<div style="text-align: justify;"><span style="font-weight: bold;">თბილისი. </span>ღია საზოგადოების ფონდის და „ექიმები საზღვრებს გარეშე" ორგანიზებით, საერთაშორისო კონფერენცია გაიხსნა, რომელიც ნარკოპოლიტიკისა და ზიანის შემცირების საკითხებს ეხება.</div> <div style="text-align: justify;">მასში მონაწილეობს 150 მონაწილე, მათ შორის საერთაშორისო აქტივისტები. კონფერენცია არის შესაძლებლობა რეპრესიული ნარკოპოლიტიკის შედეგის გასააზრებლად და ზიანის შემცირების პოლიტიკის დასაგეგმად, სადაც წამყვანი როლი ხელისუფლებას ეკისრება.</div> <div style="text-align: justify;"><a href="http://www.facebook.com/NationalHarmReductionConferenceTbilisi/photos/a.413287702572755/427826521118873/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>„ადამიანის უფლებების სწავლებისა და მონიტორინგის ცენტრი" (EMC), რომელიც, პარტნიორ ორგანიზაციებთან ერთად, სოციალურ მუშაკებსა და „სოციალური მომსახურების სააგენტოს" შორის მოლაპარაკებებში იყო ჩართული, განცხადებას ავრცელებს.</div> <div style="text-align: justify;">„EMC სოლიდარობასა და მხარდაჭერას უცხადებს სოციალურ მუშაკებს მათი და მოწყვლადი სოციალური ჯგუფების უფლებებისთვის სამართლიან ბრძოლაში. ამავე დროს, მოუწოდებს:</div> <div style="text-align: justify;">საქართველოს მთავრობას - დაუყოვნებლივ მოახდინოს რეაგირება სოციალურ მუშაკთა სამართლიან მოთხოვნებზე, მათ შორის დროულად მოიძიოს შესაბამისი საბიუჯეტო სახსრები გადაუდებელი პრობლემების აღმოფხვრის მიზნით, ხოლო გრძელვადიანი პრობლემების გადაჭრისთვის წარმოადგინოს სამოქმედო გეგმა, მათი შესრულების ვადების განსაზღვრით;</div> <div style="text-align: justify;">საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს - დაუყოვნებლივ დაიწყოს სოციალური სერვისებისა და სოციალური მუშაობის გადააზრება, შესაბამის კვლევებზე დაყრდნობითა და დარგის სპეციალისტების მონაწილეობით დაგეგმოს ამ სფეროს გარდაქმნისთვის საჭირო რეფომრების გატარება, მათ შორის ახალი სერვისების შექმნა;</div> <div style="text-align: justify;">საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და სსიპ „სოციალური მომსახურების სააგენტოს" - უზრუნველყონ თანამშრომელთა გაფიცვის უფლების რეალიზების სრული და განუხრელი დაცვა, რაც მათ შორის უნდა გამორიცხავდეს დასაქმებულთა მიმართ ყევლა სახის ზეწოლის განხორციელებას, მათ შორის მათ დაშინებას სამსახურიდან გათავისუფლების, დისციპლინური თუ სხვა სახის პასუხისმგებლობის დაყენების მუქარის სახით და დაუყოვნებლივ მოახდინოს რეაგირება ყველა მსგავს შემთხვევაზე", - ვკითხულობთ განცხადებაში.</div> <div style="text-align: justify;"><a href="http://emc.org.ge/ka/products/emc-sotsialur-mushakebs-mkhardacheras-utskhadebs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 2019 წლის 22 მარტს საქართველოს სახალხო დამცველმა რეპროდუქციული და სექსუალური ჯანმრთელობის და უფლებების საკითხებზე, გაეროს მოსახლეობის ფონდის (UNFPA) მხარდაჭერით მომზადებული ეროვნული კვლევის შედეგები წარმოადგინა.