თბილისი. პირველი ნაბიჯის კონსულტაციის და თერაპიის ცენტრის მიერ ორგანიზებული ტრენინგი „აუტიზმის სპექტრი და განვითარების სხვა დარღვევები" წარმატებით დაასრულა პირველმა ნაკადმა და სერთიფიკატებიც გადაეცათ. „15 ივნისს მეორე ნაკადთან მუშაობა უკვე დავიწყეთ და მაღალი მოთხოვნიდან გამომდინარე სექტემბრიდან ისევ განახლდება ახალი ჯგუფების გადამზადება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. შეზღუდული შესაძლებლობების მქონე პირთა დაცვის დღესთან დაკავშირებით, საზოგადოებრივი ორგანიზაციები განცხადებას აქვეყნებენ. „2003 წლიდან საქართველოში შეზღუდული შესაძლებლობის მქონე პირთა უფლებების დაცვის დღე 14 ივნისს აღინიშნება. ეს დღე არის სახელმწიფოს ვალდებულებების კიდევ ერთი სიმბოლური გამოხატულება, ეფექტიანად დაიცვას შშმ პირთა უფლებები, გააუმჯობესოს ამ თემის წევრთა სოციალური დაცვის სტანდარტები და ეფექტიანად უზრუნველყოს საზოგადოებიდან მათი გარიყვისა და მარგინალიზაციის პრევენცია", - აღნიშნულია განცხადებაში, - „სახელმწიფოს მიერ ფორმალურ დონეზე გაცხადებული ნება, ცალკეული მიმართულებებით გადადგმული ფრაგმენტული ნაბიჯების გარდა, ძირითადად მხოლოდ ფურცელზე რჩება და შშმ პირთა უფლებრივი მდგომარეობა რეალურად არ იცვლება - ისინი კვლავ დგანან დისკრიმინაციისა და მარგინალიზაციის პრობლემის პირისპირ".   სრულად წყარო: https://emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ოლგა კალინას ბლოგპოსტს: სისტემა, რომლისთვისაც არ არსებობ. „ფსიქიატრიულ საავადმყოფოში სულ 2-3 კვირა ვიყავი ჩაკეტილი, მაგრამ ეს საკმარისი იყო იმისთვის, რომ შოკი მიმეღო. უცებ აღმოვაჩინე, რომ 21-ე საუკუნეში თურმე არსებობს ისეთი ადგილი, სადაც ადამიანის პიროვნებას, ნებას, უფლებებს სრულად აიგნორებენ და სადაც შენი მდგომარეობის გაპროტესტება ნიშნავს კიდევ უფრო მეტ შეზღუდვებს და ინექციებს, იმ ლოგიკით, რომ ფსიქიკურად ავადმყოფი ყოველთვის აპროტესტებს, რომ ის ფსიქიკურად ავადმყოფია და ექიმმა ყოველთვის უკეთ იცის რა გჭირდება შენ. როცა უკან დავბრუნდი და გადამიყვანეს ამბულატორიულ მომსახურებაზე, ამბულატორიაშიც ჩემი მკურნალი ექიმი კარგ პროგნოზებს არ აკეთებდა, დედაჩემთან საუბრობდა, რადგან სავარაუდოდ ფიქრობდა, რომ ჩემთან საუბარი არ ღირდა", ამბობს ოლგა. სრულად...  წყარო: emc.org.ge

თბილისი. პარტნიორობა ადამიანის უფლებებისთვის (PHR) მიხედვით, ფსიქიატრიულ დაწესებულებაში ადამიანის უკანონო მოთავსების გამო საავადმყოფოს 5000 ლარის გადახდა დაეკისრა. „2017 წლის ოქტომბერში, მარიანა მანველიანი თავის სახლში, საკუთარი ოთახიდან გამოსვლისას მოულოდნელად რამდენიმე პოლიციელისა და სასწრაფო სამედიცინო დახმარების ექიმის წინაშე აღმოჩნდა. მათ, მარიანა დედის გამოძახების საფუძველზე, ფსიქიატრიულ საავადმყოფოში არანებაყოფლობითი სტაციონარული ფსიქიატრიული დახმარების გაწევის მიზნით გადაიყვანეს. მარიანას გადაყვანა ისე განხორციელდა, რომ საპატრულო პოლიციასა და სასწრაფო სამედიცინო დახმარების ექიმს არ მოუსმენიათ მარიანას ახსნა-განმარტება ოჯახში შექმნილ მდგომარეობასთან დაკავშირებით", ნათქვამია ორგანიზაციის ვებგვერდზე.  სრულად... წყარო: phrgeorgia.wordpress.com

