<div style="text-align: justify;"><span style="font-weight: bold;">თბილისი.</span> „საქართველოში ქალთა ფონდი" წარმოგიდგენთ ანგარიშს „მასტექტომიის შესახებ ქალთა ინფორმირებულობის კვლევა"-ზე.</div> <div style="text-align: justify;">„წინამდებარე ანგარიშში განხილულია კვლევის შედეგები, რომელიც მასტექტომიის გამოცდილების მქონე ქალების გამოცდილებას ეხება და შეისწავლის მათი ინფორმირებულობის დონეს ძუძუს მოკვეთის, და ოპერაციის შემდგომი პროცესების, გვერდითი მოვლენების შესახებ. განსაკუთრებული ყურადღება ეთმობა სათანადო ინფორმაციის ქონას ძუძუს გაუგრძნობელობის და ძუძუს აღდგენასთან, რეკონსტრუქციასთან დაკავშირებული რისკების შესახებ", ნათქვამია ანგარიშში.</div> <div style="text-align: justify;"><a href="http://drive.google.com/file/d/0Bxil0zq5PH0mSUMxRGZ1SjVlSEMxMGhzVzRBRFBVQVlKYjA4/view" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

თბილისი. 18 იანვარს, ბავშვთა პალიატიური მზრუნველობის პირველ ჰოსპისს საქართველოში 2 წელი შეუსრულდა. „2 წლის მანძილზე გავიზარდეთ, ბევრი მეგობარი შევიძინეთ, ბევრჯერ ვიტირეთ, ზღვა სიყვარული მივიღეთ, არაჩვეულებრივი ბავშვები და მათი ოჯახის წევრები გავიცანით. კარგად შევიგრძენით, რომ ცხოვრებაში ყოველი წამით უნდა დატკბე და ყოველ ახალ დღეს მადლიერებით სავსე შეხვდე. თქვენი დამსახურებით 250-მდე პაციენტს მოვემსახურეთ, როგორც ჰოსპისში, ასევე ბინაზე და დღის ცენტრში", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC), დღეისთვის, საქართველოს პარლამენტის ჯანმრთელობის დაცვისა და სოციალურ საკითხთა კომიტეტში დაგეგმილ, შრომის უსაფრთხოების ორგანული კანონის პროექტის განხილვას ეხმაურება. „ადამიანის უფლებების სწავლების და მონიტორინგის ცენტრი (EMC) დადებითად აფასებს საქართველოს პარლამენტის ინიციატივას, დახვეწოს შრომის უსაფრთხოების შესახებ საქართველოს კანონი, აღმოფხვრას კანონმდებლობაში ამ მიმართულებით არსებული ძირითადი ხარვეზები და მეტად დაუახლოვოს ის საერთაშორისო სტანდარტებს. თუმცა, შემოთავაზებული ცვლილებები კვლავ არ ქმნის სრულყოფილ საკანონმდებლო ჩარჩოს შრომითი უფლებების ეფექტიანი და სამართლიანი დაცვის მიზნით", - ნათქვამია EMC-ის განცხადებაში. სრულად  წყარო: ორგანიზაციის ვებგვერდი

თბილისი. ევროპის ფონდის ორგანიზებით, შედგა დისკუსია თემაზე: „ჰაერის ხარისხის კუთხით საქარათველოში არსებული ძირითადი გამოწვევები – საერთაშორისო ვალდებულებები, საქართველოს კანონმდებლობა და საჯარო პოლიტიკა". ღონისძიების მიზანი იყო, შემდგარიყო დისკუსია საქართველოში ჰაერის ხარისხის გაუმჯობესების თემაზე, კერძოდ, თუ როგორ უნდა მოხდეს ევროპული პრაქტიკის დროულად და ეფექტურად დანერგვა გარემოსდაცვითი სამოქალაქო საზოგადოების ორგანიზაციების და ბიზნეს სექტორისა მაქსიმალური მონაწილეობით. სრულად  წყარო: ორგანიზაციის ვებგვერდი