</div> <div style="text-align: justify;">ღონისძიების გახსნაზე, სახალხო დამცველმა აღნიშნა, რომ სახელმწიფოს მიერ გადადგმული პროგრესული ნაბიჯების მიუხედავად, კვლავ გვხვდება სისტემური პრობლემები სერვისების ხარისხისა და ხელმისაწვდომობის კუთხით, რომელიც თავის მხრივ სერვისების ფინანსურ მისაწვდომობას, სოციალურ ბარიერებს და ინფორმაციის ნაკლებობას უკავშირდება. ეს ყოველივე კი განსაკუთრებული სიმწვავით აისახება ეთნიკური უმცირესობების, შეზღუდული შესაძლებლობების მქონე, სოფლად მცხოვრები ქალებისა და გოგოების უფლებრივ მდგომარეობაზე; არ არსებობს სისტემური ხედვა მშობიარობის შემდგომ სერვისებთან დაკავშირებით; მოზარდებს არ აქვთ კომპლექსური განათლება, არ ფლობენ სრულყოფილ ინფორმაციას მათ სხეულზე და რეპროდუქციულ ჯანმრთელობაზე, რაც საფრთხის შემცველი ქცევების ალბათობას ზრდის.</div> <div style="text-align: justify;">კვლევა ჩატარდა გაეროს ერთობლივი პროგრამის „გენდერული თანასწორობისთვის" ფარგლებში, რომელიც ხორციელდება შვედეთის მთავრობის ფინანსური მხარდაჭერით.</div> <div style="text-align: justify;"><a href="http://ombudsman.ge/geo/akhali-ambebi/reproduktsiuli-da-seksualuri-janmrtelobis-da-uflebebis-sakitkhebze-erovnuli-kvlevis-shedegebi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>საქართველოს ახალგაზრდა იურისტთა ასოციაცია მხარს უჭერს სოციალურ მუშაკთა გაფიცვას და მათთვის ღირსეული სამუშაო პირობებისთვის რეალური რეფორმების დაწყებას მოითხოვს.</div> <div style="text-align: justify;">„სახელმწიფოს ეფექტიანი სოციალური პოლიტიკის აღსრულებისთვის მნიშვნელოვანი როლი აკისრია სოციალურ მუშაობას, რომელიც გულისხმობს სამიზნე ჯგუფების ინდივიდუალური საჭიროებების იდენტიფიცირებას და მათთვის არსებული სოციალური მხარდაჭერის პროგრამებისა და სერვისების სათანადოდ მიწოდებას. სამწუხარო რეალობაა, რომ წლებია, სოციალური დაცვის დაცვის მიმართულებით რეალური რეფორმები არ განხორციელებულა, შესაბამისად სოციალური მომსახურების სააგენტოს მუშაობის ხარისხი და ეფექტურობა, დიდი ხნის მანძილზე, პრობლემად რჩება", - აღნიშნულია საია-ს მიერ გავრცელებულ განცხადებაში.</div> <div style="text-align: justify;"><a href="http://gyla.ge/ge/post/saia-mkhars-utchers-socialur-mushakta-gaficvas-da-mattvis-ghirseuli-samushao-pirobebistvis-realuri-reformebis-datsyebas#sthash.zZV2086Q.dpbs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">შიდა ქართლი. </span>20 მარტს „კეთილდღეობისა და განვითარების ცენტრთან" არსებულმა გორის სამოქალაქო აქტივიზმის ცენტრმა, გორელ ფოტოგრაფთა კლუბთან და გორის მუნიციპალიტეტის მერიის მოსწავლე ახალგაზრდობის კულტურულ საგანმანათლებლო ცენტრთან ერთად გამართა კამპანია „ნუ დატოვებ ... მიღმა".</div> <div style="text-align: justify;">„დაუნის სინდრომის მსოფლიო დღეს გორის სამოქალაქო აქტივიზმის ცენტრი ყოველწლიურად აღნიშნავს. წლევანდელ წელს კი დაუნის სინდრომის მქონე პირების მონაწილეობით მოხდა 10 წუთიანი ფილმის გადაღება „ჩემი ოცნების პროფესია", სადაც სხვადასხვა უწყებები და კომპანიები იყვნენ ჩართულები", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/PITAgorisaxalgardzulicentri/photos/?tab=album&album_id=3104877062871274" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div>