თბილისი. 10 ივნისიდან, ევროკავშირის ფინანსური მხარდაჭერით მიმდინარე პროექტის „წყალი სიღარიბის აღმოსაფხვრელად" ფარგლებში, რომელსაც CENN ახორციელებს, WaSH-თან (წყალი, სანიტარია და ჰიგიენა) დაკავშირებული ტრენინგების ციკლი დაიწყო. „ტრენინგის ფარგლებში მონაწილეები ადამიანის უფლებების ჭრილში WaSH საკითხებსა და საგრანტო განაცხადების მომზადებასა და პროექტების მართვის შესახებ ცოდნასა და უნარებს ეუფლებიან. სწავლების დასრულების შემდეგ, გამოცხადდება საგრანტო კონკურსი, სადაც სამიზნე მუნიციპალიტეტების წარმომადგენლები შეძლებენ მონაწილეობის მიღებას", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 9 ივნისს, ბათუმში, სავაჭრო ცენტრ „ბათუმი მოლში" „თავისუფალ ჟურნალისტთა სახლის" ორგანიზებით, გაიმართა საინფორმაციო კამპანია სურსათის ეტიკეტირების თემაზე. „ევროკლუბის მოხალისეებთან ერთად მოქალაქეებს მივაწოდეთ ინფორმაცია სურსათის ეტიკეტირების ახალი რეგულაციების შესახებ. საინფორმაციო კამპანიის მიზანი იყო მოსახლეობის ცნობიერების ამაღლება ასოცირების ხელშეკრულებით ნაკისრი ვალდებულებების შესრულების პროცესზე", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. „თბილისის ადამიანის უფლებათა სახლი" აქვეყნებს Elli Foundation-ის დამფუძნებლის, ნინო გოგოტიშვილის მოსაზრებას ბავშვთა უსაფრთხო მგზავრობის შესახებ. „საგზაო-სატრანსპორტო შემთხვევების შედეგად მსოფლიოში ყოველწლიურად, საშუალოდ, 1.24 მილიონი ადამიანი იღუპება. საქართველოში აღნიშნული მაჩვენებელი საკმაოდ მაღალია და თითქმის ორჯერ აღემატება ევროკავშირის ყველა ქვეყნის სიკვდილიანობის საშუალო სტატისტიკას.[1] სწორედ ამიტომ, სხვადასხვა ქვეყნები შეიმუშავებენ სისტემურ სტრატეგიას, აუმჯობესებენ კანონმდებლობას, რაც შესაძლებელს ხდის, რომ საგზაო შემთხვევების დროს არსებული სიკვდილიანობის მაჩვენებელი მნიშვნელოვნად შემცირდეს", - ვკითხულობთ „თბილისის ადამიანის უფლებათა სახლის" მიერ გავრცელებულ ინფორმაციაში. სრულად  წყარო: ორგანიზაციის ვებგვერდი

თბილისი. „ინფორმაციის თავისუფლების განვითარების ინსტიტუტი" (IDFI) ავტომანქანების ტექდათვალიერებასთან დაკავშირებით არსებულ მონაცემებს ეხმიანება. „იქიდან გამომდინარე, რომ ტექნიკური ინსპექტირების ერთ-ერთი მთავარი მიზანი გარემოზე მავნე ზემოქმედების შემცირებაა, მნიშვნელოვანია ვიცოდეთ, ავტოსატრანსპორტო საშუალებები, რომლებიც ვერ გადიან ინსპექტირებას, წარმოადგენენ თუ არა გარემოსათვის საფრთხეს. ხარვეზის დადგენის საფუძვლის არ აღრიცხვა პრინციპულად ეწინააღმდეგება ტექნიკური ინპექტირების მიზანს გარემოზე მავნე ზეგავლენის შემცირების კუთხით, რადგან ვერ ხდება იდენტიფიცირება თუ რა პრობლემის გამო ვერ გადიან ავტომობილები ტექნიკურ ინსპექტირებას, როგორც პირველი, ასევე განმეორებითი ინსპექტირების შემთხვევაში. შესაბამისად, ვერ მოხდება შეფასება, რამდენად აისახება ტექნიკური ინსპექტირების ვალდებულება ჰარის დაბინძურებაზე და გამოიწვევს თუ არა ეს პროცესი გამუჯობესებას გარემოს დაცვის მიმართულებით", - აღნიშნულია IDFI-ის მიერ მომზადებულ ანალიზში. სრულად  წყარო: ორგანიზაციის ვებგვერდი

