<div style="text-align: justify;"><span style="font-weight: bold;">თბილისი.</span> საქართველოს ახალგაზრდა იურისტთა ასოციაცია, 2016 წლიდან თბილისის საკონცერტო დარბაზის (ფილარმონიის) ირგვლივ განვითარებულ პროცესებს ადევნებს თვალს და საზოგადებას პერიოდულად აწვდის ინფორმაციას. საუბარია, სახელმწიფოსა და შპს ინტერნეიშენალ ივენთს შორის 2007 წელს გაფორმებული ხელშეკრულების შესრულების დეტალებზე, რომელიც შპს "თბილისის სახელმწიფო საკონცერტო დარბაზის", 100%-იანი წილის მართვის უფლებით 49 წლით გადაცემას გულისხმობს.</div> <div style="text-align: justify;">„მიმდინარე წლის თებერვალში საიამ განცხადებით მიმართა სახელმწიფო ქონების ეროვნული სააგენტოს და კომპანიის მხრიდან, სახელწიფოს წინაშე არსებული დავალიანების შესახებ ინფორმაცია მოითხოვა. სააგენტოს მიერ მოწოდებული ოფიციალური ინფორმაციის თანხმად, 2019 წლის თებერვლის მონაცემებით, შპს "ინტერნეიშენალ ივენთს" სახელმწიფოს მიმართ, მართვის საზღაურის და პირგასამტეხლოს სახით 3,115,146 ლარის და 177,102 აშშ დოლარის დავალიანება ერიცხება. აღნიშნული დავალიანება მოიცავს პერიოდს 2010 წლის 1 იანვრიდან დღემდე. საიას ხელთ არსებული ოფიციალური ინფორმაციის თანახმად, 2019 წლის 4 იანვარს, სახელმწიფო ქონების ეროვნულმა სააგენტომ, წერილობით მიმართა შპს „ინტერნეიშენალ ივენთს" და აცნობა, რომ სააგენტო იყენებდა მხარეებს შორის გაფორმებული ხელშეკრულების „6.2." პუნქტს და კომპანიასთან გაფორმებულ ხელშეკრულებას ცალმხრივად წყვეტდა. შესაბამისად, კომპანიისთვის განცხადების ჩაბარების მომენტიდან, მხარეებს შორის ხელშეკრულება შეწყვეტილად ითვლება", - ვკითხულობთ საია-ს მიერ გავრცელებულ ინფორმაციაში.</div> <div style="text-align: justify;"><a href="http://gyla.ge/ge/post/tbilisis-sakoncerto-darbazi-sakhelmtsifos-martvashi-unda-dabrundes#sthash.nYBfiP8s.dpbs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 12 მარტს, ათასწლეულის გამოწვევის ფონდი - საქართველოს პროექტის „პროფესიული განათლება ეკონომიკის განვითარებისთვის" ორგანიზებით გაიმართა შემაჯამებელი ღონისძიება. შეხვედრაზე წარმოადგინეს დარგის განვითარების 11 მოკლე მიმოხილვა, რომელიც მოიცავს კონკრეტულ სფეროებს და გამიზნულია პროფესიული განათლების ისეთი სისტემის შემუშავებისთვის, რომელიც შეესაბამება საერთაშორისო საუკეთესო პრაქტიკებს.</div> <div style="text-align: justify;"><a href="http://www.facebook.com/ISWDP/photos/pcb.2322444138035265/2322442861368726/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საქართველოს ახალგაზრდა იურისტთა ასოციაციის დასკვნით, სამინისტროებსა და სახელმწიფო მინისტრის აპარატში, საჯარო სამსახურის რეფორმით გათვალისწინებული სიახლეების დანერგვა ხარვეზებით, რიგ შემთხვევებში კი, კანონით დადგენილი მოთხოვნების დარღვევებით მიმდინარეობს. ამ დასკვნას საია შესაბამისი კვლევის შემდეგ აკეთებს.