<div style="text-align: justify;"><span style="font-weight: bold;">თბილისი. </span>პარტნიორობა ადამიანის უფლებებისთვის მიერ გავრცელებული ინფორმაციის თანახმად, ჯანდაცვის სამინისტრო სოციალურ მუშაკებთან მედიაციის პროცესისთვის ხელის შეშლას ცდილობს.</div> <div style="text-align: justify;">„20 მარტს, სოციალურმა მუშაკებმა ბრიფინგი გამართეს. საჯარო განცხადებაში მათ ისაუბრეს ჯანდაცვის სამინისტროს მხრიდან სოციალურ მუშაკებზე შესაძლო ზეწოლის ფაქტსა და მედიაციის პროცესის ხელის შეშლის შესახებ. შეგახსენებთ, რომ სოციალურმა მუშაკებმა სოციალური მუშაობის სფეროში სისტემური ცვლილებების მოთხოვნით სამინისტროს განცხადებით მიმართეს. ორგანიზაცია "პარტნიორობა ადამიანის უფლებებისთვის” იზიარებს სოციალური მუშაკების მოთხოვნებს და მხარს უჭერს მათ მიმდინარე პროცესებში", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/03/20/%E1%83%AF%E1%83%90%E1%83%9C%E1%83%93%E1%83%90%E1%83%AA%E1%83%95%E1%83%98%E1%83%A1-%E1%83%A1%E1%83%90%E1%83%9B%E1%83%98%E1%83%9C%E1%83%98%E1%83%A1%E1%83%A2%E1%83%A0%E1%83%9D-%E1%83%A1%E1%83%9D%E1%83%AA/?fbclid=IwAR1VbrvfFHCUTAGkp7R-7EOSHpnrgqbu9WsHvKr7S3C27_6qj9vDoOIXvxs" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">თბილისი.</span> დაუნის სინდრომის მსოფლიო დღისადმი მიძღვნილი კვირეული 18 მარტს, „ღია საზოგადოების ფონდში" შეზღუდული შესაძლებლობების მქონე ბავშვების მშობელთა პირველი საინფორმაციო ცენტრის პრეზენტაციით გაიხსნა.</div> <div style="text-align: justify;">„მშობელთა საინფორმაციო ცენტრი" იქნება პირველი ფსიქო-ემოციური დახმარების ცენტრი, რომელიც მშობლებს და იმ ოჯახებს მოემსახურება, ვისაც მინდობით აღზრდაში ჰყავთ განვითარების შეფერხების მქონე ბავშვები.</div> <div style="text-align: justify;">19 მარტიდან ცხელი ხაზი ამუშავდება, რომლის მეშვეობით ამომწურავ და კომპეტენტურ ინფორმაციას მიიღებენ დაინტერესებული პირები საქართველოში არსებული მომსახურების შესახებ.</div> <div style="text-align: justify;"><a href="http://osgf.ge/sainformacio-centri-ganvitarebis-sheferkhebis-mqone-bavshvebis-mshoblebistvis/" target="_blank" style="font-weight: bold;">სრულად </a></div> <div style="text-align: justify;">წყარო: https://osgf.ge</div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრი" (EMC) აქვეყნებს ანანო ცინციბაძის ბლოგს შრომითი მედიაციის პოლიტიკის შესახებ.</div> <div style="text-align: justify;">„შრომითი მედიაცია დავის გადაჭრის ალტერნატიული მექანიზმია, რომელმაც დამსაქმებელსა და დასაქმებულს შორის კონფლიქტი უნდა მოაგვაროს, საქმე გაფიცვამდე არ მიიყვანოს და სასამართლოსგან განსხვავებით, ორივე მხარე კმაყოფილი დატოვოს.</div> <div style="text-align: justify;">კანონით გაწერილი ეს უნიკალური საშუალება იდეალურ გადაწყვეტად მოჩანს. ის ზოგავს დროს, ხარჯს, ამცირებს გაფიცვის შესაძლებლობას და ჭრის დავას, რის შედეგადაც მოდავე მხარეები ზავდებიან, თუმცა „ადამიანის უფლებების სწავლებისა და მონიტორინგის ცენტრის (EMC)" ბაზაზე წარმოებული კვლევის შედეგები აჩვენებს, რომ მიუხედავად ხუთწლიანი პრაქტიკისა, შრომის მედიაციამ ვერ შეიძინა ეფექტიანი მექანიზმის სახელი, ერთი მხრივ, სახელმწიფოს მიერ მექანიზმის ადმინისტრირების ხარვეზულობისა და სისუსტის, მეორე მხრივ, მექანიზმის დანერგვის პროცესში ადგილობრივი სოციალურ-ეკონომიკური კონტექსტის გაუთვალისწინებლობის გამო", - წევრს ავტორი.