თბილისი. გიორგი პაპუაშვილთან მოქალაქე როლანდ ბლადაძის ჩამორთმეულ, სადავო ქონებაზე მხარის სააპელაციო საჩივარი არ დაკმაყოფილდა. „თბილისის სააპელაციო სასამართლოს მიერ მიღებული განჩინება საქართველოს უზენაესს სასამართლოში გასაჩივრდება. ამასთან, როლანდ ბლადაძის წარმომადგენელმა უკვე გააკეთა განცხადება საქმის ევროსასამართლოში გაგზავნის თაობაზეც", ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. მედიის განვითარების ფონდი (MDF), „დოიჩე ველე აკადემიის" (DWA), მხარდაჭერით, იწვევს ახალგაზრდებს „მითების დეტექტორის ლაბორატორიაში” მედიაწიგნიერების სასწავლო კურსში მონაწილეობის მისაღებად. „სასწავლო კურსი კვირაში ერთჯერ, შაბათობით, 3,5 თვის განმავლობაში ჩატარდება. შერჩეული აპლიკანტები ასევე გაივლიან სტაჟირებას „მითების დეტექტორის” ვებ-გვერდზე, სადაც კურსის განმავლობაში მომზადებული საუკეთესო მასალები გამოქვეყნდება, ხოლო გამოქვეყნებული მასალების ავტორები 50 ევრომდე (დასაბეგრი თანხის ეკვივალენტი ლარებში) ჰონორარს მიიღებენ. კურსის ბოლოს პროგრამის მონაწილეებს გადაეცემათ MDF-ისა და DWA-ს სერტიფიკატები, ხოლო ჟიური გამოავლენს 3 საუკეთესო ნამუშევრის ავტორს, რომელთაც სპეციალური პრიზები გადაეცემათ. პირველ ადგილზე გასული მონაწილე DWA-ს ან მისი პარტნიორის მიერ ორგანიზებულ საერთაშორისო მედია ღონისძიებაზე გაემგზავრება", ნათქვამია ორგანიზაციის ვებ-გვერდზე. სრულად... წყარო: www.mdfgeorgia.ge

თბილისი. გლდანში სკვერის ტერიტორიაზე მშენებლობის დაწყებას ადგილობრივი მოსახლეობა აპროტესტებს. საქართველოს ახალგაზრდა იურისტთა ასოციაცია (საია) ადგილობრივების ინტერესებს სამართლებრივად დაიცავს. სრულად... წყარო: ორგანიზაციის ვებ-გვერდი სოციალურ ქსელში

თბილისი. საზოგადოებრივი ორგანიზაციები საკონსტიტუციო კომისიას განცხადებით მიმართავენ. „მიგვაჩნია, რომ სათანადოდ არ ხდება ქალებისა და სხვა მოწყვლადი ჯგუფების უფლებების რეალიზება, რისი მიზეზიც უმეტესად არსებითი თანასწორობის კონსტიტუციური გარანტიების არარსებობაა. ქალთა და უმცირესობათა წარმომადგენელი მოქალაქეების ღირსების შემლახველი მდგომარეობა ყველაზე ხილულად სოციალური, ეკონომიკური, კულტურული და პოლიტიკური უფლებების განხორციელების დროს გამოიხატება. ამიტომ, არსებითად მნიშვნელოვანად მიგვაჩნია, მოწყვლადი ჯგუფების დაცვა გახდეს საზოგადოებრივი კონსესუსის საფუძველი. საქართველოს კონსტიტუცია უნდა იყოს გენდერულად სამართლიანი, არსებითი თანასწორობის მიღწევის მთავარი საშუალება ქვეყანაში. რაც უზრუნველყოფს გოგონათა, ქალთა, შშმ პირთა და უმცირესობათა ჯგუფების თანასწორობას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: gyla.ge