სამეგრელო. ასოციაცია „ათინათის" პროგრამის „გენდერული თანასწორობისთვის" ფარგლებში, ფოთისა და ზუგდიდის 10 პარტნიორ საჯარო სკოლაში, ახალგაზრდა თანატოლგანმანათლებლები ატარებენ ტრენინგებს გენდერული თანასწორობისა და რეპროდუქციული ჯანმრთელობის თემაზე. სრულად... წყარო: ორგანიზაციის გვერდი სოციალურ ქსელში

თბილისი. ღია საზოგადოების ფონდი (OSGF) აქვეყნებს ინფორმაციას ექიმებთან პაციენტების ტკივილის მართვის საკითხებზე. „16 მაისიდან საქართველოს რეგიონებში პირველადი ჯანდაცვის რგოლის ექიმებთან და ონკოლოგებთან ტკივილის მართვის პრაქტიკის დანერგვასთან დაკავშირებით საინფორმაციო შეხვედრები დაიწყო. პირველი ორი შეხვედრა შიდა ქართლის და ქვემო ქართლის 100-ზე მეტ ექიმთან ჩატარდა. შეხვედრას უძღვებიან ტკივილის პოლიტიკის საერთაშორისო ექსპერტი ფატი ძოწენიძე და ჯანმრთელობის დაცვისა და ადამიანის უფლებების კვლევის ცენტრის ხელმძღვანელი ნინო მირზიკაშვილი. შეხვედრების მიზანია ექიმების კვალიფიკაციის გაზრდა ტკივილისა და პალიატიური სიმპტომების მართვის საკითხებში", ნათქვამია ორგანიზაციის ვებგვერდზე. სრულად... წყარო: osgf.ge

თბილისი. საქართველოს ახალგაზრდა იურისტთა ასოციაცია (საია) შშმ პირების ბინაზე მოვლის მომსახურების არსებულ მოდელს ასაჩივრებს. „საქართველოს მთავრობის 2018 წლის 31 დეკემბრის №684 დადგენილება ადგენს განვითარების მძიმე და ღრმა შეფერხების მქონე ბავშვთა ბინაზე მოვლის ქვეპროგრამას. ეს მომსახურება მოიცავს სახელმწიფო ხარჯებით ბინაზე მომვლელის დანიშვნას შესაბამისი შეზღუდული შესაძლებლობის მქონე ბავშვისათვის. ამ მომსახურებით სარგებლობის შესაძლებლობა აქვთ მხოლოდ განსაზღვრული სამედიცინო დიაგნოზის მქონე ბავშვებს. სპინალური ატროფია არ ჯდება ამ დაავადებების ჩამონათვალში, რის გამოც პირებს, რომლებსაც ამგვარი დიაგნოზი დაუსვეს, ვერ მოითხოვენ ბინაზე დამხმარის მომსახურებას. საია მიიჩნევს, რომ №684 დადგენილებით ხდება დისკრიმინაციული მოპყრობა შეზღუდული შესაძლებლობის მქონე პირთა ჯგუფის შიგნით", ნათქვამია ორგანიზაციის გვერდზე. სრულად... წყარო: ორგანიზაციის გვერდი სოციალურ ქსელში

თბილისი. მშრომელთა სოლიდარობის საერთაშორისო დღესთან დაკავშირებით, საქართველოს სახალხო დამცველის აპარატი განცხადებას ავრცელებს.  „1 მაისი მშრომელთა საერთაშორისო დღეა, ამ დღეს სახალხო დამცველი კიდევ ერთხელ მოუწოდებს ხელისუფლებას გაატაროს სათანადო ღონისძიებები შრომითი უფლებების სფეროში არსებული პრობლემების მოსაგვარებლად", - ვკითხულობთ განცხადებაში, - „განსაკუთრებულ შეშფოთებას იწვევს სამუშაო ადგილებზე დაღუპულთა და დაშავებულთა მზარდი სტატისტიკა. 2018 წელს წარმოებაში მომხდარი უბედური შემთხვევების შედეგად, დაიღუპა 59 და დაშავდა 199 ადამიანი... არ ტარდება სათანადო ღონისძიებები დაქირავებულთა ჯანმრთელობაზე, მათი კვალიფიკაციის ამაღლებაზე, პირველადი სამედიცინო დახმარების სწავლებაზე ზრუნვისთვის. არ არის დაცული სანიტარიულ-ჰიგიენური ნორმები... შრომის კანონმდებლობით გათვალისწინებული მოთხოვნების მონიტორინგმა აჩვენა, რომ, ხშირ შემთხვევაში, სამუშაო დროის ხანგრძლივობა შეუსაბამოა ხელშეკრულებით განსაზღვრულ პირობებთან; ირღვევა შვებულების გაცემის წესი, ანაზღაურების გაცემის წესი... თანასწორობის პრინციპების დაცვის მიმართულებით, შრომის უფლებები განსაკუთრებით მოწყვლად ჯგუფების - ქალებისა და შშმ პირების მიმართ ირღვევა... სახალხო დამცველი თავისი მანდატის ფარგლებში აგრძელებს ქვეყანაში შრომითი უფლებების დაცვის მდგომარეობის შესწავლას და გამოიყენებს მის ხელთ არსებულ ყველა საშუალებას არსებული ვითარების გამოსასწორებლად".  სრულად... წყარო: ორგანიზაციის ვებგვერდი

თბილისი. გაეროს ბავშვთა ფონდი, ცხრა დონორ ორგანიზაციასთან ერთად, დაეხმარა საქართველოს მთავრობას, კვლევის ჩატარებაში, რომლიც მიზანიც პრობლემის მასშტაბების განსაზღვრა იყო. „საქართველოში ბავშვების 41%-ის სისხლში ტყვიის შემცველობა ტოლია ან აღემატება 5 მკგ/დლ-ს (მიკროგრამი დეცილიტრზე), ხოლო ბავშვების 16%-ის სისხლში ტყვიის შემცველობა ტოლია ან აღემატება 10 მკგ/დლ-ს. ასეთია შედეგები ქვეყნის მასშტაბით წარმომადგენლობითი კვლევისა, რომელიც დღეს გამოქვეყნდა", ნათქვამია გაეროს ბავშვთა ფონდის ვებგვერდზე. სრულად... წყარო: www.unicef.org

სამეგრელო. ზუგდიდში, სასტუმრო „გარდენ პალასში" არასამთავრობო ორგანიზაცია „საუნჯეს" მიერ გაიმართა საჯარო შეხვედრა თემაზე: „სმენადაქვეითებულთა საჭიროებების გააზრება და ადვოკატირება". „შეხვედრაზე საუბარი შეეხო ყრუთა კავშირის ბენეფიციარების საჭიროებებს, როგორიცაა მათი კომუნიკაცია საზოგადოების სხვა წარმომადგენლებთან, პროფესიული განათლება, დასაქმება და სამოქალაქო ჩართულობის ხელშეწყობა. ასევე ყურადღება გამახვილდა სმენადაქვეითებული ბავშვებისა და მათი მშობლების გამოწვევებზე", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC), დასაქმებულთათვის ღირსეული შრომითი გარემოს შექმნის მიზნით, ხელისუფლების მხრიდან დაუყოვნებლივი ქმედებების გატარებას ითხოვს და სპეციალურ განცხადებს ავრცელებს. „საწარმოო შემთხვევების შედეგად დაშავებულთა და დაღუპულთა რაოდენობამ ბოლო წლებში საგანგაშო მონაცემებს მიაღწია. 2011-2018 წლებში დაშავდა 1081 და დაიღუპა 376 ადამიანი. 2018 წელს, წინა წლებთან შედარებით, დაღუპულთა ყველაზე მაღალი მაჩვენებელი დაფიქსირდა - 59 ადამიანი. საწარმოო შემთხვევათა სიმრავლიდან გამომდინარე, მსგავსი სიახლეები თითქმის ყოველდღიურობად იქცა და საზოგადოებრივი თუ პოლიტიკური რეაგირების მიღმა რჩება. შრომის უსაფრთხოების მიმართულებით არსებული მძიმე მდგომარეობის საპასუხოდ საქართველოს პარლამენტმა მიიღო „შრომის უსაფრთხოების შესახებ" ორგანული კანონი. აღნიშნული კანონის მიღება არსებითად მნიშვნელოვანი წინგადადგმული ნაბიჯი იყო დასაქმებულთა შრომითი უფლებების უზრუნველყოფისკენ. თუმცა, შესაბამისი ზედამხედველობის მექანიზმის შემუშავებისა და კანონმდებლობის გამკაცრების მიუხედავად, აღსრულების მექანიზმების არაეფექტურობა და მნიშვნელოვანი საკანონმდებლო რეგულაციების ამოქმედების ვადის მომავალში გადადება დასაქმებულთა სიცოცხლეს და ჯანმრთელობას ყოველდღიური რისკის ქვეშ აყენებს", - აღნიშნულია EMC-ის მიერ გავრცელებულ განცხადებაში.  სრულად... წყარო: ორგანიზაციის ვებგვერდი

