენ საქართველოს ახალგაზრდა ინტელექტუალთა გაერთიანების „ლაზარეს" და ,,თავისუფლების კლუბის" წარმომადგენლები. ისინი შეხვდნენ გორისა და გორის რაიონების სამოქალაქო კლუბების წევრებსა და ლიდერებს. შეხვედრას ესწრებოდა 40–მდე ბავშვი. შეხვედრის თემატიკა მრავალფეროვანი იყო. სტუმრებმა ისაუბრეს იმ ფუნქციებზე, რომელიც ადამიანს აკისრია და რომელთა შესრულება ზოგჯერ არც სავალდებულოა და არც სასიამოვნო. ყველაზე მნიშვნელოვანი, რაც ამ შეხვედრამ ბავშვებს მისცა – დაფიქრდნენ სამომავლო გეგმებზე.  შეხვედრამ მონაწილეების აზრით, ნაყოფიერად ჩაიარა და შეთანხმდნენ რომ მომავალშიც გაგრძელდება შეხვედრები.

სამცხე–ჯავახეთი. საზოგადოებრივმა ორგანიზაციამ ,,დემოკრატ მესხთა კავშირმა" პროექტის – ,,ნდობის მშენებლობა სამხრეთ კავკასიაში" – ფარგლებში გამოაცხადა ვიდეო კონკურსი თემაზე – ,,მე და საზოგადოება". კონკურსში მონაწილეობა შეუძლიათ 15–25 წლის ახალგაზრდებს. ვიდეო რგოლის ხანგრძლივობა 2–5 წუთი უნდა იყოს. გადაღება შესაძლებელია სამოყვარულო კამერით, ან მობილური ტელეფონით, მნიშვნელოვანი იქნება ვიდეო რგოლის შინაარსი და არა მისი გადაღების ხარისხი. ნამუშევარი არ უნდა იყოს საზოგადოების რომელიმე ჯგუფისადმი დისკრიმინაციული ან შეურაცხმყოფელი ხასიათის მატარებელი. ახალგაზრდებმა თავიანთი ნამუშევრები უნდა მიაწოდონ ,,დემოკრატ მესხთა კავშირის" ოფისს ელექტრონული სახით.  ვიდეო რგოლების მიღების ბოლო ვადაა 2012 წლის 20 დეკემბერი.

ქვემო ქართლი. საგანმანათლებლო ინიციატივების ქართულმა ასოციაციის (სიქა) პარტნიორობითა და თბილისის სახელმწიფო უნივერსიტეტის სტუდენტური თვითმმართველობის განათლებისა და მეცნიერების დეპარტამენტის ორგანიზებით მოეწყო საპარლამანეტო ფორმატის დებატების ტურნირი. 250-მდე მსურველიდან ტურნირისთვის შეირჩა 48 მონაწილე. ტურნირამდე სიქას გუნდმა ორდღიანი ტრენინგები ჩააატა, რომლის ფარგლებშიც მონაწილეები გაეცნენ საპარლამენტო სტილის დებატის სტრუქტურას, წესებს, მიიღეს თეორიული და პრაქტიკული ცოდნა. გადამზადებული სტუდენტებს შორის კი მოეწყო ორდღიანი ტურნირი. თამაშებს სიქას კვალიფიციური მსაჯები აფასებდნენ. გამოვლინდა პირველ, მეორე ადგილზე გასული გუნდები და დასახელდა 5 საუკეთესო მომხსენებელი. წყარო: ორგანიზაციის გვერდი სოციალურ ქსელში

გურია. სამოქალაქო განათლებისა და პედაგოგთა გადამზადების პროგრამის ფარგლებში გურიის ახალგაზრდული რესურსცენტრისა და ამავე პროგრამის 20 მიზნობრივი სკოლის სამოქალაქო კლუბებისა და საინიციატივო ჯგუფების ინიციატივით ჩატარდა ესსეების კონკურსი თემაზე „პატრიოტიზმი და კოსმოპოლიტიზმი". შემოსული ესსეები კომპეტენტურმა ჟიურიმ შეაფასა და გამოავლინა სამი ფინალისტი. 2012 წლის 12 დეკემბერს ოზურგეთის დემოკრატიული ჩართულობის ცენტრში ჩატარდა დისკუსია ამავე თემაზე – „პატრიოტიზმი და კოსმოპოლიტიზმი". დისკუსიაში მონაწილეობდნენ სამოქალაქო განათლების პედაგოგები, მოწვეული სტუმრები და მიზნობრივი სკოლების სამოქალაქო კლუბებისა და საინიციატივო ჯგუფების წევრები. შეხვედრა ძალიან საინტერესო გარემოში წარმიმართა, მონაწილეებმა იმსჯელეს პატრიოტიზმისა და კოსმოპოლიტიზმის მნიშვნელობასა და ურთიერთკავშირზე. შეხვედრის მეორე ნაწილში გაიმართა ესსეების კონკურსში გამარჯვებული ფინალისტების დაჯილდოვება. შეხვედრის დასასრულს კი მონაწილე საინიციატივო ჯგუფებმა და სამოქალაქო კლუბებმა ერთმანეთს გაუზიარეს ინფორმაცია მიმდინარე სასწავლო წელს განხორციელებული ინიციატივების შესახებ. ღონისძიებას სულ 60 ადამიანი ესწრებოდა. სამოქალაქო განათლებისა და პედაგოგთა გადამზადების პროგრამა ხორციელდება PH International-ის მიერ ამერიკის საერთაშორისო განვითარების სააგენტოს დაფინანსებით. გურიაში პროგრამის პარტიორია გურიის ახალგაზრდული რესურსცენტრი. გურიის რეგიონში პროექტში 33 სკოლაა ჩართული.

თბილისი. საქართველოს ახალგაზრდა იურისტთა ასოციაციის მიერ დაფუძნებულმა იურიდიული განათლების ხელშეწყობის ფონდმა ტრადიციულად,  საქართველოს საკონსტიტუციო სასამართლოში, გამართა ოლიმპიადა  სახელწოდებით: „ახალგაზრდა იურისტები კონსტიტუციური  უფლებებისათვის". ოლიმპიადა ბოლო 6 წლის განმავლობაში ყოველწლიურად იმართება. წელს მასში მონაწილეობა მიიღო– თბილისის სახელმწიფო უნივერსიტეტისა და საქართველოს უნივერსიტეტის   საბაკალავრო პროგრამის მე-2, მე-3 და მე- 4 კურსისი სტუდენტების 8 გუნდმა. ოლიმპიადას ხელმძღვანელობდა ჟიური, რომლის  შემადგენლობაშიც შედიოდნენ: საკონსტიტუციო სასამართლოს წევრები, დარგის სპეციალისტები, პროფესორ-მასწავლებლები და მოსამართლე გერმანიიდან. დახურვის ღონისძიებაზე გამოცხადდა გამარჯვებული გუნდი, საუკეთესო მოსარჩელე, საუკეთესო მოპასუხე ,  საკონსტიტუციო სასამართლოს რჩეული, იურიდიული განათლების ხელშეწყობის ფონდის  რჩეული და ჟიურის სიმპათია  .ფინანსურმა მხარდამჭერმა ორგანიზაციამ "IRZ” დაასახელა საუკეთესო მოთამაშე, რომელსაც გადაეცა მათ მიერ დაწესებული მთავარი პრიზი. წყარო: gyla.ge