თბილისი. საქართველოს სტრატეგიული კვლევებისა და განვითარების ცენტრმა (CSRDG) მოამზადა ვიდეო პროექტის „სამოქალაქო საზოგადოების განვითარების ინიციატივის“ ფარგლებში, ერვოკავშირისა და კონრად ადენაუერის ფონდის (KAS) მხარდაჭერით. „ღრმა და ყოვლისმომცველი თავისუფალი ვაჭრობის შეთანხმებით საქართველომ აიღო ვალდებულება, რომ მის ბაზარზე მეწარმეებს შორის თავისუფალი და შეუზღუდავი კონკურენცია იქნება. ვიდეოში გაიგებთ მეტს კონკურენციის დაცვაზე“. სრულად... წყარო: asocireba.ge

თბილისი. სამოქალაქო საზოგადოების ინსტიტუტმა გამოსცა გზამკვლევი სოციალური საწარმოებისა და არასამეწარმეო იურიდიული პირებისათვის. საქართველოს საკანონმდებლო აქტები არ იცნობს სოციალური საწარმოსა და სოციალური მეწარმეობის ცნებებს, თუმცა საქართველოში ფუნქციონირებენ სუბიექტები, რომლებიც ახორციელებენ სოციალურ მეწარმეობას. დაინტერესებულ პირებს შესაძლებლობა აქვთ, კერძო სამართლის იურიდიული პირის დაფუძნებისა და დამკვიდრებული საერთაშორისო გამოცდილების გათვალისწინებით განახორციელონ სოციალური მეწარმეობა. სოციალურ საწარმოში იგულისხმებიან ის კერძო სამართლის იურიდიული პირები, რომლებიც ფუნქციურად მოიაზრებიან სოციალურ საწარმოებად და რომელთა ეკონომიკური საქმიანობაც უპირატესად სოციალური მიზნების მიღწევას გულისხმობს. საქართველოს კანონმდებლობის შესაბამისად, საზოგადოებრივ ორგანიზაციებს, რომლებშიც იგულისხმებიან არასამეწარმეო (არაკომერციული) იურიდიული პირები, ძირითად საქმიანობასთან ერთად უფლება აქვთ, განახორციელონ კანონით აუკრძალავი ნებისმიერი საქმიანობა, მათ შორის, დამხმარე ხასიათის სამეწარმეო საქმიანობა. ამასთან, დამხმარე ხასიათის სამეწარმეო საქმიანობა შეიძლება ატარებდეს ან არ ატარებდეს სოციალური მეწარმეობის ხასიათს. ეს გზამკვლევი განკუთვნილია როგორც სოციალური მეწარმეობის განმახორციელებელი სუბიექტების, ისე არასამეწარმეო (არაკომერციული) იურიდიული პირებისათვის. გზამკვლევი მოიცავს კერძო სამართლის იურიდიული პირების სამართლებრივი მართვის, ფინანსური აღრიცხვა-ანგარიშგებისა და საგადასახადო ადმინისტრირების საკითხებს.  გზამკვლევი შექმნილი სამოქალაქო საზოგადოების ინსტიტუტის მიერ (ავტორები: ინსტიტუტის მთავარი იურისტი ლევან ფანიაშვილი, ინსტიტუტის ფინანსური მენეჯერი დავით ტივიშვილი) სოციალურ საწარმოთა ალიანსთან თანამშრომლობით და არასამეწარმეო სამართლის საერთაშორისი ცენტრის (ICNL) მხარდაჭერით.  გზამკვლევი ...