</div> <div style="text-align: justify;"><a href="http://emc.org.ge/ka/products/mediatsia-shromis-politikis-efektian-mekanizmebs-mighma" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>პარტნიორობა ადამიანის უფლებებისთვის (PHR) აგრძელებს შეზღუდული შესაძლებლობის მქონე გოგონების რეპროდუქციული ჯანმრთელობის უფლების შესახებ საინფორმაციო შეხვედრებს.</div> <div style="text-align: justify;">მორიგი შეხვედრა დღის ცენტრში – „მშობელთა ხიდი" გაიმართა. შეხვედრას ესწრებოდნენ დღის ცენტრის ადმინისტრაციის თანამშრომლები, ფსიქოლოგი, აღმზრდელები და მშობელი.</div> <div style="text-align: justify;"><a href="http://phrgeorgia.wordpress.com/2019/03/13/phr-%E1%83%9B%E1%83%90-%E1%83%92%E1%83%9D%E1%83%92%E1%83%9D%E1%83%9C%E1%83%94%E1%83%91%E1%83%98%E1%83%A1-%E1%83%A0%E1%83%94%E1%83%9E%E1%83%A0%E1%83%9D%E1%83%93%E1%83%A3%E1%83%A5%E1%83%AA%E1%83%98/?fbclid=IwAR2cUbKjuBFDYnlXkiq-gELnBXTB0uMQkO4of3DhJXXr8dZYhAzOPtuS6Pg" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>პარტნიორობა ადამიანის უფლებებისთვის (PHR) აგრძელებს გოგონების რეპროდუქციული ჯანმრთელობის შესახებ შეხვედრებს.</div> <div style="text-align: justify;">„PHR-ის წარმომადგენელმა შეზღუდული შესაძლებლობის მქონე გოგონების რეპროდუქციული ჯანმრთელობის უფლების შესახებ მორიგი შეხვედრა ჩაატარა. შეხვედრას თბილისის მე-200 სკოლა-პანსიონის აღმზრდელები, მასწავლებელი, ექიმები და მშობლები ესწრებოდნენ. შეხვედრისას განხილული საკითხების მიმართ მაღალი ინტერესი გამოიკვეთა, რაც არსებული პრობლემების გააზრებასა და ცვლილებების საჭიროებაზე მიუთითებს", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/03/11/phr-%E1%83%98-%E1%83%A8%E1%83%A8%E1%83%9B-%E1%83%92%E1%83%9D%E1%83%92%E1%83%9D%E1%83%9C%E1%83%94%E1%83%91%E1%83%98%E1%83%A1-%E1%83%A0%E1%83%94%E1%83%9E%E1%83%A0%E1%83%9D%E1%83%93%E1%83%A3%E1%83%A5/?fbclid=IwAR3eogJ-klmMBYyuJGAk02C8HfBuUlNP5hr6N34oFI_V9ou2ioe5QUAWkqU" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">თბილისი. </span>„ადამიანის უფლებების სწავლებისა და მონიტორინგის ცენტრი" (EMC) აქვეყნებს ინფოგრაფიკას, სხვადასხვა წელს, საწარმოო შემთხვევების შედეგად დაშავებულთა რაოდენობის შესახებ.</div> <div style="text-align: justify;">მონაცემების მიხედვით, რომელიც EMC-მ საქართველოს შინაგან საქმეთა სამინისტროსგან გამოითხოვა, 2012 წელს - საწარმოო შემთხვევების შედეგად, დაშავებულთა, 2018 წელს კი, ამ მიზეზით დაღუპულთა ყველაზე მაღალი რაოდენობა ფიქსირდება.</div> <div style="text-align: justify;"><a href="http://emc.org.ge/ka/products/2018-tsels-satsarmoo-shemtkhvevebis-shedegad-dashavebulta-raodenoba-gaizarda" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>2018 წელს, ღია საზოგადოების ფონდის ინიციატივით, შეიქმნა სამუშაო ჯგუფი, რომელმაც მოამზადა საკანონმდებლო ცვლილებების პაკეტი კანონისთვის "პაციენტის უფლებების შესახებ” და კანონი "ჯანმრთელობის დაცვის შესახებ”.</div> <div style="text-align: justify;">საკანონმდებლო ცვლილებები შეთავაზებული რედაქციით საქართველოს პარლამენტმა 25 თებერვალს დაამტკიცა. შედეგად, საქართველოს კანონმდებლობაში გაჩნდა განსაზღვრება პალიატიური და ჰოსპისური მზრუნველობის, ბავშვთა პალიატიური მზრუნველობისა და ამ მომსახურების მიმწოდებელ პირთა უფლებამოსილებების შესახებ.