თბილისი. სავარაუდოდ, უცნობი, ძლიერმოქმედი ნარკოტიკული ნივთიერებით გამოწვეული ინტოქსიკაციისა და გარდაცვალების ფაქტებთან დაკავშირებით, საზოგადოებრივი ორგანიზაციების ნაწილი განცხადებას ავრცელებს. „შექმნილ ვითარებაში, მოვუწოდებთ: საქართველოს შინაგან საქმეთა და ჯანდაცვის სამინისტროებს, მიაწოდონ საზოგადოებას ინფორმაცია ბოლო პერიოდში, ისევე როგორც მიმდინარე წლის მაისში დაფიქსირებული ინტოქსიკაციისა და გარდაცვალების ფაქტების გამომწვევი მიზეზების შესახებ; ჯანდაცვის სამინისტრომ, სხვა უწყებების ჩართულობით, შექმნას გაფართოებული სამუშაო პლატფორმა, სადაც პროფესიული და დაინტერესებული ჯგუფების მონაწილეობით, განისაზღვრება მსგავსი ფაქტების პრევენციის მიზნით გადასადგმელი კონკრეტული ნაბიჯები; სახელმწიფომ დაგეგმოს და გადადგას რეალური პრევენციული ნაბიჯები ნარკოტიკებით გამოწვეული ინტოქსიკაციის და გარდაცვალების ფაქტების შემდგომი პრევენციის მიზნით; საქართველოს პარლამენტმა გაიაზროს საკუთარი პასუხისმგებლობა და დაუბრუნდეს ნარკოპოლიტიკის რეფორმის საკითხის განხილვას", - ვკითხულობთ განცხადებაში. სრულად  წყარო: emc.org.ge

კონსულტაციისა და ტრენინგის ცენტრმა (CTC) მის მიერ შემუშავებული სახელმძღვანელო დოკუმენტის: „ჯანმრთელობისა და ზრუნვის მუნიციპალური პროგრამების შემუშავების გზამკვლევი" პრეზენტაცია გამართა. „გზამკვლევი განსაზღვრავს ჯანმრთელობის დაცვისა და ზრუნვის სფეროში ადგილობრივი თვითმმართველობების პროგრამების შემუშავებისა და დანერგვის სახელმძღვანელო პრინციპებს. პრეზენტაციის შემდგომ, გაიმართა ფასილიტირებული დისკუსია საკითხზე: საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და ადგილობრივ თვითმმართველობებს შორის ურთიერთთანამშრომლობა ჯანმრთელობისა და სოციალური დაცვის ზრუნვაზე ორიენტირებული მუნიციპალური პროგრამების დაგეგმვის პროცესში," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „საერთაშორისო გამჭვირვალობა - საქართველო" (TI) „შრომის უსაფრთხოების შესახებ" ორგანულ კანონში შესატან ცვლილებებს მიმოიხილავს. დოკუმენტში, რომელიც ორგანიზაციის ვებგვერდზეა გამოქვეყნებული, ვკითხულობთ: „საქართველოს პარლამენტი პირველი მოსმენით განიხილავს ცვლილებებს საქართველოს „შრომის უსაფრთხოების შესახებ" ორგანულ კანონში. საკანონმდებლო ინიციატივის მიხედვით, 2019 წლის 1 სექტემბრიდან შრომის უსაფრთხოების შესახებ საქართველო კანონი - არა მხოლოდ საფრთხის შემცველ, მძიმე, მავნე და საშიშპირობებიან სამუშაოებზე, არამედ ეკონომიკური საქმიანობის ყველა დარგზე გავრცელდება". სრულად  წყარო: ორგანიზაციის ვებგვერდი

გურია. არბაიტერ სამარიტერ ბუნდმა (ASB Georgia) ევროკავშირის მხარდაჭერით, გურიაში სმენის სკრინინგის მომსახურება დანერგა. პროექტი „საზოგადოებრივი ორგანიზაციების შესაძლებლობების გაძლიერება სოციალური პოლიტიკის დიალოგში წვლილის შეტანისთვის საქართველოსა და უკრაინაში" დაფინანსებულია ევროკავშირის მიერ. სრულად... წყარო: ორგანიზაციის ვებგვერდი სოციალურ ქსელში

2 ნოემბერს, ნიუ-იორკში ღია საზოგადოების ფონდის მხარდაჭერით საქართველოში ფსიქიკური ჯანმრთელობის სათემო სერვისების მხარდასაჭერად საქველმოქმედო აქცია-კონცერტი გაიმართა, რომელსაც ამერიკაში მცხოვრები ქართველები და ამერიკელები ესწრებოდნენ. „კონცერტში მონაწილეობა მიიღეს ამერიკაში მოღვაწე ქართველმა მუსიკოსებმა და მათმა მეგობრებმა. შესრულდა ქართველ კომპოზიტორთა ნაწარმოებები. გამოიფინა და გაიყიდა მხატვარ ეთერი ჭკადუას ნახატებით დაპრინტული ნივთები, ასევე დიზაინერ ლაკო ბუკიას მიერ დამზადებული ნივთები. სათემო ფსიქიატრიული მომსახურების მიზანია ფსიქიკური ჯანმრთელობის პრობლემების მქონე ადამიანების მკურნალობა და რეაბილიტაცია ჰოსპიტალს გარეთ, ბინაზე. ეს მოდელი საქართველოში 2013 წელს ამერიკული ორგანიზაციის „ადამიანები ეხმარებიან ადამიანებს" და ქართველი ემიგრანტი ფსიქიატრების მონდომებით და ღია საზოგადოების მხარდაჭერით დაინერგა", ნათქვამია ღია საზოგადოების ფონდის ვებგვერდზე, სრულად... წყარო: www.osgf.ge

