თბილისი. საქართველოს სტრატეგიული კვლევებისა და განვითარების ცენტრის ორგანიზებით გაიმართა ფორუმი "საჯარო პოლიტიკა კორპორაციული სოციალური პასუხისმგებლობის მხარდასაჭერად". ფორუმში მონაწილეობა მიიღეს ქართული ბიზნესის, სახელმწიფოს, დონორი და სამოქალაქო ორგანიზაციების წარმომადგენლებმა. ფორუმის სპიკერებმა დამსწრე საზოგადოებას გაუზიარეს დასავლეთ ქვეყნების გამოცდილება და ესაუბრნენ იმ საჯარო პოლიტიკის ინსტრუმენტებზე, რომელიც ხელს შეუწყობს CSR-ის განვითარებას. ფორუმი გაიმართა პროექტის „სამოქალაქო საზოგადოების განვითარების ინიციატივა“ ფარგლებში, რომელიც დაფინანსებულია ევროკავშირის მიერ, ხოლო თანადამფინანსებელია კონრად ადენაუერის ფონდი.

თბილისი. 500-ზე მეტი დელეგატი 15-ზე მეტი ქვეყნიდან მონაწილეობდა თბილისში გამართულ ყოველწლიურ საერთაშორისო საინვესტიციო ფორუმში – „განვითარებადი ბაზრების ეკონომიკა: პერსპექტივები და გამოწვევები“.  ფორუმმა 50-მდე გამომსვლელს უმასპინძლა, მათ შორის, ცნობილ საინვესტიციო ექსპერტს, რიჩარდ ვილსონს, რომელიც აშშ-ში ცნობილია როგორც შეძლებული და ულტრა შეძლებული ოჯახების მიერ დაგროვილი ინვესტიციების მმართველი.  IDFI საერთაშორისო ეკონომიკურ ფორუმზე საკუთარი პანელით წარსდა. პანელი ეხებოდა კარგი მმართველობის რეფორმის როლს ეკონომიკურ განვითარებასა და ინვესტიციების მოზიდვაში.  სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ (TI) ანაკლიის პორტის მშენებლობის საკითხს უბრუნდება. „საერთაშორისო გამჭვირვალობა - საქართველო“ აგრძელებს ანაკლიის პორტის გარშემო მიმდინარე მოვლენების მიმოხილვას, ვინაიდან ამ პორტის აშენება საქართველოს ეროვნული ინტერესებისთვის მნიშვნელოვანია. აღნიშნულ თემაზე პირველი სტატია მიმდინარე წლის 15 თებერვალს გამოვაქვეყნეთ, როდესაც ხელისუფლებიდან „თიბისი ბანკზე“ ორკესტრირებული შეტევა იყო აქტუალური. „თიბისი ბანკის“ წინააღმდეგ დაწყებული კამპანიის მთავარი სამიზნე, როგორც ჩანს, მამუკა ხაზარაძე იყო, რადგან ის ანაკლიის ღრმაწყლოვანი პორტის მშენებლობის პროექტის მთავარი განმახორციელებელია“, - ვკითხულობთ TI-ის მიერ მომზადებულ ინფორმაციაში.  სრულად წყარო: ორგანიზაციის ვებგვერდი

აჭარა. 15-16 ივნისს, ბათუმში, გაეროს ქალთა ორგანიზაცია და ბიზნესლიდერთა ფედერაცია „ქალები მომავლისთვის" ორდღიან ეკონომიკურ ფორუმს გამართავენ. „ღონისძიების მიზანი ბიზნესკომპანიებში ქალთა გაძლიერება და წარმატებული ქალი მეწარმეების ისტორიების წარმოჩენაა. ფორუმის სტუმრები გაეცნობიან ინფორმაციას ქალებისთვის ხელმისაწვდომი ტრენინგების, გრანტებისა და განათლების მიღების შესაძლებლობების შესახებ. ამას გარდა, მათ საშუალება ექნებათ, დაესწრონ აქტივობებს, რომლებიც სასტუმრო „ჰილტონსა" და ბათუმის ცენტრალურ პარკში გაიმართება", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) გთავაზობთ, ცნობილი ინდოელი ეკონომისტის და პოლიტიკური კომენტატორის, პრაბჰატ პატნაიკის (Prabhat Patnaik) მოხსენებას, რომელიც მან წაიკითხა ფორუმზე „სოციალური სამართლიანობა კრიზისის დროს". „პროფესორი პატნაიკი საუბრობს გლობალიზებული ფინანსური კაპიტალის და სახელმწიფოს ურთიერთმიმართებაზე და მსოფლიო ეკონომიკური წესრიგის გარდაქმნის პოტენციალზე". სრულად... წყარო: emc.org.ge

