თბილისი. 1 მარტიდან „უფლებები საქართველომ“ დაიწყო ახალი პროექტის - „რისკის ქვეშ მყოფი უფლებადამცველების და აქტივისტების მხარდაჭერა“- განხორციელება. „პროექტის ამოცანაა უფლებადამცველების/აქტივისტების სამართლებრივი დახმარებით უზრუნველყოფა, მათი უსაფრთხოების და დაცვის გარანტიების ზრდაზე ზრუნვა და ცნობიერების ამაღლება ისეთ სამართლებრივ საკითხებზე, რომლებიც აქტუალურია მათი საქმიანობიდან გამომდინარე“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ტყიბულის შახტში დასაქმებულ ერთ-ერთ მეშახტეს შახტებში არსებულ მძიმე სამუშაო პირობებზე ესაუბრა. „დღეს ტყიბულელი მეშახტის მთავარი წუხილი ისაა, რომ სახლიდან გასვლისას უკან ცოცხალი და ჯანმრთელი დაბრუნების გარანტია არ აქვს. უსაფრთხოება მთავარი პრობლემაა. წინა პერიოდებთან შედარებით დიდი განსხვავება არ არის. უამრავი ტრაგიკული შემთხვევის გამომწვევი მიზეზების აღმოსაფხვრელად არანაირი ძირეული ცვლილება არ გაკეთებულა. ერთადერთი, რაც ახალმა კომპანიამ მოიგონა გაზის აპარატურის დაყენებაა და „ლავების“ აფეთქების დროს ხალხი გამოყავთ. ნახშირის მოპოვება იქნება თუ დამუშავება არაფერი არ შეცვლილა. პრობლემა რასაც ამდენ ტრაგიკულ შემთხვევამდე მივყავართ „კამერული“ სისტემით ნახშრის მოპოვებაა“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია (საია) საკონსტიტუციო სასამართლოში ასაჩივრებს „ჯანმრთელობის დაცვის შესახებ“ კანონით და საქართველოს იუსტიციის მინისტრის ბრძანებით დადგენილ აკრძალვას, რომლის მიხედვითაც, ექსტრაკორპორული განაყოფიერებით სარგებლობის შესაძლებლობა აქვს მხოლოდ წყვილებს (ცოლ-ქმარს ან 1 წლის განმავლობაში ერთად მცხოვრებ ქალსა და მამაკაცს). „აღსანიშნავია ის გარემოება, რომ, საქართველოს კანონმდებლობით, სპერმის დონორობის გზით მარტოხელა ქალსაც აქვს დედად გახდომის შესაძლებლობა. რაც შეეხება მარტოხელა მამაკაცს, საქართველოს კანონმდებლობა ამ უკანასკნელს უკრძალავს ხელოვნური განაყოფიერების გზით გახდეს მამა. ამგვარი შეზღუდვა არღვევს საქართველოს კონსტიტუციის მე-15 მუხლის პირველი პუნქტით აღიარებულ პირადი და ოჯახური ცხოვრების უფლებას“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ადამიანის უფლებები სწავლებისა და მონიტორინგის ცენტრი (EMC) აქვეყნებს კვლევას: ლგბტქ ჯგუფის სოციალური ექსკლუზიის კვლევა საქართველოში. სახელმწიფოს მიერ მიღებული ინსტიტუციური ზომების მიუხედავად, ლგბტ ჯგუფების მიმართ ძალადობის მასშტაბი კვლავ მაღალია. ორგანიზაციის კვლევის თანახმად, გამოკითხულთა 52% ცხოვრებაში ერთხელ მაინც გამხდარა ძალადობის მსხვერპლი საკუთარი სექსუალური ორიენტაციისა თუ გენდერული იდენტობის გამო. გამოკითხულთა 56 პროცენტს ჰქონია ბოლო ორი წლის განმავლობაში ძალადობის გამოცდილება, მათგან 19%-ს ერთხელ, 37%-ს კი ორჯერ ან მეტჯერ. სრულად... წყარო: emc.org.ge

თბილისი. საქართველოს დემოკრატიული ინიციატივა (GDI) ეხმიანება თბილისის საქალაქო სასამართლოს 2021 წლის 9 მარტის განჩინებას, რომლის საფუძველზეც გაიცა ნებართვა „TV პირველისთვის“ კონფიდენციალური წყაროს მიერ გადაცემული ნივთების მოსაპოვლებლად საგამოძიებო მოქმედების - ამოღების ჩატარების შესახებ და პროკურატურას მიეცა უფლება წინააღმდეგობის შემთხვევაში გამოიყენოს იძულების პროპორციული ზომა. „მიგვაჩნია, რომ „TV პირველის“ მიერ გავრცელებულ ჩანაწერს არსებითი წვლილი შეაქვს საზოგადოებისთვის განსაკუთრებით მნიშვნელოვან ლეგიტიმურ საჯარო დისკუსიაში, ის დაცულია სიტყვისა და გამოხატვის თავისუფლებით, ხოლო პროკურატურის ნაბიჯები და სასამართლოს განჩინება ძირს უთხრის მედიის, როგორც დემოკრატიის დარაჯის არსს და მის თავისუფლად არსებობის შესაძლებლობას“, ნათქვამია ორგანიზაციის ვებგვერდზე. სრულად... წყარო: gdi.ge

თბილისი. სექტორი 3 ეხმიანება თბილისის საქალაქო სასამართლოს განჩინებას, რომლის საფუძველზე პროკურატურას უფლება მიეცა ამოიღოს ტელეკომპანია პირველი-სთვის კონფიდენციალური წყაროს მიერ მიწოდებული მასალა იძულების პროპორციული ზომის გამოყენებით. „მიგვაჩნია, რომ ნებისმიერ გადადგმულ ნაბიჯსა თუ ქმედებას, რომელიც ქმნის აღქმას, რომ საფრთხე ემუქრება სიტყვის თავისუფლებასა და მედიის დამოუკიდებლობას, განსაკუთრებული სიფრთხილით უნდა მოვეკიდოთ. მოვუწოდებთ ხელისუფლებას იმოქმედოს კანონის შესაბამისად, გამოიჩინოს კეთილგონიერება და გაითვალისწინოს არსებული პოლარიზებული გარემო და გააცნობიეროს ის რისკები, რომელიც სასამართლოს განჩინების შესაძლო აღსრულებიდან გამომდინარეობს“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველი მიიჩნევს, რომ სასამართლოს განჩინება, რომელიც ტელეკომპანია „TV პირველში“ ამოღების ჩატარების შესახებ გაიცა, დაუსაბუთებელია და ეწინააღმდეგება საქართველოს კანონმდებლობასა და ადამიანის უფლებათა ევროპულ სამართალს. ომბუდსმენი მოუწოდებს საქართველოს გენერალურ პროკურატურას, არ გადადგას ნაბიჯი, რომელიც მძიმე დარტყმას მიაყენებს გამოხატვის თავისუფლებასა და ჟურნალისტური საქმიანობის განხორციელებას. სრულად... წყარო: www.ombudsman.ge

თბილისი. „საერთაშორისო გამჭვირვალობა-საქართველო“ საშიშ პრეცენდენტად მიიჩნევს თბილისის საქალაქო სასამართლოს განჩინებას, რომლის მიხედვითაც პროკურატურას „ტვ პირველის“ „ნოდარ მელაძის შაბათის“ ეთერში გასული ფარული ჩანაწერის ჩვენების შემდეგ კონფიდენციალური წყაროს მიერ მიწოდებული მასალის ამოღების უფლება მისცა. „აღნიშნული განჩინება ეწინააღმდეგება საქართველოს და საერთაშორისო სამართლით დადგენილ გამოხატვის თავისუფლებისა და კონფიდენციალური წყაროს გარანტიებს, სერიოზულ საფრთხეს უქმნის ქვეყანაში მედიის საქმიანობას და მედიის წინააღმდეგ სამართალდამცავი და სასამართლო სისტემის ვიწრო პოლიტიკური ინტერესებით გამოყენების ეჭვებს აჩენს“, ნათქვამია განცხადებაში.  სრულად... წყარო: transparency.ge