თბილისი. საზოგადოებრივი ორგანიზაცია „ასოციაცია ჰერა ოცდაერთი" საპარლამენტო კომიტეტის სხდომაზე, „ბავშვის უფლებათა კოდექსის" პროექტის განხილვასა და შედეგად, დოკუმენტში შეტანილ ცვლილებებს ეხმიანება.  „ორგანიზაციას მიაჩნია, რომ აღნიშნული ცვლილებები შეუსაბამოა ბავშვთა უფლებების საერთაშორისო სტანდარტებთან და საჭიროებს დაუყოვნებელ რეაგირებას. კერძოდ, ბავშვთა კოდექსის პროექტში შეტანილი ცვლილება, რომელიც ითვალისწინებს სკოლებში სქესობრივი აღზრდის შესახებ განათლების მიღებას მხოლოდ მშობლის თანხმობით (მუხლი 35.4)", - აღნიშნულია ორგანიზაციის მიერ გავრცელებულ მოსაზრებაში, - „საქართველოს ნაკისრი აქვს ვალდებულება, განახორციელოს ადამიანის უფლებათა საერთაშორისო სტანდარტები, მათ შორის მოსახლეობის და განვითარების შესახებ საერთაშორისო კონფერენციის (ICPD) სამოქმედო გეგმის, პეკინის დეკლარაცია და სამოქმედო პროგრამის, ბავშვის უფლებების კონვენციის (CRC), საერთაშორისო პაქტის ეკონომიკურ, სოციალურ და კულტურულ უფლებათა შესახებ (ICESCR),ქალთა დისკრიმინაციის ყველა ფორმის აღმოფხვრის შესახებ კონვენციის (CEDAW) ფარგლებში".  სრულად... წყარო: გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ორგანიზებით, დღის ცენტრში „ია" შეზღუდული შესაძლებლობის მქონე გოგონების სექსუალური და რეპროდუქციული ჯანმრთელობის უფლებებთან დაკავშირებით მორიგი შეხვედრა გაიმართა. „PHR-ის იურისტმა თათია მიქელაძემ განმარტა, თუ რა მოიაზრება სექსუალური და რეპროდუქციული ჯანმრთელობის უფლებებში და მიმოიხილა როგორც ეროვნული კანონმდებლობა, ისე საერთაშორისო სტანდარტები. ყურადღება გაამახვილა სექსუალური და რეპროდუქციული ჯანმრთელობის უფლებებთან დაკავშირებით შეზღუდული შესაძლებლობის მქონე მოზარდების ინფორმირებულობის მნიშვნელობაზე, როგორც სექსუალური ძალადობისგან დაცვის პრევენციული მექანიზმზე", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. არასამთავრობო ორგანიზაციამ „პარტნიორობა ადამიანის უფლებებისთვის" შეზღუდული შესაძლებლობის მქონე გოგონების რეპროდუქციული ჯანმრთელობის შესახებ მორიგი შეხვედრა დღის ცენტრში – „პირველი ნაბიჯი" ჩაატარა. „შეხვედრის ფარგლებში PHR-ის წარმომადგენელმა, თათია მიქელაძემ დღის ცენტრის მასწავლებლებთან, ადმინისტრაციასთან და მშობლებთან ერთად სექსუალური და რეპროდუქციული ჯანმრთელობის უფლებებთან დაკავშირებულ ეროვნულ და საერთაშორისო სამართლებრივ სტანდარტები განიხილა", ნათქვამია ორგანიზაციის ვებგვერდზე სოციალურ ქსელში. სრულად... წყარო: phrgeorgia.wordpress.com

თბილისი. 3 აპრილს, „კეთილდღეობისა და განვითარების ცენტრთან" არსებულმა გორის სამოქალაქო აქტივიზმის ცენტრმა აუტიზმის ცნობადობის ამაღლების მსოფლიო დღე აღნიშნა. „ცენტრის მოხალისეებისათვის და შშმ ბავშვთა მშობლებისათვის ჩატარდა საინფორმაციო შეხვედრა თუ რას ნიშნავს აუტიზმი, რას ნიშნავს ქცევის დარღვევა და როგორ უნდა მოვიქცეთ აუტისტური სპექტრის ადამიანებთან, რათა მათ თავი არ იგრძნონ დისკიმინაციულად", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 2 აპრილს მსოფლიოში აუტიზმის შესახებ ცნობიერების ამაღლების დღე აღინიშნება. გაერთიანებული ერების ორგანიზაციის მიერ ამ დღის დაწესება საზოგადოების ინფორმირებულობის გაზრდას ემსახურება. „საქართველოში აუტიზმის მქონე პირთა უფლებების დაცვის კუთხით კვლავ მრავალი გამოწვევა რჩება. პრობლემურია მათი საჭიროებებზე მორგებული ჯანმრთელობის დაცვის, აბილიტაცია/რეაბილიტაციის მომსახურებებით უწყვეტად უზრუნველყოფა, გეოგრაფიული ხელმისაწვდომობის პრინციპის გათვალისწინებით. ქვეყანაში მოქმედი სახელმწიფო თუ მუნიციპალური პროგრამები არ ითვალისწინებს სარეაბილიტაციო სერვისს 15 წლის ზემოთ აუტისტური სპექტრის მქონე ადამიანებისთვის. ამასთან, ბავშვებისთვის ასეთი პროგრამები მხოლოდ რამდენიმე მუნიციპალიტეტში მოქმედებს და სრულად ვერ ფარავს არსებულ საჭიროებას", ნათქვამია ორგანიზაციის ვებგვერდზე. სრულად... წყარო: ombudsman.ge

<div style="text-align: justify;"><span style="font-weight: bold;">სამეგრელო. </span>25-26 მარტს, ასოციაცია „ათინათის" ახალგაზრდულ ცენტრს დმანისის ახალგაზრდული ცენტრის წევრი, გიორგი არჩემაშვილი ეწვია.</div> <div style="text-align: justify;">„გაცვლითი პროგრამის თემა იყო „ჯანსაღი ცხოვრების წესი", რომლის ფარგლებშიც ახალგაზრდებმა აიმაღლეს ცნობიერება ამ თემაზე და შეასრულეს სხვადასხვა სავარჯიშო. ორ დღიანი ტრენინგის დასასრულს, ახალგაზრდებმა შექმნეს პოსტერი „ჯანსაღ სხეულში - ჯანსაღი გულია" და ქალაქის ცენტრში საინფორმაციო ფურცლები დაარიგეს", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/PitaAtinati/photos/?tab=album&album_id=2157247104341661 " target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>საქართველოს სტრატეგიული კვლევებისა და განვითარების ცენტრი (CSRDG) აქვეყნებს პუბლიკაციას: როგორ შევარჩიოთ ჩაი და ყავა? ინფოგრაფიკა მოიცავს სასარგებლო ინფორმაციებს ჩაის და ყავის სახეობების, მათი მომზადების წესისა და პროდუქტის ვარგისიანობის შესახებ.</div> <div style="text-align: justify;"><a href="http://momxmarebeli.ge/images/file_778618.pdf?fbclid=IwAR31BSFcut2gg_6K9VV7BM8Zt8b_PrUZA2z8b-7qfx9Cj-NnVTyNim0zI0Y" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>