სამეგრელო. ზუგდიდის მუნიციპალიტეტის ხუთი სკოლის სამოქალაქო კლუბის წევრებმა დაარიგეს სიღარიბესთან ბრძოლის საერთაშორისო დღისადმი მიძღვნილი ბუკლეტები. აქტივობა „სამოქალაქო განათლებისა და პედაგოგთა გადამზადების პროგრამის" ფარგლებში განხორციელდა. პროგრამას ასოციაცია "ათინათი" ახორციელებს.  ამავე პროგრამის ფარგლებში, ანაკლიაში, ზუგდიდის საჯარო სკოლის მოსწავლეებმა  საქართველოს ძიუდოისტთა ახალგაზრდულ ნაკრებთან მოაწყვეს შეხვედრა. შეხვედრაში 30–ზე მეტი მოსწავლე მონაწილეობდა. ახალგაზრდებმა აღნიშნეს, რომ მსგავსი ღონისძიებები ხელს შეუწყობს ჯანსაღი ცხოვრების წესის პოპულარიზაციას. 

აჭარა. 17 ოქტომბერს, ბათუმის დემოკრატიული ჩართულობის ცენრტში, ახალგაზრდულმა ასოციაცია „დრონმა" გამართა შეხვედრა თემაზე – „მოხალისეობა და მოგზაურობა, რატომაც არა?!". შეხვედრას ესწრებოდნენ შოთა რუსთაველის სახელმწიფო უნივერსიტეტის სტუდენტები და ადგილობრივი მოხალისეთა კლუბი _,,ბათუსის"  წევრები. შეხვედრა მიზნად ისახავდა პროექტის „შევინახოთ მბრუნავი დედამიწა" მონაწილე მოხალისეების მხრიდან გამოცდილების გაზიარებას ადგილობრივი მოხალისეებისათვის. დისკუსია თავისუფალ რეჟიმში მიმდინარეობდა და  ყველას შეეძლო თავისი აზრის დაფიქსირება.

სამცხე–ჯავახეთი. სიღარიბის დაძლევის საერთაშორისო დღეს ორგანიზაცია ,,ახალციხის ახალგაზრდული ცენტრი" ახალგაზრდული ფესტივალით გამოეხმაურა. ფესტივალს წინ უძღოდა პროექტი, რომელშიც  რეგიონის 66 სკოლის სამოქალაქო კლუბი ჩაერთო და რომლის შედეგებიც ფესტივალზე შეჯამდა.  ფესტივალი დევიზით „ერთად ვებრძოლოთ სიღარიბეს" ახალციხის ცენტრალურ პარკში დაიწყო, სამოქალაქო კლუბის წევრებმა მოსახლეობას სოციალურ თემატიკაზე შექმნილი ბუკლეტები გადასცეს, რომელსაც საფუძვლად ედო მათ მიერ შეგროვებული ინფორმაცია  სხვადასხვა თემში არსებული სოციალური ფონის შესახებ.  ღონისძიება ახალციხის მუნიციპალიტეტის საკონფერენციო დარბაზში გაგრძელდა. ფესტივალზე მიწვეულები იყვნენ არასამთავრობო ორგანიზაციები, მოსწავლეები, მათი მშობლები  და წარმომადგენლები სოციალური მომსახურების სააგენტოდან.  დასასრულს გაიმართა სამოქალაქო კლუბის წევრების მიერ სიღარიბის თემაზე შექმნილი ფოტო და ვიდეო მასალების პრეზენტაცია. დააჯილდოვეს ვიდეო რგოლების ავტორები, იმსჯელეს ქვეყანაში განხორციელებულ სოციალურ პროგრამებზე და სიღარიბის დაძლევის გზებზე.

