28 ნოემბერს, კონსულტაციის და ტრენინგის ცენტრში არამომგებიანი ორგანიზაციის მართვის სასწავლო პროგრამის ონლაინ და საკლასო კურსების დასრულების საზეიმო ცერემონია გაიმართა. „არამომგებიანი ორგანიზაციების მართვის სასწავლო პროგრამა უკვე მესამე წელია ტარდება კონსულტაციის და ტრენინგის ცენტრის მიერ აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. წელს პირველად აღნიშნული პროგრამის საკლასო კომპონენტი განხორციელდა ილიას სახელმწიფო უნივერსიტეტთან თანამშრომლობით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში  

იმერეთი. გენდერული ძალადობის წინააღმდეგ 16 დღიანი კამპანიის ფარგლებში, ქუთაისის ახალგაზრდული ცენტრის წევრებისთვის ორგანიზებული იქნა სემინარი თემაზე: „ოჯახში ძალადობა - სტერეოტიპები, პრევენცია და კანონმდებლობა". შეხვედრის მიზანი იყო მონაწილეთა ცნობიერების ამაღლება ოჯახში ძალადობის, ძალადობის სახეების, მსხვერპლის ემოციური მდგომარეობის, პროკურატურის მოწმისა და დაზარალებულის კორდინატორის სამსახურის, არსებული კანონმდებლობის (ახალი მუხლი - ადევნება) და ძალადობის პრევენციის საკითხებზე. სრულად... წყარო: ორგანიზაციის ვებგვერდი სოციალურ ქსელში

შიდა ქართლი. პროექტი „ევროპული კულტურის ნაკვალევზე" დაიწყო. „პროექტის ფარგლებში შიდა ქართლში გამყოფ ხაზთან მდებარე სოფლებში მცხოვრები ახალგაზრდები სასწავლო ვიზიტით თბილისს ეწვივნენ. ახალგაზრდებმა საქართველოს ეროვნული მუზეუმის დიმიტრი შევარდნაძის სახელობის ეროვნულ გალერეაში გამოფენები დაათვალიერეს. პროექტის მიზანია ახალგაზრდებში ქართული და ევროპული კულტურის პოპულარიზაცია”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ლიბერალიზმის სასწავლო ცენტრი აქვეყნებს მალხაზ სონღულაშვილის ვიდეო ლექციის ჩანაწერს: „ფობიები და საქართველოს ეროვნული ნარატივი". წყარო: ორგანიზაციის ვებგვერდი სოციალურ ქსელში

თბილისი. მაღალი იერარქიის სასულიერო პირების ვიზიტი ვაშინგტონში დაიწყო. „ვიზიტის პირველ დღეს დელეგაციის წევრებმა ღირშესანიშნაობები მოინახულეს. ეწვივნენ კაპიტოლიუმს, ვაშინგტონის მონუმენტს და ლინკოლნის მემორიალს. აშშ-ში ვიზიტი განვითარებისა და დემოკრატიის ცენტრის (CDD-ს) ინიციატივითა და ორგანიზებით, ნატოსა და ევროკავშირის შესახებ საინფორმაციო ცენტრის მხარდაჭერით 24 ნოემბერს დაიწყო და 29 ნოემბერის ჩათვლით გაგრძელდება. ვიზიტისას გაიმართება საერთაშორისო კონფერენცია და შეხვედრები როგორც სახელმწიფოს წარმომადგენლებთან, ისე სამოქალაქო სექტორთან", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. SUSI-ს გაცვლითი პროგრამების აპლიკანტთა საყურადღებოდ: 24 ნოემბერს, 16:30-დან 17:30 საათამდე გაიმართება კითხვა-პასუხის სესია აშშ-ის ინსტიტუტების შესწავლის ორი პროგრამის შესახებ: მკვლევართათვის... მასწავლებელთა ან ზოგად განათლებაზე მომუშავე პროფესიონალთათვის... აღნიშნულ დროს საელჩოს ფეისბუქის გვერდზე განთავსდება პოსტი, რომლის კომენტარებშიც თქვენს შეკითხვებს პროგრამის კოორდინატორები უპასუხებენ. წყარო: ორგანიზაციის ვებგვერდი სოციალურ ქსელში

გურია. 20 ნოემბერს, დაბა ნარუჯაში, ოზურგეთის ახალგაზრდული ცენტრის მიკროგრანტების პროექტის „ტოლერანტული გარემო" ფარგლებში ჩატარდა შეხვედრა თემის ახალგაზრდებთან ტოლერანტობის მნიშვნელობის შესახებ. შეხვედრაზე ყურადღება გამახვილდა თანასწორობის, ტოლერანტობის, შემწყნარებლობის საკითხებზე. სრულად... წყარო: ორგანიზაციის ვებგვერდი სოციალურ ქსელში

გურია. 20 ნოემბერს „ახალგაზრდა პედაგოგთა კავშირთან" არსებული ლიდერთა სკოლისა და ახალგაზრდული ცენტრის წევრებმა ბავშვთა ძალადობისგან დაცვის საერთაშორისო დღე აღნიშნეს. „მონაწილეებმა მოაწყეს უკვე ტრადიციად ქცეული მსვლელობა ქალაქის ცენტრალურ ნაწილში, სხვადასხვა ლოზუნგებით შეახსენეს საზოგადოებას ბავშვთა უფლებები და მოუწოდეს - „არა ძალადობას!" აქციის დასრულების შემდეგ, კაფე „რვას +1"-ში გაიმართა დისკუსია „ბავშვები ძალადობის გარეშე”. დისკუსიაზე ნაჩვენები იყო ნაწყვეტები მხატვრული ფილმიდან „მატილდა” (რეჟისორი დენი დევიტო - 1996 წელი), რომლის საფუძველზეც მოზარდებმა იმსჯელეს ოჯახსა და სკოლაში არსებული ძალადობის ფორმების, მისი გამომწვევი მიზეზებისა და პრევენციის შესახებ”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სახალხო დამცველის აპარატმა, ფინეთის საგარეო საქმეთა სამინისტროს ფინანსური მხარდაჭერით, ნოემბერში ახალი პროექტი აამუშავა. პროექტი მიზნად ისახავს სასმელ წყალსა და სანიტარიაზე ხელმისაწვდომობის უფლების განხორციელების მონიტორინგს და ამ კუთხით ცნობიერების ამაღლების კამპანიის წარმოებას მთელი ქვეყნის მასშტაბით. განსაკუთრებული ყურადღება დაეთმობა სასმელი წყლისა და სანიტარიის ხელმისაწვდომობის მდგომარეობას რეგიონების საგანმანათლებლო დაწესებულებებში. სრულად  წყარო: ორგანიზაციის ვებგვერდი

სამცხე-ჯავახეთი. ტოლერანტობის სამოქალაქო ცნობიერებისა და ინტეგრაციის მხარდაჭერის პროგრამის ფარგლებში, pita-ახალციხის, ახალქალაქის და ნინოწმინდის ახალგაზრდული ცენტრის წევრებისთვის, მორიგი, ტრენერთა ტრენინგი გაიმართა. TOT-ის თემა იყო: ადრეული ქორწინება და ქალთა მიმართ ძალადობა. „პროგრამის მომდევნო ეტაპზე, ახალგაზრდული ცენტრის წევრები, მიღებულ ცოდნას და გამოცდილებას, საკუთარი ქალაქების, თემებისა და სოფლების მოსახლეობას გააცნობენ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

იმერეთი. ქუთაისის ახალგაზრდული ცენტრის წევრებმა ქუთაისის 33-ე საჯარო სკოლაში ჩაატარეს თანატოლთა განათლების ტრენინგი გოგონათა განათლებაზე და ნაადრევ ქორწინებაზე. ტრენინგის მიზანი იყო მოსწავლეების ცნობიერების ამაღლება გენდერული თანასწორობის, გოგონათა განათლების, ნაადრევ ქორწინებასთან დაკავშირებული რისკების, პრობლემების და მისი პრევენციის საკითხებზე. სრულად... წყარო: ორგანიზაციის ვებგვერდი სოციალურ ქსელში

გურია. 15-16 ნოემბერს, ოზურგეთის ახალგაზრდული ცენტრის 4 მოხალისე მონაწილეობას იღებდა ტრენინგში „ადვოკატირება სოფლის განვითარებისთვის". „ტრენინგი მიზნად ისახავდა სოფლის განვითარებას ახალგაზრდების მონაწილეობის წახალისებით", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

