სამცხე–ჯავახეთი. ახალციხის პირველი საჯარო სკოლის სამოქალაქო კლუბის  – „ოცნებიდან რეალობამდე"  – წევრებმა  საქველმოქმედო აქცია მოაწყეს. ისინი ნინოწმინდის მუნიციპალიტეტის წმინდა ბარბარეს სახელობის ბავშვთა სახლს ესტუმრნენ და აღსაზრდელებს საჩუქრად ტანსაცმელი და სურსათი გადასცეს. საქველმოქემდო აქციაში ახალციხის მეორე, მესამე და მეხუთე საჯარო სკოლების სამოქალაქო კლუბის წევრები მონაწილეობდნენ.  მათ ნინოწმინდის ბავშვთა სახლის აღსაზრდელებს კონცერტი და შემეცნებითი გასართობი ღონისძიებებიც  შესთავაზეს. კლუბის წევრებმა აღნიშნეს, რომ მსგავსი აქციები მომავალშიც გაგრძელდება. საქველმოქმედო აქციას ორგანიზება ახალციხის ახალგაზრდულმა ცენტრმა გაუწია. იგი  ,,სამოქალაქო განათლებისა და პედაგოგთა გადამზადების" პროგრამის ფარგლებში განხორციელდა.

გურია. ჯანმრთელობის დაცვის საერთაშორისო დღის აღსანიშნავად,  „ახალგაზრდა პედაგოგთა კავშირის" ბაზაზე არსებული ახალგაზრდული ცენტრის წევრებმა აქცია მოაწყვეს. აქციის მიზანი იყო, გაემახვილებინათ საზოგადოების ყურადღება ქვეყანაში ბავშვთა ჯანმრთელობის დაცვის კუთხით არსებულ პრობლემებზე. სახელმწიფოს პასუხისმგებლობაზე ბავშვთა უფლებების დაცვის მიმართულებით.

იმერეთი. ქუთაისის საკრებულოსა და სამოქალაქო განვითარების სააგენტო „სიდას" შორის თანამშრომლობის მემორანდუმი გაფორმდა. „მემორანდუმი გულისხმობს ჩვენს შორის ინფორმაციის გაცვლას, „სიდას" მხრიდან სხვადასხვა პრიორიტეტების შესახებ სარეკომენდაციო პაკეტების მომზადებას, სამოქალაქო მონიტორინგისთვის საჭირო სხვადასხვა აქტივობების ჩატარებას, მთელი წლის განმავლობაში აქტიურად თანამშრომლობაას" – განაცხადა„სიდას" ერთ–ერთმა წარმომადგენელმარეზო ბარბაქაძემ. ქუთაისის საკრებულოს თავმჯდომარის, თამაზ მარგველაშვილის განცხადებით, ქალაქის მერია სააგენტოსთანაქტიური თანამშრომლობისთვის მზადაა.

სამცხე–ჯავახეთი. ახალციხეში, საზოგადოებრივი ორგანიზაცია ,,დემოკრატ მესხთა კავშირის" საკონფერენციო დარბაზში ფილმის ჩვენებმა მოეწყო. ფილმის თემა იყო აუტიზმი და მასთან დაკავშირებული პრობლემები. ღონისძიება ჩატარდა პროექტის  ,,ეროვნული ინტეგრაციის გაძლიერება საქართველოში" ფარგლებში.  პროექტი დაფინანსებულია ამერიკის შეერთებული შტატების საერთაშორისო განვითარების სააგენტოს (USAID) მიერ და ახორციელებს საქართველოს გაეროს ასოციაცია. სამოქალაქო კლუბმა საქველმოქმედო აქცია მოაწყო.

11 აპრილს, 17:00 საათზე ილიას სახელმწიფო უნივერსიტეტში გაიმართება მედია პროექტის Telekritika.ge-ს პრეზენტაცია. შეხვედრაზე „საერთაშორისო გამჭვირვალობა – საქართველოს" წარმომადგენლები ისაუბრებენ როგორც პროექტის შინაარსსა და მიზნებზე, ისე – მედიაბაზარზე არსებულ ზოგად ვითარებაზე. მისამართი: თბილისი, ილიას სახელმწიფო უნივერსიტეტი

11 აპრილს, 15:00 საათზე, ლიბერალური განათლების ქართულ–ამერიკული ცენტრი გამართავს დისკუსიას თემაზე : „უნივერსიტეტი და პოლიტიკა: სად არის წყალგამყოფი?" მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი

11 აპრილს,  12 :00 საათზე, სამოქალაქო განვთარების სააგენტო „სიდა" გამართავს კვლევის პრეზენტაციას – „რეგიონების პრობლემები". პრეზენტაციები გაიმართება ქუთაისში, ბათუმში, ოზურგეთში, ზუგდიდში, გორში, ახალციხესა და თელავში. მისამართი: ქუთაისის, ბათუმის, ოზურგეთის, ზუგდიდის, ახალციხის, გორის, თელავის დემოკრატიული ჩართულობის ცენტრები