</div> <div style="text-align: justify;">„კვლევის შედეგად გამოვლენილი პრობლემები უკავშირდება ისეთ საკითხებს, როგორიცაა: სამინისტროებში შრომითი ხელშეკრულების საფუძველზე პირების უკონკურსოდ დანიშვნის ზრდის ტენდენცია, პროფესიული საჯარო მოხელის შეფასების სისტემის დაგვიანებით ამოქმედება და საჯარო მოხელეებს შორის შეფასების შედეგების არაპროპორციული გადანაწილება, ასევე რეორგანიზაციის საფუძველზე გათავისუფლებული საჯარო მოხელეების სხვა სამინისტროებში მობილობის დაბალი მაჩვენებელი და სამინისტროების მიერ გათავისუფლებული საჯარო მოხელეებისათვის გადახდილი კომპენსაციის დიდი ოდენობა", - აღნიშნულია საია-ს მიერ გავრცელებულ ინფორმაციაში.</div> <div style="text-align: justify;"><a href="http://gyla.ge/ge/post/sajaro-samsakhuris-reforma-kharvezebit-mimdinareobs#sthash.0HY4ClEV.dpbs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>„ადამიანის უფლებების სწავლებისა და მონიტორინგის ცენტრი" (EMC) აქვეყნებს ინფოგრაფიკას, სხვადასხვა წელს, საწარმოო შემთხვევების შედეგად დაშავებულთა რაოდენობის შესახებ.</div> <div style="text-align: justify;">მონაცემების მიხედვით, რომელიც EMC-მ საქართველოს შინაგან საქმეთა სამინისტროსგან გამოითხოვა, 2012 წელს - საწარმოო შემთხვევების შედეგად, დაშავებულთა, 2018 წელს კი, ამ მიზეზით დაღუპულთა ყველაზე მაღალი რაოდენობა ფიქსირდება.</div> <div style="text-align: justify;"><a href="http://emc.org.ge/ka/products/2018-tsels-satsarmoo-shemtkhvevebis-shedegad-dashavebulta-raodenoba-gaizarda" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრმა" (EMC) ჩაატარა სამართლებრივი და სოციოლოგიური კვლევა, შრომითი მედიაციის მექანიზმთან დაკავშირებით.</div> <div style="text-align: justify;">როგორც EMC-ს მიერ გავრცელებულ ინფორმაციაში ვკითხულობთ, კვლევამ გამოავლინა, რომ დასაქმებულების ინფორმირებულობა ამ მექანიზმთან დაკავშირებით, დაბალია.</div> <div style="text-align: justify;"><a href="http://emc.org.ge/ka/products/ra-aris-shromiti-mediatsia" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> არასამთავრობო ორგანიზაციების ნაწილის განცხადებით, მამუკა ხაზარაძის განცხადება ამყარებს ეჭვებს საქართველოში სახელმწიფოს მიტაცების ნიშნებთან დაკავშირებით.</div> <div style="text-align: justify;">„აღსანიშნავია, რომ ბოლო წლების განმავლობაში ეს არ არის პირველი შემთხვევა, როდესაც ბიზნესმენები ხელისუფლების წარმომადგენლებისა თუ მმართველ პარტიასთან დაკავშირებული გავლენიანი პირების მხრიდან ზეწოლაზე საუბრობენ. თუ ხაზარაძის განცხადებას უფრო ფართო კონტექსტში განვიხილავთ, ის კიდევ უფრო ამყარებს ჩვენ მიერ არაერთხელ გამოთქმულ შეშფოთებას არაფორმალური მმართველობის ნიშნებისა და სახელმწიფოს მიტაცების მზარდი ტენდენციის შესახებ, რაც მოიცავს დიდი ძალაუფლების კონცენტრაციას მმართველი პარტიისა და გავლენიანი პირების არაფორმალური დაჯგუფების ხელში და მათ მიერ საჯარო ინსტიტუტების გამოყენებას კერძო მიზნებისა და ინტერესებისთვის", ნათქვამია განცხადებაში.