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კოტე ერისთავის ნაშრომს: შრომის ბაზრის სეგმენტაცია და არაფორმალური შრომა კრიზისის დროს. „ნაშრომი აანალიზებს, თუ რა გავლენას ახდენს ეკონომიკური კრიზისები არაფორმალური დასაქმების სექტორზე და როგორ რეაგირებენ მშრომელი ადამიანები ფორმალურ სექტორში დასაქმების შესაძლებლობის შეკვეცაზე, სადაც შესწავლილია როგორც 2008-2009 წლების ეკონომიკურ კრიზისს და მის შედეგებს შრომის ბაზარზე, ასევე კორონავირუსის პანდემიის პირობებში წარმოქმნილ ეკონომიკურ კრიზისი“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, გლობალური ინოვაციების ინდექსი (GII) 130-მდე ქვეყანას აფასებს ინოვაციური შესაძლებლობების მიხედვით. 7 კატეგორიაში დაჯგუფებული 80-მდე ინდიკატორის მეშვეობით, GII მიზნად ისახავს ინოვაციურობის ყოვლისმომცველ შესწავლას ინოვაციური დანახარჯების (inputs) და პროდუქტების (outputs) განზომილებაში. „2020 წლის GII კვლევამ საერთო ჯამში დადებითად შეაფასა საქართველოში ინოვაციური განვითარების ტენდენცია, თუმცა ასევე გამოიკვეთა პროგრესის შენელება. კერძოდ, გასულ წელთან შედარებით, 5 კატეგორიაში გაუარესდა შედეგები, რაც საბოლოო ჯამში ნეგატიურად აისახა ქვეყნის საერთო რეიტინგზე. ინოვაციის გლობალური ინდექსის 2020 წლის შედეგები თვალსაჩინოს ხდის კონკრეტულ სფეროებში ეკონომიკური და ინოვაციური განვითარების თვალსაზრისით არსებულ სტაგნაციას“. სრულად... წყარო: idfi.ge

ევროპის ფონდი აქვეყნებს მასალას, რომელიც ოზურგეთის მუნიციპალიტეტში ბიუჯეტთან დაკავშირებული საკითხების თანამონაწილეობითი პრინციპით გადაწყვეტას ეხება. „გლობალური ინიციატივა ფისკალურ პოლიტიკაში (GIFT) აღიარებს 10 პრინციპს, რომელიც სახელმწიფომ ბიუჯეტირების პროცესში უნდა დაიცვას იმისთვის, რომ მოქალაქეებზე ორიენტირებული ბიუჯეტირება განახორციელოს. ამ პრინციპებიდან ერთ-ერთი მთავარია მდგრადობა“, - ვკითხულობთ მასალაში, - „ოზურგეთის მუნიციპალიტეტში რამდენიმე პოზიტიური მაგალითია, როდესაც ბიუჯეტთან დაკავშირებული საკითხების თანამონაწილეობითი პრინციპით გადაწყვეტა მოხერხდა, რაც ფისკალურ პოლიტიკაში საზოგადოების მონაწილეობის ინსტიტუციონალიზაციას ეხმარება. "პროგრესის სახლის" დამფუძნებელი, მინდია სალუქვაძე საუბრობს საკუთარი ორგანიზაციის გამოცდილებაზე ადგილობრივ თვითმმართველობასთან მუშაობისას და პოზიტიურ შედეგებზე, რაც მოქალაქეებზე აისახა“.  სრულად...  წყარო: გვერდი სოციალურ ქსელში

გურია. 22 სექტემბერს, ლანჩხუთის ადმინისტრაციულ შენობაში გაიმართა მრგვალი მაგიდის ფორმატის შეხვედრა ადგილობრივი თვითმმართველობისა და გაეროს ქალთა ორგანიზაციის მხარდაჭერით მიმდინარე პროექტის, „ერთობლივი ძალისხმევა ქალთა ეკონომიკური გაძლიერებისთვის საქართველოში“, წარმომადგენელთა მონაწილეობით. შეხვედრაზე სოფლების ჩოჩხათისა და ჩიბათის თვითდახმარების ჯგუფების ქალებმა წარმოადგინეს თავიანთ თემებში მათ მიერ ჩატარებული მოკვლევის შედეგები, რაც თემის პრობლემებისა და საჭიროებების იდენტიფიცირებას ისახავდა მიზნად. პრეზენტაციების შემდეგ გაიმართა ღია დისკუსია ლანჩხუთის მუნიციპალიტეტის მერისა და ადგილობრივი თვითმმართველობის სხვა წარმომადგენლების, თვითდახმარების ჯგუფების ქალების, გაეროს ქალთა ორგანიზაციისა და „ფონდი ტასო“-ს წარმომადგენელთა ჩართულობით. სრულად...  წყარო: taso.publishpath.com

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პოდკასტს, რომელშიც მონოინდუსტრიებზე და ასეთ რეგიონებში ეკონომიკის დივერსიფიკაციაზე, დასაქმების პოლიტიკის შესაძლებლობებსა და მის ეფექტიანობაზე საუბარობენ. „თუკი სამთო-მოპოვებით სექტორში დასაქმებულთა რაოდენობას მთლიან სამუშაო ძალას შევაფარდებთ დავინახავთ, რომ საქართველო არ წარმოადგენს ექსტრაქტივისტული შრომითი ბაზრით დომინირებულ ეკონომიკას. თუმცა, მეორეს მხრივ, იმის გამო, რომ მონოინდუსტრიულ რეგიონებში დასაქმების სხვა ალტერნატიული შესაძლებლობები არ არსებობს, ეს უკიდურესად მნიშვნელოვანს ხდის ეკონომიკის ამ სექტორს მონოინდუსტრიულ და რესურსებზე დამოკიდებულ მსგავს რეგიონებში“. სრულად... წყარო: emc.org.ge

კახეთი. თელავში ახალი პროექტის - „ჩემი ქუჩა, ჩვენი ქალაქი“ განხორციელება დაიწყო. მისი მიზიანია ისტორიული სახლებით სავსე უბნის, მაწანწარას და, კერძოდ, ჭავავაძის ქუჩის მდიდარი ისტორიის შესწავლა.  პროექტის, ასევე, მიზნად ისახავს ამ ტერიტორიის განვითარებასა და იქ მცხოვრები ოჯახების ტურისტულ ცხოვრებაში სრულფასოვან ჩართვას, რისთვისაც შინამეურნეობების შესაძლებლობებს შეისწავლიან. ინფორმაციას ამის შესახებ ავრცელებს პორტალი „თვითმმართველობის დროა“.  სრულად...  წყარო: https://droa.ge

თბილისი. 17 სექტემბერს ქალაქ ქუთაისში, მაღალი ძაბვის გადამცემი ხაზის საყრდენი კონსტრუქციის დემონტაჟის დროს, სს „საქართველოს რკინიგზაში“ დასაქმებული ორი ელექტრომონტიორი გარდაიცვალებასა და ერთის დაშავებასთან დაკავშირებით, ღირსეული შრომის პლათფრმა განცხადებას ავრცელებს.  „ქვეყანაში კვლავ პრობლემურია და მწვავედ დგას მომეტებული საფრთხის მქონე სამუშაო ადგილებზე, დასაქმებულთა შრომითი პირობების საკითხი. საკანონმდებლო დონეზე გატარებული გარკვეული ცვლილებების მიუხედავად, სახელმწიფო დღემდე ვერ ახერხებს მომეტებული საფრთხის მქონე სამუშაო ადგილებზე დასაქმებული მუშებისთვის ღირსეული და უსაფრთხო სამუშაო პირობების შექმნას. მსგავს ობიექტებზე დასაქმებულთა შრომა უკიდურესად მოწყვლადი და სიცოცხლისა და ჯანმრთელობისათვის სახიფათოა“, - ვკითხულობთ განცხადებაში.  სრულად...  წყარო: www.gyla.ge