11 აპრილს, 11:00 საათზე სამოქალაქო საზოგადოების ინსტიტუტი გორში გამართავს საზოგადოებრივი ორგანიზაციების პორტალის – www.csogeorgia.org - პრეზენტაციას. მისამართი: გორი, სტალინის 7, დემოკრატიული ჩართულობის ცენტრი

თბილისი. ეკონომიკური პოლიტიკის კვლევის ცენტრმა გამართა ანგარიშის –„მიწის ბაზრის არსებული მდგომარეობა" –  პრეზენტაცია. ანგარიშში „მიწის ბაზრის არსებული მდგომარეობა"  გაანალიზებულია საქართველოში დამოუკიდებლობის მიღწევიდან დღემდე განხორციელებული მიწის ბაზრის რეფორმები და მათი შედეგები. შეხვედრაზე ეკონომიკური პოლიტიკის კვლევის ცენტრის ექსპერტებმა მიწის რეფორმის დასრულების საკუთარ ხედვა წარმოადგინეს. პრეზენტაციას ექსპერტები, ხელისუფლებისა და მედიის წარმომადგენლები დაესწრნენ. წყარო:ორგანიზაციის გვერდი სოციალურ ქსელში

თბილისი.ინფორმაციის თავისუფლების განვითარების ინსტიტუტმა კულტურისა და ძეგლთა დაცვის სამინისტროს აუდიტის 2012 წლის ანგარიში გამოაქვეყნა. „საქართველოს კულტურისა და ძეგლთა დაცვის სამინისტროს  მიერ განხორციელებულ  სახელმწიფო შესყიდვებთან დაკავშირებულ უზუსტობებსა და ნაკლოვანებებში, ასევე ვხვდებით დაუსაბუთებელი გადაუდებელი აუცილებლობის მოტივით განხორცილებულ შესყიდვებს, ტენდერების გამოცხადებისას პრეტენდენტებისათვის წაყენებული პირობების არათანმიმდევრულობისა და შეფასების კრიტერიუმების დაუსაბუთებლობის ფაქტებს, არაგონივრულად მცირე დროის მონაკვეთში დადებულ ხელშეკრულებებს და სამუშაოს მიღების ფაქტებს”, ნათქვამია ორგანიზაციის ვებგვერდზე. სრულად წყარო:ორგანიზაციის გვერდი სოციალურ ქსელში

თბილისი.  6-7 აპრილს, სასტუმრო „ვერე პალასში" სამოქალაქო განათლებისა  და პედაგოგთა გადამზადების პროგრამის ფარგლებში გაიმართა პარტნიორი არასამთავრობო ორგანიზაციების ტრენინგი ახალგაზრდული ფორუმის ჩატარების საკითხებზე. ტრენინგზე განხილული იქნა ახალგაზრდული ფორუმის ჩატარების საკითხები, დამტკიცებული სამოქმედო გეგმა და არსებული გამოცდილება.  განხორციელდა პრაქტიკული სავარჯიშოები მცირე სამუშაო ჯგუფებში. ტრენინგზე წარმოდგენილი იყო ფორუმის ჩატარების სიმულაციები და წარმატებული პროექტების მაგალითები. 2013 წლის აპრილის ბოლომდე  ახალგაზრდული ფორუმი ჩატარდება საქართველოს  ყველა რეგიონში. წყარო:civics.ge

იმერეთი.4 აპრილს, ნატოს დაარსების დღის აღსანიშნავად ქუთაისის ახალაგზრდული ცენტრის 37-მა წევრმა მონაწილეოება მიიღო შეხვედრაში, რომელიც აკაკი წერეთლის სახელმწიფო უნივერსიტეტში გაიმართა. შეხვედრაზე ახალგაზრდები ნატოსა და ევროკავშირის შესახებ საინფორმაციო ცენტრის 2013 წლის სამოქმედო გეგმას გაეცნენ და გიორგი ცხვიტავას ფილმი ბერლინიდან–ბერლინამდე ნახეს, ცენტრის წევრებმა უნივერსიტეტის ეზოში არსებულ „ნატოს სკვერში" კედარის ნერგები დარგეს. წყარო:ორგანიზაციის გვერდი სოციალურ ქსელში

ქვემო ქართლი.სიქას ორგანიზებით კლუბ „სიქა–მოგზაურის" მესამე სეზონის დახურვის ღონისძიება გაიმართა. ღონისძიებაზე მონაწილეებმა  გასული 2 თვის მუშაობა შეაჯამეს. საღამოს ბოლოს კლუბის წევრები სერტიფიკატებით დაჯილდოვდნენ.  „სიქა–მოგზაური" მუშაობას სექტემბერში განაახლებს. წყარო:ორგანიზაციის გვერდი სოციალურ ქსელში