თბილისი. „მედიის ადვოკატირებისთვის“ ეხმაურება 2021 წლის 11 მარტს გავრცელებულ ინფორმაციას, სასამართლოს მიერ „TV პირველიდან“ პროკურატურას მასალების ამოღების უფლების მიცემის თაობაზე. შესაბამისი განჩინება ტელეკომპანიას უკვე მიუვიდა. „მნიშვნელოვანია, რომ საქართველოს სისხლის სამართლის საპროცესო კოდექსის 50-ე მუხლის თანახმად, ჟურნალისტი არ შეიძლება იყოს მოწმე მისი პროფესიული საქმიანობის ფარგლებში მიღებულ ინფორმაციასთან დაკავშირებით.  შესაბამისად, ჟურნალისტებზე ზემოქმედების ნებისმიერი ნაბიჯი აღიქმება როგორც ინფორმაციის წყაროს გამჟღავნების მცდელობა. ვფიქრობთ, რომ გამოძიების ამ კუთხით წარმართვა აჩენს საფრთხეს, რომ მედია კიდევ ერთხელ იქცეს პოლიტიკური ანგარიშსწორების სამიზნედ. ჩვენ კვლავაც ვთხოვთ საერთაშორისო პარტნიორებს განსაკუთრებული ყურადღება დაუთმონ საქართველოში მედიის წინააღმდეგ წარმოებულ კამპანიას, რომელსაც სამწუხაროდ, სწორედ სახელმწიფო ინსტიტუტები და მაღალი თანამდებობის პირები ახალისებენ“, ნათქვამია კოალიციის განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. ფონდ Fundacja HumanDoc-ის და პარტნიორი ორგანიზაციების: მეგობრობის ხიდი „ქართლოსი“, ასოციაცია „მერკური“/Association "Merkuri" და კულტურულ-ჰუმანიტარული ფონდი „სოხუმი“/Cultural-Humanitarian Fund "Sukhumi" ერთობლივი თანამშრომლობით გამოიცა პუბლიკაცია: „ბავშვთა მიმართ ძალადობა გზამკვლევი პედაგოგებისთვის“. პუბლიკაციის ელექტრონული ვერსია ხელმისაწვდომია აქ... სრულად... წყარო: ორგანიზაციის გვერდი სოციალურ ქსელში

თბილისი. ჰაინრიჰ ბიოლის ფონდის სამხრეთ კავკასიის რეგიონული ბიუროს თბილისის ოფისი წაროგიდგენთ ლიკა ჯალაღანიას სტატიას ქალების ხმებზე და მსენელის ძალაუფლებაზე. „ქობულეთში ნინისადმი ჩადენილი კოლექტიური ძალადობა უთუოდ უნდა მიგვითითებდეს გადარჩენის დისკურსის პრობლემაზე. კაცს თუ გადავურჩით, ყოველთვის გამოჩნდება ვიღაც და რაღაც, რომელიც მსხვერპლობას არ გვაპატიებს, რადგან გადარჩენას მოგვთხოვს. მაგრამ გადარჩენასაც დაგვიწუნებენ, თუ ეს შემოთავაზებული თამაშის წესებით არ გავაკეთეთ. ნინის ოჯახისთვის გადარჩენა, „დანაშაულის გამოსყიდვით“ მოხდა, რადგანაც, ჩვენ გვთხოვენ სუსტის, როგორც სუსტის ტრიუმფს – პასიურ მსხვერპლობას, რომელიც „დაკარგულ ღირსებას“ საკუთარივე თავის აღწერას წმინდა მსხვერპლობის უტყუარ მტკიცებულებებზე დააყრდნობს“. სრულად... წყარო: feminism-boell.org

თბილისი. 10 მარტს საქართველოს სახალხო დამცველის აპარატმა გაეროს ქალთა ორგანიზაციასთან თანამშრომლობით და ნორვეგიის საგარეო საქმეთა სამინისტროს მხარდაჭერით ონლაინ პრეზენტაცია გამართა, რომელზეც საქართველოს მიერ გენდერული მეინსტრიმინგის კუთხით აღებული საერთაშორისო ვალდებულებები შეაფასეს და ომბუდსმენის აპარატის მიერ შემუშავებული კვლევა წარმოადგინეს. „კვლევამ გამოავლინა, რომ მიუხედავად გენდერული თანასწორობის მიმართულებით ბოლო წლებში განხორციელებული პროგრესისა, ქვეყანაში არსებული გენდერული პოლიტიკა ვერ უზრუნველყოფს ვერც ქალთა პოლიტიკური მონაწილეობის ზრდას, ვერც ქალთა მიმართ და ოჯახში ძალადობის შემთხვევებზე უწყებების კოორდინირებულ მუშაობას და ფემიციდის პრევენციას“, ნათქვამია ომბუდსმენის ვებგვერდზე. სრულად... წყარო: ombudsman.ge

იმერეთი.საქართველოს ახალგაზრდა იურისტთა ასოციაციის ინფორმაციით, 10 მარტს, 12:00 საათზე, წყალტუბოს მაგისტრატ სასამართლოში უნდა დაწყებულიყო ადმინისტრაციული სამართალდარღვევის საქმის განხილვა კომპანია „ენკა რინიუებზლის“ მიმართ გარემოსდაცვითი გადაწყვეტილებით განსაზღვრული მთელი რიგი პირობების დარღვევის გამო. „საიას ქუთაისის ფილიალის იურისტები და მოსარჩელე მაკა სულაძე გამოცხადდნენ სხდომაზე, თუმცა აღნიშნული პროცესი ნამახვანჰესის კასკადის მშენებელი კომპანიის მხრიდან არასაპატიო მიზეზით გამოუცხადებლობის გამო გაურკვეველი ვადით გადაიდო. სასამართლოსთვის უცნობია მხარის სხდომაზე გამოუცხადებლობის მიზეზი, რადგან კომპანია „ენკა რინიუებზლს“ საქმის განმხილველი სასამართლოსთვის არ წარუდგენია საპატიო მიზეზით სხდომაზე გამოუცხადებლობის დამადასტურებელი რაიმე სახის დოკუმენტი“. სრულად... წყარო: gyla.ge

თბილისი. პარტნიორობა ადამიანის უფლებებისთვის (PHR) ცნობილი გახდა, რომ თბილისის საქალაქო სასამართლომ, ორგანიზაციის მოთხოვნის საფუძველზე ისტორიული გადაწყვეტილება მიიღო.  „დღეიდან ყველა ქცევითი გამოწვევების და/ან კომუნიკაციის სირთულის მქონე შშმ პირებისათვის ხელმისაწვდომი გახდა უფასო სტომატოლოგიური მომსახურება ანესთეზიით. გადაწყვეტილების სარეზოლუციო ნაწილი: „დაევალოს საქართველოს მთავრობას შექმნას ისეთი მექანიზმი (მიიღოს შესაბამისი ადმინისტრაციულ-სამართლებრივი აქტი), რომელიც გამონაკლისის გარეშე, დაუყოვნებლივ, 30 დღიანი მოცდის ვადის გარეშე, დააფინანსებს ყველა შემთხვევას, როდესაც არსებობს ქცევითი გამოწვევების და/ან კომუნიკაციის სირთულის მქონე შშმ პირებისათვის ზოგადი ანესთეზიის ე.წ. ნარკოზით სტომატოლოგიური მომსახურების გაწევის საჭიროება“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სამოქალაქო საზოგადოების ორგანიზაციები ეხმაურებიან TV პირველის ეთერში გადაცემულ აუდიო ჩანაწერს, რომლის სავარაუდო მონაწილეები სახელმწიფოს მოქმედი პრემიერ-მინისტრი, სახელმწიფო დაცვის სპეციალური სამსახურის უფროსი და ბერა ივანიშვილი არიან. „ჩანაწერი მიუთითებს, რომ განხორციელდა ახალგაზრდების, მათ შორის, არასრულწლოვანი პირების დევნა და მუქარა, მათ მიერ სოციალურ ქსელში სხვადასხვა ფორმით გამოხატული მოსაზრებების გამო. ჩვენთვის უცნობია, რამდენად ავთენტურია გავრცელებული ჩანაწერი, თუმცა მისი შინაარსი სისხლის სამართლის კოდექსით გათვალისწინებული რამდენიმე დანაშაულის ნიშანს შეიცავს, რომელშიც, სავარაუდოდ, ყველა დასახელებული პირი მონაწილეობს“, ნათქვამია განცხადებაში. ორგანიზაციები მოუწოდებენ სამართალდამცავ ორგანოებს განახორციელონ შესაბამისი საექსპერტო ან/და სხვა საგამოძიებო ღონისძიებები გავრცელებული ჩანაწერის ავთენტურობის შესასწავლად.  სრულად... წყარო: transparency.ge

თბილისი. საქართველოს ახალგაზრდა იურისტთა ასოციაციამ (საია) ყოფილი საჯარო მოხელის, მაცაცო ტეფნაძის სახელით საკონსტიტუციო სასამართლოს მიმართა. „საია საკონსტიტუციო სასამართლოში ასაჩივრებს როგორც საქართველოს მთავრობის დადგენილების, ასევე რეგიონული განვითარების და ინფრასტრუქტურის მინისტრის ბრძანების იმ ნორმებს, რაც არეგულირებს მოხელის შეფასების თაობაზე საჩივრის განხილვას. მოსარჩელემ, რომელიც დასაქმებული იყო რეგიონული განვითარებისა და ინფრასტრუქტურის სამინისტროში, მიიღო არადამაკმაყოფილებელი შეფასება“. სრულად... წყარო: gyla.ge

თბილისი. აჭარის ავტონომიური რესპუბლიკის განათლების, კულტურისა და სპორტის სამინისტრომ არ დააკმაყოფილა EMC-ისა და “საზოგადოება ბათომის” მოთხოვნა, შეჩერდეს 19 სართულიანი (3 მიწის ქვეშ) სასტუმროს მშენებლობა კულტურული მემკვიდრეობის ძეგლის ტერიტრიაზე ბათუმის ბულვარში. უახლოეს პერიოდში EMC, “საზოგადოება ბათომის” სახელით, სასამართლოს მიმართავს მოთხოვნით, დაუყოვნებლივ შეჩერდეს მშენებლობა და ძეგლის ინტერესების ხელყოფა. 22 საზოგადოებრივი ორგანიზაცია, რომელიც კულტურული მემკვიდრეობის, გარემოს დაცვისა და სოციალურ საკითხებზე მუშაობს, უერთდება მოთხოვნას ძეგლის ხელყოფის შეწყვეტასთან დაკავშირებით... სრულად... წყარო: emc.org.ge

თბილისი. 2021 წლის 5 მარტს ინფორმაციის თავისუფლების განვითარების ინსტიტუტმა (IDFI) თბილისის საქალაქო სასამართლოს ადმინისტრაციულ საქმეთა კოლეგიას კომენდანტის საათის გაუქმების მოთხოვნით მიმართა. „3 თვეზე მეტია საქართველოს მთელ ტერიტორიაზე უწყვეტ რეჟიმში და ერთნაირი სიმკაცრით მოქმედება კომენდანტის საათი. სახელმწიფოს 7 ყველაზე დიდ ქალაქში კი კომენდანტის საათის მოქმედება 4 თვეს აღემატება“. ორგანიზაცია მიიჩნევს, რომ საქართველოს მთავრობა მიმოსვლის თავისუფლებას ზღუდავს არაპროპორციულად, რაც ეწინააღმდეგება საზოგადოებრივი ჯანმრთელობის შესახებ“ საქართველოს კანონის 453 მუხლის მე-3 პუნქტის მოთხვონებს. ამავე საკითხზე, IDFI უახლოეს პერიოდში საკონსტიტუციო სასამართლოსაც მიმართავს.  სრულად... წყარო: idfi.ge

სამეგრელო. კოალიცია „მედიის ადვოკატირებისთვის“ მარტვილში განვითარებულ მოვლენებს ეხმიანება. „2021 წლის 08 მარტს ჭყონდიდის ეპარქიის მეორე სართულზე მოაჯირი ჩაინგრა და ათამდე ადამიანი რამდენიმე მეტრის სიმაღლიდან გადავარდა. ჟურნალისტები სასულიერო პირებს შორის დაპირისპირებას და აქციას აშუქებდნენ. პროტესტი ჭყონდიდის ეპარქიასთან ორი დიაკვნისთვის მღვდელმსახურების უფლების შეჩერებას მოჰყვა. გარდა სხეულის დაზიანებისა, გავრცელებული კადრებიდან ჩანს, თუ როგორ უშლიდნენ ხელს სასულიერო პირები ჟურნალისტებს პროფესიული მოვალეობის შესრულებაში. მივმართავთ საქართველოს შინაგან საქმეთა სამინისტროს დროული რეაგირებით შეისწავლოს ჟურნალისტურ საქმიანობაში უკანონოდ ხელშეშლის და სხეულის დაზიანების ფაქტები. სწრაფი და ეფექტიანი გამოძიებით შეაჩეროს მედიაზე გახშირებული თავდასხმები“, ნათქვამია განცხადებაში. სრულად... წყარო: კოალიციის გვერდი სოციალურ ქსელში

თბილისი. საქართველოს ეკონომიკისა და მდგრადი განვითარების სამინისტრომ (შემდგომში -„ეკონომიკის სამინისტრო“, „სამინისტრო“) გამოაქვეყნა წერილობითი პასუხი EMC-ის მიერ ნამახვანი ჰესის თაობაზე მთავრობასა და შპს „ენკა რინიუებლზ“-ს (შემდგომში - „კომპანია“) შორის გაფორმებული ხელშეკრულების პირობებთან დაკავშირებით 3 მარტს, გავრცელებულ განცხადებაზე.  „ხელშეკრულების გაფორმებიდან თითქმის 2 წლის შემდეგ, სამინისტროს მხრიდან, მხოლოდ EMC-ის მიერ მომზადებული შეფასების საპასუხოდ, გაკეთებული განმარტებები ქვეყნისთვის სტრატეგიული მნიშვნელობის პროექტის პირობებთან დაკავშირებით შეიცავს უსაფუძვლო და მანიპულაციურ მსჯელობებს, არ პასუხობს სახელმწიფოს მხრიდან საზოგადოებასთან კომუნიკაციის მინიმალურ სტანდარტს, სრულად თავს არიდებს ორგანიზაციის მიერ დასმულ არაერთ მწვავე საკითხს და ვერ ანეიტრალებს ხელშეკრულების პირობებთან მიმართებით არსებულ კრიტიკას“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ჰაინრიხ ბიოლის ფონდის სამხრეთ კავკასიის რეგიონალური ბიურო აქვეყნებს ანა ილურიძის სტატიას: პოსტსამშობიარო ჩანაწერები, ანუ რეფლექსია იმ გამოცდილებაზე, რომელსაც აუცილებლად დავივიწყებ.  „ანა ილურიძე იურისტი, გენდერის და სექსუალობის მკვლევარი სტატიაში საკუთარ გამოცდილებებს გვიზიარებს ქალის სხეულის განცდილ ტკივილსა და ბედნიერებაზე. ასევე, მისი სტატია ეხმიანება ამერიკელი მეორე ტალღის ფემინისტის, ედრიენ რიჩის მიერ წამოწყებულ მსჯელობას იმ ნაპრალზე, რომელიც ქალის მიერ დედობის სუბიექტურ გამოცდილებასა და საზოგადოების მოლოდინებსა და მოთხოვნებს შორის არსებობს. ორსულობა და მშობიარობა სუბიექტური პროცესია და მთლიანად ემყარება ადამიანის თვითაღქმასა და გამოცდილებას. ამასთან, ამ პროცესში აუცილებელია სახელმწიფო ჯანდაცვის და სოციალური სერვისების მონაწილეობა, რაც მას საზოგადო ზრუნვის საგნად აქცევს“. სრულად... წყარო: feminism-boell.org

თბილისი. ადამიანის უფლებების სწავლებისა და მონიტორინგის ცენტრი (EMC) გთავაზობთ გიგა კარაპეტიანის და ანი გოგბერაშვილის სტატიას: „გარემოვაჭრე ქალები და პანდემია: ბრძოლა ყოველდღიური საჭიროებებისთვის“. „აღნიშნული კონტექსტიდან გამომდინარე, წინამდებარე კვლევითი სტატიით, ვცდილობთ გავაანალიზოთ გარემოვაჭრეობის სოციალური და ეკონომიკური განზომილებები უშუალოდ გარემოვაჭრე ქალების პერსპექტივიდან. სტატიისთვის გორსა და თბილისში დასაქმებულ გარემოვაჭრე ქალებთან ათი ინტერვიუ ჩავწერეთ. მათი უმეტესობა პენსიონერია და ოჯახში ძირითად შემომტანად ითვლება“, ნათქვამია სტატიაში. სრულად... წყარო: emc.org.ge