თბილისი. ადამიანის უფლებების სწავლებისა და მონიტორინგის ცენტრის ინფორმაციით, 16 სექტემბერს ევროპარლამენტმა მიიღო რეზოლუცია საქართველოსა და ევროკავშირს შორის გაფორმებული ასოცირების შეთანხმების განხორციელების შესახებ, რომელიც სხვა საკითხებთან ერთად საქართველოში შრომის კანონმდებლობის ხარვეზებს ეხება. EMC კიდევ ერთხელ მოუწოდებს საქართველოს პარლამენტს მხარი დაუჭიროს შრომის კანონმდებლობის ცვლილებათა პაკეტს და სხვა მნიშვნელოვან რეგულაციებთან ერთად უზრუნველყოს სრულფასოვანი შრომის ინსპექციის შექმნა. სრულად... წყარო: emc.org.ge

თბილისი. სოციალური მეწარმეობა, როგორია მისი პრაქტიკა საქართველოში, თავად სოციალური საწარმოები და მათი ეკოსისტემა? თუ გაინტერესებთ აღნიშნული საკითხები – შესაძლებლობა გეძლევათ გაეცნოთ სამოქალაქო საზოგადოების ინსტიტუტის უახლეს 2 კვლევაში. საქართველოს პრაქტიკის მიმოიხილავს სოცმეწარმეობის არსებულ მდგომარეობას და მოიცავს სამოქმედო გარემოს ანალიზს. მიმოხილვაში გაანალიზებულია საქართველოში მოქმედი სოციალური საწარმოები საქმიანობის ტიპის, მიზნებისა და იურიდიული ფორმის ჭრილში და ა.შ. კვლევა: სოციალური მეწარმეობა საქართველოში (პრაქტიკის მიმოხილვა, ავტორი ეკა დათუაშვილი), 2020...  მეორე კვლევის საგანს წარმოადგენდა ევროპული გამოცდილების შესწავლა სოციალური მეწარმეობის, სოციალური საწარმოებისა და მათთვის ხელსაყრელი გარემოს მახასიათებლების შესახებ. აღსანიშნავია, რომ სოციალური საწარმოებისათვის აუცილებელი ეკოსისტემა ოთხი ძირითადი ღერძისგან შედგება. ესენია: თვითორგანიზების შესაძლებლობები; ხილვადობა და აღიარება; რესურსებზე ხელმისაწვდომობა; კვლევა, განათლება და უნარები. კვლევა: სოციალური მეწარმეობა, სოციალური საწარმოები და მათი ეკოსისტემა, 2020 (ავტორები ეკატერინე დანელია, მარიამ ლაცაბიძე, ნინო სამსონიძე) ... კვლევები შექმნილია სამოქალაქო საზოგადოების ინსტიტუტის დაკვეთით, საქართველოს სოციალურ საწარმოთა ალიანსთან თანამშრომლობით და არასამეწარმეო სამართლის საერთაშორისი ცენტრის (ICNL) მხარდაჭერით.

