თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ინტერვიუებს ეკონომიკის მკვლევრებთან კრიზისის დროს ეკონომიკურ პოლიტიკაზე. „კორონავირუსით გამოწვეული პანდემიის მიმართ საქართველოს ეკონომიკის მაღალი მოწყვლადობა სხვადასხვა ფაქტორებითაა გამოწვეული. უპირველეს ყოვლისა ეს დაკავშირებულია მთლიანი შიდა პროდუქტის სტრუქტურასთან, სადაც დარგობრივად ყველაზე დიდი წილი ისეთ ეკონომიკურ საქმიანობებზე მოდის, რომლებიც ყველაზე მეტად დაზიანდნენ კორონავირუსის პირობებში - ესენია საბითუმო და საცალო ვაჭრობა (13.9 %), უძრავ ქონებასთან დაკავშირებული საქმიანობები (11.4 %), მშენებლობის სექტორი (8.3%) და საფინანსო-სადაზღვევო საქმიანობები (6.1%). ამასთან, ტურისტული სექტორის გაჩერებამ, რომელიც წლებია ეკონომიკური განვითარების ქვაკუთხედად მოიაზრება, მნიშვნელოვანი დარტყმა მიაყენა როგორც შრომით ბაზარს, ასევე ლარის კურსის სტაბილურობას - ტურიზმიდან შემოსული ფინანსური კაპიტალი, უცხოეთიდან შემოსულ ფულად გზავნილებთან და პირდაპირ უცხოურ ინვესტიციებთან ერთად, ლარის კურსის გამყარების მნიშვნელოვან წინაპირობას ქმნიდა“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი აქვეყნებს ბლოგპოსტს 1 მაისის დღესთან დაკავშირებით. „პირველი მაისი მშრომელთა საერთაშორისო დღეა. წელს საქართველოში, ისევე როგორც დანარჩენ მსოფლიოში, პირველი მაისი უჩვეულო, პანდემიურ ვითარებაში დგება. ახალი კორონავირუსის გლობალური პანდემია მშრომელების მნიშვნელობასა და მოწყვლადობას ერთდროულად ააშკარავებს. დღეს ყველაზე უკეთ ჩანს რამდენადაა დამოკიდებული სოციალური კეთილდღეობა, თანამედროვე ცხოვრების წესი და არსებული ეკონომიკური წესრიგი საცალო ვაჭრობის ქსელებში დასაქმებული კონსულტანტების, ექიმებისა და ექთნების, მკერავების, მეეზოვეების და სხვების ფიზიკურად მძიმე და არასათანადოდ ანაზღაურებულ ყოველდღიურ შრომაზე. დღეს, როცა ტყიბულში, რუსთავში, ჭიათურაში და სხვაგან, მძიმე და სამთო-მოპოვებით ინდუსტრიებში დასაქმებულები მუშაობას პანდემიის მიუხედავად, გაზრდილი საფრთხის პირობებში აგრძელებენ, განსაკუთრებით თვალსაჩინოა, რამდენად მნიშვნელოვანია მათი შრომა ქვეყნის ეკონომიკისთვის. თვალსაჩინოა ისიც, რომ ჯანმრთელობისთვის მაღალი რისკის შემცველი სამუშაო გარემო მათთვის უკვე წლებია უცვლელი მოცემულობაა“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: რუსული პროპაგანდა და COVID-19 - უნდა გააფართოოს თუ არა საქართველომ სავაჭრო ურთიერთობები რუსეთთან. ბლოგპოსტი ეხმაურება ჟურნალისტ ბესო ბარბაქაძის სტატიას: „საქართველოს სასიცოცხლო არტერია რუსეთზე გადის“, რომელშიც საუბარია იმაზე, რომ კორონავირუსის გამო შექმნილი კრიზის ფონზე, ევროპული ქვეყნები ვეღარ შეძლებენ საქართველოს მომარაგებას იმ პროდუქტებით, რომლებიც აქამდე ექსპორტზე გაჰქონდათ და ამიტომ, საჭიროა, რომ საქართველომ რუსეთის ფედერაციასთან სავაჭრო ურთიერთობების გაფართოებაზე მოლაპარაკებები დაიწყოს. „დღევანდელი სიტუაცია ისევე, როგორც წარსული გამოცდილება, გვაჩვენებს, რომ საჭიროა არა უშუალოდ რუსეთთან სავაჭრო ურთიერთობების გამყარება და მასზე დამოკიდებულების ზრდა, არამედ იმპორტის ისევე, როგორც ექსპორტის დივერსიფიკაცია, რათა ქვეყნის ეკონომიკური სტაბილურობა დამოკიდებული არ იყოს სხვა რომელიმე ერთ ქვეყანაში მიმდინარე პროცესებზე ან არ იქცეს იარაღად სხვა ქვეყნის ხელისუფლების ხელში“. სრულად... წყარო: idfi.ge

აშშ-ის მთავრობის COVID-19-ის საპასუხო ქმედებების ფარგლებში, USAID/Georgia ეხმარება საქართველოს მთავრობას, მოემზადოს ძლიერი ეკონომიკური რეაბილიტაციისთვის. „ამჟამად ტექინკურ დახმარებას ვუწევთ საქართველოს მთავრობას, რომ დავეხმაროთ COVID-ის შემდგომი რეაბილიტაციის გეგმის შემუშავებაში. გეგმა ორიენტირებული იქნება დასაქმების გაზრდის შესაძლებლობებზე“. სრულად... წყარო: საელჩოს გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) მთავრობის ანტიკრიზისული გეგმის შეფასებას აქვეყნებს და მთავრობას სოციალური მხარდაჭერის უფრო სრულყოფილი, მოქნილი და საყოველთაო პოლიტიკისკენ მოუწოდებს. „უკიდურესად მნიშვნელოვანია, რომ ანტიკრიზისული გეგმის იმპლემენტაცია მაქსიმალურად სწრაფად დაიწყოს და დახმარების მისაღებად საჭირო პროცედურების შესახებ საზოგადოების, მათ შორის განსაკუთრებით ეთნიკური უმცირესობების, სათანადო ინფორმირება მოხდეს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ლელა რეხვიაშვილის ბლოგპოსტს: კორონა მხოლოდ დასაწყისია: საჭიროებების ეკონომიკა და სოლიდარობის ეკონომიკა. „პანდემიის პირობებში ცხადად ვხედავთ, რას ნიშნავს ეკონომიკა, რომელსაც შეუნელებელი ზრდა სჭირდება, და რას ნიშნავს ადამიანის ცხოვრება მაშინ, როცა ადამიანის გადარჩენა მხოლოდ და მხოლოდ მისი შრომის ბაზარზე გაყიდვაზეა დამოკიდებული. ვხედავთ, რა ადვილად ხდება მობილობის შეზღუდვა სისტემის კრიზისის მიზეზი. მაგრამ, კორონა მხოლოდ დასაწყისია. კორონავირუსი ის გამოწვევაა, რომელიც კლიმატის ცვლილებებით გამოწვეულ მოსალოდნელ კატასტროფებებზე ადრე გვეწვია. იმაზე რომ აღარაფერი ვთქვათ, რომ თავად კორონასვირუსის და მისი მსგავსი დაავადებების გავრცელება, ცხოველებში არსებული ვირუსების ადამიანზე გადასვლა, პირდაპირ უკავშირდება ბუნების ექსპლუატაციის არსებულ დაუნდობელ პრაქტიკას“. სრულად... წყარო: emc.org.ge

თბილისი. 2 აპრილს, კორონავირუსისგან მიყენებულ ზარალთან გასამკლავებლად, ევროკომისია საქართველოსთვის 150 მილიონ ევროს ოდენობის მაკროფინანსური დახმარების პაკეტის გამოყოფის ინიციატივით გამოვიდა. დამატებითი ინფორმაციისათვის გაეცანით საქართველოში ევროკავშირის ელჩის, კარლ ჰარცელის, მიერ საქართველოს პრემიერ მინისტრისთვის, გიორგი გახარიასთვის, გაგზავნილ წერილს.“ სრულად... წყარო: ევროკავშირის გვერდი სოციალურ ქსელში

თბილისი. ევროკავშირმა გამოაცხადა კორონავირუსის ეპიდემიასთან ბრძოლაში პარტნიორი ქვეყნების ძალისხმევის მხარდამჭერი გლობალური რეაგირების შესახებ და არსებული რესურსებიდან 15 მილიარდ ევროზე მეტი თანხის გადამისამართების ვალდებულება აიღო, რაც საქართველოსთვის გამოყოფილ 183 მილიონ ევროზე მეტ თანხას მოიცავს. სრულად... წყარო: eeas.europa.eu

თბილისი. ევროკავშირი საქართველოს მთავრობისა და ხალხის მისამართით ერთობლივი მიმართვის განცხადებას აქვეყნებს. „COVID-19–ის პანდემია და მასთან დაკავშირებული ეკონომიკური კრიზისი უპრეცედენტო სისწრაფით ღრმავდება და მსოფლიოს ეკონომიკას რეცესიისკენ უბიძგებს. მოსალოდნელია, რომ მისი გავლენა მსოფლიო ფინანსურ კრიზისზე უარესი იქნება, ხოლო ეკონომიკური ზარალი ყველა ქვეყანაში გაიზრდება. საქართველო, როგორც ღია ეკონომიკის მქონე ქვეყანა, რომელიც ტურიზმზე, ვაჭრობაზე და საზღვარგარეთიდან შემოსულ ფინანსურ გზავნილებზეა დამოკიდებული, განსაკურთებული რისკის ქვეშ დგას ამ პანდემიის გამო. ამ პანდემიის დაძლევისთვის საჭიროა ჯანდაცვის, სოციალური და ეკონომიკური პოლიტიკის სფეროებში კოორდინირებული რეაგირება. ჩვენ, აზიის განვითარების ბანკი, აზიის ინფრასტრუქტურის საინვესტიციო ბანკი, ევროპის რეკონსტრუქციისა და განვითარების ბანკი, ევროკავშირი და ევროპის საინვესტიციო ბანკი, გერმანიის ფედერაციული რესპუბლიკა – რეკონსტრუქციის საკრედიტო ბანკის (KfW) საშუალებით, საფრანგეთის რესპუბლიკა – განვითარების სააგენტოს (AFD) საშუალებით, საერთაშორისო სავალუტო ფონდი და მსოფლიო ბანკის ჯგუფი ერთად ვმუშაობთ, რომ ვუზრუნველყოთ საქართველოს სწრაფი მხარდაჭერა და ამჟამად, განვიხილავთ ფინანსური დახმარების არსებით პაკეტს, რაც ხელს შეუწყობს ხელისუფლების ეფექტიან რეაგირებას ამ უპრეცედენტო კრიზისზე. განვითარების სფეროში მოღვაწე ბევრი სხვა პარტნიორი ასევე ამზადებს დახმარების პაკეტებს საქართველოს ხალხისთვის. როგორც საქართველოს გერბზე არსებული წარწერა სამართლიანად ამბობს, ახლა ნამდვილად ”ძალა ერთობაშია”“. სრულად... წყარო: eeas.europa.eu

თბილისი. საქართველოსთვის ევროკავშირის დახმარება ნიშნავს 20 მილიონ ევროზე მეტი თანხის გამოყოფას. „ასევე, მოხდება უკვე არსებული პროგრამებისთვის გამოყოფილი 70 მილიონ ევროზე მეტი თანხის გადამისამართება კრიზისის დასაძლევად და არაერთ რეგიონულ ფონდზე წვდომის უზრუნველყოფა. ეს არის ნაწილი აღმოსავლეთ პარტნირობისთვის გამიზნული დახმარების დიდი პაკეტისა, რომელიც მოიცავს 140 მლნ ევროს ოდენობის ახალ დახმარებას და აღმოსავლეთ პარტნიორობის ქვეყნებისთვის გამოყოფილი 700 მლნ–მდე ევროს დახმარების გადამისამართებას. ევროკავშირი საქართველოს ასევე უწევს მაკროფინანსურ დახმარებას, რომლის ფარგლებშიც თანხები ხელმისაწვდომი გახდება, როგორც კი კონკრეტული ერთობლივად შეთანხმებული ქმედებები განხორციელდება. ევროკომისია მზად არის საქართველოს ტექნიკური დახმარებისა და ინფორმაციის გაცვლის ინსტრუმენტის (TAIEX) მეშვეობითაც დაეხმაროს, ევროკავშირის წევრი ქვეყნების ექსპერტული ცოდნის, გამოცდილების და კარგი პრაქტიკის მაგალითების გამოყენების საშუალებით, საგანგებო სიტუაციებზე რეაგირების მზადყოფნის სქემებისა და ჯანმრთელობის სისტემების შესაფასებლად“, ნათქვამია ევროკავშირის ვებგვერდზე. სრულად... წყარო: eeas.europa.eu

თბილისი. ამერიკის შეერთებული შტატების მთავრობა ამერიკის USAID-ის საშუალებით 1,1 მილიონ დოლარს გამოყოფს გადაუდებელი სამედიცინო დახმარებისთვის. „USAID ამ თანხებს მსოფლიო ჯანდაცვის ორგანიზაციის, წითელი ჯვრისა და წითელი ნახევარმთვარის საერთაშორისო ორგანიზაციის საშუალებით გაანაწილებს იმ პროგრამებზე, რომელიც ყველაზე მეტად სჭირდება ქვეყანას პანდემიის - COVID-19 შესაკავებლად. ახალი მხარდაჭერის ფარგლებში შესალებელი იქნება: ინფექციის პრევენცია და კონტროლი, დაავადებების შემთხვევების გამოვლენა და ჯანმრთელობისთვის საშიში ფაქტების ზედამხედველობა, ტექნიკური დახმარება სწრაფი რეაგირებისა და მობილიზაციისთვის, რისკ ფაქტორების შესახებ გაძლიერებული კომუნიკაცია და სხვა“. სრულად... წყარო: ორგანიზაციის გვერდი სოციალურ ქსელში

ეკონომიკური პოლიტიკის კვლევის ცენტრი (EPRC) აგრძელებს პერიოდული საინფორმაციო-ანალიტიკური პუბლიკაციების სერიას, რომელიც დაკავშირებულია COVID-19-ის პანდემიის და მისგან გამომდინარე ეკონომიკური ეფექტის თემებთან. „პუბლიკაციაში წარმოდგენილია საერთაშორისო საფინანსო ინსტიტუტების ინიციატივები, რომლებიც მიმართულია მსოფლიო მასშტაბით პანდემიით გამოწვეული ეკონომიკური ზეწოლის შერბილება-შემსუბუქებისკენ“. სრულად... წყარო: eprc.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს ლარის გაუფასურების პირობებში ვალდებულებების შესრულებაზე. „ლარის გაუფასურების (მსყიდველობითი უნარის შემცირების) უარყოფითი შედეგების მინიმილიზაციისთვის გირჩევთ: - გრძელვადიანი ხელშეკრულებების დადებისას ვალის ვალუტად მიუთითოთ ეროვნული ვალუტა - ლარი; - თუ მაინც გიწევთ უცხოური ვალუტის ვალის ვალუტად მითითება, მაშინ ხელშეკრულებაშივე მიუთითოთ ვალუტის კურსი ან კურსის მინიმალური და მაქსიმალური ზღვარი. ამ გზით თავს დაიზღვევთ ვალუტის კურსის მკვეთრი შეცვლისაგან, რაც შესაძლოა დაკავშირებული იყოს ფინანსურ ზარალთან; - თუ უცხოურ ვალუტაში გაქვთ ნაკისრი ვალდებულება, მაშინ კრედიტორთან შეთანხმებით მოახდინეთ თანხის კონვერტაცია ეროვნულ ვალუტაში“. სრულად... წყარო: gyla.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: კორონა ვირუსი, ეკონომიკური კრიზისი და ადამიანის უფლებები. „ის რომ კორონა ვირუსი მსოფლიო ეკონომიკაზე ნეგატიურად ზემოქმედებს და მისი ფართოდ გავრცელების შემთხვევაში შესაძლოა ქვეყნების უმრავლესობა ეკონომიკურ კრიზისამდე მიიყვანოს აზრს მოკლებული მსჯელობა ნამდვილად არ არის. ამ პროცესში კი განსაკუთრებით საინტერესოა იმის გაანალიზება თუ რა შედეგები შეიძლება იქონიოს ეკონომიკურმა კრიზისმა ადამიანის უფლებებზე და როგორი შეიძლება იყოს სახელმწიფოს გონივრული ქცევა აღნიშნულ პროცესში. 2008-2009 წლებში ევროკავშირის წევრმა სახელმწიფოებმა გამოცადეს ყველაზე მძაფრი ეკონომიკური კრიზისი 1930-იანი წლების დიდი დეპრესიის შემდეგ. წარსულ გამოცდილებებზე დაკვირვებით, ეკონომიკური კრიზისი წარმოშობს მწვავე პრობლემებს ადამიანის უფლებათა დაცვისა და აღსრულების ნაწილში. თავს იჩენს ისეთი მწვავე საკითხები, როგორიცაა: გაზრდილი უმუშევრობის დონე, შემცირებული სახელმწიფო ხარჯები და ასევე ქსენოფობია და რასიზმი. ეკონომიკური კრიზისის დროს მოწყვლად ჯგუფებად მიიჩნევიან ბავშვები, მოზარდები, მოხუცები, მიგრანტები და ეთნიკური უმცირესობები“, ნათქვამია ორგანიზაციის ვებგვერდზე. სრულად... წყარო: gyla.ge

როგორ ვმართოთ ბიზნესი - გაეროს ქალთა ორგანიზაციისა და ფონდი ტასო-ს ინიციატივით, დასავლეთ საქართველოში მცხოვრები დამწყები და მცირე მეწარმე ქალები ტრენინგებს გადიან. „სწავლება სულ 55-საათიანია და იგი ფინანსთა სამინისტროს აკადემიაში მიმდინარეობს. აღსანიშნავია, რომ მეწარმე ქალებმა ბიზნესის განვითარებისთვის მცირე გრანტებიც მიიღეს. ინიციატივა პროექტის „ერთობლივი ძალისხმევა ქალთა ეკონომიკური გაძლიერებისთვის საქათველოში“ ფარგლებში, ნორვეგიის მთავრობის დაფინანსებით ხორციელდება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია აქვეყნებს ბლოგს - „უპირობო პრივატიზაცია“, რომელიც, საქართველოს მტავრობის პროექტის, „100 საინვესტიციო შეთავაზება ბიზნესს“ ფარგლებში გამართულ აუქციონს ეხება.  „სახელმწიფო ქონების ეროვნული სააგენტოს მიერ აუქციონზე გამოტანილი 117 ქონებიდან მხოლოდ 20 გაიყიდა და აქედან 17 – უპირობო წესით. პირობით გაყიდული სამი ობიექტიდან, ორი მათგანი დატვირთულია ვალდებულებით სასტუმროს აშენებასა და ექსპლუატაციაში მიღებასთან დაკავშირებით (დაბა მესტიაში – ე.წ. მესტიის საპრეზიდენტო რეზიდენცია და კურორტ ბახმაროში – მიწის ნაკვეთი), თუმცა, აქედან მხოლოდ ერთი შეიცავს მოთხოვნას სავალდებულო წესით დასაქმების შესახებ (კურორტი ბახმარო). დარჩენილი ერთი ობიექტის პირობა შეეხება საქართველოს კულტურული მემკვიდრეობის დაცვის ეროვნულ სააგენტოსთან საპრივატიზებო უძრავი ქონების თაობაზე ძეგლის მოვლა-პატრონობის ხელშეკრულების გაფორმებას და არა – რაიმე დამატებით ღონისძიებას (ქ.ქუთაისში – 1881 წელს აშენებული ე.წ. „ქუთაისელის სახლი“)“, - ვკითხულობთ ბლოგში.  სრულად...  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სიღარიბის სტატისტიკის ამსახველ ვიდეობლოგს. სრულად... წყარო: emc.org.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: ენზელ მკოიანის საწვავის ბიზნესი ჯავახეთში - დეპუტატის ოჯახის კომპანიებმა ბიუჯეტიდან 2 მლნ ლარზე მეტი მიიღეს.  „საერთაშორისო გამჭვირვალობა - საქართველო” მოუწოდებს სახელმწიფო უსაფრთხოების სამსახურის ანტიკორუფციულ სააგენტოს და გენერალურ პროკურატურას, შეისწავლოს შპს „მეეკისა” და შპს „ეს ჯი გაზ - კომპანის“ თითოეული სახელმწიფო შესყიდვა და დაადგინოს, ხომ არ იყო ეს შესყიდვები მათთვის სასურველ პირობებში გამოცხადებული და იკვეთება თუ არა კორუფციის შესაძლო კონკრეტული ნიშნები“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. 2018 წლიდან პროექტს „ეს წალკაა“ ევროკავშირის ENPARD-ის პროგრამის ფინანსური მხარდაჭერით ახორციელებს CENN, საქართველოს ფერმერთა ასოციაციასთან (GFA) და სოფლის განვითარების კვლევით ინსტიტუტთან (Ifls) თანამშრომლობით. „პროექტის მიზანია წალკის მუნიციპალიტეტის მოსახლეობის სოციალური ინტეგრაციის გაუმჯობესება, სოციალურ სერვისებზე ხელმისაწვდომობის უზრუნველყოფა და ახალი ეკონომიკური შესაძლებლობების შექმნა თანამონაწილეობრივი დაგეგმარების გზით. მოხარულები ვართ გაცნობოთ, რომ პროექტის ფარგლებში შეიქმნა ვებ-გვერდი - tsalkalag.ge, სადაც აქტიურად განთავსდება პროექტის მიმდინარეობისას დაგეგმილი აქტივობები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ფერმერთა ასოციაციის ორგანიზებით, ძველ თბილისში მეწარმე ქალების პროდუქტების საშობაო გამოფენა-გაყიდვა გაიმართა.  საშობაო გამოფენა-გაყიდვაზე იმ ქალების პროდუქტი იყო წარმოდგენილი, რომლებიც პროექტის "ერთობლივი ძალისხმევა ქალთა ეკონომიკური გაძლიერებისთვის საქართველოში ფარგლებში" მონაწილეები არიან.  ღონისძიება საქართველოს ფერმერთა ასოციაციის ინიციატივითა და გაეროს ქალთა ორგანიზაციის მხარდაჭერით, ნორვეგიის მთავრობის დაფინანსებით ჩატარდა.  სრულად...  წყარო: გვერდი სოციალურ ქსელში

თბილისი. სიდა-ს ორგანიზებითა და შვედეთის მთავრობის ფინანსური მხარდაჭერით, გაიმართა კორპორაციული პასუხისმგებლობის სკოლის ინტენსიური (საპილოტე) კურსი.  კურსი ბიზნესის, მთავრობის, არასამთავრობო სექტორისა და მედიის წარმომადგენლებისთვის გაიმართა და პასუხისმგებლიან, მდგრად კორპორაციულ მართვას ეხებოდა.  სრულად...  წყარო: https://www.facebook.com/pg/cidacso

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: მინისტრებისა და მათი მოადგილეების ბიზნესინტერესები – 2019 წლის მდგომარეობა და აღმოჩენილი დარღვევები. „ოფიციალური მონაცემების მიხედვით, საქართველოს მინისტრებისა და მინისტრის მოადგილეების თითქმის ნახევარს – 64-დან 29-ს – უდასტურდება კომერციული ინტერესი (მას და/ან მის ოჯახის წევრს). შემაშფოთებელია ის ფაქტი, რომ ბიზნესინტერესის მქონე მინისტრებისა და მინისტრის მოადგილეების უმეტესობას (29-დან 22-ს), ამა თუ იმ ფორმით, დარღვეული აქვს კანონის ის მოთხოვნები, რომლებიც უკავშირდება კომერციული ინტერესის გამჟღავნებას და ინტერესთა შეუთავსებლობის თავიდან აცილებას“, ნათქვამია ორგანიზაციის გვერდზე სოციალურ ქსელში. სრულად... წყარო: transparency.ge