იმერეთი. ქუთაისის განათლების, განვითარებისა და დასაქმების ცენტრი ახორციელებს ლევან მიქელაძის ფონდის მიერ დაფინანსებულ პროექტს „ახალგაზრდული ინიციატივები", რომლის ფარგლებშიც ხორციელდება პროექტი „ახალგაზრდა მწერლები". პროექტის მთავარი მიზანია ნიჭიერი ახალგაზრდების გამოვლენა და მათი შემოქმედების საზოგადოებისათვის გაცნობა.  პროექტის ფარგლებში მიმდინარეობს ნაშრომების მიღება 2012 წლის 12 ნოემბრამდე შემდეგ ელ-ფოსტის მისამართზე: young.writter2yahoo.com

სამცხე–ჯავახეთი. 15 ოქტომბერს სამოქალაქო განათლებისა და პედაგოგთა გადამზადების პროგრამის ფარგლებში,  პროექტში ჩართული სამცხე-ჯავახეთის საჯარო სკოლის მოსწავლეებისათვის, ორგანიზაცია ახალციხის ახალგაზრდულმა ცენტრმა სოციალური მედიის საკითხებზე კონკურსი გამოაცხადა. კონკურსის თემაა: „სოციალური მედიის დადებითი და უარყოფითი მხარეები". საკონკურსო მოთხოვნების გათვალისწინებით დაინტერესებულ პირებს მოეთხოვებათ შექმნან ბლოგები ან უკვე შექმნილ ბლოგებზე გამოაქვეყნონ ინფორმაცია, ჩანახატი, ფოტო, სადაც სოციალური მედიის დადებითი და უარყოფითი მხარეები  იქნება წარმოჩენილი.   საკონკურსო ნამუშევრების წარდგენის ბოლო დღეა 23 ოქტომბერი.

სამცხე–ჯავახეთი. ახალციხეში მოქმედი არასამთავრობო ორგანიზაცია ,,სამყარო" სკოლის მოსწავლეებისთვის და სტუდენტებისთვის  ტაივანის მთავრობის მიერ დაფინანსებულ ექვსთვიან პროექტს იწყებს. პროექტის მიზანია ახალგაზრდების აქტიური ჩართვა გარემოსდაცვით საკითხებში.  ბუნებრივი რესურსების რაციონალური გამოყენება, ნარჩენების მეორადი გადამუშავება,  კომპოსტირება და დახარისხება – ეს ის საკითხებია, რომელზედაც პირველ ეტაპზე ახალგაზრდები ტრენინგებს გაივლიან.  გარემოსდაცვითი კავშირი ,,სამყაროს" დირექტორის ნანა ზუბაშვილის განმარტებით, შემდგომ ეტაპზე ეს ახალგაზრდები თვითონ გახდებიან მენტორები და გარემოსდაცვით საკითხებზე  ჩაუტარებენ სწავლებას უმცროსკლასელებს. პროექტის დასასრულს მოეწყობა ნამუშევრების გამოფენა და კონკურსი საუკეთესო ლოგოს – არ დაანაგვიანო – გამოსავლენად. ეს წარწერა განთავსდება 500 ჩანთაზე,  რომელიც სპეციალურად შეიკერება და საბავშვო ბაღის აღსაზრდელებს საჩუქრად გადაეცემა. 

თბილისი. 25 სექტემბრიდან 3 ოქტომბრის ჩათვლის სიქა-ს პარტნიორობით ჰოლანდიურმა ორგანიზაციამ თბილისში პროგრამა „Youth in Action" ფარგლებში ორგანიზება გაუკეთა ტრენინგკურსს თემაზე: „ევროპული იდენტობა და დემოკრატია".  პროექტში მონაწილეობდნენ 4 ქვეყნის 35 ახალგაზრდა, მათ შორის 8 ქართველი. პროექტის მონაწილეების საერთაშორისო დამკვირვებლების სტატუსით აკვირდებოდნენ არჩევნების პროცესს თბილისის სხვადასხვა უბნებში. სრულად  წყარო: ორგანიზაციის გვერდი სოციალურ ქსელში

შიდა ქართლი. 10 და  11  ოქტომბერს საზოგადოება „ბილიკში", „სამოქალაქო განათლებისა და პედაგოგთა გადამზადების პროგრამის" ფარგლებში გორის და გორის მუნიციპალიტეტის სკოლის მოსწავლეებისათვის  ჩატარდა ტრენინგი  თემაზე: „ადვოკატირება - სოციალური ცვლილებების საფუძვლები". ტრენინგის პირველი დღე თეორიულ ცოდნას დაეთმო, განიხილეს ადვოკატირების არსი და მიზნები, ეფექტური ადვოკატრების  კამპანია და მისი ეტაპები, პროცესის წარმმართველის სხვადასხვა როლი, ადვოკატირების სახეები, ადვოკატირების შედეგების მართვა და მონიტორინგი. მეორე დღეს მოეწყო ჯგუფური მუშაობა - მონაწილეებმა აირჩიეს მათთვის აქტუალური პრობლემა და იმსჯელეს მისი გადაწყვეტის გზებზე. ჯგუფური მუშაობის შემდგომ გააკეთეს პრეზენტაციები, თუ როგორ დაგეგმავდნენ არჩეული პრობლემების მოსაგვარებლად ადვოკატორების პროცესს. მონაწილეებმა გამოთქვეს სურვილი  მსგავს თემაზე ტრენინგები ჩაატარონ უშუალოდ სასკოლო კლუბებში და თანატოლთა განათლების მიზნით სხვა მოსწავლეებსაც მიაწოდონ ინფორმაცია ადვოკატირების შესახებ. ტრენინგში მონაწილეობა მიიღო სხვადასხვა სკოლის 22 მოზარდმა. უახლოეს პერიოდში იგეგმება ტრენინგის „ადვოკატირება - სოციალური ცვლილებების საფუძველი" ჩატარება ხაშურისა და კასპის მუნიციპალიტეტის საჯარო სკოლების მოსწავლეებისათვის.

აჭარა. 9 ოქტომბერს, ბათუმის სახალხო დამცველის ოფისიში, ახალგაზრდული ასოციაციის ”დრონის” მოხალისეები, რომლებიც საქართველოში ევროპის მოხალისეთა („European Volunteer Service”) პროგრამით ჩამოვიდნენ, ბათუმში მომუშავე ახლგაზრდულ ორგანიზაციებს შეხვდენენ. შეხვედრა გულისხმობდა პროექტის „მოხალისეთა ქარავანის” პრეზენტაციას, რომელიც უკვე მეორე წელია ხორციელდება საქართველოს სხვადასხვა რეგიონში.  „მოხალისეთა ქარავანის" მთავარ მიზანს წარმოადგენს სხვადასხვა რეგიონსა და მუნიციპაიტეტებში მოგზაურობა , ადგილობრივ ორგანიზაციებში და სკოლებში ადამიანისა და ბავშვთა უფლებების მდგომარეობის გაცნობა, ასევე სხვადასხვა აქტივობების მეშვეობით მათი პოპულარიზაცია. ბათუმში მათი პარტნიორია საზოგადოებრივი ორგანიზაცია  „ბორჯღალი”.

იმერეთი.  საქართველოს გაეროს ასოციაცია, აშშ–ს საერთაშორისო განვითარების სააგენტოს მხარდაჭერით, ახორციელებს პროექტს „ეროვნული ინტეგრაციის გაძლიერება საქართველოში".  პროექტის ერთ–ერთ მნიშვნელოვან კომპონენტს წარმოადგენს სამოქალაქო აქტიურობის სტიმულირება ადგილობრივ და ეროვნულ დონეზე საზოგადოებრივი დისკუსიების ინიცირებისა და მოქალაქეების საზოგადოებრივ საქმეში ჩართულობის ხელშეწყობის გზით. ეროვნული ინტეგრაციის გაძლიერების პროექტი მოზარდებისთვის მართავს სხვადასხვა სახის ტრენინგებსა და მიზნობრივ სემინარებს. პროექტის ახალგაზრდული კომპონენტის მიზანია საქართველოს რეგიონებში ახალგაზრდებს შორის სამოქალაქო ცნობიერების ამაღლების გზით დემოკრატიისა და ლიბერალური ღირებულებების მშენებლობის, ქვეყნის მასშტაბით ახალგაზრდული სამოქალაქო ქსელის ჩამოყალიბების ხელშეწყობა და ა.შ. ქუთაისის ახალგაზრდული ცენტრი, პროექტის ფარგლებში, აცხადებს 15–21 წლის ახალგაზრდების შერჩევას. პროექტის ფარგლებში ახალგაზრდებს საშუალება ექნებათ თავად დაგეგმონ და განახორციელონ სხვადასხვა სახის მოხალისეობრივი პროქტები. ასევე პროექტი ითვალისწინებს, სხვადასხვა რეგიონებში მცხოვრები მოზარდების ერთმანეთთან დაკავშირება და დამეგობრება გაცვლითი, რეგიონებს შორისი ერთობლივი პროექტების საშუალებებით. პროგრამის გვერდი

გურია. სასწავლო პროცესის განახლების პარალელურად გურიის ახალგაზრდული რესურსცენტრი აგრძელებს შეხვედრებს გურიის რეგიონში სამოქალაქო განათლებისა და პედაგოგთა გადამზადების პროგრამის ფარგლებში. პროგრამას ახორციელებს  PH International ამერიკის საერთაშორისო განვითარების სააგენტოს დაფინანსებით, გურიის ახალგაზრდული რესურსცენტრთან პარტნიორობით.  სამოქალაქო განათლებისა და პედაგოგთა გადამზადების პროგრამაში ჩართული მოზარდები, არადადეგების შემდგომ, აქტიურად ჩაერთვნენ საკლუბო ცხოვრებაში. 20 სექტემბერს ჩატარდა შეხვედრა ჩოხატაურის მუნიციპალიტეტის, #1 საჯარო სკოლის სამოქალაქო კლუბის წევრებთან. კლუბს წელს რამდენიმე ახალი წევრი შემოუერთდა. შეხვედრაზე ისაუბრეს მიმდინარე სასწავლო წელს განსახორციელებელი ღონისძიებების შესახებ. შემუშავდა ყოველკვირეული შეხვედრების გრაფიკი. კლუბი ამჟამად 20 წევრს აერთიანებს.  ასევე აქტიურობით გამოირჩეოდნენ ჩოხატაურის მუნიციპალიტეტის ჩაისუბნის საჯარო სკოლის მოსწავლეებიც. ამავე დღეს, 20 სექტემბერს გამართულ შეხვედრას  18 წევრი ესწრებოდა. სამომავლო გეგმების შემუშავებისას გამოიკვეთა თემში არსებული რამდენიმე პრობლემა,  რომლის მოსაგვარებლად კლუბი უახლოეს მომავალში აპირებს სტრატეგიის შემუშავებას. საინტერესო შეხვედრა გაიმართა 24 სექტემბერს ოზურგეთის მუნიციპალიტეტის სოფ. ბახვის საჯარო სკოლის სამოქალაქო კლუბის წევრებთან. განახლდა სამოქალაქო კლუბის შემადგენლობა. აირჩიეს ახალი  ლიდერი. მნიშვნელოვანი სიახლეა ისიც, რომ 25 სექტემბერს ოზურგეთის #1 საჯარო სკოლაში სამოქალაქო კლუბის დაარსებაა. კლუბი სამოქალაქო განათლებისა და პედაგოგთა გადამზადების პროგრამის ფარგლებში ამავე სკოლაში მოქმედი საინიცატივო ჯგუფის ბაზაზე დაარსდა.

გურია. 26 სექტემბერს გურიის ახალგაზრდულმა რესურსცენტრმა სამოქალაქო განათლებისა და პედაგოგთა გადამზადების პროგრამის მცირე გრანტების კომპონენტის ფარგლებში გასვლითი საკონსულტაციო შეხვედრა მოაწყო. შეხვედრები გაიმართა ლანჩხუთის მუნიციპალიტეტის სოფელ სუფსისა და ნიგვზიანის საჯარო სკოლებში.  საჯარო სკოლების სამოქალაქო კლუბის წევრი ბავშვები და მხარდამჭერი პედაგოგები გაეცნენ მცირე გრანტების კონკურსის თემატიკასა და მიზნებს. 

სამცხე-ჯავახეთი. 26 სექტემბერს,  ახალციხის ახალგაზრდულ ცენტრს ასპინძის საჯარო სკოლის სამოქალაქო კლუბის წევრები სტუმრობდნენ. კლუბის წევრებმა ახალგაზრდული ცენტრის წარმომადგენლებისაგან მოისმინეს და მიიღეს კონსულტაცია თანადაფინანსების წერილების შედგენის და ბიუჯეტის სწორად დაგეგმვის საკითხებზე.   მსგავს შეხვედრებს ახალგაზრდულ ცენტრში სისტემატური ხასიათი აქვს, რაც სამოქალაქო კლუბებში მოსწავლე ახალგაზრდობის აქტიურ ჩართულობასა და თანამშრომლობას უწყობს ხელს.

იმერეთი. 20 და 21 სექტემბერს სამოქალაქო განათლებისა და პედაგოგთა გადამზადების პროგრამის ფარგლებში მოსწავლეებისათვის ჩატარდა ტრენინგი თემაზე „როგორ ჩავატაროთ სკოლის მოსწავლეთა თვითმმართველობის არჩევნები". ტრენინგში მონაწილეობას იღებდნენ ქუთაისის სამიზნე სკოლების მე-9, მე-10, მე-11 კლასის მოსწავლეები. მონაწილეები გაეცვნენ კანონებს მოსწავლეთა თვითმმართველობის შესახებ, პრაქტიკულად გაიარეს მოსწავლეთა თვითმმართველობის არჩევნებთან დაკავშირებული პროცედურები. ტრენინგში 43 მოსწავლემ მიიღო მონაწილოება. მიღებული გამოცდილებით მოსწავლეები დაგეგმავენ და განახორციელებენ თავიანთ სკოლებში მოსწავლეთა თვითმმართველობის არჩევნების ჩატარებას, რის მონიტორინგსაც ქუთაისის განათლების განვითარების და დასაქმების ცენტრი განახორციელებს. სრულად წყარო: kedec.ge

თბილისი. 20  სექტემბერს ,,კულტურულ ურთიერთობათა ცენტრ - კავკასიურ სახლში" გაიმართა  პროექტის მულტიკულტურული საზაფხულო სკოლის პრეზენტაცია. პრეზენტაციაზე აჩვენეს ბანაკის ცხოვრების ამსახველი ფოტოები და დოკუმენტური ფილმი, ასევე პროექტის ფარგლებში გადაღებული მოკლემეტრაჟიანი მხატვრული ფილმი ბავშვების მონაწილეობით.    მულტიკუტურული საზაფხულო ბანაკი 2012 წლის 8 აგვიტოდან 19 აგვისტოს ჩათვლით ფშავში გაიმართა. მასში  მონაწილეობდნენ: ,,კულტურულ ურთიერთობათა ცენტრ - კავკასიური სახლის" შაბათ-კვირის მრავალეროვანი სკოლის მოსწავლეები და პედაგოგები და სხვა პერსონალი. ბანაკის განმავლობაში მოსწავლეებს უტარდებოდთ სახალისო გაკვეთილები, კინოგადაღება, ისწავლებოდა ქართული და რუსული ენები, იმართებოდა ინტელექტუალური და სპორტული შეჯიბრებები. ჩატარდა ორი ექსკურსია ვაჟა-ფშაველას მუზეუმსა და სოფელ თხილიანაში, ორი ლაშქრობა ზემო კანატიასა და ჩარგალში. პროექტი დააფინანსა ,,ღია საზოგადოება–საქართველომ". სრულად წყარო: ორგანიზაციის გვერდი სოციალურ ქსელში

იმერეთი. 21-23 სექტემბერს გაცვლითი პროგრამის ფარგლებში ქუთაისის განათლების განვითარების და დასაქმების ცენტრში ვიზიტად იმყოფებოდნენ მარნეულის ახალგაზრდული ცენტრის წევრები. ისინი ეწვივნენ შეზღუდული შესაძლებლობების მქონე ბავშვთა დღის ცენტრს და ბავშვებს წიგნები გადასცეს საჩუქრად. ასევე, გაცვლით პროგრამის მონაწილეებისთვის გაიმართა ტრენინგ-კურსი აქტიური მოქალაქეობის და სამოქალაქო ინტერესების დაცვის საკითხებზე, სადაც მონაწილეები მსჯელობდნენ აქტიური მოქალაქეობაზე, ლიდერობაზე, სამოქალაქო ინტერესების დაცვაზე, ახალგაზრდული სამოქალაქო ჩართულობის საკითხებზე და ა.შ.  ვიზიტის ფარგლებში ასევე მოეწყო ფილმის „სიყვარულის სახელით" ჩვენება და განხილვა. ახალგაზრდება იმსჯელეს ინკლუზიური განათლების დანერგვის მნიშვნელობაზე და შშმ პირთა უფლებების დაცვაზე. 23 სექტემბერს ახალგაზრდული ცენტრის წევრებმა ორგანიზება გაუკეთეს აქციას სახელწოდებით „ჩვენ ტოლერანტულები ვართ". გაცვლით პროგრამაში დაგეგმილ აქტივობებში სულ 30 ახალგაზრდამ მიიღო მონაწილეობა.   სრულად წყარო: kedec.ge

აჭარა. 15 სექტემბერს ბათუმში,  აჭარის რეგიონის სასკოლო სამოქალაქო კლუბის წევრებმა აღნიშნეს დემოკრატიის საერთაშორისო დღე.  სამოქალაქო კლუბების წევრებმა ზღვისპირა პარკში  მყოფ მოქალაქეებს  მიულოცეს ეს დღე, ესაუბრნენ დემოკრატიის არსსა და მნიშვნელობაზე, დაურიგეს საინფორმაციო ბროშურები  და  მოუწოდეს მათ აქტიური მოქალაქეობისკენ.    სრულად წყარო: civics.ge

შიდა ქართლი. 21 სექტემბერს, მშვიდობის საერთაშორისო დღესთან დაკავშირებით საზოგადოებრივი ორგანიზაცია „ბილიკის" ორგანიზებით მოეწყობა დისკუსია. 4 საათზე კი დაიწყება მსვლელობა ქუჩებში, სადაც აქციის მონაწილეების მშვიდობის საერთაშორისო დღეს აღნიშნავენ. მსვლელობის პარალელურად საზოგადოება „ბილიკის" დღის ცენტრების და შეზღუდული შესაძლებლობების მქონე პირთა კეთილდღეობის ცენტრის აღსაზრდელები დაიწყებენ ასფალტზე ხატვას მშვიდობის თემაზე, რომლებსაც მსვლელობის მონაწილეებიც შეუერთდებიან. წყარო: ორგანიზაციის გვერდი სოციალურ ქსელში

იმერეთი. 19 სექტემბერს  სამოქალაქო განათლებისა და პედაგოგთა გადამზადების პროგრამის ფარგლებში ქუთაისის 32-ე საჯარო სკოლის სამოქალაქო კლუბის ინიციატივით სკოლის ეზოში დასუფთავების აქცია მოეწყო. აქციაში ჩართული იყვენენ როგორც კლუბის წევრები, ასევე ამავე სკოლის მე-8, მე-9, მე-10, მე-11 კლასის მოსწავლეები და პედაგოგები. სამოქალაქო განათლებისა და პედაგოგთა გადამზადების პროგრამა ხორციელდება ორგანიზაცია PH International-ის მიერ, აშშ საერთაშორისო განვითარების სააგენტოს (USAID) დაფინანსებით. სრულად  წყარო: kedec.ge