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პოდკასტების მორიგ სერიას: ექსტრაქტივისტული კაპიტალიზმი, ზრუნვის შრომა და ქალთა როლი. „პოდკასტის მეორე სერიის სტუმარია ალექსანდრა აროშვილი, რომელიც საუბრობს თუ რა შედეგები მოაქვს საშინაო შრომის მარკეტიზაციას და პრივატიზაციას, რაც დღეს გლობალური ზრუნვის მიწოდების ჯაჭვად გვევლინება. პოდკასტის განმავლობაში ვცდილობთ კრიტიკული კითხვები დავსვათ იმასთან დაკავშირებით, თუ რა შედეგებს მოიტანს გლობალური სამხრეთის ქვეყნებიდან ჩრდილოეთისა და დასავლეთის ქვეყნებში ქალთა შრომითი მიგრაციის შეუქცევადი ტენდენცია, რომლის უკანაც რეპროდუქციულ შრომაზე გაჩენილი საბაზრო მოთხოვნა და მისი ზრუნვის გასაქონლების იმპერატივი დგას“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ია ერაძის პუბლიკაციას: სამთო-მოპოვებითი საქმიანობა პანდემიის დროს: ნეოლიბერალური წესრიგი და ჰიბრიდული სახელმწიფო. „შახტში არაფერი იცვლება“ - ასე სრულდება ტყიბულელი მეშახტეების 2020 წლის 13 მარტის მიმართვის ტექსტი, რომლითაც ისინი ჯანმრთელობისთვის საშიშ სამუშაო პირობებს აპროტესტებდნენ (პერტაია, 2020a). იმავე დღეს, საქართველოს პრემიერ-მინისტრმა ანტიკრიზისული ეკონომიკური სტიმულირების გეგმა წარუდგინა საქართველოს მოსახლეობას (საქართველოს მთავრობა, 2020). ქვეყანამ ხმალამოღებული ბრძოლა დაიწყო ვირუსის წინააღმდეგ, თუმცა ტყიბული არავის გახსენებია. 20 მარტს მეშახტეებმა გამოუვალი ფინანსური მდგომარეობის გამო სიცოცხლისთვის საშიშ პირობებში განაგრძეს მუშაობა - „შახტში ვბრუნდებით იმიტომ, რომ წინააღმდეგ შემთხვევაში დავკარგავთ იმ მცირე შემოსავალსაც კი, რომელსაც ჩვენი მძიმე შრომის ფასად მოვიპოვებთ. ჩვენი ოჯახები დარჩება მშიერი“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ჭიათურაში, შუქრუთში მდებარე მაღაროში მომხდარ უბედურ შემთხვევას, რომლის შედეგადაც 46 წლის მაღაროელი გარდაიცვალა და სახელმწიფოს უსაფრთხო შრომის უზრუნველყოფისკენ მოუწოდებს. „შემთხვევა მიმდინარე წლის 24 აგვისტოს ვაკე ტყე ოთხის მაღაროში მოხდა. გავრცელებული ინფორმაციით, სამუშაო პროცესის დროს მაღაროელს ტრაქტორმა გადაუარა. ჭიათურის მაღაროებში დასაქმებული ადამიანების შრომის პირობები წლების განმავლობაში მძიმე რჩება. დაბალი ანაზღაურების პარალელურად, დასაქმებულთა შრომითი უფლებები სისტემატიურად ირღვევა. შრომის უსაფრთხოების წესების დაუცველობის გამო, დასაქმებულები ყოველდღიურად საკუთარ სიცოცხლესა და ჯანმრთელობას რისკის ქვეშ აყენებენ“. სრულად... წყარო: emc.org.ge

თბილისი. სახალხო დამცველმა საქართველოს პარლამენტს მიმართა ზოგადი წინადადებით, მოამზადოს საკანონმდებლო ცვლილებები საჯარო დაწესებულებებში ანაზღაურებადი სტაჟირების დანერგვის და სტაჟიორებისთვის უფრო ფართო დასაქმების შესაძლებლობის მიცემის მიზნით. სახალხო დამცველი ხაზს უსვამს სტაჟირების მნიშვნელობას ახალგაზრდების პროფესიული უნარების განვითარებისთვის და მიუთითებს რომ საქართველოში არსებული სისტემა ხელს უწყობს იმ პირთა სოციალურ გარიყვას, რომელთაც, ფინანსური თვალსაზრისით არ აქვთ აუნაზღაურებელი სტაჟირების და შესაბამისად, პროფესიული განვითარების ადრეული ეტაპიდან დაწყების საშუალება. სრულად...  წყარო: ორგანიზაციის ვებგვერდი