</div> <div style="text-align: justify;"><a href="http://www.transparency.ge/ge/post/mamuka-xazarazis-gancxadeba-amqarebs-echvebs-sakartveloshi-saxelmcipos-mitacebis-nishnebtan" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრის" (EMC) ინფორმაციით, ელმავალმშენებელი ქარხანაში დასაქმებულებს მძიმე შრომითი პირობები აქვთ და 6 თვეა კუთვნილი ანაზღაურება არ მიუღიათ, რის გამოც, დღეს აქციას აანონსებენ.</div> <div style="text-align: justify;">„კოლექტიური შრომითი დავების პერიოდში „ყვითელი პროფკავშირების" დამსაქმებლის ინტერესებისადმი მიკერძოებული ხმით, მშრომელების სამართლიანი მოთხოვნების გადაფარვა და დელეგიტიმაცია, სამწუხაროდ სისტემურ პრობლემას წარმოადგენს, რომელიც მნიშვნელოვნად ზღუდავს დასაქმებულთა გაერთიანების თავისუფლებას. ამ პროცესში განსაკუთრებულ გამოწვევად კი, დამსაქმებელთა მხრიდან დამოუკიდებელი პროფკავშირების საქმიანობისთვის ხელის შეშლა დგას. აღნიშნულ პროცესში იკვეთება ასევე, შრომითი მედიაციის არსებული მექანიზმის არაფექტიანობა და მისი რეფორმირების საჭიროება. შრომითი მედიაციის არსებულმა მექანიზმმა ვერ მოახერხა დამსაქმებელსა და დასაქმებულს შორის არსებული ძალაუფლებრივი უთანასწორობის დასაბალანსებლად პროცესში დასაქმებულთა წარმომადგენელი პროფესიული გაერთიანების მონაწილეობა”, - აღნიშნულია EMC-ის განცხადებაში, - „EMC მოუწოდებს სს „ელმავალმშენებელი” ქარხნის ადმინისტრაციას, დაუყოვნებლივ აღკვეთოს პროფესიული კავშირების საქმიანობის ხელის შეშლა და უზრუნველყოს დასაქმებულთა თანასწორი და თავისუფალი გაერთიანების შესაძლებლობა".</div> <div style="text-align: justify;"><a href="http://emc.org.ge/ka/products/emc-ekhmianeba-elmavalmshenebel-karkhanashi-mimdinare-kolektiur-shromit-davas" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ზუგდიდის რაიონულმა სასამართლომ ა(ა)იპ „მესტიის მუნიციპალიტეტის კულტურისა და ხელოვნების ცენტრიდან" გათავისუფლებული მანანა საღლიანის სამსახურში აღდგენის გადაწყვეტილება მიიღო.</div> <div style="text-align: justify;">სასამართლომ ბათილად ცნო მესტიის მუნიციპალიტეტის კულტურისა და ხელოვნების ცენტრის დირექტორის ბრძანება, მანანა საღლიანის სამსახურიდან გათავისუფლების შესახებ, მოპასუხეს დაავალა მოსარჩელის სამსახურში აღდგენა იგივე თანამდებობაზე და დააკისრა იძულებითი განაცდურის ანაზღაურება. მანანა საღლიანის ინტერესებს სასამართლოში „ადამიანის უფლებების სწავლების და მონიტორინგის ცენტრი" (EMC) წარმოადგენდა.</div> <div style="text-align: justify;"><a href="http://emc.org.ge/ka/products/kidev-erti-shromiti-dava-dasrulda-dasakmebulis-gamarjvebit" target="_blank" style="font-weight: bold;">სრულად</a> </div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ასოციაცია „ანიკას" ორგანიზებითა და „მსოფლიო ებრაელთა ფონდის" მხარდაჭერით, გაიმართა „შეზღუდული შესაძლებლობის მქონე პირთა მხარდაჭერითი დასაქმების პროგრამის" შუალედური პრეზენტაცია.