თბილისი. პოლიტიკური ნიშნით სამსახურიდან გათავისუფლების საქმეზე უზენაესმა სასამართლომ კიდევ ერთი გადაწყვეტილება დატოვა ძალაში. „სააპელაციო სასამართლომ გიორგი ხაბურზანიას მიმართ პოლიტიკური ნიშნით დისკრიმინაცია დაადგინა და დაკმაყოფილდა სამსახურში აღდგენასთან დაკავშირებით მისი სასარჩელო მოთხოვნები. საქართველოს უზენაესი სასამართლოს აღნიშნული გადაწყვეტილების შედეგად კი, სააპელაციო სასამართლოს გადაწყვეტილება კანონიერ ძალაში შევიდა და თბილისის მერიას დაეკისრა გიორგი ხაბურზანიას თანამდებობაზე აღდგენა, განაცდური ხელფასის სრულად ანაზღაურება, ასევე, დისკრიმინაციის გამო მორალური ზიანის ანაზღაურება. გიორგი ხაბურზანიას ინტერესებს სასამართლოში ორგანიზაცია "კონსტიტუციის 42-ე მუხლი” იცავდა", ნათქვამია ორგანიზაციის ვებ-გვერდზე. სრულად... წყარო: article42.ge

თბილისი. გენდერული საინფორმაციო პორტალი აქვეყნებს ფემინისტურ მოკლემეტრაჟიან ფილმს პოპ ვარსკვლავ მადონას მონაწილეობით. „პოპ დივა მადონამ, რომელმაც უკვე დიდი ხანია ქალთა უფლებების დამცველადაც დაიმკვიდრა თავი, საზოგადებას ახალი მოკლე მეტრაჟიანი ფილი წარუდგინა. 12 წუთიანი ვიდეო ჟურნალ ვოგის გერმანული გამოცემისთვის არის გადაღებული და ის 8 სეგმენტისგან შედგება. ფილმი თავისუფლებისთვის მებრძოლ ქალებს ეძღვნება", ნათქვამია ორგანიზაციის ვებ-გვერდზე. სრულად... წყარო: ginsc.net

თბილისი. ადამიანის უფლებების სწავლებისა და მონიტორინგის ცენტრი (EMC) ქვიარ ფორუმის საჯარო მოხსენებას აქვეყნებს. „სექსუალობის, ნაციონალიზმისა და გენდერის კავშირი 80-90-ანი წლებიდან ბევრი ფემინისტის ნაშრომებში გაჩნდა. თუმცა ნაციონალიზმის შედარებით ადრეულ ფემინისტურ კრიტიკაში, ნაციონალიზმის კრიტიკა ყოველთვის გაგებული იყო ცალსახად ჰეტერონორმატიულად. ყოველთვის, ძირითადად აღიქმებოდა, რომ ეროვნული იდეოლოგიები დაფუძნდა ჰეტერონორმატიულ ოჯახზე და ამ კონტექსტში, ყველა ადამიანი ვისი სექსუალობა და გენდერული თვითგამოხატვა არ ეთანხმება ჰეტერონორმატიული ოჯახის გაგებას, არის გარიყული ეროვნული ერთობიდან და იბრძვის ადგილის დამკვირდებისათვის", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. 10 მარტს, პარტნიორობა ადამიანის უფლებებისთვის (PHR) ძევრის შეზღუდული შესაძლებლობის მქონე პირთა პანსიონატის პერსონალთან ტრენინგი ჩაატარა. „PHR-ის წარმომადგენლები მათ რეფორმის არსისა და მნიშვნელობის შესახებ ესაუბრნენ, გააცნეს მხარდაჭერის განხორციელების ფორმები და მხარდამჭერის უფლება-მოვალეობები. ძევრის პანსიონატში დასაქმებულმა პერსონალმა/მხარდამჭერებმა, ტრენინგის განმავლობაში, მიიღეს ინფორმაცია იმის შესახებ, თუ როგორაა შესაძლებელი მხარდაჭერის ფარგლების შეცვლა ან მხარდამჭერის მოვალეობისგან გათავისუფლება, როგორ ერთვება მხარდამჭერი გარიგების დადების პროცესში, როგორ მიმდინარეობს მეურვეობისა და მზრუნველობის ორგანოსთან ურთიერთობა და ასევე, როგორაა განსაზღვრული მხარდამჭერის პასუხისმგებლობის საკითი და ფარგლები", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. პარტნიორობა ადამიანის უფლებებისთვის (PHR) იურისტებმა ძევრის შშმ პირთა ინსტიტუციაში მცხოვრებ ადამიანებს იურიდიული კონსულტაცია გაუწიეს. „პანსიონატში მცხოვრები ადამიანების ინტერესი, ძირითადად, შეეხებოდა მხარდაჭერის ინსტიტუტთან დაკავშირებულ საკითხებს, როგორიცაა, მათი საჭიროებების დაკმაყოფილების პროცესში მხარდამჭერის მოვალეობები, საკუთარი პენსიის განკარგვის პროცედურული საკითხები", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. ომბუდსმენი მიესალმება პენიტენციურ სისტემაში დაგეგმილ ინსტიტუციურ რეფორმას. სახალხო დამცველი ცვლილებათა უმეტესობას პოზიტიურად აფასებს, თუმცა უარყოფითად აფასებს პენიტენციურ დაწესებულებაში მოთავსებულ ბრალდებულებს/მსჯავრდებულებს შორის მიმოწერის აკრძალვას, დისციპლინური სახდელის მოქმედების პერიოდში მსჯავრდებულებისათვის სასწავლო პროცესში მონაწილეობის უფლების შეზღუდვას... სრულად... წყარო: www.ombudsman.ge