იმერეთი. ქმედუნარიანობის რეფორმის შესახებ მორიგი სამუშაო შეხვედრა ორგანიზაციამ „პარტნიორობა ადამიანის უფლებებისთვის" (PHR) ქუთაისის დღის ცენტრ „ვალენტინში" გამართა. შეხვედრის მიზანი, ქმედუნარიანობის რეფორმასთან დაკავშირებული საკითხების შესახებ, ცენტრის თანამშრომლების, მისი მხარდამჭერების, შეზღუდული შესაძლებლობების მქონე ბავშვების მშობლების ინფორმირება იყო. სრულად  წყარო: ორგანიზაციის ვებგვერდი

თბილისი. ორგანიზაციები „ქალთა ინიციატივების მხარდამჭერი ჯგუფი" და „თანასწორობის მოძრაობა" საზოგადოებას მიმართავს ჩეჩნეთიდან დევნილი თემის წევრის დასახმარებლად, რომელიც ამჟამად ფატალური დიაგნოზით და მწვავე პნევმონიით იმყოფება ერთ-ერთ ინფექციურ კლინიკაში. ავადმყოფის მდგომარეობა უკიდურესად მძიმეა. დევნილი პიროვნება ჩეჩნეთიდან ერთ წელზეა მეტია გამოიქცა, სადაც თემთან კუთვნილების გამო ახლობლების და პოლიციის მხრიდან სასტიკი წამების მსხვერპლი გახდა და იძულებული იყო ქვეყანა დაეტოვებინა. პიროვნებას ჯერ არ მიუღია საქართველოში ბინადრობის მოწმობა, რის გამოც ვერ სარგებლობს ვერანაირი სახელმწიფო სამედიცინო დაზღვევით; მისი უკიდურესად რთული ჯანმრთელობის მდგომარეობიდან გამომდინარე კი, სტაციონარული მომსახურებისა და მედიკამენტების ხარჯების დაფარვა, ჩვენი დახმარების გარეშე, შეუძლებელია. თითოეული თქვენგანის მიერ ჩარიცხული თანხა უმნიშვნელოვანესი იქნება ამ ადამიანის სიცოცხლის შესანარჩუნებლად", ნათქვამია ორგანიზაციის ვებგვერდზე. სრულად... წყარო: women.ge

თბილისი. არასამთავრობო ორგანიზაციები განცხადებას ავრცელებენ ყოფილი პრემიერ-მინისტრის ივანე მერაბიშვილის ჯანმრთელობის მდგომარეობასთან დაკავშირებული ინფორმაციის გასაჯაროებასთან დაკავშირებით. „ხელმომწერი ორგანიზაციები შეშფოთებას გამოვთქვამთ 2018 წლის 24 სექტემბერს, სპეციალური პენიტენციური სამსახურის მიერ გავრცელებულ განცხადებასთან დაკავშირებით, რომელიც უხეშად არღვევს როგორც საქართველოს კონსტიტუციით, ისე ადამიანის უფლებათა და ძირითად თავისუფლებათა ევროპული კონვენციით დაცულ ადამიანის ფუნდამენტურ უფლებებს", ნათქვამია ერთობლივ განცხადებაში. სრულად... წყარო: gdi.ge

17-დან 22 სექტემბრის ჩათვლით, არასამთავრობო ორგანიზაცია „სიდა" და სამოქალაქო საზოგადოების რეგიონული ქსელი (R-CSN) საქართველოს რეგიონებში სამოქალაქო კვირეულს გამართავენ, რომლის ფარგლებში დაგეგმილია თემატური შეხვედრები საგზაო უსაფრთხოების საკითხებთან დაკავშირებით. კამპანიის პარტნიორები არიან საქართველოს ალიანსი უსაფრთხო გზებისთვის და APM ტერმინალს ფოთი. „სამოქალაქო კვირეულის მიზანია საქართველოს მოსახლეობის ცნობიერების და განათლების ამაღლება საგზაო უსაფრთხოების მიმართ, ავტომანქანების დროული ტექნიკური დათვალიერების აუცილებლობის წარმოჩენა და ჯანსაღი ცხოვრების წესის პოპულარიზაცია", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. საქართველოს წყლის ობიექტებზე დახრჩობით გამოწვეული სიკვდილიანობისა და ამ ტრაგედიების პრევენციის გზების თაობაზე მსჯელობისთვის, კამპანია „იცურე მშვიდად" ბათუმში „მრგვალ მაგიდას" მართავს. შეხვედრაზე, რომელიც 19 სექტემბერს, 11:00 საათზე ბათუმის დემოკრატიული ჩართულობის ცენტრში დაიწყება, ასევე, ნაჩვენები იქნება სტუდია „მონიტორის" ჟურნალისტური გამოძიება - „სიკვდილის ზონები საქართველოში". მისამართი: ბათუმი, ფარნავაზ მეფის ქ. #62–64 საკონტაქტო პირები/ინფორმაცია: ირაკლი მიქელაძე, CENN, Tel.: 595 702006; ალეკო ცქიტიშვილი, ადამიანის უფლებათა ცენტრი: a.tskitishvili@gmail.com, Tel.: 599 90 60 94; ლაშა ანაკიძე, პროგრესის ცენტრი, lasha.anakidze@gmail.com, Tel.: 598 002110

თბილისი. ასოციაცია „ჰერა XXI"-ის ორგანიზებით, სოციალური მუშაკებისთვის ტრენინგი ჩატარდა. ღონისძიებას ესწრებოდა 20-ზე მეტი პრაქტიკოსი სოციალური მუშაკი, რომლებიც სოციალური მომსახურების სააგენტოსთან თანამშრომლობით შეირჩნენ. ტრენინგის თემატიკა იყო: რეპროდუქციული ჯანმრთელობა და მისი ელემენტები, რეპროდუქციული უფლებები, მოზარდობა და მისი შემდგომი ეტაპები, სგგი და მათი პრევენცია, ოჯახის დაგეგმვის თანამედროვე მეთოდები, ჯანდაცვის სერვისებზე ხელმისაწვდომობა, ეფექტური კომუნიკაცია და სხვა. სრულად  წყარო: ორგანიზაციის გვერდი სოციალურ ქსელში

თბილისი. ორგანიზაცია „პარტნიორობა ადამიანის უფლებებისთვის" (PHR) იურისტებმა ასოციაცია „ანიკაში", ქმედუნარიანობის რეფორმასთან დაკავშირებით, საინფორმაციო შეხვედრა გამართეს. ყურადღება გაამახვილეს იმ განსხვავებებზე, რომელიც მეურვეობის კანონმდებლობასა და მხარდამჭერის ინსტიტუტს შორის არსებობს. ორგანიზაციის იურისტებმა შეხვედრის მონაწილეებს მიაწოდეს ინფორმაცია, მხარდამჭერის ინსტიტუტთან დაკავშირებით საზღვარგარეთ არსებული პრაქტიკის შესახებ; გააცნეს ის რეგულაციები, რომელთა მეშვეობითაც, ფსიქოსოციალური საჭიროების მქონე პირთა ქმედუნარიანობის უფლების განხორციელების დამატებითი უზრუნველყოფა არის შესაძლებელი. სრულად  წყარო: ორგანიზაციის ვებგვერდი

თბილისი. საგზაო უსაფრთხოების თემაზე საზოგადოებაში ცნობიერების ამაღლების კამპანიის - „სუფთა ჰაერი, უსაფრთხო მოძრაობა!" შესახებ, რეგიონული სამოქალაქო საზოგადოების ორგანიზაციების წარმომადგენლებისთვის, ტრენერთა ტრენინგი გაიმართა. ტრენინგის მონაწილეებმა მიიღეს ინფორმაცია საგზაო უსაფრთხოებასთან დაკავშირებულ ისეთ საკითხებზე, როგორიცაა: ინფრასტრუქტურის, ტრანსპორტის და ადამიანი როლი ავტოავარიების ზრდასა თუ შემცირებაში, ნასვამობა საჭესთან, სიჩქარის გადაჭარბება, ავტომობილის დაუდევარი/უყურადღებო/გადაღლილი მართვა, ღვედებისა და სამგზავრო საბავშვო სავარძლების მნიშვნელობა მგზავრობისას, ფეხით მოსიარულეთა უსაფრთხოება. სრულად  წყარო: ორგანიზაციის გვერდი სოციალურ ქსელში