იმერეთი.14-16 სექტემბერს პროექტის – „ლიდერთა აკადემია" – ფარგლებში, რომელსაც პოლონური ორგანიზაცია „ფონდი მდგრადი განვითარებისათვის" ახორციელებს ტყიბულის განვითარების ფონდთან, ასოციაცია CENN-თან, „ელკანასთან" და შავი ზღვის ეკო-აკადემიასთან თანამშრომლობით, ჩატარდა  ტრენინგი ლიდერობის უნარ-ჩვევებზე ტყიბულის მუნიციპალიტეტის სოფელ საწირეში. ტრენინგს ესწრებოდნენ  ზემოთ აღნიშნული პროექტის ბენეფიციარები ქედის, ამბროლაურის, ჭიათურის და ტყიბულის მუნიციპალიტეტებიდან.  ტრენინგის მიზანს მონაწილეებისათვის ლიდერობის უნარ-ჩვევების ჩამოყალიბება და განვითარება წარმოადგენდა. ტრენინგის ბოლო ნაწილი დაეთმო საპილოტე პროექტების მონახაზის განხილვას, რომელსაც ბენეფიციარები განახორციელებენ ადგილზე პროექტის „ლიდერთა აკადემია" ფარგლებში. ტრენინგი  ელკანას, CENN, BSEA-დან  და თერჯოლის მოსწავლე ახალგაზრდობის მუნიციპალური ცენტრიდან მოწვეული ექსპერტების მიერ ჩატარდა. პროექტის მომდევნო ეტაპზე შერჩეული მონაწილეები გაემგზავრებიან პოლონეთში სასწავლო ვიზიტით და შეხვდებიან ლიდერებს ადგილობრივ დონეზე. პროექტი „ლიდერთა აკადემია" ხორციელდება პოლონეთის საგარეო საქმეთა სამინისტროს პოლონეთის განვითარების 2012 პროგრამის დაფინანსებით, პროგრამა „დემოკრატიის მხარდაჭერა". წყარო: cenn

გურია. 10-12 სექტემბერს ოზურგეთის ახალგაზრდულ ცენტრს, რომელიც „ახალგაზრდა პედაგოგთა კავშირის" ბაზაზე ფუნქციონირებს, გაცვლითი პროგრამის ფარგლებში ქუთაისის ახალგაზრდული ცენტრის წევრები ესტუმრნენ. გაცვლითი პროგრამა პროექტის –  „ეროვნული ინტეგრაციის გაძლიერება საქართველოში" – ფარგლებში ტარდება. პროექტი დაფინანსებულია აშშ–ს საერთაშორისო განვითარების სააგენტოს მიერ, განმახორციელებელი ორგანიზაციაა – საქართველოს გაეროს ასოციაცია. გაცვლითი პროგრამის მიზანია ახალგაზრდული ცენტრების დამეგობრება, სამომავლო ერთობლივი პროექტების შემუშავება, რეგიონის ტრადიციებისა და კულტურული მემკვიდრეობის ძეგლების გაცნობა. სამდღიანი პროგრამა შეხვედრებისა და დისკუსიების გარდა, ოზურგეთის ღირსშესანიშნავი ძეგლების დათვალიერებასა და მოხალისოებრივ საქმიანობებსაც ითვალისწინებდა. ახალგაზრდებმა მოინახულეს შემოქმედის, ლიხაურისა და აჭის ეკლესია-მონასტრები. ესტუმრნენ ანასეულში მდებარე ხანდაზმულთა სახლს, სადაც, ხანდაზმულებთან ერთად სხვადასხვა საინტერესო აქტივობები განახორციელეს. უახლოეს მომავალში იგეგმება ოზურგეთის ახალგაზრდული ცენტრის წევრების გამგზავრება ქუთაისში.

იმერეთი.13 სექტემბერს, სამოქალაქო გაანთლებისა და პედაგოგთა გადამზადების პროგრამის ფარგლებში, ჟურნალისტური სახელოსნოს შეხვედრა გაიმართა. შეხვედრას ქუთაისის სკოლების მე-9, მე-10, მე-11 კლასის მოსწავლეები ესწრებოდნენ. შეხვედრაზე მოსწავლეებმა ჟურნალისტის დანიშნულებასა და როლზე ისაუბრეს. სრულად წყარო: kedec.ge