თბილისი. საქართველოს სტრატეგიისა და საერთაშორისო ურთიერთობების კვლევის ცენტრი აქვეყნებს ფონდის უფროსი მკვლევარის, ვლადიმერ პაპავას ბლოგს - „საქართველოს ევროპული გზა პანდემიური დეგლობალიზაციის პირობებში“. „COVID-19-ის პანდემიამ სერიოზული ზეგავლენა იქონია როგორც ცალკეული ადამიანების ცხოვრებაზე, ისე მსოფლიო ეკონომიკაზე, რის გამოც მთელი რიგი საკითხებისა ახლებურად არის გასააზრებელი. მათ შორის განსაკუთრებულ ყურადღებას იმსახურებს გლობალიზაციის პრობლემა. კერძოდ კი, COVID-19-ის პანდემია ხომ არ გამოიწვევს გლობალიზაციის, როგორც ასეთის, დასრულებას, სრულად და საბოლოოდ ხომ არ ჩაანაცვლებს გლობალიზაციას დეგლობალიზაცია, რომელიც იზოლაციონიზმით უნდა დასრულდეს?“, - აღნიშნავს ავტორი. სრულად...  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს გიორგი ცინცაძის სტატიას - „ბუნებრივი რესურსები და შრომის ბაზარი“.  „ბუნებრივი რესურსების ათვისების პოლიტიკა, ანუ ბუნებრივი გარემო და რესურსებთან დაკავშირებული სახელმწიფო კანონმდებლობა, გადაწყვეტილებებისა და ინსტიტუციების ერთობლიობა, ხელშესახებ გავლენას ახდენს შრომის ბაზრის სტრუქტურაზე, როგორც ეროვნულ დონეზე, ისე უშუალოდ იმ რეგიონებში, სადაც წიაღისეულის მოპოვება, ჰიდროენერგეტიკული პროექტები და ბუნებრივ რესურსებთან დაკავშირებული სხვა სექტორები წამყვან როლს თამაშობენ. ბუნებრივი რესურსების პოლიტიკა განსაზღვრავს, რამდენი და რა ტიპის სამუშაო ადგილი იქმნება მოპოვების ინდუსტრიაში, როგორ ნაწილდება მოპოვების შედეგად დაგროვებული დოვლათი და რამდენად უწყობს ხელს ბუნებრივი რესურსების ათვისება ქვეყნისა თუ მისი ცალკეული რეგიონების მდგრად სოციალურ-ეკონომიკურ განვითარებას“, - ვკითხულობთ სტატიაში.  სრულად...  წყარო: ორგანიზაციის ვებგვერდი

საქართველოს წითელი ჯვრის საზოგადოებისა და გაეროს მოსახლეობის ფონდის (UNFPA) საქართველოს ოფისის პარტნიორობით, დაიწყო სოციალურ-ეკონომიკური რეაგირება COVID-19-თან დაკავშირებულ გამოწვევებზე.  პროექტი საქართველოს ოთხ მიზნობრივ მუნიციპალიტეტში  მიმდინარეობს. კორონავირუსის გავრცელების ამ ეტაპზე გაეროს მოსახლეობის ფონდის მიერ გაწეული მნიშვნელოვანი მხარდაჭერით, წითელი ჯვრის საზოგადოება სასურსათო და ჰიგიენურ ამანათებს დაურიგებს 60 წელს გადაცილებულ სოციალურად დაუცველ მარტოხელა ხანდაზმულებს.  სრულად...   წყარო: გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი EMC აჭარის საზოგადოებრივი მაუწყებლიდან თანამშრომლების დათხოვნის ფაქტს ეხმიანება და მიიჩნევს, რომ მათი სამსახურიდან გათავისუფლება საზოგადოებრივი მაუწყებლის დირექტორისა და მენეჯმენტის კრიტიკულად განწყობილი თანამშრომლების დევნის კიდევ ერთი თვალსაჩინო მაგალითია. „პირველადი სამართლებრივი შეფასებით, მიგვაჩნია, რომ მაუწყებლის დირექტორის გადაწყვეტილება წარმოადგენს სამართლებრივად დაუსაბუთებელ გადაწყვეტილებას, რომელიც, თავის მხრივ, ნათლად აჩვენებს მაუწყებლის მენეჯმენტის მიდგომას, ყველა შესაძლო საშუალებებით მოახდინოს მაუწყებლის განეიტრალება კრიტიკული აზრის მქონე ჟურნალისტებისგან და სამსახურიდან გათავისუფლებით, როგორც ყველაზე მკაცრი სანქციით, მათი სამაგალითო დასჯა“, - აღნიშნულია EMC-ის მიერ გავრცელებულ განცხადებაში. სრულად...  წყარო: ორგანიზაციის ვებგვერდი