</div> <div style="text-align: justify;">საკანონმდებლო ცვლილებები 2019 წლის 1 ივნისიდან ამოქმედდება.</div> <div style="text-align: justify;"><a href="http://osgf.ge/paliatiuri-da-hospisuri-mzrunveloba-kanonmdeblobit-ganisazghvra/" target="_blank" style="font-weight: bold;">სრულად</a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ღია საზოგადოების ფონდის ინფორმაციით, 26-27 მარტს, თბილისში გაიმართება ზიანის შემცირების ეროვნულ კონფერენცია ჯანმრთელობასა და ადამიანის უფლებებზე თანასწორი ხელმისაწვდომობისთვის.</div> <div style="text-align: justify;">„კონფერენცია მიზნად ისახავს ადგილობრივი, რეგიონალური და საერთაშორისო დაინტერესებული მხარეების მობილიზებას და დიალოგის ინიცირებას ზიანის შემცირების სფეროს პრიორიტეტულ საკითხებზე", ნათქვამია ორგანიზაციის ვებგვერდზე.</div> <div style="text-align: justify;"><a href="http://osgf.ge/zianis-shemcirebis-erovnul-konferencia-janmrtelobasa-da-adamianis-uflebebze-tanaswori-khelmisawvdomobistvis/" target="_blank" style="font-weight: bold;">სრულად...</a></div> <div style="text-align: justify;">კონფერენციის <a href="http://www.harmreductiontbilisi.com/?lang=ka" target="_blank" style="font-weight: bold;">ვებგვერდი...</a></div> <div style="text-align: justify;">წყარო: www.harmreductiontbilisi.com</div> <div><br /> </div>

<div style="text-align: justify;"><span style="font-weight: bold;">თბილისი.</span> ორგანიზაცია „პარტნიორობა ადამიანის უფლებებისთვის" (PHR) იურისტებს შპს „ფსიქიკური ჯანმრთელობისა და ნარკომანიის პრევენციის ცენტრში" მოთავსებულ პირებთან პირდაპირი კომუნიკაციის შესაძლებლობა არ მიეცათ.</div> <div style="text-align: justify;">ორგანიზაციის წარმომადგენლები ფსიქიატრიულ დაწესებულებაში 2019 წლის 22 თებერვალს იქ მოთავსებული პირებისთვის სამართლებრივი დახმარების აღმოსაჩენად იმყოფებოდნენ. როგორც PHR -ის მიერ გავრცელებულ ინფორმაციაშია აღნიშნული, დაწესებულების იურისტის განმარტებით, ინსტიტუციაში მყოფი პირები არ საჭიროებდნენ უფლებადამცველების დახმარებას, რამდენადაც დაწესებულება თავისი რესურსით სრულად უზრუნველყოფს მათი სამართლებრივი პრობლემების მოგვარებას.</div> <div style="text-align: justify;"><a href="http://phrgeorgia.wordpress.com/2019/02/26/phr-%e1%83%98%e1%83%a1-%e1%83%90%e1%83%93%e1%83%95%e1%83%9d%e1%83%99%e1%83%90%e1%83%a2%e1%83%94%e1%83%91%e1%83%a1-%e1%83%a4%e1%83%a1%e1%83%98%e1%83%a5%e1%83%9d%e1%83%a1%e1%83%9d%e1%83%aa%e1%83%98/" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ორგანიზაციამ „პარტნიორობა ადამიანის უფლებებისთვის" ერთ-ერთი ფსიქიატრის მიერ გამოყენებული შეუფერებელი ლექსიკის გამო საქართველოს ფსიქიატრთა საზოგადოებას განცხადებით მიმართა. „საქმე ეხება ერთ-ერთ ფსიქიატრიულ დაწესებულებაში დასაქმებული ფსიქიატრის მიერ სოციალურ ქსელში გამოქვეყნებულ ფოტოს, რომელზეც მას აცვია მაისური შემდეგი წარწერით: „მე ფსიქიატრი ვარ, შენ ნაპოლეონი".