თბილისი. „ახალგაზრდა ადვოკატები" 11-12 მარტს აჭარის რეგიონში განვითარებულ მოვლენებზე განცხადებას ავრცელებს. ორგანიზაცია მომხდარ ფაქტზე სამართლებრივი, საზოგადოებრივი და პოლიტიკური დიალოგის უზრუნველყოფას მოითხოვს, რომელიც დაადგენს ადგილობრივი მოსახლეობის პროტესტის სოციალურ მიზეზებს, სამართლებრივ კვალიფიკაციას მისცემს განხორციელებულ ქმედებებსა და გამოკვეთს პოლიტიკურ პასუხისმგებლობას. „მიგვაჩნია, რომ დაუყოვნებლივ შესწავლას და გამოვლენას მოითხოვს მოსახლეობის შეხედულებები, რომელიც უკავშირდება არამხოლოდ სამართალდამცავი ორგანოს წარმომადგენლების მხრიდან ადმინისტრაციული ჯარიმების გამოყენების მიზანშეწონილობას და სიხშირეს, არამედ მათი მხრიდან მოქალაქეების მიმართ მოპყრობას და იმ სავარაუდო გამონათქვამებს, რომელიც ხაზს უსმევს აჭარაში მცხოვრები მოქალაქეების რელიგიურ, კუთხურ თუ ქსენოფობიურ შედარებებს", ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ბათუმში, 2017 წლის 11 მარტს განვითარებულ პროცესებს. ორგანიზაცია სახელმწიფოს მოუწოდებს, უზრუნველყოს მოვლენების სათანადო შესწავლა და რეაგირება. „შეკრების მართვის დროს პოლიციის მიერ ძალის გადამეტებისგან თავის შეკავების პოზიტიური პრაქტიკის მიუხედავად, უნდა ითქვას, რომ შსს არ გააჩნდა შეკრების დროს უსაფრთხოების უზრუნველყოფის ეფექტიანი სტრატეგია, რის გამოც, ძალადობრივი ინციდენტები მთელს ქალაქში გავრცელდა და სრულიად უკონტროლო ხასიათი მიიღო", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. არასამთავრობო ორგანიზაციები ბათუმში განვითარებულ მოვლენებს ეხმაურებიან. „ხელმომწერი ორგანიზაციები ვგმობთ 2017 წლის 11-12 მარტის ღამეს ქალაქ ბათუმში მომხდარი ძალადობისა და ვანდალიზმის გამოვლინებებს, რა საფუძვლითაც არ უნდა ყოფილიყო აღნიშნული ჩადენილი, და ხელისუფლებას მომხდარის სწრაფი, სრულყოფილი და მიუკერძოებელი გამოძიებისაკენ მოვუწოდებთ", ნათქვამია ერთობლივ განცხადებაში. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) სამსახურიდან უკანონოდ გათავისუფლებული ადამიანების ინტერესების დაცვას განაგრძობს. „თბილისის სააპელაციო სასამართლომ დააკმაყოფილა ანა სუბელიანისა და თამაზ ახობაძის სააპელაციო საჩივარი. გადაწყვეტილების თანახმად, განთავისუფლებული პირები აღდგებიან, დანაშაულის პრევენციის ცენტრის მედიაციის სახლის მენეჯერისა და განრიდებისა და მედიაციის პროგრამის მენეჯერის თანამდებობაზე. ასევე დანაშაულის პრევენციის ცენტრს მოსარჩელეების სასარგებლოდ დაეკისრა ხელფასის სახით იძულებითი განაცდურის ანაზღაურება მათი გათავისუფლებიდან აღდგენამდე პერიოდისთვის", ნათქვამია საიას ვებ-გვერდზე. სრულად... წყარო: gyla.ge

გენდერული საინფორმაციო პორტალი აქვეყნებს ინტერაქტიულ რუკას, სადაც მსოფლიოს მასშტაბით 8 მარტის აქციები და გაფიცვებია ასახული. სრულად... წყარო: ginsc.net

თბილისი. ინფორმაციის თავისუფლების განვითარების ინსტიტუტი „სრულიად საიდუმლო" საარქივო დოკუმენტებთან ერთად აქვეყნებს 1956 წლის მარტის თვეში საქართველოში გამოცემული გაზეთების კოლექციას. „გვინდა აღვნიშნოთ, რომ იმ პერიოდის საბჭოთა ბეჭდვით მედიაში საერთოდ არ არის ასახული საქართველოში 5-9 მარტს განვითარებული მოვლენები. ვფიქრობთ, რომ ასეთი კოლექცია უფრო სრულყოფილად წარმოაჩენს 1956 წლის მარტის მოვლენებს და დაეხმარება მკვლევარებსა თუ დაინტერესებულ საზოგადოებას მოვლენების სათანადოდ გააზრებაში. იმედს ვიტოვებთ, რომ ჩვენს მიერ შეგროვებული გაზეთების კოლექცია დაინტერესებულ საზოგადოებას საშუალებას მისცემს დაინახოს განსხვავება ოფიციალურ პროპაგანდასა და რეალურ პოლიტიკურ პროცესებს შორის", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს დემოკრატიული ინიციატივა (GDI) აქვეყნებს ახალ ვიდეო გაკვეთილის ადამიანის უფლებათა ძირითადი საერთაშორისო დოკუმენტების შესახებ. „უყურეთ ვიდეო გაკვეთილს, მოგვწერეთ თქვენი შენიშვნები, რაც დაგვეხმარება ვიდეო გაკვეთილის სრულყოფაში და ამით დავეხმარებით ახალგაზრდებს უკეთ გაეცნონ ადამიანის უფლებებს და მოამზადონ სამოქალაქო განათლების გაკვეთილები", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 8 მარტს, საქართველოს ახალგაზრდა იურისტთა ასოციაციამ, გენდერული თანასწორობის ქსელისა და ქალთა ფონდ საქართველოსთან ერთად, ქალთა თემებზე მომუშავე არასამთავრობო ორგანიზაციებთან სამუშაო შეხვედრა გამართა. „შეხვედრის მიზანს წარმოადგენდა მიმდინარე საკონსტიტუციო რეფორმის მიმოხილვა გენდერული თანასწორობის კუთხით. შეხვედრაზე განიხილეს მანიფესტი, რითაც სახელმწიფო საკონსტიტუციო კომისიას მოუწოდეს სიღრმისეული ცოდნითა და მგრძნობელობით განიხილოს რეალური თანასწორობის საკითხები, რათა გაჩნდეს სრულფასოვანი შესაძლებლობა სოციალურ, ეკონომიკურ, პოლიტიკურ და კულტურულ ცხოვრებაში ქალთა უფლებრივი მდგომარეობის გასაუმჯობესებლად. აგრეთვე, დაიგეგმა სამომავლო ნაბიჯები საკონსტიტუციო რეფორმის პროცესთან მიმართებაში", ნათქვამია ორგანიზაციის ვებ-გვერდზე. სრულად... წყარო: gyla.ge