თბილისი. საზოგადოებრივი ორგანიზაციები საქართველოს მთავრობას მიმართავენ ფისკალური და ქონებრივი დეცენტრალიზაციის საკითხებზე. „სამწუხაროდ, მიმდინარე პროცესმა კიდევ ერთხელ დაგვანახა, რომ მთავრობას და მის სხვადასხვა უწყებას არ აქვს ჩამოყალიბებული ერთიანი ხედვა დეცენტრალიზაციისა და ადგილობრივი განვითარების საკითხებზე. ეს კიდევ ერთხელ დადასტურდა 21 მაისს წყალტუბოში პარლამენტის რეგიონული პოლიტიკისა და თვითმმართველობის კომიტეტის ორგანიზებით გამართულ სახელმწიფო და ადგილობრივი ხელისუფლებების ინსტიტუციური დიალოგის IV ფორუმზე, სადაც აშკარად გამოჩნდა სამთავრობო უწყებების განსხვავებული ხედვები", ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს გადახდისუუნარობის სისტემის რეფორმირების ფარგლებში, გაიმართა შეხვედრა „ეფექტური გადახდისუუნარობის სისტემის როლი ქვეყნის ეკონომიკის განვითარებაში". „შეხვედრის ძირითადი მიზანი იყო გადახდისუუნარობის საკანონმდებლო წინადადებით გათვალისწინებული რეგულირებების ეკონომიკური მნიშვნელობის წარმოჩენა", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი აქვეყნებს ალბერტო აკოსტას სტატიის სინტეზურ თარგმანს: „ექსტრაქტივიზმი და ნეოექსტრაქტივიზმი: ერთი და იმავე წყევლის ორი მხარე". „ღარიბი ქვეყნებიდან მდიდარ ქვეყნებში გაედინება ნედლეული, ხოლო მდიდარი ქვეყნები ღარიბ ქვეყნებზე ყიდიან სამრეწველო (მეტწილად მაღალტექნოლოგიურ ნაწარმს). დროთა განმავლობაში, ვაჭრობის პირობები უარესდება და ღარიბი ქვეყნები სულ უფრო ნაკლებ სამრეწველო პროდუქციას იძენენ, მათ მიერ მოპოვებული, ნედლეულის სანაცვლოდ", ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. მშრომელთა სოლიდარობის საერთაშორისო დღესთან დაკავშირებით, საქართველოს სახალხო დამცველის აპარატი განცხადებას ავრცელებს.  „1 მაისი მშრომელთა საერთაშორისო დღეა, ამ დღეს სახალხო დამცველი კიდევ ერთხელ მოუწოდებს ხელისუფლებას გაატაროს სათანადო ღონისძიებები შრომითი უფლებების სფეროში არსებული პრობლემების მოსაგვარებლად", - ვკითხულობთ განცხადებაში, - „განსაკუთრებულ შეშფოთებას იწვევს სამუშაო ადგილებზე დაღუპულთა და დაშავებულთა მზარდი სტატისტიკა. 