</div> <div style="text-align: justify;">იმ ფონზე, როდესაც ფსიქოსოციალური საჭიროების მქონე პირები დღემდე წარმოადგენენ სტიგმატიზირებულ ჯგუფს, ამგვარი ფრაზის გამოყენება და ფართოდ გავრცელება ეწინააღმდეგება პროფესიულ ეთიკას, ზრდის საზოგადოებრივ სტერეოტიპებს შეზღუდული შესაძლებლობის მქონე პირთა მიმართ, ახალისებს დისკრიმინაციას და ლახავს ადამიანის ღირსებას", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/02/26/phr-%E1%83%9B%E1%83%90-%E1%83%A4%E1%83%A1%E1%83%98%E1%83%A5%E1%83%98%E1%83%90%E1%83%A2%E1%83%A0%E1%83%98%E1%83%A1-%E1%83%9B%E1%83%98%E1%83%94%E1%83%A0-%E1%83%92%E1%83%90%E1%83%9B%E1%83%9D%E1%83%A7/?fbclid=IwAR2yG5ARz-z-6WwPLSqnruc4mNzNrp3ICsnevs5Yi6BCf0pWUpVP23hennE" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">თბილისი.</span> ქალთა ფონდი ეხმაურება ბოლო დღეებში შექმნილ აჟიოტაჟს, რაც მოჰყვა „განათლებისა და შრომის ასოციაციის " ხელმძღვანელის ვიდეო-საუბრებს „სექსუალური განათლება" და მხარდაჭერას უცხადებს მათ ავტორს, ხატია ახალაიას.</div> <div style="text-align: justify;">„ვიდეოებით გამოწვეული აჟიოტაჟიც კიდევ ერთხელ, ნათლად გვიჩვენებს, რამდენად ტაბუდადებულია ადამიანის სექსუალობა ჩვენს საზოგადოებაში და შესაბამისად, რამდენად დიდია საჭიროება ამ ვაკუუმის ამოსავსებად, რამდენად მნიშვნელოვანია არაფორმალური განათლების ყველა მცდელობა ამ მხრივ.</div> <div style="text-align: justify;">ქალთა ფონდი დარწმუნებულია - იმისათვის, რომ ახალგაზრდა ქალები და გოგონები იყვნენ ჯანმრთელები და მათი უფლებები იყოს დაცული, მათ ადრიდანვე უნდა ჰქონდეთ სწორი ინფორმაცია სექსუალურ და რეპროდუქციულ უფლებებზე და ჯანმრთელობაზე, ასევე, ქალთა მიმართ ძალადობაზე, სექსუალურ შევიწროებაზე, ნაადრევ ქორწინებაზე, არასასურველ ორსულობაზე, სგგი-ზე და სხვა. ანუ სექსუალური და რეპროდუქციული საკითხები საგანმანათლებლო პროგრამების ერთი მნიშვნელოვანი ნაწილი უნდა იყოს, რადგან ადამიანებს უნდა ჰქონდეთ ცოდნა საიმისოდ, რომ მიიღონ თავისუფალი და ინფორმირებული გადაწყვეტილებები საკუთარ სექსუალურ და რეპროდუქციულ ჯანმრთელობასთან დაკავშირებით", ნათქვამია ორგანიზაციის განცხადებაში.</div> <div style="text-align: justify;"><a href="http://www.facebook.com/womenfundgeorgia/" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ასოციაცია „ანიკასა" და „დავით ტვილდიანის სახელობის სამედიცინო უნივერსიტეტის საზოგადოებრივი საექთნო კოლეჯის" ერთობლივი ძალისხმევით მიმდინარეობს პრაქტიკული კურსი - „ექთნის პროფესია და მისი არსი".</div> <div style="text-align: justify;">„ანიკას" ახალგაზრდების დღის ცენტრის 12 მონაწილე სრულიად უფასოდ გაივლის კურსს და გაიზიარებს კოლეჯის სპეციალისტების ცოდნასა და გამოცდილებას.</div> <div style="text-align: justify;"><a href="http://www.facebook.com/AssociationAnika/photos/pcb.1564707240339634/1564706530339705/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">სამცხე-ჯავახეთი.</span> 15-16 თებერვალს, ახალციხის ახალგაზრდული ცენტრის მოხალისე მზია ფეიქრიშვილმა ჩაატარა ორ დღიანი თანატოლთა ტრენინგი „ჯანსაღი ცხოვრების წესის" შესახებ.</div> <div style="text-align: justify;">„გაცვლითი პროგრამის მიზანი იყო ჯანსაღი ცხოვრების წესის პოპულარიზაცია და ახალგაზრდებში ამ საკითხის შესახებ ცნობიერების ამაღლება. ახალგაზრდების ინფორმირებულობის გზით, აქტივობების განხორცილებით და მათი აქტიური ჩართულობით მოტივაციის ზრდა, რათა გახდნენ ჯანსაღი ცხოვრების წესის მიმდევრები", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/batumiyouthcenter/photos/?tab=album&album_id=1261332250696752" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>კავშირი „საფარი" აქვეყნებს ბაია პატარაიას ბლოგპოსტს: სქესობრივი აღზრდის შესახებ.</div> <div style="text-align: justify;">„ცოდნა, სწორად და კარგად მიწოდებული მეცნიერული ინფორმაცია, კი არ რყვნის, არამედ იცავს ბავშვს უამრავი პრობლემისაგან და მათ შორის გარყვნილებისგანაც. სექსი და რეპროდუქცია ადამიანის განუყოფელი ნაწილია და მის მიმართ სწორი დამოკიდებულება განსაზღვრავს ადამიანის მთელ მომდევნო ცხოვრებას. სქესობრივ განათლებას არაფერი არ აქვს საერთო ბავშვების გარყვნასთან, პირიქით, სწორ დროს მეცნიერულად მიწოდებული ინფორმაცია ბავშვს აძლიერებს და ამზადებს მომავალი სქესობრივი ცხოვრებისათვის, სადაც ბავშვმა იცის, რა ელის, რა საფრთხეები, როგორ დაგეგმოს და დაიცვას თავი არასასურველი პირებისაგან, არ ტყუვდება ადვილად და დროულად ეჩვევა პასუხისმგებლიანი გადაწყვეტილებების მიღებას", ნათქვამია ორგანიზაციის ვებგვერდზე.</div> <div style="text-align: justify;"><a href="http://sapari.ge/archives/6392?fbclid=IwAR2AN1-KZbAiI_IyUGLdxqlT9DlWWuqCHrvM1KU2FYAH-j3PPkIt5Rd7xKU" target="_blank" style="font-weight: bold;">სრულად...</a></div> <div style="text-align: justify;">წყარო: sapari.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>ადამიანის უფლებათა ცენტრი წინამდებარე დოკუმენტში ყურადღებას ამახვილებს სამედიცინო დაწესებულებებში პაციენტებისადმი მომსახურების გაწევისას გამოვლენილ პრობლემურ საკითხებზე. „ორგანიზაციას 2014-2018 წლებში წარმოებაში ჰქონდა არაერთი საქმე, რომლებმაც წარმოაჩინა, რომ ექიმების მხრიდან პაციენტებისადმი არასათანადო სამედიცინო დახმარების გაწევის მიზეზი ხშირად გაუფრთხილებლობა, არაკვალიფიციურობა და პაციენტისადმი გულგრილი დამოკიდებულებაა.</div> <div style="text-align: justify;">ადამიანის უფლებათა ცენტრის წარმოებაში არსებული საქმეებიდან ჩანს, რომ სამედიცინო დახმარების ხარისხი არ ესადაგება საერთაშორისო ჯანმრთელობის დაცვის სტანდარტებს და საჭიროებს სახელმწიფოს შესაბამისი უწყებების მხრიდან სპეციალურ მონიტორინგს. პროფესიული განვითარების საბჭოს გადაწყვეტილებები შემოიფარგლება მხოლოდ მცირე დროით სახელმწიფო ლიცენზიების შეჩერებით ან გაფრთხილების მიცემით, რაც არარელევანტურია ხშირად იმ შედეგთან, რომელიც დადგა ექიმის ბრალეულობის შედეგად, რამაც მნიშვნელოვნად გააუარესა პაციენტის ჯანმრთელობა ან საფრთხე შეუქმნა მის სიცოცხლეს”, ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/notes/%E1%83%90%E1%83%93%E1%83%90%E1%83%9B%E1%83%98%E1%83%90%E1%83%9C%E1%83%98%E1%83%A1-%E1%83%A3%E1%83%A4%E1%83%9A%E1%83%94%E1%83%91%E1%83%90%E1%83%97%E1%83%90-%E1%83%AA%E1%83%94%E1%83%9C%E1%83%A2%E1%83%A0%E1%83%98-human-rights-center/%E1%83%A1%E1%83%90%E1%83%9B%E1%83%94%E1%83%93%E1%83%98%E1%83%AA%E1%83%98%E1%83%9C%E1%83%9D-%E1%83%93%E1%83%90%E1%83%AC%E1%83%94%E1%83%A1%E1%83%94%E1%83%91%E1%83%A3%E1%83%9A%E1%83%94%E1%83%91%E1%83%94%E1%83%91%E1%83%A8%E1%83%98-%E1%83%9E%E1%83%90%E1%83%AA%E1%83%98%E1%83%94%E1%83%9C%E1%83%A2%E1%83%94%E1%83%91%E1%83%98%E1%83%A1-%E1%83%A1%E1%83%98%E1%83%AA%E1%83%9D%E1%83%AA%E1%83%AE%E1%83%9A%E1%83%98%E1%83%A1%E1%83%90-%E1%83%93%E1%83%90-%E1%83%AF%E1%83%90%E1%83%9C%E1%83%9B%E1%83%A0%E1%83%97%E1%83%94%E1%83%9A%E1%83%9D%E1%83%91%E1%83%98%E1%83%A1-%E1%83%AC%E1%83%98%E1%83%9C%E1%83%90%E1%83%90%E1%83%A6%E1%83%9B%E1%83%93%E1%83%94%E1%83%92-%E1%83%92%E1%83%90%E1%83%9B/2498987790112031/?qid=6659273796587488563&mf_story_key=7449186125926819619&__tn__=HH-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> „ჯანმრთელობას გისურვებთ, განსაკუთრებით საქართველოში" - ღია საზოგადოების ფონდების ქსელური პროგრამის მხარდაჭერით მომზადებული დოკუმენტური ფილმია, რომელიც თავისუფლების მონიტორმა და სტუდია „მონიტორმა” ჯანდაცვის თემაზე მოამზადეს.</div> <div style="text-align: justify;">ფილმის მიზანია ჯანდაცვის პოლიტიკაში, დაფინანსებასა და სისტემაში არსებული პრობლემების გააზრება და დისკუსიის დაწყება. „თავისუფლების მონიტორი” საგამოძიებო რეპორტაჟების სერიაა, რომელსაც „რადიო თავისუფლება" სტუდია „მონიტორთან” ერთად ქმნის.</div> <div style="text-align: justify;"><a href="http://osgf.ge/janmrtelobas-gisurvebt-gansakutrebit-saqartveloshi/" target="_blank" style="font-weight: bold;">სრულად </a></div> <div style="text-align: justify;">წყარო: osgf.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">სამეგრელო. </span>5-6 თებერვალს, ზუგდიდის ახალგაზრდული ცენტრის წევრებმა, თეო ზარავანდაშვილმა და ილია ფიფიამ სოფ. ორსანტიის საჯარო სკოლაში ჩაატარეს თანატოლთა განათლების ტრენინგი თემაზე: „ჯანსაღი ცხოვრება”.</div> <div style="text-align: justify;">ტრენინგის მიზანი იყო ახალგაზრდების ინფორმირება შემდეგ საკითხებში:</div> <div style="text-align: justify;">• ჯანსაღი უნარ- ჩვევების დამკვიდრება;</div> <div style="text-align: justify;">• სწორი კვებისა და ფიზიკური აქტივობის აუცილებლობა;</div> <div style="text-align: justify;">• ჰიგიენა;</div> <div style="text-align: justify;">• მავნე ჩვევებზე ( სიგარეტის მოწევა, ალკოჰოლის მიღება, ნარკოტიკის გამოყენება) უარის თქმა.</div> <div style="text-align: justify;">ორდღიანი ტრენინგის ბოლოს, მონაწილეებისთვის გაიმართა ფრენბურთის ტურნირი. გამარჯვებული გუნდები დასაჩუქრდნენ თასითა და მედლებით.</div> <div style="text-align: justify;"><a href="http://www.facebook.com/pg/PitaAtinati/photos/?tab=album&album_id=2087514114648294&__xts__%5B0%5D=68.ARAeJFt_FeYe1XvZjCT5JeXIEQEqn3-dFhLkRMIWS1qnk4drf_DRTCvJr3elNPLB_ziArEwz1O5p5e9frUPsptFHzZFQiu0VY88KOwlL6MqvRGRmDFmY36IaJxcHBHWAVkFU59e4hIFADLJaXXTUjgQHotardJUFCmYHeUxe6aY4ouyR_9Gr2mfjEmfgAkoA8D4sH_pvg8ow_8hR98Nd9Q3IFWI7YStnv1dE7rOBWba8UKB4mvjEGShPSdh_ch07rEfJw7L9_80krz2JIV6DLkh0nDRu10Fsgg9fudup7vI4sDnuMx1Gq_eObrAuks3FHuYZaY8RRS3Q9AHfklgRWKt0lTpFOvhwwaWJARUoGYY-EuaAV92mez-LZl_LvYBEz2kog45sA6NmS1on9rUVjEqCNVMYdXM1V4un6P_S2lhILKKb1bbrl-bJrvMaehhO1h-tdufp5sKLnyCFUGMd&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: პროგრამის ვებგვერდი სოციალურ ქსელში</div> <div><br /> </div>