</div> <div style="text-align: justify;"><span style="font-family: Sylfaen, serif; font-size: 11pt;">„</span>საჯარო და კერძო სექტორის წარმომადგენლებთან ერთად ვისაუბრეთ პროგრამის ფარგლებში მიღწეული შედეგებისა და გამოწვევების შესახებ. ასევე, დავსახეთ თანამშრომლობის სამომავლო გეგმებიც<span style="font-family: Calibri, sans-serif; font-size: 11pt;">".</span></div> <div style="text-align: justify;"><a href="http://www.facebook.com/AssociationAnika/photos/pcb.1572316089578749/1572306702913021/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> „საერთშორისო გამჭვირვალობა - საქართველო" (TI) „თიბისი ბანკთან" დაკავშირებით განვითარებული მოვლენების ქრონოლოგიას აქვეყნებს.</div> <div style="text-align: justify;">მასალა იწყება 2018 წლის 11 მაისით, როდესაც ბიძინა ივანიშვილი „ქართული ოცნება - დემოკრატიული საქართველოს" თავმჯდომარედ აირჩიეს, მოიცავს თანამდებობიდან გიორგი კვირიკაშვილის გადადგომის საკითხს, „თიბისისთან" დაკავშირებით მედიაში გავრცელებულ ინფორმაციებს, პროკურატურაში საქმის აღძვრას, ეროვნული ბანკისა და შემოსავლების სამსახურის მიერ განხორციელებულ შემოწმებებსა და სხვა.</div> <div style="text-align: justify;"><a href="http://www.transparency.ge/ge/blog/tibisi-bankis-dampuzneblebis-cinaagmdeg-dacqebuli-gamoziebis-istoria" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 26 თებერვალს, პარლამენტში დარგობრივი ეკონომიკისა და ეკონომიკური პოლიტიკის კომიტეტში სხდომის ჩაშლას „საერთაშორისო გამჭვირვალობა - საქართველო" (TI) აფასებს.</div> <div style="text-align: justify;">„სხდომას ესწრებოდნენ TBC ბანკის აქციონერები მამუკა ხაზარაძე და ბადრი ჯაფარიძე, რომელთაც არ მიეცათ შესაძლებლობა, საზოგადოებრივი ინტერესის მქონე ამ საქმეზე დამატებითი განმარტებები გაეკეთებინათ. საბოლოოდ, საზოგადოებამ ძირითადი აქტორებისგან ვერ მიიღო ინფორმაცია TBC ბანკის ირგვლივ განვითარებულ მოვლენებთან დაკავშირებით, რამაც, საქმის პოლიტიკურ მოტივაციებთან მიმართებაში, კიდევ უფრო მეტი კითხვის ნიშანი გააჩინა", - ვკითხულობთ TI-ის მიერ გავრცელებულ განცხადებაში.</div> <div style="text-align: justify;"><a href="http://www.transparency.ge/ge/post/tibisi-bankze-parlamentshi-chashlili-diskusia-sakitxis-politizirebis-echvebs-agrmavebs-0" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საზოგადოებრივი ორგანიზაციების ნაწილი, „თიბისი ბანკთან" დაკავშირებით განვითარებული მოვლენების გამო, განცხადებას ავრცელებს.</div> <div style="text-align: justify;">„ხელმომწერი ორგანიზაციები ვეხმაურებით ბოლო პერიოდში, სს „თიბისი ბანკის" გარშემო მიმდინარე მოვლენებს. საჯაროდ ხელმისაწვდომი ინფორმაციიდან გამომდინარე, მიგვაჩნია რომ, კერძო საკუთრების, განსაკუთრებით წარმატებული ფინანსური ორგანიზაციის წინააღმდეგ მიღებული ნაჩქარევი გადაწყვეტილებები კითხვის ნიშნებს აჩენს, რაც თავის მხრივ, საფრთხეს უქმნის ქვეყნის ეკონომიკურ განვითარებასა და ფინანსურ სტაბილურობას", - ვკითხულობთ განცხადებაში.</div> <div style="text-align: justify;"><a href="http://idfi.ge/ge/csos_call_for_higher_transparency_in_tbc_bank_case" target="_blank" style="font-weight: bold;">სრულად </a></div> <div style="text-align: justify;">წყარო: idfi.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>„თიბისი ბანკის" ირგვლივ განვითარებულ მოვლენებთან დაკავშირებით, „საერთაშორისო გამჭვირვალობა - საქართველო" (TI) განცხადებას ავრცელებს.</div> <div style="text-align: justify;">„თიბისი ბანკის" დამფუძნებლების მამუკა ხაზარაძის და ბადრი ჯაფარიძის წინააღმდეგ პროკურატურის მიერ 10 წლის წინანდელ საქმეზე დაწყებულმა გამოძიებამ, რომელიც ფულის გათეთრებისა და სხვა კანონსაწინააღმდეგო ქმედებებს ეხება და ამავე დროს, სოციალურ ქსელებში, სავარაუდოდ, მმართველ პარტიაზე მომუშავე პროპაგანდისტული გვერდების მხრიდან მათზე თავდასხმამ, საფუძველი დაუდო ლოგიკურ ვარაუდს, რომ მათ მიმართ გამოძიების დაწყებას სხვა მოტივი აქვს”, - ვკითხულობთ განცხადებაში.</div> <div style="text-align: justify;"><a href="http://www.transparency.ge/ge/blog/tibisi-bankis-dampuzneblebis-cinaagmdeg-dacqebuli-gamozieba-bevr-kitxvas-achens" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;">ევროკავშირის მხარდაჭერით, გაეროს სურსათისა და სოფლის მეურნეობის ორგანიზაცია (FAO), გარემოს დაცვისა და სოფლის მეურნეობის სამინისტროსთან ერთად, საქართველოში სასოფლო-სამეურნეო პროდუქტების ფასების მონიტორინგის სისტემას აუმჯობესებს. მონიტორინგის სისტემა საქართველოში 2015 წლიდან ჩამოყალიბდა სოფლის მეურნეობისა და სოფლის განვითარების ევროპის სამეზობლო პროგრამის (ENPARD) ფარგლებში.</div> <div style="text-align: justify;">სოფლის მეურნეობის პროდუქტების საბაზრო ფასების მონიტორინგი 100-ზე მეტ სასოფლო-სამეურნეო პროდუქტზე ქვეყნის მასშტაბით 59 მუნიციპალიტეტში ხორცილდება. გარემოს დაცვისა და სოფლის მეურნეობის სამინისტროს ფერმერთა საინფორმაციო-საკონსულტაციო სამსახურების თანამშრომლები სასოფლო-სამეურნეო პროდუქტებზე ფასებს ყოველკვირეულად აგროვებენ და სამინისტროს ცენტრალურ აპარატს აწვდიან, ამ ინფორმაციის შემდგომი დამუშავებისა და პოლიტიკის შემუშავებაში გამოყენების მიზნით.</div> <div style="text-align: justify;">ფასების მონიტორინგის პროცესის გაუმჯობესების მიზნით შეიქმნა ონლაინ აპლიკაცია, რომლის საშუალებითაც მონაცემთა შეგროვება ელექტრონულად, კომპიუტერული ტაბლეტების მეშვეობით ხორციელდება და მონიტორინგის დასრულებისთანავე, შეგროვებული და შეყვანილი ინფორმაცია სამინისტროს სერვერზე ავტომატურად იგზავნება. აღნიშნული საგრძნობლად ამარტივებს მონიტორინგის პროცესს და ამცირებს შეცდომის დაშვების შესაძლებლობას.</div> <div style="text-align: justify;"><a href="http://enpard.ge/ge/fao-da-evrokavshiri-saqarthveloshi-phasebis-monitoringis-sistemis-gaumjobesebas-khels-utsqhoben/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">მცხეთა.</span> „ადამიანი გაჭირვებაში" (PIN-ის) ორგანიზებით, მცხეთაში რეგიონალური შეხვედრა გაიმართა.</div> <div style="text-align: justify;">„შეხვედრის ძირითადი მიზანი იყო ხელი შეეწყო დიალოგისთვის ფერმერებს, ბიზნესს და სახელმწიფო სტრუქტურების წარმომადგენლებს შორის, რაც საქართველოში სოფლის მეურნეობის პოლიტიკის გაუმჯობესების ერთ-ერთი მნიშვნელოვანი წინაპირობაა. მონაწილეებმა იმსჯელეს ისეთ თემებზე როგორიცაა, ღრმა და ყოვლისმომცველი თავისუფალი სავაჭრო ხელშეკრულება, გამოწვევები და შესაძლებლობები მცირე ფერმერული მეურნეობების, სასოფლო სამეურნეო კოოპერატივების და მცირე და საშუალო ბიზნესისათვის", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.facebook.com/PeopleInNeedGeorgiaPIN/photos/pcb.1792778214161408/1792765504162679/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

თბილისი. საქართველოს სტრატეგიული კვლევებისა და განვითარების ცენტრის (CSRDG) ორგანიზებით, 21-22 იანვარს მოქმედი სოციალური საწარმოებისთვის გაიმართა საერთაშორისო ტრენინგი თემაზე „ფინანსური მენეჯმენტი სოციალური მეწარმეებისთვის სრულად... წყარო: ორგანიზაციის ვებგვერდი სოციალურ ქსელში

თბილისი. ასოციაცია „ანიკა" უკვე 20 წელზე მეტია ზრუნავს შეზღუდული შესაძლებლობების მქონე პირთა უფლებების დაცვაზე და ხელს უწყობს მათთვის თანაბარი შესაძლებლობებისა და პირობების შექმნას, რაც უზრუნველყოფს მათ ღირსეულ და დამოუკიდებელ ინტეგრაციას საზოგადოებაში. გაცნობებთ, რომ ასოციაცია „ანიკა", „მსოფლიო ებრაელთა ფონდის" მხარდაჭერით, ახორციელებს „შეზღუდული შესაძლებლობის მქონე პირთა მხარდაჭერითი დასაქმების პროგრამას", რომელიც მოიცავს, ერთი მხრივ, შეზღუდული შესაძლებლობის მქონე პირთა მხარდაჭერას სასურველი სამუშაოს ძიებაში, ხოლო, მეორე მხრივ, დამსაქმებლებისთვის კომპეტენტური კადრების შეთავაზებას. აღნიშნული პროგრამის ფარგლებში, ერთი წლის განმავლობაში სხვადასხვა პოზიციაზე დასაქმდა 35-მდე შშმ პირი. ასოციაცია თანამშრომლობს, როგორც კერძო, ასევე საჯარო სექტორის წარმომადგენლებთან. პროგრამით დაინტერესების შემთხვევაში,  გთხოვთ, შეავსეთ თანდართული სააპლიკაციო ფორმა... სრულად... წყარო: ორგანიზაციის ვებგვერდი სოციალურ ქსელში

თბილისი. გაინტერესებთ როგორია საქართველოში სამოქალაქო საზოგადოებისა და კორპორაციული სოციალური პასუხისმგებლობის (CSR) მიმართ საზოგადოებრივი განწყობები და ბიზნესის დამოკიდებულება? პროექტის „სამოქალაქო საზოგადოების განვითარების ინიციატივის“ ფარგლებში ჩატარდა კვლევები:  საქართველოს მოსახლეობის დამოკიდებულა სამოქალაქო საზოგადოების ორგანიზაციების, ევროინტეგრაციისა და ბიზნეს კომპანიების მიმართ“...  ბიზნესკომპანიები საქართველოში: დამოკიდებულება კორპორაციული სოციალური პასუხისმგებლობისა და სამოქალაქო საზოგადოების ორგანიზაციების მიმართ"...   პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი, ხოლო თანადამფინანსებელია კონრად ადენაუერის ფონდი.