ევროკავშირის წარმომადგენლობა საქართველოში იწყებს საინფორმაციო კამპანიას ევროკავშირის მიერ ფერმერების მხარდაჭერის შესახებ - „კარგი მოსავალი“. „მომდევნო ორი კვირის განმავლობაში, ჩვენ მოგიყვებით, თუ როგორ შეძლეს ფერმერებმა მოსავლიანობის 40% -ით გაზრდა და წარმოების ღირებულების 30% -მდე შემცირება, ამასთან სხვადასხვა გამოწვევებთან, მაგალითად გვალვასთან გამკლავება. ევროკავშირი FAO-სთან ერთად მუშაობს ქვეყნის მასშტაბით, ასწავლის თანამედროვე სოფლის მეურნეობის მიდგომებს, რომლის შედეგებსაც ფერმერები უკვე ხედავენ“, - ნათქვამია, ევროკავშირის წარმომადგენლობის მიერ გავრცელებულ ინფორმაციაში. სრულად  წყარო: ორგანიზაციის ვებგვერდი

თბილისი. ეკონომიკური პოლიტიკის კვლევის ცენტრმა მოამზადა სახელმძღვანელო მცირე და საშუალო ბიზნესისთვის.  მეწარმეობა საქართველოში / მიკრო და მცირე ბიზნესი; როგორ მოვიზიდოთ დაფინანსება / ბიზნეს-გეგმა; მარკეტინგი; ბიზნესი და კორპორატიული სოციალური პასუხისმგებლობა, გენდერი და გარემოს დაცვა; საქართველოსა და ევროკავშირს შორის ღრმა და ყოვლისმომცველი თავისუფალი ვაჭრობის სივრცის შესახებ შეთანხმება; სსიპ „აწარმოე საქართველოში“ შესახებ - ასეთია თემები და საკითხები, რომელსაც სახელმძღვანელო ეთმობა.  სრულად   წყარო: გვერდი სოციალურ ქსელში

თბილისი. „მრავალეროვანი საქართველოს“ ორგანიზებით, თბილისში გაიმართა ტრეინინგი ნინოწმინდის, ახალქალაქის, ახალციხის, გარდაბნის, მარნეულისა და ბოლნისის მუნიციპალიტეტებში მცხოვრები, ეთნიკური უმცირესობის წარმომადგენელი მეწარმეთათვის.  შესაძლებლობების განვითარების პროგრამის ფარგლებში, მაღალკვალიფიციურმა და გამოცდილმა ექსპერტებმა, ტრეინინგის მონაწილეებს გააცნეს ბიზნეს გეგმის შემუშავების, დაგეგმვისა და განხორციელების ეტაპები და გზები. მონაწილეებმა, რომელთა შორის იყვნენ, სოფლის მეურნეობის წარმომადგენლები, ამომწურავი ინფორმაცია მიიღეს ფინანსური სახსრების მოძიების მექანიზმების შესახებ, როგორც სახელმწიფო და არასახელმწიფო პროგრამების მეშვეობით, ისე - ევროკავშირთან დადებული თავისუფალი ვაჭრობის ხელშეკრულების ფარგლებში.  სრულად   წყარო: გვერდი სოციალურ ქსელში