კახეთი.10 აპრილს, თელავში, „განათლების განვითარებისა და დასაქმების ცენტრმა" პროექტის –  „ეროვნული ინტეგრაციის გაძლიერება საქართველოში" – ფარგლებში მოაწყო შეხვედრა. ღონისძიება მიზნად ისახავდა თელავში მოქმედ „New Life”–ის სკოლის აღსაზრდელთათვის ჯანსაღი ცხოვრების წესის შესახებ ანიმაციური ფილმების ჩვენებას. აღნიშნულ ღონისძიებას, ასევე, ეწრებოდნენ განსაკუთრებული საჭიროების მქონე არსაზრდელები. საორგანიზაციო ჯგუფის წევრი აკო შაშვიაშვილი: „ჩვენი ორგანიზაცია ატარებს სხვადასვა აქტივობებს, რომლის ფარგლებშიც დღეს ვიმყოფებოდით „New Life”–ში და მოვაწყეთ შემეცნებითი ანიმაციური ფილმების ჩვენებას".

თბილისი. „ტფილისის ჰამქარმა" ღია წერილი გაავრცელა, რომლითაც  შოთა რუსთაველის გამზირის #29-ში მდებარე, ყოფილი მარქსიზმ-ლენინიზმის ინსტიტუტის ფილიალის შენობის, „იმელის"  შენარჩუნებას ითხოვს. „ჩვენი ორგანიზაციისა და საზოგადოების დიდი პროტესტის მუხედავად, უნებართვოდ მოხდა „იმელის" მარცხენა ფლიგელის დემონტაჟი. მოიხსნა სახურავის დიდი ნაწილი და ატმოსფერული ნალექი დაუბრკოლებლად აღწევს შენობაში, რაც საფრთხეს უქმნის ნაგებობის მდგრადობას. განადგურებულია სართულშუა გადახურვები, მზიდი კედლები, სააქტო დარბაზი, შენობის უნიკალური ინტერიერი, მოხსნილია კარ-ფანჯარა... კულტურული მემკვიდრეობის შესანიშნავი ნიმუში მიზანმიმართულად ნადგურდება!", – ნათქვამია წერილში. „ტფილისის ჰამქარი" მიმართავს „დაბი ჯგუფის" წარმომადგენლებს, საქართველოს პრემიერ-მინისტრს, საქართველოს პრეზიდენტს, საქართველოს კულტურისა და ძეგლთა დაცვისა მინისტრს, თბილისის მერს მოძებნონ არსებული  ვითარებიდან გამოსავალი, რომლის დროსაც არ დაირღვევა არც ინვესტორის უფლებები და არც თბილისი დაკარგავს ობიექტს. სრულად  წყარო:ორგანიზაციის გვერდი სოციალურ ქსელში

სამცხე-ჯავახეთი. 9 აპრილს სამცხე-ჯავახეთში საქმიანი ვიზიტით მყოფი ევროსაბჭოს მონიტორინგის კომიტეტის წევრები ადგილობრივი არასამთავრობო სექტორის წარმომადგენლებს შეხვდნენ. პირველი ვიზიტი სამცხე-ჯავახეთის რეგიონულ ასოციაცია ,,ტოლერანში" გაიმართა,  შემდეგ კი სტუმრებმა ორგანიზაცია ,,დემოკრატ მესხთა კავშირის" ოფისში გადაინაცვლეს. შეხვედრებზე ეთნიკური უმცირესობების პრობლემებზე ისაუბრეს. ახალციხის შემდეგ ევროსაბჭოს წარმომადგენლები ახალქალაქში გაემგზავრნენ, სადაც ასევე ადგილობრივი თვითმმართველობისა და არასამთავრობო სექტორის წარმომადგენლებს შეხვდნენ.

თბილისი. ინფორმაციის თავისუფლების განვითარების ინსტიტუტი ახალ პროექტზე მუშაობს, რომელიც  საქართველოში 1989-1991 წლებში  განვითარებული მოვლენების ანალიზს ისახავს მიზნად. „საბჭოთა კავშირის დაშლიდან 20 წლის შემდეგაც კი სსრკ-ს არსებობის ბოლო წლები და საქართველოს დამოუკიდებლობის პირველი წლები პრაქტიკულად არაა შესწავლილი. ის სათანადო ასახვას ვერ ჰპოვებს სკოლის სახელმძღვანელოებსა და სამეცნიერო დისკუსიაში", – ნათქვამია ორგანიზაციის ვებგვერდზე. პროექტის ფარგლებში მოპოვებული მასალების საფუძველზე გამოიცემა პუბლიკაცია  წიგნის სახით. პროექტი -  ახალი სახელმწიფოს წარსული მემკვიდრეობა -  სახალხო უნივერსიტეტთა გერმანული ასოციაციის საერთაშორისო თანამშრომლობის ინსტიტუტის (dvv international)  ფინანსური მხარდაჭერით ხორციელდება. წყარო:idfi.ge

კახეთი. თელავის ახალგაზრდული საინიციატოვი ჯგუფი აგრძელებს აქციას „წიგნები პატიმრებს." 9 აპრილს, თელავის მედია კაფეში, გაიმართა კიდევ ერთი აქცია, რომლის მიზანია  პატიმრებისთვის ქართულენოვანი წიგნების შეგროვება.  აჩი მჭედლიშვილი – საინიციატივო ჯგუფის წევრი: ,,ჩვენი აქციის წარმატება იქნება ის, რომ პატიმრებს ექნებათ მეტი წიგნი.სამწუხაროდ, დღეს ამის ფუფუნება ჯერ კიდევ სასჯელაღსრულების ბევრ დაწესებულებაში არ არის.  თელავის სჯარო ბიბლიოთეკამ გადაწყვიტა, პატიმრებს 500 წიგნი აჩუქოს. დიდი მადლობა ყველას, ვინც ამ აქციის განხორციელებაში გვეხმარება და მათ, ვინც ერთი წიგნი მაინც მოიტანა პატიმრებისათვის".

თბილისი. „საერთაშორისო გამჭვირვალობა–საქართველოს" განცხადებით ზესტაფონის მუნიციპალიტეტის გამგეობამ თანამშრომლის გათავისუფლების მიზეზის შესახებ ორგანიზაციას მცდარი ინფორმაცია მიაწოდა. „საერთაშორისო გამჭვირვალობა–საქართველო" მოუწოდებს ზესტაფონის მუნიციპალიტეტის გამგეობას, დაიცვას დასაქმებულ პირთა უფლებები, საკადრო ცვლილებები მოაქციოს საკანონმდებლო ჩარჩოებში და ახალი კადრების აყვანა შესაბამის თანადებობაზე განახორციელოს მხოლოდ საკონკურსო–საატესტაციო კომისიის მეშვეობით – ღია, გამჭვირვალე კონკურსის წესის დაცვით. სრულად  წყარო:ორგანიზაციის გვერდი სოციალურ ქსელში

კახეთი. 9 აპრილს, თელავის მედია კაფეში, „საქართველოს ბუნების მეგობართა" საზოგადოების ხელმძღვანელმა, კახა სუხიტაშვილმა, სასწავლო ტიპის სემინარი ჩაატარა. ტრენინგს თელავის სახელმწიფო უნივერსიტეტის სტუდენტები და მოხალისეები ესწრებოდნენ. ტრენინგზე სტუდენტებმა და მოხალისეებმა განიხილეს და შეისწავლეს პროექტების წერის ტექნიკები. 

სამეგრელო. წალენჯიხის მუნიციაპლიტეტის თვითმმართველობის სხდომათა დარბაზში, 5 აპრილს, არასამთავრობო ორგანიზაცია  ღია გარემოს დაცვითი სამოქალაქო ინიციატივა მუნიციპალიტეტის ტერიტორიული ერთეულების ხელმძღვანელ პირებს და გამგეობის ზედამხედველობის სამსახურის წარმომადგენლებს შეხვდა. ორგანიზაციის კოორდინატორმა სამეგრელო–ზემო სვანეთში მაია კოდუამ რეგიონების ინფორმირების პროექტის პრეზენტაცია წარადგინა. განხილულ იქნა სატყეო რეფორმის კონცეფცია,  ასევე მთავრობის მიერ ინიცირებული დეცენტრალიზაციისა და თვითმმართველობის განვითარების სტრატეგიის ძირითადი პრინციპები, ბუნებრივი კატასტროფების საფრთხეებისა და ტყის მონიტორინგის ვებ–ატლასის გამოყენება. შეხვედრის მონაწილეებს  დაურიგდათ კითხვარები ადგილობრივი პრობლემატიკისა და საჭიროებების შეფასებით. არასამთავრობო ორგანიზაცია მსგავს შეხვედრებს სხვა მუნიციაპლიტეტებშიც მოაწყობს.

კახეთი. იაკობ გოგებაშვილის სახელობის თელავის სახელმწიფო უნივერსიტეტში, აშშ გეოგრაფიული საზოგადოების (National Geographic Society) 125-ე საიუბილეო წლის აღსანიშნავად, „National Geographic საქართველომ" დაიწყო პრეზენტაციების ციკლი საქართველოს მასშტაბით. ისინი საზოგადოებას აშშ–ს გეოგრაფიული საზოგადოების საქმიანობას აცნობენ. ერთ–ერთი პირველი შეხვედრა თელავში გაიმართა.