8 მარტს, ომბუდსმენი სიტყვით გამოვიდა ჟენევაში გამართულ ადამიანის უფლებათა საბჭოს 34–ე სესიაზე. შეხვედრაზე ბავშვებით ვაჭრობის, ბავშვთა პროსტიტუციისა და პორნოგრაფიის შესახებ გაეროს სპეციალური მომხსენებლის მოდ დე ბოერ–ბუკიკიოს საქართველოში ვიზიტის ანგარიში განიხილეს. „სახალხო დამცველმა ბავშვის მიმართ ძალადობისა და ადრეული ქორწინების შემთხვევათა გამოვლენის და მათზე დროული და ეფექტური რეაგირების საკითხები განიხილა. მისი განცხადებით, სამწუხაროდ, ბავშვებთან მომუშავე პროფესიონალები არ ფლობენ ძალადობის პრევენციის უნარ–ჩვევებს და არ გააჩნიათ ძალადობის მსხვერპლ არასრულწლოვანთა გამოვლენისათვის აუცილებელი ცოდნა. ამ მიმართულებით მთავარ გამოწვევად ცნობიერების დაბალი დონე, სერვისების მიწოდებისას არსებული ხარვეზები და არაეფექტური რეაგირება რჩება”, ნათქვამია სახალხო დამცველი განცხადებაში. სრულად... წყარო: www.ombudsman.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „პოლიტიკური 8 მარტი". „საქართველოში, ქალთა საერთაშორისო დღე ყოველწლიურად აღინიშნება და უქმე დღეა; თუმცა, დიდი ხანია, რაც 8 მარტი ქალებისთვის სიმბოლური საჩუქრების ან მათ მიმართ პატივისცემის აღნიშვნის სხვა ზედაპირულ ფორმებთან გაიგივდა და დეპოლიტიზებული სახე მიიღო. ამ დღეს, რომელიც საუკუნეზე მეტს ითვლის და შრომით უფლებებს უშუალოდ უკავშირდება, აღინიშნება ბრძოლა ქალთა პოლიტიკური და სოციალურ-ეკონომიკური ემანსიპაციისთვის – ბრძოლა, რომელიც ყოველდღიურად წარმოებს. EMC მიიჩნევს, რომ აუცილებელია, ამ დღეს დაუბრუნდეს თავდაპირველი პოლიტიკური მნიშვნელობა და მოხდეს ქალთა ჩაგრული უმრავლესობის – მათ შორის, ექსპლუატირებული კლასების, ეთნიკური თუ რელიგიური უმცირესობების წარმომადგენლების, სხვადასხვა სექსუალობისა და ტრანსგენდერი ქალების, მიგრანტი ქალების,შეზღუდული შესაძლებლობის ქალების – საჭიროებების გათვალისწინება და მონაწილეობა”, ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ქალთა უფლებების დაცვის ორგანიზაცია „საფარი" აქვეყნებს ბლოგპოსტს: „ფემინიზმის მიღწევები, რომელმაც ჩვენი ცხოვრება გააუმჯობესა". „სულ ახლო წარსულში, 8 მარტს ქართველი კაცები თავიანთ ოჯახის წევრ თუ თანამშრომელ ქალებს ტრადიციულ საჩუქრებს უძღვნიდნენ და სუფრაზე საოცარი ენამჭევრობით ადღეგრძელებდნენ. პოსტსაბჭოთა, ისევე, როგორც საბჭოთა ეპოქის საქართველოში, ცოტამ თუ იცოდა ამ დღის ნამდვილი არსი, – რომ 8 მარტი ეძღვნებოდა არა „ქალურობის" ნებისმიერ გამოვლინებას, არამედ თანასწორობისთვის ბრძოლას. არადა, თანამედროვე ქართველი ქალი დღეს ბევრ იმ სიკეთეს იმკის, რომელიც მსოფლიო ფემინისტური მოძრაობების მონაპოვარია", ნათქვამია ორგანიზაციის ვებ-გვერდზე. სრულად... წყარო: sapari.ge

31 იანვარს, ომბუდსმენს მიმართა „პარტნიორობა ადამიანის უფლებებისათვის" აღმასრულებელმა დირექტორმა ანა არგანაშვილმა. ის აღნიშნავდა, რომ ზესტაფონის მუნიციპალიტეტის საკრებულოს განკარგულებით, სოციალური დახმარების მიმღებს შორის პროგრამიდან მარტოხელა მამების გამორიცხვა წარმოადგენდა დისკრიმინაციას სქესის ნიშნით. „საქმის შესწავლის პროცესში საქართველოს სახალხო დამცველმა ზესტაფონის საკრებულოს წერილობით მიმართა. 2017 წლის 2 მარტს სახალხო დამცველს აცნობეს, რომ 2017 წლის 24 თებერვალს განკარგულებაში შევიდა ცვლილება და სოციალური დახმარების მიმღებ პირთა წრეს მარტოხელა მამებიც დაემატა. შესაბამისად, „მარტოხელა მშობლები, რომელთაც ჰყავთ 18 წლამდე ასაკის ბავშვი/ბავშვები მიიღებენ სოციალურ დახმარებას 200 ლარის ოდენობით", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge