თბილისი. სახალხო დამცველს თეატრალური უნივერსიტეტის მიერ აბიტურიენტებისთვის დაწესებული მოთხოვნა დისკრიმინაციულად მიაჩნია. მოთხოვნაში აღნიშულია, რომ აბიტურიენტს პროფესიასთან შეუთავსებელი ორგანული დეფექტი არ უნდა ჰქონდეს. „საქართველოს თეატრალური უნივერსიტეტის საკონკურსო მოთხოვნებში ზემოაღნიშნული ჩანაწერის ფორმულირება დამამცირებელი და შეურაცხმყოფელია შეზღუდული შესაძლებლობის მქონე და ასევე, იმ აბიტურიენტებისათვის, რომლებსაც ჯანმრთელობასთან დაკავშირებული პრობლემები აქვთ. მსგავსი ჩანაწერი არ არის გამართლებული რაიმე ლეგიტიმური მიზნით და აღნიშნულ ჯგუფებს გაუმართლებლად უზღუდავს მსახიობის პროფესიის დაუფლების შესაძლებლობას", ნათქვამია ორგანიზაციის ვებ-გვერდზე. სრულად... წყარო: www.ombudsman.ge

სამცხე-ჯავახეთი. თემატური სკოლის მონაწილემ ჩაატარა ტრენინგი თემაზე „ევროკავშირი და საქართველო" ახალქალაქის მუნიციპალიტეტის სოფელ არაგვაში. „ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) ფინანსური მხარდაჭერით", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 2017 წლის 19 ივნისს ბავშვთა და ახალგაზრდობის ეროვნულ ცენტრში ბავშვებისთვის გაიმართა სემინარი-დისკუსია – „არასრულწლოვანთა ინფორმირება მათი უფლებებისა და მართლმსაჯულების სისტემაში არსებული მექანიზმების შესახებ". შეხვედრის მიზანს წარმოადგენდა არასრულწლოვანთა ცოდნის გაზრდა, მათი უფლებებისა და მართლმსაჯულების სისტემაში არსებული დაცვის მექანიზმების შესახებ. სემინარი ჩაატარა ორგანიზაციამ "პარტნიორობა ადამიანის უფლებებისთვის”, გაეროს ბავშვთა ფონდის ხელშეწყობით და ევროკავშირის დაფინანსებით მიმდინარე პროექტის - „მართლმსაჯულების ხელმისაწვდომობის გაუმჯობესება და ბავშვზე მორგებული მართლმსაჯულების სისტემის განვითარება საქართველოში" ფარგლებში. პროექტი ითვალისწინებს ინტერაქტიული სემინარებისა და სამუშაო შეხვედრების მოწყობას ბავშვებისთვის თბილისსა და საქართველოს რეგიონებში: იმერეთში, კახეთში, გურიაში, მცხეთა-მთიანეთში, ქვემო ქართლში. სრულად წყარო: ორგანიზაციის ვებგვერდი

გურია. პროექტის - „თვითმმართველობის ეფექტურობის გაძლიერება მოსახლეობის ინფორმირების ახალი მეთოდების გამოყენებით" ფარგლებში, მორიგი შეხვედრები ჩოხატაურის მინიციპალიტეტის სოფლებში, ხევსა და ნაბეღლავში გაიმართა. პროგრამის მიზანია, სოფლის მოსახლეობამ ონლაინ რეჟიმში ადევნოს თვალი საკრებულოს სხდომებს და ჩაეთოს მასში. მოკლე ტექსტური შეტყობინებების პრინციპის დანერგვის მიზნით, პროექტის ფარგლებში, დაინტერესებულ მოსახლეობასთან მემორანდუმების გაფორმებაც გრძელდება. პროექტს - „თვითმმართველობის ეფექტურობის გაძლიერება მოსახლეობის ინფორმირების ახალი მეთოდების გამოყენებით" ოზურგეთის „ახალგაზრდა მეცნიერთა კლუბი" და გურიის ახალგაზრდული რესურსცენტრი UNDP-ის ფინანსური მხარდაჭერით ახორციელებენ. სრულად

კახეთი. 17 ივნისს ყვარელში, სოციალური მომსახურების სააგენტოსა და პოლიციის თანამშრომლებისათვის ჩატარდა ტრენინგი თემაზე "ბავშვთა დაცვის მიმართვიანობის (რეფერირების) პროცედურები". პროექტი „ოჯახში ძალადობის დასაძლევად საქართველოში" ხორციელდება ესტონეთის საელჩოს ფინანსური მხარდაჭერით, ა/ო „ძალადობისაგან დაცვის ეროვნულ ქსელთან", საქართველოს შინაგან საქმეთა სამინისტროსთან, შსს-ს აკადემიასა და სოციალური მომსახურების სააგენტოსთან თანამშრომლობით. სრულად წყარო: ქსელის ოფიციალური ფეისბუქგვერდი

სამცხე-ჯავახეთი. 17 ივნისს საქართველოს დემოკრატიული ინიციატივის წარმომადგენლებმა ახალციხის მუნიციპალიტეტის სოფლებში, აწყურსა და წყრუთში ადგილობრივი თემის წარმომადგენლებთან შეხვედრები გამართეს. შეხვედრების მიზანი იყო მოსახლეობისთვის სამართლებრივი კონსულტაციის გაწევა და ქალთა უფლებებისა და გენდერული თანასწორობის საკითხებზე ინფორმაციის მიწოდება. შეხვედრები გაიმართა პროექტის - „სამართალწარმოება თანასწორობისთვის" ფარგლებში, ააიპ „ჩართულობის და განვითარების ცენტრთან" პარტნიორობით, რომელსაც „საქართველოს დემოკრატიული ინიციატივა" East-West Management Institute , PROLoG, USAID – ის ფინანსური მხარდაჭერით ახორციელებს. პროექტი მიზნად ისახავს საქართველოში მცხოვრები რელიგიური და ეთნიკური უმცირესობების სამართლებრივი სტატუსის გაუმჯობესებას, ამ თემებში შემავალი ქალებისა და გოგონებისთვის მართლმსაჯულებაზე ხელმისაწვდომობის გაზრდას. სრულად წყარო: ორგანიზაციის ოფიციალური ფეისბუქგვერდი

კახეთი. გარემოსდაცვითი ინფორმაციისა და განათლების ცენტრის წარმომადგენლები იმყოფებოდნენ ლაგოდეხში მოწყობილ ეკობანაკში, სადაც მონაწილეებს ნარჩენების მართვის შესახებ ტრენინგი ჩაუტარდათ. ეკობანაკის მონაწილეებმა მოისმინეს ლექცია ნარჩენების მართვის თანამედროვე ტექნოლოგიების შესახებ, დაახარისხეს ნარჩენები, შექმნეს ხელნაკეთი ნივთები, დაამზადეს კომპოსტი, ასევე გამოითვალეს, თუ რა ნაკვალევს ტოვებენ დედამიწაზე თავიანთი ცხოვრების წესით. ტრენინგის მონაწილეებისთვის მოეწყო ფილმის ჩვენებაც. პროექტს სსიპ ბავშვთა და ახალგაზრდობის ეროვნული ცენტრი ახორციელებს. პროექტის მიზანი მოზარდებში ეკოლოგიისა და გარემოს დაცვის მნიშვნელობის შესახებ ცნობიერების ამაღლება და აღნიშნული თემებით დაინტერესებული ახალგაზრდების არაფორმალურ საგანმანათლებლო აქტივობებში ჩართვა და წახალისებაა. სრულად წყარო: ორგანიზაციის ოფიციალური ფეისბუქგვერდი

თბილისი. საიას იურიდიული განათლების ხელშეწყობის ფონდმა 2017 წლის 17 ივნისს საპარლამენტო დებატების ეროვნული ტურნირი გამართა. ტურნირში მონაწილეობა მიიღეს თბილისის, ქუთაისის ბათუმისა და ზუგდიდის გუნდებმა. 2017 წლის ეროვნული ტურნირის გამარჯვებული თბილისის გუნდები გახდნენ. ტურნირის მონაწილეები და გამარჯვებულები, სერთიფიკატებთან ერთად, იურიდიული განათლების ხელშეწყობის ფონდისა და GTZ-ის მიერ გამოცემული და ევროპის საბჭოს მიერ გამოყოფილი წიგნებით დაჯილდოვდნენ. სრულად წყარო: ორგანიზაციის ოფიციალური ფეისბუქგვერდი

იმერეთი. არასამთავრობო ორგანიზაციები იმერეთის მოსახლეობას ევროპულ ღირებულებებსა და საქართველოს ევროატლანტიკურ მომავალზე ესაუბრებიან. საერთაშორისო გამჭვირვალობა - საქართველოს, სამოქალაქო განვითარების სააგენტოს, მედიის განვითარების ფონდის წარმომადგენლები შეხვედრებს ატარებენ კამპანიის - #ძალაევროპაშია ფარგლებში, რომელიც EWMI ACCESS-ის მხარდაჭერით ხორციელდება. კამპანიის მიზანია საქართველოს ევროპული მომავლის მიმართ მოსახლეობის მხარდაჭერის გაზრდა. სრულად წყარო: EWMI Access ოფიციალური ფეისბუქგვერდი

აჭარა. 15 ივნისს, ბათუმში დაიწყო „ეთნიკური უმცირესობების საზოგადოებრივი ორგანიზაციების და სამოქალაქო აქტივისტების შესაძლებლობების გაძლიერების პროგრამის" განხორციელება. „პროგრამაში მონაწილეობს საქართველოს სხვადასხვა რეგიონის 31 წარმომადგენელი, რომლებიც წარმოადგენენ ეთნიკური უმცირესობების საზოგადოებრივ ორგანიზაციებს ან ორგანიზაციებს, რომლებიც აქტიურად მუშაობენ ეთნიკური უმცირესობებისათვის პრობლემატურ საკითხებზე. ტრენინგის მიზანია მონაწილეების ცოდნის ამაღლება და უნარების გაძლიერება შემდეგ თემებზე: მართვა და ეფექტური კომუნიკაცია; სტრატეგიული დაგეგმვა; საპროექტო განაცხადის შედგენა; სამოქალაქო ინტერესების დაცვა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდის სოციალურ ქსელში

აჭარა. 16 ივნისს, ახალგაზრდებმა ნიკა დიდმანიძემ და ია ბროლაძემ, ხელვაჩაურის N1 და ზემო ახალშენის საჯარო სკოლებში ჩაატარეს ტრენინგი თემაზე „ადრეული ქორწინების უარყოფითი მხარეები". შეხვედრას სულ 30 მოზარდი ესწრებოდა. ტრენინგების ჩატარება დაგეგმილია კიდევ ორ საჯარო სკოლაში. ამ ეტაპზე, მიმდინარეობს ხელვაჩაურის ახალგაზრდობის ცენტრის პროექტის „ახალგაზრდები თემის განვითარებისთვის" ფარგლებში, ახალგაზრდების მიერ წარმოდგენილი პროექტების განხორციელება.

სამეგრელო. 15 ივნისს, ზუგდიდის დემოკრატიული ჩართულობის ცენტრში გაიმართა საინფორმაციო შეხვედრა და დისკუსია თემაზე: „სახელმწიფოს მართვის ფორმები და კონსტიტუცია. „შეხვედრის მიზანი იყო ახალგაზრდების ინფორმირება და ცნობიერების სახელმწიფოს მართვის სისტემებთან და კონსტიტუციურ ღირებულებებთან დაკავშირებით. ახალგაზრდებმა სხვადასხვა ინტერაქტიული სავარჯიშოების და ვიდეო მასალის მეშვეობით იმსჯელეს ისეთ საკითხებზე, როგორებიცაა: თანამედროვე საზოგადოება და მისი ღირებულებები; სახელმწიფო ხელისუფლება და კანონი; ხელისუფლება, მისი მიზანი და საჭიროებები; კონსტიტუციის, როგორც აბსოლუტური მონარქიის შემზღუდველი და ხელისუფლების შესაძლო ტირანიისგან დაცვის გარანტი; დემოკრატიული მმართველობის დადებითი მხარეები და გამოწვევები", ნათქვამია დემოკრატიული ჩართულობის ცენტრის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდის სოციალურ ქსელში

შიდა ქართლი. მორიგი ღონისძიება ბავშვებისთვის - "მოდი ვითამაშოთ ერთად", მაკ-მა და მშვიდობის კორპუსის მოხალისეებმა ხაშურში ჩაატარეს. ღონისძიების წესების თანახმად, 70-ზე მეტმა ყველანაირი შესაძლებლობის მქონე ადამიანი სხვადასხვა ფერის ჯგუფად დაიყო და სხვადასხვა გასართობ აქტივობაში ჩაერთო. კარაოკეს, ცეკვის, ფრისბის, ბადმინტონისა და სხვა თამაშების მთავარი მიზანი არა მოგება, არამედ გართობა და ერთად ყოფნის ბედნიერების გათავისება იყო. "მოდი ვითამაშოთ ერთად" ადამიანებში მიმღებლობისა და გაგების დონის გაზრდისთვის მუშაობს. სრულად წყარო: ორგანიზაციის ოფიციალური ფეისბუქგვერდი

ოზურგეთი. ოზურგეთის დემოკრატიული ჩართულობის ცენტრში ახალგაზრდებისთვის ღონისძიების დაგეგმვისა და მართვის მასტერკლასები გაიმართა. მასტერკლასების მიზანი იყო ახალგაზრდების გააქტიურება, თემებში სხვადასხვა ღონისძიებების სწორად დაგეგმვის მიზნით, რაც, შემდგომ, საზოგადოებრივ ცხოვრებაში მათ ჩართვას შეუწყობს ხელს. სრულად წყარო: ორგანიზაციის ოფიციალური ფეისბუქგვერდი

აჭარა. ტრენინგი - „СV-სა და სამოტივაციო წერილის შედგენა" ეკოლოგიური და შრომითი მიგრანტებისთვის გრძელდება. შეხვედრა ჩატარდა ახალგაზრდა მეცნიერთა კავშირი „ინტელექტის" პროექტის „მიგრანტთა მდგომარეობის გაუმჯობესება აჭარის რეგიონში" ფარგლებში. ტრენინგს ესწრებოდნენ პროფესიული მომზადება/გადამზადების კომპონენტში ჩართული ბენეფიციარები. სრულად... წყარო: ორგანიზაციის ვებ-გვერდი სოციალურ ქსელში

აჭარა. შეზღუდული შესაძლებლობის მქონე პირთა უფლებების დაცვის დღესთან დაკავშირებით, 14 ივნისს, ბათუმის დემოკრატიული ჩართულობის ცენტრში დისკუსია გაიმართა. შეხვედრაში მონაწილეობდნენ: შშმ პირები და მათი მშობლები, სახალხო დამცველის აპარატის, ადგილობრივი თვითმმართველობის, მთავრობის, არასამთავრობო ორგანიზაციისა და მედიის წარმომადგენლები. დისკუსიაზე განხილული იქნა ჯანდაცვის, დასაქმების, განათლების ხელმისაწვდომობისა და ხარისხის, ინკლუზიური გარემოსა და ინფრასტრუქტურის, შეზღუდული შესაძლებლობის მქონე პირების თვითრეალიზაციასა და დასაქმების საკითხები. სრულად წყარო: ორგანიზაციის ოფიციალური ფეისბუქგვერდი

შიდა ქართლი. საზოგადოება „ბილიკმა" შიდა ქართლის რეგიონის 37 სკოლასთან 3 წლიანი მუშაობის შედეგები შეაჯამა. „პროგრამის დახურვის ღონისძიებაზე მოსწავლეებმა იმ საქმიანობის პრეზენტაციები წარმოადგინეს, რომელიც საკუთარ თემსა თუ სკოლაში განახორციელეს. თითოეული მათგანი თავის გამოსვლაში განმარტავდა, რომ პროგრამამ „მომავლის თაობა” ისინი უფრო მეტად მოტივირებულები, აქტიურები და მიზანდასახულები გახადა. პედაგოგთა შეფასებით, მოზარდებს პროგრამაში ჩართულობით კრიტიკული აზროვნება ჩამოუყალიბდათ და სასიკეთო ცვლილებების განხორციელების ინიციატორები გახდნენ", ნათქვამია ორგანიზაციის ვებ-გვერდზე. სრულად... წყარო: wwwmediagroup.wordpress.com

შიდა ქართლი. შეზღუდული შესაძლებლობების მქონე პირთა უფლებების დაცვის დღე, 14 ივნისი, „კეთილდღეობის და განვითარების ცენტრთან" არსებულმა გორის სამოქალაქო აქტივიზმის ცენტრის მოხალისეებმა გორის N3 საბავშო ბაღის აღსაზრდელებთან ერთად აღნიშნეს. ღონისძიება მიზანად ისახავდა შეზღუდული შესაძლებლობების მქონე ადამიანების სოციალური იზოლაციის დაძლევას, საზოგადოებაში მათ მიმართ არსებული ნეგატიური სტერეოტიპების რღვევასა და მათი რეალური შესაძლებლობების წარმოჩენას. აქტივობა ორგანიზებულ იქნა "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" [PITA] ფარგლებში, რომელიც საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით ხორციელდება. სრულად წყარო: ორგანიზაციის ოფიციალური ფეისბუქგვერდი

თბილისი. CENN-მა ახალ ინიციატივას ჩაუყარა საფუძველი და, საქართველოს მასშტაბით, ახალგაზრდებისთვის, სკოლებსა და ბიბლიოთეკებში, ათამდე ეკო ჰაბს გახსნის. ბოლნისის, თელავისა და ბათუმის შემდეგ, ეკო ჰაბი ტყიბულის მოსწავლე ახალგაზრდობის ცენტრშიც გაიხსნება, რომელიც CENN-ისა და ტყიბულის „საქნახშირის" ერთობლივი ძალისხმევით მოეწყობა. საქართველოს რეგიონებში ახალგაზრდებისთვის „ეკო ჰაბების" არსებობა ხელს შეუწყობს მოსწავლეების გარემოსდაცვითი ცნობიერების ამაღლებას, მათ ჩართვას პრობლემების აღმოფხვრაში და სოფლად მდგრადი განვითარების პრინციპების დანერგვაში. ტყიბულის „ეკო ჰაბის" ოფიციალური გახსნა 2017 წლის სექტემბერში იგეგმება. ინიციატივა ხორციელდება CENN-ის პროექტის - „ტყის მდგრადი მართვა საქართველოში" ფარგლებში, რომელიც ავსტრიის თანამშრომლობა განვითარებისათვის (ADC) ფინანსური მხარდაჭერით ხორციელდება. სრულად წყარო: http://environment.cenn.org/ge

თბილისი. 14 ივნისს, პროექტის „ევროპული მასწავლებელი" სლოვაკეთში სასწავლო ვიზიტის მონაწილე პედაგოგებთან შეხვედრა და სერთიფიკატების გადაცემა გაიმართა. „21-25 მაისს სახელმწიფო პროფესიული სასწავლებლების პედაგოგები სლოვაკეთის რესპუბლიკაში სასწავლო ვიზიტით გაემგზავრნენ. სასწავლო ვიზიტი პროექტის „ევროპელი მასწავლებელი" ფარგლებში განხორციელდა, რომლის მიზანიცაა პროფესიული განათლების განვითარება საქართველოში, სლოვაკეთის, როგორც ევროკავშირის წევრი ქვეყნების ცოდნისა და გამოცდილების გათვალისწინება პროფესიულ განათლებაში, ევროკავშირის შესახებ ცნობიერების ამაღლება და ევროპული ღირებულებების პოპულარიზაცია", ნათქვამია ნატოსა და ევროკავშირის შესახებ საინფორმაციო ცენტრის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

გურია. პროექტის - „თვითმმართველობის ეფექტურობის გაძლიერება მოსახლეობის ინფორმირების ახალი მეთოდების გამოყენებით" ფარგლებში, მორიგი შეხვედრები ჩოხატაურის მინიციპალიტეტის სოფლებში, ამაღლებასა და გოგოლესუბანში გაიმართა. პროგრამის მიზანია, სოფლის მოსახლეობამ ონლაინ რეჟიმში ადევნოს თვალი საკრებულოს სხდომებს და ჩაეთოს მასში. მოკლე ტექსტური შეტყობინებების პრინციპის დანერგვის მიზნით, პროექტის ფარგლებში, დაინტერესებულ მოსახლეობასთან მემორანდუმების გაფორმებაც გრძელდება. ეს გაზრდის მოქალაქეთა ჩართულობას გადაწყვეტილების მიღების პროცესში და ხელს შეუწყობს საკრებულოს მუშაობის კიდევ უფრო ეფექტურობასა და გამჭვირვალობას. პროექტს - „თვითმმართველობის ეფექტურობის გაძლიერება მოსახლეობის ინფორმირების ახალი მეთოდების გამოყენებით" ოზურგეთის ,,ახალგაზრდა მეცნიერთა კლუბი" და გურიის ახალგაზრდული რესურსცენტრი UNDP-ის ფინანსური მხარდაჭერით ახორციელებენ. სრულად წყარო: ფეისბუქგვერდი

აჭარა. ახალგაზრდული ცენტრების რეგიონთაშორისი გაცვლითი პროგრამის ფარგლებში, ბათუმის ახალგაზრდულ ცენტრში ბათუმისა და ქუთაისის ახალგაზრდული ცენტრების სამდღიანი შეხევდრა გაიმართა. პროგრამის მიზანია ახალგაზრდული ცენტრების დაახლოება, ბათუმში მცხოვრები ახალგაზრდებისთვის სამოქალაქო ცნობიერების ამაღლება ლიდერობისა და გუნდური მუშაობის, ეფექტური კომუნიკაცისა და კონფლიქტების მართვის კუთხით. რეგიონთაშორისი გაცვლითი პროგრამა ორგანიზებულია ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელსაც საქართველოს გაეროს ასოციაცია (UNAG) აშშ-ს საერთაშორისო განვითარების სააგენტოს (USAID) ფინანსური მხარდაჭერით ახორციელებს. პროგრამის პარტნიორია განათლების განვითარების და დასაქმების ცენტრი (KEDEC). სრულად წყარო: განათლების განვითარების და დასაქმების ცენტრის ოფიციალური ფეისბუქგვერდი