თბილისი. კრეატიული განვითარების ცენტრი, საქართველოს ინოვაციებისა და ტექნოლოგიების სააგენტოსთან თანამშრომლობით ახორციელებს პროექტს მიკრო, მცირე და საშუალო ბიზნესის გაძლიერების მიზნით. „პროექტის ფარგლებში შეირჩევიან მეწარმეები საქართველოს 37 მუნიციპალიტეტიდან და მათთვის ჩატარდება ტრენინგები ელექტრონული კომერციის, სახელმწიფო სერვისების გამოყენებისა და ციფრული მარკეტინგის მიმართულებით. 2018 წლის დეკემბრიდან ყველა მუნიციპალიტეტში ტარდება საინფორმაციო შეხვედრები, სადაც დაინტერესებულ მხარეებს აქვთ შესაძლებლობა მიიღონ დეტალური ინფორმაცია პროექტის და საგანმანათლებლო მოდულის შესახებ. ტრენინგების პირველი ფაზა დაიწყება თებერვალში. პროექტში მონაწილეობა შეუძლიათ ჩამოთვლილი რეგიონების ყველა მუნიციპალიტეტში რეგისტრირებულ მეწარმეებს: მცხეთა-მთიანეთი, შიდა ქართლი, ქვემო ქართლი, სამცხე-ჯავახეთი, კახეთი, სამეგრელო", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „საქართველოს დემოკრატიული ინიციატივა" (GDI) საპენსიო სისტემაში მოქალაქეების იძულებით ჩართვის გაუქმებისა და საქმეზე გადაწყვეტილების მიღებამდე, მისი მოქმედების შეჩერების მოთხოვნით საქართველოს საკონსტიტუციო სასამართლოს სარჩელით მიმართავს. „GDI-ს მიაჩნიათ, რომ დაგროვებით საპენსიო სისტემაში სავალდებულოდ ჩართვა და საპენსიო ფონდში სავალდებულო შენატანის დაწესება გაუმართლებლად ზღუდავს დასაქმებულის საკუთრების უფლებას, ხოლო დამსაქმებლისთვის, საკუთრების ჩამორთმევას უტოლდება. ბიუჯეტიდან დასაქმებულის სასარგებლოდ საპენსიო ფონდში სახსრების მიმართვა კი, არ ეფუძნება თანასწორობის პრინციპსა და მოქალაქეთა ქონებრივი ნიშნით დისკრიმინაციას იწვევს", - აღნიშნულია GDI-ის მიერ გავრცელებულ განცხადებაში. სრულად... წყარო: ორგანიზაციის ვებგვერდი

<div style="text-align: justify;"><span style="font-weight: bold;">თბილისი.</span> ადამიანის უფლებების სწავლებისა და მონიტორინგის ცენტრი (EMC) ეკონომიკის მინისტრის განცხადებას ეხმაურება.</div> <div style="text-align: justify;">„არაერთი კვლევა თუ ანგარიში, რომელიც ქალთა ეკონომიკური აქტიურობისა და გაძლიერების საკითხებს იკვლევს, დასაქმების, სოციალურ, პოლიტიკურ თუ კულტურულ სფეროებში არსებულ სხვადასხვა სტრუქტურულ ბარიერებზე მიუთითებს. სტრუქტურულად დამაბრკოლებელ გარემოებებს შორის დასახელებულია ისეთი ფაქტორები, როგორებიცაა - საკანონმდებლო დონეზე არსებული ხარვეზები, სადაც შრომითი კანონმდებლობა არ არის მორგებული ქალთა საჭიროებებზე და მოქნილია დამსაქმებელთა მხრიდან დისკრიმინაციული გადაწყვეტილებების მიღებისთვის. ასევე სტრუქტურულ ფაქტორებს შორის უნდა იქნეს მოაზრებული ქალთა შორის ფინანსურ წყაროებზე და კაპიტალზე ხელმისაწვდომობის ნაკლებობა, ბავშვებზე ზრუნვისთვის არასათანადო ინსტიტუციური მოცემულობა, რაც მშობლებს ხელს უშლის სრული განაკვეთით დასაქმებაში, კულტურული თუ ტრადიციასთან დაკავშირებული წარმოდგენები ქალების როლის, მათი საზოგადოებრივი ფუნქციის შესახებ, ასევე ღრმად გამჯდარი წარმოდგენები ქალებისთვის „შესაფერისი" განათლების მიღების თუ დასაქმების ადგილების შესახებ, რომელიც შემდგომ სისტემურად განაპირობებს ქალთა დაბალ მატერიალურ შესაძლებლობას, მათ მაღალ მოწყვლადობას და საშინაო სფეროში სუბორდინაციის მაღალ შესაძლებლობებს", ნათქვამია ორგანიზაციის ვებგვერდზე.