2018 წელს წარმოებაში მომხდარი უბედური შემთხვევების შედეგად, დაიღუპა 59 და დაშავდა 199 ადამიანი... არ ტარდება სათანადო ღონისძიებები დაქირავებულთა ჯანმრთელობაზე, მათი კვალიფიკაციის ამაღლებაზე, პირველადი სამედიცინო დახმარების სწავლებაზე ზრუნვისთვის. არ არის დაცული სანიტარიულ-ჰიგიენური ნორმები... შრომის კანონმდებლობით გათვალისწინებული მოთხოვნების მონიტორინგმა აჩვენა, რომ, ხშირ შემთხვევაში, სამუშაო დროის ხანგრძლივობა შეუსაბამოა ხელშეკრულებით განსაზღვრულ პირობებთან; ირღვევა შვებულების გაცემის წესი, ანაზღაურების გაცემის წესი... თანასწორობის პრინციპების დაცვის მიმართულებით, შრომის უფლებები განსაკუთრებით მოწყვლად ჯგუფების - ქალებისა და შშმ პირების მიმართ ირღვევა... სახალხო დამცველი თავისი მანდატის ფარგლებში აგრძელებს ქვეყანაში შრომითი უფლებების დაცვის მდგომარეობის შესწავლას და გამოიყენებს მის ხელთ არსებულ ყველა საშუალებას არსებული ვითარების გამოსასწორებლად".  სრულად... წყარო: ორგანიზაციის ვებგვერდი

თბილისი. „ადამიანის უფლებების სწავლებისა და მონიტორინგის ცენტრი" (EMC) აქვეყნებს სოციალური უფლებების ევროპულმა კომიტეტის (ECSR) 2018 წლის დოკუმენტს საქართველოს შესახებ. დოკუმენტი შეეხება ევროპის სოციალური ქარტიით (ESC) გათვალისწინებულ შრომით უფლებებთან (რატიფიცირებულ ნაწილებთან მიმართებით) საქართველოს კანონმდებლობის შესაბამისობას და მოიცავს ისეთ საკითხებს, როგორიცაა: სამუშაო საათების გონივრულობა, უქმე დღეების ანაზღაურება, ყოველკვირეული დასვენების პერიოდი, ღამის სამუშაო, ქალი და მამაკაცი მუშაკების უფლება თანაბარი ღირებულების სამუშაოსათვის თანაბარი ანაზღაურების მიღებაზე, დასაქმების შეწყვეტის შესახებ გონივრული ვადით ადრე ინფორმირება, ორგანიზების უფლება, ერთობლივი კონსულტაციები, მოლაპარაკების პროცედურები, ინფორმაციისა და კონსულტაციის უფლება კოლექტიური გათავისუფლების პროცედურების შემთხვევებში, კოლექტიური მოქმედება.  სრულად... წყარო: ორგანიზაციის ვებგვერდი

თბილისი. საქართველოს ფერმერთა ასოციაციასა და გაეროს ქალთა ორგანიზაციის მხარდაჭერით, პროექტის „ერთობლივი ძალისხმევა ქალთა ეკონომიკური გაძლიერებისთვის საქართველოში” ფარგლებში, დასავლეთ საქართველოს რეგიონებში მცხოვრები კიდევ 65 მეწარმე ქალი, ცოდნისა და კვალიფიკაციის ასამაღლებელ ტრენინგებს გაივლის. სრულად... წყარო: ორგანიზაციის გვერდი სოციალურ ქსელში

შიდა ქართლი. 20-21 აპრილს, გორში, ბიზნესის მართვის თემაზე ტრენინგი ჩატარდა, რომელსაც შიდა ქართლში მცხოვრები 13 მონაწილე დაესწრო. „ტრენინგის მონაწილეებს ბიზნეს გეგმის წარმოდგენის შემდეგ შესაძლებლობა აქვთ მიიღონ 1200 € მოცულობის მატერიალური ფასეულობები (მანქანა-დანადგარები, ხელსაწყოები, სამუშაო იარაღები და ინვენტარი, წარმოების საშუალებები და სხვა) ეკონომიკური საქმიანობის დასაწყებად ან განსავითარებლად. პროექტი - „განათლება რეინტეგრაციისათვის - გზა საზოგადოებაში დასაბრუნებლად” - შიდა ქართლის, იმერეთის, სამეგრელო-ზემო სვანეთის, კახეთის რეგიონში და ქ. თბილისში ხორციელდება. პროექტი 2020 წელს დასრულდება და მასში 300 მსჯავრდებული, ყოფილი მსჯავრდებული და პრობაციონერი მიიღებს სხვადასხვა სახის სარგებელს", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC), დასაქმებულთათვის ღირსეული შრომითი გარემოს შექმნის მიზნით, ხელისუფლების მხრიდან დაუყოვნებლივი ქმედებების გატარებას ითხოვს და სპეციალურ განცხადებს ავრცელებს. „საწარმოო შემთხვევების შედეგად დაშავებულთა და დაღუპულთა რაოდენობამ ბოლო წლებში საგანგაშო მონაცემებს მიაღწია. 2011-2018 წლებში დაშავდა 1081 და დაიღუპა 376 ადამიანი. 2018 წელს, წინა წლებთან შედარებით, დაღუპულთა ყველაზე მაღალი მაჩვენებელი დაფიქსირდა - 59 ადამიანი. საწარმოო შემთხვევათა სიმრავლიდან გამომდინარე, მსგავსი სიახლეები თითქმის ყოველდღიურობად იქცა და საზოგადოებრივი თუ პოლიტიკური რეაგირების მიღმა რჩება. შრომის უსაფრთხოების მიმართულებით არსებული მძიმე მდგომარეობის საპასუხოდ საქართველოს პარლამენტმა მიიღო „შრომის უსაფრთხოების შესახებ" ორგანული კანონი. აღნიშნული კანონის მიღება არსებითად მნიშვნელოვანი წინგადადგმული ნაბიჯი იყო დასაქმებულთა შრომითი უფლებების უზრუნველყოფისკენ. თუმცა, შესაბამისი ზედამხედველობის მექანიზმის შემუშავებისა და კანონმდებლობის გამკაცრების მიუხედავად, აღსრულების მექანიზმების არაეფექტურობა და მნიშვნელოვანი საკანონმდებლო რეგულაციების ამოქმედების ვადის მომავალში გადადება დასაქმებულთა სიცოცხლეს და ჯანმრთელობას ყოველდღიური რისკის ქვეშ აყენებს", - აღნიშნულია EMC-ის მიერ გავრცელებულ განცხადებაში.  სრულად... წყარო: ორგანიზაციის ვებგვერდი

კახეთი. ევროკავშირის მხარდაჭერით დედოფლისწყაროს განვითარების ჯგუფის საბჭოს წევრებს და პროექტების შერჩევის კომისიის წარმომადგენლებს პროექტის ციკლის მართვის ტრენინგი ჩაურატდათ. ტრენინგის განმავლობაში მონაწილეებს აუმაღლდათ ცოდნა და უნარები შემდეგი მიმართულებებით: სიტუაციური ანალიზის განხორციელება; ინტერვენციის მიზნების განსაზღვრა და სტრატეგიული მიმართულების იდენტიფიკაცია; პროექტის დიზაინი, პროექტის დაგეგმარება; სხვადასხვა დონის ინდიკატორების შემუშავება; რესურსების განაწილება, ბიუჯეტირება და პროექტის მონიტორინგი; ანგარიშგება და პროექტის დახურვა.  სრულად... წყარო: enpard.ge

თბილისი. საქართველოს სტრატეგიული კვლევებისა და განვითარების ცენტრის ორგანიზებით, პროექტის „სამოქალაქო საზოგადოების განვითარების ინიციატივის“ ფარგლებში გაიმართა ტრენინგი ჟურნალისტებისთვის – „კორპორაციული სოციალური პასუხისმგებლობა და მედიის როლი“. ტრენინგზე, რომელსაც ესწრებოდა ცენტრალური და რეგიონული მედიის წარმომადგენლები, განიხილეს პასუხისმგებლიანი ბიზნესის განხორციელების ევროპული გამოცდილება, მიდგომები და ადგილობრივ კომპანიების პროექტები. პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი, ხოლო თანადამფინანსებელია კონრად ადენაუერის ფონდი.

სამეგრელო. 30 მარტს, ქალთა ისტორიის თვესთან დაკავშირებით, „დემოკრატიული ჩართულობის ცენტრების ქსელის" ზუგდიდის ოფისის ინიციატივით, გაიმართა მეწარმე ქალების პროდუქციის გამოფენა-გაყიდვა, რომელიც მიეძღვნა მე-19 საუკუნის სამეგრელოს მკვიდრის, წარმატებული მეწარმე ქალის ნოტიო ლოლუას ხსოვნას. „მეწარმე ქალებმა დემოკრატიული ჩართულობის ცენტრების ქსელის ზუგდიდის ოფისის თაოსნობით, თხოვნით მიმართეს ადგილობრივ ხელისუფლებას მეწარმეების პროდუქციის გამოფენა-გაყიდვის მიზნით ქალაქის ცენტრალურ ნაწილში გამოყონ მუდმივი ადგილი ხის კოტეჯებთან ერთად, რომელიც მეწარმეებს შესაძლებლობას მისცემს შაბათ-კვირას მოახდინონ პროდუქციის რეალიზაცია და გააცნონ საკუთარი საქმიანობა ფართო მასას", ნათქვამია დემოკრატიული ჩართულობის ქსელის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

<div style="text-align: justify;"><span style="font-weight: bold;">თბილისი.</span> 2019 წლის 26-29 მარტს, საქართველოს სახალხო დამცველის ორგანიზებით ჩატარდა ტრენინგი „გენდერული თანასწორობა შრომით უერთიერთობში". ტრენინგი მიზნად ისახავდა მონაწილეთა ცნობიერების ამაღლებას ქალთა ეკონომიკური გაძლიერების პრინციპების, შრომით ურთიერთობებში გენდერული დისკრიმინაციის რეგულირების და შრომითი კანონმდებლობის ადგილობრივი და საერთაშორისო სტანდარტების გაცნობას.</div> <div style="text-align: justify;">ტრენინგს ესწრებოდნენ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომის ინსპექტირების დეპარტამენტის თანამშრომლები, საქართველოს დამსაქმებელთა ასოციაციისა და საქართველოს პროფესიული კავშირების გაერთიანებისა და გაერთიანების წევრი ორგანიზაციების წარმომადგენლები.</div> <div style="text-align: justify;"><a href="http://ombudsman.ge/geo/akhali-ambebi/genderuli-tanastsoroba-shromit-urtiertobebshi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">ზუგდიდი.</span> 21 მარტს, გაიმართა ღონისძიება, რომელზეც 13 ყოფილ პატიმარს ეკონომიკური საქმიანობის დასაწყებად ან განსავითარებლად სხვადასხვა საშუალებები-მანქანა-დანადგარები, ხელსაწყოები, სამუშაო იარაღები/ინვენტარი, წარმოების საშუალებები და სხვა - გადასცეს.</div> <div style="text-align: justify;">„თითოეული ბენეფიციარისათვის გადაცემული მატერიალური ფასეულობის ღირებულება 2000-5000 ლარის მოცულობის გახლავთ. ყოფილი პატიმრები მიღებული გრანტით შეძლებენ საკუთარი იდეის განხორციელებას სხვადასხვა მიმართულებით - სოფლის მეურნეობა, მომსახურება, წარმოება და სხვა. ღონისძიებაზე საგრანტო კონკურსში გამარჯვებულ 13 ყოფილ პატიმარს იუსტიციის სამინისტროს სსიპ „დანაშაულის პრევენციის ცენტრის" და საქველმოქმედო ჰუმანიტარული ცენტრი „აფხაზეთის" წარმომადგენლები შეხვდნენ და მატერიალურ ფასეულობები თავად გადასცეს", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/CHCAGeorgia/photos/ms.c.eJxFj9sNxEAIAzs6gVke7r~_x6CBLfkceG3CMBoXwwMvkhwZSDCEcdQHZCdcFhXRqxQtU2CB9QbVysIpMaV6Q3mATCm0FvEAHGFeJ~;wqkvo5O7Kww51LbX2pmtxTWl4Y~_qK0zhw~-~-.bps.a.2439320702759214/2439321209425830/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div>

<div style="text-align: justify;"><span style="font-weight: bold;">თბილისი. </span>„ადამიანის უფლებების სწავლებისა და მონიტორინგის ცენტრი" (EMC), რომელიც, პარტნიორ ორგანიზაციებთან ერთად, სოციალურ მუშაკებსა და „სოციალური მომსახურების სააგენტოს" შორის მოლაპარაკებებში იყო ჩართული, განცხადებას ავრცელებს.</div> <div style="text-align: justify;">„EMC სოლიდარობასა და მხარდაჭერას უცხადებს სოციალურ მუშაკებს მათი და მოწყვლადი სოციალური ჯგუფების უფლებებისთვის სამართლიან ბრძოლაში. ამავე დროს, მოუწოდებს:</div> <div style="text-align: justify;">საქართველოს მთავრობას - დაუყოვნებლივ მოახდინოს რეაგირება სოციალურ მუშაკთა სამართლიან მოთხოვნებზე, მათ შორის დროულად მოიძიოს შესაბამისი საბიუჯეტო სახსრები გადაუდებელი პრობლემების აღმოფხვრის მიზნით, ხოლო გრძელვადიანი პრობლემების გადაჭრისთვის წარმოადგინოს სამოქმედო გეგმა, მათი შესრულების ვადების განსაზღვრით;</div> <div style="text-align: justify;">საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს - დაუყოვნებლივ დაიწყოს სოციალური სერვისებისა და სოციალური მუშაობის გადააზრება, შესაბამის კვლევებზე დაყრდნობითა და დარგის სპეციალისტების მონაწილეობით დაგეგმოს ამ სფეროს გარდაქმნისთვის საჭირო რეფომრების გატარება, მათ შორის ახალი სერვისების შექმნა;</div> <div style="text-align: justify;">საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და სსიპ „სოციალური მომსახურების სააგენტოს" - უზრუნველყონ თანამშრომელთა გაფიცვის უფლების რეალიზების სრული და განუხრელი დაცვა, რაც მათ შორის უნდა გამორიცხავდეს დასაქმებულთა მიმართ ყევლა სახის ზეწოლის განხორციელებას, მათ შორის მათ დაშინებას სამსახურიდან გათავისუფლების, დისციპლინური თუ სხვა სახის პასუხისმგებლობის დაყენების მუქარის სახით და დაუყოვნებლივ მოახდინოს რეაგირება ყველა მსგავს შემთხვევაზე", - ვკითხულობთ განცხადებაში.</div> <div style="text-align: justify;"><a href="http://emc.org.ge/ka/products/emc-sotsialur-mushakebs-mkhardacheras-utskhadebs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველო" (TI) აქვეყნებს 11 შეკითხვას მამუკა ხაზარაძისა და „თიბისი" ბანკის საქმის შესახებ.</div> <div style="text-align: justify;">„თიბისი” ბანკისა და მამუკა ხაზარაძის გარშემო მიმდინარე მოვლენები აქტუალურობას არ კარგავს. ხაზარაძემ, ორკესტრირებულ შეტევასთან დაკავშირებით ისაუბრა, მათ შორის, პარლამენტის ტრიბუნიდანაც. მის გამოსვლას პროკურატურამ და ეროვნულმა ბანკმა საჯარო განცხადებებით უპასუხეს. მიუხედავად ამისა, ხაზარაძესთან დაკავშირებული საქმის ირგვლივ ბუნდოვანება რჩება და საზოგადოებამ მნიშვნელოვან კითხვებზე, მათ შორის გამოძიებისგან, პასუხები ჯერ კიდევ ვერ მოისმინა", - აღნიშნულია TI-ის მიერ გავრცელებულ ინფორმაციაში.</div> <div style="text-align: justify;"><a href="http://www.transparency.ge/ge/post/11-kitxva-mamuka-xazarazisa-da-tibisi-bankis-sakmis-shesaxeb" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">ქვემო ქართლი. </span>ევროკავშირმა, პარტნიორ ორგანიზაცია CENN-თან ერთად, წალკის მუნიციპალიტეტში სოფლის განვითარების ახალი პროექტი - „ეს წალკაა" - ოფიციალურად წარადგინა.</div> <div style="text-align: justify;">პროექტის მიზანია საოჯახო მეურნეობების გაძლიერება, მეწარმეების საქმიანობის ხელშეწყობა, ქალებისა და ახალგაზრდების დასაქმება და მუნიციპალიტეტის სხვა ადგილობრივი ჯგუფების მხარდაჭერა ცოდნაზე, ინოვაციებსა და ახალ ტექნოლოგიებზე ხელმისაწვდომობის უზრუნველყოფით, ბიზნესკავშირების დამყარებითა და სამუშაო ადგილების შექმნის გზით.</div> <div style="text-align: justify;"><a href="http://enpard.ge/ge/es-tsalkaa-evrokavshiri-tsalkis-munitsipalitetshi-sophlis-ganvitharebis-akhal-proeqts-itsqhebs/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრი" (EMC) აქვეყნებს ანანო ცინციბაძის ბლოგს შრომითი მედიაციის პოლიტიკის შესახებ.</div> <div style="text-align: justify;">„შრომითი მედიაცია დავის გადაჭრის ალტერნატიული მექანიზმია, რომელმაც დამსაქმებელსა და დასაქმებულს შორის კონფლიქტი უნდა მოაგვაროს, საქმე გაფიცვამდე არ მიიყვანოს და სასამართლოსგან განსხვავებით, ორივე მხარე კმაყოფილი დატოვოს.</div> <div style="text-align: justify;">კანონით გაწერილი ეს უნიკალური საშუალება იდეალურ გადაწყვეტად მოჩანს. ის ზოგავს დროს, ხარჯს, ამცირებს გაფიცვის შესაძლებლობას და ჭრის დავას, რის შედეგადაც მოდავე მხარეები ზავდებიან, თუმცა „ადამიანის უფლებების სწავლებისა და მონიტორინგის ცენტრის (EMC)" ბაზაზე წარმოებული კვლევის შედეგები აჩვენებს, რომ მიუხედავად ხუთწლიანი პრაქტიკისა, შრომის მედიაციამ ვერ შეიძინა ეფექტიანი მექანიზმის სახელი, ერთი მხრივ, სახელმწიფოს მიერ მექანიზმის ადმინისტრირების ხარვეზულობისა და სისუსტის, მეორე მხრივ, მექანიზმის დანერგვის პროცესში ადგილობრივი სოციალურ-ეკონომიკური კონტექსტის გაუთვალისწინებლობის გამო", - წევრს ავტორი.</div> <div style="text-align: justify;"><a href="http://emc.org.ge/ka/products/mediatsia-shromis-politikis-efektian-mekanizmebs-mighma" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>