ქვემო ქართლი. „საქართველოს სოციალურ მუშაკთა ასოციაციამ" რუსთავსა და მარნეულში მუნიციპალიტეტების წარმომადგენლებთან, ადგილობრივ სოციალურ მუშაკებთან და არასამთავრობო სექტორთან შეხვედრა გაიმართა. შეხვედრის მონაწილეებს გააცნეს პროექტის - "ძლიერი სამოქალაქო საზოგადოება ეფექტიანი მმართველობისთვის" - ფარგლებში ჩატარებული კვლევების შედეგები, ასევე, პროგრამის ექსპერტების მიერ მომზადებულ მასალა - "საჭიროებებზე დაფუძნებული პოლიტიკის მიმოხილვა" და „საუკეთესო მუნიციპალური მომსახურებების მიწოდების პრაქტიკის მიმოხილვა". სრულად  წყარო: ორგანიზაციის გვერდი სოციალურ ქსელში

აჭარა. ბათუმის ახალგაზრდული ცენტრისა და კავკასიის გარემოსდაცვითი არასამთავრობო ორგანიზაციების ქსელის" (CENN) ორგანიზებით, ბათუმის ცენტრალურ პარკში, მოეწყო ფილმის - "ნაგავსაყრელი" - ჩვენება. ფილმში ნაჩვენებია ნაგავსაყრელზე არსებული რეალობა, მოთხრობილია სიმართლე იმაზე, თუ რა საფრთხეს გვიქმნის ჩვენ და ჩვენ ჯანმრთელობას ნაგავსაყრელები. პროექტი ხორციელდება "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” [PITA] ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. სრულად  წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველმა ახმეტის მუნიციპალიტეტის მერს საბავშვო ბაგა–ბაღების კეთილმოწყობის მიზნით დროული და კომპლექსური ღონისძიებების გატარების რეკომენდაციით მიმართა. სახალხო დამცველის აპარატის მონიტორინგის შედეგად გამოიკვეთა, რომ სოფლების – ქისტაურისა და ზემო ხოდაშენის, ასევე ახმეტის N5 და N6 საბავშვო ბაგა-ბაღებში საკმაოდ მძიმე მდგომარეობაა, მოუწესრიგებელია სასწავლო და სააღმზრდელო გარემო, არ არის უზრუნველყოფილი უსაფრთხოება, ფიზიკურ-ინფრასტრუქტურული და სანიტარულ-ჰიგიენური პირობები. სრულად  წყარო: სახალხო დამცველის ვებგვერდი

თბილისი. პარტნიორობა ადამიანის უფლებებისთვის (PHR) 7 ფსიქიატრიულ დაწესებულებაში იმყოფებოდა. ხონსა და სურამში იურისტებს დაწესებულებებში მცხოვრებ პირებთან შეხვედრა სამჯერ შეეზღუდათ. ამ ფაქტებთან დაკავშირებით ორგანიზაციამ ჯანდაცვის სამინისტროს 2-ჯერ მიმართა განცხადებით. ფსიქიატრიულ დაწესებულებებში ვიზიტისას PHR-მა 22 სამართლებრივი კონსულტაცია ჩაატარა. სრულად... წყარო: phrgeorgia.wordpress.com

თბილისი. იუნისეფი აქვეყნებს კვლევას: „საქართველოს მოსახლეობის ნუტრიციული (იოდის) სტატუსისა და იოდირებული მარილის გამოყენების ეროვნული შეფასება". „საქართველოში ყველა სახის მარილი, რომელიც გამოიყენება შინამეურნეობების და კვების ინდუსტრიის მიერ, იოდირებულია. კვლევის შედეგები მიუთითებს, რომ არაიოდირებული მარილი ქვეყანაში არ არსებობს და მარილის სინჯების 90%-ზე მეტში იოდის შემადგენლობა არის 15 მგ/კგ-ზე მეტი - უნივერსალურად აღიარებული ზღვრული მაჩვენებელი ხარისხიანი იოდირებული მარილისათვის. მარილის იოდირების წარმატებული პროგრამა არის გარანტი იოდით მდგრადი და ოპტიმალური კვების შენარჩუნებისათვის საქართველოში. არ არსებობს საჭიროება იმისა, რომ შეიცვალოს მარილის იოდიზაციის დონე ან მოხდეს გამონაკლისის დაშვება ზოგიერთი საკვების მწარმოებლისათვის, რომლებიც ცდილობენ არაიოდირებული მარილის გამოყენებას. ეს გარდაუვლად გამოიწვევს უაღრესად წარმატებული საზოგადოებრივი ჯანმრთელობის პროგრამის, როგორიცაა იოდის დეფიციტის ელიმინაცია, დასუსტებას და მარცხს", ნათქვამია კვლევაში. სრულად... წყარო: unicef.ge