</div> <div style="text-align: justify;"><a href="http://emc.org.ge/ka/products/gamokhmaureba-ekonomikis-ministris-gantskhadebaze-diasakhlis-kalta-shromastan-dakavshirebit" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> ქალთა მოძრაობა ეკონომიკის მინისტრის განცხადებას - „არიან დიასახლისები, რომლებიც აცხადებენ, რომ ჩვენ მუშაობა არ გვინდა. მაგრამ აქ არის კიდევ სხვადასხვა კატეგორია ადამიანებისა, რომლებიც აცხადებენ, რომ ჩვენ საერთოდ მუშაობა არ გვინდა" პასუხობს.</div> <div style="text-align: justify;">„ფაქტია, რომ საქართველოში ქალების დიდი ნაწილი ანაზღაურებად შრომაში არ არის ჩაბმული, მაგრამ ამ რეალობის მიზეზი, ცხადია, სიზარმაცე არ გახლავთ; მიზეზები იმაზე მეტად კომპლექსური და მძიმეა, ვიდრე ეს ღატაკი ქვეყნის მინისტრს წარმოუდგენია.</div> <div style="text-align: justify;">უახლესი მონაცემებით, ქალები, რომლებსაც მინისტრის აზრით „მუშაობა არ უნდათ", კაცებთან შედარებით 3-ჯერ მეტ დროს უთმობენ არაანაზღაურებად საოჯახო საქმიანობას იმისდა მიუხედავად, დასაქმებულნი არიან თუ არა - საშუალოდ, ქალები საქართველოში კვირაში 45 საათს ხარჯავენ საოჯახო შრომაზე, რაც სრული განაკვეთით შრომის საათებს აღემატება. დასაქმებული ქალები, საშუალოდ, 42 საათს უთმობენ საოჯახო შრომას - რაც მიუთითებს, რომ ისინი ორმაგ შრომით ტვირთს ატარებენ. იმ ქალების 49%, რომელიც აცხადებს, რომ არ მუშაობს, ამის მიზეზად საოჯახო ვალდებულებებს ასახელებს", ნათქვამია განცხადებაში.</div> <div style="text-align: justify;">ქალთა მოძრაობა მოუწოდებს მინისტრს შეხვედრისკენ მოუწოდებს.</div> <div style="text-align: justify;"><a href="http://www.facebook.com/notes/%E1%83%A5%E1%83%90%E1%83%9A%E1%83%97%E1%83%90-%E1%83%9B%E1%83%9D%E1%83%AB%E1%83%A0%E1%83%90%E1%83%9D%E1%83%91%E1%83%90-georgian-womens-movement/%E1%83%A5%E1%83%90%E1%83%9A%E1%83%97%E1%83%90-%E1%83%9B%E1%83%9D%E1%83%AB%E1%83%A0%E1%83%90%E1%83%9D%E1%83%91%E1%83%98%E1%83%A1-%E1%83%9E%E1%83%90%E1%83%A1%E1%83%A3%E1%83%AE%E1%83%98-%E1%83%A6%E1%83%90%E1%83%A0%E1%83%98%E1%83%91%E1%83%98-%E1%83%A5%E1%83%95%E1%83%94%E1%83%A7%E1%83%9C%E1%83%98%E1%83%A1-%E1%83%94%E1%83%99%E1%83%9D%E1%83%9C%E1%83%9D%E1%83%9B%E1%83%98%E1%83%99%E1%83%98%E1%83%A1-%E1%83%9B%E1%83%98%E1%83%9C%E1%83%98%E1%83%A1%E1%83%A2%E1%83%A0%E1%83%A1/1894895217274910/?qid=6639250023425814234&mf_story_key=-6080079331571476832&__tn__=HH-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>