გურია. 13 ნოემბერს, „ახალგაზრდა პედაგოგთა კაშირის", პროგრამის ფარგლებში, ნასაკირალის თემში, მშობლების მოსწავლეებისა და მასწავლებლების ჯგუფისთვის, მორიგი ტრენინგი გაიმართა თემაზე: „სტერეოტიპები და მისი გავლენა საზოგადოებაზე". „ტრენინგი მოიცავდა იმ თემებს, რომელზედაც არსებული სტერეოტიპები ხელს უშლის ინდივიდთა განვითარებას და მათში დემოკრატიული ღირებულებების განვითარებას", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. სახალხო დამცველის ადამიანის უფლებათა აკადემიის ორგანიზებით, საქართველოს სოციალური მომსახურების სააგენტოს 28 თანამშრომელს ჩაუტარდა სწავლება - „ბავშვის ჭეშმარიტი ინტერესების დაცვა მისი წარმომადგენლობის დროს სამართალწარმოების პროცესში". სამი დღის განმავლობაში, სოციალური სააგენტოს თანამშრომლები გაეცნენ გაეროს ბავშვის უფლებათა კონვენციის ძირითად პრინციპებს, კომიტეტის ზოგად კომენტარ N14-ს, რაც ბავშვის საუკეთესო ინტერესის განმარტებას გულისხმობს, არასრულწლოვანთა მართლმსაჯულების კოდექსს, საერთაშორისო ინსტრუმენტებს, მათ არსსა და მნიშვნელობას, გაეროს ბავშვის უფლებათა კომიტეტის ზოგად კომენტარ N10–ს, კანონთან კონფლიქტში მყოფ ბავშვთა საპროცესო უფლებებს, ბავშვის დაცვას ძალადობისგან, ბავშვის უფლებებს განქორწინების დროს და სხვა. სრულად  წყარო: ორგანიზაციის ვებგვერდი

თბილისი. 11-12 ნოემბერს, საერთო სასამართლოს მოსამართლეთათვის საკორპორაციო სამართალში სწავლება გაიმართა. „სწავლება იუსტიციის უმაღლესს სკოლაში ახლად დანერგილი სასწავლო კურსის ნაწილია და სამ ეტაპს მოიცავს. სასწავლო კურსი შემუშავდა და დაინერგა ევროკავშირის მიერ დაფინანსებული პროექტის „კერძო და ადმინისტრაციული სამართლის სისტემების განვითარების ხელშეწყობა საქართველოში" და USAID-ის მიერ დაფინანსებული პროექტის „კანონის უზენაესობის მხარდაჭერა საქართველოში" (PROLoG) მხარდაჭერით, რაც ასევე ითვალისწინებდა სასწავლო მოდულის შექმნასა და ტრენერების (მოსამართლეების) მომზადებას. სწავლება წარმართეს ტრენერთა ტრენინგში მონაწილე მოსამართლეებმა და ექსპერტმა, რომლებმაც მონაწილეობა მიიღეს სწავლების მოდულისა შემუშავებასა და კურსის დანერგვაში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 8 ნოემბერს ილიას სახელმწიფო უნივერსიტეტში არსებული თბილისის ახალგაზრდული ცენტრის ორგანიზებით, „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" (PITA) ფარგლებში, ჩატარდა ინტელექტუალური თამაში „რა? სად? როდის?" „თამაშში მონაწილეობა მიიღეს ილიას სახელმწიფო უნივერსიტეტის სტუდენტებმა. გამარჯვებული გუნდის თითოეულ წევრს გადაეცემა საჩუქრად წიგნები. ღონისძიება განხორციელდა საქართველოს გაეროს ასოციაციის მცირე გრანტების კონკურსით დაფინანსებული პროექტის ფარგლებში. პროექტის მიზანია წიგნიერების ხელშეწყობა და პოპულარიზაცია", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

შიდა ქართლი. გორელი ახალგაზრდებისაგან შემდგარმა საინიციატივო ჯგუფმა „ახალგაზრდა ფემინისტები" ადგილობრივი მუზეუმებისა და საარქივო ჩანაწერების დახმარებით შიდა ქართლსა და იმერეთში შეისწავლეს ქალთა წარსული საქმიანობა და ქართველი ფემინისტების ისტორიები. „მოკვლეული მასალის საფუძველზე შეიქმნა ბეჭდური დოკუმენტი და მხატვრულ-დოკუმენტური ფილმი, რომელიც რამდენიმე ქალის ისტორიას ასახავს. ფილმის პრეზენტაცია 8 ნოემბერს, პროექტის დასკვნით ღონისძიებაზე შედგა. ქალთა ფონდი უზრუნველყოფს ჯგუფის 2 წარმომადგენლის მონაწილეობას კიევის შეკრებაში, 2017 წლის 25 ნოემბერს", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ჟურნალისტური ეთიკის ქარტიისა და გაეროს ბავშვთა ფონდის წარმომადგენლებმა უმაღლესი სასწავლებლების იმ თანამშრომლებთან გამართეს შეხვედრა, რომლებიც სტუდენტებს ბავშვთა საკითხების გაშუქებას ასწავლიან. როგორც შეხვედრაში მონაწილეებმა აღნიშნეს, ჟურნალისტური ეთიკის ქარტიისა და გაეროს ბავშვთა ფონდის თანამშრომლობით შექმნილი მასალები და მონიტორინგის ანგარიშში მოხვედრილი კონკრეტული მაგალითები, სტუდენტებან მუშაობისას, მათ მნიშვნელოვნად ეხმარება. სრულად  წყარო: ორგანიზაციის ვებგვერდი

შიდა ქართლი. სამოქალაქო საზოგადების რეგიონული ქსელის და „სიდას” კამპანია „ევროპა სახლია”-ს ფარგლებში, მეგობრობის ხიდი „ქართლოსმა” ჩაატარა საინფორმაციო შეხვედრა თემებზე: უვიზო მომისვლა ევროკავშირში/შეენგენის სივრცეში, დეპორტაცია, გაძევება, თავშესაფრის ძიება. „კამპანიის ფარგლებში სტუდენტებს და მასწავლებლებს დაურიგდათ საინფორმაციო ბროშურები „რა უნდა ვიცოდეთ ევროკავშირის ქვეყნებში უვიზო მიმოსვლის შესახებ” და შესაძლებლობა ჰქონდათ ეხილათ ვიდეორგოლები უვიზო მიმოსვლის, არადოკუმენტირებული მიგრაციისა და რეინტეგრაციის თაობაზე”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. 8 ნოემბერს „თავისუფალ ჟურნალისტთა სახლის" ორგანიზებით, ქობულეთის მუნიციპალიტეტის სოფელ კვირიკეს №2 საჯარო სკოლაში ჩატარდა დისკუსია თემაზე „არჩევანის თავისუფლება". „ორგანიზაციის მოხალისე მარიეტა იობიძე მონაწილეებს ესაუბრა ამ თემის ირგვლივ არსებულ პრობლემებზე, გამოთქვეს მოსაზრებები და ისაუბრეს თავიანთ მაგალითებზე. დისკუსიის ბოლოს ნახეს მოკლემეტრაჟიანი ფილმები და პარალელი გაავლეს რეალობასთან", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოში პირველად საფეხმავლო გამყოლის პროფესიული სასწავლო პროგრამა შეიქმნა. „სათავგადასავლო ტურიზმის სკოლამ „ათასწლეულის გამოწვევის ფონდის" პროექტის „პროფესიული განათლება ეკონომიკის განვითარებისთვის" ფარგლებში საერთაშორისო ასოციაციებთან ითანამშრომლა და საერთაშორისო სტანდარტების სასწავლო პროგრამა შეიმუშავა. სკოლა თანამშრომლობს სამთო გამყოლთა ასოციაციების საერთაშორისო ფედერაციასთან (IFMGA/UIGAM/IVBV) და ანალოგიური პროფილის პროფესიულ საგანმანათლებლო ინსტიტუტებთან (მიუნხენის ტექნიკური უნივერსიტეტი - TUM, საფრანგეთის თხილამურების და ალპინიზმის ნაციონალური სკოლა - ENSA, და ა.შ.). სწავლების პროცესი წარიმართება პარტნიორი ორგანიზაციების ექსპერტების მონაწილეობი. პროექტის ფარგლებში სკოლა სწავლებისთვის საჭირო თანამედროვე ინვენტარით აღიჭურვა. საქართველოში ერთ-ერთ პოპულარულ და მოთხოვნად პროფესიაზე მსურველების მიღება უკვე დაწყებულია", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ათასწლეულის გამოწვევის ფონდის პროექტის „პროფესიული განათლება ეკონომიკის განვითარებისთვის" საგრანტო კონკურსის ფარგლებში, „სპექტრი" უახლესი სტანდარტების ლაბორატორიებით აღიჭურვა. „ელექტროობის, კონდიცირების, შედუღებისა და მიწისქვეშა კომუნიკაციების ლაბორატორიები პირველია საქართველოში და ამ სტანდარტებით სწავლება მხოლოდ „სპექტრში" იქნება შესაძლებელი", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში